لكل شخص حكايه
حلقة 52
كاتبة:-كادي إبراهيم
___________________
يوسف بحت بحاده: امتى كلام هضا؟؟
نجمه: ليوم
يوسف زاد شك بدأت ماحكتش معاه يوم بكل
يوسف: بلا كلام فاضي لا ولد مزدنه لا نمي عاد
امير تكلم ببرود: وانت شن دخلك
يوسف:فوت امي زف انت نمشي نشوف ياسين
نجمه ابتسمت: باهي ف هل ليل
يوسف: خطوه حوشه نطمن عليه
نجمه: بعد تروح تلقني هنا نبيك ف موضوع
يوسف: باهي
وطلع يوسف وطربق باب
صباح : يمي امتى صار وامتى وافقت كنها ماقلتلي بسم الله
نجمه: مافيش منه كلام هضا ياهبله غير نبي نشوف رد فعله هل فرخ انا نوران عجبتني ونبيها كنتي وردت فعله حسيت في امل ف موضوع
صباح فتحت عيونها : يمي وووه هههههههه
امير: اووه خطيره ياحاجه ماتوقعتش اديري هك بكل😂😂😂نحسبه جديات
نجمه اضحكت: وانت الله يربحك حرقت دمه اكدتلي الموضوع
امير: شفتي امي يما يطلع منها
صباح : بكككل . ماتهربش انت من موضوع من من هذينا
امير: صاحبتي انتِ شن دخلك😂؟
صباح: وووه وووه لا حشمه لا جعره عليك جيل
امير ضحك: تم تم ياجدتي
..
ياسين جاته نفس الضيقه وفكره انتحر بس مره هذي زادت وبقوه
ياسين:دموعه ينزلن بغزاره
فتح درج لحده لي عنده فيه وطلع لسلاح سحبه وحطه ع راسه هو دموع ينزلن بغزاره كان هضا افضل حل بالنسبه له خير مليون مره من ليشوف فيه
يسرى خشت عليه لابسه ملايه الصلاه وانصدمت
يسرى: قدمت شوره .. ياسين شن ادير فيه هضا
ياسين: اطلعي يسرى را نقتلك
يسرى: قربت منه آخر .. ياسين نزله من راسك
ياسين: بعيط ... معاش تقربي منييييي
يسرى: ياسين نزله بس حنطلع ونمشي لهلي نزله وتعوذ من شيطان
ياسين: يسسسسسرى تطلعي را نطلق في رأسك
يسرى: بعيط ..يوووووسف تعالل
يوسف كان يسلح ف كويشه لوطه وانصدم من صوت يسرى العالي ونبره مليانه رجفه وخوف ومشى يجري بخطوات سريعه وركب الدروج وخش دار يجري ولقى ياسين حط يده ع زاند وبيضرب بخطوات سريعه كر منه سلاح وانطلقت الرصاصه فِ صقف !
يسرى تبحت في صقف بصدمه تشوف لرصاصه لممكن توا كانت ف راس زوجها انهارت بكاء
يوسف تنهد وحط يديه ع ركبيه ويتنفس بقوه من هول الصدمه
ياسين: تريحتي توا شن يدير يوسف عندنا اها؟؟؟ شن يدير ف حوش ونا قاعد فوق مشلول مانعلم بشي شنو كنتو اديرو لوطه؟؟؟ انا راقد ع وذني
يسرى ويوسف يبحتو ل بعض بصدمه من كلام ياسين الصادم
يوسف: يسرى انزلي
يسرى تشهق وتبكي ونزلت
يوسف: بحت في ياسين بحاده ..عارف حجم كلام لدويته توا انت ولا تخرط وخلاص شنو دوه لتحكي فيها انت انكلبت ولا ايش؟؟؟
ياسين عرق يصب من جبينه يحول يصبي مش قادر: انكلبت اها شنو تفسرلي لصار توا
يوسف: يحول يكون هادي..انت شنو تفسرلي فكره انتحار هذي وكلامك هضا
ياسين:كلشي واضح اصلا كلمتك يسرى جيت تجري وعلاش كانت لوطه اساسا ليش ماركبت طول
يوسف: كانت نسلح ف كويشي وقلت يسرى شوفي ياسين كان راقد نروح جاي نشوفك ونا نسلح سمعتها تعيطلي جيتك نجري
ياسين: مفروض نصدق
يوسف: سلاح في يده..راني ماسك اعصابي ياسين افطن لروحك لكلامك طعنت ف شرفي وشرف مراتك توا كلام مش ساهل لدويته
ياسين: لأنها وسخه وخاينه وانت***
يوسف: بعيط ... ياسيننن افطن روحك مراتك يسرى را صحصح شويه شن واخد انت كنك منكلب
ياسين:بصوته العالي.. هي روح من حوش وجك معاش نشوفه هنا مستغلين قاعدتي في فرش
يوسف: وطي صوتك را نكسرلك فمك يسمعوك الجيران
فجأه عصبيه ياسين وكلامه السيء انقلب لبكاء
يوسف انصدمت وقعمز احده : ياسين كنك خلاص لصار صار عارفينك من عصبيه وضغط نفسي تحكي وخلاص
ياسين يبكي بقهر
يوسف حضنه هو مستغرب اول مره يشوف خوه ياسين بمنظر هضا ياسين دايما ضحكته من وذان لي واذن
ياسين: تعبان انا يايوسف مش كويس مخنوق محد حس بيا ضيقه لتجيني تخلي تتمنى الموت مااطوله
يوسف: لا حول ولا قوه الا بالله !
ياسين مسح دموعه وبحت فيه
ياسين: سيبني مع روحي شويه
يوسف: را ادير شي في روحك ياسين
ياسين : خليني بس مع نفسي وروح
يوسف: وليه حصلت فجعه
ياسين: معاش تجيبلي سيرتها
يوسف: حط في جيبه سلاح وصكر باب دار ونزل
يسرى : يوسف خليك مع خوك انا بنكلم خويا يجيني
يوسف: من جدك يسرى .. معقوله ماتصبريش عشانه شويه هو يمر بظروف صعبة انتِ مفروض معاه في مره قبل الحلوه
يسرى: وضع يايوسف معاش يطق بككل حوش قاعد غمه وكله سلبيات عرايك هو مش طايق حتى صوتي
يوسف: لا حول ولا قوه الا بالله ... اسمعيني بس اصبري خليه هل يومين بس توا يتحسن را صارله مش شويه
يسرى: تمام
يوسف: تم اي شي رني عليا افطني ل ياسين بالله
يسرى: حاضر خديته لسلاح
يوسف: في جيبي
يسرى : تمام
وطلع يوسف ويسرى رنت ع اختها لقاتها مشغول
//
وفاء: قصدي سحر هضا ولا اميه
.. : راجي بس واكبر دليل حيجي خبر وفاة الزوج الزوج مش حيطول
وفاء : ماظني جوهم لوز لوز واخد فلوس وخلاص صوبه
...: توا تشوفي صوبه شن!
وفاء: توا نشوفو شن ورنا نحنا 😒 صكري صكر يسرى خشت انتظار
وصكرت ورنت ع يسرى
يسرى هي تبكي: وفاء
وفاء: كنك كنك شنفي ؟؟ يسرى ردي عليا
يسرى: قريب تعوزت فيه ياوفاء ينعلي ياوفاء مش عارفه شنو صايرلنا حوش مش طبيعي وضع بيناتنا مش تمام بككل
وفاء: كيف تعوزتي فيه ايش صار بسم الله؟؟
يسرى: جا سلفي يوسف يبي يشوف ياسين قلتلها توا نركب نشوفه لك واعي ولا راقد وركبت ياوفاء نشوف منظر الله لايروعك الحمدالله ربي سلم لقيت ياسين حط مسدس على راسه
وفاء شهقت: حي ايش صار بعدها هو كويس
يسرى تحكي ودموعها شلال: عيطت لسلفي ركب يجري ورصاص جات ف ساس لعند توا مصدومه نحس في روحي بطيح من طولي
وفاء: بسم الله ياقلبي عين وخشت فيكم ينعلي ياخيتي عليك رعشه نجيك؟
يسرى: لالا ليل توا ماتفجعيش راجلك أمور تمام حتى كانت بنكلم يونس يجي ياخدني معاش نتحمل العشيه هذي بككل تعبت وياسين معاش طيقني تغير 180%
وفاء: صادقه صادقه تي وحده تتحمل راجلها يقعد مش متحمل حتى نفسها لقانها واعره .. كنك مامشيتي
يسرى: قنعني سلفي ياسين صح يمر بظروف توا نتحمله
وفاء: ريت ريت هل ظروف هو حادث مندرعنه كنه بالكي شيفله شي شوفه
يسرى: يا وفاء نقولك راجل يبي ينتحر تقوليها شيفله م شيفله
وفاء : لا حول ولا قوه الا بالله ان شاء الله خير وانتِ را خطر عليك تقعدي معاه را
يسرى: ان شاء الله خير صكري توا بناخد نفسي ونستوعب لصار
وفاء: تمام اوك
وصكرت الخط وهي فرحانه أمور قاعدت تمشي كيف ماهي مخططتله بالزبط! بس نكد عليها تصرف يوسف خرب باقي الخطه
وفاء: عطك دعوه هل يوسف ناقصني غير انتَ تزقبلي بس اهم شي مش طايقين بعض😂
نبيل : ينشف في وجه من ماء الوضوء.. وفاء كنك تحكي بروحك بسم الله
وفاء: نضت بخطوات سريعه هي رايقه وباسته ع خده .. تبي حاجه يعيوني
نبيل: هو مستغرب فيها.. شن فيه كنك
وفاء : شي
نبيل: نبي سلامتك بنخش نصلي قيام الليل نقرا شويه قران تجي معايا خيرلك من هل نت ع24 عليه
وفاء: لالا ربي يتقبل منك أن شاء الله
نبيل يمشي ع لحيته طويله بحكم انه متدين .. انا مش متريحلك يستر الله منك
وفاء: شن قصدك
نبيل: شي ستر الله بس
وخش لغرفته بيش يصلي .
//
يوسف يسوق في سياره وهو يرن هل نوران نوران كانت في موضع مش تمام ومتنرفزه مافطنتش لتلفون اصلاً
يوسف: يخبط ع دومان ..تي هذي شكلها وافقت جديات تي شن انا عيل صغير تلعب بيا ولا ايش
يوسف: والله نسود ليلتك توافق ع دكتور عجبها عاد هي دكتوره جاها من غادي
يمسح ع وجه بعصبيه درس سيارته ونزل
كان بيمشي لشقته اذكر امه تبيه واتجاه شور حوشهم
يوسف: خير
نجمه: بسم الله كنك وجك اصفر
يوسف: لا مافيش شي
نجمه: شنفيك تقول محصل فجعه ياوليدي كنك
يوسف: قعمز جانبها .. مافيش .. كنك يمي بدري تبيني فموضوع خير ان شاء الله
نجمه: نوران بنت عمك
يوسف: يهههه ليله ليلة نوران شكلها كنها
نجمه : كنك مضايق
يوسف: لا جوي لوز
نجمه: را نوران لا وافقت لاشي
يوسف: عقد حواجبه باستغراب
نجمه: انا حبيت نشوف رد فعلك ورد فعلك فهمني ايش فيه ويوسف را مش حتحصل خير من بنت عمك نوران وانا بنت عجبتني توكل على الله يوسف
يوسف: امي مش من جدك قصدك مازالتي تفكري في موضوع
نجمه: توا بتقولي صكري ع موضوع
يوسف: ناض هو فرحان انه هضا كله طلع من امه مافيش منه.. اصبري بس وان شاء الله خير
نجمه: والله فوتها هيفاء ياوليدي ومراه تنسي مراه وانا بتشوف عيالك ونفرح بيك را عمر يجري ياوليدي انا نبي نتريح عليك مافيش خير من الجواز واستقرار
يوسف: اقريب ان شاء الله
نجمه فرحت وابتسمت كانت رد فعله ايجابيه لي اول مره
نجمه: خلاص موضوع بين اياديك وان شاء الله خير ع اقل انديرو خطبه
يوسف: خليني توا نتفاهمو مع بعضنا وكان صار كله مع بعضه مانبيش خطبه طويله وسريبات هذينا
نجمه بطير من فرحه: ينعلي هل نهار عليه اندور هل نهار سعيد ومنور الله يفتحها في وجك يفرحك كي مافرحتني
يوسف: تم ليلتك سعيده
نجمه: ابتسمت ل ولدها
يوسف هو يمشي طلع تلفون يرن رقم نوران لي مش مسجله اصلاً ورد
نوران: ايوه يوسف لقيتك رن عليا مافطنتش ل تلفون بككل
يوسف: بينه وبين نفسه .. بالي مافطنتي كانت حتصير مشكله بدون سبب وتكلم بصوته الرجولي الهادي
يوسف: اها بنسال عليك كانت
نوران باستغراب: كويسه الحمدالله
يوسف يفتح في باب شقته: باهي
نوران: راقد في شقتك
يوسف: اها
نوران: عليش ترقد فيها
يوسف : راحتي هنا
نوران: اها
يوسف: بنخش ندوش ونرقد تعبان
نوران: نفسجو حتنا بنرقد تصبح على خير
يوسف : وانتِ من اهل الخير
وصكرو
نوران مازالت متنرفزه من اسيل وتصرفها الغلط في غلط.
يوسف سلح تشرته وحط سلاح ع طوله وخش يدوش ويعتبر يوسف اكثر مكان يحب يفكر في هو تحت الدوش
فكان يفكر ويقلب في افكار في راسه هل خطوات ل يبي يديرهن في حياته حيصلحن حياته ولا يزيد يخربها!
هل مره هذي حياه حتضحكله وقدر مايكون عنده رأي ثاني؟
وتغير تفكيره من حياته إلى ياسين ولي قاعد يصير معاه!
//
أمير : تي رحمه نسيتها بككل بنت صكرت في وجها
رن ع رحمه عطول رحمه ردت بروحها البريئه طفوليه لبدت تحب وتخش في عذاب الحُب
رحمه: ايوه
امير: رحمه اسمحيلي والله كانت
رحمه قطعته بصوتها الزعلان: مش داعي تقولي ف اخير بككل انت مش ملزوم تحكي معايا24 ساعه
امير: ينعليا زعلتي 😂
رحمه: نحكي جد ياامير وهي تصبح على خير
امير: كنك
رحمه: ماكني شي هي مع سلامه
امير: به بجوك
وصكرو وأمير يتفرج ع هدايا لجايته من أكثر شخص يحبه في هل كون❤ .
مش مهم رحمه عنده خلاص كان فرحان ب اسيل 😔
رحمه رفعت شعرها وطلعت عطت دواء لباتها وردت تبي ترقد بس كانت مضايقه وتحس انه حيعود عليها !
عليش بيعود عليك يرحمه?
//
قصي خش لفيلاته لانه كان يدخن برا وممنوع دخان ع جمانه
خش لداره
قصي: باسها وبعد شعرها طايح ع عيونها..جمانتي رقدتي❤
جمانه:فتحت عيونها بعصبيه.. شوف تلفونك رن مرتين ابدري
قصي: باستغراب ..من يرن في وقت هضا
جمانه: صفيه🙂
قصي:توتر.. تي صفيه شن تهلوسي انتِ
جمانه : شوف بروحك شن تبي من واحد متجوز ف نص اليل
قصي: شاف تلفون وتعصب وخبط الباب وطلع برا
جمانه : تاخد في نفس..يستر الله انا شكلها اميه تجري من تحتي بس حنكون هاديه حنكون هاديه عصبيه ماتمشيش مع قصي حنكون هاديه
قصي عود ع صفيه
قصي : مش عارفه اني راجل مجوز؟؟؟؟ ترني عليا ف وقت هضا ليش
صفيه: حتنا عندي حصتي فيك صح ولا يعمري
قصي: لا مش صح حصتك وحقك ويومك تاخديه لم تكوني ع ذمتي توا انتِ مش ع ذمتي لا فوتيني ياصفيه يرحم بيا وانتِ راضيه تاخدي واحد عنده حتى بنيه! وموافقه عادي
صفيه: فتحت المايك وادير في مناكير..عادي يعمري هضا شرع ربي وانا راضيه بيه وانا نحبك مهم نكون معاك
قصي كشخ: لصقه زف معاش ترني عليا فاهمههه انتِ ولا؟.
صفيه: اوك
قصي: صكر الخط .. ليله امطنشه مع جمانه
وخش لجمانه
جمانه: شن تبي?
قصي: مش موضوع ماتشغليش بالك ..( يبي يغير موضوع) خديتي فيتامينات
جمانه: خديت اها.. كنك واقف؟ وقت تأخر خلينا نرقدو
قصي ابتسم وفرحان انها ماردتش موضوع!
خش لسرير وخدها في حضنه وهو يفكر
قصي: بهمس.. اه ياامي اه
جمانه: دويت حاجه
قصي: لالا يعمري
جمانه بينها وبين نفسها-:
عليش نحرق في دمي ونرفز روحي قصي ليا وراجلي مستحيل تاخدها ولا قصي حيجوز عليا اصلا نريح دماغي وفكني من نكد مهم قصي معايا انا ويحبني❤.
//
صباح هي تفكر وحوسه لصايره امتى وضع يهدا عندهم !
رن تلفونها كان ايوب
صباح : الو
ايوب : خير كيف حالك, كيف حال ياسين
صباح: الحمدالله بخير ونعمه انت كيف حالك وحال عمي منعم
ايوب: بخير صباح ناقصك حاجه تبي حاجة
صباح: لا سلامتك
ايوب: والله جد? راكي ع ذمتي توا انا مسؤال عليك تبي شي قوليلي
صباح: ابتسم هي تلعب في خصلات شعرها.. نبي سلامتك
ايوب: كلمت يوسف قالي وضع ياسين تمام التمام مسأله وقت فترة ويمشي طبيعي
صباح: ابتسمت وعارفت ع شن يلمح .. الحمدالله اها
ايوب: مش اتفقنا كان وضع ياسين تحسن نتمو موضوعنا خير مايصير موضوع اخره
صباح : تمام
ايوب: خلاص نكلم عمامي يحكو مع هلك
صباح : تمام
ايوب : نفس موعد اتفقنا عليه
صباح: ايوب نحس في وقت قصير حي عليا اسبوعين بالزبط
ايوب: الله غالب انا مش حندير عرس يابنت ناس انتِ ديري ونا نجي ناخدك فنفس اليله حنسافرو لباتي قلت نقولك عشان كلشي يكون قدامك واضح
صباح: حاست بمسؤولية.. تمام
ايوب: صباح حنكون واضح معاك را مش حنقدر نطلعك ولا ندهور بيك لا شهر عسل لاشي انا يومي كله مع باتي في عياده حتشوفيني من ليل ليل كان ماتقدرش ياصباح خلي العرس لين باتي يشفا ونروح لعند توا اختيار بين ياديك
صباح: اذكرت لم طلب منها ايوب تكون معاها سند في فتره هذي حيكون لها طول العمر درت عليه هي واثقه وتشوف في قرارها هو الصح
صباح: انا موفقه ع كل شي
ايوب: تم حنكلم عمامي ويتمو مع هلك
صباح: حتنا مش حنكبر موضوع ليله وحده وخلاص عشان بنت عمي
ايوب: على راحتك مهم توا تصبحي ع خير
صباح: وانت من اهل الخير
ايوب: نتلاقو 28 . 7
صباح ضحكت: تم
وصكرو صباح قاعدت ترتب في أفكارها شبه مكامله كل شي ناقص شويه حاجات شخصيه
قررت تكملهن بكره بيش تشقى بي باقي الحاجات وكوفيره وحجز الصاله خلاص وقت .
//
زيدان يمشي بخطوات سريعه هو قلبه ملهوف ع شوفتها، في ممر المستشفى اتجاه الدار وهو بنفس ملابسه وتعب السفر واضح ع وجه بس قرر يمشي يشوف سيرين اول شي
طق الباب الغرفه رد عليه صوت سيرين التعبان الهادي ماسمعش منه شي
زيدان فتح الباب وشافها منظرها يقطع القلب
هي تتألم شعرها لتحبه طويل مش موجود منظرها متغير180%
سيرين: بهمس .. زيدان شن جابك هنا
زيدان: قرب منها .. ماتعبيش روحك بس
سيرين دموعها ينزلن مش قادره تفتح عيونها بكامل: شفت ايش صار فيا كيماوي حرقني حرق واعر يازيدان راسي يوجع فيا كلشي فيا يوجع معدتي نحس في روحي فاشله او مشلوله مش قادرت نتحرك
زيدان نزلن دموعه مسحهن ع سريع ماكنش متوقع سيرين واصله مراحله هذي جسمها هي ارقيقه من غادي قاعدت اعظام وجها بلا بلون واصفر وفمها ناشف وابيض
ماسك يدها عليها الجهاز
زيدان: ماتياسيش بككل فمن يخرج الحي من الميت ويخرج الميت من الحي قادر على إخراج مرض من جسمك انتِ قويه سيرين مازالنا في بدايه المشور انتِ قده واقدود
سيرين: بهدواء صوتها دوب مسموع..زعمك يازيدان من يفوز في معركه انا ولا سرطان
زيدان: انتِ طبعا ياقلبي قوي عزمك بس
سيرين: شفت هيثم
زيدان: شفته وقالي عمتي صالحه لوطه في حديقه نزلوها وانا خشيت بعد تجديت الممرض
سيرين: اها
خش عليهم دكتور حمزه وتعصب من وجود زيدان
حمزه: بحت في يد زيدان ماسك يد حبيبت روحه .. زيدان تفضل اطلع ممنوع دخول توا ماتعبش مريضه لو سمحت وعيونه ع اياديهم
زيدان ضغط ع سنونه هو يحول يكون هادي وسيب يد سيرين وابتسملها وطلع
ونزل لحديقه كان كيف جاي هيثم جايب معاه الادويه من صيدليه
هيثم: نعطيهم الادويه وتروح يازيدان ادوش وترقد بعدين تجي تشوفها تكون تحسنت " مايندريش زيدان خش" وانتِ يمي روحي وتريحي وادعيلها بلاش بكاء
زيدان: ايوه عمتي صالحه من صبح قاعده
صالحه: هي تمام
هيثم: دقائق ونجي بيش ب مره نوريك الطريق تقعد تمشي وتجي ب امي انا نقعد هنا
زيدان: من عيوني ياصحيبي هي بس
مشى هيثم بسرعه سلملهم الدواء ونزل ولقو تاكسي جاي بي زيدان مازال يراجي معاه شناطي زيدان
وركبو وتوكلو
خش زيدان لشقه كانت مراه عمه عابيه بيه مفرشتله مع هيثم وجزاء من دولاب فاضي يرتب فيه ملابسه
طلع منشفه وتوته شتويه بحكم عندهم صقع جمووود
دوش ب اميه دافيه ومنظر سيرين في باله وكل مايذكر قلبه يتقطع ويندم ع كل لحظه جرحه فيه
طلع من دوش لقى صفره ماكله واتيه قاعد يسهري هو وهيثم ومحور الموضوع مرض سيرين .
//
نردو لبنغازي وأهل بنغازي.
ساعه ⁸ صباحاً
يسرى رن منبه ع دواء ياسين استغربت روحها كيف غفت مافطنتش لروحها بس تعبت زي العاده في اذان الفجر واضح انها غفت بعده
يسرى خشت لحمام عسريع وخدت دواء وركبتله هي خايفه من رد فعله مره هذي شن حتكون
يسرى طقت الباب وخشت كان واضح من وجه محرج أو مضايق مش معروف
يسرى: صباح الخير
ياسين: صباح النور
يسرى: هضا دواءك ع الريق نوتي الفطور بعدها تاخد ثاني
عطته الحبع وشربته اميه
ياسين: رنيلي ع أمير
يسرى: ساعة 8 را مازال بدري
ياسين: رني بس ماتعصبينش
يسرى: حاضر
وخدت تلفون ورنت
رد امير بصوته النعاس
امير: ايوه ياسين نعم
ياسين:صباح الخير امير
امير: هو مغمض عيونه ..صباح نور وين ع نشاط
ياسين: نظم امورك وتعال نبيك
امير: شن في
ياسين بحت في يسرى وتحشم يدوي قدمها
ياسين: بعصبيه.. تعال وخلاص ماتبيش فوت امها زف
امير: فتح عيونه من صوت ياسين العالي.. بسم الله حاضر توا نجي نسأل بس كانت
ياسين بحت فيها: صكري
يسرى صكرت وطلعت من الدار توتيله في فطور
امير خش يدوش ع سريع ولبس ولقط مفتاح سيارته ونزل لقى هله دوبهم نايضين صبح عليهم وطلع قاعد يفكر ايش يبي ياسين
امير : تي اووه كيس البول زف🤦🏻♂️ انا نعرف نغيره عشان هك تعصب وجانبه يسرى انحرج
ووصل قدم حوش ياسين ودرس ونزل رن الجرس
يسرى لبست ملايه الصلاة وفتحت باب
امير هو عيونه لوطه زي عادته
امير: صباح الخير كيف حالك
يسرى : صباح النور الحمدالله بخير كيف حالكم
غادي
امير: كلنا بخير
يسرى : تفضل ياسين فوق في داره
امير: تمام وسلح كندرته وركب
امير: اووه ياسين شنجو
ياسين: ابتسم بجامله.. تمام وياتيس لم نكلمك نبيك تجيني عطول
امير : حاضر انت عيوني نعطيك كم عندي ياسين بالله?
ياسين: ضحك .. هي افطر
امير: راجي ايش رايك تغير وادوش ونساعد انا شويه بعدها نطلعو نفطرو ونهدرزو وعندي لك خبر حلو
ياسين تحشم وانحرج: لالا يرا فكني
امير: ياسين زف فكنا عاد خمجمج تبي تعفن
ياسين : باهي هي
هو يبيها اصلا وكم مره يبي يطلبها من يسرى ويسرى تقولها يتعارك معاها مش متحملتها يبال اتساعده في حمامه
غيرله امير كيس وساعده ف دوش عشان الجبس وظهره يدوش بطريقه معينه ومتعبه جداً
امير يبخ ف عطر: تي هابا منك يادكتور عندك درج عطور ماعمرك عطيتني حتى شيشه
ياسين: ضحك.. خلاص شرقتني هي نبي نفطر عندي حبه دواء
امير : صكر العطر وقعمز يفطر مع خوه
ياسين: شنو خبر سمح
امير: عرس صباح يوم28
ياسين : تحكي جد
امير: هذا هو هي ليله وحده نحنا عندنا ظروف يسرى و انتِ وسيرين ودنيا حايسه وهو مسكين ظرف باته بدون عرس بياخدها ويطلع بيها طول غادي
ياسين: اها كنها اختك ناويه الشقاء؟ تراجي لين باته يصح وسيرين تكون تمام ويديرو عرس سبع ليالي
امير: هذينا أمورها الشخصيه بس نقولك شي من ناحيتي يعني هو راجلها وعمي منعم زي باتها هضا صح تمشي تساعد راجلها راجل بروحه في هل غربه
يوكل ويشرب ويعلاج ويجري هنا وهنا هضا وقت يكون معاه مراته
ياسين: صح صح
امير: حتى جدتي قالت عرس صباح صح ليله وحده بس تبي تكسر بيه الحزن عارف نحنا من موضوع لموضوع
ياسين : تمام
وكسد مع خوه شويه وطلع رد للحوش خدا امه وصباح واخته بيش تكمل باقي حاجتها .
//
في حوش الجد كان موضوع الرئيسي عرس صباح❤.
الكل فرحان واخيرا بيفرحوا شويه
بنات يهدرزن وينسقن
سجى: هي فرحانه.. عرس عميمه😍.
صباح: نجكليا انتِ نبي صوره معاك يوم عرسي😂
جمانه: ابتسمت . هالله هالله على دلع
هما يهدرزو تخش صفيه وقُصي
صفيه وشاحها ع رقبتها ودايرها شعرها زي قصه جمانه بالزبط كان طويل خلته قصير كيفها
جمانه فتحت عيونها بصدمه خشو مع بعضهم? ولا قصة شعري لِ دايرتها كيفي بالزبط
لا هذوما كثرو امس مكالمات توا خش هو وياها?
صفيه: السلام عليكم وبدت تسلم على الموجودين
قصي: بحت في جمانه كيف تبحت فيه تجاهل نظراتها وتكلم مع صباح
#تبع