لكل شخص حكايه

25

#لكل شخص حكايه
كاتبه:كادي
(اللهم صلي وسلم ع سيدنا محمد وعلى آله وأصحبه أجمعين)
قراء ممتعه حبيباتي❤.!
_______________________
وجا يوم الفاتحة بعد ليله مليانه سهاري وضحك🤍.
نضنا بدري طبعاً بنات كلنا بيتات مع جدتي وماما وبابا روحو وجات الصبح
نا: ياعن بوه بايته معكن ساعه كم توا
سارة: 10 ونص
انا: بدري يرا
اسيل : وين بدري انا دوشت و وعمامي فطور وبابا جا وانتي راقده
انا: اووه ونضت
مسرة هي خشت دهشه: جدتي كلا هي كل يوم تشوف وجي اغسلي الحمامات شنو هذا
انا ضحك: مهم غسلتي
مسرة: اي غسلت وهي نوضي انتي وبيش تساعدي
انا: حاضر تعالي اضربي🙂
مسرة: تي هي بس
نضت وتوضيت وصليت وطلعت صبحت عليهم كانن بنات يظمن درت قهوه لنا كلنا وبديت معهن
اسيل: يانعلي ياظهري خودي مني شويه ياساره
ع خشت امير جايب معاها كم حاجه ناقصت وصلته جدتي عليهن
اسيل: اميرر وقف ماتخشش ماتمرطزش الدنيا
امير: هو يضحك وقف... الا اسيل عاد تي انتي قعمز عليش تشتغلي الا ظهرك عاد ...
اسيل: والله ياامير نحكي جديات شوف الصاله هذي كلها بروحي
سارة زرقت راسها من دار ف يدها سياقه وخيشه: والله حتنا تعبت كملت الادير وقاعده نمسح يابلعوطه اصلا صاله نظيفه
اسيل: مادخلنيش حد يساعدني ف امها صاله هذي
انا: خلاص فكيني من لسانك توا ندير معاك
امير: هرجه بككل
انا: مش غير
اسيل: اميرر انا نحسبك صاحبي🙄
امير : هرجتك واجده يابنت وخودي هذينا عطيهن ل جدتي
اسيل: هيهي خدت منه .. يعطيك الصحه ياباتي
امير :سلمك وطلع
اسيل : بصوتها العالي.. جدتي ي جدتي
جدتي: ها يابنت كنك تعيطي
اسيل: هذينا امير جابهن
جدتي: تمام
اسيل: طلعت.. بنات شنرايك بلا هل هدواء هذا نولعلكن منظومه
مسرة:  ولعي ولعي
اسيل: وين صباح
سارة:  صباح متمده ع سريرها ومتوتره
اسيل: اها
سيرين : وفطورها جا لعند عندها
اسيل: حركات
اسيل علقت المنظومه ولعت اغنيه ( يجن جنونه من العقل يجن اجنونه حتى حسادي كرهونا انا عقلي متولع بيه)
خشت يسرى هي تسلح ف وشاح
يسرى تغني بقلب ورب:  لو ريت عيونه محبوبي لو ريت عيونه ينظر ف نظارت حنونه حنونه انا عقلي متولع بيه
اسيل: ياوينه وينه قابلني عيني ف عينه يجيني ولا نمشيله واللهي مانسلم فيه نبي نحكيله كيف غمرني بنظره عينه هالي ليلاتي ندعيله  ياربي تصونه وتخليه
انا: لو حطو ع قلب غفير نحبك ل يصير يصير
سيرين:قاعدت نصفقله بيدي غلاي من عيله راح علي
نحنا:  اووووه
اسيل: ع جرح يحبي
سيرين: مش غير
زينب: حطينا حنان العريبي اي بصيره
يسرى سلمت عليا هي تضحك
يسرى : معليش سخنت من الأغاني
اسيل: معذوره يحنه
موده: مانحسبش انه بنت عم احلام اليمني
اسيل رفعت شعرها: عيب يحبي نحنا هلها من قبل الدربوكه وطبل💃🏻
موده :حيحي 
وتبريش ولعت(نحنا جوهر وجوهر غالي ماايناسبنا غير العالي)
اسيل: يابنات عطن زغروته حتى الطبل تعلى صوته
يسرى قاعدت تزغرت
اسيل: فيك فايده يحنه
يسرى: امالا شنو خليني نخش نساعدهم
سيرين: مش يخلوك اديري شي موصينا دكتور ياسين
يسرى: هييي طح سعده
سيرين: ضحكت ع تعبير وجه يسرى
وخشت يسرى
اسيل: سرو لقيت شتاوه عليك
سيرين: شنو
اسيل: مريضه مانبيش حبوب مريضه مانبيش حبوبه نبي هال شبوب😂😍 .
كلنا متن ضحك
سيرين: خزي يامعفنه
اسيل: بو عين سوده بو جبين انضاوه اسباب المرض منه وبيه اندوى ولا يحس بفاهق  اللي زاريبي من قهري يزيد وف تعذيبي  والله مستعمل اسلوب غباوي💔
نحنا: وووه
انا: تراه ولعي ويش جابك
اسيل: هي
وكملنا وبخارنا ساعه1 ونص وخشينا نساعدو ف صبايا ونحطو ف صفر وكان واجدات غداء رجاله حتى هو وكان الغداء رز بلخطه وعصبان وسلاطات
ياسين: السلام عليكم
كلنا:  وعليكم السلام
ياسين: اووه وين بنه سمحه هذي سلم اياديكن
جدتي: سلمك ويعطيك الصحه
ياسين: مازال الغداء شويه را مازال كم صاحب فِطريق مره وحده خير
جدتي: حاضر ياباتي
ياسين طلع
وقاعدنا نوتو ومنظر الحوش خيال الضوايا ل عليه وسيارات ملينات الشارع ل يجي يبيب❤.
وبدو يطلعو ف الصفر
صالحه: سيرين قدمي الصفره هذي برا
سيرين: هيهي
ورفعت سيرين الصفره ع جيت زيدان
زيدان: تي ثقيله عليك وخدها منها
سيرين: مش ثقيله واجد
زيدان: خشي بس معاش تطلعي
سيرين خشت وزيدان قاعد يشيل هو وهيثم وهشام
زيدان: جدتي قصعه اخره وانا وصحابي اخر قصعه
جدتي:  هيهي
ورفعها ومشى
وحطينا نحنا غدانا  وتغدينا ومعنا عيت خوال صباح  وصباح ماعندهش نيه
مر وقت وقاعدنا نغسلو ف مواعين ونهدرزو
اسيل: توا يجدتي كان جبتي وحده تغسل مش خير
جدتي: لا مش خير نغسل بروحي بنظافه
اسيل: معناها نولع منظومه
جدتي: ولعي
اسيل ولعت وقاعدنا نضحكو ونهدرزو وكملنا بسرعه ماحسينا بتعب مع بعضنا
وبعدها بدا العد التنازلي
وقاعدنا كلنا نجرو ل ادوش ل تستشور ل تحدد
وعند الشباب كذلك
هيثم: ياتيس هشام وين الجل
هشام هو يبخ ف عطره: تي سيبته ف حمام
هيثم: ومشى ل حمام
زيدان: نظارتي الزح جديده وينها
امير لبسها: شنرايك ماشيه عليا
زيدان: تي جيبها هنا
امير: تي امشي تل جات كويسه عليا
قصي: شوف نظارتي عجبتك خودها
زيدان خدا ابتاع قصي : نقعها ياامير
امير: يسقم ف شعره ع مرايا.. به به
ياسين: هي بسرعه بدو يطلعو را
قصي : اوووه لقانك فازت يادكتور
هشام: وين ع طرحات
ياسين: لقني ديما فوضا😂
ياسين: اووه لبس انت وهيثم نفس الزبون
هشام : شنرايك بس
ياسين : فوضا بككل سقدونا بس
زيدان: ننزل نوري جدتي انابيدي
ياسين: توا نزلن مع بعضنا غير هي
ونزلو وجدتي كلنا قلنا ماشاء الله منظرهم سمح بككل كلهم بزبون🤍.
جدتي: اللهم صلي على النبي ماشاء الله وجات تبي تبرخرهم
زيدان: ياجدتي حيدي غادي بخ عطر سمح ماتخربيش عليا ب بنه العزاير
جدتي : ضحكت صار بخور بنه عزيز
بخرتهم وهي فرحانه بيهم
جدتي: اقرو معوذات بدت هيثم وهشام مفروض مالبستوش زي بعضكم
هشام: حاضر يمي
جدتي: ماتولعوش اغاني ف طريق ولعو قران
كلهم قالو حاضر وزيدان وهيثم ضحكو
جدتي: بدت توام الشر هذولا فكوني من الجري ق طريق
هشام:  حاضر
قصي بحت ف امه ل كان عكس الكل تبحت فيه بنظره ندم وعيونها كلام واجد عرفها عرفت ب موضوع!
اسيل: بحتو فيا هنا
قصي : ساعه وانتي صوري خلاص 😂.
ياسين : ابتسم ل يسرى ل تبحت فيه بحب ..
صلاح: تي هي وقت
وطلعو مع بعضهم
نجمه: ماشاء الله عليهم
كلنا:  ماشاء الله
جدتي : ناقصها يوسف
كلنا: ياريت معهم
انا كان خاطري نشوفه ب زبون معهم بس الله غالب.
وبدينا نحنا نلبسو وكملنا وصباح لبسنها الردى البودري  وجدتي حزمتها
وكانت فرحانه بككل وتعبى الحوش الاقارب  ولااصحاب وصحباتها وجا خبر السمح انقرت الفاتحه وانقلب الحوش تزغريت ويبركو ودموع الفرحه شويه سمعنا رصاص وألعاب ناريه♥️.
وغطينا صباح ومسكت  الموس ف يدها قدمها مرايا وكراعيه ف محبس فيه اميه فيها ورد وقدمها صفره خبزه السكر وهدايا وتورته وشكلاطات.
اسيل: اللف الف مبروك
صباح: وفل لكي وانتي واحمد
اسيل: ياربب
شويه بدت الدربوكه وجو الصح💃🏻.
نور العين بعت رجالة للزينة بتكون
حلالهه النية ي سبحان الله الخاطر كيف
تمنى جاه عقدتي ي زينة مبروك
راجل باهي وعاجب بووك 💃
سلم الغالي جاب علايق ما خلاش الخاطر ضايق 👏عروستنا اتقول حمامه لبست بوخطين توامه 👏عدي مربوحه يا زينه الي عمرك ما وجعتينا 👏
الزينه كيف جوامع مكه
كل الزين عليها تكه
جانا بروحه ماجبناه
عرف يختار خوال ضناه💃🏻
ماينطق الحوش بلاها
غير العين تريد هناها
منبوش دهب في دينا
نبو كان العشره الزينه 👏🏻👏🏻
ندلل والحق معايا عندي خوت تريس ورايا👏🏻
ياسلم سمعت بابانا يجرو كيف الجيش ورنا💃🏻.
مر الوقت وقدمنا الهدايا وجو حلو بككلل
والاقارب ورحو وقاعدنا نحنا هل الحوش بس وخوال صباح وكذه أقارب درجه اولى
ودرنا شوط اخر ضروري منه💃🏻 .
بنات العم تلاقينا والحساد خمسه ف عينه
بنات العم ياربي نجيه ما يحلى جو الابيهم
بنات العم تقول خوات نفخر بيهم طول حياتي
اسيل : ساد خلوني نغني ع بختي
ومسكت الدربوكه وبدت
بختي بختي بختي بختي
بختي جربته بختي قلبني وقلببته
نحنا: حيي
اسيل: لقيته ظالمني انجيبه يمين يسار يتكي
نحنا: حي حي
اسيل: يتكي يعاندني ماعمره مره ساعدني عمره ماساعد ولا فكر مره يتقاعد
نحنا: حي حي
اسيل: ماعمره مافكر بخت اطرش وراس مصكر
نحنا:  حييي
اسيل: مصكرلي راسه لا تجيبه دوه ولا سياسه
نحنا: وووه
اسيل: دوه ماتجيبه لا طب ولا دي كتيبه
نحنا:  اوووه
وقعدنا نضحكو
سارة: باتي سمح الصيت باتي سمح الصيت عليا مظلل كيف البت
اسيل : معروفين نحنا هلنا معروفين ورنا هلنا معروفين عيار 21  رنا هلنا ماعلانا حد الصيت متبعنا من الجد
مسرة: لنا فيه الصيت باهي لنا فيه السيل يتبع في واديه
موده:جـيـنـا بـيـن مـنـاقـع هـلـنـا 🔥
فـي خـيـرة لـبـيـوت نـزلـنـا
من الاقارب:خـشمي ؏ــمري ماوطـــيته
نا بنـــت المتـــ؏ــلـي صيته👏🏻
اسيل: مـن الأقـدار خديتـي حقــك
               قولـت بنـت فـلان تســدك
ديمـا ويـن انحـط اقدامــي
               نلقـا فـي صيتـي قدامــي
من الاقارب: تي وحده تغني ع مرهون تمسح كبدي
زينب :انكان علي مرهوني نا
حرام اطولة بنت مراا
اسيل: هو مرهون وانا مرهونه كان تلقينا خلونا💔💃🏻
نحنا: حيييي ياحيي
من الاقارب:مرهون يولع في جمرة
ياتاكل عمري ياعمرة🔥
نحنا: وووه ووه
موده:نـارك شـاطـت فـ الـمڪـنـون💃🏼
أخـسـآره لـو مـانـك مـرهـون
سيرين: نين يجيب اوليد اوليدك
ونا يمرهوني نرديك
سارة : ـ اعيونك لوطا ي #مرهون💃🔥!
ـ ارحم بيك عزمي #بالهون🔥!
..: ع مرهون عطنا صيحه
سمح الزول عطيب الطيحهه
اسيل: يانا يابوي طرابلسي ورده طاحت ع كراسي💃🏻.
بنات: اووه غرابه ياكبدي
..: يانا يابوي الشرقاوي غياته تجرح وداوي
اسيل: حبيته من جدي غرباوي ويقول ياودي
انا: صوب ل ماصوب شراقه لا نتعبله ولا ناشقابه
بنات: اووووه💃🏻
موده: اعشق ياقلبي وطمن شراقه فينا  عرق الحن
كلنا: اوووه
اسيل : مافيش وحده غرباوي بككل
كلهن: لا
اسيل: انتي يابرتقالي ابتاع المرهون غرباوي
.. : هه لا شرقاوي وكنك متهزي ع شعري يهبل راهو ديرته ب100 جنيه وجمالي عكس
اسيل: لا هدي علينا ياانجلينا انتي برتقالي يازغد وياريت حتى ماشي معاك
...: معليش شنو قصدك
اسيل: كلامي واضح شوفي كوفيره ضحكت عليك قلتلك سمح ياريت حتى برتقالي الحلو درجه اللون منقرضه من زمان
انا: اسيل
وبنات ضحكن وبنت انحرجت
وكملت اسيل كملت عادي
اسيل: ودك غير تغرب ديما غرباوي و حب يقيمه
ولعو الاذعه وسبيكرات وصوت عالي ورقيص وضحك
وانا رنت عليا حور وطلعت تبعدت من صوت الهرجه عشان نسمعاها
انا: ايوه حور
حور: شخبارك
انا: الحمدالله
حور: ماشاء الله ومبروك عليها شفت استوريات خيال الله يبارك
انا: الله يبارك فيك وعقبالك مع الاشقر😂
حور: الاشقر هذا ل مش عارفه قصته
انا: عندي كم معلومه عليه بعد نتلاقو نقولك
حور: أحلفي شني احكيلي
انا: تي وجك ههههههههه موتي
حور: ياكلبهه شنووو
وانا صكرت بلعني نستفز فيها ع جيت زيدان
زيدان: اووه نوران جابك ربي
انا: ننعم
زيدان: نبي سيرين توا هرجه مافيش حد حيحس بغيبها كلميها ليا دقيقتين بس
انا عطيته نظره حاده: شنو تبي فيها
زيدان:  غير بطلي تفنيص بس نبيها ف موضوع
انا: مواضيعك ديما يقهرن توا نكلمها ليك تنكد عليها حي عليك حي
زيدان: لالا هي بِسس وصوت اسيل أعلى من الاذعه
انا: ضحكت.. بككل
زيدان: مشلشه بنت  هذي ههي سيرين
انا: حاضر بس زي ماقلتلك
زيدان: زبري باهي
وخشيت ل سيرين قلتها تعالي نبيك وطلعت معاها ل جنان وسيبتها هي وياه يدقلو🙂😂
سيرين : انصدمت من زيدان .. شنفي كنها مكلوبه نوران
زيددان: شير ع كراسي ل قدمه.. قعمزي
سيرين استغربت وقعمزت عادي لانه لبستها مستوره
زيدان: سيرين انا اسف
سيرين: ماهو قلتها ليا وقلنا حصل خير خلاص
زيدان: بجد اسف ع كلشي سمحيني والله ماكانش قصدي وماكنتش نحسبك تحبيني والله سمحيني بس
سيرين: كانت نحبك لو سمحت .. ومسامحتك طبعا مالكش ذنب ف موضوع مش انت جيت وقلتلي حبيني انا بروحي ولا عمرك وعدتني ولاشي عليش تتأسف غلط كله مني
زيدان:كان صار
سيرين: اها
زيدان: بحتت فيها .. باهي مهم سمحيني اها  ع اي شي درته
سيرين: مسامحتك وياريت تنسى الموضوع
زيدان:حاضر
سيرين: صبت
زيدان: كان مركز فيها ملامحها الناعمه وحنيتها اسلوبها كلشي فيها وكان حس بذنب اتجاها اذكر مواقف بينهم سيرين كانت معاه بنت بِ ميه راجل ديما واقفه معاه ف ظهره
زيدان: وين كانت انا كني كانت أعمى ع حاجات هذينا كلهن!
سيرين مشت وخشت مره هذي بلا بكاء خشت عادي بكككل
قطع تفكيره هيثم
هيثم: اوووي حتى انت روحت
زيدان: كيف روحت وبنرد نطلع
هيثم: حتنا بنشوف الدبه وبنطلع اصحابي ملتمين
زيدان: انا لقاني خاطري نمشي ل كُورنيش نشم هواء
هيثم: مربوحه ياطيري
زيدان: مش حتقدر تشوفها الدبه را مش اول حاجه مش حتطلع راسها مصكر وثاني حاجه كيف تبي تخشيلها
هيثم: نرن عليها
زيدان:  نظم امورك
وركب زيدان سيارته ولع السبسي ومشى ل كُورنيش💙"
هيثم: رن ع زينب كم مره ماتردش وعارفها ماسمعتش وتوكل ع الله ومشى اصحابه هو شغل اغلب تفكيره موضوع سيرين!
//
قُصي فتح باب الشقته ولقى جمانة وسجى ف صاله وجمانه تتفرج ع مسلسلها ومنسجمه وابتسمت لم خش عليها قُصي بزبون ولحيه مسويه وعطره القوي وكان محلق تحليقه حلوه
سجى مشت تجري
سجى: بابي منظرك سمح
قُصي : ابتسم ورفعها.. انتِ السمحه
جمانه جات حضنها قُصي
سجى: بعدي بابا انا بس
جمانه: بدينا
قُصي: ضحك.. لسانها بنت هذي
جمانه: طلعتلك😂
قُصي : حسيتك
وقعمز قصي وسجى ف حضنه
جمانه : وين طولت
قُصي: والله بعد الفاتحه عندي كم مشور درته وكسدت مع شباب شويه
جمانه: مبروك عليها ان شاء الله بذريه الصالحة.
قُصي : ان شاء الله
جمانه: بتردد .. مافيش اخبار ع يوسف؟
قُصي: مانندريش عليه جمانه
جمانه: بهي اوك اوك .. تعشيت
قُصي: الحمدالله اها
جمانه:  صحه
قصي : نخش ندوش طلعيلي دبشي
جمانه: حاضر
وخش قصي وطلعته دبشه وطلع قُصي لبس وطلع
جمانه خشت ادوش حتى هي وسيبت سجى مع قُصي اخيرا حصلت وقت ل روحها لانه سجى مع قُصي
وخشت دوشت وارتخت ولبست بجامه حرير وعطرت جسمها ومشطت شعرها وطلعت لقت سجى راقده ف حضن قُصي ل يقلب ف تلفونه
جمانه: تشرب ف اميه  ..  امتى رقدت
قُصي : مارفعش عيونه عليه ..مالهش شي
جمانه: به ارفعها ل دارها
وخشت تغسل ف طواسي وشطبت وصكر مطبخها وطلعت لقت قصي مش قاعد عارفته ف دار
طفت الضوايا وخشت الدار وخشت السرير قصي كان مغمض عيونه
قصي: قربي وشرلها ع صدره
وقربت جمانه منه وخشت ف حضنه
قصي: امتى نتهنو بس
جمانه: الحمدالله على كل حال
قصي : نتفكه من مصيبه تجني اشر منها مش مكتوبلي نعيش يومين ع بعضهن متهني
جمانه: تهندت ..﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾
كل شي مكتوب ونصيب الحمدالله ديما وخلي ديما الايه هذي ف عقلك قصي‏{وَلَسَوْفَ يُعْطِيكَ رَبُّكَ فَتَرْضَىٰ} .
حيجي يوم حتريح فيه وبال يتريح ونفستك كل شي بس ثق بربي🤍!!
قُصي ابتساملها: ونعم بالله
{رَبَّنا وَلا تُحَمِّلنا ما لا طاقَةَ لَنا بِهِ}
جمانه حبت صوته لم قال الايه: قصي ممكن طلب
قصي : عيوني لكي
جمانه:  عادي تقرلي سوره المُلك🤍!
قصي: بسم الله الرحمن الرحيم
تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ (1) الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ (2) الَّذِي خَلَقَ سَبْعَ سَمَاوَاتٍ طِبَاقًا مَا تَرَى فِي خَلْقِ الرَّحْمَنِ مِنْ تَفَاوُتٍ فَارْجِعِ الْبَصَرَ هَلْ تَرَى مِنْ فُطُورٍ (3) ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ (4) وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ وَأَعْتَدْنَا لَهُمْ عَذَابَ السَّعِيرِ (5) وَلِلَّذِينَ كَفَرُوا بِرَبِّهِمْ عَذَابُ جَهَنَّمَ وَبِئْسَ الْمَصِيرُ (6) إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ (7) تَكَادُ تَمَيَّزُ مِنَ الْغَيْظِ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ (8) قَالُوا بَلَى قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِنْ شَيْءٍ إِنْ أَنْتُمْ إِلَّا فِي ضَلَالٍ كَبِيرٍ (9) وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ (10) فَاعْتَرَفُوا بِذَنْبِهِمْ فَسُحْقًا لِأَصْحَابِ السَّعِيرِ (11) إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ (12) وَأَسِرُّوا قَوْلَكُمْ أَوِ اجْهَرُوا بِهِ إِنَّهُ عَلِيمٌ بِذَاتِ الصُّدُورِ (13) أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ (14) هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ (15) أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ (16) أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ (17) وَلَقَدْ كَذَّبَ الَّذِينَ مِنْ قَبْلِهِمْ فَكَيْفَ كَانَ نَكِيرِ (18) أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ مَا يُمْسِكُهُنَّ إِلَّا الرَّحْمَنُ إِنَّهُ بِكُلِّ شَيْءٍ بَصِيرٌ (19) أَمَّنْ هَذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَنِ إِنِ الْكَافِرُونَ إِلَّا فِي غُرُورٍ (20) أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَلْ لَجُّوا فِي عُتُوٍّ وَنُفُورٍ (21) أَفَمَنْ يَمْشِي مُكِبًّا عَلَى وَجْهِهِ أَهْدَى أَمَّنْ يَمْشِي سَوِيًّا عَلَى صِرَاطٍ مُسْتَقِيمٍ (22) قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ (23) قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ (24) وَيَقُولُونَ مَتَى هَذَا الْوَعْدُ إِنْ كُنْتُمْ صَادِقِينَ (25) قُلْ إِنَّمَا الْعِلْمُ عِنْدَ اللَّهِ وَإِنَّمَا أَنَا نَذِيرٌ مُبِينٌ (26) فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَذَا الَّذِي كُنْتُمْ بِهِ تَدَّعُونَ (27) قُلْ أَرَأَيْتُمْ إِنْ أَهْلَكَنِيَ اللَّهُ وَمَنْ مَعِيَ أَوْ رَحِمَنَا فَمَنْ يُجِيرُ الْكَافِرِينَ مِنْ عَذَابٍ أَلِيمٍ (28) قُلْ هُوَ الرَّحْمَنُ آمَنَّا بِهِ وَعَلَيْهِ تَوَكَّلْنَا فَسَتَعْلَمُونَ مَنْ هُوَ فِي ضَلَالٍ مُبِينٍ (29) قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَنْ يَأْتِيكُمْ بِمَاءٍ مَعِينٍ (30)
(صدق الله العظيم)
اقروها منجيه من عذاب القبر🤍