رواية "لــكــل شـــخــص حـكــايــة "
حلقة"22"
كادي.
(لك في قيامِ الليل أعظمُ لذّةٍ
كلّ اللذائذِ دونها تتضاءلُ !
قيام الليل🤍)
صلو ع رسول الله(اللهم صلي وسلم ع سيدنا محمد وعلى آله وصحبه أجمعين ♥️)
-قراء ممتعة
__________
يوم جديد واحداث جديده🤍؟!
سيف ناض بدري وصلى ومشى ينوض ف ملاك روان ادير ف فطور
سيف: خش ... ملاك ملوكه
ملاك: تفتح عيونها
سيف بحت احده ملاك وانصدم
سيف: هذا شنوو
ملاك: بحتت ف سيف ل مصدوم وهي وخرت وخافت اذكرت ضرب عيسى لها ونزلن دموعها
سيف مسك الشريط ف فِ يده: عليش تبكي توا هذا شنو احكيلي نحكي معاك
ملاك: بدون ولا رد تبكي
سيف: قرب منها يحول يمسك اعصابه.. ملاك اهدي بنضربك مثلا كنك انتي نحكي معاك شنو هذا
ملاك : بصعوبه ف الكلام .. منوم
سيف تهند براحه يحسبه حاجه اخره..: من جابه لكي وكيف تاخدي فيه بدون علمي؟
ملاك : تمسح ف دموعها ومنزلها راسها
سيف: احكي
ملاك: هي ترجف .. ءءء من زهرة
سيف بعدم تصديق: وزهرة شنو تبي ف منوم
روان خشت الدار بعد سمعت صوت سيف يناقش مع ملاك
روان: باستغربت.. كنكم
سيف: شي اطلعي برا خليني نحكي معاها
روان: استغربت وطلعت
سيف قعمز احدها : عليش تكذبي عليا كلشي الا الكذب قوليلي مَن جابه لكي؟
مَلاك:مش حتضربني
سيف: تهندت . امتى مديت يدي عليكن انا نموت ولا نمد يدي
ملاك: زمطت ريقها بتوتر.. سوسن(بنت خالتة مروان ل طلعت ف حلقه ل فاتت)
سيف قرن حواجبه بتعجب: من سوسن هذي
ملاك: بصعوبه ف اخرج الكلام وببطىء.. بنت خالة زهرة وجابت دوه نسمع فيهن يقولن مانرقدوش كويس ومن هل كلام هي قالت ع منوم تاخد في بعد تقعد تفكر واجد ويكون عندها أرق تاخد فيه قلتها بعده تعطيني منه عطتني شريط!
سيف: يحول يمسك اعصابه... وانتي اي شي يعطوه لكي تزمطيه؟
ملاك: م مم نبي نرقد بدون مانتخيال حاجات شينه ولانحلم بكوبيس وانهرت بكاء
سيف ماتحملش دموعه وحضنها وهي زدت انهارت خليها لين فشت غبرتها ف بكاء ف حضنه
سيف: عارف ل صارلك مش ساهل وانا خديت حقك ومازال يما حنشوفه توا انتي معايا معناها ف امان مستحيل حد يمسك مامدام انا جنبك
سيف شاف جيها كتفها في حرقه كأنها قديمه
سيف: شنو الحرقه هذي
ملاك: ءء عيسى زمان
سيف بصدمه: حرقككك وكنك ماتحقي
ملاك: ماما قلتلي ماتحكيش وهذا خوك الكبير
سيف: يتنفس بقوه.. صبرك ياربي لها كم
ملاك: لها فتره معاش نحس بيها
سيف: تمام ومعاش تخدي حاجه من حد انتي مش محتاجه منوم لم تجي تحس روحك تبي تفكر وتتذكري حاجات ل ماتبيش تذكريها امشي توضي وصلي وادعي ل ربي وبكي اشقي ل ربي وتعاليلي هدرزي معايا لين ياخدك نوم معاش تقدري بروحك واجد هدزري معنا انا و روان مَعاش تعطي ل تفكير السيء فرصه انه يجيك
ملاك: ابتسمت وبحتت ف سيف بفخر بأنها عندها اخ كيف سيف..حاضر هي توا توضي وصلي وتعالي نفطرو
ملاك: اوك نمشو العزاء وعطته نظره ماكنش ماتبيش
سيف: خلاص عارف تسمعي ف كلام مش تمام ع امي وكيف مش قاعده ع عيسى تحملي يوم وخلاص براحتك بعدها ع خاطر عيون زهره
ملاك: تمام
سيف ابتسم بألم ع حاله ملاك كيف تحكي بصعوبه نظراتها الغريبه شكلها كيف قاعد وطلع هو حزين ع وضع اخته كَل مايشوف ملاك يزيد انتقامه وحقده ع معاذ!
قطعت تفكيره روان
روان: الفطور وين طلع
سيف: ندخن ونجي لين صلت ملاك
روان: تمام وهي قلتها فضول تعرف كنهم
سيف: طلع يدخن هو يشيل هم جبال فوق كتوافه
رنت حور وابتسم عطول
سيف: ايووه حواء شنصار
حور: مشينا وعاد وقعدت تحكيله وطمنته ع خالتها
سيف: يعني جين ل بنغازي
حور: خالتي تشد صحتها هي ولدها وجيين طبعا بس بر
سيف: اوو تعب
حور: هلبا
سيف: به نحبك
حور: نموت فيك
سيف: بنسألك توا كان انتي مريتي بظرف صعب وكذه وانا عرضت عليك نشيلك دكتوره نفسيه عادي تمشي ولا تحسيها كأنها ايهانه وتوجعك
حور: ع حسب الظرف كان ظرف عادي مجرد فتره ونرد عادي او ظرف خاص وحساس نحتاج مساعده من دكتوره نفسيه قبل ما نقعد اشر ونخش ف أمراض نفسيه اكثر وماشيه ل دكتوره نفسيه مُش عيب اساسا عادي
سيف: تهندت وقاعد يفكر
حور : وين مشيتي
سيف: لاشي تمام
حور: عارف ياسيف انا نحس فيك أعظم اختياراتي والله نحس فيك انسان عظيم صادق وراجل بجد كل مانسمع صوتك ولا نشوف صورتك نحس ب فخر اتجاهك❤.
سيف: ضحك هو فرحان بكلامه.. وين ع كلام سمح هذا ع صبح نحبك
حور: لا قولي هذي ابتاع نعليا منك
سيف ضحك: تره عوديها
حور : تحشمت... خلاص عاد
سيف: نعلي منك😂♥️
حور: ايووه معاش نبي نحبك كلمه هذي سادت
سيف: ضحك باهي شويه نعود عليك نسلم ع عمي محمود
حور: باهي
سيف سلم ع بابا
بابا: كيف حالك اليوم
سيف: الحمدالله وانت
بابا: الحمدالله وين دخان يارجل ع صبح
سيف: الله غالب ياعمي
بابا: حول تخفف
سيف: حاضر عشان خاطرك قرطاس في يوم
بابا ضحك: واللهي قرطاس شنو درت من فايده
سيف: را نكمل ف تالته في يوم
بابا: اوووه ياراجل وين خفف
سيف: خلاص بشويه شويه نبدأ بقرطاس ونبدأ نخفف
بابا : ميه ميه تبي حاجه؟
سيف: سلامتك نتلاقو غادي
بابا: تمام هي
وركب بابا سيارته ومشى ل شغله
سيف عود ع حواء دوه معاها شويه وركب هو فرحه مش سيعته وابتسامه من وذن ل وذن وهذا بس لأنه هدرز معاها شنو درتي ف ولدنا ياحور❤؟.
كاتبه كادي✍🏻.
﮼قروب (روايات كادي🤍)
//
انا نضت بدري راقده عاد وبديت اليوم تبدؤه بصلاة الفجر، ثم أذكار الصباح وتلاوة القرآن؛ لهو يوم طيب مبارك فيه.
نزلت لقت ماما تفتح ف الرواشن واظم
انا: صباح الخير وين نشاط ع صبح
ماما: صباح النور ماهو ع ظهر جيني باتك نمشي ل عزاء اخر ليله وبعدها نروح مع جدتك باتك مش حيروح ومش عارفه من حيشيلنا ل يسرا
انا: اكيد واحد من عيال عمامي
ماما: اكيد اها
انا: نساعدك ف حاجه
ماما: خشي افطري وسخني الشاهي درته توا سخنيه بس
انا: حاضر
وخشيت فطرت وطلعت ساعدت ماما ونزلت اسيل
ماما: خلاص نركب نلبس انا
انا: اركبي بابا يجي يقعد يفلوج فيك
ماما: هيهي
اسيل: ترفع ف شعرها من ع وجها ومازالت نعسانه قريب اطيح ع وجها .. وين ماشيه
ماما: وين السهور هذا مع من تسهري
اسيل: نسهر طول اليلي بروحه بين الياس وبين اجروحي
ماما: حد علمي انه اسمه احمد
اسيل: غيرنا😂
ماما: كلا انتي تافها
اسيل: بارك الله فيك ياشيخه
ماما ركبت وهي متعصبه شويه من شخصيه اسيل
اسيل: اووه نوران اظم نهاية الدنيا وتغسل ف مُواعين
انا بحتت فيها بنص عين: شنو قصدك اتشوفي فيا بايره
اسيل : هي تصب في امية.. لا حشاك انتي بايره تي انتي حره دنيا كلها تشهد عليك
انا: لقانك بِارده واصلا عادي تعيشي بايره تموتي بصحتك
اسيل: باستفزاز زي العاده.. انتي عليش متعصبه ومضايقه يعني نحكي عادي
انا: غير قوليلي من وين تشري فيه البرود
اسيل: انا نصدر فيه معاش قعدت نشري😂
انا: اوووه
اسيل: اديريلي سندوتش ولا ندير
انا: لا يمي مزاجي مش تمام وعندي اقرايا
اسيل:ترقص ف حواجبه.. عاد يوسف مش قاعد حبيب القلب
انا: أين حبيب قلب انا ماليش شي شيفه وجه
اسيل: الله غالب هذينا المشاكل ل فرقتنا سنين ع بعضنا
انا بنظره حاده: اسيل ماتحكيش عليه موضوع هذا فكينا من سوه لعند توا مانندروش عليه شي فيكنا
اسيل: باهي ياحاصله وجك احمد يرن وركبت تجري
وانا تلفون رن لقيتها حور كانت ع امل كبير بككل يكون يوسف فرحه ع طول خشت قلبي ولمعه ف عيوني من لم سمعت الرنه وخيبة الامل بعد لقته مش هو
انا: ايوووه حور كيف حالك وحال خالتك
حور: الحمدالله وكويسه وانتي شنلمور ومافيش اخبار ع اوسيفا
انا: ولا مافيش والله وحمدالله ع سلامة خالتك
حور: الله يسلمك عليك فجعه حصلنها
انا: ووه بككل
حور: يحنه مراه خويا
انا: العروسه
حور: هو في غيرها مهم ياانتي تهبل
انا: اووه اول مره صبيه تقول ع مراة خوها تهبل
حور: مش غير شكلها خبرت خويا وكثرت عليه هلبا ع موضوع هذا ماغبك عاد ف النساوين ف نفخ وفق يبي يجي ل بنغازي يوم قبل غدوه
انا: نعليا واخيرا عاد خالتك تشد صحتها شويه
حور: اي حبيتها بوككل كلمه يانعليا
انا ضحكت: اكيد حبيتيها من بونسيب عاد
حور : اي نحبه نحبه نحبهه قد الدنيا كلها
انا: ربي يخليكم لبعض
حور : يارب ومنصور معاش دزلك
انا: درتله حظر من جميع الأماكن
حور : احسن فكنا الله من شره بوخشم
انا: وووه بلا تنمر
حور: والله ماتنمرت عليه الا من خبره الأسود ياخيتي
انا: ربي يسعده ويبعده
حور: امين قريتي
انا: اهو بنبدا نقرا
حور:اووه نسيبك تقري سيف خش انتظار
انا: عليك بيوع يرا باي
حور: باي
سيف كان كيف خدا نفس من ناس لانه ثالت ليله واجد ورن ع حور لها مشغول
سيف: ايوه
حور : اي معليش خليتك انتظار كانت
سيف: مش داعي تقوليلي عارفك مع نوران انا واثق فيك اساسا يعني
حور: ياحليلي باهي خيرك صوتك مش تمام ؟
سيف: ولاشي غير والله فتره هذي ميه حاجه فوق راسي كل يوم تزيد المسؤليه وكلام الناس اوووف شنو بنحكي ما بنحكي
حور: استغربت من سيف .. خيرك ايش في اين كَلام ناس احكيلي
سيف: تهند .. ماتخفيش فوتي
حور: باهي بخير أنت
سيف: كويس
سيف شاف نادر نزل من سيارته
سيف: هي مع سلامه صحبي جا
حور: مع سلامة
سيف سلم ع نادر
نادر: وين هذا ل ديره في معاذ
سيف: مادرت شي
نادر:انا اصلا نافقته واجد يمشي يملح يمشي يشوف وين يحط قربوعة راسه نا معاش عندي خلوق ل حد
سيف: هما يمشو وخشو ل خيمه
وكر سيف كراسي ل نادر
سيف: كنك يارا شنفي
نادر : مافي شي غير خلاص نفاق مانحبش *** را غير انا درت هكي عشان خاطرك
سيف: ولا حتى وجك مش تمام وناقص ومافيش حناطتك ل بجنيه وربع غير ويش فيه
نادر : الغيه
سيف: وين وين وكيف
نادر: سيبت ولقيت روحي نحبها ومعنديش ليش نرد وعارف انت السبب يعني وهي بنت ناس وماشاء الله عليها يعني مستحيل
سيف تهند بحزن ع حالة صاحبه لانه توجع جديات
سيف: باهي حول مادامك تحبها
نادر : يرا ماعنديش عليك نحرج روحي
سيف : لا حول الله
نادر: وانت مازالت مكبد ع غرباوية
سيف: وين هذي الدنيا ودين❤.!
نادر ابتسم وتمنى يكمل ف علاقته مع ساره تمنى تكون حلاله ومراته وتمنى وحلم واجد بس احلام تبقى احلام مادام مافيش سعى ورهن! مافيش تعب مافيش محاولات مافيش امل حتبقى احلام إلى أبدا💔.
//
زينب هي كيف نايضه فتحت تلفونها تشوف ف اشعارات منهن رساله من هيثم رد ع استوري ابتاعها" صار حب وبحر واميه مالحه الخبر هضا ايش اسمه"
وكان استوري عبارة عن:-
"مينفعش تقول انك بتحب البحر وأنت واقف ع الشط
لازم تنزل البحر ، تعوم فيه ، تضربك الموجات ، تبلع ميه مالحه ، الحيط يجرح رجلك ، تشوف الظلام اللي ف القاع ..
لما ترجع ع الشط حتشوف البحر بشكل مختلف ، مش حتشوفوا مثالي زي ماكانت تشوف فيه قبل ، أنت شوفت عيوبه وظلامه وغضبه ، يا اما حتكرهه البحر ، يا اما حتقعد تحبه بكل حاجه فيه ..
" لهفه البدايات مش حب ؛ واللي مغاصوش ف البحر .. محبوش"
وردت زينب بكل برود: ماك شخص بارد وماتفهمش ف كلام المنطقي
ورد هيثم ع سريع : شنو دخل البرود ف نص وصباح الخير
زينب : صباح النور
هيثم: نا بنمشي نرقد تبي شي
زينب: قصدك ساهر من امسسس؟
هيثم : اها الدرايق يسهرنك لعند الصبح
زينب: ربي هديك
هيثم: اجميعين.
وصكرت زينب تلفونها ونضت بيش تصحصح وجا بابا ومشى هو وماما ل عزاء وكان امير جايب جدتي وعمتي صالحه وخش مع محمود يعزي"
//
بعد مرور ساعات مافيش جديد ع الجميع!
روحت ماما متأخر شويه طولت لانه خدتها الدوه مع الصبايا وتعرفت ع ملاك وروان
روان بعد روحت ماما وجدتي وعمتي صالحه رنت ع مروان
مروان: ايوه
روان: شنجوك توا
مروان: الحمدالله
روان: كليت ؟
مروان: والله كليت ع خاطر عيونك
روان: فرحت صحه
مروان: سلمك بنشوفك يرا شويه
روان: لا مايصير شي
مروان: عليش شنفي نحكو شويه
روان: شفتنا مره ل فاتت سوسن ودرتلي قصه وتهزب يوم تبحت بنظره حقيره
مروان: فوتيها يرا وهي شندخلها **
روان: فكنا من مشاكل وخلاص فوت عارف انسجمت مع عيله صاحب عمي الله يرحمها
مروان: اها عمي محمود لقانها راجل بجوده بيه طيب وماسيبنا بككل ولقانه سعدنا واجد معنا من مستشفى ويوم جاي معاه شبوب نزيك بككل ومحترم
روان: اها ماشاء الله عليهم شفت السلفات كيف يحبن بعضهن اول مره نشوف هكي الصراحه توا كل العائلات الاقارب قريب ياكلو بعضهم تقول مش من نفس الدم طبعا اولهم نحنا وتهندت وجدته وكيف كويسه مع الكناين واضح انها حنونه وطيبه والله هدرزتهن ماشاء الله غيرن جونا حتى زهرة تغير جوها
مروان تهند: الله غالب كلا ع عيلتنا ربي يعوض ويلم شملنا وعليهم ربي يحفظهم ويخليهم ل بعضهم
روان: ياربب
مروان: باهي مع سلامة توا
روان: ف امان الله
روان لقت سوسن تبحت فيها وتفنص،من بعيد وسط الهرجه هذي كلها مركزه معاها!
روان جاتها: انشاء الله خير كنك تنفصي
سوسن: عليك فانص كلا انتي تكلمي قدمهم كلهم لا حشم لا جّعره
روان ضحكت وحولت ل اول مره تكون شجاعه وتحكي معاش تسكت ع شي ومعاش يهمها شي شنو تبي تخسر بعد ل خسراته: خلينه لكي الحشم حبيبتي ع اقل انا ومروان نحكو مع بعضنا بنيه صافيه ونويين الحلال وماعمرنا نديرو العار مُش كيفك ياابتاع جلال وغمزتلها
سوسن انصدمت وزمطت ريقها بتوتر تحول تكون تمام: واضح ماعمركمش غلطو وكان هكي را معاذ ماجش شور اختك كان مش هي متعوده
روان بتحتت فيها كيف عرفت بموضوع
ملاك جات ل اختها وكرات روان ل بأن عليها ملامح الغضب
ملاك: خلاص فوتيها
وران : ادفعي عليها عاد ماصحبتيش هي تحكي عليك ف ظهرك يافسخه
ملاك بحتت فيها بصدمه: شنو تحكي
روان: شي شي خطيني كان نموت ونتريح
ومشت تبي حمام لقته مصكر فيه ومشت بتسلسل بدون تفكير ل حوشهم وقعدت اطق ع باب بكل قوه وفتحت امها وخشت روان ف سقيفه..قعدت تبكي بعبره ومخنوقه شفت حوشهم وذكرياتهم اذكرت السقيفه هذي اول مايجي باتهم كلهم يجو وبحضنو و هو يستقبلهم بابتسامه كلها حب وكيف كانت حياتهم حلوه بوجود باتهم حياه حلوه طفوله جميله مليانه بأمان وفجأه يموت ويموت كلشي معاه يموتن الايام الحلوه تغيرت حياتهن
روان:عارفه ياماما بابا من يوم مشي وسيبنا نحنا حياتنا تغيرت قاعدت سيرتنا ع كل لسان وظلم حسبي الله ونعم الوكيل كل مانقل فينا كلمه مش كويسه كلا منك ياماما عتب عليك بعد مات ابابا مفروض قعدتي السند لنا مفروض الاب والام ومش خربتي عيسى بدلعك وخليتي سيف يمشي ل صحراء بسبب المشاكل وعرايك معاك بسبب عيسى وكان ديما تلزي فيه ويرقد برا ولا نحنا ل يضرب فينا بلا رحمه لا شفقه بسبب ولا بدون سبب دمرتينا ياماما دمرتينا خربتي عيالك ملاك ل بدت نخش ف حاله نفسيه ولا انا ل نواجه ف كلام الناس وكل يوم نسمع فيه ثالت ايام ونسمع ف كلام زي السم انا ل وقتلتيني وقتلتي أحلامي وطموحي شنو شعورك وانتي قتلتي بنت طموحه وبريئه كبرتيني قبل عمري ولا اخخ ع سيف ل تحمل مسؤوليه حاجات واجد قبل عمره تحمل لعند يوم تحمل وزدن المسؤوليات وبزيده كلام ناس ل مايرحم علينا عليش درتي فينا هكي تريحتي بعد قتلتي عيالك متأكده نحنا عيالك اساسا كان تشوفي بافي الامهات يخافن ع عيالهن من بزة الابره مش انتي و توا جوك تمام خليتنا نتفراقو كل حد ف مكان بعد قطعتي العيله بعد
جاها كف من زمزم قوي لين طحت
زمزم: بجبروت ونبره حادد .. اطلعي برههه معاش تخشلي حوش
نضت روان: الله يسامحك يمي الله يسامحك
وطلعت وهي دمعتها ع خدها وخشت تجري هي تسلسل محد فطن خشت تجري ل حمام وانهرت اخره
اطقي عليها ملاك
روان غسلت وجها وطلعت
ملاك وهي ترعش: كنك
روان: انتي ل كنك عليش ترجفي
ملاك هي تحول تحط يد ع يد بيش تمسك يديها معاش ترعش.. شي رعشه هذي لها ايام فيا (بصعوبه ف الكلام )
روان حضنت اختها ونزلن دموعها وملاك كذلك
سوسن: اووه عليش الحضان وحب هذا شنو جو الطيبات ل اديرن فيه
ملاك انصدمت في سوسن تقول مش امس انسانه آخرها
روان مسكه يد ملاك ومشت هي ويها وفاتتها لانه عندها حاجات اهم من انها تتناقش نقاش تافه مع اخره مع وحده كيف هذي!
//
زيدان : ايوه سفيان
سفيان: شنجو
زيدان: تمام وانت
سفيان : اهو مكسد ف المحل تجي
زيدان : توا نجي من معاك
سفيان: معايا ناصر وعبدو
زيدان : خلاص نلبس ونجي
سيفان: ع سريع فكني من لبس العرسان را نشفه مافيش طروف
زيدان: قصدك مافيش درايق
سيفان: في بس مش طروف مشي حالك
زيدان : باهي تمام
عبدو يعيطله من بعيد: اسمع جيب معاك مكياطه
زيدان: تم يابرو
وصكر خش دوش ولبس ويبخ ف عطر
نجمه: خشت عليه .. قلتلك
زيدان:تي طقي ياحويجه تخيليني عريان توا نلبس شنو حوش ل مافي خصوصيه هذا
نجمه: اسكت ماكثر دوتك بلا فايده تشيليني ل يسرى ونخطمو ع عيت محمود محمود ف عزاء ناخدو البنات وفايزه
زيدان: ابتسم بخبث شويه بس وطلع يجري من الدار
نجمه: تي هذا شنو متوحمه ع قرد ولا طرزان لم جبته عليك عيل تصرافاته مش طبيعيه
وطالعت من دار هي تتمتم
زيدان خش ع أمير
امير يلقب ف تلفونه: كنك يرا ازح
زيدان: عندي ليك حاجه سمحه من الاخير تخلي مزاجك فوق فوق
امير: اسمع احكي را نوض نسحنك طريحه سمحه را
زيدان: امي توا قلتلي تشيلنا ل يسرا بمره نخطمو ع بنات وفيفي ع قولت يوسف
امير: ** اختصر يرا
زيدان : عليش مش انت تشيلهم وتكسب شوفت ام عيون زرق؟
امير ابتسم وردت فيه الروح: لقانك خوياا لنم اطلع قول ل امي انا نشيلكم لعند مالبست
زيدان : مش تتنح ف عيونها وخلاص دبر حل خليها تفسخ وتقعد ليك
امير يدف فيه من الدار وصكر الباب ومشى يلبس هو فرحان كانه له سنين ماشافها
زيدان: امي بيشيلكم امير
نجمه: شنو معنى امير بنظره شك
زيدان: لانه ياحويجه نجومه السمحه سيارتي صغير
نجمه: صح بسلامتك صغيرتك الغريبه طشه هذي
زيدان: غريبه هذي قريب بعت كليتي بيش شريتها
نجمه: ضحكت
صباح: خلاص سياره ماتسدش نمشي انا مع عيت عمي صلاح
مسرة: حتنا نمشي معاك
نجمه: خلاص تمام واتيات انتن وخودن معاكن الموالح وحلو ع طواله
مسرة : هيهي
صباح: خلاص انتي معاك جدتي وعيت عمو محمود
نجمه: ميه ميه
وطلعن ومشن لقن سيرين وساره وموده وكيف طالعات وركبن وكان يشيلهن هشام سيارة عائليه
زيدان لبس كويشه وتوكل ع الله ومشى ل اصحابه
امير لبس ونزل سخن سيارته وركب جدته بشويه ل سياره لأنها عاليه وركبت امه
وقاعد يسوق هو فرحان ويضحك وجوه ميه ميه
ووصل فم الباب حوشنا ورنت علينا نجمه وطلعنا
امير قعد يشوف ل اسيل بمشيتها كيف شايفه روحها واناقتها وابتسم ع طول لم شفها
وركبنا وسلمنا
اسيل : امير شنجو
امير قلبه دير عرس من جوا تقول قلتله نحبك: تمام الحمدالله وانتي
اسيل : الحمدالله
جدتي تشوف مش عجبها الوضع
اسيل: جدتي كنك تبحتي فيا هكي شنو درت بعيون قططيس🥺
جدتي تهندت وبحتت ف امير ل جنبها وأمير بحت فيها وفاهم عليها كويس من نظره عيونها وتنكد
جدتي: مادرتي شي
فايزه: اسيل واطي صوتك
اسيل : تي نبره صوتي عاليه
زينب بوشوشه: بككل بدت لم تحكي مع احمد عاليه بككل
اسيل : اسكتي
انا: عليك فضائح كشفتو بينا اسكن
زينب: نقول ف الحق نا بيدي
اسيل: توا تشوفي
ونجمه وصالحه وماما يهدرزن وجدتي تهدرز معهن ومشت الطريق وصلنا
كانو وصلين قبلنا عيت عمو صلاح وصباح ومسره
ونزلنا وخشينا سلمنا ع يسرا بالاحضان وكلهم يسالو فيها ع صحتها وعمليه والخ من أسئله يطمنوا عليها وكان جيات صبايا خوته وفاء زي الخبزه اليابسه ف كل مكان قاعده
سارة: عارفات مانحبهش بككل وفاء
انا : عليش حسيتها طيبه
اسيل: طيبه قال طيب لهاتك ياحنه واضح مسمومه
صباح: تي عيب قدمكن مراه وتقرمن عليها
مسرة: تقهر اختك نوران كلهم تشوف فيهن طيبين
انا: الوليه كيف شفتها ماريت منها شي يعني
صباح: صدقتي صح بس هي عندها تصرافات غلط من زمان عرفينها فيها طقه
مسرة: اها صح
زينب : اووف عليها مستفزين
موده: مش غير عياط
زينب : حي علما الثاني فتح فمه
موده: معاش حيسكت عليك عياط
وشويه خشينا مع يسرا نوتو وفاء الغريب قاعده زي الضيفه مع صبايا خوتها وقالبه وجها
يسرى: وين اسيل الطرحه هذي
اسيل: بحتت فيها.. شنرايك
يسرى رفعت شعرها ضايقها: اها يهبل الااحمر عليك
اسيل ضحكت شفت رقبت يسرى: وانتي يهبل بنفسجي عليك
يسرا باستغراب: أين بنفسجي؟
اسيل: رقبتك نزلي شعرك الله ونبي
يسرى: حي علمي نسيت نزلت شعرها
انا: شنو توشون
اسيل : شي شي تضحك
موده: خليك ف قهوه را تفوج
انا : معاش بدت تطيب
زينب : عارفه قهوه زي الرجاله تقعدي تراقبي فيها معاش أطيب ومعاش ترقبيها وتلتفتي تقولي مازالت اكيد وتلقيها فاجت ع طول تلقيه خانك وزايط الأخ وملبز الدنيا🙂
بحتن ف زينب
انا طفيت ع قهوه وقاعدت نصب ف فناجيل
يسرا: شنو خيانه م خيانه يازينب
زينب: نحكي ف الحق😂
مسرة: حسيتها تقول ملذوعة
زينب: مش ملذوعه بس هما هكي
انا: صوابع ايديك مش كيف بعضهم 😂
زينب: لا رجاله كيف بعضهم وراسك غير درجات مستويات الخيانه عندهم
اسيل: صدقتي واللهي
وفاء : تحكن على الخيانه
بحتن فيها واستغربن امتى خشت
يسرى: اها
وفاء: معناها اسمعي وركزي كويس يسرى
اسيل: كنك بسم الله
وفاء: ماشاء الله مخطوبه انتي
اسيل: اها
يسرى: تحول تغير الموضوع .. هي بنات نقدمو
ومشى الوقت عادي مافيش جديد!
نجمه: غير هشام ل جيبكم مش هيثم
صالحه: ياحنه هيثم مش عارفه كنه منكد شويه وقالي طلع ل صحبي
نجمه: اها ان شاء الله خير انتي خليك مع عمتي كنها
صالحه: والله ماني عارفه كنها فايزه
ماما : نعم
صالحه: شفتي عمتي كنها
ماما: وكانت نبي نسألكن كنها
نجمه: بالكي مريضه ولا تحس شنفي
ماما: زعمك ماتبييش تحكي
صالحه : عمتي ديما تكابر فف مرض
ماما: يستر الله
//
زيدان هو ف طريق رنت عليه حنين كم مره ماردش لين رنت من جديد ردت
زيدان: نعم
حنين : زيدان حبيبي نحبك نا خلينا ندور مرضت انا تعبت تعبت من غيرك مانقدرش والله مانقدر بلاك
زيدان: كنك
حنين: كيف روحت من مستشفى ومريضه
زيدان: بدا يحن قلبه عليها .. شنفي شنو عندك
حنين: مش عارفه كني خايفه يطلع عندي حاجه
زيدان: شويه توا نعود عليه نحكو
وصكر وتهند وخاف عليها وقاعد يفكر فيها لين نزل محل
زيدان : وين عبدو مكياطي صقعت
سفيان : يعني قاعدد فوق جان مجموعه بنات عاد ضروري يوسع باله
زيدان: نركبله معناه نعطيه
ناصر: ريح روحك متخمارات الا وحده
زيدان: فوتني بس فاضيلهن انا
سفيان : غريبه مش رايق
ناصر: جوه مش تمام
سيفان: اها
ركب ل طبق لفوق
عبدو: اووه صحيت يامعلم ف وقتها
زيدان: وين مختفي
عبدو: اهو سفيان دهك امي ف هل عمل يرا
زيدان: عليك تبهديل
عبدو: ضحك .. وانت مكمل حياتك نوم ودرايق
زيدان: اووه طبعا
عبدو : شنجو ولد عمك هيثم
زيدان: أموره هانيه وجات عينه ع حنين ل طالعه من غرفة قياس
حنين تسقم ف قميصها مارفعتش راسها: معليش في منها مقاس أصغر ورفعت راسها وانصدمت ب زيدان وتمنت الارض انشق وتبلعها وتردد بصوت واطي ياريتني مارنيت يارتني اوووف
زيدان حط يديه ف جيوبه ويبحت فيها ومبتسمه كيف طلعت كذابه
عبدو: اها في بإذن الله بس لون ابيض ل فيه
حنين: ماردتش عليه واخر شيء متوقع انها تتلقى مع زيدان وندمت انها رنت وتشوهت صورتها قدم زيدان مره اخره
زيدان بين وبين نفسه صار تحبني ومازالت تبيني ونادمه وتبكي وهي طالعه ل سوق ومكياج ع وجها تقول ماشيه العرس وعدسات وشعر برا الوشاح هذي شكل وحده مريضه وكانت ف مستشفى اووه ع كذب؟
عبدو: معليش ياانسه
بنت خالتها جايه ومعاها قفطان: بكم هذا
عبدو:$$
بنت بحت في زيدان وانصدمت
حنين وشوشت ل بنت خالتها: هذينا راياتك السود
بنت: هي نطلعو
حنين: خالتي ركبت دور الثاني تجيب حاجات ل مولد الجديد ولد فطيمه
بنت: اوووف شنو يطلعها
عبدو: معليش ياانسه تبيه ولا نرده
حنين زمطت ريقها: رده
وطلعت من دور هي بنت خالتها ورقن فوق
حنين: خسارته خسارته
بنت خالتها: ماك فسخه خسارتي راجل ميه بنت تتمناه فلوس وعز وسيارات ودبش وحنون وكل شي محد قالك العبي ع حبلين وآخره أصحاب عليك ** فيك
حنين: واطي صوتك ناس
العامل: تفضلي ابله تبي شي
بنت خالتها: لا شكرا .. هي ماما غادي نمشولها
حنين تمشي وهي معصبه ومش طايقه روحها
حنين: اسمعي بننزل نحكي معاه
بنت خالتها : انزلي وشوفي كيف بترقعي موضوع وخلي لسانك معاه رطب
حنين: باهي
ونزلت وهي فكر ايش تقول مهم تحكي معاه وتحول تحنن قلبه
ونزلت
//
هيثم: شنو
صاحبه دكتور: شنو بنقولك ياهيثم لم حكيتلي ع تلفون كان عندي امل اني نشوف ونقول غلط بس صح سرطان
هيثم: هو خنقته العبره.. ياحمزه
حمزه تهندت: استهد بالله وخلي ثقه بربي كبيره
هيثم نزلن دموعه
#تبع
فيس بوك:قروب روايات كادي لايك🤍.
واتباد : نجمه😂🥺❤.
أنت تقرأ
لكل شخص حكايه
العاطفية(روايه لكل شخص حكايه كل شخص في روايه عنده قصه وعنده ماضي وكل قصه حستفيدو منها روايه كوميديه ودراما وحب وأجواء عائلات الييبه ) بلهجه العامية اليبية الشرقاوية وقليل من لهجه الغرباوية. الكاتبه:- كـــــــادي إبراهيم .
