لكل شخص حكايه

35

لكل شخص حكايه
35.
//
رن يوسف كم  مره ماردش
.. : دز مسج " مش داعي دوه زايد توا مازالك23 ساعه هي بسرعه وقت يجري ولا ولد عمك يموت وتقعد سبب في وفاته وتخلي بنته يتيمه!؟ "
يوسف: بنته شنو تي هضا فيش يحكيِ!
....: يوسف هي بسرعه ف هجوم صار ف***
يوسف ماردش عليه وقاعد حايس كيف يروح!
يوسف: كلملي ابراهيم بسرعه
...: ابراهيم توا بيطلع مع مجموعته
يوسف مشى يجري وخلاص ابراهيم بيركب
يوسف: ابراهيم تعال بسرعه!
ابراهيم نزل وجا يوسف
ابراهيم: كنك ماطلعت دزيتلهم دعم وتوا ماشيين نحنا 
يوسف: انا حنروح
ابراهيم: شنو تحكي انت عليش بتروحي
يوسف: موضوع خطير بككل
ابراهيم: مافهمتش ، بس توكل وانا ناخد مكانك ؟ شور هلك؟
يوسف: شور هلي
ابراهيم: مع من بتروح
يوسف: مش عارف مازلت مانظمت اموري
ابراهيم: تبيلك يوم ادور كيف اتروح بس اصبر عمي ماشي بنغازي هو وهله اطلع معهم!
يوسف: نمشي حتى بروحي مش حنوحل فيها بس مكاني خوده انت ونزل مشي مجموعات انا طالع مافيش وقت
ابراهيم: شنو تمشي بروحك هذي ل قاعدين ع حدود**  يشوفوك يفرغوك اسلح لبست جيش وتوا عمي طالع اسمعني بس
يوسف: هي كلمه بسرعه لعند لميت دنيتي
ومشى يوسف ف دقائق تم موضوعه 
ابراهيم: وصلت عمي خلاص هي طالعلك توا
يوسف طلع وشاف سياره مشلها سلم ع راجل وركب كان سياره كلها بنات وركب قدم مع راجل
...: كيف حالك
يوسف:  الحمدالله والله مش عارف كيف نشكرك يعمي
...: لا شكر ع واجب كيف وليدي ابراهيم انت
يوسف : بارك الله فيك
يبحت يوسف ف مرايا يشوف ف شكله هالات السوده تحت العيون ولحيه وشعر كان منظره تقول طلع من كهف
يفكر ف شباب سيبهم ومشى ويفكر من يهدد فيه هضا ويفكر ف ميه حاجه كان مشوش بككل!
//
...: قصي
قصي يفكر ف مراته : تي كنك انت **** نفختهن ليا خطاني
...: كم ساعه واظلم الدنيا وبنتك ومراتك شنو يصير فيهم نعطيك ترن؟
قصي: وين وين حنون تاريتك😂
...: اول مره نشوفو حد مخطوف ويضحك
قصي : يابرو مش اول مره ننخطف انا اول مره نقعد بارد وساكت عشان موضوع ف العيله بس
..: عارفينك مشلش، ترن ولالا
قصي : باهي فكلي ايديا
...: هههههههههههه تحلم مل عليا الرقم !
قصي: عطه رقم هشام! ورن كم مره ماردش
....: كنه الأخ
قصي: عود رن اخره
..: رن ورد
هشام: السلام عليكم من معايا
قصي: هشام اسمع انا يوم مرات مانروحش مش منظم اموري ف حوش بيش نسيبهم امشي خدوهم ، امانه عندكم لعند مانروح
هشام: شنو تحكي انت وين نمشي بيهم؟
قصي: عند جدتي نظم امورك بس ماتخليهمش ليله بروحهم
هشام: شنفي فيه باهي
وصكر الخط
.. :ساد مش مربوعه هي ورد صكر ف قصي !
قصي : توا نوريك
//
هشام: شنو حندير انا عليك قصه طلع يجري وركب سيارته، هو عارف ماقاله قصي الا فيه حاجه بعد ساعه وصل
نزل طق ع حوش كم مره مافتحتش جمانه
هشام: جمانه افتحي دزني قصي
جمانه مستحيل تفتح وقصي مش قاعد بس فتحت
جمانه: عليش شنفي كنه قصي
هشام: اهدي بس ماكنه شي يوم قالي بايت برا وخودهم !
جمانه: شنو جديد يابت برا ديما عليش مره هذي
هشام: اسمعي بس نراجي فيك ف سياره خودي كم حاجه لكي وسجى وهي
جمانه: نرن عليه وين حنمشو
هشام: لهلي وين حنمشو
جمانه:  من جدك انت قصدي مستحيل يخليني 😢
هشام : كيف تفهمي ياوليه  هو قالي بسرعه بس
وصكر باب وركب سيارته يراجي وهو يفكر
جمانه:  حي عليا شنفي شنو صاير
سجى: ماما صوت عمو
جمانه: هي حبيبي نغيرلك
وغيرت ل سجى ودرتلها شعرها وغيرت هي وخودت معاها كم حاجه لسجى هي ماخدت شي
لبست عبايتها وخمار ابتاعها وصكرت باب الحوش وطلعت
ركبت وره وسجى قدم مع عمها
قاعد يبصر ويضحك مع سجى وجمانه تفكر شنو صاير!
//
نوران : ايوه سيرين  واتيه
سيرين هي ف عياده: واتيه لشنو؟
نوران: تي عندنا محاضره يوم ف معهد
سيرين: لااالا مش ماشيه انا
نوران: تمام يقرده سيبتيني 😂
سيرين بحزن: الله غالب
محمود : نوران هي انزلي
سيرين: باي امشي لعمو
نوران: هي باي
ونزلت وركب مع بابا وصلت معهد ونزلت متأخر طبعا
دكتور: تأخير ممنوع ياطالبه محد يخش بعدي🙂.
نوران: معليش اخر مره." بفلوس تهزبو بدون فلوس تهزبو شنو حل معكم" 
بحت قاعه مليانه وعدد زايد مافيش الا كرسي نقعمز فيه صبيت مع مصبين وخلاص
منصور : صبي .. قعمزي
نوران: لا شي
منصور: تي قعمزي استاذ حيلزنا
نوران:  خليه يلز متريحه نا مصبيه
دكتور: منصور اسكت وخليني نعرف نشرح
نوران : ابتسمت ومنصور ساكت
وقاعدت منسجمه مع دكتور ونسجل لسيرين التنبله ماتبيش تجي!
ف وقت نفسه كانت سيرين عند دكتور ودموعها في عيونها😢!
دكتور: خلاص هيثم زي مالقتلك تبي تقعد توا نبدو ف كيماوي وخلاص هنا وتبي تسافر ويكون احسن ميه مره نوصي دكتور عادل الفلاني معروف جداً ، تبدا معاه حتكون كويسه
هيثم: لا بنسافرو توا نطلع نبدأ ف الإجراءات ونتوكلو!
دكتور: حنمشي معكم انظملك الأمور غادي وهكي هك ماشي كانت انا
هيثم:  خلاص تمام
دكتور: دير الاجراءات وكلمني نحجزو نفس الطياره
هيثم: ميه ميه
دكتور : تم بياتنا تلفون
هيثم: تم
سيرين مسحت دموعها وطلعو
هيثم: شنو قلتلك ع دموع هذينا نبيك قويه انا حتتخطي كلشي صدقيني حتردي احسن من قبل
سيرين: يارب🥺
هيثم: خلاص نعطك ونمشي لباتي ندورله وديرلنا الإجراءات
سيرين: تمام
وصلو لحوش زي العاده خشت سيرين رقدت هروب من الواقع!
ف وقت راقده فيه هضا انتشر ف الحوش انه سيرين مريضه وجدتهم عارفت كلهم عارفو وتأثرو😢.
//
هشام: خلاص سجى خلينا نروحو ماما ف سياره من بدري
سجى: خلاص اخر مره
ركبت ع لعبه ونزلت
وف وقت هضا جمانه تحول ترن ع قصي ويعطي فيها مقفل!
وركبو سياره
هشام: معنديه زي باتها
جمانه ضحكت: بككل بككل
سجى: والله ونقولها له🙂!
هشام: هل بصاصه
وشويه وصلو الحوش
جمانه بحت ف حوش كان منظره جميل ومريح بكل
سجى: شنو هضا عمو
هشام: حوش جدك هي
جمانه تجمدت معاش عرفت تتحرك
هشام: هي تفضلو 
مسره هي تبكي ف جنان ع سيرين شفت هشام خش معاه وليه وبنت مشت تجري جوا
مسره: جدتي جدتي هشام توا جا معاه وليه وبنت
جدتي متنكده: باستغراب .. شنو؟
خشو
هشام: استغربت انهم كلهم عند جدتهم كان يبي جدته بروحها
رفعت خمارها جمانه
جمانه: السلام عليكم
جدتي: وعليكم السلام بنتي تفضلي
سلمت ع موجودين ماعد صالحه مش قاعده
جدتي حضنت سجى
سجى مستغربه ناس اول مره تشوفهم وكل مستغرب ويتفرج هذوما من شنو هضا ؟
الا ساره لانه عارفه بموضوع
جدتي: هذي بنت قصي وجمانه مراته
كلهم شهقو كل حد ف باله ميه سؤال؟
جدتي تفنص فيهن
خشت صالحه
صالحه: شنو جيبها هذي هنا
جمانه دموعها نزلن
جدتي: صالحه جات عندي هي مش عندك!🤫
جمانه عارفتها امه وجات بتسلم عليها ردتها صالحه
صالحه: لا نبي منك سلام لاشي ابعدي عني
جمانه انحرجت قدمهم كلهم وكل استغرب تصرف صالحه يبحتو ومصدومين
جدتي:  صالحه كنك انتِ؟
هشام: امي من جدك
صالحه طلعت ومشت لحوشها!
كل حد مستغرب ويبحت وكلهم اطلعوا قعدو هشام، جمانه، سجى ، ساره مستغربه ف تصرف جدتها؟
ساره حبت تفضي الجو
ساره: هي يعميمه نطلعو نوريك جنان وحاجات سمحه
سجى تبحت بااستغرب
جمانه: امشي معاها ياماما عمتك هذي
سجى مشت معاها
سجى: شنو  اسمك؟
ساره : مسكت يدها وتمشي هي وياها.. ساره وانتي سجى صح
سجى: كيف عرفتي؟
ساره: قصي ديما يقول كان تجيني بنت نسميها سجى ♥️.
سجى: بابا يحبني
ساره: حتنا خويا يحبني
سجى: انا اكثر😂
ساره: ضحكت.. لا انا اكثر
سجى: حي جنينه
ساره: هضا بنوريه لكي
سجى مشت تجري
سجى: مكان حلو
ساره ابتسمت ع جمال سجى : بككل
..
جدتي: كنك ماجيتي مع راجلك يابنتي
هشام: هضا هو الموضوع قصي رن عليا قالي جيب مراتي وبنتي عند جدتي امانه عندكم لعند مانروح
جدتي: ان شاء الله خير في حاجه قصي
هشام: مش عارف توا نشوفه مهم امانه عندك
جدتي : كيف بنتي جمانه واسفه ع كلام صالحه هي طيبه غير زعلانه من قصي
جمانه: ابتسمت .. لا عادي
وطلع هشام
وجدتي تهدرز مع جمانه تحول تسعدها شويه بعد لقطه صالحه!
..
موده: ماما من جدك ل درتيه لي وليه
صالحه: وطي صوتك ، شنو تبيني نستقبلها بالاحضان
موده:  قصدي نحنا مصدومين مش عارفين بموضوع من قبل استقبلنا عادي وسلمنا ونحنا تحت الصدمه ،وانتِ لتعرفي درتي معقوله؟ حتى ماسالتي قصي وين؟ كنه مش معاها
صالحه: موده خطيني ميه موضوع ف بالي وموضوع سيرين مش فاضيه ل تافه قصي ومراته🤫
موده: مسحت دموعها وطلعت من الدار
موده: شنو هل مصائب نزلن علينا جرت بعضهن بسم الله
خشت دار لقت سيرين راقده
موده: نعلي ياخيتي💔!
وصكرت باب وانهرت بكاء تفكيرها انشل تفكر ف خوها ومراته وبنته ولا اختها وشنو حيصي فيها؟
//
ياسين: وتيتي الشناطي
يسرى: اها خلاص♥️.
ياسين: شنو رايك ف حاجه
يسرى: شنو؟
رنت وفاء
يسرى ردت
يسرى: ايوه وفاء
وفاء تبكي: امتى بتروحي يسرى تعبت انا
يسرى: بعد كم ساعه بنروح
وفاء: اسفه خربت عليكم بس معاش نقدر
يسرى نزلن دموعها: خلاص حنجي وناخد فوتيها بس
وفاء : حاضر
وصكرت وابتسم وفاء ابتسمت الشر
وطلعت لقت خوها
وفاء : يسرى يوم بتروح واخيرا
خوها: عليش تزري عليها بنت؟ ماضيقينك في حاجه
وفاء كشخت: لالا
خوها: وراجلك هضا مايبيش يجي يشوف عياله شنو ناقصهم؟
وفاء : توا يجي ياسين يشوف شنو ناقصهم
خوها: ياسين راجل اختك مش راجلك كنك انتي🤨🤨؟
وفاء: توترت.. قصدي مدلعهم يعني
خوها: حتى لو ؟ بنحكي معاه راجلك
وفاء بخوف :لالا خليه بس ماتضغش عليا
خوها: عليك قصه تمام بجوك
وطلع
/
يسرى: شنو كانت بتقول
ياسين :مانبيش نقول شي
يسرى: كنك ياسين
ياسين : فوتيني بس
يسرى: ياسين اختي را كيف انت وزيدان ويوسف
ياسين: تشوفي ف زيدان ويوسف يديرو ف حركات اختك هذينا ؟
يسرى: لا ، بس اختي عندها ظروف
ياسين : هل بلعوطه🙂
يسرى: ياسين اختي كنك انت
ياسين: ماكني شي ، مازالت ساعتين ع طياره تطلعي؟
يسرى:  وين
ياسين : نبرمو ف بلاد وبعدها نمشو لمطار عليش مادين وجنا هنا
يسرى: تمام نلبس وشاحي بس
ياسين: تمام هي
//
نوران كملت محاضره وكراعيا طاحن طلعت رنيت ع بابا
بابا : قدم معهد اطلعي 
طلعت
نوران: كنه جوك
بابا: مافيش شي
نوران: كنك بس شنفي
بابا: سيرين طلع عندها خبيث
نوران: بابا سيرين شنو بنت عمي تبصر ؟ تي شنو سيرين هذي ؟
بابا: اهدي بس بنت عمك اها وقدر الله ماشاء فعل وربي يشفيها
نوران: نزلن دموعي مش مصدقه.. يشلني عندها يابابا
بابا: حتى امك وخواتك يبن يمشن اصلا صاير موضوع اخر
نوران: شنفي بسم الله
بابا: قصي مختفي وطلع مجوز وعند بنت قاعد عند عيت جدك
نوران: حي حي شنو هضا كله
بابا: توا كانت حايس ف إجراءات سفره سيرين  انا وعمك
نوران: قصدك بتعلاج برا
بابا: طبعا
نوران: اممم  ودموعي معاش وقفن
وخدينا ماما وخواتي وخشينا كان جو متلخبط وحزين بككل!
سلمنا ع جمانه وسجى كان كل يفكر ف سيرين وفايت موضوع جمانه وبنات تلمينا ف  دار مع سيرين
سيرين : خلاص بنات معاش تبكن ادعولي بس مازالت عايشه انا وضحكت بوجوع
مسره: كيف نقعد بلاك 😢 خوديني معاك
سيرين:  واقرايتك ياهبله حنرددلكم ادعولي بس
نوران حضنتها
سيرين: نوران مانوصيكش ف كل صلاه اذكريني♥️.
نوران: حاضر وحترديلنا اكيد ♥️.
ساره دموعها شلال
سيرين:  ساره اهدي انا راضيه بالي ربي كاتبه ليا الحمد لله على كل حال " عسى أن تحبو شيئا وهو شر لكم وعسى أن تكرهوا شيئا وهو خير لكم 🤍."
صباح:  الحمدالله انك راضيه ومقتنعه غير نحنا ماثاترين بطلعتك كلا ع علاج عرفينك قويه وحترديلنا خير من قبل🥺."
سيرين:  يارب .. بنمشي نسلم ع مرات قصي وبنته
اسيل كيف خشت: تهبل بنته بكككل
مسره: حتى مراته ايه من الجمال
ساره: قصي وين امتى يكمل يوم هضا بسرعه
اسيل: كلنا نراجو فيه يكمل
سيرين: هي بنات نطلعو برا
طلعنا قعمزنا مع جمانه كانت لبسه قميص ابيض وسروال امريكي ازرق وحزن بين في عيونها وماسكه تلفونها وخلاص😢.
سيرين: اهلاً ومدت يدها
صبت جمانه وابتسمت وسلمت عليها
سيرين: انابيدي صبيتك
جمانه: سيرين صح؟
سيرين: ايوه❤.
جمانه: تشرفت بيك
سيرين : انا اكثر والله
وحضنت سجى
سجى: ماما ماتقوليش هذي عمتي عماتي واجدات🤔
جمانه وسيرين ضحكن
جمانه:لي يسلم عليها من بنات نقولها عمتك فعشان هكي😂
سيرين: لا انا عمتك اخت باتك
سجى: اممم
سيرين: نعسانه صح سجى
جمانه: اها
سيرين: تعالي
جمانه:  وين
ومشت سيرين وجمانه وسجى فتحتلها دار فيها سرير ودولاب صغير ودار حلو وهادي
سيرين : هذي داري زمان ماكنتش نقعد عند هلي بكل ديما عند امي ف راقديها فيها وتعالي نهدرزو
جمانه: مشغوله ع قصي بكككل بكككل
سيرين: حتى نحنا وربي وشوفت عينك شباب كلهم برا يدورو فيه وانا قلبي نار عليه
جمانه قاعدت تبكي:  هو طالع ف صبح يوم عنده جلسه مهمه جدا جدا له كم يشتغل عليها وطالع بدري عشان مايتاخرش بعدها شويه جاني هشام قالي قصي بايت برا هي  وقصي عادي يابت برا بس يخلي فيا انا وسجى ماعمره كلم هشام وقاله امانه💔
سيرين: تصبر فيها... ان شاء الله خير يارب بس قصي ماينخفش عليه هدي روحك بس
سجى: ماما معاش ابكي😢
جمانه مسحت دموعها: حاضر
وطلعت سيرين وهي وجعتها جمانه وتفكر ف خوها ونست همها  بكككل
صالحه : سيريننن عليش تحكي معاها الصايعه هذي تبي تقعديلي كيفها
سيرين: ماما صوتك را تسمعك
صالحه: خليها تسمع وليدي مخطوف كله اكيد منها
سيرين: شنو دخلها هي بسم الله 🙂
صالحه: انا قلتلك معاش تحكي معاها خلاص
وسمعتها جمانه
جمانه : وينك ياقصي ؟ سييتني بروحي مانقدرش ندير شي بلاك انا
كلهم ع اعصابها وملتمين يرجو ف خبر حلو ع قصي
جدتي : كان يوسف قاعد
صالحه: ع اساس يحبو بعضهم هما
نجمه : بس يوسف مستحيل يتمنى الشر له ولا مايدورش عليه
فايزه: يوسف طيب مستحيل يديرها
صالحه: انتم مش عارف الكره ل في عيونهم لبعضهم
وع خشت ياسين ويسرى♥️.
خشتهم فرحت الموجودين كلهم نسو همهم لمده دقيقه
واحضان ودموع
ياسين: خلاص يمي ماكنتش فجبه انا🤔
يسرى: شنوجوكم رايفتلكم
صالحه: هابا ع جونا يابنتي
جدتي: خلي بنت تاخد نفس بس ياصالحه
ياسين: شنفي وين الشباب؟
ف هرجه هذي جمانه تحسب قصي جا بس ماسمعتش صوته وصوت راجل غريب عليها فقعدت ف دار جانب بنتها ودمعتها ع خدها
ياسين، يسرى: مجوز؟😳
جدتي:  من صبح يدورو عليه
ياسين: مركز الشرطه مخطوف هذا
جدتي:  رن ع واحد من شباب
ياسين: انا طالع اوكي
وطلع يجري بيمشي مركز الشرطه؟وصل وخش
//
...: وره صوره ياسين هو خاش مركز الشرطه.. شنو قلنا نحنا مش شرطه لا
قصي: عليش خايف
...: تعرف تخليه يطلع من مركز ولا توا تعلق خيمه قدم حوشكم
قصي: ببرود.. هات باهي؟
ياسين يبي يدوي يرن تلفونه
ياسين: من؟
قصي : ياسين اطلع من مركز الشرطه هكي حتقتلني انت اطلع 
ياسين : تي وينك انت حوش مقلوب عليك وشباب من صبح برا
قصي: خليهم يروحو انا كويس بس معاش ادور كان قربتو من مكان حيصفوكم
ياسين: تمام تم
وصكر
//
يسرى: صار هكي
اسيل: هضا كله صار ف ساعات
يسرى : بس صابره سيرين شفتي
اسيل:  الحمدالله خلاص حيسافر خلال أيام هذينا
يسرى:تمسح ف دموعها.. ربي يشفيها ويعافيها يارب
جدتي: كلمنا مراه قصي عليش حابسه روحها مسكينه بروحها
اسيل : هي باهي
طقت ع باب وفتحت جمانه وهي عيونها من بكاء خلاص💔
اسيل: جمانه تبيك جديده
جمانه: هي حاضر
عزفت وشاحها بعشوائيه وطلعت
سلمت ع يسرى
جدتي:  يسرى مرات ياسين
يسرى ابتسمت وجمانه كذلك قعمزت جمانه جانب جدتي
جدتي : خلاص يابنيتي ساد بكاء حيرد طيب صدقيني
جمانه:  امي نا ضايقتكم صح شوفي كيف زعلانين
جدتي: نحنا زعلانين الاكثر ع موضوع سيرين ، لأنه قصي حيرد طيب باذن الله ديما يفجع فينا ويرد
جمانه: بفجعه..  كنها سيرين" ماعرفتهش الا ساعات بس سيرين كانت محبوبه وتخش قلب طول"
جدتي : حتسافر لبكره او بعد بكره طلع عندها السرطان💔.
جمانه وجعتها بككل كأنها تعرفها لها سنين: ربي يشفيها وترد طيب يارب
جدتي:  يارب.. من يوم عديني زي امك يابنتي وصالحه مع الايام حتنقبلك ، كان نتنمك نتلاقو ف يوم احسن من هضا بس الله غالب
جمانه: حتى انا والله، كان نبي نجي لم عمتي صالحه تكون راضيه نوعا ما مش توا
جدتي: نصيب ، وانتي ماشاء الله عليك زين مااختار قصي( كانت تبي تفرحها حتى شويه لانه حاسه بي السنين لعاشتهن بروحها )
جمانه ابتسمت وفرحت: تسلمي
اسيل هي وبنات
اسيل: كان مش جو متنكد را غنيتلكم اضرب ياميم طه ولدنا دار مراه😂😂
يسرى: عنجد التافها بككل
سيرين: يوم غريب  بطريقه غريبه عقلي معاش يستوعب😂
يسرى: ولا انا بس جميله هي
ساره: بككل، كان تشوفي بنتها!
//
يوسف : عمي كان هكي ارقد تريحي وانا نكمل
//: لا عادي
يوسف : من بدري تسوق انت
//: باهي هي بس رد بالك من طريق
يوسف: حافظها طريق انا
//: خلاص معناها
ونزلو غيرو الإمكان وقاعد يوسف يسوق وكلهم راقدين
مسج" الوقت الوقت🔥 كان تتأخر حناخدو حد اخر "
يوسف قاعد يجري نوعا ما
بنت:قربت من وذن يوسف..  اسمع
يوسف: هيفاء 😳.
//
ينفتح باب ويعزقو واحد جانب قصي
قصي : شنو جابك هنا انت وكان يفكوني نقتلك
..:؟؟
//
نجمه وتعليق🥺