لكل شخص حكايه

46

حلقه46 من روايه لكل شخص حكايه
كادي إبراهيم قراءه ممتعه
(ثُمَّ قَسَتْ قُلُوبُكُم مِّنۢ بَعْدِ ذَٰلِكَ فَهِىَ كَٱلْحِجَارَةِ أَوْ أَشَدُّ قَسْوَةً)
//
امجد لطيح جهده في شغل ليل نهار
صكر المحل وحط مفاتيح في جيبه وخده تاكسي ودرس قدم حوش حنين
امجد: قاعد تحت في باب ورني انزلي
حنين بصدمه بس فرحت: حاضر دقائق بس
صُكر مكالمه
حنين رفعت شعرها ودرت ميكب ع سريع بككل ونزلت تسلسل تحت خوف مسيطر عليها يشوفه حد من عمامها اول عيال عمامها بس نزلت فتحت باب وابتسمت بنصر بس نزلن عيونها ع بوكس هدايا جايبته له

حنين: امجد
امجد: هذينا حاجاتك خوديهن معاش نبي اي اثر لكي فكيني من فيتك معاش ادزيلي شي معاش ترني عليا ولا نلقى رسالك من ع زيدان كان تحلفي ع مصحف عشر مرات مانصدقك ولا نصدق كلامك
حنين: بس هديه ماتردش
امجد: ضحك بهزوه.. توا خطرلك تجيبلي هديه زمان كانت نشحت منك في كلمه الحلوه مش هديه في وقت الكلام حلو كان يمشي ل زيدان ياوسخه
حنين نزلت راسها بقهر
امجد: خاطري نعرف عليش حقاره هذي شنو استفدتي منها توا
حنين: هي غلطه؟؟
امجد: متاكد مش زيدان بس في غيره ، بس ربي كان ساتر عليك يرجي فيك اتوبي بس انتي مافيش منك امل بديتي تزيدي في الوسخه ابتاعتك، مش عارف كم مره خنتيني انا راقد ع وذني ومعمي عليك ومرات طالعه حتى مع رجاله في وقت خطيبك طيح سعده في شغل يدهك ليل ونهار عليش؟ بيش تلبسي احسن لبس بيش تطلعي مع صاحبات كافيهات وفي الاخير فلوسي وتعبي تطلعي بيهن تتلاقي مع رجاله يا*** نتعب ليل نهار ونعطيك فلوس بيش ديري خاطرك فيه مانقصتش عليك شي ياحنين صح رقد ريح بس ولا عمري بخلت عليك بقرش معيشك عيشه نا ماعشتهش رفهيه كلشي تبيه يكون عندك اهتمام وحب ودلع غير شنو تبي ياحنين انتي شنو عطتيني خيانه ومع رفيق عمري هضا قدري
حنين نزلن دموعها
امجد: حسبي الله ونعم الوكيل فيك أن شاء الله ماتتهني يوم تفو عليك ماتستاهلي القدر ياوسخه
وطربق باب وطلع
حنين: مسحت دموعها وفكت شعرها ..توا تشوف كان ماقهرتك وتجوزت واحد فلوس مايقعد اسمي حنين
ورفعت البوكس وركبت هي اتمتم ع دروج!
حنين: اخساره فيك اصلا
//
امير مقعمز في عز التوتر وملل القاتل
دكتور كيف خش منوبته ليليه كان صاحب ياسين
دكتور:قرن حواجبه باتسغراب.. امير شنو اديري هنا؟؟
امير صبا سلم عليه
امير: ياسين داير حادث وفي عنايه مشدده
دكتور: بحت بحزن.. تي كيف وامتى محد قالي شنو يدير في مستشفى هذي نمشي نشوفه
ومشى يجري بخوف ع ياسين وماعطش فرصه حتى امير يرد
دكتور لبس لبسه مستشفى وعقم ايديه وخش للعنايه وشاف ياسين وماسك دموعه بغصب كان منظره يشق القلب شاف دكتور مسؤال ع حالته وفاهم منه
عز الدين: اووف حالته خطيره بكككل
دكتور: بككل بككل
عز الدين: ياسين الفلاني دكتور ممتاز وشاطر بككل معروف
دكتور: قصدك هو ابتاع الجراحه؟؟ نسمع بيه ماعمري شفته مانحسبه هو
عزالدين: اها، عز الرفقه والله راجل خلوق وكويس بككل في حاله
دكتور: ربي يشفيه ويعافيه حتى خوه بيطلع بيه بس حالته ماتسمحش
عزالدين: نشوف بكره الصبح كان هكي بنطلعه ع مسؤالتي مايقعدش هنا
دكتور: يكون افضل بس نبهتك حالته ماتسمحش
غزالدين: في اسعاف انا معاه
دكتور: ع راحتك وقع انت وتحمل مسؤوليه
عزالدين هو يبحت في صاحبه بالألم
عزالدين: نشوف هله بس
وطلع عزالدين لقى امير يرجي فيه
امير: خليني نخش نشوفه
عزالدين : اسمع نخليك 5 دقائق ماطولش تعال عقم
امير: هو ملهوف ع خوه .. باهي
وعقم ولبس في رجليه وخش للعنايه وشاف بعيونه يدور في ياسين وشافه وقدم قدم سريره وجه ملفوف وراسه ويده وكراعه مجبسات واجهازه ل عليه وع صدره في يده خنقته العبره ونزلن دموعه بغصب مسح دموعه وقراء عليه اياات لشفاء
عزالدين: هي خلاص امير
امير: بصوت مبحوح..صدق الله العظيم وناض وطلعو
امير: مانقدرش نطلعه؟؟؟ حالته بكككل يبي اهتمام هنا دكتور واحد يمر ع دنيا كلها
عزالدين: حتنا بنقولها لكي بس فيها مجازفه نقدر بكره نقوقع ونطلعه بس حالته خطيره بس يقعد هنا غلط إهمال كبير هنا صدقني انا دكتور نكون معاك صريح جهدي كله نحط فيه في الخاص ونجي هنا ندير في اي كلام وخلاص مافيش نقطه تركيز مش كيف الخاص حتى مرات في عمليات نقدرو نديروهن هنا نقولهم تعالو خاص ماعندنش وقت نجو هنا ونديرو
امير بحت فيه: بس ليش هكي مش حرام عليك وناس رقده رياح شنو ديرو وماعندهمش حق الخاص را طب انسانيه قبل مايكون مهنه
عزالدين: مش عارف بس حتنا نبي ناكل ونشرب ونخلي عيالي ياكلو وشربو كان قاعدت هنا بس واشتغلت هنا حنموت جوع ولا عيالي يقرو في أحسن مدارس
امير: بحت فيه باسف.. ماقلتلكش ماتشتغل هنا انا بس قسم شغلك صح واشتغل كويس هنا ولا ماتجيش بككل و ع اقل مرتب ينزلك بحلال مش هكي وخلاص حتى أن شاء الله خمسين قرش مهم حلال ولا سيب العام بكككل مرات بشغلك بدون تركيز هضا تسبب في وفاه ام يبوها عيالها ولا اب وادمر اسره بكامل وتكون سبب في تخلي أطفال يتامه عشان هكي نسمعو فلان مات خطأ طبي من اهمالكم " وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ "
عزالدين نزل راسه باسف تمنى الارض تنشق وتبلعه: ان شاء الله خير
امير: خلي عندكم ضمير في شعب شويه را شعب ليبي متملح بككل مش ناقصه مش كلنا حالتنا ماديه كويسه ناس مش محصله تاكل وتبي تتعلاج شنو أدير تموت هنا وخلاص
عزالدين: كلام امير رغم انه أصغر منه سناً بس أحرجه بككل وخله يرتب احساباته من اول وجديد
امير: مهم توا نسأل باتي ويوسف ونقولك
عزالدين : تمام توا في عيوني هو ماتخافش عليه أن شاء الله في صبح يقعد وضعه كويس
امير: تمام فتح شيشه ميه يشرب منها ومنظر ياسين قدمه مابش يحود من بلاه يشق القلب !!
بحت في تلفون لقى اسيل ترن من جديد .
امير: هممم كنك
اسيل: شنو قصدك امير والله كانت نحكي مع صحبتي
امير: مفروض نصدقك توا
اسيل: وحق ربي ندزلك سكرين
امير: ابتسم..نراجي فيه
اسيل : خليك ع خط توا ندزلك واتس
امير: راجي نعبي نت شفره
ودزتله فعلا وقت مكالمه وقت رن عليه بالزبط
اسيل: ورقم قدمك مش رقم أحمد تبي تتأكد تأكد رقمه وعندك
امير: اصبري عليا بس كان ماربيت امه أحمد الخرا على لدزه ليا
اسيل بلعت ريقها بتوتر: ءء شنو بدير
امير: اسيل فوتيني بالله راني متملح
اسيل: عليش كنك كانت معايا في صبح كويس فيك شي؟؟
امير.." كانت معايا في صبح " لمست قلبه صح كان معاها وفطرو مع بعضها لحق يريفلها رايف هضا كله؟؟
امير: مافيا شي
اسيل: باهي
امير: بنصكر
اسيل: لا خليك صوتك مبحوح سمح مضايق ضروري نخلوه يضحك ببحه بككل 😂😂😂😂
امير ضحك: عنجد راسك بككل
اسيل: نقولك نكته
امير: ياربي انتِ ونكات قولي
وقاعد اسيل تهدرزله من هنا لهنا واضحك فيه ميزه في اسيل خفه دمها كلامها عفوي كان أكثر شي يحبه أمير فيها بعد عيونها طبعاً
اسيل بصوت ناعس : جوك تمام يساطا ؟
امير: تمام بكككل اوووف ساعه3 ارقدي
اسيل: ووريا نوضه بدري اوف
امير: ماشيه لخوالك اكيد
اسيل: وليسرى وجعتني
امير: اها والله ربي يصبرها
اسيل: ماما قلتلي منهاره بككل وهي ومراة المرحوم
امير: واعره انه كان كويس لا مريض لاشي فجأه مات نهار العيد
اسيل: وجعني الله يرحمه
امير: يارب.. هي ارقدي
اسيل: تصبح على خير
امير: وانتِ من اهله
//
عمر ناض لقى في حضنه البنت شاف التلفون لقى موعد ع طيارته
عمر: ياانتِ نوضي عليك هم
بنت ناضت ابتسمت حطت يدها ع لحيته وقربت من فمه وباسته ورفعت شعرها ناضت تلبس
عمر: يبحت فيها بعيونه الذابله.. أقرب جايه من جديد نكلمك
بنت: اوك ديما موجوده كرمالك حبيبي .. باي
عمر: باي تلقي فلوس ع طوله خودي لتبيه
بنت قربت من طوله: هون
عمر: اها
بنت خدت وبعثله بوسه ع هواء وطلعت
عمر فتح تلفونه حط ع رقم امير كان بيرن
عمر: شنو نبي فيه فكني منه
حود من عليه الغطاء وخش يدوش ومش متريح لمهمة الجايه وخايف
خايف ع روحه انه ينحبس مش خايف من ربه انه كان يزني؟؟؟!