لكل شخص حكايه

14

لكل شخص حكايه
حلقه14
( تذكر دائما أن الافعال ابلغ من الاقوال🤍)
.
.
.
وجمانه شفت من رواشن ماقلتش سيارة قصي وباب طق شفت من عين سريه صفيه!!!
ترددت ثواني هل نفتح او لا وخوفها من قصيَ
جمانه:فتحت باب بيش ترضى فضولها
صفيه: خير
جمانه : خيرات
صفيه: مافيش تفضلي ولاشنو
جمانه: قولي تبي تقوليه من هنا كان ماعندك ماتقولي توكلي ع الله
صفيه: اووف تحكي كيف قصي قعدتي كيفه
سجى: جات تجري ..من هذي؟
صفيه: سوجي
سجى:تبحت فيها باستغراب
جمانه:  هي احكي ل عندك شنو تعرفي قُصي
صفيه: يعني انتي شريتي في قصي هههههههههههههههه كيف ماانتي تحبيه انا نحبه اكثر
جمانه : دموعو عيونها.. قصدك علاقه من امتى
قصي جا بحت في صفيه: عليش جيتي اخره انتي تي كنك شنو تبي
صفيه: نبيك مش من حقي نشوف عيلة حبيبي ونتعرف عليهم ونحكيلهم ع علاقتنا
قُصي دفها هو يدف فيها قالت قصي ليا جمانه خليها في بالك وصكر باب بقوه ورفع سجى
قصي: عمري تعالي ف دار نولعلك تلفزيون اكيد رسومك بدت
سجى: صححح اكيد
ومشى ولع وعلى صوت تلفزيون وطلع
قصي: تعالي دار انتي
جمانه تمسح ف دموعها وخشت وصكر باب
قُصي بعصبيه : كيف تفتحي باب ل وحده لا تعرفيها ولاشي فهميني بس
جمانه وخرت: نبي نعرف منها من وين تعرفك كنت
قُصي: مش مصدقتيني ولاشنو يامدام؟
جمانه: تبكي .. مش هكي افهمني قُصي
قصي : ها ها تشوفي فيا نكذب ولاشنو كيف وثقتي فيها وخششتها كان درتلك حاجه وانتي وبنتك??
جمانه بصوت عالي: عارف شنو سمعتها شنو قالت وقعدت تبكي  تتشهق  اصلاً مستحيل علاقه قديمه وتمت لعند توا تلحق فيك وعارفه كلشي علينا بدأت جوزنا
قصي: بحت فيها .. واطي صوتك خيرلك
جمانه : قصي انا تعبت منك كميه ضغط لي نا فيه مش حاس بيا ياريت ماتجوزنا ياريت ماتهورنا وسمعنا كلام هلنا
قصي بحت فيها:  شنو قلتي
جمانه: جوازنا غلط صح حلال بس غلط وجواز كيف هذا مستحيل ينجح وحيصر خيانه وفعلا صارت كل شي الا خيانه تحملت كل شي عشان خاطرك سيبت هلي عشانك تحملت يكون جوزنا بسر محد يعرفك عشانك وتحملت اني نكون حامل ونتالم محد جنبي وينصحني ويفرح بحمل ابتاعي وتحملت شعور نبي امي تقولي ندير في صح او لا مالقتهش جنبي  تحملت نقعد بروحي  حتى  لم جبت مافيش حد لا ماما ولا خواتي معايا كان صبايا م معايا كلهن معهن حد يعني فيهن الا أنا بعد جبت عذاب تحملته ع اقل انت في هلك شي يهون شويه مش كيفي وتحملت  واجده عشانك وانت عارف شنو تحملت اخره مش داعي نتذكر مواضيع ل يقهرنا فيا اخره💔 ؛ في الاخير بككل شنو صار درت علاقه لانه فعلا صدقت اختِي لم قلتلي حيخونك مدامك أنتي ضعيفه وماعندك حد حيدير كلشي يبيه لانه عارفك ماعندكش غيره  عارفك انه هو وحيد في حياتك
قصي: حضنتها ... اسس جمانه
جمانه تبكي وتشهق وخشت ف حضنه كانه ترجي فيه
قصي: وحق ربي ماخناتك معقوله بنخونك مثلا هذي مش اول  حد يخش بناتنا عليش صدقتيه كيف تصدقي مالهش ساعه تعرفيها وتكذبيني نا.. انا نحبك وكلام اختك غلط في غلط ماعمريش فكره بطريقه هذي نا وعرفتيني ياجمانه وانا اسف ع كل لحظه ماقدرتش نكون جنبك ولا نعوض ع حنان هلك والله نحول نكون لكي كلشي وكيف ما انتي ليا كلشي امي واختي وحبيبتي وصحبتي وحياتي كلها ♥️، وجوزنا مش حيكون بسر ويسمح في دموعها
جمانه : كيف
قُصي: دنيا كلها حتعرفك انك مراة قُصي ال...
جمانه: لالا قصدي ناس مش حيريحونا بعدها بكلامهم
قُصي: شنو دخلنا بيهم ناس مايهنيش كلاهم را مهم توا هلي يعرفو وبنتي تعرف هلها وعمامها وجدتها
جمانه:متأكد منها خطوه هذي
قصي : ان شاء الله + اصبري نرن ع صفيه حطها في حظر وفك حظر ورن وقالي اسس ل جمانه
قصي :شنو ل درتيه ليا يوم
صفيه: هذا كله بيش نشوفك ونسمع صوتك ل نحبها وحرمتني منه سنين💔
قصي: يعني تخربي عليا عليش
جمانه صكر اللخط
جمانه:  اسفه عشان كذبتك وصدقتها وفتحتلها باب والله كان خاطري نسمع شنو بتقول بس+ خلاص فتحت معها نقاش انت🙄💔
قصي ضحك :يعني بتقول كلام الصح ياجمانه اكيد بتكذب
جمانه : مش عارفه شنصاري بس من ضغط مش اكثر
قصي: حتنا استغربتك لانه طبعك مش هكي بس اسف ابتاعك هذي مانبيهش نبي حاجه اخره😍
جمانه: لااا سجى واعيه
قصي: يعني بتفرق كان قلتي لا
جمانه: قصي 🤣
قصي : اسس خلاص رايحه تزني واجد
وباقي مش شوري ولاشوركم😭😂🙂.