لكل شخص حكايه

13

لكل شخص حكاية
13.
كادي🤍.
قراءة جميلة🤍🤍🤍.
‏{قَدْ جَعَلَهَا رَبِّي حَقًّا}
سيستجِب رَبكِ ، وماظننتهُ مُستحيلاً سيجعلُهُ حقًّا ، ثق بربك أكثر مِن دعواتك يدبِرُ الأمر مِن السماءِ إلىٰ الأرض🤍.
.
.
.
.
في صباح
قُصي وجمانه
طق باب الحوش من نادر يطق اساسا
جمانه: قصي حبيبي باب يطق تيالي
قصي فتح عيونه باستغرب : من
جمانه: وين نندري شوف معاش ساكت؟
قصي ناض لبس تشرته وجمانه نضت لبست طرف لبس صلاه
قصي فتح باب وانصدم تجمد في مكانه 😳
صفيه: هاااي😂؟
قُصي يحكي من تحت سنونه: شنو جابك هنا انتي؟
صفيه: جايه نشوفك ونشوف بنتك ومراتك سمحه حراك
قصي: اها حرام درقي وجك ازح
جمانه: قصي من؟
صفيه بصوت عالي: جمانه تعالي
قصي: انتي كنك انكلبتي ولا ايش
جمانه صبت احدى قصي بستغرب : قصي من
صفيه: بحتت فيها من فوق لوطه ..صباح الخير
جمانه: عودت سؤال بتردد.. قصي من هذي؟
قصي:بحت فيها.. عجبك هكي
صفيه:معقوله مخليني قدم باب؟ خششيني جمانه ونحكيلك؟
جمانه ماتريحتلهش بككل رغم ملامحه حلوه بس تخوف وجه اصفر سم واضح في وجها وتشوف في قصي وتدعي في بالها مش صح
صفيه: سوري كان جيت في وقت مش مناسب حنعود نجيكم اخره اوك ونجوب ع سؤال انا صفيه ونكملك من انا بتفاصيل مره جايه هيباي .لبست نظراتها و👋🏻 سلميلي ع سوجي وركبت سيارتها .
قصي صكر الباب وخشت جمانه
قصي كان عارف شنو حتدير جمانه حتسال حتصدع راسه او تتفهم معاه زي العاده بهدواء زي ماتعود عليها تفهم فيه وفي عصبيته ممكن بعد تغار تسأل واجد بس صدمته بسكوتها وبرود ملامحها
جمانه: شنو تبي فطور ؟
قصي بحت فيها بستغراب
جمانه: نمشي نوض سجى ونفطرو مع بعضنا لعند ماانت صليت
قُصي: تمام ومشى توضأ وصلى وقعد يفكر في سكوت جمانه
سجى: خير بابا
قصي: خيرات
جمانه: شنو تبي سجى عصير ولا حليب
سجى: حليب
وفكرو ومشت سجى تجري تتفرج ع رسومها المفضل
جمانه بتطلع من مطبخ
قصي مسكها : جمانه كنك مانحبش سكوت نا
جمانه ضحكت بهدواء: عليش شنو تبيني ندير نخبط ونكسر ونبكي ونقولك من هذي شنو درت معاها انت كبير وعقلك في رأسك وعارف روحك شنو أدير مش حنجي انا نقعد نهزب ع أخطائك مش صح؟
قُصي:جمانه بس هذي من ماضي بس مانبيش نحكي فيه مش موضوع
جمانه: امم ماضي وعارفتنا كلنا وحوشنا بالله خليني نطلع مايهمنيش
قُصي: والله؟.
جمانه: اممم
قُصي:ضغط عليه اخره وابتسم.. تمام كان نحسبك اكثر حد فهمني جمانه رخها وطلعت جمانه وخشت حمام بكت
جمانه: تعبت معاك قصي تعبت من كلشي والاهلي هما سند ياعوين كل بنت لم تضايق تمشي لخواته وخوته وامها وهلك ياقصي مش عرفين وكان عرفو بِيا يستقبلوني مثلا مستحيل وبنت ل جات توا اكيد علاقه خاني؟ كان سؤال يبرم في عقلي "خاني ولا من ماضي "
قصي: صفيه جبتي اخرتك بيديك
.
.
.
اسيل:بشويه را تضربي ماصار شي حبيت نصحصحك بس
نا: خزي اقلبي وجك ياتافها
وطلعت اسيل هي تسهوك
وتلفون يرن يوسف؟؟ قريبت جتني جلطه😳
انا: الو
يوسف: صباح الخير
انا: صباح النور
يوسف: شنجوك كيف نايضه امالا
انا: تمام وانت اها
يوسف:باهي الحمدالله
وسكتنا
يوسف: احمم
انا: عليش رنيت
يوسف: هك كساد رنيت😒
انا: اها باهي صكر بنرد نرقد
يوسف: ضحك.. صحه لكي ارقدي
انا: اوكي
يوسف: ظهرك مايوجعش فيك من طيحها
انا: هك انت تحب تنكد عليا🦦؟
يوسف: وحق ديني فازت الطيحه وضحك
انا: يوسف محد قالك انك بارد
يوسف : هه سخنيني
انا: تي مبردك😒
يوسف: بالله شنجو حوش عيت جدي بلايا
انا: تي ميه ميه يرا جو صقع بككل
يوسف: تي عليك كذب عارفكم تكسدو بدون غير الله غالب شغل
انا: عبدالواثق يتكلم
يوسف: باهي نوران
انا: همم هي بنصكر
يوسف : محلاك❤.
انا: هه غالط في عنوان شوف لمن بتقولها
يوسف : لا مش غالط اموري طيبه
انا: تي باهي هي وجك
يوسف: هي وجك باي
وصكرنا وانا عاد فرحانه اشويه تلقوني نطير مع عصافير في سماء من فرحه ماقدرتش نرقد توضيت وصليت ولقيت ماما واسيل يهدرزن او بالاصح تهزب فيها✨
انا: خير
اسيل: تعالي اسمعي معايا محاضره امك
انا: شنفي
فايره: شي غير نعطي فيها نصائح وتغير من تصرفاتها
انا: خليها ع راحتها
اسيل: الله اكبر اختي صقع
فايره: شكلك حتى انتي بتنكلبي؟
انا: لا ياماما غير هذي طبعها زي مامتحملين طبعي وطبع زينب ونتحملوها عادي هي ديرتنا جو اصلا
فايره: هي صح هي ديرتنا جو ربي مايحرمني منها بس ضروري تهدأ شويه .
اسيل: حاضر ياجويجه
فايره: تقول جيبه شاب انا عجبني امير ل خده منك سلسل ابتاعاات الشباب احسن تفكيت منهن
اسيل: توا نجيب غيرهن
فايره: عينك
اسيل: باهي
انا:وين زينب امالا
فايرة: تقرا برا
انا: اهمم وخشت مطبخ ودرت فطور وطلعت جانب زينب في جنان
انا: صباح الخير
زينب: خير
انا: شن تقري
زينب: شوفي
انا شفت : هيي يما قريته لين طح سعدي اقري اقري
زينب: حيوانه
شفت تلفوني حور رنت عليا
حور: صباحو
انا: صباحو
حور: رنيتي عليا أمس كنت في مكالمه معاه
انا : عارفتك تشلطي حتنا
حور: عقبالك ماتشلطي
انا: شنو هرجه ل حدك
حور : يحنه يوم سياق
انا: الف الف مبروك
حور: الله يبارك فيك باهي شنجوك من ديرلك لايك وتعليق كتبلك موفقه وقلب حمممررررر وخشيت عليه اسمه يوسف ونفس قبيلتك وطرف عمره ف ثلاتينات ويشتغل في عسكريه هالله هالله واخر ظهور قبل ساعتين
انا: وين وين معلومات هذينا كلهن اهدي
حور: قلب احمر تبيني نسكت؟؟؟يعني عارفه شنو معنى قلب الأحمر
انا ضحكت: شنو معناها
حور:طربقت باب دار ..يعني كارثه صحبتي تحب وتنحب نا مانعرفش
انا: تي بشويه ع باب..لا نحب ولاشي هذا ولد عمي هذي
حور: أحلفي ليش ديرلك قلب حمر
انا: وين نندري عليه كل حد يديرلي قلب احمر يحبني
حور: مش قلب الأحمر العادي قلب هذا تقول دم متجلط فيه(♥️)
نا: قصدك القلب ابتاع الكرطه
حور: اها يحنه قلب الحب شكله يحبك ولا مكرش عليك؟
انا: تي يبنتي مافيش حاجه
حور:لا تكذب ياوليد
انا: تي باهي خلاص في شويه إعجاب نا مش هو
زينب: تي بي من؟؟؟؟؟
انا: محد محدد حي علما
زينب : تم ياباشا
حور :احكيلي
انا: مافيش ينبتي إعجاب بس✨
حور: هالله هالله تم لم نجي نعرف كيف نتصرف معاك نقرص وذنك تحكي
انا: عليك عنف عندك
حور: انتي هكي يمشي معاك
انا: شنجو لقرايه
حور: غيري الموضوع ياحنه.. تمام ماشيه طبعا امس سيف عطني جرعه تشجيع
انا: نعلي سيف حبيته بككل تحسيه مثقف وعاقل وحنون
حور: فعلا را
انا: ربي يخليكم لبعض ونشوف عيالكم
حور: ان شاء الله يارب وانتي مع اوسيفا
انا: غير اسكتي وانتي ماتصدقي🙂
حور: هههههههههههه
انا:ههههه
حور: اسمعي امي تنادي باي
انا : باي سلميلي عليها واجد
حور: يوصل باي
وصكرنا
زينب تحرك في حواجبها: صار إعجاب
انا: تي عليك قصه
زينب:اوسيفا صح
انا: مش يوسف 🤡
زينب ابتسمت بأستفزاز:اممم صح اصلا يوسف تقولي عليه بارد اكيد مش هو
انا:نمشي نقرا كم كلمه ع حالي خيرلي من استفزازك
ومشيت لقيت اسيل توشوش في تلفون ف دار
انا بصوت عالي : اسيللل فيش مننن تكلمممي
اسيل نطت : تي يعن شكلك نحسبك ماما
انا: وهههههه بنموت هههههههههههه وجيت احدها نقصقص
احمد يضحك: اوه نوران معقده تضحك
انا: حسبى الله أن الله مع مظلومين توا انا معقده
احمد: داير اسبكر
اسيل : لا هي مكبر وذانها
انا: هالله هالله تم
وخشيت مطبخ لقيت ماما تحكي مع جدتي
انا: جديده شنجو
جدتي: هلا كيف حالك
انا: الحمدالله وانتِ؟
جدتي: الحمدالله بالي مشغول ع يسرا
انا : حتى نا والله
جدتي: حتى غيبت يوسف
انا في سري حي علما ردنا ع نفس القصه
جدتي: وقصي شينه قصي مندرعنه وين فتره هذي كلها
انا الحمدالله مادوستليش عليه وطلعت ركبت دار بديت نقرا
ماما: اكيده شغل اها لقانه صح يوسف كساد بلاه.
جدتي: اها غالي عليا بكل
ماما: حتى انا الحق
جدتي: ربي يحفظه ويحصل بنت حلال ويجوز وهو باقي الشباب العيله كلهم مش جوزين غير ياسين تقول ماديرتلهم حاجه
ماما: توا شباب معاش يبو مسؤوليه الجواز ومازالو صغيرين عمر قدمهم
جدتي: مش مسؤوليه عندك قصي يبي وحده دار عليها قصه زمان وأمه ماوفقتش ويما صار وعندك يوسف حتى هو نفس الشي كان نعرفوه كلنا انه يحب وحده ويحكلنا عليها ديما فجأه تغير ومعاش حكى عليها ومسكرين رأسهم ديما نقولهم مراه تنسي مراه غير هما تسكير رأس.
ماما: والله حتى امير ماشاء الله عليه
جدتي: اييي امير هذا خايفه منه
ماما: باستغرب .. اهااا
وكملو هدريزهم
.
.
.