بيت الليث
دخل وهو متثااقل اخذوه منه روحه يمشي جسد بلا روح مالين انفجعت من شحوب وجهه وهو جلس على اقرب كنب ومسح على وجهه
الليث بضيق وضح في صوته: روحي جهزي لي شنطة بسافر وحطي ثياب كثير بطول
مالين قربت منه شوي وقالت: بابا انتا فيه كويس؟
الليث رفع لها عينه وعينها شهدت على كسره وقال: ايه ايه كويس انتي بس روحي عني وانجزي
مالين مشت بهدوء تنفذ نزل عينه ليده المكسورة وابتسم بحزن ونزلت دموعه جالس يذل نفسه من ايام تاذيه وتزعله وتغلط عليه وتهدده وهو يروح لها ابد ما قطعها وكمل وصاله لها والمشكلة تعلق بها اكثر من جته بنفسها تراضيه ذاب مع احاسيسه وهو يتذكر شكلها جسمها ماهو قادر ينسى اصلا كيف ينسى وهو له كم يوم ما يمشي يومه الا وهو شايفها الحين كل شيء بح طاار غمض عينه وعقد حواجبه ورفع يده السليمة لخده وهو يمسح دموعه على الاقل يروح يودعها يأمنها على روحها ترى غالية عليه يوصيها على عينها لا تبكيه تخرب عيونها بدموعها ويهدي من حزنها لا يشحب لها وجهها وينطمن ان نور وجهها لا يطفى قام بعد ما اخذ نفس وهو متجه ثاني لبيتها بس وقف فاتح عينه بصدمة حزينة من شافها قدامه وهي كمان عينها تطلع شرار بس مو زي شرار كل مرة قوي وحقود وشراني لا لا هاذي المرة كان شرارها حزين ومكسور وملياان غصة كله طالع من عينها الذابلة وهو ماهو باقل عنها صغر من نفسه كثيير علشانها باع كرامته وباع عزة نفسه لاجلها ذل نفسه كثيير الحين حس بالناس وشعورهم من ذله لهم بس اللي يحس به هو الحين اكيد اقوى من كل شيء فتح الباب ورجع على ورا علشان تدخل وهي ما رفضت دخلت ووقفو في الحوش بعد ما قفل الباب
هيام بكت: الليث شسويت انت
الليث وهو يقوي نفسه ويكافع دموعه بس ما نفعت مكافحاته: ابد ما بغيتك بالحرام وجيت طلبتك ثاني من اهلك
هيام ببكي: وايش صار الحين؟ هاه؟ صرت لعبدالرحمن الليث!
الليث لف بوجهه وهو يغمض عينه بقوة وقال وهو باقي مقفل عينه: نصيب
هيام بكت انصدمت ما توقتها منه توقعت يقول بنحلها بتهون بس نصيب؟ كانه يتخلى عنها؟ بس هي مستحيل تتركه
هيام ودموعها تسري على خدها: سوا شي الليث لا تتركني كذا بسرعه
الليث انفجر ما قدر يمسك نفسه وقال وفي كل كلمة يقولها تزيد بحة صوته: كنتي ترديني واجيك و كسرتي يدي وجيت طلبتك من اهلك مرة وردوني مكسور وبعدها جيت ثاني ومسكت رجل ابوك اترجاه بكيت قدام اهلك اطلبك منهم بس هم طردوني جريح طلعوني من بيتهم بليا روح ذليت نفسي من اول يوم عرفتك فيه شسوي بعد امسك رشاش واحطه على صدري اهدد؟
هيام وقفت بكي وهي تسمع شكواه من اللي صابه علشانها قد ضحى بكرامته لها وهي ايش تسوي تنتظره يضحي اكثر ما تعبت نفسها ابد سكتت ما عرفت ترد
الليث كمل : المهم انا رايح مكة ولا طابت جروحي رجعت وكنت بجي اودعك وان شاء الله هاذ اخر لقاء
هيام بقوة: ماهو الاخير انا كمان لي لسان بكلم اهلي فيه
الليث انصدم: بنت اعقلي وش اللي تكلميهم تفضحي نفسك وتتزوجي الفاهي ذاك غصب
هيام حدت نظر عينها وقالت: شفيها لو قلت الليث ما ينعاب وانا ابيه ليه تردوه انا ادرى بمصلحتي وبعدين الفهاي اللي تقول عنه لحاله جاني وقال لي اللي صار وعلمني ان هو برضو يبي وحده ثانية ما يبيني اصبر انت نحلها انا وياه
الليث عصب: روحي كلميه ثاني والله اكسر لك راسك
هيام طلعت من بيته وقبل لا تسكر الباب صدت عليه وقالت: ايه وترى الفاهي جايبني اتفاهم معك له ساعه واقف هنا اكيد سمعك
الليث بحدة: بنتت
هيام ضحكت وقالت: ايه وطريق السلامة وترجع سالم ان شاء الله وتشوف الامور زانت
الليث ابتسم لها وهي طلعت مطمنته وهو اللي كان رايح يطمن قلبها ويودعها جت له بلسم على جروحه ريحت قلبه وراحت
......................
بيت مالك
غرفة هيام
هيا جالسة وهي خايفه امجد او احد يحس على غياب هيام بس فزت بخوف من اندق الباب وجاها صوت امجد رجحت بتوتر وبدون لا تفتح الباب وقفت بتوتر وهي تضرب يدها على خدها من نادى هيام بس ابتسمت بخبث وهي لقت خطة تغطي على هيام
هيا بنعومة: هيام نامت وش تبي
امجد توتر من نبرة صوتها: هاه ايه شسمه بغيت
هيا ابتسمت انها وترته: ايوا وش تبي
امجد ضحك بتوتر وقال اول شي جا في باله: شاي
هيا ضحكت: الحين تجيك احلى صلاعه شاي من يدي
امجد باستغراب: ايش صلاعه
هيا تنهدت: ترمس شاي اقصد
امجد ابتسم: لا بس كوب
هيا بصدمة: وانا
امجد ضحك: ايش بتشربين معي؟
هيا بثقة: اكيد
ضحك امجد عليها: طيب يلا انا بجلس ورا البيت انتظرتك تخلصيه
هيا ابتسمت انا قدرت تصرفه وحبت توتره: يلا روح يا بعد حي
امجد بفهاوة: هاه
هيا ضحكت: ايه بعد حي وميتي وكل خلاني و اجدادي
امجد ابتسم على كلامها اللي جابه على راسه ومشى بسرعه وجلس ورا البيت وسج مع افكاره في هيا وهي ماخذه كل تفكيره وهو خلاااص قرر يسحب على الليث ويحط اخته تحت المراقبه وبعد دقايق في البيت نفسه دخل عبدالرحمن وهو يتاكد ان مافيه احد وقال لها تدخل وهي دخلت ركض لغرفتها واستغربت ان هيا مو فيه بس كانت البلكونه مفتوحه وسمعت ضحكات امجد وسوالف هيا ابتسمت وراحت تنام وهي ضايقه بعد ما قفلت البلكونه وطبعا هالليلة غير عن كل ليلة هالليلة نامت تبكي وتهوجس بالليث اما هو فما غفت له عين وهو ماسك طريقه لمكة
..............................
الصباح
بيت مالك
الكل جالس على السفرة يفطروا وعبدالرحمن مو قادر يبلع من غصته بعد مكالمته معها قبل شوي حس بغصة الليث البارحة يحط بفمه خبزة وشوي لبنة ويجلس مدنق خمس دقايق وبعدها يشرب شاي شوي ويجلس خمس دقايق غيرها سرحان والكل لاحظ عليه
فلاش باك 🪄
صحى من النوم على رن جواله ابتسم من قرا اسمها وبسرعه تنحنح يعدل صوته وفتح المكالمة
عبدالرحمن: ياهلا والله باللي قلبي يهلي بها
منال ضحكت بسخرية: انت من جدك تحسبني بعشقك
عبدالرحمن حسبها تمزح وهو مزح معها: وانتي من جدك بصدقك
منال ضحكت من قلبها المخيس عليه: لالا ما امزح ترا كنت اتسلى بك ولا انا اليوم ملكتي مع ولد عمي
عبدالرحمن سكت وهو يشيل جواله من اذنه ويقرا الاسم ثاني يمكن غلطان بس لاا هو زيه اسمها
عبدالرحمن بصوت هادئ: بالله؟
منال استغربت هدوءه حسبته بيهاوشها: ايه اصلا انت مين يطل على وجهك
عبدالرحمن ضحك بتمثيل: والله انتي بعد مسكينه انا برضو اتسلى بك لان بعرس قريب كمان زيك وبعزمك انتي وولد عمك
منال زعلت لانها كانت تمزح: عبووود بلا مزح
عبدالرحمن عرفها تكذب بس كمل: لا لا ما امزح انا واللي بخذها تطيح الطير من السماء ماهي شبهك حتى القرد يستكبر يناظر لها
منال بكت: عبوود تمزح انت
عبدالرحمن بهدوء عكس اللي داخله: تضايقتي؟
منال ببكي: ايش اللي تضايقتي تقولي بتتزوج وفوق ذا بتعزمني ولا بعد تشوفها احسن مني وماتبي اضيق
عبدالرحمن بحدة: اجل شرايك بكذبتك اذا انتي تضايقتي انا ايش مالي قلب ترا انسان زيك احس وعندي مشاعر وقلبي ماهو بحجر ومزحك الثقيل خليه لك ولا قوليه لولد عمك لا اعرستو
منال تضايقت: بس انا اكذب
عبدالرحمن : ايش المزح السخيف ذاا
منال تنهدت: تبي الصراحة
عبدالرحمن: همم
منال ببكي: ابوي بيعرسني غصب قلت اقولك بطريقه ما تأذيك كثير بس بعد كلامك ما قدرت اتخيلك مع غيري والحين تذكرت اني بكون لغيرك
عبدالرحمن حسبها رجعت تمزح: منااال ايش ذا قبل شوي نقول المزح ذا اتركيه عنك
منال بكت زود: والله ما امزح والله
عبدالرحمن سكت وبعدها قال وهو ماقدر يكتم غصته: طيب الله يوفقكم
قفل الخط قبل لا يسمع ردها وحظرها وقام يتروش وهو زعلان على حاله
انتهى الفلاش باك 🪄
....................
وانتهى البارت مع الفلاش باك
توقعاتكم؟
اعذروني على الاخطاء
"يا بني ما الناس إلا خواطر وكرامات، وكسر عظم إنسان لا يقل ألمًا عن كسر خاطره، وإن كسر العظم يلتئم، أما كسر الخاطر فيبقى".
يلا وصاروا ثلاث من ابطالنا مكسورين 🥹💔
تتوقعوا يعني بتطيب جروحهم ولا؟
يلا يلا ماراح اكمل لحد ما اقرا عشر توقعات واكثر🫡🤫