بيت مالك
رجع امجد وهو ضايق على الليث ومتضايق ما قال له اللي كسر يده يروح يكسر له اياديه ورجلينه ولقى ابوه جالس مع هيام
مالك: هاه بشر عسى مو منكسره بس شرخ في العظم
امجد بقهر: اخخ لو اعرف مين كسرها له اكسر له راسه بس مااش
مالك هز راسه: لا حول مكسورة
امجد : اييه مكسورة يبه وانتي زيدي له معنا بروح اتغدا معه انا وبرجع وبداوم البارحه ما داومت
مالك هز راسه برضا: زين تسوي وانا بجي معك
امجد وهو يقوم: تم يبه بس انتي ضبطيه لا تفشلينا
هيام ابتسمت له وهي بالها مع الخبل اللي مزعجها والحين افتكت من اذاه الحقيقي وبدأ اذاه في افكارها قامت وهي تجهز للغداء مافي وقت وبدت تطبخ وتتفن وهب تتخيل ردة فعل الليث بس بسرعه وقفت تخيلات وبدت تركز في طبختها
.......................................
وقت الغداء في بيت الليث
كان شاهين والليث وامجد مع ابو امجد جالسين حول السفرة وبعد الغداء جلسوا يتقهو في مجلس الليث وبعدها طلع امجد مع شاهين لشغل وبقى الليث وابو امجد
ابو امجد وهو يقوم: يالله انا استأذنك
الليث وقف: لا وين ماجلست يا عم
ابو امجد: لا يا ولدي بروح اجيب ابوي من المطار وبكره بسوي عزيمة بمناسبه رجوع اخواني وابوي واختي وابيك اول الحاضرين
الليث وهو يفكر اذا هيام عندها عيال عم: اييه ابشر
ابو امجد طلع والليث طلع وراه بعد عاصفة افكار
....................................
بيت مالك
كانت جالسه في الكرسي ورا البيت وتقرا كتابها وكانت تبي تلبس عباه ونقاب بس اللي ريحها ان يده مكسورة ما بيقدر يجيها فاخذت راحتها وشهقت بخوف من شافت درج ينحط من ورا الجدار وبسرعه حطت الطرحه وغطت وجهها
وقبل لا ينزل داخل البيت قالت بخوف: تكفى روح
الليث نزل داخل البيت وفك لثمته: اول شي تاسفي
هيام ببكي: اسفه بس روح
الليث : وليه تبكين
هيام: تعبت منك حتى ويدك مكسورة ما تتوب
الليث ضحك: لو باسناني اجيك اقضي عمري كله علشان اشوفك
هيام مشت داخل وقالت بنعومة: انتظرني
الليث انهبل من نبرتها وابتسم غصب عنه وراحت ابتسامته وصرخ: لالالا اصبري بروح جيبي درج علشان اطلع
هيام وهي ماسكه ضحكتها عليه ورفعت الخيزران: والله على ظهرك ومثلل ما جيت روح وماني بساعدتك وبعد لثلاثين ان مارحت يا ويلك وما راح اضربك على ظهرك غيرت رايي بضرب على يدك اللي توجعك يلا واحد
بدأت هيام عد وهو سحب الكرسي حقها ومشى للجدار وتثلم وصعد
وقال وهو فوق الجدار: يا ويلك من ربك
هيام بخوف: ليه
الليث بزعل: جايك اطمنك علي احسبك خايفه علي بعد اللي سويتيه وتوقعت تتعذري بس مسكتي الخيزران وطرديتني
هيام : انا ما قلت لك اركب الجدار زي القطاو وما قلت لك تعال لي ولا قلت لك تغزل فيني فتحمل اللي يجيك من اللي تسويه
الليث ضحك: اجل انا الغلطان
هيام: ايه مين غيرك
الليث: اجل بتحمل اللي يجيني وبستمر
هيام انصدمت منه رجع يدخل البيت
الليث بابتسامه وهو يشيل الشماغ ويحطه على كتفه قال: يلا اجلديني بخيزرانك
هيام فتحت عينها وقالت بصدمة: مجنووون
الليث بهمس بينه وبين نفسه: محنون بك
هيام : قلت شي؟
الليث بسرعه: ايه يلا اجلديني
هيام انصدمت اكثر وبدت تخاف منه : ترى اعلم امجد عليك
الليث ابتسم اكثر: طيب علميه انا قلت بتحمل اللي يجيني
هيام سمعت صوت ابوها وقالت وهي تبكي بخوف: ابوي جا تكفى روح رجيتك
الليث مشى باتجاه الكرسي وقال: طيب لا تبكين رايح بس علميني عندك عيال عم؟
هيا وهي تدخل داخل: ايه
طلع الليث مهموم يخاف بجيه عيال عمها تتزوج واحد منهم لازم يتحرك ما يبيها لغيره مشى للمحل اللي فيه امجد وهو خايف هي اللي ترفضه وهيام دخلت وركضت لجدها ترحب به والجد يسمع لسوالفها بحب وهي اعز ما عنده يعزها اكثر من عياله
................................
المحل عند امجد
جالس على الطاولة ويسولف مع شاهين
امجد بضحكة: ياخي اقلك قهرني والله العظيم ما قدرت امسك نفسي
شاهين ضحك: والضابط؟
امجد كمل وهو يضحك ويعلم شاهين ودخل عليهم الليث ونط على الطوالة وقابل امجد
الليث وعينه بعين امجد: اسمع
امجد: هاه
الليث: بتفهمني وما بتتسرع وبتساعدني غير كذا ماني بقايل
امجد عقد حواجبه: واذا ما فهمت
الليث بسرعه: بتفهم ولا
امجد بضحكة: بفهم بفهم
الليث اخذ نفس وقال: انا ابي اتزوج بدل الوحدة اللي انا فيها وما اعرف احد يخطب لي فماعندي غيرك وابي اناسبك
امجد ضحك: وايش اللي لازم افهمه الحين
الليث: يعني تعرف كيف سيرتي والناس ناشرينها عدلها عند اختك علشان توافق انا مابي ترفضني لان ماني بمتزوج اذا هي ما تزوجتني
امجد فهم غلط وصرخ: وش اللي ما انت متزوج اذا......
قاطعه الليث بصراخ: يعني ما اعرف احد يجيب لي بنت غيرها
امجد نزل راسه بخجل نسى ان الليث ما عنده لا ام ولا اب ولا عم وكمل الليث يستلطف امجد: ويعني انا لحالي ومن زمان وخيري واجد لو اعرف ناس كويسين كان تزوجت من زمان بس كل اللي حولي يبون فلوسي ما استغرب اذا تزوجت ونهبتني يومي شفتك وقعدت معك ومع ابوك ارتحت لكم وقررت اناسبكم لا تفهم غلط يعني
امجد نزل من على الطاولة وهو منحرج من تفكيره اللي كان صح بس الليث عرف يصرف
امجد بحرج: طيب متى بتجي
الليث: بجي انا وشاهين الليله
امجد ناظره مصدوم: ليه مستعجل
شاهين بضحكة: بتقتله الوحدة
امجد ضحك وهو يطبطب على الليث ومشى وهو يقول: ابشر نعدل سمعتك
من ابتعد امجد قام الليث وهو يرقص فوق الطاولة وشاهين وقف على الكرسي ما امداه يرقص وطاح واعتلت ضحكات الليث عليه وهو جلس يضحك بعد
الليث بضحكة: مهبول انت
شاهين وهو يضحك : ايه انهبلت قبل شوي من كذبك قال ايش قال ماعندي احد يجيب لي بنت طيب وامي وين راحت من تشوفك تقول لك اذا تبي تعرس تعال انا اختار لك تحاتي عرسك اكثر من عرسي
الليث ضحك: الله يحفظها
...............................
بيت مالك
دخل امجد وشاف ابوه واعمامه وعيالهم وجده كلهم موجودين حتى عمته وبناتها
امجد نزل عينه عن بنات عمته وقال بصوت عالي يجلب الانتباه: السلام عليكم
عبدالرحمن ولد عمه قام بابتسامه ورحب به: يا هلااا ولد العم وينك ما تتصل ولا تسأل
امجد ضحك : اشغال يا ولد العم اشغال
جلس بين عيال عمه بعد ما سلم واعطى اخته نظره بمعنى انها تدخل لان ولد عمها نواف بياكلها بعيونه مع انها متغطية وهي بعد حست عليه واستأذنت دخلت وامجد شافه الوقت المناسب يكلمها عن الليث ولحقها
امجد وهو يسكر الباب : يا اختي الحلوة الحنونة الطيبة ال....
قاطعته هيام بضحكة: امرني شتبي
امجد: فيه واحد بيجي اليوم يطلبك من ابوي وانا ابي رايك اذا ما تبينه الحين بروح له واقوله لا تجي
هيام وقلبه ينبض بعنف من جا في بالها الليث حست بفرح مرت كلامته في اذنها وصنعت ابتسامه في روحها كلامته لمن قال (في بيتينا, انا وانتي في المستقبل) كان يقصد كلمه كلمه ومن عرف بان عندها عيال عم استعجل وهي فرحت في خاطرها كثييير
هيام بخجل: ومين ذا
امجد وعينه تتفحصها: الليث؟
هيام عقدت حواجبها مو متضايقه ولا مستغربه بس تبي تبين لاخوها انها ما تعرف عنه شي: ومين ذا علشان اعرس عليه قليل ادب يكلم الناس برا بيته ما يدخلهم
ضحك امجد: وانتي شعليك من الناس الحين انا هنا اي شي تبين تعرفينه عنه اساليني واذا ما ودك فيه من البداية قولي
هيام بخجل: طيب كم عمره هو
امجد ضحك من حياها وقال: عمره 25 باقي صغير وعنده خير زي ما تشوفي بس ما يشتغل فيه ما يرعف لسوق واسعاره خويه شاهين ماسك كل شي وطبعا انا مع شاهين يد بيد ماعلينا من شاهينوه خلينا في الليث وبعد متكبر حيل يعني ما بكذب عليك ونذل شوي بس مو مع كل احد واهم شي في قلبه مكان واحد واظن بتكون لحرمه مو لاي احد ها شقلتي
هيام ابتسمت لاخوها وما ردت واخوها ابتسم باتساع لانها واقفت ومشى لها وباس راسها وطلع لابوه
امجد وهو بين اعمامه: يبه ابيك في موضوع
مالك وهو اعطى امجد تركيزه : اسمعك
امجد ابتسم: فيه واحد والنعم يبي يجي اليوم ويطلب هيام منك اذا صار نصيب بيملكوا بعد اسبوعين والباقي انت حدده واذا ما صار نصيب ندعي الله يوفقه بغيرنا وانا سألت هيام علشان لا يجي ويحرج نفسه وقالت موافقه
نواف جا بيتكلم وهو داخله نار هو يحب هيام من هو صغير كان يقول لها عروسي واخر شي بتروح لغيره ومن قال ا مسك عبدالرحمن فمه وحد بعينه عليه وهو عض يد عبدالرحمن وطلع والجد شافهم وفهم على نواف وايش يبي
مالك بتسؤال: ومين هاذا
امجد بابتسامته: الليث
الجد بعصبية:.............................
...............................
توقعاتكم؟
اعذروني على الاخطاء
❤️
طولها مع خصرها مع عينها والشامه
غير بحّة صوتها سبحان من سوّاها
وغير شفّتها وضحكتها وطول القامه
أشهد إني رحت فيها لعنبو مجناها
يا زين القصار لا احد يزعل 🥹💕💕💕