اللهم صل وسلم وبارك على سيدنا محمد وعلى اله وصحبه وسلم تسليما كثيرا
مسكت حنان هاتفها لتتصل بفارس لتخبره ولكن فارس لم يرد
حنان :رد بقى يا فارس ظلت تتصل به وهو لم يرد
كان فارس بالفعل فى غرفة العمليات
حنان : طب اعمل ايه ظلت تفكر ثم قالت
اه هكلمه مافيش غيره
وبالفعل اتصلت بمجاهد وقالت له ان ينقذ ليلى ولكن هى لم تخبره بما حدث ولكن اخبرته ان ليلى فى غيبوبه ونعمه وناديه عايزين يخلوا الدكاتره تشيل الأجهزة من على ليلى وانها حاولت تتصل بفارس عشان يمنعهم ولكنه لن يرد
عند مجاهد
بعد ما اخبرته حنان بما حدث
حاول الاتصال بفارس ولكن فارس لم يرد
فقام بالاتصال بحازم
مجاهد : الو ايوه يا حازم ياابنى
حازم: الو ازيك يا عمى
مجاهد: الحمد لله معلش يا ابنى عايز منك خدمه
حازم : طبعا ياعمى انت تؤمر
مجاهد: عايزك تروح المستشفى دلوقتى حالا
حازم:مستشفى ليه
مجاهد: ليلى مرات فارس فى المستشفى فى غيبوبه وعايزين يشيلوا من عليها الاجهزه عايزك تروح تمنعهم
حازم:ازاى الكلام ده طب وفارس فين ازاى يقبل بكده
مجاهد: مش عارف فارس فين انا عمال اتصل عليه مابيردش ومش بعيد يكون عارف وسايبهم يشلوا الاجهزه هو اصلا ما بيطقهاش وعايز يخلص منها روح ياابنى الحقها ينوبك ثواب وانا جاى فى الطريق اهو
حازم : ماتقلقش يا عمى انا فى الطريق اهو انا بكلمك وانا سايق وقربت اوصل كويس انا كنت قريب من هناك
مجاهد : ماشى يابنى عرفنى عملت ايه لما توصل اوعى تسمع كلام فارس وتخليهم يشيلوا الاجهزه ينوبك ثواب انا غلطان انى جوزتها له من الاول وهو مش عايزها انا كنت عايز احميها من خالها ماكنتش اعرف انى باذيها وان ابنى هيبقى عايز يخلص منها بالطريقه دى بس لما تفوق هطلقها منه
حازم : ماتقلقيش يا عمى مش هسمح له يعمل كده
عند نعمه وناديه قاعدين مبسوطين فهم اخبروا الطبيب على الهاتف ان يزيل الاجهزه من على ليلى وهذا الدكتور ليس نفسه الدكتور اللى متابع حاله فارس وليلى لان دكتورهم فى العمليات مع فارس يقوم بالعمليه له و
هذا دكتور اخر
نعمه: يا اخيرا خلصت منها المشوهه دى
ناديه: ايوه عشان يتجوز حنان بقى وافرح بيها
نعمه: ايوه اول ما تدفن الزفته دى هكلمه على طول عشان يتجوزا بقى ونخلص
عند حازم وصل المستشفى وسال عن غرفة ليلى
ذهب سريعا الى الغرفه وجد الدكتور فى الغرفه يزيل الاجهزه من عليها
صرخ حازم فيه : انت بتعمل ايه
الدكتور : بشيل الاجهزه
حازم: لا سيب كل حاجه زى ما هى ماتشيلش حاجه
الدكتور: اهل المريضه هما اللى عايزين كده وقالوا انهم ماعدوش هيدفعوا مصاريف تانيه
حازم: انا هدفع بس سيب الاجهزه
الدكتور : تمام اتفضل على الحسابات ادفع مصريف المستشفى
حازم : تمام
وبالفعل تركوا الاجهزه وذهب حازم دفع حساب المستشفى وترك فلوس تحت الحساب
بعد ذالك ذهب وجلس امام غرفه ليلى فى الممر وكان حزين جدا من فارس كيف يفعل هذا هل لهذه الدرجه يكره زوجته لدرجة ان يكون سبب فى موتها
هكذا يكافئها بعد ان انقذت حياته
اخرج هاتفه وحاول الاتصال بفارس ولكن فارس لم يرد
بعد قليل وصل مجاهد الى المستشفى
راى حازم وقال عملت ايه ياولدى
حازم: ماتقلقيش يا عمى لحقتهم وقالوا ان اهلها هما اللى عايزين كده وقالو انهم ماعدوش هيدفعوا مصاريف تانيه
وانا خليته يسبب الاجهزه ودفعت المصاريف وسبت فلوس تحت الحساب
جلس مجاهد وقال الحمد لله انك وصلت فى الوقت المناسب ولحقتها
مجاهد بحزن شديد : انا مش عارف ازاى يعملوا كده فى بنت يتيمه وازاى فارس بقى ماعندوش ضميره كده للدرجادى بيكرهها قال هذا الكلام عيونه ادمعت من الحزن فهو حزين ان ابنه انعدمت منه الانسانيه
حازم: خلاص يا عمى الحمد لله لحقناها ماتزعليش نفسك عشان ماتتعبش
حازم: هو ايه اللى حصل لليلى اصلا عشان توصل لغيبوبه
مجاهد: مااعرفش يا ولدى انا كنت مسافر وحنان اللى كلمتنى وقالت لى انها فى غيبوبه وعايزانى الحقها عشان هيشيلوا الاجهزه من عليها وقالتلى انها بتكلم فارس ومابيردش وانا متوقع ان فارس موافق على كلام امه وخالته ما هو ما بيحبهاش اصلا تلاقى عشان كده ما بيردش علينا عشان مانكلموش ولا نعاتبه
فى السرايا
كانت ملك تجلس مع حنان
ملك بقلق تحاول ان تداريه : تعتقدى اللى اسمها ليلى دى ماتت بجد
حنان: مش عارفه ان شاء الله خير ربنا يشفيها دا لو
جرى لها حاجه فارس هيروح فيها
ملك: مش للدرجه دى
حنان: لا للدرجه دى واكتر انتى ماشفتيهوش فى المستشفى كان عامل ازاى دا كان عمال يعيط ويصرخ تخيلى فارس بيعيط
ملك باستغراب: فارس عيط عشان ليلى
حنان: اه تخيلى شكله بيحبها اووى
استغربت ملك كلام حنان فملك تعرف ان اخوها كان بيحب واحده وهو صغير وماتت ومن ساعتها ماحبش بعدها وقفل قلبه وعايش على ذكرها ومن كلام امها ان ابوهم اجبروا على الزواج باليلى وهو كان معترض ازاى بقى حبها وامتى
عند سميحه مرات خال ليلى
سميحه: ابوكى ماجاش لغاية دلوقتى يا بت
هبه: دلوقتى يجى
سميحه : دا كلمنى وقالى انه بيدور على الفاجره معقول كل دا بيدور عليها
هبه: بتدوروا عليها ليه ما تروح فى ستين داهيه
سميحه: يا هبله ما لما ابوكى هيلاقيها هياخدها
لفارس بيه ساعتها فارس بيه هيحب ابوكى وهيتبسط منه واكيد فارس بيه هيطفح ست زفته الدم لما يلاقيها واكيد هيطلقها مش هيفضل مع واحده مشوهه وحراميه وماشيه على حل شعرها وعندها عاشيق وكده المكان هيفضالك و واحده واحده انتى توقعيه وتتجوزيه ونقب بقى على وش الدنيا
هبه: ايه الدماغ الالماظ دى يا ماما
سميحه: عيب يابت دا انا سميحه على سن و رومح
هبه : امال اتجوزتى ابويا ليه كنتى اخذتى واحد عليوى كده ابن زوات
سميحه: كنت فكره تحت القبه شيخ بس يحسره طلع معدوم ما طلعتش غير بشويه الذهب اللى سرقهم من مرات اخوه والكام مليم اللى باسمى فى البنك اللى اخذهم هما كمان من بيت اخوه قبل ما يولع فى البيت ونخلص منهم
هبه : ايه ده هو بابا اللى سرقهم وحرق البيت
سميحه: ايوه انا اللى خليته يعمل كده قعدت احرضه ضد اخته وجوزها اصل اخته الكل كان بيحبها وكانت عامله فيها ست الشيخه وانا الكافره انا الوحشه وكنت هموت على الذهب اللى فى ايدها اللى كل شويه تحرك ايدها كانها بتغيظنى وفكرت معاهم فلوس كتير بس مطلعش غير الملاليم اللى حطيتهم باسمى فى البنك
هبه: طب ما خلصتوش على ست زفته ليه معاهم
سميحه: هى المفروض كانت تغور معاهم بس المطافى جت ولحقتها اتشوهت شويه بس لحقوها وماماتتش
هبه : امال ليلى كانت زعلانه ومتغاظه انى عندى خاتم وهى لا ليه واحنا صغيرين بدل ما معاهم فلوس
يجيبوا لها دا انا كنت بقعد اغظها انى عندى خاتم وهى لا
سميحه: كان معاهم ياختى يجيبوالها بس كانوا خايفين على الهانم لحد يشوف معاها ذهب ويخطفها عشان يسرق الدهب فمكانوش بيرضوا يجيبوالها عشان كده
هبه: فهمت بس انتى مش سهله خالص يا ماما
سميحه: لازم يابت تبقى ناصحه ووعيه زى امك كده
فى المستشفى
تليفون حازم رن بص لقى امه اللى بتتصل
سميره ( ام حازم): ايوه ياحازم انت فين
حازم: فى مشوار كده يا امى فى حاجه
سميره:فى انك ما بتسالش عليا ومابتجيش
حازم: معلش كنت مشغول فى الشغل
سميره: انت المفروض انك كنت جاى انهارده ماجيتش ليه
حازم: جاى يا امى هخلص المشوار اللى انا فيه دا وهاجى
سميره: ماشى هستناك
حازم: ماشى مع السلامه
واغلق الاتصال
نظر مجاهد له وقال روح يابنى انت متشكرين اووى تعبناك معانا
حازم: لا يا عمى مش هسيبك هقعد معاك
مجاهد: لا انا كمان هروح حاسس انى تعبان عايز ارتاح شويه
حازم: تمام يلا نمشى
مجاهد :روح انت انا هكلم الحراس يجوا يقفوا على باب الاوضه لحسن يعملوا فيها حاجه تانيه
وفعلا اتصل بحراسه وانتظر هو وحازم الذى رفض ان بتركه حتى وصلوا واخبرهم انهم لا يجعلوهم يزيلوا الاجهزه عن ليلى وان يظلوا امام باب الغرفه وان يمنعوا دخول اى احد لها حتى فارس
ثم تركهم وذهب هو وحازم وخرجوا من المستشفى
وركب كل واحد سيارته للذهاب الى منزله
ولكن داخل المستشفى كان هناك من يخرج
يتبع
لم اعرف طفلتى
ايه رايكم في الروايه
عايزه تفاعل جامد بقى