اللهم صل وسلم وبارك على سيدنا محمد وعلى اله وصحبه وسلم تسليما كثيرا
كان فى الحمام فسمع صوت زعيق
كانت ليلى فى الغرفه تغلق الشبابيك وجدت حماتها تدخل الغرفه ذهبت الى ليلى
نعمه: ومسكتها من يدها انتى كنتى فين يا بت انتى
ليلى :كنت فى الحمام
نعمه:انتى هتستعبطى يا بت انت الحارس قالى انك خرجتى كنتى فين انتى مفكره عشان ابنى مريض هتمشى على حل شعرك كانت تصرخ بصوت عالى
وجدت من يخرج من الحمام ويقول بزعيق ايه اللى بيحصل هنا
اتصدمت من وجود فارس فهى كانت تظن انه فى الخارج لان الحارس أخبرها انه راه وهو يخرج ولكن الحارس
لم يراهم عند عودتهم معا لانه كان ذهب للحمام فى هذا الوقت كانوا عادوا لهذا ظن انه مازال فى الخارج ونعمه ذهب للغرفه لتتاكد من عودت ليلى وعندما وجدتها انها عادت صرخت بها
نعمه: اصل مراتك خرجت انهارده من غير ما تاخذ اذنى يرضيك كده يا فارس
فارس:وتاخذ اذنك انتى ليه ياماما انا اللى جوزها وهى اخذت اذنى انا وانا وفقت يبقى خلاص وانتى مالكيش انك تزعقى لها كده دى مراتى ولازم تحترموها زى ما بتحترمكم
نعمه:بقى كده يا ابن بطنى بدل لما تادبها وتوقفها عند حدها بتقف فى صفها ضد امك
فارس:انا مابقفش فى صف حد انا بقف فى صف الحق ولو كنت شايفها غلطانه كنت عرفتها غلطها بس هى ماغلطتش و حتى لو غلطت ماتزعقيلهاش تيجى تعرفينى وانا اتصرف معاها
نعمه: انا امك يا فارس لو نسيت انت هتقولى اعمل ايه ومااعملش ايه
فارس :مانستش ولا نسيت اللى عملتيه مع مراتى لما مارضيتيش تجيبى لها العلاج بالرغم اننا السبب فى اللى هى فيه هى كانت زى الفل وبالرغم كده ضحت بجزء من جسمها عشان تنقذ حياه ابنك وانتى بدل ما تشكريها
و تراعيها وتحطيها فى عنيكى لحد ما تخف وترجع زى الاول ماهنش عليكى تجيبى لها العلاج ايه اللى حصل لك يا امى انا بجد مصدوم فيكى
نظرت نعمه بغل لليلى لانها اخبرت فارس وتوعدت لها
نعمه: لا انت فاهم غلط انا كنت هجيبه لها بس الحارس مكنش موجود عشان يروح يجيبه
نظر لها فارس وهو لا يصدق كلامها ثم قال
فارس على العموم مراتى ملزومه منى انا وانا هجيب لها كل اللى تحتاجه مش هخليها تحتاج لحد طول ما انا عايش وشكرا يا امى
خرجت نعمه وهى تتوعد لليلى وحست انها بقت خطر عليها ففارس اصبح يدافع عنها واصبحت تؤثر عليه
فى الغرفه بعد خروج نعمه
فارس: ماتزعليش
ليلى:لا مفيش حاجه حصل خير وشكرا انك دفعت عنى
فارس:انا قولت الحق
ذهبت ليلى واحضرت ماء واعطيتها لفارس
فارس:ايه دا أنا مش عايز اشرب
ليلى:لا دا عشان تاخذ العلاج دا معاده ثم اعطت له العلاج نظر لها بسعاده لاهتمامها بهى فهو لم ينتبه الى موعد العلاج ولكنها منتبهه اخذ العلاج ثم شكرها
فارس:شكرا ياليلى تعبتك معايا
ليلى:العفوا ماتقولش كده ولا تعب ولا حاجه
ثم سمع ترك على باب الغرفه
فارس:ادخل
دخلت حنان
حنان:عامل ايه يا فارس
فارس:الحمد لله
حنان:كنت جايه اطمن عليك عامل ايه دلوقتى
فارس:احسن الحمد لله
لم تهتم حنان لليلى لانها تظن انها خادمه واكيد كانت بتنظف الغرفه
اما ليلى اخذت بعضها وخرجت من الغرفه لانها تعلم ان فارس يحب هذه الفتاه وسوف يخطبها ويتزوجها مثل ما اخبرتها نعمه كانت تشعر بالحزن الشديد بداخلها ولكن اصبحت تعلم ان هذا قدرها ويجب ان تتقبله فهو من حقه ان يختار الفتاه المناسبة له وليست مثلها مجبور عليها ومن حقه ان ياخذ فتاه جميله ليست مثلها مشوها لهذا خرجت لتتركهم على راحتهم
عندما خرجت وجدت ملك
ملك:انتى يا اسمك ايه
ليلى:اسمى ليلى
ملك:طيب ادخلى نظفى غرفتى
نظرت ليلى بحزن الكل يعلم انها خادمه فهى منذ موت اهلها اصبحت خادمه للجميع والكل يهينها ويقللون منها وبالفعل دخلت غرفت ملك لتنظفها
عند فارس
نظر على ليلى لم يجدها فاستغرب كيف تخرج وتتركه مع حنان لوحدهم كيف تترك زوجها فى غرفه مع فتاه
هل لا يهمها امره لهذه الدرجه هل تعمل كل هذا من باب الواجب فقط ولا تراه زوجها
حنان: فارس فارس
فاق فارس:ايه فى ايه
حنان: مافيش بكلمك و انت ولا هنا
فارس:معاكى
حنان:هتبدا العلاج الطبيعي امتى
فارس:كمان يومين ان شاء الله
حنان:على خير ان شاء الله تبقى كويس وترجع زى الاول
فارس:يارب
فارس تعالى ننزل تحت عشان ان زهقت من الاوضه
هو قال ذالك لانه لا يريد ان يبقوا معا فى الغرفه بمفردهم حتى لا تتضايق ليلى برغم من انها خرجت وتركتهم ولكن يرى ان دا الاصول والصح
حنان :ماشى
وفعلا خرجوا ونزلوا الى الاسفل نظر ولم يجد ليلى فى الاسفل فظن انها تجلس فى حديقه السرايا
حنان: ايه رايك نتفرج على التلفزيون فى فلم حلو اووى جاى
فارس:طيب ماشى
نزلت ناديه وجدت فارس
ناديه:ايه دا فارس هنا
فارس:اه يا خالتو زهقت من قاعده الاوضه
ناديه:ايوه كويس انك نزلت تقعد معانا اهو تتسلى معانا
فارس:فعلا
جاء حازم
سلم عليهم وجلس معاهم
فارس:عملت ايه فى حكايةالشغل
حازم :اخذت لك اجازه من الشغل عقبال لما تخف
فارس:تعتقد هرجع تانى
حازم اكيد طبعا ان شاء الله تخف وترجع احسن من الاول
فارس:انا حاسس ان كل حاجه انتهت مستقبلى واحلامى خلاص راحوا
حازم:ليه يا فارس ماتقولش كده الحمد لله فى امل ماتبقاش متشائم كده يا حضرت الظابط
فارس: ماعنتش حضرت الظابط خلاص
حازم:انت هتفضل حضرت الظابط واكفا ظابط فى الداخليه
كانت ملك تخرج من المطبخ وفى يدها طبق ممتلئ بالاكل وعمال تاكل ووجها ملطخ بالاكل وشعرها منكوش
ملك:انا جيت يا بشر ثم وقفت مكانها وهى مصدومه اصبحت تتمنى ان الارض تنشق وتبلعها لانها تفاجات من وجود حازم وراها بهذا المنظر وقع الطبق من يدها
حازم انصدم من منظرها وكان يريد الضحك ولكنه امسك نفسه حتى لا يحرجها ولكن حنان لم تمسك نفسها واصبحت تضحك على شكل ملك
جرت ملك من امامهم سريعا وهى سوف تموت من شده الاحراج والكسوف فحبيبها راها بهذا الشكل
عند ليلى انتهت من تنظيف الغرفه وخرحت شافتها نعمه عندما خرجت فذهبت غرفة ابنتها واخذت احد قطع الذهب من بتوع ملك ثم دخلت غرفه ليلى كانت ليلى فى الحمام ذهبت الى شنطتها ووضعت لها قطعت الذهب فى شنطتها ثم خرجت سريعا
عند ليلى بعد ما انتهت من الشاور قررت تنزل المطبخ لتعمل الغذاء وبالفعل نزلت المطبخ ولكن فارس لم يراها لانه كان جالس يتفرج على التلفاز مع حنان وناديه وليلى عدت من ورا ودخلت المطبخ ولتصنع الغذاء
عند ملك
دخلت غرفتها وجلست على السرير تفتكر الموقف اللى وضعت فيه واصبحت تصرخ
ملك:دلوقتى هيقول عليا ايه
ثم سمعت صوت رساله فى هاتفها
مسكت الهاتف وجدت حازم من ارسلها فتحتها سريعا
وجدت:زى القمر فى جميع حالاتك
فرحت بشده لان هذه اول مره يقول لها حازم شئ جميل واصبحت تتنطط وتصرخ من الفرحه
ثم رن هاتفها وجدت صديقتها تتصل بها
ملك:الو ايوه يا هاجر
هاجر:ازيك يا لوكه
ملك: الحمد لله تمام انتى عامله ايه
هاجر:الحمد لله تمام بقولك ايه احنا خارجين الشله كلها خارجه هتيجى معانا
ملك: اكيد طبعا جايه هتنزلوا امتى
هاجر:بعد ساعه
ملك:تمام هغير هدومى واجلكم على طول
هاجر :ماشى سلام
ملك:سلام
وبالفعل ذهبت الى غرفت تبديل الملابس وظلت تبحث على ملابس مناسبه وفى الاخر اختارت ثم ابدلت ملابس وخرجت تسرح شعرها ووضعت بعض من الميك اب البسيط ثم ارادت ان تلبس الاسوره بتاعتها ولكن لحظه اختفائها ظلت تبحث فى الغرفه ولكنها لم تجدها نزلت الى الاسفل واخبرت امها
نعمه:مين نظف غرفتك
ملك:اللى اسمها ليلى
نعمه:يبقى هى اللى اخدتها
ملك:بس انا مش عايزه اظلمها
نعمه تعالى نفتش حاجتها ولو لقيناها نبلغ البوليس
كانت الداده معديه سمعت كلامهم
ذهبت سريعا الى ليلى لتخبرها
كانت ليلى تعد الطعام
وجدت الداده تدخل
الحقى يا ليلى
ليلى بفزع:فى ايه يا داده
الداده:الاسوره بتاعت ملك هانم اختفت
ليلى:ايه راحت فين
الداده:مااعرفش
بس انا سمعتهم بيقولوا انك اللى اخذتيها لانك اللى نظفتى اوضت ملك
ليلى بصدمه وخوف:ايه بس انا مااخذتش حاجه والله
الداده:انا عرفه يا بنتى بس ماحدش هيصدقك وانتى عارفه حماتك ما هتصدق تلبسك التهمه
ليلى ببكاء:طب اعمل ايه انا والله ما اخذتهاش
الداده:انتى لازم تمشى من هنا قبل ما يبلغوا البوليس وتتحبسى
ليلى:طب وفارس
الداده:يلا يا بنتى بسرعه امشى من الباب اللى وره وخدى الفلوس دى خليها معاكى
اخذتهم ليلى وخرجت سريعا لانها تعلم ان لا احد سوف يصدقها حتى فارس و لم يقف احد فى صفها وسوف يحبسوها
عند ملك ونعمه
جاءت حنان لهم فى ايه يا جماعه مالكم
ملك:الاسوره بتاعتى اتسرقت
حنان:ايه مين اللى سرقها
ملك:مش عارفه بس ماما بتقول بدل ما ليلى اللى نظفت اوضتى يبقى هى اللى اخذتها
حنان:فعلا ممكن طب هتعملوا ايه هتبلغوا البوليس
ملك:مش دلوقتى لما نتاكد
حنان:وهتتاكدوا ازاى
جاءت ناديه مالكم يا جماعه واقفين كده ليه
حنان:اسورة ملك يا ماما اتسرقت
ناديه:ايه مين اللى سرقها
حنان:البت اللى اسمها ليلى
ملك:احنا لازم ندور فى حاجتها ونتاكد
حنان:صح فين حاجتها
نعمه:فى اوضه فارس
ناديه:وحاجتها بتعمل ايه فى أوضته فارس
نعمه: مافيش عشان هى اللى بتهتم بعلاجه وبتنظف اوضته حطت شنطتها هناك بس
نظرت لها ناديه بعدم اعجاب بكلامها ولكن سكتت وبالفعل صعدوا الى الاعلى
انتبه فارس ان يوجد شىء وأن الجميع صعدوا معا قرر الصعود ليعلم ماذا يحدث
دخلوا غرفت ليلى ليبحثوا فى حاجتها اخذوا شنطتها وفتحوها
دخل فارس الغرفه وجد الجميع فى الغرفه يمسكون شنطة ليلى والشنطه مفتوحه
فارس بزعيق :فى ايه ايه اللى بيحصل هنا
نعمه:الاسوره الذهب بتاعة ملك اتسرقت
فارس:تقصدى ايه مين اللى سرقها
نعمه: مفيش حد دخل السرايا غريب غير ليلى
اتعصب فارس وجاء ليرد وجد ملك تقول اهى الاسوره بتاعتى اهى الحرميه سرقتها وحطاها فى شنطتها
اتصدم فارس لانه يثق أن ليلى انسانه كويس
ولكن لفت انتباهه شئ
يتبع
لم اعرف طفلتى
ايه رايكم في الروايه
عايزه تفاعل حلو بقى