_
ومستمرين بالضحك بنص الجامعه عبالك بيت ابوهم
لحد ما يقاطع ضحكهم ايد تلزم كتف يائيل من ورا
لف يائيل راسه علمود يعرف هوية الشخص الي حط ايده عليه
فجأه ابتسم و حضنها بقوه : مشتاقلج
ملاك : اوي شعجب اليوم؟
يائيل و هو يرقع لنفسه : قصدي مشتاق لشعرجج ، صدك اليوم كالوا ما جايه شجابج؟
ملاك وهيه رافع حاجبها : هاي طرده يعني شنو هسه اروح
يائيل يضحك : لا لا اشاقه والله منوره الجامعه كلها
.
.
.
.
.
وانتهى اليوم و مشت احداثه بشكل عادي
ثاني يوم انجمعوا اصدقاء يائي يوسف و لؤي و گعدوا يحاولون يقنعون يائيل يعترف لملاك و يشجعوه شويه شويه
يائيل بنفعال :لا تاكلون خرا اكللكم ما تقبل و اذا هيه قبلت ف ابوها مستحيل يقبل!
يوسف : لا تصير سلبي انجب و اكعد وبعدين انت شناقصك علمود ترفضك شو شاب و حلو و جمال و طول بس عقل ماكو يمكن بسبب هالنقطه يشحتوك
يشحتوك : يطردوك
ضحك لؤي و حجى موجه كلامه ليائيل : يائيل معليك بكلام هذا الغبي اسمعني ، دبرلك موعد وياها اعزمها على وجبه او على قهوه او على اي شي يكون لطيف هيه بنيه و اكيد راح تحب هيج اشياء
يوسف وهو يباوع للؤي : وانت متسويلي هيج!
لؤي : ركزلي على كلمة بنات بكلامي لا اصعدك لآخر سمه
يوسف :اعصابك دادي
لؤي يسحب خدود يوسف : يا عيون دادي انت
يائيل : غزلكم هذا بغرفتكم مو يمي هسه انطوني حل شلون اعزمها؟
يوسف : يبوي اسمع اعزمها على قهوه و بمكان هادئ و رسمي و جهز نفسك و جهزلك ورد و هديه و معليك الباقي سهل
يائيل يفهي : ما اكدر استأجر واحد يحجي بمكاني؟
لؤي : راح ترتبط بالمستأجر وتعوفك يحمار
يائيل : خراعليكم ، بس خوش فكره يلا نجرب ليش لا
.
.
.
.
.
_
وبمكان مو بعيد عن يائيل شخص جان بادي يعرف كل خطوه خطاها يائيل و يريد يخطيها هم
جان مستعد لكل شي خلص شهرين يسمع لسوالفه و يشوف حركاته عن طريق الكاميرات بس صعب يتقربله بعد كل الي صار بينهم
وبعد ما عرف ريان بالعائق الموجود بينهم و الي هيه ملاك...
،.
جهز يائيل كل شي من حجز مطعم و تأكد من كل شي يمشي بشكل مضبوط خلص الي عليه و راح يجهز نفسه
ما يحب اللبس الرسمي ويشوفه مو ضابط عليه بس بهيج طلعه لازم يجبر نفسه على هذا
يائيل : يلا امري لله كله علمود ام عيون خضر
لبس ستره و بنطلون بلون اسود و قميص داخلي ابيض عدل شعره وكعد يباوع بالمرايه متخيل نفسه توب و حركات ما يدري بنفسه طالع الطف من اللطافه نفسها
يائيل بتوتر يحاول يشجع نفسه : يلا يائيل هاي اهم ليله انت قوي و تكدر تسويها!!
.
.
ركب سيارته وتوجه للمطعم و ما جان يدري بالكارثه الي حتصير وياريته ما رايح اصلا ،
وصل و طبعا جانت بعدها ما واصله
انتظر تقريبا خمسة دقايق و وصلت
جمالها و اطلالتها خلت الكل منتبهين عليها من اول دخولها ، فستانها الاسود القصير و شعرها الي رافعته بتسريحه جدا بسيطه و شكل جذاب و فاتن
،
دخلت و بقى يائيل يتأملها و صافن بجمالها بس
استغربت و توترت شويه و حست بخجل : يائيلو؟
ابتسم يائيل على اللقب الي تسميه بي و تقرب منها حضنها و كعدوا يتبادلون اطراف الكلام و المناقرات و صلت حتى بوقت موعدهم
ملاك بعناد : لك يائييل اسمعني لا تيبس راسك هيج اكلك الملابس الرسميه لايكه عليك شبيك بعد شويه و تطفر من كد مامتضايق منها
يائيل : اوك يمكن اليوم ضابطين مدري شلون بس بعدني احس يع
ملاك : هش بعد لا تحس
يضحك يائيل على كلامه و ينقر جبهتها بأصابعه : تمام تمام لا تعصبين ههههههههههههههه
تبتسم ملاك وترد اله نفس الحركه : والله كتكوت مدري شلون مقتنعه ان عمرك مو 12 سنه
يائيل: طول و عرض و 12 سنه؟
ملاك : فديت الكبير
يضحك و فجأه يتذكر سبب الموعد الي نساه و اندمج بالسوالف : يوهه صح ملاكي نسيت اريد اكلج شي
ملاك : عيوني يب كول اسمعك؟؟
يائيل : بس اول شي فكري بهدوء بكلامي بصراحه ما ادري من شوكت بالضبط حاس بهذا الشعور
ملاك : يا شعور يائيلو كول ؟
يائيل وهو يتمنى يختفي او يتشجع شويه بهاي اللحظه : اووك اسمعيي شوفي بصراحه...
وفجأه يقطع كلامه اصوات الرصاص الي برا المطعم و صوت صراخ الناس و ركضهم بكل مكان و المطعم صار بحالة فوضى بشكل مو طبيعي
يائيل لزم ايد ملاك و حاول يحميها ويفتهم شصاير بالضبط
فجأه يدخلون ملثمين يلزمون يائيل الي حاول بكل طاقته يطلع ويفك نفسه منهم ما يعرف مصيره اذا اخذوه و ما يعرف مصير ملاك اذا راح شنو راح يصير بيها
بالاخير طلعوا قطعة قماش ممليه بماده مخدره و خدروه بعد مقاومات و صراخ و دفع بس ما كدر يسوي شي لان الي جانوا لازميه اربع رجال و اضخم منه اضافه للباقين الي متوزعين بالمطعم
سحبوا ملاك وياه و غطوا راسها و اخذوها
نقلوهم لسيارتهم بس كل واحد بجهه بعدين وبعد وصولهم ...
فتح عينه جان حاس بدوخه و تعب و خمول بجسمه حاول يتحرك لكى نفسه مربط على كرسي و بظهره عمود حتى لو حاول يتحرك الكرسي ما راح يوكع لان مربوط بالعمود الحديدي
جان مربط و سادين حلكه بس حاول يتحرك بس متناسي يباوع على المكان الي هو بي
رفع راسه وحس شويه و يفقد اعصابه من المنظر الي شافه كدامه.....
.
.
.
.
.
يتبع
لحد يركز ع الاخطاء الاملائيه كتبت القصه ساعه 3 بالليل