Chapter 20
Mabilis na lumipas ang panahon. Ganun ba talaga kapag inlove? Ang bilis umikot ng oras oh, ibig sabihin kasi nun malapit ng matapos ang tatlong buwan na pagtigil ni Mikay sa Masantol.
Hindi nya pa nasasabi kay Mikay yung nararamdaman nya, eh paanu nya sasabihin? Eh halos mabaliw na sya sa kakaisip kung paano sya at saan sya magsisimula? At ang mas malala pa, magsisimula palang sya, para na syang aatakihin sa puso.
Kaya nga pinaparamdam nya nalang kay Mikay eh. Nilulunod nya ito sa kasweetan. Natutuwa naman sya dahil nagiging responsive si Mikay. Kaya nga mas lalo nya itong minamahal eh. Katulad ngayon, may plano sya.
"Hi Nay,.." bati ni Gino sa Nanay "Si Mikay po?"
"Nasa kwarto, nagbibihis." sagot ni Nanay Belen.
"Ah, sige po... Pasok po muna ako sa loob..." pumasok sya sa sarili nyang kwarto. Pagkapasok ay inilabas sa bag ang mga napamili.
Lumabas ulit sya at kumatok sa kwarto ni Mikay "yes?" sagot ni Mikay
"May pupuntahan tayo ha..."
"Ha? Saan naman?" sagot ni Mikay
"Basta ba... Sige, maliligo muna ako"
Matapos ng halos isang oras, ready na sila sa pupuntahan nila. "Wag kayo masyadong magpapagabi ha... Ala syete na ng gabi oh..."
"Opo Nay, atsaka dyan lang kami sa tabi-tabi..." sagot ni Gino
"Uy Gino, san ba tayo pupunta?"
"Dito..." tinuro ni Gino ang likod ng bahay nila. Nagtaka naman si Mikay.
"Uy anong trip ito Gino?" tanong ni Mikay
"Hindi to trip oh kung anu man... Halika na" Hinila sya ni Gino at naglakad, huminto sila sa isang maliit na hagdan. "Anu to?"
"Hagdan yan Mikay, ngayon ka lang ba nakakita ng ganyan?" pangaasar ni Gino. Nahampas naman sya ni Mikay sa braso "Alam ko, eh anung gagawin natin dito?"
"Basta ba, umakyat ka nalang..."
"Naku Gino, yang mga kalokohan mo minsan talaga... Hay naku" sabi ni Mikay habang dahan dahang umaakyat ng hagdan. Hindi sya masyadong sanay sa pa-akyat ng ganitong klaseng hagdan. Walang side rails, masyadong maliit at masyadong pataas. "Gino pag ako nahulog dito, I will kill you talaga..." reklamo ni Mikay
"Wag ka mag alala, sa akin ka naman mahuhulig eh. Handa akong saluin ka..." natigilan si Mikay. Nakaramdam sya na double meaning ang sinabi ni Gino. Pero napahinga sya ng malalim,"Ewan ko sayo..." pabulong na sabi ni Mikay. eh 90% ata ng babae nabibigyan ng double meaning ang bawat kilos ng mga lalaki, kaya alam nyang wala lang rin yun. It was just an apparition.
Nang pareho na silang naka akyat, dahan dahan silang naglakad. Pinaupo sya ni Gino sa isang bahagai bg bubong. Oo nasa bubuong sila. Kung saan kitang kita ang liwanag ng buong City.
"Anung gagawin natin dito? Ano yang dala mo?" tanong ni Mikay "Gusto ko lang ipakita sayo na kahit ganito lang ang Masantol, may makikita ka ring maganda dito... at ito? Maghintay ka lang na sabihin ko kung ano ito." Nasasanay nalang si Mikay sa kayabangan ni Gino.
"Fine! At hoy ha, may na aappreciate naman ako dito. Bakit? Maarte parin ba ako?" nagaalalang tanong ni Mikay "Hindi ah,. Ok na ok ka na nga. At yung pagiging maarte mo, di ko ba alam kung nawala o nasanay nalang ako"
"Hoy Gino... Wanna know the truth? Yang kayabang mo? Yan ang hindi talaga nawala from the moment I met you" Natawa naman si Gino "Yang pagiging inglesera mo rin, hindi nawala"
"Naku!! Halika na baba na tayo, hindi ako maka appreciate ng beauty kapag gutom ako" Natawa si Gino "Alam ko, patay gutom ka eh." nahampas nanaman sya ni Mikay sa sinabi "Brutal ka ba Mikay, ansakit na ng braso ko oh"
Magsasalita pa si Mikay ng nakita nya nilabas ni Gino ang laman ng bag nya. "Dinalhan na nga kita ng maraming pagkain oh,.."
Inilabas ni Gino ang dalawang disposable food container, "Ayan, inihanda ko pa yan ha.." pagmamalaki ni Gino. "Inihanda o binili?" natanong yan ni MIkay dahil isa lang naman ito pagkain mula sa kilalang fastfood chain.
"Yung pinangbili ko dyan, yun ang pinaghandaan ko." Sagot ni Gino. Natawa nalang si Mikay.
Masaya silang kumain, nagkwentuhan at nag asaran. Talagang binusog ni Gino si Mikay, pati sa pagmamahal binusog nya ito, hindi nga lang sigurado si Gino kung naramdaman yun ni Mikay.
"Grabe Gino, busog na ako. I love this day... And this place..."
"Eh ako?" nagulat si Mikay sa tanong ni Gino. Tumingin nalang sa malayo si Gino habang naka-ngiti. Tahimik ulit silang tumingin sa kagandahan ng buong Metro. "Alam mo Mikay, yung Masantol, parang ikaw," napatingin si Mikay kay Gino na seryosong nagsasalita "...sa una hindi mo akalain na kaya mo pala syang tagalan; na kaya mo pala syang mahalin, pero magugulat ka, may isa pala itong katangian na kahit anong pigil ang gawin mo mahuhulog at mahuhulog ka sa kanya."
________________________________________________
For more info you can reach me through the following account:
Twitter: @agentofsmile
Facebook: agentofsmile@gmail.com
Instagram: @agentofsmile
Facebook Page: Agentofsmile