سكر رعد وصار يمشي ويحوقل ويسأل الله يساعده يحصل جنينه لكن كملت الساعة وحدة وايهم مختفي ودوروا بكل حفرة وشجرة فالحديقة كاملة لكن م كان لأيهم اثر ..
" عند الحريم "
ام محمد بتعب رفعت يدها وشافت الساعة وكانت ١:٢٠ صدت وقالت : يالله سرينا ؟
ام رعد انصدمت وقالت : بس باقي حفيدي !
ام محمد بتعب : يبنتي ابوه معه وبيدور له وشوفي الشرطة وصلوا وان شاءالله خير
ام رعد قربت من ام محمد وهمست لها وهي تقول : يعمتي طيب اذا وافقت انا تتوقعين هيام توافق ؟!
هيام من وراهم وهي تمسح دموعها : ع ايش اوافق ؟
ام محمد بحدة : مالها رأي اصلاً وبكلم رعد وانتهينا
ام رعد بنفس الحدة : يعمة تبين تحرضين بينهم ؟ كأنهم ناقصين مشاكل
هيام قربت من جدتها وقالت : مالي رأي في ايش ؟
ام محمد سحبت هيام مع يدها وقالت : يبنتي بترجعين معنا البيت
هيام توسعت عيونها وقالت : وهيمي ؟!
ام محمد : م انتي واثقة برعد ؟ خليه يدوره وان شاءالله نحصله
هيام بصدمة : جدة مو من جدتس
ام محمد : بس عاد عن الدلع وش تسوين بين الرجال ؟ كلنا بنسري
هيام تخصرت وقالت : انا ماني بين الرجال انا بين اخوي وزوجي واهلي ! والله يستر عليكم م قلت لكم تجلسون
سلمى : م بنروح الا اذا حصلنا ايهم يجدة
ام محمد مسكت راسها وقالت : بكيفكم انا لييه احرق قلبي !
مشت ام محمد ومعها الامهات كلهم وهم م ودهم يروحون لكن صعبة تروح ام محمد لحالها ..
" عند رعد والفرقة "
منصور : هاه ؟ حصلتوا شيء ؟
عسكري : لا حضرة اللواء
رعد مسك راسه وقال : خلاص يمنصور ولدي ماهو فالحديقة ابدًا
منصور مسك رعد مع كتفه وقال : وانت الحين بتستسلم ؟؟
رعد : لا بس بنطلع من الحديقة ونكثف البحث برا
منصور : يالله
وكمل منصور يقول : سمعتوا اللواء رعد صح ؟
الكل دق تحية واستعدوا وطلعوا وصار البحث ع مناطق قريبة من الحديقة ومشبووه فيها
اما عند رعد ف رفع جواله ووصله صوتها وهي تقول : رعد وش صار ؟ تكفى طمني
رعد بتعب من صوتها اللي هلكه الحزن ع ولدهم وقال : يروحي تطمني والله لا احصله والله
هيام وهي تكتم شهقاتها : اه يالرعد صدري يحرقني م اكل ولا شررب ولا شيء له ٥ ساعات شلون بيتحمل ؟
رعد ابتسم بضيق وقال : ابشري والله بجيبه خلاص لا تنكدين علي زيادة
سكر رعد بدون م يسمع ردها وكمل يدور مع الفرقة ..
" عند ايهم "
دانيه : تعال يماما اوديك لأبوك ؟
ايهم كان يصارخ ويبكي ويقول : بابتي باابتي
دانيه شالته من الارض وقالت : خلاص هذا فريستنا اليوم
مشت ودقت ع رقم صاحب العملية واللي يبحث عن اطفال عشان يخطفهم ووصلها صوته وهو يقول : ايوه دانيه ؟
دانيه : بندر حصلت طفل
بندر ابتسم وقال : بين عمر كم لكم ؟
دانيه : مدري اعطيه سنة الا سنة ونص
بندر ضحك بصوت عالي وقال : بسسس هذاا اللي نبييه انتبهي وجيبيه لي حالاً
سكر وقالت دانيه : خلاص خلاص
مرت دانيه اول م مشى رعد من قدامها وصارت وراه وم تكلف انه يلتفت لها كمل طريقة ولف ايهم وجهه وشاف ظهر ابوه وهيئته واللي زاد تأكيده ريحة رعد اللي ملت الممر ابتسم وقال بصوت عالي : باااااببتتييي !!
رعد لف بكل قوته وشاف ايهم يأشر له يجي ودموعه بعيونه ركض علطول وهو حس ان روحه رجعت ووصل وقال بصوته الرجولي : وقفييي !
وقفت دانيه برعب وقالت : انت ابوه ؟
رعد بدون م يعطيها رد لأن ايهم سبقه وكان يردد كلمة : بابا ، بابتي ، بابي ..
سحبه وحضن ولده بكل حب وقال : اه يهيمي وين رحت ؟
ايهم بكى علطول وصار يحضن ابوه ويبكي وهو محاوط بيدينه الصغار رقبة رعد
رعد ضحك ونزلت دموعه وقال : يجعلني فداك يقلب الرعد ونبض الهيام
اول م قال اسم هيام تذكر يطمنها وسحب جواله وقال بصوت عالي لدانيه اللي مشت : هييييه ع وييين ؟
دانيه برعب ووضح عليها التوتر : مو انت ابوه ليش اجلس خلاص حصلت ولدك
رعد ابتسم ع جنب وقال : ايه ؟ والحين مشت القصة علي ؟
دانيه حست انها بتموت وقالت : اشبك ! هذا ولدك وحصلتو ليش تكبر الموضوع وتديه اكبر من حجمو !
رعد ضحك وقال : معتس اللواء رعد بن محمد بن قاضي ال ***** وانتي مطلوبة بجريمة خطف اطفال وعرفتتس من هيئتتس وطحتي بين يديني من يفكتس الحين ؟
كانت دانيه بتهرب لكن حاوطوها الفرقة وانمسكت هي وبندر وباقي العصابة فالسجن علطول تحت جريمة الشروع فالقتل والخطف ..
" عند البنات "
كانوا جالسين مع كاسر وذيب ع الفرشة وشوي وفزت هيام ع صوت ايهم وهو يركض ويقول : ماااااممييي
هيام بكت علطول وطاحت ع ركبتها وفز ايهم وحضنها وصار يدفن وجهه في صدرها كانت هيام تحاوطه وتبوس راسه بكل حب وكانت تبكي بحرقة ع ولدها اللي كمل ٥ ساعات ضايع ولا اكل ولا شرب حتى رفعت راسها وشافت محمد يقول : هاتييه حبيب خاله
ايهم لف لمحمد وقال : هاالوو مووديي
محمد رفعه فالسماء ومسكه وقال : يعيووون خاالك
ايهم : ميس ميس وثخ
هيام وهي تمسح دموعها ضحكت وقالت : اييه والله وسسخه
محمد توسعت عيونه وقال : احلفي ترا عادها بنتي ؟
هيام ضربت كتفه بخفه وقالت : طيب طيب هاته بعشيه وارضعه قده جوعان جعله بعمري
محمد مد ولدها لها وحضنته بكل قوتها ومشت وجلست بس قاطعها صوت رعّودها وهو يقول : يالله مشينا ؟
البنات كلهم وقفوا وقاموا متجهين للسيارات مع ازواجهم واللي مع اخوانها مثل عهود وبيان وصالحة وجميلة ..
" عند هيام الرعد "
قرب وباس راسها بقوة وقال : تطمني يهيامي قلت لتس بحصله
هيام بخبث قالت وهي تطمنت ع ولدها والحين جاء دور انها تلعب بمشاعر رعد : ومن سمح لك تكلمني ؟
رعد توسعت عيونه وقال : ايش ؟
هيام رفعت راسها بحكم ان رعد واقف وراها وقالت : مو قبل شوي دفيتني ؟ خلك قد حركتك شوي
قامت واخذت ايهم وشنطته واغراضه ومشت تحت صدمة رعد وراها وقال بنفسه ( هذي وش بلاها ؟ ماهي بصاحية والله ) مشى وراها وقال : هيامي
هيام كملت تمشي بدون م ترد عليه وهذا شيء نرفز رعد وقال بنفسه ( اها هي تبيها كذا تم اجل انسحب انا )
لين من ورا رعد قالت : رعد
رعد لف لها وقال : لبيه ؟
لين قربت منه وقالت : اسمع اول م توصل افتح اللابتوب حقك والصور ارسلتها هناك تأكدي لي منها ورد لي خبر
رعد ابتسم وباس راسها وقال : ابشري ي ليونه
لين ضحكت وقالت : لين الذيب لو سمحت
رعد ابتسم وهو موسع عيونه وقال : عششنا والله وم صرنا نستحي
لين ضحكت وحضنته وحاوطها رعد بكل حب لخواته وقالت بهمس : بس بعض الصور ممكن تولع داخلك
رعد قطب وقال : شلون يعني ؟
لين : يعني تبويس واحضان وانت مانت ناقص
رعد ابتسم وقال : اوووه جوي معليتس
لين ضربت ظهره وقالت : انت اللي م صرت تستحي !
رعد مسك كتوفها وقال : انا طالبتس تاخذين ايهم وتقنعين هيام بأي طريقة
لين صغرت عيونها وقالت : تبي تفترسها المسيكينة !
رعد : مالتس فيها اطلعي منها واخذي ايهم لا احول عليتس !
لين ابتسمت بخبث وقالت : حبيبي اتعامل انا بالفلوس كم لي واخذه ؟
رعد : ٢٠
لين : ٥٠
رعد احتد صوته وقال : ١٠٠
لين : ٥٠٠
رعد سحب ٥٠٠ من جيبه كاش وعطاها وقال : الان يكلبة الفلوس
لين ضربت راسه وقالت : انت الكلب يالكلب !
رعد : اعجلي علي !
مشت لين متجهة لهيام اللي كانت واقفة عند السيارة وقالت : هيام اخذ ايهم معي ؟
هيام قطبت وقالت : لا خير ان شاءالله م ابي اتعبتس
لين ضحكت وقالت : اه يهيام الله يصلحتس وش يتعبني والله بخاطري اخذه لبيتي جبت العاب له ونسيتها هناك عطيني اغراضه وابشري والله انه فعيوني
هيام بدون اي تردد قالت : ابشري
ومدت اغراضه وحطتها لين ع كتفها واخذت ايهم اللي نام علطول من التعب وقالت لين : م اكل صح يعني اصحيه ؟
هيام : ايه
لين : تمام الله يحفظكم
هيام : وياتس
مشت لين وغمزت لرعد اللي كان يناظرها بحدة وهو جاي يمشي ابتسم وركب سيارته وركبت هيام وقال : خير ان شاءالله ليه عطيتي ايهم لين ؟
هيام بتعب : والله الليلة مررره مالي فيه طاقة
رعد : امشي يعني ؟
هيام : ايه تنتظر احد ؟
رعد : لا
هيام صدت ومشى رعد متجهين لبيتهم ..
" عند اهل صالح "
ابو سعود : يعني بنأخذ عهود لسعود وشوق لهادي بكرا ؟
ابو هادي : بالضبط والله انه من كبر حظنا يوم نسبنا يرتبط بنسب ال قاضي كلهم
ابو سعود ابتسم وقال : اي والله صادق جهزتوا كل شيء ؟
ابو هادي : ايه معلييك
ابو سعود مشى وقال : سعود ترا بنخطب بكرا
سعود : اللي ودك لكن م قد ردوا لك خبر ؟
ابو سعود : معليه بكلم حمد بكرا ماهو ماخذ بنتنا اكيد م بيرفضك
سعود ابتسم وقال : ع خير ان شاءالله
مشوا كلهم ودخلوا بيوتهم يأخذون راحتهم وينامون بحكم ان زواج هادي وشوق فالظهر وزواج عائلي بين ال صالح وال قاضي..
" في بيت كاسر "
كاسر دخل بتعب وقال : تكفين وعد رعد لا يصيح اليوم ابي انام
وعد ابتسمت وقالت : نايم معليك
كاسر ابتسم وقال : هممم نايييم يعني انفرد بتس ؟
وعد توسعت عيونها وقالت : قلة حيا انقلع !
مشت ودخلوا البيت وطلعت وعد لغرفتهم ونزلت عبايتها ونزلت رعد في سريره وقالت : كاسر اطلع لك ملابس ؟
كاسر بخبث : ايه لأنه بيتوجب علي اتروش
وعد : وقسم بالله انك تحلم ! توو م كملت اسبوع حتى !
كاسر : يووه صح نسيت اقلع الحالة ! اجل طلعي ملابسي بتروش واجيتس
وعد : شاطر ولدي يفهم
كاسر ابتسم بسخرية وقال : قالت ايش قالت ولدي وهي راسها يوصل صدري !
وعد : شف شف !
كاسر ضحك بصوت عالي ودخل الحمام واخذ شور ونامت وعد وطلع ولبس وقرب وانسدح وحاوطها ونام معها ...
" في بيت فارس "
دخل وليما نايمة بحضنه وطلع فيها لغرفتها وكانت ليما لها غرفتها الخاصة وم كانت تنام مع ابوها وامها وكملت شهرين تنام فيها وتعودوا فارس وحنين ع هالنظام
حنين بتعب : وقسم بالله ارتحت اول م شفت ايهم بحضن امه
فارس وهو داخل الغرفة : صادقة والله
حنين : تعال اخذني لحضنك وحشتني
فارس ابتسم وقرب وحضنته حنين وحاوط خصرها وشّدها عليه وقال بصوته الرخّيم : قاعدة تسببين لي مشاكل ترا
حنين ابتسمت ونطت وحاوطت خصره بسيقانها وقالت : وش الوحدة م تشتاق يعني ؟
فارس ابتسم وجلس بهدوء وقال : ايه تشتاق لكن تتحمل المسؤولية وتتحمل نتيجة افعالها
حنين حطت راسها ع كتفه وقالت : احبك طيب
فارس مد يده ومسك فكها ولفها عليه وقال : اعشقتس
حنين ضحكت وقالت : لا تقولها وانت تطالع فينيي
فارس ضحك وقال : لييه استحيتي ؟
حنين ابتسمت وحطت يدينها ع كتوفه وقامت بس سحبها فارس وقعدها ع حضنه من جديد وقال بخبث : م قلت لتس تتحملين ؟
حنين ابتسمت برعب وقالت : م كنت تمزح !
وتوسعت عيونها اول م انحطت شفايفه ع مبسمها معلن سيطرته الكاملة عليها وو🌚...
" في بيت ام شوق "
ام شوق بتعب : اتوقع خلصنا كل شيء ؟
شوق وهي منسدحة بعد يوم شاق بالنسبة لها ولأمها ابتسمت وقالت : ايه حمدلله
ام شوق قربت وباست راس بنتها وقالت : الله يكتب لتس اللي فيه الخير يبنتي
شوق فزت وباست راس امها وقالت : ان شاءالله يميمتي
ام شوق قامت ع صوت الباب وقالت : اكيد انهم اخوانتس نامي يالله
شوق صدت ونامت علطول وسكرت امها النور والباب ونزلت الدور الاول وفتحت الباب وكانوا سامي وذياب وعهود ودخلوا وسلموا ع امهم وكل واحد طلع لغرفته وناموا اهل البيت مستعدين لزواج شوق بكرا ...
" في بيوت اهل قاضي "
ام محمد دخلت مكتب قاضي لأول مره بعد وفاته وكان كل شيء فيه نفس م انحط من قبله ابتسمت ونزلت دموعها وصارت تتجول فيه وجلست ع الكرسي حقه وفتحت احد الادراج الصغيرة وطلعت ورقة في مستند اسود استغربت وطلعت نظارتها وقرأت المكتوب وانصدمت من اللي مكتوب شهقت ونزلت دموعها وقالت : مسستحييييللل !!!
قاطع عليها دخول ابو رعد وقال : يمه الله يهداتس المكتب وسخ ومغبر لا يوجعتس بصدرتس !
قامت ام محمد وقالت : محمد ذا وش !
ابو رعد قرب وقال : وش ؟
ام محمد : وفاة اخوك نادر م طلعت حادث سير !!
ابو رعد توسعت عيونه وقال : وش يعني ؟؟
ام محمد : لا تسوي انك م تعرف !!
ابو رعد سحب الاوراق وكان مكتوب فيها
" سبب الوفاة : غرق "
شهق ابو رعد بصدمة وقال : لا اله الا الله !!!!
ام محمد قربت منه وقالت : فارس لا يدري بتندمر حياته ولحد يدري احرق الاوراق ولا ادفنها ولا تصرررف فييها !
ابو رعد : شلون م يدري وهو كان كبير وقتها !
ام محمد : ابوك يدري بشيء محد يدري عنه لكن خله ع اللي صار محد يدري والله العالم
ابو رعد : ع خير ان شاءالله
ام محمد مسكت كتفه وقالت : يعني لو م صار اللي صار كان ولدي للحين عايش !!
ابو رعد باس راسها وقال : اذكري الله يمه وابعدي من لو ترا تفتح عمل الشيطان
ام محمد : لا اله الا الله
ابو رعد : حق
مشت وهي ماسكة ذراع اول عيالها واحبهم لها وطلعوا وسكروا باب المكتب وراهم واتجهة كل منهم لسريره ونام بعمق مستعد لزواج شوق وهادي ...
" في بيت رعد "
دخل وهيام قدامه وكانت هادية ولا تتكلم حتى استغرب هالشيء منها لكن م علق وكمل يمشي وراها وطلع لغرفتهم هي قدامه مشت للشماعة وعلقت عبايتها وشنطتها وقالت بهدوء : رعد بنام لا تزعجني
رعد تكى ع الباب وقال : اسألتس بالله بتنامين يالسخيفة !
هيام لفت له وهي رافعة حاجبها وقالت : احلف ؟ وش تبيني اسوي
رعد : نتابع فلم ؟
هيام : الساعة ٣ الا عشر دقايق اذا انت ملاحظ يعني وغير كذا زواج شوق وهادي الساعة ١ الظهر يبدأ !
رعد : عادي معنا وقت
هيام : مع نفسك !
رعد قرب منها ومسك فكها وقال : طيب اقلها شوفي الصور معي
هيام قطبت وقالت : اي صور ؟
رعد : تعالي وشوفي
هيام مسحت وجهها وقالت : يااارب الهمني الصبر
رعد بحدة : هيااام !
هيام : خلاص امش
انسدح رعد وسحب اللابتوب حقه وانسدحت هيام جنبه وقالت : يالله وينها
رعد بنفاذ صبر قال : اصبري ي مسلمة !
هيام : ابشر
سحبت راسه وحطته ع صدرها وصارت تلاعب خصلات شعر رعد وهو يدور وقال : ايييه حصلتها
هيام وهي تلاعب شعره ابتسمت وقالت : ورني
دخل رعد ع المستند وصار يلف ويكبر ويشوف هو وهيامه كل صوره لهم من بداية زواجهم وكانت لين تاخذ لهم صور بدون م يدرون بعض الصور كانت لطيفة والاخرى كانت جريئة جدًا مما ادى لأحمرار خدود هيام وكانت كل شوي تلف وتصارخ وتقول : يوييلللييي اشكااالنا كييف كذا انت ضخم صدق !
رعد انفجر يضحك ودفن وجهه بصدرها وطبع بوسته وشهقت هيام وقالت : ررععد !
رعد ابتسم وقال : يعييوونه
هيام : ابوسهم كمل خل نشوف
لف رعد وسكر لابتوبه وقال : خلاص حبيبي فليتيها ! وانا الحين بكمل اشياء تركتها ناقصة
هيام ابتسمت وقالت : وش تقصد ؟
رعد حط اللابتوب ع الكومدينه ولف لها وقال : مدري بس اذكر بأبها كنت ناويتس بس مدري وش صار وابعدنا يعني لو سويتها وقتها كان اعتقتس الحين لكن من بعد ايهم صار لنا سنتين يحبيبي من بعض م اشتقتي ؟
هيام ابتسمت وقالت : الصدق وحشتني مره لكن تعبانه مالي خلق !
رعد سحبها له وقال : اص مو ع كيفتس !
هيام باست خشمه وقالت : حبيبي والله متعودين عليك تجبرنا
رعد ابتسم وقال : هذاك اول الحين ابيتس انتي اللي تندفعين و..
توسعت عيونه اول م باسته هيام بكل حب وعلطول بادلها رعد وحط يده ورا خصرها واعتلاها وو🌚..
" فاليوم الثاني تحديدًا الساعة ١٠ الصباح في بيوت اهل قاضي "
ام محمد وهي تحط كحل عينها قالت : خلصت ؟ جاهزين
ام هيام وام فارس قالوا بصوت واحد : ايه
ام محمد : يالله يالله وين بناتي ؟
ام سلطان : موجودين يمه
ام شوق : ايه يمه يالله
ام ضاري : يالله مشينا
طلعوا الحريم كلهم مع ام محمد وركبوا سياراتهم متجهين لبيت اهل صالح ..
" في بيت ذيب "
ذيب بحدة : ليين البخور تكفييين
لين وهي ترفع شعرها ورا اذنها قربت منه وقالت : يالله قرب
ذيب قرب وغطاهم بشماغه وتبخروا وباس راسها وقال : وشذا الزييين ؟
لين ضحكت وقالت وهي ترفع ايهم اللي لابس ثوب طالبته لين له من فترة : شووف الزييين صدق
ذيب ابتسم بحب وهو يشوف كيف لين حلوه كأم وقال : بسم الله عليتس انتي وياه هاتيه
لين عطته واخذه وقال : يالله البسي وانزلي
مشى ذيب وطلع واخذت لين عبايتها وطلعت معه لبيت اهل صالح ..
" في بيت اهل صالح "
ابو هادي : عريسنا جاهز ؟
هادي وهو يعدل شماغه قال : ابشرك
ابو هادي ابتسم وقال : عسى الله يوفقك يولدي
هادي ابتسم بحب وقال : اميين يبوي والله م اصدق اني بجتمع بشوقي بالحلال
ابو هادي : ع خيير ان شاءالله
سعود قاطع حديثهم وهو يقول : جااو جاو !
طلعوا اهل صالح يرحبون بأهل قاضي وبدأت التراحيب والطلق الناري والمواجب والمعونات ..
دخلوا الرجال للمجالس وبدأت القهوة تلف والشاهي معها والسوالف والكلام الزين
ذيب : كاسر اخوك الدبشة وينه ؟
كاسر برعب : اص لا تجيب طاريه قدام ابوي لنا ساعة ندق عليه و لا يرد !
ذيب : ااووحح
محمد بهمس : اصه فشلتونا !
كاسر : حشى وش سوينا ؟
فارس لف براسه لكاسر وقال : سد حلقك وبس !
كاسر ابتسم وقال : سم
ذيب ضحك وقال : اييه ادب
كاسر لف له وقبصه وقال : ايييه ادب
ذيب وهو يفرك مكان القبصة وقال : الله حسييبك !!!
كاسر ضحك وكمل يشرب قهوته وذيب بالمثل ..
" في بيت رعد "
هيام صحت بتعب وهي متكسرة من ليلة امس ولفت وسحبت جوالها وصرخت وقالت : ررعععد الساااااعة ١١ واربععييينن !!!!
رعد فز برعب وقال : الاااان تجهزززي !
هيام قامت بصعوبة وقالت : الله يقلعك قلت لك م تسويها !
رعد ابتسم بخبث وقال : اااه لذيييييذه للحين اتذكر شكلتس
هيام توسعت عيونها وقالت : دززز امهاااا !!
دخل رعد ركض للحمام واخذ دش سريع وطلع ولبس ثوبه وسحب سلاحه وحزامه وربطها حول كتوفه وتقدم وفرش سجادته وصلى وخلص ورفعها ولف لهيام اللي دخلت بفستانها الوردي اللي ماسك عليها من فوق وكاشف لنا ظهرها بشكل ناعم وفاتن ابتسمت وقالت : مشينا ؟
رعد تقدم وسرق بوسته من مبسمها وقال : هيامي بسم الرحمن الرحيم احصنتس لا اله الا الله والجمال والكمال اللي انحط فيتس والكمال لله !
هيام حاوطت رقبته وقالت : ربع حلاوتك رعّودي !
بعدته وحطت العوده وتبخروا اثنينهم واخذ رعد عطوراته وسحب العود الازرق منها وتعطر فيه وفاحت ريحة الرعد بكل ارجاء بيتهم وخالطتها ريحة مسك وياسمين هيامه ابتسم بحب ورضى وشافها تلبس عبايتها وخلصت وقرب ومسك يدها وشابكها بيده ونزلوا وركبوا وطار رعد لبيت اهل صالح ..
" في مجلس الحريم "
ام هادي بفرحة وهي ماسكة يد شوق : ماشاءالله تبارك الله يبنتي تهبلييين عسى الله يتمم لكم وينور دربكم
شوق بحب : اميين يخالتي
ام شوق : يالله انك توفقهم
وقامت وزغرطت بكل حب لزواج بنتها الثانية والكل شاركها الفرحة وقاطعهم زغرطة هيام وهي داخلة وتتمايل ع الاغاني اللي اشتغلت وتقدمت وسلمت ع شوق وقالت : مبروك يالشوق وعساتس بفرح دايم ومنتس العيال ومنه المال وعسى بيتكم عامر يارب
شوق بفرحة : يااهلااا بهييااام الرعد ياهلاا يروحي ويالله انك تسمع منها
هيام مسكت يدها وغمزت لها وقالت : تسمحين لي برقصة ؟
شوق ابتسمت وقالت : طبعًا !!
وصاروا الحريم من طرف اهل صالح يتكلمون واختلف الحكي وكان محوره هيام وهم يقولون " هيام الرعد ؟ ، لايكون ذي اميرة الرعد ؟ ، زوجة اللواء رعد بن محمد ! ، ماشاءالله قمرر قمرر !! "
سلمى وهي تزغرط دخلت ترقص مع ليلى وهي متقصدة تحرق ام منصور اللي احترقت لكن قامت غصبًا عليها وصارت تصفق لهم والكل شهد فرحة عظييمة
" عند الرجال "
طلعوا كلهم ع صوت طلق سلاح الرعد وهو يقول : يارجااال اعذرونا تأخرنا لكن طرأ لي ظرف لكن والله اني لا اتعنى واجيكم وتستاهلون كل علمن طيييب
اهل صالح من اكبرهم لأصغرهم كانوا يهابون الرعد وله محل عظيم بصدر كل واحدٍ منهم وتقدموا يسلمون عليه ويكرمونه ودخلوه للمجلس وجلس رعد جنب عمانه في صدر المجلس
رعد : هادي
هادي فز لرعد وقال : ارحب
رعد ابتسم وقال : مبروك يالشيخ وتستاهل الطيب وعسى بيتكم عامر ومنك المال ومنها العيال يارب
هادي ابتسم وقال : عسى الله يسمع منك يالرعد
فارس بهمس وهو جنبه : رعد الهيام يقصد ولا ؟
رعد توسعت عيونه وقال وهو يهمس في اذن فارس : اااه يالهيام ذبحتتننيي والله مدري كيف صحييت اليوم
فارس سكر فمه يكتم ضحكته وقال : شكلنا فالهوا سوا
رعد انفجر يضحك وقال : اسألك بالله !!
فارس وهو يدفن وجه رعد وراه فالكنب قال : هه انطم انططم لاتفشللنناا
رعد علطول تحولت ملامحه لجدية وقال : معليييك بس انت تقوله صادز ؟
فارس : اي بالله صادز
رعد ابتسم وقال : ودي احرق محمد لكن بارد وبيقول عادي زوجتك
فارس ابتسم وقال : لا وش بارد جرب وبيحرقك
رعد غمز لفارس وقال : تهقاها ؟
فارس : ونص بعد
رعد قام وجلس بين فارس ومحمد وقال : حمود شخبارك ؟
محمد ابتسم بكلافة وقال : وش عندك يالسربوت ؟
فارس شرق وطرطش عليهم بالقهوة وقال رعد وهو يضحك : توونا م قلنا شيء
محمد : انطق ! علامك
رعد ابتسم بخبث وهمس بأذن محمد وقال : سويتها مع هيام اختك تهبل يولد
محمد توسعت عيونه وقال بهمس : ررععد ارففع علوومك !!
رعد ابتسم وقال : والله م اتحملها تخيل شفت..
قاطعه قبصة محمد وصار يفرك اصابعه ع القبصة ورعد دموعه تجمعت بعيونه وقال : ايييه ادب انكتم ! وبعدين زوجتك يحمار
رعد سحب يد محمد بكل قوته وقال : اااااااه الله يحررقك !!!
محمد غمز له وقال : انت جاي تبيها
ابو رعد بحدة : رععد محمد فاارس وجعع !!
فارس وهو يمسح القهوة منه مد المنديل للعيال وصاروا يمسحون والهدوء عم المجلس ..
" عند الحريم "
لين وهي ترقص من ورا هيام دقتها ولفت هيام لها وقالت : م ودتس بهيمتس ؟
هيام بحب قالت : ووززييين الثوووب يحللوو قلب الرعد ونبض الهيام !!
لين ابتسمت ومدت ايهم لأمه وضحك اول م شافها وقال : ماامي
هيام ابتسمت وقالت : يرووحها
وكملوا البنات يرقصون والحديث والسوالف الخاثرة وبعد مدة ارتفع صوت محسن وهو يقول : يالله يجماعة
ام شوق ساعدت بنتها وطلعوها لسيارة هادي ومشوا وانتهى الزواج اللي كان بسيط لكن تفاصيله حلوووه ..
" فالمجلس الرجالي "
ابو سعود : يحمد
حمد لف له وقال : ارحب
ابو سعود : هاه يولدي ودي نجي نتقدم ونملك الليلة
حمد ابتسم وقال : ابد تعالوا والله يجيب الخير
ابو سعود : امييين يارب
حمد مشى وقال بنفسه ( يوييليي من عهود ويلاااه ) ابتسم وكمل وركبوا كلهم سياراتهم والكل راح لبيته وهم ينتظرون اجابة عهود لليلة ..
" في بيوت اهل قاضي "
الكل كان متواجد والكل حاضر فالمجلس وينتظرون اهل سعود اللي بيجون لحالهم
رعد : حمد اخذت موافقة عهود
حمد ابتسم وقال : اا
رعد : وشفيك ؟
حمد : لا تسأل عطيتهم موافقة من قوة الفرحة لشوق
رعد توسعت عيونه وقال : تستهبل !!
حمد : معليييك الامور طيبه
رعد : بنشوف !
طلعوا اول م سمعوا سيارات اهل سعود ودخلوهم وبدأ كاسر يصب القهوة وقال بنفسه ( وسامي م منه فايدة ! معامليني اصغز واحد يلعن القرف ! هذا وانا عندي ولد ) مشى وهو يصب لهم واحد واحد وانتهى ونزل الدلة وجلس جنب سامي وقال : حبيبي م ودك تسنع وتقوم تصب للرياجيل !
سامي ضحك وقال : معليش خواتي الثنتين عرايس دور غيري
كاسر : وخير يطير حتى انا خواتي متزوجين ولين تووها عروس
قام بعصبية ولف له وكمل وهو يقول : اصلاً من متى تشتغل يالرخمة وتنتظر عمي عبدالله يزوجك بيان يالتيس
مشى وسامي يناظر فيه بأستحقار وجلس بهدوء وقال : ذيب شوي واذبح سامي
ذيب : يرجال ليه ؟
كاسر : بعدين
تكلم سعود والشيخ جنبه ووقع وهو موافق ع الشروط اللي كانت عهود حاطتها في محادثة صارت بينها وبين حمد قبل يومين
سعود : ع البركة ان شاءالله
حمد : ان شاءالله
قام حمد وذياب وسامي ودخلوا ونادوا امهم وعهود
عهود : هلا ؟
حمد : وقعي اذا موافقة
عهود ضحكت وقالت : ع ايش ؟
حمد : زواجتس من سعود
عهود م حست بنفسها وتقدمت واخذت القلم ووقعت وهي تحت الصدمة وابتسموا اخوانها وسلموا عليها وبدأت التباريك وم ريح تفكير سعود الا اول م سمع صوت الزغاريط ضحك وقال : يارب لك الحمد
اما عند عهود كانت تحت الصدمة والبنات يزغرطون ويباركون لها وهي ترد عليهم بهدوء وتقول : الله يبارك فييكم
دخلوا العيال المجلس والكتاب معهم وانكتبت عهود زوجة لسعود بلحظة شرود وعدم تركيز من عهود
سعود : ادخل ؟
حمد ابتسم وقال : ادخل يعريس
سعود ابتسم بحب ودخل علطول وشاف عهود واقفة عن المراية وتضبط شعرها وكانت تهمس بصوت شبه مسموع وهي تقول : وقعتي ؟ كييف وقعتي الحين انتي زوجته !
سعود : شلون ؟
عهود لفت برعب وقالت : هاااه ؟ لا لا بس مصدومة
سعود ابتسم وقرب وقال : اجل مبروك يحبيبي وابشري باللي يطيب خاطرس
عهود بأستهزاء : خاااطرس
سعود تقدم بسرعة وسحبها له وقال وهو حاط خشمه ع خشمها : وش اقول يعني خاطرتس ؟ كلها واحد
عهود تراعد قلبها بعد قربه وكان سعود جميييل بشكل مرعب وتفاصيل وجهه متعبة وشامته اللي اعتلت شفته العلوية كانت ماخذه ربع جماله ولا عيونه الوساع ولما نتكلم عن الجهة الثانية فكانت عهود اضعاف جمال سعود ابتسم وباس خشمها وقال : وراس ساكته ؟
عهود : لأنك قريب مره
سعود ضحك وقال : باخذ رقمس من حمد وبكلمس فالليل خليس موجود تمام يالدنيييا ؟
عهود ابتسمت بكلافة وقالت : ابشر
سعود : يحبيبي تبشرين بالجنة
لف سعود واستوقفه صوتها وهي تقول : سعود متى الزواج اذا الليلة ملكة !!
سعود لف وضحك وغمز لها وقال : مدري نشوف
طلع وعلطول مسكت عهود قلبها وقالت : يويييللتس يعهوود وش الزييين اللي طحتتي علييه ولاسميتيي ! اجل خيير ان شاءالله
دخلت وهي تضحك والبنات استلموها اسأله وكانت تجاوب بهدوء والصراخ ماخذ الجو والحماس ..
" فالمجلس الرجالي "
قام ذياب وقال : اجل دام الجمعة زييينة والشيخ موجود انا بتقدم لبيان من يدك يعمي
ابو ضاري ابتسم وقال : وعطييناك بيان
ضاري مسح وجهه وشنبه وقال : ع البركة
الشيخ ابتسم وكتب عقد زواج بين بيان وبين ذياب اللي وقع بحب ودخل ذيب وضاري وزايد وهم يضحكون ويسولفون عن اليوم الحااافل بالزواجات
ذيب بضحك : قسم بالله م ناقص الا نزوج سامي الضعيف
ضاري : خله يفلح مني
زايد ابتسم وقال : اف اف اشوفك غيرت رأيك ؟
ضاري بصوت عالي : يمهه يبيااان
ام ضاري فزت وبيان معها وطلعوا وقالت : خيير ؟
ضاري : ان شاءالله خييير ذياب تقدم لبيان رسمي وهذا عقد زواجهم وبيملك ويأخذها علطول
ام ضاري ابتسمت وقالت : ماشاءالله اجل تم لكن بنرسلها له بكرا
ذيب تكى ع الجدار وقال : ليه وشهي طلبية ؟
زايد انفجر يضحك وضاري اعطاه نظرة خلته يعدل وقفته وكمل ضاري يقول : بيونه وقعي
بيان برعب : طيب وين ؟
ذيب طاح يضحك وزايد طايح عليه
بيان بحدة : وجعااااه يالحمييير !
ضاري : معليتس منههم قلتيها حمير وقعي هنا
بيان سحبت القلم وهي ترجف ووقعت وزغرطت ام ضاري وفزوا البنات والحريم وطلعوا العيال
ام رعد : لا عاد ماشاءالله تبارك الله وش السالفة !!
هيام ابتسمت وقالت : يووننس زواجات كثيير قادمة
بيان ابتسمت وقالت : يروحي اي زواج بكرا بروح لبيت خالتي عبير !
هيام : اوه معليييه معليه يحبيبتي الله يوفقتس
بيان : بنات كيف ذياب ؟
عهود ووعد قالوا : ييجنننن !!
بيان : مو عشانه اخوتس انتي وياها
عهود : لا والله يبيان يههبلل قسم بالله وحنووون بس غييييور يعني انتبهي
بيان ابتسمت وقالت : اجل كدينا خير
طاحوا البنات يضحكون عليها وكملوا ليلتهم وذياب م طلب يشوف بيان بحكم انه انجز الجزء الكثير وبقى القليل وانتهت الليلة الجميلة وكانت من اجمل ايام اهل قاضي على كل فرد منهم ...
:::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحباااااني رجعنا ببارت جديد لطيييف جميييلل طووييييييل 🫡 ، استمتعوا فييه وعطوني رايكم بكل شي ! ، اشوفكم ع خييير ببارت جديد 💗💗💗💗! ، صلوا على النبي 👍🏻 )
يهزمني الحُب وانا جاهل بدرب ا...
By jwuiri
" مُكتملة " اول رواية لي كاتبة مبتدئة جدًا اتمنى تعجبكم ونكبر سوا ❤️ ~ كُتبت بواسِطة : الجُّود بِنت آل مطّلق... More