يهزمني الحُب وانا جاهل بدرب المُحبين

البارت الأول

صباح يوم الجمعة تحديدًا العاصمة " الرياض "
ابو محمد : يعييييال لا بارك الله فالشيطان قوموا خلونا نلحق الصلاة والخطبة حسبي الله عليكم
ابو رعد اللي فتح باب بيته : يبه اللي يهديك باقي بدري الساعة ١٠
ابو محمد : وييين بدري تبي تجيب لي السكر انت !!
ابو رعد اللي كان ماسك نفسه : ابشر يبه افطر وبنمشي
ابو محمد : قم قوم رعد وكاسر وناد نادر ..
سكت ابو محمد وتنهد بضّيق وهو اللي كان مو مستوعب وفاة ولده نادر
ابو رعد : ابشر يبه ابشر بنادي فارس وعيالي وبدق على سيف
ابو محمد : يلا يلا
دخل ابو رعد وابوه بيته ( طبعًا هي ثلاث بيوت كبار جنب بعض ابو محمد وفارس وام فارس معه ببيت وابو رعد وعياله في بيت وابو هيام ببيت مع اهله )
::::::::::::::::::::::::::::::
ابو رعد : ناديه
ام رعد : سم
ابو رعد : سم الله عدوينتس حضري الفطور بسسرعة
ام رعد : ابشر بصحي رعد واجيك
ابو رعد : يلا اعجلي
ام رعد دخلت غرفة رعد اللي كانت اشبه بثلاجة موتى بااااردة وكساها اللون الاسود
ام رعد طفت المكيف وفتحت الستاير ودخل النور الغرفة ام رعد : رعد
رعد : هممم
ام رعد : ررعععدد قمم الله يصلحك قم
رعد اللي فز من صياح امه : يييممه كم مره بقولك لا تصارخييين عليي
ابو رعد اللي جاء ع صراخ ولده ع امه : وجع يوجع عظامك ياللي م تنتخي تصارخ ع امك !!
رعد بهمس : يالليييييل ورجع يغطي نفسه
ام رعد : شفييك ع الولد م صارخ
ابو رعد : والله محد مشيخة الا دلعتس له 
ابو رعد : قممم جعلك النقمة يارب
رعد : اللي قام بهدوء وطلع برا غرفته
ام رعد : وبعديييين معك انت لييه تعامله كذا !
ابو رعد : تدرين محد يحب رعد كثري وتدرين اني اعامله كذا ابيه يصير رجال
ام رعد : الله يصلحك تسمي ذا حب
ابو رعد بضحك خفيفه : انزلي انزلي حضري الفطور
ام رعد ابتسمت : يووه الحين عمي بيهاوش اي والله خلني انزل له
عند رعد اللي كانت جنون الارض متجمعة فوق راسه وعيونه تطلع منها شراار وماهي جديدة عليه دايم منفس وعصبي
رعد : يااارب صبرك الحين جدي تحت والله م يخلي كلمة
بدا يغسل وجهه ويتوضئ صلى الفجر وجلس ع سجادته يقرأ اذكار الصباح ويلعن الشيطان وكانت ذي طريقته اذا عصب يفرش سجادته ويصلي له ركعتين
حنين اللي دخلت بأقوى م عطاها ربي لغرفة رعد : ررررعععدد
رعد لف بقوة : بسم الله شفيييتس انتي !!
حنين : جدي يزهمك وينادي م تسمع انت تراه مععصصب
رعد اللي شاف ساعة غرفته كانت الساعة ١٠:٤٥ :
ياليل يالله يالله وانتي ادخلي بأحترام المره الجاية عشان م يصير شيء م يعجبتس
حنين : اي اي طيب انزل بسرعة راحت وسكرت باب الغرفة وراها
قام رعد بهدوء ورتب سجادته ودخل اخذ له شور سررييع وطلع لبس ثوبه وتعطر وتبخر بعود وكانت ريحته المعتادة محد يعرف العود الا منه طلع وسكر النور بعد م رتب غرفته ونزل
::::::::::::::::::::::::::::::
عند بيت ابو هيام
ابو هيام : يلا يلا ي محمد اخلص تأخرنا
محمد اللي كان يترنح وهو يمشي : يلا يبه
ابو هيام : ولد شفيييك انت !
محمد : يبه الله يهديك توني صاحي وش متوقع اصحصح علطول حتى فطور م افطرت
ابو هيام : والله من صباح الله وامك تزهمك ورا م نزلت تفطر !
محمد : يبه شرايك نطلع قبل يذكينا جدي ؟
ابو هيام : وجع ياللي م تستحي امش اطلع اططلع
محمد بضحكه : ابشر من عيوني اطلع
ابو محمد اللي كان واقف عند البوابات حقت الحوش اللي يجمع بين الثلاث بيوت : يالله يولد انت وياه
طلعوا كلهم وسيف اللي كانت عيونه ع رعد قال بهمس : الله يشلك ي ذا الرعد
عند هيام اللي صحت وصلت ونزلت عند امها :
صباح الخييير ي جنتي
ام هيام : صحت الدنيا يهيام
هيام : الله لا يحرمني منتس ي يمه
ام هيام : ولا منتس اجلسي افطري
هيام جلست تفطر وماهي الا دقايق ورجعوا من الصلاة وكان دور ام هيام فالغداء
دخل ابو هيام : هلا هلا بدنيتي هلا بهيام
هيام اللي فزت ع صوته وراحت تركض وتسلم عليه
هيام : هلا فيك يبه
محمد اللي دخل وهو يرفع هيام من الارض : اهلييين بهيومه
هيام اللي شهقت وهي تضحك : وجع لأبليس نزلني
نزلها محمد وهو يضمها ويضحك
هيام : حمود تكفى ودني اليوم السوق ابي اتقضى
محمد : تتقضين لأيش ؟
هيام : زواج بنت خالتنا يغبي
محمد اللي ضرب راسها : انتي الغبية وتجهزي الليلة بوديك
هيام : كفو والله
م انتبهوا الا لما انفتح باب البيت بقوة ودخل رعد وعيونه حمراء ويطلع منها شرار وقال بصوته الرخييم وهو يدعّي الهدوء : ياعم ترا سكت لك كثيير واللي سويته اليوم م ينسكت عنه والله لولا احترامي لأبوي وجدي علمتك وش بسوي فيك
هيام اللي فززت وجات ورا محمد اللي انصددم من دخوليته وقال بصوت عالي : وعمى يطس عيونك ياللي م تستحي ولا تنتخي داخل ع حريم عمك كذا !!
رعد بنفس طبقة صوته : عن اي حريم تقصد ؟ ( وهو اللي م كان منتبه ولا لمح هيام اصلاً ) ولا تقصد نفسك استاذ محمد ؟
هنا محمد انفجر يصارخ عليه : هيااام وراء ظهري صد بنظرك عساك م تشوف ولاتقعد تشبهني فيك يالحرمه !
رعد انقلب وجهه واستحى وهو صدق م شافها وعطاهم ظهره عشان تروح هيام وقال بضحكه مستفزة : اوه الشيخة هنا
هيام كانت بترد عليه بس فاجأهم دخول ابوها
اللي دخل هيام وسكر باب المجلس وقال بصوت هز البيت : ررععدد انت م تستحيي ع وجهك وصللت فيييك الدناءة تدخل بيت عمك بدون طقطق ولا السلام علييكم !!!
رعد : اقوووول لاتسوي فيها تغيير الموضوع وسواتك اليوم والله م اعديها لك
ابو هيام : من تهدد انت !
رعد : انا م اهدد انا انفذ وكلمتي م تنعاد
ابو هيام عصصب : اطلللع برا بيتتيي
رعد : ايش ايش ؟ اطلع برا بيتك ؟ نسيت انه بيتي ولا تبيني اذكرك بالأوراق انه بأسمي ( وفعلاً كان البيت الثالث لرعد اذا تزوج بس جاء عمه ابو هيام من الشرقية وسكن فيه )
سكت ابو هيام وقال : وتطرد عمك بعد والله ان علومك ذي توصل لأبوك وجدك ياللي م تستحي !
رعد : اسمعني بقول كلمتي واطلع الكلام اللي تقوله ورا ظهري وافعالك الفاسدة اللي لصقتها فيني والله اللي رفع سبع ونزل سبع اذا م نظفت وساختك لا اتلك للسجن !
طلع رعد وسكر الباب بقوووة
وابو هيام وقف مصدوم وهو فعلاً مسوي اشياء فاسدة من تزوير وتهريب مخدرات وكان يدعّي المثالية قدام اخوه وابوه واهله
محمد : يبه شفيك للحين واقف رح لعمي والعن خيره ذا اللي م يستحي !!
ابو هيام هز راسه بنفي : لا لا خله يولي ماني ناقصه
محمد سكت وهو مستغرب
::::::::::::::::::::::::::::::
دخل رعد بيتهم وهو بس ينتظر احد يجيه ويحط كل العصبية فيه
ام رعد : رعد يولدي بسم الله عليك وين رحت
رعد يحاول يهدي نفسه وتكلم بهدوء يعكس العاصفة اللي في داخله : م فيني شيء يمه بروح انام صحوني العصر عشان دوامي
ام رعد : ابشر بس وين رحت
رعد بدا يعصب شوي : ييمه م رحت محل كنت فالسيارة
ام رعد حست انه فيه شيء بس تجاهلت عشان م يعصب : اجل خلاص روح نام وانا بصحيك بس قلي م تبي تتغدا عن عمك ابو هيام ؟
هنا انفلت رعد من اسمه وصرخ بأعلى صوته : لااااا يمهه لااا م تسمعيييينيي ؟ م ابيي شيء خليني انااام ودخل وسكر الباب بقققوة
ام رعد : يمه بسم الله شفيه ذا !
جات لين بهدوء : يمه يالله بنتأخر ع الغداء وخالتي رهف تنتظر
ام رعد لفت عليها بهدوء وهمست : طيب امشي قبل نصحي اخوتس الجني
لين ضحكت بصوت مسموع : يالله يالله
جات حنين : يمه لاتقولين بنروح بدون رعد؟
ام رعد : وش اسوي يأمتس رافض ومعصب
حنين قطبت : يمه مو طبيعي ترا متى اخر مره دخل بيت عمي لايكون مسوين له شيء !
ام رعد : والله مدري بس مستحييل ولا نسيتي انه رعد
حنين : معلينا بدخل اكلمه
ام رعد فزت : لا لا خلييه معصصب مرره اخاف يذبحتس
حنين استغربت وضحكت : يمه شفيتس ؟
دخلت حنين وهي م تدري وش بيصير لها داخل
اما بالنسبة للين وام رعد طلعوا متجهين لبيت سيف عشان الغداء
::::::::::::::::::::::::::::
خلصنا اول بارت
رايكم يهمننييي صدق 🤌🏻