يهزمني الحُب وانا جاهل بدرب المُحبين

البارت الثالث والاربعين

اكلوا الاثنين وصار رعد يحكي لها تفاصيل يومه تحت مسامع هيام اللي تتمنى م يسكت رعد ابدًا
رعد : وبكرا دوامي فالصباح يعني لازم انام الحين
هيام بحب وهي تتأمله : متى يعني ؟
رعد ابتسم وقال : شفيتس تطالعيني كذا
هيام بعدت يدها من خدها وقالت : وشو
رعد ضحك وتقدم لها وباس خدها وقال : احبتس
هيام غطت وجهها بيدينها وقالت بخجل : اااافف اهيييمك
ضحك رعد وقال : ع العموم دوامي الساعة ٩ الصباح
هيام : اوه ومتى ترجع ؟
رعد : احسبيها انتي بشوف يهمتس ولا لا
هيام مدت يدينها قدامها وصارت تحسب وقالت بصوت متحمس : ٢ او ٣ وانت راجع البيت
رعد صفق لها وقال : شطوره هيامي
هيام قطبت وقالت : حسيتني بزر فجأة
رعد : انتس بنتي طيب ؟
هيام ضحكت : لا حبيبي انا بجيب لك بنت او ولد مو تسميني بنت وانا حامل تجرح كبريائي كأم
رعد ابتسم : مالي شغل بنتي يعني بنتي
هيام قامت وشالت الصحون ورعد يتأملها وتذكرت كلام لين لها اول م قالت جربي تطلبينه يساعدتس وقالت : رعّودي
رعد : عيوني
هيام بتردد قالت : تعال ساعدني
رعد قام وقال : كم عندي هيام ؟
هيام ابتسمت وقالت : وحددة
رعد بحب : اييه وحدة وتطلب عيون الرعد وتفداها
تقدم واخذ الصحون من يدينها وباس راسها ومشى للمطبخ ونزلها وقال : يالله قومٍ تعاونو ماذلو
هيام : انا بغسلها بالصابون وانت بالمويه تمام ؟
رعد : بكيفتس يالله
تقدمت هيام للمغسلة وصارت تغسل الصحون والقدر الصغير وقالت : خلصت تعال
تقدم رعد ورفع اكمامه وبدأ يغسل ويرتب بشكل منظم وفجأة ضحك بقوة وقال : الله يقطعك يالكاسر
هيام استغربت وقالت : يمه وش ؟
رعد : تبين تسمعين سالفة ؟
هيام هزت راسها بموافقة وبدأ رعد يقوله سالفته مع كاسر وهو يقول : اتذكر قبل سنتين يمكن كنت جوعان وراجع من الدوام وكان وقتها كاسر يدرس فجامعة الطيران وقلت له تعال نسوي اكل
كاسر : تعرف تطبخ ؟
رعد : لا يخوي بس نجرب
كاسر : البنات وش مقصرين فيه ؟
رعد : تستهبل شوف الساعة كم
وكانت الساعة وقتها حدود ٣ الفجر ودخلوا الاثنين للمطبخ وطبخوا لهم اندومي بحكم انه اسهل شيء متواجد في كل بيت وخلصوا واكلوا وتهاوشوا مين يغسل المواعين وارتفع صوتهم
رعد بحدة : اعنبوك تقوم اخوك الكبير !!
كاسر بعصبية : يرجااال هذي م فيها اخو كبير ولا صغير انا طبخت لك انت تغسل بسرعة !!
طاحت هيام ع الارض من الضحك وقالت : موو طبييععي رععد كيفف كنت متسللط !
رعد ابتسم : وم زلت ترا يعني ابو طبيع م يخلي طبعه م علينا
كملها السالفة وكان صوتهم مرتفع فالبيت وصحى ابوهم من الصراخ ونزل بالعصا حقته وضرب رعد ع كتفه وكاسر في ظهره وقال بحدة : اعنبوكم م فييكم رجال !! صوت الواحد طالع تقول حرمة !!
رعد بألم : عن الغلط يبه
كاسر كان كاتم الضحكة وقال : خلاص سم يبه
طلع ابو رعد وكمل رعد يغسل المواعين وكاسر طايح يضحك عليه وبعدها خلص وتقدم لكاسر وضربه ضربه حتى برد خاطره منه وطلع لغرفته ينام
هيام كانت تمسح دموعها من الضحك وقالت : يالله وش الاكششن ذا
رعد ضحك : تشوفيين هذا ولا شيء اصلاً
هيام قامت وقالت : اجل سولف لي دايم عن حياتكم
رعد تكتف وقال : وانتي ان شاءالله ؟
هيام بزعل : رعد حياتي كانت كئيبة اصلاً انتوا يالعيال كان فيه اكشن بحياتكم ولا انا روتين وينعاد
رعد : مالي دخل بتقولين لي كل شيء وتعالي بنام
هيام تقدمت لرعد وقالت : اول شيء ابيك تعرض قدامي
رعد : هيام بموت تعب وانتي تبيني اعرض صاحية انتي ؟
هيام : مالي شغل بسرعة
تقدم رعد ورفعها من الارض كالعادة وصرخت هيام عليه وهي تحذره لا يطيح فيها وقال : يبنتي خلااص م بطيحتس
هيام برعب وهي متمسكة برقبته : الا الا احس بطيح
رعد ضحك : عشان الارتفاع يعني يالقصيرة ؟
هيام بحدة : ررععدد !!
رعد انفجر يضحك وقال : عييوننه
هيام بزعل : م ابيها ووخر مني
نزلها رعد وانسدحت وقالت : تقلع يالله شوف من بينومك بحضنه غير القصيرة ذي
رعد ابتسم ونزل بلوزته ودخل معها وحضنها من ورا وقال : ماهو ع كيفها القصيرة وهي عند الرعد
هيام مسكت يدينه وقالت : قدها ؟
رعد ابتسم ع جنب وهمس بأذنها : وقدود
قامت هيام من السرير واخذت بطانيتها وطلعت من الغرفة تحت نظرات رعد لها وقال : هيامي ارجعي
هيام بزعل : لا انقلع
رعد ابتسم وانسدح وقال : وش تحسبين بلاحقتس ومستحيل انام بدونتس ؟
هيام وقفت عند الباب وقالت بصوت مهزوز هي متصنعته : افا يالرعد م هقيتك ترضى لي الزعل وانا هيامك
رعد فز وهو يحسبها تبكي ونفسية الحمل وضرب راسه بخفه وطار لها وطلع وحضنها علطول وقال : امززح يالهيام كله
هيام ضحكت : جبت راسك يالرعد
رعد بعد وشاف وجهها وم كان فيه دموع وقال : هاه ؟
هيام حضنته وقالت : ودني لسرير لو سمحت
شالها رعد وقال : حيوانه صدق
نزلها عند السرير ونامت في احضان رعد وانتهت ليلة لطيفة عليهم
...........••...........
بعد شهر من دون اي حدث مهم في بيت ابو ضاري
ام ضاري بحدة : للحين تنتظر لين تغير رأيها ؟
ذيب : ايه وبنتظر مية سنة قدام م عندي مشكلة
ام ضاري بخبث : ولا كأنك قلت لبشرى انك شفت شوق
ذيب انلخم وقال : هاه ؟
ام ضاري : البنت م ناقصها شيء شرايك نروح لهم اليوم ونتقدم لها ؟
ذيب انصاغ علطول لفكرة امه وهو فالشهر ذا فقد الامل في لين بس قاعد يقاوم وقال : م عندكم مشكلة
ام ضاري قامت وزغرطت وقالت : هذي والله الساعة المباركة يولدي
ذيب ابتسم بحزن وطلع وقال : الله ياخذ حظي الردي اللي ابيها رفضتني والحين رايح اتقدم لوحدة م ابيها اه ي لين اشهد انتس كسرتي ظهري فيتس
دخلت بيان وقالت بأستغراب : وش وافقت لين ؟
ام ضاري ضحكت بأستفزاز : لا بنروح نخطب شوق لذيب
بيان بصدمة وقرف : ااييششش !!!
ام ضاري : وجع وشفيتس انتي ؟؟
بيان طلعت ركض ورا ذيب وقفته قبل يروح
ذيب لف لها : خيير ؟
بيان مسكت ياقته وقالت : تخليييت عن ليين !!
ذيب مسك يدها وبعدها منه بقوة وقال : م تخليت عنها بس لين الواضح انها م تبيني
بيان ناظرت في عيون ذيب اللي انخذلت وكانت مكسورة وقالت : تكفى حاول يخوي
ذيب تجاهلها وتلطم وركب سيارته وراح يحلق ويتجهز لخطوبة وده انه يموت ولا يعقدها
.....
في بيت ابو رعد
وصل الخبر بحكم ان ام ضاري مستحيل يجلس الحكي في بطنها وقالت ام رعد بحب : ماشاءالله الله يتمم لهم يارب
لين نزلت فنجال قهوتها جنب كتبها وقالت : وش يمه ؟
سكرت ام رعد وقالت : خطبوا في شوق
لين ابتسمت وقالت : ماشاءالله بمين ؟
ام رعد : بذيب اللي رفضتيه
انصعقت لين من الخبر وقالت بحزن : لا يمه تكفيين لا تقولينه !!
ام رعد استغربت وقالت : وشفيتس انتي تبينه ؟؟
لين نزلت دموعها بحرقة وقالت : ومتى رفضته اصلاً !!
ام رعد فزت لبنتها وحضنتها وقالت : يبنتي النصيب بيجيتس انتي رفضتي الرجال وهو مستحيل ينتظر ويمكن ذيب يبي يستقر
لين في نفسها ( اه كنت ادري انك تبيها من اول والحين كسرتني يالذيب فيك ) وانهارت كانت تبكي بشكل مرعب تحت صدمة امها فيها
ام رعد مسحت ع راسها وقالت : قومي تجهزي بلا دلع خلاص الرجال وكتب طريقه معها والله يوفقهم
قامت لين وهي يدوب تمشي من دموعها كانت تبكي وتبكي بحرقة ماهي قادرة توقف ابدًا دخلت غرفتها وطاحت ع سريرها واطلقت العنان لصرخاتها لين عشقت ذيب وطاحت في هواه وكان الخبر صدمة لعيشتها وخصوصًا انه تقدم لشوق اللي كانت لين حاطتها نظرية وتقول بشوف يبيها ولا لا وفعلاً م جلس ذيب شهر الا ووصلها خبر خطوبته منها
مرت الساعات ولين منهارة وترجف بشكل كبير ودخلت عليها حنين وهي كاشخة للخطوبة وصرخت : لييين !!
طارت حنين لأختها وحضنتها وقالت : يرووح اختتس وشفيتتس ؟
لين بصوت مبحوح ومهزوز قالت : ااااه ي حننينني اخذذهاا وخلاااني ورااه
حنين بصدمة توها تستوعب كل شيء وقالت : ييمه بسم الله عليتتس تبينه انتي ولا لا ؟؟
لين مسحت دموعها وقالت : ابيييه ابييه ي حنيين ابي ذييب لييه يرووح من يدييني وتقدم لشوق تكفيين قولي انها م وافقت تكفيين
حنين بجدية : م تشوفين كشختي انتي وافقت طبعًا ولا في احد عاقل يرفض ذيب ؟ وشوق م سوت غلطتتس وقبلت فيه والرجال يبي يبني حياته مع انثى يحبها وتحبه
لين نزلت دموعها من جديد وقالت : انناا م رفضضته اناا قلت له ينتظررني لييه يترككننيي بعدد م عششقته لييه !!
حنين بحدة : بسس خلاااص انتي اللي رفضتي وانسيه بسرعة قومي غسلي وجهتس وتجهزي
طلعت حنين وهي م تبي تقسى عليها بس لازم عشان م تنهار لين اكثر
اما لين قامت وتروشت وطلعت بشخصية قوية وشخصية ناسية من هو ذيب اصلاً وتكشخت وكأنها العروس ولبست فستان اسود ماسك عليها وتزينت بأكسسواراتها وكان اقوى سلاح روجها الاحمر الدامي وطلعت وريحة عطرها سابقتها وشعرها الاسود منسدل ع ظهرها وقالت : يالله ؟
حنين قامت وحصنتها وحضنتها وقالت : يجيتس اللي اطيب من ذيب يحلوتي
لين ضحكت : قفلي ع موضوعه
طلعوا لفارس اللي جاء ياخذهم وركبوا واتجهوا لبيت ابو ضاري
..........
في بيت رعد
رعد : هيامي جاهزة ؟
هيام كانت تحاول تقفل الفستان وقالت : تعااال ساعدنني
ضحك رعد ودخل وسحب السحاب وسكره ورفع شعرها وباس نحرها وقال : اعنبوتس اشهد انتس موتٍ حمر
هيام فزت وقالت : والله اذا علمت فيني اني لا اموتك !!
ضحك رعد وقال : امشي بس
كان رعد ملاحظ تقلبات هيام وصراخها عليه بس كان يداريها رغم عصبيته وحدة طباعه
وركبوا السيارة واتجهوا لبيت ابو ضاري مع العايلة كلها
..........
في بيت ابو ضاري
الكل تجمعوا وكان كتب الكتاب في بيته
نزلت لين وداخلها يرجف ويدعي انه م يشوف ذيب كاشخ لغيرها بس الخارج كان ثابت ومشيتها مشية الواثقة
تقدمت ومن سوء حظها طلع ذيب وقال : ارحبوا
فارس ابتسم : الله يبقيك ي عريسنا
ذيب طاحت عينه ع لين وانكسر زيادة وقال : باب الحريم من ورا ترا
لين ناظرت فيه واستحقرته ومشت بكل ثبات وهي ودها تركض له وتحضنه وتعاتبه وتسمع منه كل شيء ونفس الشيء عند ذيب اللي تمنى انه يمسكها ويضمها له ويعطيها كل حبه ويحتويها بس الاثنين عارفين انهم م انكتبوا لبعضهم
حنين مسكت لين وقالت : بنت فيتس شيء
لين كانت يدها ترجف بشكل مرعب وقالت برد مختصر : لا
دخلوا والكل فز لبنات محمد وسلموا ع الكل ورجعوا للمغاسل والمرايا يتكشخون
لين : وعد جيتوا ؟
وعد : ايه تونا وصلنا المصيبة اني اخت العروس بس عليكم اخ باااارد
حنين ضحكت : عن الغلط كل شيء الا الكاسر
وعد ضحكت وقالت : م بقدر اغلط اصلاً
لين كان وجهها جامد ويكسيه الحزن ونزلت عبايتها وصارت تضبط وتجدد عطرها وطلعت وجلست جنب امها وقالت : يمه سبقتينا
ام رعد ضحكت : وش اسوي اخرتوني وابوتس جاء
لين : ماشاءالله عليتس وين هيام ؟
ام رعد كانت بتتكلم بس قاطعها صوت هيام اللي دخلت وسلمت : سلام عليكم
الكل قاموا وقالت ام رعد : شوفيها جات
لين ابتسمت : ايه حلوتنا الحامل
ضحكت ام رعد وهي تعشق هيام من عشق رعد لها وقالت : ارحبي يبنتي
هيام بحب : الله يبقيتس يعمتي
سلمت عليها وتقدمت للين وقالت : واااه حلوتي
حضنتها لين وهي ماسكة الدموع بصعوبة وقالت : اف ي يهيام
هيام بهمس : الله يعوضتس باللي احسن منه وقسم بالله اني انفجعت بس الشرهة مو عليه عليتس انتي يالدبشة يوم ترفضين ذيب
لين ضحكت بحرقة وقالت : ماله داعي تجلسين تعيدين السالفة
هيام ابتسمت وجلست جنبها وجات حنين جنبهم وقالت : سلمى مع البنات فالمطبخ نروح نساعدهم ؟
هيام : مافيني حيل والله
حنين : ترا مو انتي الوحيدة الحامل
هيام ضحكت : بس صرت فنهاية الخامس يحلوه
حنين : الله اكبر عليتس يهيام
قامت حنين ومدت يدها للين ومسكتها وقاموا يساعدون البنات
سلمى : هلااا جيتوا ؟
حنين : ايه جينا تعالي اسلم عليتس
تقدمت سلمى لحنين وسلمت وبعدها لين
سلمى : يويلتس لاتكونين ضايقة عشانه ؟
لين بصوت مهزوز : وكيف م تبيني اضيق لكن حيل الله اقوى
سلمى ابتسمت بضيق : الله يقويتس يعيوني
وعد : بنات الصحون وصلوها للباب عشان ياخذونها العيال
لين تقدمت واخذت صحن وطلعت فيه لقسم الرجال وقالت : فيه احد ؟
م وصلها رد ودخلت ونزلت الصحن ورجعت بتلف وشافت ذيب وراها كانت لين معها شيلتها بس م كانت تغطي الا راسها ولفتها علطول وقالت بحرقة : ابعد ي عريس
ذيب بحدة : وشو عريسه انتي بالذات لا اسمعتس تقولين لي عريس وكأني ماخذها حبًا فيها !
لين : فعلاً سويت الشيء اللي كان اكبر مخاوفي واخذت شوق وانا عارفة انها م طلعت من راسك ذاك اليوم وكنت اشوف كم بتاخذ وقت عشان تنساني وتتزوجها وهذاك سويتها يالذيب وتركتني وراك
ذيب تقدم ومسك فك لين بقوة وقال : نسااتس موتتس م نسيتتس ي ليّن الذييب لكن م لوى ذراعي الا رفضتس لي
لين بكت علطول وقالت : شفييكم عليي كلكم اناا م رفضضتك انا اخرت الزواج لييه تحطون اللوم والعتب علي لييه !!
ذيب انفجع وتمنى انه يقدر يحضنها وقال : بسم الله عليتس ي لييني ليييه الدمووع ؟
لين بعدته عنها وقالت : بس مستحييل اوقف حياتي عليك انا عشقتك وغلطت يوم عشقت وليتني م عرفتك ولا عرفت حبك لي وبنساك يالذيب والله يوفقك مع شوق واستودعت الله رجل حبيته من كل قلبي
مشت لين واستوقفتها يد ذيب اللي شدّت ع ذراعها وقال : امهليني ولاتهمليني ي ليّن ذيبتس والله م ياخذتس غيري
لين ضحكت بحرقة : تبيني الثانية ؟ تخسى والله
تركت يده لين وهي حالفة انه اخر لقاء مع ذيب وطلعت داخل وركضت للحمام وشافت دموعها كيف حفرت خدها وقالت بحرقة ( والله اني راضية لو اكون الثانية بس ابي اشوفك لي وحلالي ) اما ذيب انصدم من ردها وزاد اصراره ياخذها وتكون الثانية وبقلبه الاولى
.......
اخر الليل انخطبت شوق وصارت توري البنات الدبلة وقالت : تجنن صح ؟
حنين بحدة : خلاص شفيتس ترا ماتوا اللي يسوون حركاتتس اعقلي
وعد بحدة : حنين خير اكيد بتفرح شفيتس عليها
لين : م قالت شيء بسم الله
حنين ضحكت وحضنت لين وقالت : لبى عيون لين يعرب
هيام : اذا بتتهاوشون زي الحمير من الحين قوموا
سلمى : وهيام الصادقة
شوق قامت وراحت من عندهم وقالت من بعيد : ذيب يتصل
كلمتها صدعت بقلب لين صدع والم اجتاحها وقالت : حنين كلمي فارس ابي ارجع البيت
حنين : وي تونا جلسنا !
لين قامت ودقت ع رعد
رعد : امريني ي ليونه
لين بصوتها المبحوح : توديني البيت ؟
رعد بحدة : افا وشفيتس ؟
لين : رعد تكفى تعال
رعد : تجهزي واطلعي لي
لين ابتسمت : احبكك الله لايحرمنني
رعد ابتسم : ولامنتس بس هاه لا تتأخرين
لين : لا لا الان طالعة
لبست لين عبايتها وشافتها هيام وقامت لها وقالت : ع وين ؟
لين : بروح مع رعد للبيت
هيام استغربت : رعد ؟
لين ضبطت نقابها وقالت : ايه
هيام : تمام
مشت هيام ودقت ع رعد ووصلها صوته يقول : يروحه
هيام : بترجع بعد م تودي لين ؟
رعد : ايه معليتس
هيام : طيب انتبه للطريق وانتبه لنفسك حبيبي
رعد ابتسم : عيونه والله
سكر رعد وطلعت له لين وركبت وقالت : لا تسأل عن شيء انت تجهله
رعد : اف اف ووش اللي اجهله
لين : الدورة الشهرية وافعالها
انصفق رعد وتمنى انه م سأل وقام يتنحنح تحت ابتسامات لين وهي عارفة انها احرجته وخلته يسكت لنقطة الوصول باب بيت ابو رعد وقال : انزلي وانتبهي لنفستس
لين : لا توصي حريص واستودعتك ربي وتعال قرب خدك
رعد ابتسم : م يحتاج وصلت
لين بزعل : رعد لا تخليها بخاطري
رعد قرب منها خذه وباسته لين وضحك وقال : اوووه وش البوسة الحلوة ذي
لين : كلنا ندري ان هيام مغرقتك الا انت باقي تدعي الجنون
رعد ضحك بقوة وقال : وشدخلها الحيين م فيه مقارنة اصلاً !
لين رمت شنطتها عليه وقالت : حيييوواان صدق
ضحك رعد ورجع شنطتها له ومشى ودخلت لين البيت وطلعت لغرفتها وانسدحت ع السرير وانتشر شعرها ع اطراف الفراش وقالت : اجل يكلمها الحين ؟ وانا توو شايفة الندم ع وجهه يالله وش وراه ذا الذيب
نامت لين بعد تعب واجهاد لروحها وهي تشوف معشوقها ياخذ غيرها وتصير حلاله
.............
في بيت ابو ضاري
رعد رجع وهو م انتبه ان لين رفعت نقابها وقت م باسته وطبع روجها عليه ونزل ينادي هيام بحكم انه العزيمة ع مشارف نهايتها
طلعت هيام بعبايتها وقالت : يالله ؟
رعد ابتسم ومسك يدها وقال : بسم الله
ركبت السيارة هيام وماهي الا ثواني وركب رعد جنبها ومشى لبيتهم وشوي وشهقت هيام بكل قوتها وقالت : هذذذااا اييييششش !!!
رعد التفت لها بقوة وقال : علااامتتسس ؟
هيام مسكت فكه بقوة وقربته منها وقالت بصراخ : من اللي باسستك هنااا يحييوواانن ؟!!!
رعد من اللخمة نسى كل شيء وقال : ايش مدري مددري وش تقوليين انتي !
هيام انفلتت اعصابها وصرخت ونزلت دموعها وقالت : م احترمت اني حاامل بولدك في بطني وم احترمت اني زوجتك حتى م تعنيت تمسحها وم تخليني اشوفها لييه يالرعد وش سويت لك انا عشان تجازيني كذا !
رعد توه يستوعب وضحك بأعلى صوته تحت صدمة هيام وقال : الله يخلف علينا مدري احصلها منتس ولا من غبائي والنسيان اللي جاء بوقت زفت
هيام استغربت : هاه ؟
رعد : يحبيبي هذي لين اللي باستني بس انا من اللخمة نسيت اقولتس من هي وبعدين انتي عيوني وكل دنيتي كيف تشكين فيني كذا ؟
هيام فزت لحضنه وهو يسوق وضحك وقال : حلالتس والله
هيام بهدوء : اص ابي ابرد خاطري
رعد : وش برد الخاطر الزيين ذا ؟
هيام ضحكت وقالت : اف قلبي يرجف قسم بالله
رعد : بسم الله علييه قلبتس
وصلوا لبيتهم وم سمح لها تروح من عند بابها ونزلها معه وهي بين يدينه بحكم انهم داخل حوشهم وقال : خليتس بحضني شوي
هيام ابتسمت : انتبه لاتطيحني بس
رعد : وبعديين ؟
ضحكت هيام وقالت : اصلاً ابيك تتنرفز
رعد وصل للدرج ونزلها وفتح الباب ودخلوا بيتهم
............
في بيت منصور
وصلوا سلمى ومنصور متأخر شوي وقالت : اف يالتعب الله يوفقهم ويتمم ع خير انا بنام تجي ؟
منصور بتعب نزل شماغه وقال : ايه انتظري بقولك شيء
سلمى بحدة : وبعدين مع اللهجة !
منصور ضحك : بقولتس بقولتس
ضحكت سلمى وجلست ع الكنب وجاء منصور وانسدح ع فخذها وقال : امي مسوية غداء كبير لتس بكرا
سلمى ابتسمت بكلافة وقالت : ماشاءالله كثر خيرها ليتها م تكلفت
منصور : لكم كلكم بس المراد فيه انتي
سلمى : اوه يعني لأهلي كلهم ؟
منصور هز راسه بنعم وباست سلمى جبينه وقالت : طيب متى نطلع يعني ؟
منصور ابتسم وقال : مدري بعد م ارجع من الدوام
سلمى : خلاص تمام
قاموا واتجهوا لغرفة نومهم وناموا بسلام
.........
في بيت ابو محمد
حنين دخلت ونزلت كعبها وقالت : اااه كسر رجوولي
فارس ضحك : محد حدتتس عليه والله
حنين ناظرته بحقد وقالت : تكفى اسكت ترا م تساعدني ابدًا
فارس مسك خصرها من وراها وقال : اشيلتس ؟
حنين كانت تبي توضح له من اول وقالت : ماشاءالله شايفنا ببيت لحالنا ؟
استوجع فارس من كلمتها وقال : تعرفيني مقدر ابعد عن امي
حنين : عمتي ماهي لحالها ساكنه مع جدي وجدتي بس انت مكبر الموضوع
فارس بحدة : قلت كلامي وانتهى
طلع فارس وترك حنين مقهورة وراه وهي م تبي تفاتح ام فارس بالموضوع عشان م تزعل عليها
طلعت حنين ورا فارس وحصلته منسدح وانسدحت جنبه وقالت : زعلت ؟
فارس فتح عين وحده وقال : لا
حنين بحزن : والله محد يغلي عمتي كثري واني اعزها بس فارس خصوصيتنا كزوجين وينها ؟ ليه انا وانت الوحيدين اللي م اخذنا بيت لحالنا ؟ انا م كنت ابي احمل منك في بيت جدي كنت اتمنى اعيش كل شيء معك ببيت لحالنا افهمني وافهم اني اقول كذا من حب واهتمام ولا قصدي اني ابعدك عن عمتي وان شاءالله انك م بتبعد كلها كم كيلو من بيتهم
فارس تقدم وحط راسه بين يدين حنين وقال : خلاص سكري الموضوع اذا جاء وقته بكلمتس
حنين انقهرت من رده بس م اعطت ردة فعل ونامت ونام فارس معها
..........••.........
في بيت ابو رعد
وقف كاسر بسيارته وانصدمت وعد وقالت : ويين ؟
كاسر : بشوف لين واجي
طلع كاسر ووعد تحس بشعورين مختلفة شعور غيرة وحسد للين وشعور حب انه كيف يهتم بأخته
دخل كاسر للبيت واتجهة علطول لغرفة لين ودق الباب وم وصله رد
ودخل لأنه خايف عليها وشافها باقي بفستانها وبكل اغراضها وتقدم لها وباس راسها وقال : ليوني
لين قامت بهدوء وحاوطت رقبة كاسر وابتسم وحاوط ظهرها وقال : وش في خاطرتس
لين قعدت وهي تعشق كاسر اللي دايم يفهمها وقالت له كل شيء بدون تردد وكان يسمعها كاسر بكل حب واذان صاغية وقالت اخر كلامها : معاد ابي اجلس هنا ابي اجي عندك ببيتك
كاسر ابتسم وقال : عيوني لتس ي لين واسف يعيوني انتس حبيتي ذيب وم انكتب لتس رغم ان الغلط غلطتس لكن ابشري باللي يطيب خاطرتس
لين ابتسمت : والله ؟ يعني بتاخذني عندك
كاسر : ايه ابشري
لين حضنته بحب وقالت : الله لايحرمني منك ولا من رعد ولا من حنيني
كاسر شّد عليها وقال : ولا منتس ي اخر عنقودنا
لين : متى بجيكم ؟
كاسر : جهزي اغراضتس وبنزل اكلم امي وابوي وبكرا بجي اخذتس
لين : تمام يعيونها
طلع كاسر وهو تأكد انه عدل من مزاج لين وكلم امه ووافقت بحكم ان لين عند اخوها
...........
في سيارة كاسر
ركب كاسر وشاف وعد نايمة وابتسم ومسك يدها وشابكها بيده ومشى طالع من بيوت اهله لبيته
وصلوا بعد مدة وقال كاسر : يالوعد
وعد فزت برعب : لااا خلااااصص لاتضرربننيي معااد بتززوج كاااسر خلاااص
كاسر فز برعب لها وحضنها وقال : وعد وععدد شفيتتس ؟؟
وعد كانت تبكي ومرعوبة وقالت : يببهه خلااص لاتضربنني
كاسر نزل وطار لبابها ونزلها وشالها بين يدينه ودخل فيها البيت تحت صراخ وعد وضربها لصدر كاسر بعد صراع قدر كاسر يتحكم بوعد ونزلها ع السرير وهو معتليها وقال بحدة : ووععد انااا كاااسرر شفييتتس !!
وعد كانت تناظره برعب وقالت : كاسر لاتخليني لأبوي بيدمرني ي كاسر
كاسر سحبها لحضنه وقال : والله م يلمستس وانتي ع ذمتي
وعد كانت حاضنته بقوة ومنهارة وقالت : اه يالكاسر م ابي استمر كذا خوفي اوجعك
كاسر : والله اني راضي الوجع منتس والله
وعد نامت بهدوء بحضن كاسر وابتسم وتركها ساعة بحضنه وبعدها صحاها تغسل مكياجها وتغير ملابسها وفعلاً سوت كل شيء وعد ورجعت تحضنه ونامت ونام كاسر معها
.........
في بيت رعد
هيام : وبعدييين انزل تعش معي !
رعد ناظر من فوق وقال بصوته الثقييل : لاتصارخيين
هيام بحدة : ببععدد ؟ والله اذا م جيت اني لا اكله واخليك جوعان
رعد ضحك ونزل لها ومسك بطنها وقال : يزيين البطن زينااه
هيام بحزن : تراه قاهرني
رعد انفجر يضحك وقال : اففااا لييييه
هيام م كانت تبيه يدقق بخصرها وقالت : مالك شغل يخي بس مو عاجبني
رعد همس بأذنها وقال : ولا عشان الخصر راح ؟
هيام توسعت عيونها وقالت : وم يجذبك فيني الا خصري ؟
رعد ابتسم بخبث وقال : الصراحة في شيء الذ من خصرتس
هيام برعب من الاجابة قالت : وش ؟
رعد لفها له ومسك شفايفها بيده وقال : نبيذي
هيام بعدته وقالت : م علينا العشاء برد
كتم رعد ضحكته وهو تيقن انه احرجها وجلس ياكل معها ومن سوالف وحكي خلصوا عشاهم وطلعوا اثنينهم ينامون بهدوء
..............
في الصبح ببيت ابو رعد
كاسر : وعد تنزلين تنادين لين ؟
وعد تكلمت من ورا : ايه
ذيب : ومتى بنروح نشوف المخيمات ؟
كاسر : بعد شوي انتظر لين تجي ونمشي
وعد من عند الباب حق بيت ابو رعد قالت : كاسر تعال شوي
كاسر نزل علطول وترك ذيب فالسيارة وذيب من الناس الفضولين فنزل معهم يشوف وش السالفة وراح ورا البيت بدون اي سبب وطلع بوكيت دخانه واخذ سيجارة وحطها وشغلها ووقف ورا البيوت وزفر بتعب وقال : اااه لو انها حلالي كان نزلت معهم وشفت وش تبي ووش ناقصها
م كمل كلامه ذيب الا ولين طالعة قدامه بفستان وردي ماسك ع جسمها بقوة وبارز كل مفاتنها وهي تركض بالكعب متجهة لكاسر كان ذيب مييت فيها وفي شكلها وشعرها اللي يتتطاير مع الهواء كانت تجذب وكانت تخلي الواحد يتمنى يقبلها من جمالها
ذيب بحدة في نفسه ( ياااوييل حاااالي صددق اششهد بالله انهاا قبرري ) وصلت لين عند كاسر وحضنته وضربتها وعد وقالت : خير يماما ابعدي من زوجي
كاسر مسك يد وعد ويده الثانية محاوطه لين وقال : خليها يعيون زوجتس
وعد : يع حيوان لعّاب صدق ماسك يدي وماسك ظهرتس
انفجرت لين تضحك وقالت : تكشخت لعيونكم شرايكم فيني
كان ذيب يتمنى يقرب منها فاللحظة ذي ويعلمها شلون تقرب من شخص وتحضنه غيره كان يحتتررق غيرة عليها وهي م تدري انه موجود اصلاً
وعد بحب : تهبلين
كاسر : وين اغراضتس ؟
لين : يالله شوفها عند المدخل
كاسر دخل البيت ودخلت وعد معه ووقفت لين واخذت جوالها وصارت تصور نفسها قدام ذيب وقالت بصوت عالي : افف والله انها رااحت عليك يالذيب ولا احد يخليني ؟
ذيب بصوت عالي : اشهد بالله اني مييت فيتس واني حالف يمين م تروحين علي
لين لفت بقوة وبصدمة وقالت : يييممهه
ضحك ذيب وزفر دخانه بهدوء وقال : اقربي تكفين اقربي وخليني اضمتس لي وابوس كل انش فيتس
لين كانت واقفة برعب ولفت ودخلت وهي قلبها يدق بقوة وقالت بنفسها ( يويلي هذا شافني بالشكل ذا الله يلوم اللي يلومه يوم يقولي كذا وبعدين اف ليه يقول كذا ليتني حلاله واجيه بكل حب وبكل حنية يالله قد ايش تعبني ) دخلت لين ولبست عبايتها وهي كلام ذيب يدق براسها كل ثانية وطلعت لكاسر وركبت جنب وعد وقالت بهدوء : سلام عليكم
ذيب ابتسم وقال : عليتس السلام ي لين
كاسر ضحك : ورع لاتقول اسم محارمي !
ذيب بخبث : وعد ولين
وعد توسعت عيونها وقالت : اعقب صدق
انفجروا ذيب وكاسر عليها وقال كاسر : جاااك الرد الققمم
ذيب : بنت الخالة م نقدر نقول لها شيء
وعد ضحكت ولين كان قلبها يدق ع صوته وكلامه وضحكاته وقالت بهمس : اف اعشقك واعشق تفاصيلك اللي اهلكت قلبي
كان ذيب راجع بمرتبته وسمع لين وهي وراه وابتسم بحب وتأكد ان لين جايته ع وجهها بس قطع عليه اتصال شوق ورد وهو يقول : هلا بدهر قلبي ورجعانه هلا بالشوق كله
انكسرت لين وقالت بحدة : كاسر وقف عن البقالة
كاسر : من عيوني
شوق بحب : هلا فيك وينك يعيونها ؟
ذيب : مع كاسر ليه ؟
شوق : بس اسأل انتبه لنفسك تمام ؟
ذيب : من عيوني والله
سكر ذيب وقال كاسر : اخخصصص وش الكلام الحلو ذا ارفق ببعض الناس
ذيب : الاصح خل بعض الناس يرفقون بي
لين : تكفون اكرمونا بسكوتكم !
ذيب لف وهو يضحك وقال : ليه في خاطرتس كلام ؟
لين بحدة : انت بالذات انطم
ذيب توسعت عيونه وقال : لييه ؟؟
كاسر انفجر يضحك ونزل عن البقالة وقال : شبسات وايسكريمات صح ؟
وعد : وعصيرات
كاسر : من عيوني
سكر الباب وقالت وعد : الله صيدلية بنزل اخذ لي اغراض تجين ؟
لين : لا تكفين بيجلس المصري يلاحقني
انفجرت وعد تضحك وقالت : الله يلوم اللي يلومه
نزلت وعد وبقى لين وذيب فالسيارة ولف عليها وقال : انطقي قبل ابوستس
لين توسعت عيونها وقالت : هااااه !!
ذيب قرب وقال : اعنبوتس وش سويتي فيني خذيتي قلبي وعقلي وتفكيري وخذيتيني كلي
لين : حبيبي لا نبدأ فالنقاش ذا لأنه الواضح اني متوجعة منك وميته عليك وعاشقتك
ذيب : اسمعيني قولي تم
لين بكل حب قالت : تم
ذيب ابتسم بنصر وقال : اخذتس الثانية
لين : الثانية ؟ تشوفني الثانية انا ؟ تشوفني دايم بعد شوق صح ؟
ذيب : اسمعيني مقصدي والله اني اخذتس حلالي بس مقدر اترك شوق بعد م اخذتها من اهلها وصارت ع ذمتي ولا والله انتس الاولى بكل شيء من حب وهيام وحنية واهتمام
لين بزعل : ذيب مصيرنا انتهى وترا واضح مره اني م بنكتب لك عشان كذا لا تتعبني ولا تتعب نفسك كلها شهر وبتكون بأحضان انثى غيري وبتكون معها بكل شيء بينما انا بكون طايحة بين كتبي ومنعزلة عن العالم
ذيب ابتسم بضيق وقال : مصيري معتس انا وانتي بنكتبه لكن لاتكسريني اذا جيت اتقدم لتس
لين : بكسرك عشان كذا لا تجي ولا تشوفك عيني
ذيب لف بضيق وقال : ابشري باللي يرضيتس دام البعد والفرقى بترضيتس ابشري بها
لين تحطمت بعد كلمته بس كان حيل الله اقوى وسكتت وهي م تبي تزيد النار حطب لا عليها ولا على ذيبها
:::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( شفتوا كيف قصة لين الذيب ؟ تحملوا معي وبيرضيكم نهايتهم ، البارت يجنن فيه احداث حلوة وحزينة اشوفكم بكرا ان شاءالله 😢 )