يهزمني الحُب وانا جاهل بدرب المُحبين

البارت الثالث عشر

طلع رعد وهو يتذكر كل تفصيل فيها وكان فعلاً جاهل فيها وفي حبها ويسأل نفسه يقول انا ٢٨ سنة اعرف هيام وكنت صاد منها ! وكان جاهل بعد بمصيره مع هيام
_______••______
اما طارق وذياب جهزوا جريمة حقيقة ودخلوا بيت رعد وهو مو موجود وهيام لحالها فيه
طارق بخبث : اطلع انت انا بسوي كل شيء والله لا اعدمها
ذياب ابتسم له : تم اذا خلصت كلمني
ذياب طلع وطارق اتجهة للباب وكان يحاول يفتحه وقدر ودخل وسكره من وراه واحكم عليه عشان اذا حاولت هيام تهرب م تقدر تفتحه
طارق بصوت عالي : ياهيام
هيام كانت تصفط ملابسها وترتبها بعد م خلصت ملابس رعد فزت برعب وهي م تعرف الصوت وركضت بسرعة للباب تبي تسكره عشان م يدخل عليها بس فات الاوان وحط طارق رجله عن الباب عشان م تسكره وقال بصوت مرعب : وين بتروحيين الحين !
هيام كانت تبكي برعب وتحاول م تخليه يدخل الغرفة بس للأسف كان اقوى منها ودخل بقوة للغرفة
هيام صرخت وهي هنا تأكدت انها م تعرف هالشخص ركضت بسرعة للحمام وجوالها في جيبها لأنها كانت تتسمع ع الاغاني وهي تشتغل
انلخم طارق وركض وراها بس حالفها الحظ ودخلت وسكرت الباب قبل يقرب منها
طارق بصراخ : افتححيي يبنت الكلاااب
هيام كانت ترجف بقوة وم هي قادرة تفتح الجوال فتحته بسرعة ودقت ع رعد
وصلها صوت رعد : هاه هيام توو وصل..
قاطعته وهي تصارخ برعب : ررعععدد الحقنننيي يرععدد تكففى يرعععد لاتخليييننيي له يرععد بيدمرننيي دخل عليي رجال يرععد م اعررففهه تكفففى يالرعد
طارق صرخ : افتحححيي يحييوواانه
رعد م كان مستوعب شيء بس اول م سمع صوت طارق رجع علطول وفتح باب مكتبه وهو يركض كأنه مجنون ويكلم هيام
رعد بعصبية : هييااام لا تسسكرييين خلييتس معي يهيام
هيام انهبلت اول م بدت مسامير الباب تطيح وصرخت : يرعععدد بيددخل عليي ااه يرععدد تكفى لاتخلييننيي
رعد سكر وهو يرجف من الرعب اللي دق بقلبه ودق ع محمد
محمد كان توه صاحي من النوم : هلا رعد
رعد بصراخ : محمممدد الحقق اختتككك اللحققووهاا تكفووننن
محمد فزز وطلع يركضض وهو يكلمه : ررعععدد هيياام وشففييهااا
رعد : دخخل عليهاا واحد فالبييت تكفى ي محمد الحقهاا انا بععيييد
محمد سكر وهو يصارخ فالبييت كامل : ييببهه الحقق هيياام ييببهه
ابو هيام طلع يركض : وشفففيييهااا
محمد كان كالمجنون يركض لبيت عمه ودخل : يااعمم محمممد
ابو رعد فز هو وكاسر : بسم الله علييك شفيك
محمد : الحقوننيي بالسيارة في واححد طب في بيت رعد ع هيامم ورعد مو عندها
ام رعد شهقت : يويلليي
حنين صرخت : هاااه ييوييلليي يمه
ركضوا الرجال كلهم وركبوا السيارات واتجهوا لبيت رعد اللي كان يبعد عنهم ١٠ دقايق
حنين ببكاء : يمهه وش فييها يمه يارب احفظها يارب
ام رعد كانت تبكي بعد : يعيوني ي هيام الله يستر عليها
ام محمد بعصبية : حسبي الله عليه ولدد الحرررااامم
كانوا كلهم في حالة تفجع وام هيام اسوء منهم
اما رعد اللي كان خلاص جسد بلا روح كان يشوفها بخيير قبل يطلع كيف صار ذا كله في ربع ساعة
هيام كانت تبكي ومغطية نفسها بمنشفة رعد وتحصن نفسها فالحمام
ارتفعت المنشفة من وجهها وشافت طارق واقف فوق راسها
طارق بعصبية : دقيتي علييه يكلبه !!
هيام شهقت اول م عطاها كف وهي اول مره تشوف هالشخص بحياتها
طارق سحبها من شعرها وطلعها برا الحمام وشلها ورماها ع الفراش وابتسم وقال : بس والله يأن رعد محظوظ فيك بس خلاص سبقته لك وبلمسك قبله !
هيام صرخت في وجهه : والله انك تعقببب والله م تقرب مني يولد الحرام
طارق بعصبية نط فوق صدرها برجلينه وحاوطها وصرخ في وجهها : شوفيينيي يحيوانه فوقك وداعسك يكلبه
هيام كانت ترجف بس سحبت يدها من تحت ركبته ورشت في وجهه بخاخ الشعر وصرخ طارق ونزل للأرض وهو يرجف ويمسك عيونه
ركضت هيام واخذت عبايتتها وطلعت ركضض للباب وشافته مسكر بقوة وبقفلين شهقت وقالت : الله ياخذه يحسبني م اعرف بيتي طلعت تركض وطلعت مع باب المطبخ للحوش وطلعت ركض وصقعت في ظهر ذياب وهي م شافته
ذياب بخبث : يشينتس اذا حسبتي نفستس اذكى مننا
هيام شهقت وقالت : ذيااااب !!
ذياب مسك فمها وكتمها وقال : اييه بشحمه ولحمه مثل م خربتوا بيني وبين بشرى بعدمتس واخربتس قبل يلمستس رعد
هيام صفقته بقوة وقالت : تخسي انت وعشرة من امثالك !
ذياب مسكها ودفها بقوة وطاحت في يدين طارق
طارق بعصبية : والله لا اندمتس
مسكها وسحبها داخل البيت وهي تصارخ وتستنجد في رعد
هيام كانت تشوف الموت صدق وهو يسحبها مع شعرها وقالت : تككفى يالرعد لا يلمسونني قبلك
طارق ضربها برجله ع وجهها وقال : بسس خلاااصص اص م فقع كبدي الا عزوتك في رعد وهو مو حولك
قرب منها ولمسها وخلص بس م خلته يوصل لشرفها ودافعت عن نفسها بشكل قوي وشريف ووصلت له انه يخسي صدق بس قطع جسمها وشقق ملابسها كانت في حاله يرثى لها بس مع ذلك م استسلمت
جاء ذياب يركض : ولد جاو امش بسسرعة
طلعوا من السور اللي ورا وطلعوا لسيارة احمد خويهم ودزوا واختفوا من الانظار
دخل محمد وهو يرركض ووراه عمه وجده وابوه اما كاسر راح ورا الحوش يدور احد
محمد بصراخ : ههييااام
هيام كانت حاضنه جسمها برجولها وتبكي بحرقه
دخل محمد وشافها وركض لها وقال : لممسستس !!!
هيام هزت راسها بنعم وهي وسط انهيارها
وقرب منها ابوها وهمس لها وقال : مس شرفتس؟
هيام قالت بصوت باكي : يخسسي هو وعشرة من امثاله
زفروا كلهم براحة وقال ابوها وسط دموعه : حمدلله حمدلله انها عدت ع كذا حمدلله اللي لطف فيتس يبنتي
رعد وصل ودخل وهو يركض وقال : هيااامي
فزت هيام وركضت له
رعد شافها وتقطع قلبه كانت ملابسها يادوب تسترها سحب شماغه من الشماعة ولفها فيه وحضنها وهمس : تكفين يهيامي طمنيني تكفيين انكري
هيام كانت تبكي بصوت عالي وترجف وقالت بهمس وصوتها يرجف : اه يرعد م لحقتني واسعفتني منهم اه يالرعد لمسوني قبلك
رعد كان يفور ويحترق وقال : منن عيياااال الكلب !!
هيام همست له وقالت : ذياب الله ياخذ نفسه وواحد ثاني معه
رعد بعدها ودخل للصالة وهو يرجف وعيونه حمراء وقال بصوت هز البيت : ذيياااب والله لا اذبحه والله لا ادخل السجن منه والله لا اموتهه
ابو هيام صرخ في وجه رعد وقال : بنتي معاد لها جلسة في بيتك واقصر الكلام
رعد لف له بقوة وقال : نععمم وش تقول انتت !!
ابو هيام بعصبية : وصلك الكلام واوراق الطلاق بكرا توصلني !
رعد صرخ في وجهه : مرريضض انتت ! تستهببلل حراام حرم الدم اني م اطلقق هيامم !
هيام دخلت تبكي وقالت : يبه لا يبه تكفى يبه لاتحرمني من زوجي
ابو هيام صرخ : بس خلااص محمد اخذ اختك
رعد م كان مستوعب اللي صاير ويبي يشوف هو وش دخله فاللي صار عشان يحرمونه هيام وقال : ياعم استهد بالله انا وش عرفني تحسب اني لو كان عندي خبر بخليها لحالها !!
ابو هيام : وصل الكلام وانتهى وبنتي تحرم عليك ولايهونون عندي ابوي واخوي
ابو رعد قال : استهد بالله رعد ماله دخل في ذا كله حرام عليك تخرب بيت بنتك عشان سبب تافه
ابو هيام لف بعصبية : سبب تافهه !!! ولو انه صار في حنين ولا لين بيكون تافهه !
ابو رعد فز : لا م اقصد اللي صار لهيام اقصد اتهامك الغير مقنع لرعد !
ابو هيام : كلامي وقلته وم بتراجع فيه محممد اخذ اختك
هيام كانت منهارة صدق وركضت ورا رعد وتمسكت فيه
رعد كان مصدوم حرفيًا وم كان يتحرك نزل يده ومسك راحة كفها وشد عليه ولف عليها وهمس لها وقال : اسف يهيامي اسف لكل شيء صار لتس واسف اني مضطر ابعدتس مني اسسف والله
هيام بكت وحاوطته بيدينها وقالت : انت مالك دخل انت مالك دخل بس تكفى ياكل رعّودي لا تطلقني تكفى لا تتخلى عني
رعد شد عليها وهو مبتسم وقال : حيل الله اقوى يروح رعّودك
هيام زاد بكائها اول م قرب محمد وسحبها من رعد وكانت متمسكة فيه وتصارخ وتقول : محمد تكففىى يمحمد انصفننيي وقف مععيي يمحمدد انت عارف كييف حبي لرعد تكفى لا تخلييه يروح مننيي تكفىى كلم ابووي تكفى يمحممدد
محمد كان ضايق وقال : خلاص يهيام تعالي معي خلااص
رعد تركها وراحت مع محمد وهي تصارخ وتبكي وتقول : يالررعد انا في وجهكك وشنبك م تطللق يالرعد لا تتخلى عني بسرعة
رعد تكلم بصوت عالي بعد عزوتها فيه وقال : حرام انتس في وجهي وفي شنبي والله ان يحرم علي طلاقتس يبنت سيف
هيام كانت في حالة يرثى لها ورعد اسوء منها م يدرون وش اليوم ذا ووش الاحداث ذي كلها
ابو محمد قرب من رعد وقال : لا تتطلقها استر عليها يولدي وكمل معها
رعد لف له بقوة وقال : وش استر عليها زوجتي ذي ومحد لمس شرفها انا بنفسي م لمستها مجرد خدوش في جسمها والا الباقي سهالات بس والله اللي رفع سبع ونزل سبع اني م اطلقها تسمعني ياعم
ابو هيام مر من جنبه وقال : جهز عمرك توقع بكرا ع الاوراق
صرخ ابو محمد وقال : سيف انت مرييض !! تبيه يطلقها ومين بيأخذها بعد اللي صار !
ابو هيام صرخ بعصبية وقال : مين قالك اني بزوجها خلها عندي معززة مكرمة وبعدين هي بنتي وانا ادرى بمصلحتها
دخل فارس وهو مستعجل بعد م قاله محمد السالفة
فارس : ياعم استهد بالله جعلني فداك م يصير اللي تسويه !
ابو هيام بعصبية : بسس خلااص بيطلقها من فوق خشمه
طلع وترك رعد وراه بدون روح جلس رعد بهدوء ع الكنب وجلس جنبه فارس
فارس : تراك اذا طلقتها تحرم عليك ولازم تتزوج غيرك وتعيش معه برغبة انها تحمل منه وبعدها تقدر ترجع لك
رعد لف له : ومين كذب عليك وقال اني بطلقها !
فارس : عمي من اول يدور الزلة وحصلها والله ان يغصبك
رعد ضاق وقال : عادي بطلقها طلقة وحدة او ثنتين بس قدامه عشان تنتهي عدتها وارجع اخذها من فوق خشمه
فارس فز : لا لا لاتطلقها اصبر يمكن يلين
رعد : ادري انا اقولك اذا معاد فيه طب
فارس : انت م كنت ماسك عليه اشياء ومخدرات ومدري وش
رعد توه يستوعب انه يقدر ياخذ هيام غصب عن ابوها وقال : الا والله انك جبتها
فزوا الاثنين طلع رعد يبدل ولبس ثوبه وشماغه وطلعوا من البيت متجهين لأبو هيام
اما محمد وهيام وام هيام كانوا يحاولون يقنعون ابو هيام يتراجع بس هو حصل الفرصة انه يبعد هيام عنه ومستحيل يضيعها
ابو هيام بغضب الارض  : بس يبنت تعصين ابوتس عشان واحد م يسوى !
ام هيام : انت عارف انه يسوى قبيلة ولا كان م دق عليك تروح لأختك صح ولا لا يمحمد
محمد : اي والله صح
ام هيام : هاه حتى انت ي ابوها م كنت تدري عن حالتها بس رعد رجع وهو طاير ومعاد فيه روح هذا دليل انه رجال وولد رجال ! يعني حرام علييك اللي تسويه في بنتك
ابو هيام قال : اذا رجعت له فتراتس طالق !
ام هيام شهقت وقالت : حسبي الله عليك !
ودخلت هي وهيام ودقايق ودخل رعد البيت وقال : ياعم والله لو م تتراجع لأفضحك عند اللي يسوى واللي م يسوى وانت عارف وانا عارف وش سواياك !
ابو هيام ابتسم وهو قد سبق رعد بخطوة ونظف كل شيء سواه وقال : عن اي سوايا تقصد ؟
رعد م حب ابتسامته وقال : هاه ؟ مسوي تنكر
ابو هيام : لا م انكر اسألك واتحداك تطلع وراي شيء
دق الرعب في قلب رعد وعرف انه نظف كل شيء وقال : وش تبي انت الحين ؟
ابو هيام نادا هيام وجات وطلع فارس علطول عشان يأخذون راحتهم
ابو هيام : طلقها بالطيب ولا بالغصب اختار
رعد ناظر فيها وقال : بس ؟
ابو هيام استغرب وقال : ايه اخلص
رعد بكل مكابر وكأنه مستانس وهو من داخله يتقطع وتتكسر ضلوعه ضلع ورا ضلع وقال : هيام
لفت هيام له وهي خلاص م فيها حيله وقالت : لبيه يروح هيامك
رعد انكسر قلبه بعد ردها وقال : انتي طالق
فزت هيام وبكت ودخلها ابوها غصب وسكر عليها
هيام كانت تصارخ بشكل مرعب : لااا يالرعد لااا يالروح والسننيين كلللهاا لييه تفررطط في هيياامك لييه يالرعد ليييه تكسرننيي وتخليني لحالليي لييه يرعّودي ليييه اهه يببهه من يششففيي غلييلليي الحيين تكفى يبهه لاتبععدننيي عنه تككففىى يببهه افتح الباابب لاتوجعننيي يبهه
رعد غورقت عيونه بالدموع لأول مره بعد وفاة عمه وتلطم بشماغه وعيونه حمرااء وتنزل دموع كأنها نار تحرق خدوده كان من كسر من صوتها اللي انبح من الصراخ وهمس : اه يالهيام لاتحرقيين كبدي فوق اللي فيه استودعتس الله يالهيام والحب والعمر والسنين والايام كلها
فارس عرف انه طلق من عيونه وقال : الله يعوضك يبو محمد
رعد م رد وركب سيارته وراح بدون م يعرف وين بيتجهة
فارس دخل بيت ابو رعد والكل كان مجتمع وقال : ياهل البيت
ابو رعد فز : ادخل امك هنا وجدك
فارس دخل بضيق : رعد طلق هيام
فزوا الحريم والرجال كلهم وقالت سلمى : الله لايوفق من كان السبب حسبي الله علييييه !
حنين بكت وقالت : فارس وين رعد !!
فارس لف لها وضاق بعد دموعها وقال : والله م اعلم وين راح بس طلع من البيت وعيونه تنزف م تقولون انها دموع
ام رعد بكت وقالت : الله يبرد قلبه ويجبر كسره ويعوضه
ام فارس حضنتها وقالت : اللهم اميين خلاص ي ناديه خلاص وانا اختتس
الكل كان بحاله صعبة وهم م يهون عليهم لا رعد ولا هيام
اما هيام طاحت اغمى عليها من الصراخ والنياح كانت تتمنى انها ماتت ولا جربت الشعور اللي جربته
مسكتها امها قبل تطيح وهي تبكي وتقول : الله يبرد قلبتس يبنتي ويبرد قلب رعد ويجبر خواطركم ويرد شملكم يارب
_______••______
بعد كم يوم انتشر الخبر مثل انتشار النيران بقلب رعد وهيام والكل عرف وتجمعوا في بيت ابو محمد بحكم انه اكبر بيت
الكل كان حول هيام يواسونها وهي م تبي الا حضن رعد اللي كان يحتويها ويطمنها وكانت تتذكر اخر حضن لها معه واخر نظرة عطاها ياها وزاد بكائها
صرخت ام محمد : ياهيااام خلاص اللي يشوفتتس يقول ان رعد مات م طلقتس !
ام رعد فزت : يخالة شفيتس تتفاولين عليه وخليها تحزن !
ام رعد خافت وقامت تدق على رعد اللي كمل ٧٣ ساعة مختفي ع الانظار
ام رعد : ياربي رعد م يرد
حنين بكت : يمه لايكون صار له شيء !
الحريم فزوا كلهم وقالوا : لاتتفائلون بالسوء !
حنين استغفرت ربها ودعت له
ام رعد كانت تبكي وتسأل كل وحدة تحاول تدق عليه بكملة وحدة : رد رعد ؟
وكانوا كلهم يهزون رؤوسهم برفض
نادت ام محمد الكل للعشاء واللي يتعشى وهو مو شايل هم واللي كانت اللقمة م تنزل اصلاً من الغصة
هيام كملت اربع ايام م ذاقت الا اشياء بسيطة وغصب عنها وكانت تبكي بحرقة
ام هيام بحزن ع حالة بنتها : خلاص يبنتي اكلي عشان خاطري م عندي خاطر عندتس ؟
هيام فتحت فمها لأمها واكلت وخلصت صحنها وشربت ماء
مرت الايام وصارت الايام اشهر وكان اول شهر في حياة هيام بعد زواجها من رعد بدونه وكانت في حالة تخوف وتحزن والشهر ذا كامل م شافت ابوها وهي حالفة م تطلع قدامه
ورعد م زال مختفي عن الانظار والكل يسأل عنه بس ماله وجود وكأنه اول م طلع من بيت ابو هيام اكلته الارض وخبته من العالم
ابو رعد كان خايف من فكرة انه يخسر رعد ويدق عليه يوميًا بس للأسف ماله حس
______••______
في مكان بعيييد بعد ثلاث اشهر تحديدًا في أبها الجنوب
رعد كان يناظر من شباك مكتبه وشاف التقويم وكان ع مشارف نهاية شهر شعبان ورمضان يقترب قال : الله يعيني ويصبرني مفروض اني الحين اتجهز مع هيام ورايحين نتقضى لرمضان اه بس
دخل جندي ودق تحية
رعد ابتسم : استرح
الجندي : اتوقع اهلك برا ينتظرونك
رعد هز راسه بموافقة وطلع برا وشاف ابوه وجده
ابو رعد بأبتسامه : رعدد يولديي
رعد ابتسم وقرب وباس راس جده وبعدها ابوه وقال : مرحبلي والله نورت الجنوب
ابو رعد مسك يده وقال : ماشاءالله مسكت اللهجة
رعد ضحك وقال : اضطرينا ايوه وشحالكم ؟
ابو محمد : بخيير جعلك بخير
ابو رعد : بشرنا انت كيف امورك ؟ تزوجت ؟
رعد لف لأبوه وقال : لا ولا بأخذ غير هيام
ابو رعد زفر بضيق وقال : راحت عليك يرعد
رعد قطب : وش السالفة ؟؟
ابو محمد : ولد خالتها سعيد خطبها ووافقت غصب
رعد فز وقال : والله م يأخذها !!
ابو محمد : يغبي انت مطلقها م تحل لك الحين الا بعد الزواج من غيرك !
رعد صرخ : طلقتها طلقة وحدة !!
ابو رعد وابو محمد صرخوا : ااييششش !!
رعد : والله العظيم انه طلقة وحدة وكنت انتظر تمر ٣ شهور وارجع اتقدم لها
ابو رعد صرخ : امشش طيبب نلححقق
ركبوا السيارة متجهيين للرياض بأقرب رحلة طيران
اما هيام فقدت الامل في رجوعها لرعد بس م فقدت الامل في رعد نفسه وكانت تدعي كل يوم يجي وتشوفه
ام هيام : يبنتي كتبوا كتاب ؟
هيام : لا بس خطوبة
ام هيام : طيب طلاقتس من رعد كيف كان
هيام قطبت : كيف يعني ؟
ام هيام زفرت بملل : يعني طلقتس بالثلاث ؟
هيام هزت راسها بنفي : لا بس وحدة
ام هيام فزت وصرخت بفرحة : كذذاااابببهه !!!
هيام خافت : يمه شفييتتسس الا والله انا متأكدة بس شفيتس
ام هيام : يعني بيرجع رعد اليوم للرياض لأنها مرت ثلاث شهور
هيام م استوعبت : ييمه اشرحيي زيين
ام هيام شرحت لها وفزت هيام
هيام بكت بفرحة : يمه قولي والله تكفين طمنيني
ام هيام حضنتها : والله يبنتي انه يحل لتس وبيرجع يتقدم لتس وان شاءالله انه قد النخوة وم كان تزوج مع اني عارفه انه لعب ع ابوتس وطلقتس وحدة
هيام كانت في سعاااادة لا يعلم بها الا الله وتشاهق وسط دموعها وقالت : يمه والله اني راضية لو اشوفه يمه اشتتققت له
ام هيام بكت مع بنتها وقالت : الله يطمن قلبتس ويردتس له
هيام بدموعها : امييين يمه اميين
اما حنين للحين تنتظر رجوع رعد عشان يتقدم لها فارس اللي حلف م يسوي شيء بدون رعد والكل وقف معه ومحد اعترض
فزت هيام ع رمي رشاش فارس وهو رافع صوته ويقول : اررحححبببوواااا رجعتت الحياة يالرعد
راحت تركض وشافته كان متغييير اشتاقت لملامحه كانت تبكي وزاد بكائها اول م سمعت صوته يرد ع فارس
رعد بضحكة : من يرحب يبقى يالفارس والحياة والله شوفتك
فارس نزل سلاحه وركض لحضن رعد اللي فتح يدينه وكان رعد اكثر من اخ لفارس
فارس ابتسم : كلنا عارفين انت ليه راجع
رعد ابتسم : يعني ثلاث شهور وش يعني ؟
فارس : انك بتأخذ هيام زوجة لك للمرة الثانية
رعد صفق له : شاطر فارس تفهممم
ضحك فارس وقال : خير يبو وش شاطر اصغر عيالك ؟
رعد بعده اول م شاف امه وركض لها وسلم عليها وعلى جدته وخواته
حنين وهي في حضنه : اف وحشتنا يحيوان
رعد بعدها ومسك خشمها بيده : م يوحشتس غالي وبعدين عارف انتس مستانسه عشان فارس بيتقدم لتس
حنين ضربته : لذي الدرجة واضح ؟
رعد انفجر يضحك : يحيوانه انكري طيب
حنين ضحكت معه وقالت : هيام اليوم انخطبت
رعد غمز لها : ادري
حنين : ماشاءالله كيف عرفت ؟
رعد : قلبي علمني
حنين : طيب وش بتسوي ؟
رعد وقف زين وهو كان منحني عشان يساوي طول حنين وقال : بتشوفين
طلع رعد وراح لبيت ابو هيام وهي كانت تناظر فيه بشوق وشافته دخل وشهقت وقالت في نفسها ( لازم يسمع صوتي لازم اذكره فيني ) كان صوت هيام مبحوح من كثر الانهيار اللي صار لها بس كان يجذب ويموت بعد
رعد دخل : سلام عليكم
ابو هيام فز : رعد ؟
رعد ابتسم : يعيون رعد
ابو هيام بأبتسامه تقدم يسلم عليه وم رده رعد بالعكس استقبله ببوسة ع راسه وقال : شالأخبار يعم ؟
ابو هيام : ع احسن حال والحمدلله ع رجوعك وين اختفيت يولدي
رعد بضيق : ضعت والله بعد هيام
ابو هيام ضاق : معليه يولدي تهون تهون
رعد ابتسم وقال : طبعًا بتهون تدري ليه ؟
ابو هيام قطب : ليه ؟
رعد : انا جايك اليوم بنفسي واتقدم لبنتك هيام للمره الثانية
ابو هيام انصدم : تستهبل انت ؟ م تحل لك
رعد ضحك : نسيت اني طلقتها وحدة ؟
ابو هيام فز وتذكر انه رعد سبقه بعشر خطوات ولعب عليه وقال : الا والله اذكر بس بنتي جاها خطاب اليوم ووافقت
رعد : ايه بأجبارك ياعم انت م تخاف ربك في وحيدتك ؟
ابو هيام حس بالذنب وقال : ابد انا موافق ترجع لك بس سعيد مستحيل يرضى كان يبي هيام قبلك وم صدق انها تطلقت منك عشان يخطبها
رعد ابتسم : سهله بذبحه
وطلع وهو يفورر بعد كلام عمه ويقول في نفسه ( سعيد كيف تجرأ اصلاً يحبها وهو عارف انها لي )
وقف رعد عند الباب اول م سمع صوت هيام تقول : يبه هاك الورقة وجيب اغراض
فز رعد وارتعد جسمه وارتخى وهو اشتاااق لصوتها وقال : ياحي ذا الصووت وحيي راعييه
هيام كانت تشوفه معطيها ظهره وكانت تتمنى تركض له وتضمه ضمة الطفل لأمه وتجلس ضامته وتستنشق عطره اللي اشتاقت له وتسمع صوته من قريب
قالت بهمس : حي نباك يالرعد
رعد م تحمل ولف لها وكانت لابسه جلال صلاة احمر وكان يشوف هيئتها ويحلل نظرته فيها ويشوف عيونها كان متخدر فيها
قرب ابو هيام واخذ الاغراض ولف لرعد اللي م كان موجود
طلع رعد متجهة لبيت ابو سعيد
وصل هو وفارس ودخل : سلام عليكم ياهل المحل
طلع صابر اخو سعيد : ارحبوا عليكم السلام يالله انك تحييهم اقلطوا
رعد : الله يبقيك ي صابر بس ناد ابوك وسعيد
اختفى صابر وماهي الا ثواني وطلعوا الاثنين
كان ابو سعيد يعز رعد ويحبه وقال : والله انها مرحبا يرعد
رعد ابتسم : الله يبقيك ويسلمك وش وقعك ياعم عساك طيب ؟
ابو سعيد : والله توني صرت طيب امرني يولدي
رعد : كلامي مع سعيد بس ابيك تسمع انت بعد
سعيد : ارحب واسلم اسمعك
رعد : الله يبقيك بس ودي تكنسل خطوبتك من هيام لأنها تحل لي
سعيد انصدم : معصي يرعد معصي
رعد بدأ يعصب وقال : يولد العن الشيطان المرأة مرتي وطلقتها طلقة وحدة !
سعيد انصدم صدق وقال : معصصي سبقتك لها وانا اقرب لها
رعد فز ومسك رقبته وقال : انت اصنج م تسمع !! اقولك المرأة مررتتيي مرتي !!
ابو سعيد كان يشوف فرق الطول والهيئة بين رعد وبين ولده والكل كان يحسد ابو رعد ع ولده رعد ابتسم وقال : يالرعد ابشر باللي يرضيك
رعد كان صدره يرتفع وينزل من العصبية وقال : الله يخليك ياعم م تقصر بس اربك تربي سعيد شوي
سعيد حلف : والله م تأخذها وبعدين م بعد طار عقلي عشان اطير هيام من يديني
رعد خلاص انتهى بعد م سمع اسمها من لسان احد غيره ولف له بقوة وعطاه لكمة ع وجهه وطاح سعيد ع الارض وكانت ضربات رعد طالع فيها ع جده كانت قاضية
فز فارس ومسك سعيد وقال : لا ماشاءالله حصان م فيك شيء قم قم وتركه واتجهة لرعد ومسكه
فارس : امش خلاص امشش
رعد كان قابض ع يدينه بقوة وقال بصوت مرتفع : علمٍ يوصلك ويتعداك والله لاتطلع شمس بكرا وانت م فسخت الخطوبة لا ادفنك تسسمعع !
سعيد هز راسه بنعم ودخلوه اخوانه
رعد تقدم وباس راس ابو سعيد وقال : والله م تهون علي ياعم بس محد وصل غلاها عندي
ابو سعيد ابتسم وقال : الله يهنيكم يارب
طار فارس ورعد راجعين يخطبون حنين لفارس
جهزوا البيت بدون م تحس حنين وكذبت عليها لين وقالت : ان البنات بيجون وامي بتسوي عشاء بمناسبة رجوع رعد
حنين تكشخت بقوة صدق وكانت قمررر تهببل وتعذب اللي يناظر لها
البيت بدأ يمتلي ورعد دخل غرفته واخذ شور سريع وطلع مستعجل وفتح المجالس وبدأ يستقبل الرجال والكل يثني عليه ويسألون وين كان لأنه له هيبته فالمجالس وبين الرجال واذا اختفى يخافون ويسألون عنه
رعد : ارحبوا جميع حياكم الله في ملكة ولد عمي فارس
الكل فز يصفرون ويصفقون ويدعون له بالتمام والتوفيق
فارس دخل وهو خطبة وملكة بنفس الوقت وقال : لاهنتوا جميع والله ان حضوركم يزيدني شرف عمان وخوال وقرايب واخوان
الكل فز من جديد يسلمون عليه وجلس هو ورعد في صدر المجلس
اما الحريم كانوا كلهم فرحانين برجوع رعد اللي رجعت الحياة للبيت
تقدمت ام فارس بفرح وقالت بصوت مرتفع : الله يحيكم ع ملكة ولدي فارس ع بنتي حنين
حنين لفت بكل قوتها وقالت : ايش؟؟
وصفقوا وزغرطوا الحريم واللي تبارك واللي تحسد بينها وبين نفسها
هيام بفرحة : مبروك يعيوني الله يتمم لكم ويجمعكم ع خيير
سلمى قامت وزغرطت بأعلى صوتها وقالت : الله يجمع بينكم ع الطاعة والحب وطولة العمر
حنين كانت بتتشقق من الفرحة وقالت : الله يسمع منتس ومنكم جميع
هيام تغير مودها اول م شافت رعد وصارت تاكل وتشيل وتساعد ورجعت لها الحياة منجد
رعد دخل : يوللدد شوفوا لي طرييق
لين : ادخل ادخل
دخل رعد وراح للمطبخ ولين م كانت تدري ان هيام فيه هي وسلمى
رعد دخل مستعجل يبي القهوة والشاهي واول م طاحت عينه ع هيام اللي معطيته ظهرها كان شعرها اطول من اخر مره شافها فيه وكانت ناحفة شوي والاهم انها فتنته علطول ومن دون اي مجهود
لفت هيام لسلمى وقالت : بنت هذا م كأنه صوت رعد ؟
سلمى وقفت وهي كانت جالسه وم تشوف رعد وشهقت وقالت : يويلي رعدد وجلست
لفت هيام بقوة وطاحت عينها في عينه كان جثة م يتحرك كان يتمنى انه يقرب منها ويحضنها ويبوسها اششتاق لها
هيام صرخت : يويلليي صدد !
رعد ابتسم وصد وقال : اه يالهيام انا اصد منتس ؟
هيام كانت ترجف بحب اشتاقت لأسمها من مبسمه وقالت : سلمى امشي نطلع من ورا
سلمى فزت وركضوا الثنتين
لف بهدوء وم حصل اللي خذت قلبه وضاق اخذ الدلال والبراريد وطلع
هيام مسكت قلبها وقالت : اه ي سلمى انا اطلبه يصد مني بدال م اركض له واحضنه ؟؟
سلمى ضحكت : يوه يهيام لاتصيرين خفيفة شفيتس انتي
هيام : اعنبوتس اللي يشوف رعد يثقل !
سلمى اعتلى ضحكها
هيام ضحكت وقالت : اه شكله بالثوب الاسود حيييوان صدق ليتني لميت نفسي في احضانه
سلمى ضربتها وهي م قدرت توقف ضحك وقالت : الله يجمع بينكم يارب
جات شريفة اخت سعيد : هيام ترا سعيد فسخ الخطوبة وقال انها باقي تحل لرعد
هيام شهقت : قولي والله !!!
شريفة ابتسمت : والله بس فهميني شلون
هيام : يحبيبي ايه احل له عشانه طلق وحدة
شريفة : اها قولي كذا وترا قبل شوي عادي يشوفتس لأنتس باقي زوجته
هيام ابتسمت : لو انا باقي فالعدّة اي نعم يجوز له بس الحين لا
شريفة : اوه انتي خلصتي
هيام هزت راسها بنعم
وراحت هي وسلمى لحنين اللي قالوا بيدخلون الكتاب توقع وتصير رسميًا زوجة لفارس
كانت تكافح دموعها وقالت : اه يبنات كم تمنيت هاللحظة
رعد من ورا الباب : حنيني عندتس احد ؟
ركضت سلمى وقالت هيام قبل تطلع : ترا سعيد فسخ الخطوبة
ضحك رعد : ادري يالهيام ادري
هيام : اجل عجل هيامك ابطيت عليها يالرعد
رعد : ان شاء الله الليلة
هيام طلعت وهي تضحك وتشكر ربي انه استجاب دعائها وترجيها له بأنه يرجع لها رعد
تقدمت حنين ووقعت وتم كل شيء وباس راسها رعد وتمنى لها التوفيق والسداد في حياتها مع فارس
رعد : اسمعي بيدخل فارس الحين جاهزة ولا وش ؟
حنين : ايه جاهزة
رعد ابتسم وطلع
فارس كان يشخص بشماغه ويضبط شكله
رعد : حلو حلو م يحتاج تعال ابخرك
فارس تقدم وتبخر وابتسم وقال : كم لي؟
رعد : دقيقتين
محمد انفجر يضحك وهو فهم ليه قال دقيقتين
فارس : وجع وش بيمديني اسوي !
رعد رفع كتوفه : مالي دخل ادخل وخلص
محمد : يالله بس ادخل
دخل فارس وسكر الباب ولف وشاف حنين كانت تسحر وكانت اجمملل بكثييير من الي بخياله
تقدم وباس راسها وجلس عند ركبتها وقال : الف مبروك يحنيني الف مبروك يعروس السنة والسنين كلها الف مبروك ينبض الفارس والفرس اللي مستحيل يعيش بدونها فارس ثانية وحدة
حنين كانت تتشقق من الاحراج والفرحة وقالت : الله يبارك فيك يافارسي
فارس مسك قلبه : يويل قليبي من نطق مبسمتس !
حنين نزلت راسها بهدوء
فارس مسك يدينها وقال : حنيني معي تدللي اطلبي ويجيتس كل شيء واوعدتس م ازعلتس
حنين ابتسمت : م يحتاج وجودك يكفي وشهادتي فيك مجروحة
تجرأ فارس وباس خدها وكان قريب من مبسمها وقال : يكل عمري ي حنيني
لفت له حنين اللي كانت اجرأ بكثير من هيام وحاوطته بيدينها وفاح عطرها وتداخل بريحة فارس الرجالية وحضنها وهو معلن انها حلاله خلاص وانتهى كل المشوار الطويييل
______••______
اما عند البنات شغلت بيان اغنية ذهب ذهب وكلهم صرخوا بحماس وقربوا يرقصون
وكالعادة اخذت هيام الانظار كلها وهي ترقص وتتمايل
ع منطوق وليد الشامي :
ذهب ذهب معدنكِ في عيني ويا عز الطلب
معدنكِ يغنيني في هذا الكون عن كسب الحلي
لوو يزعل العاالم بتبقى في نظر عيني ذهب
يوم المعاااادن ما اصلحت الأيام تطليها طَلي
وكانت تفتن صدق اما لين كانت تصورها عشان توريه رعد بعدين
فزت ام هيام اول م دق جوالها وكان محمد
ام هيام : هلا ؟
محمد : رعد تقدم لهيام مره ثانية وبشروط جديدة طلعي لي هيام فالمقلط توقع ع الكتاب
زغرطت ام هيام وقالت : يالهيام الله رد لتس رعد
زغرطوز الحريم كلهم وصفقوا
هيام وقفت وراحت ركض مع سلمى للمقلط
محمد ابتسم اول م شافها وقال : شوي شوي
هيام كانت تبعد شعرها من وجهها وتحطه ورا اذنها وقالت : اوقع هنا ؟
محمد : يهوه اول شيء موافقة ؟
هيام استغربت : تستهبل انت ؟ اكيد موافقة
محمد ابتسم : اجل ع البركة
وقعت هيام ورجعت للحريم وكملوا سهرتهم وهي بس بالها في رعد وتتمنى تشوفه .
::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت طويييل جدًا زعلتكم ورضيتكم علطول م تحملت اكتبوا وعلقوا ع كل بارت تعبت والله 🤌🏻😩 )