يهزمني الحُب وانا جاهل بدرب المُحبين

البارت الخامس والخمسين

طلع رعد لبيت اهله بحكم ان هيام هناك وولده والعيال
وصل بعد فترة لبيوت اهل قاضي ونزل من سيارته ودخل مجالس جده وقال : عيال وينكم ؟
ذيب من ورا رعد : ابو ايهم جيت ؟
رعد لف له وقال : هلا ذيب وينكم ؟
ذيب شهق وقال : رعد راااسسك !!
رعد ضحك وقال : ينزف للحين ؟
ذيب قرب ومسك جرح رعد وفز رعد ألم وقال : ذذييييب !
ذيب : ايه ينزف
رعد بعد من ذيب وقال : وينكم طيب ؟
ذيب : جالسين ورا مع جدتي
رعد ابتسم : ماشاءالله ام محمد صاحية ذا الوقت ؟
ذيب ابتسم بضيق وقال : وش الحزن بيخليها تنام اصلاً
رعد خبط كتفه وقال : امش
مشوا رعد وذيب ورا بيت الجد قاضي وقال بصوته الرخّيم : ماشاءالله مهاوي معنا الليلة ؟
ام محمد ابتسمت وفتحت حضنها لرعد اللي قرب وشّد عليها وقال : خلاص يحبيبتي الحزن بيوجع قليبتس
ام محمد : يحزني والله موت قاضي يالرعد
رعد : الله يجعله فالجنة وهذا حال الدنيا يجدتي
ام محمد : صادق والله
رعد تربع وقال : ماشاءالله ع الجمعة الزينه
ام محمد ركزت وقالت : رعد وشفيه وجهك !
" كان حاجب رعد ينزف وخده مورم وخشمه ينزف وشفته السفلية منقطعه وكان صدق مصفق "
رعد ابتسم وباس يدها وقال : م فيه الا كل عافية وين هيام ؟
فارس : البنات بيجون بعد شوي
رعد : ابي اشوف ايهم
محمد كتم الضحكة وقال : لا يرحم والديك بتخرش ولدنا
رعد رمى جزمة جدته ع محمد وقال : م تستحي ع وجهك وبعدين ولدي انا مسوي خوي !؟
ضحكوا العيال كلهم وجدتهم معهم
رعد فز بألم من الشق اللي بشفته وقال : بدخل انا
قام رعد ووقف عن الباب الزجاج وقال بصوته الرخّيم : يووولدد طرريييقق
سلمى ضحكت وقالت : ابو طبيع م يجوز عن طبعه
هيام قامت وهي حاضنه ايهم وقالت : لبيه
رعد دخل وشهقت هيام وقالت برعب : ووشذذاا وشفيييك
رعد فز وحضنها وقال : اصص اقصصري حستس
هيام دموعها تجمعت وقالت : رعد وشفييك ؟
رعد ابتسم وباس راسها وقال : كنت بمعركة خفيفة
هيام : متأكد انها خفيفة ؟
رعد : ايه مو مهم تعالي امسحي جروحي
هيام رفعت ايهم لرعد وقالت : ششوف كيف ولدنا صغييير
رعد ابتسم وشاله بين يدينه وقال : يالبيه ياللي شابه ابوه
هيام : ايه والله يالبييييه
رعد غمز لها وباس خشم ايهم وقال : عساه من مواليد السعادة والله لايحرمني منكم
مسك يد هيام واليد الثانية كان حاضن ايهم فيها وطلع للغرفة ونزله ع السرير ودخلت هيام غرفة ملابس رعد وقالت : رعد الاسعافات بعيييد وشذا حشى كل ذا طول !
رعد ابتسم وتقدم لها ووصل وحضنها من وراها وباس رقبتها وقال : انا اجيبه ولا يهمتس
هيام رفعت راسها وشافت رعد وراها كان طويييل وقالت بضحك : يويلي والطول ماشاءالله
رعد ناظرها وضحك وعطاها الاسعافات وقال : تعالي
جلس رعد ع الارض وهيامه ع السرير وبدت تمسح الدم والجروح وقالت : من مين ؟
رعد : طارق
هيام : يعلها كسر ان شاءالله
رعد ابتسم وقال : الله وش اللهجة ذي ؟
هيام قطبت وقالت : مدري كلمة اقولها من وانا صغيرة
رعد : وليه تووني اسمعها
هيام : مو مهم وقف بمسح شفتك
رعد ابتسم بخبث وقال : م يحتاج تمسحينه بالشاش شفايفك تكفي وتوفي
هيام توسعت عيونها وقّوت ع يدها وفز رعد برعب وقالت : اييه احسن
رعد ابتسم وهو يحاول يوقف الدم بلسانه ومغمض عين وفاتح الثانية
هيام بقرف : لااا لا تسوي كذا تعااال امسحه
رعد حط اصبعه ع الجرح وقال : اتركيه وعطيني لصقات جروح
هيام : اسفه تعورت صح ؟
رعد كانت ملامحه حادة وقال بحدة : لا
هيام نزلت له وحضنته وقالت : تكفى لا تزعل مني
رعد حاوطها بيد وحدة وقال : شدعوة هيامي اقولتس م تعورت عشان ازعل
هيام وقفت وقالت : بتطلع للعيال ؟
رعد : لا بطلع لسيارتي وانتي معي بنرجع البيت خلاص
هيام : لا بجلس عند امي
رعد مسح وجهه وقال بحدة : بكيفتس تعبت من الموضوع الزفت ذا !
مشى رعد وباس خد ايهم وقال : انتبهي لتس وله
طلع بدون اي رد ثاني صح ان هيام زعلت من زعله بس وضحت له انها م اهتمت وطلع رعد وحصل امه فالصالة وقال : يميمتي توصين شيء ؟
ام رعد : لا يولدي انتبه لنفسك
رعد ابتسم واشر له بيدها وودعها وطلع لسيارته وركب وشغلها وطلع بوكيت دخانه وسحب سيجارة منه وحطها بين شفايفه ومشى لبيته
...................
في بيت كاسر
وقف بسيارته وقال : انزلوا يحلوين
نزلوا لين ووعد يترنحون من التعب والحزن اللي مروا فيه
لين بهمس : يع بكرا دوام
وعد شهقت وقالت : يويلليي حتتى انا !
لين فزت وكتمتها بيدها وقالت : اااصص كاااسر لا يسمعتس !
وعد ابتسمت وقالت : لا معليتس
دخلوا وكل وحدة اتجهت لغرفتها وطلعت وعد بدلتها وابتسمت وهي تشوف شارتها الذهبية وان لها خبرة بالطيران وتحبه من وهي صغيرة ابتسمت بحب وعلقتها بالدولاب ولفت تبي تنام بس استوقفها دخولية كاسر
وعد فزت : ييممهه ! م تعرف تقول شيء قبل تدخل !
كاسر احتدت نظرته وقال : سلامات ؟؟
وعد جلست ع السرير وقالت : يحبيبي غلط ترا تدخل كذا
كاسر نزل ثوبه وقال : والله لو اني داخل ع وحدة م تحل لي م سوت سواتتس
وعد مسكت راسها وقالت : وشدخخلل الحييين ؟
كاسر ابتسم وقال : مدري اسكتي
انسدحت وعد وبطنها بدا يمغصها من توتر الدوام واول يوم وخصوصًا انها مديرة لكاسر اللي انضم لها بعد فترة وناموا
" في جناح لين "
لين : ابشري يمه
ام رعد ابتسمت : يعني بترجعين للبيت ؟
لين : ايه بعد دوامي بكرا بجهز اغراضي واجي عندكم
ام رعد : الله يوفقتس يبنيتي توصين شيء ؟
لين ابتسمت : لا يروح بنتتس
سكرت ام رعد ومشت لين وفتحت باب شرفتها عشان تغيير جو الغرفة وتجدد الهواء فيها
.....................
في بيت ابو ضاري
ذيب : هلا خالد
خالد : ذيب ترا انت معنا فالمهمة
ذيب قطب : اي مهمة !
خالد : سجل بلال اسمك معنا ولازم تجي الحين
ذيب فز من سريره وقال بحدة : خااالد لا تجنني اشررح !
خالد بعصبية : ذيييب بلا عباطه ! تتذكر المهمة اللي بالجنوب ع الحدود ؟
ذيب : ايه ؟
خالد : انت معنا فيها ولازم نحرك بعد ساعة ونص
ذيب شهق : اسألك بالله !!!
خالد ابتسم : اي والله
ذيب بقهر : الله ياخذ نفس بلال الحيوان وراي زواج يخيي
خالد : متى عرسك ؟
ذيب : بعد ٤ شهور تقريبًا
خالد ضحك : الله يعينك بتختفي عن اهلك سنة ونص وفي ازدياد يحلو
ذيب بحدة : هااااه !!!!
خالد : اي قسم حتى حنا انفجعنا والله بس وش نسوي اعتمدونا بالميدان
ذيب : سكر سكر
سكر خالد وفز ذيب ودخل واخذ دش سريع وطلع وجفف شعره ولبس بدلته وشاراته وجزمته وحزامه وسلاحه وتعطر وطلع بعد م سكر باب غرفته نهائيًا " وكان من شروط المهمة محد من اهلك يدري عنها " طلع ذيب من بيتهم وركب سيارته وطار لبيت كاسر وهو بس ناوي يقول للينه بحكم انه بيجلس سنة منها ووصل بعد فترة بسيطة ونزل وابتسم اول م شاف باب شرفتها مفتوح وقال بصوت عالي : ي لييين الذيييب !
لين فزت من سريرها وطلعت ركض للشرفة وقالت : عيييونها
كانت لين تتأمل ذيب وابتسامته من تحت ووقفته وطوله وعرضه وبدلته اللي شّدت عليه وسمحت للين تشوف وتميز ملامح جسمه وقال بعد تأمل دام دقيقة وكلهم ساكتين : لين افتحي لي الباب
لين : ابشر
مشت لين وطلع ذيب للباب وماهي الا ثواني وفتحت لين له وطار ذيب وشالها من الارض وحاوط رجولها ع خصره وانصدم اول م لامست يدينه فخوذها اللي م كان ساترها شيء بحكم ان لين لابسة شورت وتوب مرتفع وكان خصرها وبطنها مكشوفه لذيب اللي كان يتأمل فيها وقال بصوته الرخّيم : وشذا الزيييين ؟
لين حضنته وقالت : اشتقت لي بسرعة ؟
ذيب دف الباب برجله وتسكر ودخل غرفتها وسكر الباب وراه وقال : منجدتس ذا سؤال ينسأل انا كل ثانية تمر من حياتي اشتاق لتس يروحي !
لين ضحكت وقالت : يجعلني م اخلا ولا اعدم منك
جلس ذيب ع سريرها وباقي لين بأحضانه شّد عليها وقال : اسمعيني واسمعي كل كلمة بقولها
لين ابتسمت وقالت : اسمع اول شيء انسدح وبنسدح جنبك والله بخاطري
ابتسم ذيب وشال لين اللي كانت صغيرة مقارنة فيه وانسدح وحطها بحضنه وقال : يارب جزمتي م توسخ فراشتس
لين ناظرت برجوله وقالت : معليك من طولك م بتوصل حتى
ضحك ذيب وقال : ليني
لين ناظرت فيه كان ذيب قريب منها بشكل مرعب وكانت تشوف ملامحه بوضوح وقالت : لبيه
ذيب ضاقت ملامحه وقال : انا والله م اني بخييير ي لييني
لين حطت خشمها ع خشمه وقالت : افا من مزعل حبيبي
ذيب : بعادتس عني
لين : والله اني اقرب لك من روحك
ذيب : م فيها شك اصلاً اسمعي ذيبتس بيختفي من حياتس سنة ونص وفي ازدياد ومم..
لين قاطعته وفزت وقالت : ذيييب !!!
ذيب قام ومسك كتوفها وقال : بتسمعيني لين اخلص ولا وشو !
كانت ملامحة لين مصدومة وحزييينة ومكسورة وقالت بصوتها الانثوي اللي يآسر ذيبها : تكفى يالذيب انا ناخيتك م تروح وتخليني
ذيب فز لمبسمها تحت صدمة لين كان ذيب مسيطر بجسم لين ولا هي قادرة تبعده اعتلاها وهو يطبع فيها ويوصل للكل انها ملكه كانت يدينه تتجول بجسم لين وتستقر اغلب الوقت بخصرها وهو يشّدها عليه وتركها بعد م طلبت لين النفس وقالت بصدمة : ذيب ابعد يالذيب
ذيب بحدة : انكتمي تراني زوجتس احمدي الله اني وقفت هنا
لين : طييب وويين بترووح لا تغييير الموضوع !
ذيب : عندي مهمة ع الحد الجنوبي وبختفي وممنوع الجوال لكن بحاول اهربه واكلمتس واطمنتس علي قولي لأهلنا بعد اسبوع تمام ؟
لين بكت وفزت لحضن ذيب اللي حاوط خصرها وهو مبتسم وقال : ليه ي ليني لييه ؟
لين وسط انهيارها وهي كل شوي تشّد عليه قالت : لاا تبتععدد وتخليينيي سنة يالذيب وش اسوي فيها وزوااجنا لا لاا بتنساني وبيقل اهتمامك فيني وانا هنا احتترق علييك وابي اعرف عنك شيء !!
ذيب حاوط بيدينه خدودها وحط وجهها قدام وجهه وقال : ليني لذي الدرجة تشوفين نفستس هينه عندي ! كييف بيقل الاهتمام وكيف بنساتس نساتس موتتس م نسيتس ي ليين الذييب
لين زاد بكائها ومقدر ذيب يتحمل وقام وقال : في امان الله
مشى وفزت لين وحضنته من وراه وقالت : استودعتك ربي ي حبيبي ودنيتي كلها استودعتك الله الذي لا تضيع ودائعه انتبه لنفسك عشاني قبل تنتبه لها عشانك وتذكرني بذا
مدت لين خاتمين طلبتهم وكان محفور عليها " لين الذيب " " ذيب اللين " لبسته خاتمه واللي ابتدأ بأسمه وابتسم بضيق وقال : انتبهي لتس زيييين سامعه ؟
لين رفعت رجولها وباست خشم ذيب وقالت : ع خشمي
ذيب ابتسم بخبث ونزل لنحرها وباسها بقوة وقال : اوه اسف علمت
لين شهقت وفزت للمراية وكانت حمررااء ولفت لذيب اللي كان تاكي ع الجدار وقال : قربي وبتأخذين وحدة ثانية
لين كانت تحسبه يمزح وتقدمت تبي تضربه بس صدمها ذيب اللي سحبها مع خصرها وشّدها عليه وقال بصوته الثقييل : عناد السالفة ؟
لين مسكت اذنه وقالت : يوسخ لييه !
ذيب ضحك وقال : تتذكريني بس بطريقتي لأنها والله اعلم بتجلس ١٥ يوم او اقل
لين شهقت وقالت : امماااااننهه
ذيب انفجر يضحك عليها وكانت لين تتأمله وقالت : ذيب تعال بشاورك قرب
نزل ذيب لها وحاوطت رقبته وباسته بفكه بكل قوتها وقالت : وحده بوحد...
انصدمت من ذيب اللي لف لها وطابق مبسمه ع منطوقها وتركها وقال بتخدر : لذيييييذه مقدر اقاومتس
لين كانت ترجف ومصدومة وقالت بهمس مسموع : قليل ادب
ذيب ابتسم وكان بيتكلم بس قاطعه مكالمة خالد وقال : لينني اهييمتس انتبهي لتس يروح ذيبتس
طلع ذيب ولف ع صوت لين من وراه وتقدمت وحضنته بكل قوتها ورفعها ذيب وحاوطت خصره برجولها وكان حضنهم عميييق وحضن وداع لبعضهم ابتسم ذيب وباس راسها وطلع من جهة جناح لين وركب سيارته ومشى من قدام بيت كاسر للمقر ودخلت لين بحزن شديد وهي تتمنى انه م راح من عندها ونامت علطول وهي تتناسى الحزن كله
...................
في بيت رعد
وصل رعد لبيته ودخل علطول وجلس بالصالة ووصلته رسالة من فّي وكانت تقول فيها :
سلام عليكم رعد اخبارك اسمعني ضروري تداوم بكرا ابي اكلمك بموضوع مهم وان شاءالله انك بخير وحشتنا فالمكتب المهم انا فّي ترا
رعد رد علطول وقال :
هلا عليكم السلام بخير نحمد الله ونشكره بس ناقصتس تكتبين حضرة اللواء ؟ ولا تنسين انتس سكرتيرة وممنوع تكلميني برقم جوالي الشخصي جوال العمل مقصر معتس بشيء ؟
فّي ابتسمت وكتبت :
ابشر اسفه يالرعد واللي تبيه بيصير عيوني لك
رعد شاف رسالتها وسكر جواله بصدمة وقال : طيب بكرا نتفاهم اصلاً
طلع لغرفته واستوقفه جواله اللي دق وكان رقم فّي رد رعد علطول ووصله صوتها الطاغي وهي تقول : الو ؟
رعد مسك مسند الدرج بكل قوته وقال بصوته الرخّيم : هلا
فّي فزت وتركت جوالها وصرخت بمخدتها وهي تقول بنفسها ( يالله والصوووتت اللي يججذذبب صووت رججاال صددقق ! )
ردت بهدوء وقالت : رعد ؟
رعد : فّي ؟
فّي كان قلبها يدق بكل حب وانهارت اول م قال اسمها وقالت : لبيه
رعد : حضرة اللواء رعد صعبة عليتس ؟
فّي : بس انا م ابي بيننا رسميات
رعد بحدة : ماله دخل رسميات المناصب اللي تلعب دور ترا وغير كذا كم عمرتس لازم احترام شوي !
فّي : عمري ٢٤
رعد استغرب وتذكر هيامه وقال : طيب اسمعي احذفي رقمي من عندتس واذا كان عندتس شيء مهم تدقين من مكتبتس ع جوال العمل حقي طيب ؟
فّي : بس كذا ؟
رعد قطب وقال : كيف يعني ؟
فّي عبست وقالت : طيب ابشر اسفه معسلامة
سكر رعد علطول وهو يقول : وشفيها ذي انهبلت !
دخل غرفته هو وهيام وحط راسه علطول وطاح نايم بدون م يحس بأي شيء حوله
......................
في بيت ابو هيام
هيام بتعب : خلاص يروح امك شفيييك !
كان ايهم يبكي بصوت عالي ومزززعج وكانت هيام وامها يحاولون يسكتونه
دخل ابو هيام بعصبية وقال : هيااام اكتمي ولدتس !
هيام فزت وضحكت وقالت : افا يبه ليه ع ولدي ولا بنت حمود م قلت لها شيء
ابو هيام : م كانت عندي اصلاً نيميه ولا تصرفي وانتي يرهف امشي
ام هيام : اصبر يخوي خل نشوف وشفيه هيومه يمكن فيه مغص
هيام : مدري م اتوقع
ام هيام : هاتيه وفكي حزامه
سدحت هيام ايهم ع بطانيته اللي كانت ع الارض وفتحت حزامه وكانت اصبعه ملتويه داخل البطانية
هيام بكت علطول وقالت : يجعله في ضلوووعي
ام هيام ضحكت وقالت : شفتي يالدبشة !
هيام شالته بحضنها وسكت علطول ورضعته طبيعي وهي تمسح ع راسه وتبوس فيه وفي يدينه وقالت بهمس : اخ لبى اللي شابه رعد الهيام لبيييه
ام هيام : هيومه نامي طيب انا بروح
هيام ابتسمت وقالت : تصبحين ع خير يميمتي
طلعت ام هيام وانسدحت هيام وايهم بحضنها ويرضع ومسكت جوالها ودقت ع رعد ووصلها صوته النايم وهو يقول : هلا هيام
هيام ابتسمت وقالت : اشتقت لك
رعد : احلفي ؟
هيام ضحكت وقالت : والله وشفيك
رعد : تبين شيء !
هيام : سلامتك كنت نايم صح ؟
رعد : ايه صح
هيام : احبك
رعد ابتسم وقال : تصبحين ع خير بوسي لي ايهم وقولي من ابوك
هيام قطبت وقالت : اححبببك
رعد فز وقال : اههييمتس وربي لا اجيتس !!
هيام ضحكت وقالت : تنتبه لنفسك كويس صح ؟
رعد بحزن : لا عشان زوجتي م هي عندي تهتم فيني
هيام بجدية : ارضع ايهم ومهلكني وانت تبي من يهتم فيك وهيام من يهتم فيها ؟
رعد ضحك بصوت عالي وقال : ترضعييينه حركاااات ابيي اشوووف
هيام شهقت وقالت بأحراااج : ررعععدد
ضحك رعد وقال : ابي اشوف مالي دخل وريني ماهو حلالي ! يحظ ايهم بس
هيام كانت مصدومة وقالت : وقسسم بالله حلااال من صفقك
رعد ابتسم وقال : امزح معتس بس بشوف يوم من الايام عشان كذا حاولي تتعودين تصبحين ع خير يالخير كله
سكر رعد بدون م يسمع رد من هيامه اللي كانت خدودها تحترق من كلام رعد وقالت : حييوان صدق
وناظرت بأيهم اللي كان يتأمله وقالت : وانت وش تطالع فيه
ضحكت وباست خشمه ونامت اول م نزلت ايهم بسريره ..
..........................
في بيت ابو محمد
كانت ام محمد تصلي الوتر وتدعي لزوجها بالرحمة وسلمت ولفت ع حنين ابتسمت وقالت : حنين يعيون جدتتس وش ناقصتس
حنين كانت مشابكه اصابعه ومرتبكة وقالت : جده بننقل انا وفارس بكرا لبيتنا تجين معنا ؟
ام محمد ابتسمت وقالت : ليه اجي بجلس انا ولطيفة هنا في بيت الشايب وجنب عيالي
حنين : يعني م يضايقتس نقلتنا ؟
ام محمد : لا طبعًا !
ابتسمت حنين وهي حست بالراحة وباست راس جدتها وطلعت وشافت فارس يكلم وقالت في نفسها ( يارب مو بيادر )
دخلت بهدوء وسكرت الباب ولف فارس لها وقال : جيتي ؟
حنين عضت شفايفها وغمضت عيونها بحسرة لأن فارس حس فيها وقالت : ايه جيت
دخلت حنين الغرفة وقالت : فارسي
فارس لف بحب وقال : يروحه
حنين رفعت بجامتها وقالت : شف بطني كيف احس انتفخ علطول
ضحك فارس وتقدم وباس بطنها وقال : احبتس طيب
حنين ابتسمت وقالت : من تكلم
فارس : حمد
حنين : عسى م شر ؟
فارس : يبي يعرس وبزوجه بيادر وافك نفسي منها ازمتني
حنين بفرحة عظيمة قالت : هي متزوجة ؟
فارس : مطلقة وعندها ولد
حنين : م تحس حرام حمد يأخذها
فارس : شوفي هي حلين لا ثالث لهما ي اتزوجها ي..
قاطعته حنين وهي تقول : شدعوة احسهم لايقين لبعض اصلاً
فارس طاح يضحك ع سريرهم وقال : اصلاً امزح معتس م كلمت حمد ولا احد غيره 
حنين شهقت وقالت : يعني م بيتزوجون ؟
فارس : لا م ابي تتقرب من عايلتنا ابدًا
حنين : وانت ان شاءالله !
فارس : تعالي بس وانسي كل شيء معي
حضنت حنين فارس اللي رفعها للسرير وناموا اثنينهم بأحضان بعض
......................
في التوقيف
هاني : طارق وش صار فيك ؟
طارق ابتسم : بيني وبين صديق حكاية قديمة
هاني : اللواء رعد ؟
طارق هز راسه بنعم
هاني : طيب ترا م بترجع للسجن لأنك هربت بعد انتهاء مدة حكمك بساعة يعني لو هربت قبلها بساعة كان لقمت اشهر زيادة بس نحتاج نأخذ افادتك انت واللواء رعد عشان نعرف وش صار ومن اللي بيأخذ الحكم
طارق : م ابي شيء يصير لرعد مستعد بالعقوبة مهما كانت
هاني اشر للعسكري يتصل برعد وفعلاً اتصل وصحى رعد من نومه للمرة الثانية وقال بحدة : هلا !
العسكري : اللواء رعد بن محمد ؟
رعد : اخلص وش بغيت
العسكري : طارق م عليه حكم ولا جزاء بحكم انه هرب بعد انتهاء حكمه بساعة والحين موضوعك انت وياه
رعد : متنازل انا عن كل شيء
العسكري : برضو نبي افادتك عشانك كسرت خشمه
رعد ابتسم وقال : اح كسر !
العسكري : ايه حضرة اللواء
رعد : خلاص بجي
سكر رعد وشاف الساعة وكانت ٣ الفجر تنهد بقرف وقال : اخ ي طارق حتى وانت بعيد تجيب الهم والغم
قام رعد ولبس بدلته وطار للتوقيف ودخل وسلم ع معارفه فالمركز ودخل ع طارق
طارق : ارحب
رعد ناظر فيه وقال : الله يبقيك
طارق : وش جابك ؟
رعد : يبون افادتي انكسر خشمك ؟
طارق ضحك وقال : بعد يدك اي والله انكسر
رعد ابتسم وقال : حتى انا راسي للحين يوجعني ترا
طارق تقدم وسلم ع خشم رعد " سلام الرجال " وبادله رعد السلام وتصافحوا بحرارة وقال طارق : رعد انتهى فلمي وانتهى كل شيء صفحة جديدة ؟
رعد : معليه معليه
طارق : بجيك وادق وجهك فالهيئة الضباط
رعد قطب وقال : شلون ؟
طارق : انا مقدم سابق وبرجع لوظيفتي وبحاول اصلح م افسدته الحياة يعزيزي
رعد خبط كتفه بقوة وقال : عساك ع القوة
طارق : وياك
طلع رعد وهو يشوف كيف طارق نفس هيئته كان عريض ونفس طول رعد بالضبط كان يشابهه بكل شيء الا الوجه اللي تميز رعد بملامح جميييلة جدًا وحادة عكس طارق اللي كانت ملامحه حادة بس م كان جميل واللي يميز طارق شامته اللي تحت عينه بالضبط
دخل رعد وقدم م عنده وانتهى واطلقوا سراح طارق رسميًا
طارق لأحد العساكر : لو سمحت شفت رعد ؟
العسكري اشر بأصبعه وقال : ايه هناك
تقدم طارق وقال : ابو ايهم
رعد : ارحب
طارق : توصلني ؟
رعد : ابشر بعزك انتظرني شوي
دق رعد ع فارس ووصله صوته الناعس وهو يقول : رعد الله يشغلك وش تبي !
رعد ضحك وقال : اسمع ذيب وينه م يرد ؟
فارس بحدة : احلف ! وشدراني م اني اخوه ترا
رعد : طيب لا تنفخ !
طارق : رعد فيه بقالة قريبة ؟
رعد لف لطارق وقال : طارق يرحم لي والديك اطلع شوي وبجي
فارس فز وقال : طاااارق !!!
رعد سكر بدون م يعطي فارس رد وطلعوا وصادفوا غالب عند الباب
غالب برعب من طارق صد عن رعد بدون م يدق تحية
رعد بحدة : يعسسكرري !
غالب كان يرجف برعب وقال : سم
طارق ابتسم وقال : غالب لايكون صدقت اني ابيك ؟
غالب لف بصدمة وقال : ايش ؟
طارق ضحك وقال : الله يمغصك امزح معك بس مزحي ثقييل شوي صح ؟
غالب تقدم وسدد لكمة قوية ع خشم طارق اللي صرخ بألم وهو يقول : خخششمممييي !!
رعد كانت نظراته حادة وعيونه تطلع شرار وقال : غالب !
غالب لف بقوة لرعد وقال : سم !
رعد بحدة : التحيية يعسكرري !!
غالب استوعب وقال : حضرة اللواء رعد !!!!
رعد ارتفع صوته وهو يكرر كلامه وقال : التحييييية
غالب استقام ودق تحية لرعد ووصله صوته يقول : استرح
استراح غالب واعتذر من رعد ودخل علطول للمركز
رعد مسك ذراع طارق اللي قام وهو يقول : ابي المستشفى
رعد بضحك : والبقالة ؟
طارق ضرب راس رعد وقال : رعد فاضي وقسم بالله خشمي يولد م احس فيه
رعد : اركب طيب
ركبوا طارق ورعد واعتلى صوت الاذان في ارجاء الرياض
طارق : الله اكبر
رعد : حق
وصلوا للمستشفى ونزل طارق وقال : كثر خيرك م تقصر يبو ايهم وسامحنا ع القصور والملعنة اللي صارت
ضحك رعد وقال : صار اللي صار وكلن اخذ قسمه معليك
دق طارق لرعد التحية واستراح بعد كلمة رعد ومشى للمستشفى ودعس رعد لبيته وهو يدق ع ذيب اللي مختفي عن الانظار
.....................
في بيت ابو محمد
فارس : اه يالرعد ااااه منك والله م تتوب الا اذا طحت بمصيبة !
حنين صحت وقالت : رعد ؟ وشفيه !
فارس : م فيه شيء نامي
حنين قامت وقالت : فااارس رعد وشفييه !
فارس : لا حول ولا قوة الا بالله ي حنيني م فييه شيء شفيتس !
حنين : متأكد ؟
فارس انسدح وتجاهل حنين اللي حضنته ورجعت تنام معه
.....................
في الجنوب
ذيب : يويلليي والمكان بننحبس هنا سنة !!
خالد : وزوود بعد
ذيب مسح شنبه وقال : الله يسهل
دخلوا زي العمارة القديييمة وكل واحد اختار له غرفة وكان ذيب مع خالد وبلال بغرفة
ذيب : عيال اسمعوا نتقاسم الشغل واحد يطبخ وواحد يغسل الحمامات والملابس والمواعين وواحد يكنس الشقة كاملة وواحد يكوي ويسفط وغيره من الاشياء طيب ؟
الكل اتفق معه وقال خالد : ننام طيب لأني هلكان
بلال بتعب : اي والله امشوا
ذيب انسدح ورفع يده وشاف خاتم لين وابتسم وباسه بكل حب وقال : يارب استودعتك حبيبتي وليين ذيبها من كل شر
تقفلت عيون ذيب مستسلم للنوم علطول ...
:::::::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هاااي يحبااااني فجعة جمييييلة بس قصيرة 😔 ، وعد الكاسر بيخلونا ننهار من جمالهم بالبارت الجاي تحمسوا معي وعطوني رايكم بكل تفصيييل 🤍🤍 )