يهزمني الحُب وانا جاهل بدرب المُحبين

البارت السابع والستين

هيام ضحكت وقالت : لي فترة م صدمتك بشكلي
رعد ضحك وقال : كل م انتي وتصدميني اخاف اموت من كثر الصدمات
هيام شّدت ع يده وقالت : فاااال الله ولا فالك !
رعد باس يدها ومشى مستعجل للبيوت الثلاث ...
" في بيوت اهل قاضي "
وصلوا لين الذيب وهيام الرعد وكان ذيب واقف عند البوابة ومقفل ع رعد يدخل وهذا شيء نرفز رعد اللي كان يطرق له وم يسمع ذيب بحكم انه يكلم بلال ويعزمه ومن الكلام ذا
هيام لفت بعيونها لرعد اللي كانت عروقه بارزة وعيونه حمراء وعلطول رجعت حالات رعد اللي كان عليها ابتسمت بضيق وصدت عنه وانتفضت اول م صرخ رعد وهو يقول بعصبية وبصوته الثقييل : ووشش لعننتته ذااا !!!؟
نزل رعد وهو يسابق خطواته ويعجلها ووصل لباب سيارة ذيب وفتحه بكل قوته وسحب ذيب مع ياقته وسدد له ضربة ع خشمه طاح ذيب منها واعتلى صراخ لين وهي تقول : ررععد ووش سووييتت !!؟؟
ذيب مسك خشمه بقوة عشان م ينزف اكثر ورفع نفسه وضرب رعد ع فكه وكان من سوء حظ رعد دايم انه يتلقى الضربات بالخواتم وهذا شيء يزيدها سوء والم فزوا هيام ولين وكانت لين تحاول توقف بين زوجها واخوها وكانت تصارخ وتقول : بسسس حرااام اللي تسوونه !! اتقوا الله فيننيي !
سمعوا العيال من الحوش وركضوا للبوابات ووصلوا ع صراخ ذيب وهو ورا لين كان يقول : يحررمة تحسبب بتضربنني وبسسكت لكك !!
رعد شمر اكمامه وقال وهو يمسد فكه : انا حرمة ؟
ذيب بحدة : ايييه نعم حررمة !!
لف رعد للعيال اللي طلعوا كلهم وقال بحدة : يرجااال م به الا كل عافية حمود اخذ هيام ولين الاان وكاسر تعال معي بقولك شيء
كاسر تقدم لأخوه وهو يشوف ذيب خويه واقرب عيال عماته له ينزف خشمه وثوبه مليااان دم صد بألم من منظر ذيب وقرب لرعد وقال : وش العلم يالرعد ؟ انت عارف لو ابوي عرف وش اللي صاير وربي بيسرف فيك وانت عارف من اول م مات جدي وابوي م يحبنا نتهاوش ويتجنبنا كثييير
رعد ابتسم وقال : ذيب م بيسكت عني اعرفه وبيتعزوى بأخوانه عشان كذا خلك وراي يالعضيد
كاسر ضرب كتف رعد بقوة وقال بحدة : اعنبو غييرك احترم واضرب الارض ولاتسمي !
رعد لف لمحمد وهو يسحب هيام وايهم بيده ولين تنسحب من هيام وكان صراخ لين مرتفع وهي تقول : رععد تكفى لاتسووي شيء لذيبي تكففى يالرعد !!
دخلهم علطول وصد بعيونه لعيون ذيب اللي كان صدره يرتفع وينزل من العصبية وزايد وضاري وراه وكل واحد منهم يسولف له وكأنهم يقولون " كمل الباقي ولا تخليه ناقص وحنا اكثر منهم عدد " لكن لو صار اللي يتوقعونه عيال عبدالله بيمشي كل شيء عكس اللي يبونه لأن م قدر ع عيال محمد الا ربهم كانوا يمشون ويضربون ويطلعون هازميين لعدوينهم
" عند ذيب واخوانه "
ضاري بصدمة : وش السالفة ؟ انطق ليه ضربك رعد وانت عارف رعد وقوته وان..
قاطعه ذيب اللي فكه يرجف من العصبية وقال بحدة : وشش اللي رععد وقووته والله لا ادقق وجهه ذاا اللي ناافخ خششمه وربيي لا اكررههم فيينيي !
زايد بحدة : بخااطرك ؟ وربيي اني معكك
ضاري : ولين ؟
ذيب بصراخ : وشدخللهاا ذيي الحييين !!؟؟
كان ذيب اذا عصب ينسى اهله ونفسه اولاً ويبي ينتقم ويشفي غليله وهذي اول اولوياته ..
ضاري سكت وقال لزايد بهمس : اول م يتلطم رعد بنبدأ ندافع عن ولدنا سامعني ؟
زايد بنفس الهمس : ابشر
لفوا كلهم لكاسر اللي يسولف مع رعد ورعد نظراته حادة عليهم ويدقق بكل شيء وضحك وقال بهمس لكاسر : بيتضاربون
كاسر ابتسم ع جنب وقال : تقوله ؟
رعد : ايه يدرع جنبي !
كاسر سحب شماغه من ع كتفه ولفه بشكل مكثف وتلطم به ورعد م زال يناظر فيهم بدون م يتحرك وهو للحين يمسد فكه ويحركه
" عند الحريم "
محمد بحدة : ادخخلووا م فييه شيء ادخللوا
هيام بنفس حدة صوت محمد قالت : تستهببلل محمد شلوون م فييه شيء !!
ام محمد تقدم وقالت : وش العلم ؟؟
محمد مسح وجهه وشنبه وقال : م فيه شيء يجدة
مشى محمد ومسكت ذراعه ام محمد وقالت : محمد تنطق ولا وش ؟
محمد ناظر بيمينه ويساره وقال بصوت عالي : يالفاااارس
فارس طلع والعزبة بيده وقال : لبييه وش العلم ؟
محمد بحدة : عيال محمد !
فارس فهم ورفع ثوبه وركض علطول ومحمد ترك يد جدته ولحق فارس علطول وهم متجهين للبوابات
" عند ذيب واخوانه "
ضاري توسعت عيونه وقال : كاااسسر اللي تلطم !!
ذيب انهد حيله وهو عرف ان اللي بيضارب من عيال محمد هو كاسر وقال : لاا تكفون مقدر امد يدي ع كاسر !
زايد ضرب كتف ذيب وقال : بس هو م فكر فيك !
ذيب مسح خشمه وقال : هو يبيها ؟ والله ان يبشر بها
" عند رعد وكاسر "
( عيال محمد كانوا يتلطمون عشان تخف عليهم الضربات وكانت هذي الحركة مشهورة عندهم اذا زعلوا او عصبوا يسوونها واذا كان الشيء يخص الضرب كانوا العيال يعرفون من بيضربهم من عيال محمد عن طريق التلطم )
رعد حط يده ع فمه عشان م يشوفونه وهو يتكلم وقال : ذيب بتنكسر ذراعه فيك عشان كذا لا تضرب ولا شيء بس ابيك تهوش عليه وابيك تتأكد اذا اخوانه بيفزعون ولا لا
كاسر ابتسم وقال : ابد احتزم
رعد : يالله اجل لف واتجهة لهم يبو الرعد
كاسر لف بكل قوته وتشمر واول م طاحت عينه بعين ذيب ضاقت بهم الدنيا وكلهم ماهم قادرين يضربون بعض
قاطعهم خروج محمد وفارس من البوابة وشوي وطلع وراهم منصور وقال فارس : يالرععد !
رعد لف له وقال : هلا يالفااررس ؟
منصور همس لمحمد وقال : وش العلم
محمد صرخ بصوته الرخّيم وقال : كاااسر لا تففكررر !!
فارس لف علطول بعيونه ع كاسر اللي كان متلطم شهق وركض بس صدمهم ذيب اللي سحب كاسر مع رقبته وحط خشمه ع خشم كاسر وقال بحدة وهو يصر ع اسنانه : لا تخلييني اوجعك !
كاسر ابتسم وقال : وانت بتقدر اصلاً ؟
ذيب ابتسم وقال : من بنيته الجسدية اقوى ؟
" عند ضاري وزايد "
زايد كان مركز مع رعد لكن صدمته حركة ذيب وصار يطالع فيه ونسى من الرعد ورجع يرفع عينه وشاف رعد يتلطم فز وقال : ضارري رعد تلططمم !
ضاري ابتسم وقال : اخيييرًا بخاطري اضرب رعد من اول
زايد ابتسم معه وقال : اوهووو اي والله بخااطرنا
قاطع ذيب صوت رعد الرجولي وهو يقول : ومن اخو الرعد ؟
لف ذيب بسرعة ع رعد اللي مسك فك ذيب بكل قوته وقال بصراخ : والله لا احططك براسي والله لا اوجعكك واوجع ليين !
ذيب كان منفجع من شكل رعد وهو متلطم وم يشوف الا عيونه ورجع ينتفض اول م قال رعد : بتلعن الشياطين اللي راكبتك ولا ب..
قاطعه ذيب وهو يقول بحدة : الله يلعننكك !
تقدموا فارس ومحمد ومنصور ومسكوا زايد وكاسر وركض فارس لرعد اللي كان يتراعد وجسمه مو بحالته الطبيعية ابدًا
فارس سحب يد رعد من فك ذيب وقال : يعيااال وربي عماني لا يسمعون اللي صايير ان تنتهون !!
ذيب دف فارس وطاح عشانه مو مركز مع ذيب ومعطي ذيب ظهره ومد يده وسحب شماغ رعد وانصدم من المنظر اللي شافه كان رعد رافع يده وماسك سكين صغير وعيونه تطلع شرار
رعد ابتسم وقال : بتكمل ولا وش ؟
ذيب قرر باللحظة ذي ينسحب وهو يشوف رعد مو طبيعي ابدًا وقال : بكمل ولا عندي فيك لكن السؤال هل بتخلي اختك ارملة ؟
رعد استوعب كل شيء بعد م تكلم ذيب وهو يعرف ومتأكد قد ايش لين تعشق ذيب وتذكر صرخاتها وهي تحاول تفزع لذيب
ذيب ابتسم وقال : اشوفك فكرت فيها ؟
كان رعد بينطق بس قاطعهم صوت ابو رعد اللي صدع بالشارع وهو يقول بعصبية وعصا ابوه قاضي بيده وكان ابو رعد بعد وفاة ابوه مكسور ولا يجبره بعد الله الا عصا ابوه : اعنببووكمم ياللي م تستتحوون !! اخووان انتوا ولا اعداااء ولييتكم صديتوا من الناس وتمشكلتوا بالحوش !! وانت يالرعد افا علييك يولدي اختك تصارخ ويطلع صوتها للناس ويين غيرتك ع اهلك !!؟
رعد مسح وجهه وشنبه وقال : العذر والس..
صرخ ابوه بوجهه وهو يقول : ااصص ولاا اسسمع لك حس فشتلنني ولا طلعت قد الهقوة والله انك عقبت يالرعد وانتوا م تعرفون تفرعّون بينهم !! ادخللوا داخل !
طلع سامي ورا خاله اللي يصارخ عليهن وعض ع اصبعه وهو تأخر يحذرهم ودخلوا كلهم ورا ابو رعد اللي كانت يدينه ترتجف وكان ابو هيام وابو ضاري ينتظرونهم مع ام محمد
" فالمجلس الرجالي "
بعد محاضرات طويلة وهواشات قام ذيب وقام رعد وتقدموا وسلموا ع بعض " سلام الرجال " وكل واحد باس خشم الثاني وقال ابو هيام : اييه يعيالي خلوكم كذا حرام اللي تسوونه ببعضكم !
ذيب ابتسم وقال : اعذرنا يالشيخ
رعد م كان يحس بنفسه وم يدري شلون للحين واقف ولا طاح رجع يبتسم بهدوء لذيب وقال بهدوء : معليه معليه انت اللي اعذرني
لف رعد ومشى وم كمل خطوتين الا وطاح بطوله ع الارض وفزوا كل الرجال له
فارس : بسس خلاص السكر وقده بين جنوبه
محمد : اذكر الله يفارس
فارس : بتشوف
جاب محمد شنطة السكري حقت ابوه وكان وراثه عندهم فتحوها واخذ فارس الإبرة وعقمها وعقم يد رعد اللي طايح ع فخذ كاسر ودخل الإبرة وقاس السكر حق رعد وشهق فارس وقال برعب : سكره ٥٧٠ !!!
ابو رعد غمض عيونه بحسرة ع ولده اللي يعتبر صغير ع السكر وقال بحدة : يحتاج مستشفى ؟
فارس ابتسم وقال : افا عليك يعمي انا المستشفى وان شاءالله انه ارتفاع بسيط بس بدون م يصاب فيه
محمد ضرب كتف فارس وقال : عزز يبو ليما وان شاءالله
فارس ابتسم وعّد لثلاثة وشالوا رعد ع الكنب وتركوه يستريح وكل شوي يرفعونه ويشربونه موية ويرجعونه ..
" عند الحريم "
هيام اللي داخت من كثر م لين تدور فوق راسها قالت بحدة : ليين وجعاااه اجلسسي !!
لين وهي تعض ع اظافرها : وش يختي ! خليني متوترة
هيام توسعت عيونها وقالت : تستهبلييين وترتييني معتس !
حنين ابتسمت وسحبت لين وقالت : الله اكبر كأن رعد م يتهاوش ي ليونه من واحنا في بيت ابوي وهو يتضارب ودايم يجينا ملابسه مليانه دم ومقطعة !
هيام مسكت راسها وقالت : يراسي اسألتس بالله !!
لين وحنين ضحكوا وقالوا بصوت واحد : والله
سلمى جات ومعها القهوة والشاهي وقالت : اقدعوا يبنات اخرنا اخوي واخوكم وزوجتس يالهبلة
هيام : هيه وشدخلني ؟
بشرى قربت وقالت : معليتس منها واقدعي يبنت الحلال
بيان جلست وقالت : تهقون تتكنسل الحديقة ؟
سلمى : مستحيل جدتي خاطرها فيها
وعد : اف بكرا زواج شوق
شهقوا البنات كلهم واللي صرخت منهم وفجعوا وعد اللي قالت : علللة يكلااب !! ورااكم انهبلتوا
هيام بحدة : تستهبلين صح !؟
وعد : لا والله بكرا موعد زواجها بهادي
غدي ضحكت وقالت : الا وعد صادقة
سلمى وهي تصفق : يرااااسي صدق اخيييرًا كم لبثنا
هيام بهمس لحنين : بالله عليتس ذي ام ؟
حنين رفعت يدينها للسماء وقالت : الله يجير ولدها بمصيبته
سلمى رمت صحن القشر عليها وقالت بحدة : اسمعتس عساتس م تسمعيين الرعد انتي وياها !!!
طاحوا البنات يضحكون عليها وقالت : اييه تضحكون يحميير لكن هييين !
بشرى : وعد وين عهود وشوق ؟
وعد : عهود فالحمام وشوق فالعيادة تسوي ليزر
بشرى مسكت راسها وقالت : تووها !؟
وعد ابتسمت وقالت : لا هي خلصت لكن باقي رجولها وم فيها شيء اصلاً خسارة فلوس ع الفاضي
سلمى : لا يحبيبتي لازم تجيتس تلقق تلقق نظاافة
وعد : اجل ع قولتتس تلقق
ابتسمت سلمى وقالت : اييه وش بتلبسون ؟ انا والله م بشتري بلبس الفستان اللي لبسته بعرس هيومتي
هيام ابتسمت وقالت : الله اشتقت اشوفتس فيه
حنين : حتى انا عندي فساتين قديمة محد شافها
لين : انا طلبت فستان وردي ووصل قبل اسبوع بلبسه
وعد : اجل نشوف من اللي بتقفل ملفاتنا بكرا ؟
الكل بصوت واحد بدون وعد وهيام قالوا : هياام طبعًا
هيام حطت يدينها ع وجهها وقالت : بناااااات !
وعد ضحكت وقالت : عاد والله صادزين وانتي غدو وش بتلبسين ؟
غدي : لا حبيبي انا عشان م حضرت زواج من فترة اشتريت كل شيء وجهزت لكل شيء
هيام : شكلها بتقفل ملفي
غدي : حشى وكلا ! الا هيام شفت رجلتس امس
هيام عدلت جلستها وقالت : طيب ؟
غدي همست وقالت : ضخخخممم
انفجروا البنات يضحكون وقالت سلمى بصوت عالي : الله يجبر خاطرتس اخيييرًا احد اعترف
غدي وهي تضحك معهم قالت : والله كبييييررر يبنات وصوته مررععب
هيام ضربت فخذها بخفه وقالت : عاد م اسمح لتس يجنن
غدي : ايه والله ششققق
لين وحنين وهيام بصوت واحد قالوا : ععشششنننااا !!
غدي شهقت وقالت : يمهه وشو ! اسفه بس مقدر حلوو مره
هيام حطت يدها ع فخذ غدي وقالت : شكلتس تبين تجربين قبصتي
سلمى صرخت وقالت : لاااا الفررارر اسألي مجررربة !!!
غدي فزت لعهود اللي دخلت وقالت عهود وهي تضخم صوتها وتثّقله : احتززمي يبنت صاللح !
غدي ضحكت وقالت : يمه صدق تشبهين حميد
عهود شهقت وقالت : بسسم الله علييي منه !! هيام اعطيتس الضوء الاخضر دقيي وجهها !
طاحت غدي تضحك والبنات يضحكون معهم لكن قاطع حديثهم وسوالفهم وضحكاتهم ام محمد اللي قالت بحدة : ماشاءالله بلا سنون ان شاءالله قوومي قام قيامتتس انتي وياها الاغراض ودوها للسيارات وهيام روحي لزوجتس اللي طايح و..
قاطعتها هيام اللي فزت برعب ولين وحنين معها وقالت : جددة وشفيييه ؟
ام محمد : مافيه الا كل عافية وخير لكن قومه العصبية اللي من غير سنع !
لين : يعني مو من ذيب ؟
ام محمد ضحكت وقالت : وعساس ابوتس خلاهم ؟
هيام : الحيين احد عند رعد ووينه ؟
ام محمد : لا لا م عنده احد العيال كلهم فالسيارات وهو فالمجلس
ركضت هيام وهي رافعة طرف فستانها الاسود ودخلت للمجلس بشكلها الفاتن وتقدمت بسرعتها لرعد ومسكت وجهه وقالت : يكل رعّودي وشفييك ؟
رعد فتح عين وحدة وقال : يعيوون رعّودتس م فيني الا كل خير
هيام مسكت يده وشابكتها بيدها وقالت : اسألك بالله ان تعلمني الصدق
رعد رفع نفسه وعدل جلسته وقال : اول شيء وش مطلعتس للمجلس كذا ؟
هيام تركت يده وحطت يدينها ع وجهها وصرخت صرخة مكتومة وقالت : ااااه بيجنني ذا مو وقتك تغااار ! وشفييك علمني
رعد ضحك وقال : ارتفع السكر عندي كله من الرخمة ذيب
هيام كانت جالسة ع البلاط ورعد فوق الكنب ويناظر بأنحناءات جسمها وخصرها وصدرها اللي كان واضح له صد وقال بحدة : هيامي تعالي فوق الكنب
هيام قامت وجلست جنبه وقالت : كيفك الحين وكم صار لك طايح ؟
رعد : م طولت اظن ربع الى نص ساعة ومعليتس بخيير بخير
هيام : طيب بروح بيت اهلي ابدل عشان الطلعة
رعد : تمام وخلي محمد يوديتس انا بروح للمستشفى العسكري واخلص واجيكم
هيام حست ان رعد م يبيها تخاف عليه وشافت انه من مصلحتها اصلاً ابتسمت بهدوء وقالت : تمام يكل رعّودي طمني عليك
رعد حط يده ورا خصرها وشّدها عليه ونزل راسه ع كتفها وقال : والله اني بخييير بعد شوفتتس وتطمنتس علي
هيام ابتسمت وحاوطت رقبته وقالت : يعساني م اتبدل فيك
رعد وهو يمازحها قال : يوونه يصغغرتس صغرااه
هيام كانت تدري بفرق الحجم والطول بينها وبين رعّودها ضحكت وضربت ظهره بخفه وقالت : خير ؟
رعد بعدها منه وقال : اهيمتس يالهيام كله
هيام ابتسمت وقالت : يحظ الهيام برعّودها
قرب رعد قاصد مبسمها لكن قاطعهم ام محمد وهي تقول بحدة : اعنبوتس قلت لتس تشوفين وشفيه وكل م دخلت عليكم حصلتكم تبوسون ببعض م تشبعون
رعد تجرأ وسحب هيام ولف وجهها له بعد م كانت تطالع بجدتها وباس مبسمها بكل حب وقال : اااه يجدة مسسك وربي انه مسسك وخمرٍ حلاال
ام محمد صدت وهي تصارخ وتحّسب ع رعد وهيام اللي م كان لها دخل وكان وجهها احمر وضربت رعد وقالت : اقلها استح من جدتي !
رعد اعتلت صوت ضحكته المجلس وقال : والله م علي فيهم وان اعيدها قدامهم كلهم اعنبوتس انتي ملكي وحلالي !
ام محمد بصراخ : هياام اخلصي علينا
هيام ضحكت وقالت : ودعتك ربي يحبيبي وامسح شفايفك قبل تروح المستشفى م نبي ينفضح اللواء رعد
رعد ابتسم وقال : اطلق فضيحة
طلعت هيام وانسدح رعد وهو يسمع اصواتهم واصوات البزران وسياراتهم وسحب جواله وحط منبه وغمض عيونه ونام علطول ..
" فالحديقة الساعة ٧ الليل "
فارس وهو يشوي اللحم حس بكتمة وقال : حمود تكمل بدالي ؟
محمد قام وقال : قد علمتك الله يصلحك رح ارتاح
فارس ابتسم وقام وجلس ع طرف الفرشة واخذ علاجه وحس انه افضل بكثييير
كاسر بحدة : سامي لعاد تغش العب زيين ولا فارقني
سامي ضحك وقال : هد يرجال م تسوى ترا كلها بلوت ؟
ذيب : وهو صادق العب زيين !!
ذياب ابتسم وقال : خلاص اوعدكم بيلعب زين
مد ذياب يده بهدوء وشافه كاسر يحط الورق تحته توسعت عيونه وقال : ولععنهه م اخس منه الا انتت !
انفجروا سامي وذياب يضحكون وحمد م يدري ويسجل
ذيب : كاسر قم قم اسحب عليهم
كاسر رمى اوراقه ع وجه ذياب وقام وذياب مصروع يضحك عليه
" عند الحريم "
سلمى وهي مشمرة اكمام عبايتها وتقطع السلطة مع حنين وهيام تضبط الصوص مع وعد
بشرى : عساكم ع القوة وعسى لين ع القوة
هيام رفعت عينها للين اللي تصارخ وتمسك البزران م يضيعون ضحكت وقالت : اي والله الله يعينها ويقويها
بشرى : اساعدكم بشيء ؟
وعد : لا بس جيبي اللحم من محمد
بشرى رفعت عينها وقالت : ليه حمود اللي يشويه ؟
حنين وهي تقطع مع سلمى قالت : اكيد الوسخ فارس انكتم وناداه يكمل بداله
بشرى : تمام اجل بروح اجيبه
قامت بشرى متجهة للعيال عشان تاخذ اللحم الجاهز من عندهم ...
" فالمستشفى العسكري "
دخل رعد بسيارته واللي يدق تحية منا واللي تقدم يسلم عليه منا ورعد كالعادة يقول : استرح
او يرد السلام والتراحيب مشى مكمل دربه للطوارئ ودخل وسجل بياناته وشوي وناداه الدكتور وفحص عليه
رعد بحذر : سكر ؟
الدكتور بجدية : لا باقي م اصبت فيه لكن انتبه لنفسك تراك يحضرة اللواء مهدد فيه وبقوة !
رعد تنفس الصعداء باللحظة ذي وقال : الحمدلله ابشر بسعدك ع خيير لكن تصرف لي ادوية ؟
الدكتور : اكيد تبشر وابي منك تحاول تهدىء الفترة الجاية قد م تقدر وتبعد عن كل شيء يوترك وينرفزك
رعد قام وصافح الدكتور وقال : ع خير ان شاءالله
طلع من العيادة وعلطول دق ع هيام ووقف ينتظرها ترد
اما عند هيام كانت احد الصوصات طايحة ع يدها وملياانه منه وقالت بصوت شبه عالي : اه مو وقتتك الحين رعد اللي يدق
حنين ضحكت وسحبت جوالها وردت وحطت الجوال ع اذن هيام
رعد : هيام ؟
هيام وهي متقروشة ابتسمت وقالت : يعيونها بشرني
رعد : بخيير يالدنيييا بخير
هيام : حمدلله يارب بتجي
رعد كان عنده صوت سيارة وقال : ايه ايه توو ركبت جايكم
هيام ابتسمت وقالت : استودعتك الله انتبه لنفسك ولسيارتك
رعد ابتسم وقال : ابشري توصين شيء ؟
هيام كانت بتسكر بس قالت بصوت عالي : ايييه جيب حليب لهيمي
رعد ضحك وقال : كم رقمه ؟
هيام : افا يالرعد ٢ شفيك ؟
رعد وهو يدعّي التذكر قال : ايه صح صح
هيام وهي تقلده : اييه صح صح
ضحك وقال : اوريتس
سكر بدون م يسمع ردها وقالت : خلاص حنيني
حنين ضحكت وقالت : كسرتوا يدي
هيام : الله اكبر بلا دراما
سلمى : خلصوني حضروا الاكل معي
مشوا البنات وكل وحدة تجيب صحن وتحضر فيه من مختلف الاطباق وجات لين وقالت : وعد ساعديني نرتب السفر
وعد : يالله امشي
قاموا ثنتينهم يرتبون الاغراض والصحون ع السفر والبنات معهم ..
" عند البزران "
ثريا بتعب : ميشو خلاص نرجع تعبت
مشاري : يالله امشي طيب انتي وايلاف
مشاري مسك خواته ولف وشاف لميس وايهم وراه يلعبون مع بعض قال بصراخ : لميس امشيي انتي واييهم !
لميس بنفس الصراخ : لا لا روحوا انتوا انا وايهم بنكمل نلعب
مشى مشاري مع خواته وتركهم وراه
لميس : ايهم صغيير
ايهم : مميسس
لميس ضحكت وصارت تعّد وايهم يتخبى وكل شوي تحصله ويتبدل الدور لحتى م انتهى ايهم من العد وم شاف لميس ولا لميس شافته
لميس صارت تتنفس بصعوبة وقالت بصوت باكي : ماممماا
وصارت تركض لجهة عكس جهة اهلها تمامًا
اما عند ايهم الرعد فصرخ علطول وانفجر يبكي بشكل مرعب وهو يقول : مااامميي ... باااابتتيي
لكن م كان من الهيام اللي تحضر العشاء اجابة ولا من الرعد اللي يبعد عنهم ٢٠ كيلو اجابة
كان ايهم يصارخ ويبكي ويضرب راسه بيده ويقول : مييس ميسس مااامي وباابتتيي وحموودي ونيننيي ودااده
كان ينادي فيهم كلهم من لين وحنين ومحمد وابوه وامه وجدته ام رعد وام هيام لكن محد رد
ولميس م كانت اقل منه كانت تصارخ وتبكي وتقول : بااابباا ومامماا
وتسكت وترجع تكمل وتقول : خااالة سلوومم
بس للأسف كانوا بعيدين كل البعد عن بعضهم وعن اهلهم م حصلت لميس ايهم تستند عليه ويستند عليها ولا حصلوا اهلهم وكانت الحديقة لها سمعة سيئة جدًا فالخطف واختفاء الاطفال ..
" عند اهل قاضي "
ام محمد : عيال قربوا عشان يجي مكان لسفرة البزران
هيام لفت لمشاري وقالت : ميشو وين هيمي ولميس ؟
مشاري بعصبية : قلت لهم يجون وم جاوا !
هيام لفت بنظرها لرعد اللي جاي من بعيد وقالت بنفسها ( لا ان شاءالله انهم قريب ) وتقدمت لمحمد وقالت : حمود تروح تشوف وين لميسو وهيمي
محمد : قريب فالملاهي ذيك شفت لميس وايهم معها قبل شوي تعشي العشاء اول بعدها بجيبهم خليهم يدوخون بعدها ياكلون وينامون
هيام ابتسمت وقالت : تمام اجل
مشت وجلست جنب البنات وبدأت تاكل والكل جلسوا بعد م سلم رعد وجلس مع العيال يتعشون
" بعد اربعين دقيقة "
قاموا كلهم والبنات عطوا الخدامات الصحون يغسلونها وجلسوا حول القهوة والشاهي وبدأت السوالف الخاثرة تدور ومن تجهيزات لزواج شوق وهادي بكرا
هيام حست صدرها يعورها وقامت برعب وقالت من بعيد وبصوتها المهزوز : حموود رحت تشوفها ؟
محمد اخذ بيالته معه وقام وقال : الان بروح
هيام : يالله منك !
محمد اشر لها تجلس وترتاح وكان رعد يناظر فيها ولا ارتاح قام بسرعة وفز ومسكها مع يدها ولفت هيام بفجعة وقالت : اووه هلا والله جييت
رعد ابتسم وقال : صباح الليل يحلو ايه جيت علامتس ؟
هيام : لا بس لميس م جات للحين من الملاهي
رعد : وللحين محد راح يشوفها ولا م تعرفون الحديقة ذي وسمعتها ؟
هيام برعب : وش ؟
رعد مسك كتوفها وقال : بس يضيعون وينخطفون فيها اطفال واجد
هيام شهقت وقالت : يمه الله يستر ياارب
رعد لف للعيال وقال : عيال لميس بنت محمد ضايعة كل واحد ياخذ خويه ونفترق الان
قاموا العيال وقال ابو رعد : رعد وشحالك رحت تفحص ؟
رعد سحب فارس عشان يكون مرافقه وقال : اييه بخير نفداك
ابو رعد : اجل انتبه لنفسك
رعد اشر بأصبعه ع خشمه وقال : ع ذا الخشم
ولف لفارس وكمل وقال : وين منصور ؟
فارس وهو يلبس حذيانه قال : فالعمل استدعوه قبل ساعتين وللحين م جاء وبقوا له البنات اكل
رعد مد يده عشان يرفع فارس وقومه وقال : زيين امش
مشوا وافترقوا كل العيال يدورون لميس وم كان رعد يدري ان ايهم ضايع معها
" بعد تقريبًا نص ساعة "
لميس كانت ماسكة فستانها بكل قوتها وتبكي بهدوء ورفعت بنظرها وشافت ذيب وكاسر يمشون ويدخنون صرخت وقالت : عموو كاااسسرر عمووو ذيييب !!
كاسر لف بكل قوته ورمى دخانه بسرعة وطفاه برجله وذيب سوا المثل وقال : لميسسو
لميس ركضت وهي تبكي وحضنت كاسر وقالت : عمو كاسر ايهم ايهم
كاسر ابتسم وقال : ايهم عند عم رعد
لميس فكرت ان ايهم رجع بنفسه وهدت شوي وسكتت لكن اللي صاير ان محد يدري ان ايهم ضايع الا هيام
" عند اهل قاضي "
تجمعوا كلهم ع لميس وكانت تبكي وسكتت اول م حضنها محمد وقالت : بابا وين رحت يبابا
محمد ابتسم وقال : موجود يعيون ابوتس
جلس محمد ولميس بحضنه وشوي ورجع رعد وقال : حمدلله ع سلامتها هيامي عطيني موية
هيام سحبت موية وصارت تلف بعيونها وم شافت ايهم معهم بدأ الرعب يدب بقلبها وتقدمت ومسكت يد رعد وقالت : امسك
رعد لف لها واخذ الموية وصار يشرب بهدوء وقال اول م خلص : وراتس ضايقة ؟
هيام بهدوء وصوتها فيه بكية : رعد هيمي مو موجود ولا جبتوه
رعد توسعت عيونه وقال : وايهم كان مع لميس !!
هيام : اييه كان معها !
رعد كانت عيونه شوي وتطلع من مكانها وسحب هيام له وقال بهمس وهو يصر ع اسنانه : بتجلططينني انتي ولا ووش ولديي ويينه !!!؟
هيام بكت وقالت : مدرري نسييت اقولكم انه معها !
رعد دف هيام منه وقال : لميسو
لميس لفت لرعد وكانت تخاف منه بحكم انه ضخم بالنسبة لها ودفنت وجهها بحضن محمد اللي ضحك وقال : لميسي عادي هذا عمو رعد
لميس وهي مغمضة عيونها قالت : ايوه عمو رعد كبيير وحش
رعد توسعت عيونه وقال : عشنا صدق ! اسمعي بس ايهم وينه ؟
لميس لفت له وقالت : هنا قاله عمو كاسر ؟
رعد لف بقوة ع كاسر وقال : كاسر وين ايهم ؟؟
كاسر نزل فنجاله وقال : مدري !!
رعد نزل شماغه وتعصب فيه وقال بحدة : قووموا قامت قياامة العدو قووموا والله لا يجي ولدي شيء لا اسرف فيكم !!
فزوا العيال فزعة مع رعد مثل م فزعوا مع محمد ..
" بعد ساعتين تحديدًا الساعة ١١ "
رعد دق ع كاسر ووصله صوته وهو يقول : باقي يالرعد
رعد كان بحالة مزرية وهيام عند الحريم ماهي اقل منه سكر بعصبية وقال : اااه يهيمو وييينك !!
صدع رعد من اللف والدوران بنفس المناطق لأكثر من ساعتين وبدأ يفقد الامل ودق ع منصور ووصله صوته وهو يقول : ارحب
رعد : من يرحب يبقى اسمع منصور ولدي له ثلاث ساعات ضايع
منصور برعب : ااييشش ؟ اييهمم !!
رعد ابتسم ع جنب وقال : وعندي غيره ؟
منصور ضحك وقال : الله يقطعك فاضي طيب كمل ؟
رعد : ابلغ الوحدات ؟
منصور : انا ببلغ وبجيكم
رعد : م تقصر
سكر رعد وصار يمشي ويحوقل ويسأل الله يساعده يحصل جنينه لكن كملت الساعة وحدة وايهم مختفي ودوروا بكل حفرة وشجرة فالحديقة كاملة لكن م كان لأيهم اثر ..
::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحباااااني رجعنا ببارت جديد وحلو وخفيف ومليااان اكشن ، استمتعوا فيييه وعطوني رايكم بكل شي فيه ، ان شاءالله يوصلكم اشعار 😢 )