يهزمني الحُب وانا جاهل بدرب المُحبين

البارت السادس والاربعين

هيام هزت راسها بنفي وباست لحيته وابتسم رعد وطلع لدوامه
هيام بملل : اف وش بقعد اسوي الحين
طلعت للصالة بهدوء وهي م تبي تتعب نفسها ابدًا واستوقفتها المراية ووقفت هيام قدامها وقالت : يالله ي اييهم متى بشوفك بين يديني وبين يدين الرعد
قالت كلامها وهي تلامس بطنها وتحس بولدها في احشائها كان قلبها بدق بحب لولدها وراحت وانسدحت ع الكنب وتغطت ببطانية صغيرة وشغلت التلفزيون وحطت الافلام وصارت تتابع تضيع وقتها
.............
في بيت كاسر
كاسر صحى وصلى وخلص واستغرب انه م حصل وعد جنبه وطلع للصالة وشافها تحط صحون الفطور ع الطاولة وقال : حبيبي صباح الخيير
وعد بحب ابتسمت وقالت : يعيونها صباح النور
تقدم كاسر وباس خدها وقال : اوووفف مسسسك
وعد بخجل : كاسسر بس !
ضحك كاسر : عيونه اسمعي وين لين ؟
وعد : مدري صحيت قبل ساعتين وشفتها طالعة من المطبخ للجناح حقها ومعها اللابتوب حقها وكتبها الله يعينها يارب
كاسر توسعت عيونه وقال : معقولة للحين صاحية !!
وعد : يعني م نامت !
طاروا وعد وكاسر لجناح لين اللي كان بأخر البيت ودق الباب كاسر وقال : ليين افتحيي
م وصلهم رد لين اللي طاحت من التعب ونامت وم حست بنفسها ابدًا
كاسر برعب : رووحي جيبي السبير
وعد انهارت تبكي : ووش مدري ويينه
كاسر حضنها له وقال : حبيببيي لييه الدمووع
وعد حاوطته وقالت : خايفة يصير شيء لها
كاسر بعد منها وراح يدور السبير وهو يقول : لا معليه ان شاءالله انها طيبة
ماهي الا دقايق وجاء كاسر بالمفتاح وفتح الباب ودخل على لين وحصلها ع السرير نايمة بهدوء وواضح عليها التعب قرب منها وباس راسها بقوة وقال : يعيوني التعبانين
وعد بحدة : خير نغار عليك ترا
كاسر ضحك : من اختي ؟
وعد : من ظلالك وانعكاسك فمرايتك
كاسر لف بقوة وغدر بوعد وسحبها لحضنه ومبسمه ع مبسمها تحت صدمة وخوف وعد لا تصحى لين وتشوفهم
تركها بعد م طلبت النفس وقال : هاه باقي تبيني اكمل ؟
لين بقرف وهي كانت تشوفهم بس صدت وقالت : الله يمغصك انت وياها م جيتوا تسوونها الا بغرفتي وقدامي وبعديين كيف دخلتوا !!
فزوا كاسر ووعد وقالوا بنفس الوقت : بسسم الله
لين قامت وقالت : بررراا
كاسر : حبي تراه بيتي
لين : حبيبي تراني اختك وحلالك من حلالي
وعد بخجل : لين تعالي افطري
لين ضحكت : يحلوتس يالوعد مستحية واخوي اللي م يستحي م اهتم
كاسر ضربها بخفه وقال : اقول اص عارف انتس محترقة
لين بعتب واضح : خييير محتررقة من اييشش قااعد تقهر اختك الصغييرة عشان م انكتب لها ذيب !!
كاسر انصدم وقال : هااااه تبييين ذييب !!!
لين استوعبت وصدت عنه وسحبها كاسر بعنف وقال بحدة : اننططققييي
لين كان قلبها يدق بقوة وقالت بهمس : وش اقول
كاسر كان يفور وقال : انططقي تبيين ذيب لييه رفضتييه طيب الولد هيماان فيتس وطلعتي برضو تحبينه ورافضته !
لين انفجرت تبكي بحرقة وقالت : انااا م رفضضته وكذاااب لو يهييمني م خططب شوق وخلاني وراه !
كاسر مسك راسه وقال : يوييلي وش المصيبة ذي
لين بحدة : اايي مصيببة حبييته وندمت اني اخرت تقدمه لي للزواج !
كاسر فز وحضن لين ومسح ع شعرها وقال : يعيوني ي ليين وقسم بالله انتس كثييير ع ذيب
ع ان كلام كاسر كان مواساة للين بس م كانت تشوف نفسها كثير ع ذيب كانت ملامح ذيب حادة وكان جمييل بشكل يوجع بس برضو لين كانت اجمل منه و كانوا ثنائي جمييل جدًا وقالت بهدوء : ماني كثير عليه كثر م ان حبه كثيير ع قلبي
كان كاسر مصدوم صدق من حب لين لذيب وكان من اول الداعمين لهم وقال بهدوء : تبين تصيرين الثانية ؟
لين بحدة : م بيتم الزواج وبتشوفون
كاسر توسعت عيونه وقال : نععمم لا يكوون تبين تخربين بينهم !!
لين كانت بتتكلم بس قاطعها كاسر وهو يقول بحدة : وعد برا !
وعد لفت له بقوة وقالت : ايش ؟
كاسر بصراخ : برراا بكلمم اختي لحالناا
لين : كاسر خيير شفيك علييها !
كاسر انفجر عصبية وقال : مااالها دخخلل بيينناا
وعد لفت و نزلت دموعها وقالت بصوت مهزوز : عادي لين م صار شيء
وطلعت وسكرت الباب وراها واتجهت ركض لغرفتهم وسكرت الباب بالمفتاح وطاحت تبكي وهي م تحبه يصارخ عليها خصوصًا انه قدام احد
لين بحدة : شفيييك ع البنتت
كاسر مسك فكها بقوة وقال : وشش بتسويين لشوق وذيب !!
لين بصراخ ودموعها اخذت مجراها : انااا شففت ششيء بيدمرر ذيب لو ياخذ شووق ساامع !
كاسر ضغط اكثر عليها وقال : ووش !
لين بألم : ابععد عنيي طييب
كاسر بحدة : اقوول انططقي قبل يوصل لرعد وتعرفيين وش بيسوي لتس
لين بكت اكثر وقالت : لااا تكفى يالكاسر الا الرعد لايدري اني احب ذيب
كاسر تركها وجلس ع ركبه وقال : الرعد بيعطيتس الذيب بعد ٥ اشهر
لين سكتت علطول وتوسعت عيونها وقالت : ايش ؟
كاسر : سمعتيني
لين : موافققة
كاسر انفجر يضحك وقال : اعنبو غيرتس صدق
لين مسكت فمها وقالت : امزح يعني بفكر
كاسر مشى وطلع وهو يقول : تعالي الفطور بس
لين : طيب
لفت وحطت وجهها ع مخدتها وصرخت بأعلى صوتها من الفرحة وهي تتمنى يصير صدق ومبسوطة ان رعد تدخل ووافق لأنه م كان له حس وقت م خطب ذيب ..
.................
في بيت ابو محمد
فارس فز اول م وصله اتصال من بيادر
فارس ابتسم : ارححبيي
بيادر ضحكت : الله يبقيييه شخبارك ؟
فارس : والله بخير وانتي كيفتس ؟
بيادر : جعله دوم بخير انا اسمع بتداوم صح ؟
فارس : يب دقاييق وبطلع من البيت
بيادر : تمام ترا اليوم عملية حامد وانا وانت مع بعض
فارس ابتسم : يالبييييه اجل كوويس دامي معتس دكتورة بيادر
بيادر ضحكت : فارس ماله داعي الرسميات لي ٧ سنين اعرفك
فارس : وتعرفين اني اطقطق ولا اخذها رسميات معتس
بيادر : طمني اذا وصلت
فارس : ابشري
سكرت بيادر ولف فارس بيطلع وصدم بحنين اللي كانت مصدومة ودموعها متحجرة بعيونها
فارس شهق : بسسمم الله شففييتس خرشتيينني
حنين بصوت مهزوز : وش اللي سمعته قبل شوي وش بيادر ووش ذا الاسلووب معها !!
فارس كان بيتكلم ويبرر لها ان بيادر اقرب صديقة عمل له وانها متزوجة وعندها ٥ عيال ويعرفها من ايام التطبيق بالمستشفى بس لفت حنين وركضت لغرفتها وسكرت الباب وراها
فارس : حنيني اسمعيني خليني ابرر لتس
حنين بصراخ : تقللع لبيادر ذيي والله م تشوف وجهي !
فارس ابتسم وهو يحب غيرة حنين وقال : حرام عليتس تشكين فيني
حنين بعتب واضح : وهذي عاد فيها شك انا تأكدت من اسلوبك معها لكن هييين انا زوجتك وحامل منك ولا حنيتني !!
فارس بحدة : حننين افتحي البااب
حنين اخذت جوالها ودقت ع رعد ووصلها صوته
رعد : هلا حنين
حنين ببكي : تكففى يالرعد
رعد فز من مكتبه وقال بحدة : وششفييتسس !!!
حنين : تعال اخذني من بيت جدي
رعد : خيير ان شاءالله بيت ابوي جنبتس روحي له
حنين زاد بكائها وقالت : ررعدد فارس بيجييني عند ابووي تعال ودني معك
رعد انفجر عصبية وقال : وفاااررس ووش مسسوويي !؟؟
حنين : تعال وبقولك
رعد طلع من مكتبه وقال : الان جايتس
حنين راحت للدرج وطلعت لها شنطة صغيرة وحطت فيها كم لبسة لها وطلعت من الغرفة بعبايتها وكان فارس برا في سيارته ومشى من البيت وهو منقهر من حركة حنينه وقال بحرقة : يعني كل ذا الحب وتشك فيني !
مشى من البيت متجهة للمستشفى عشان دوامه
...............
في مباني هيئة الضباط
رعد : وين منصور ؟؟
صالح : مدري والله بس لعلمك ترا سعود برا
رعد فز وقال : اسألك بالله !
صالح ابتسم : وربي
رعد : خلاص انا بطلع اصلاً بوقع ووصل سلامي لمنصور
طلع رعد بعد م وقع ودخل احد الغرف قبل يطلع من المبنى وحصل سعود
رعد : ارححب
سعود قام وهو يضحك : الله يبقيييك يالرعد
رعد ابتسم وتقدم له وحضنه وسلم عليه السلام الحار وقال : وييين الغيباات
سعود استغرب وقال : اي غيبات انتوا خلصتوا معاملتي ليش اجي !
رعد قطب : تستهبل ؟ معاملتك اختفت من عندي
سعود ضحك وقال : ادري لأنهم حولوني للواء هادي
رعد مثل الزعل وقال : واذا خلصك الزفت هادي تسحب علي انا خويك
سعود فز وباس خشمه " سلام الرجال " وقال : افااا م عاااش اللي يسححب علييك يالرععد
رعد ضحك وقال : وش جابك طيب ؟
سعود : اقابلك والله بس رفضوا يدخلوني لأن م عندي معاملة
رعد بحدة : منن اللي رفض يدخلك !
سعود انخرش وقال : لا والله م تروح له ولا تقوله شيء الرجال ويسوي شغله
رعد لعبها صح وقال : م بقوله شيء بس والله اذا م جيت معي وعشاك وكرامتك في بيتي الليلة اني لا اقوله وافصله بعد
سعود كان بيحلف ويرفض بس قال : اهخ يالرعد والله م ودي اتكلف عليك
رعد : اي كلافة يخوي والله م جات الا من طيبة خاطر ولا والله انك تستاهل اللي اكثر من كذا يبو فهد
سعود : الله يطول عمرك يبو محمد
رعد : تواعدني الليلة ؟
سعود : ابشر ع خير ان شاءالله
سلم عليه رعد وطلع لبيت جده عشان حنين وماهي الا دقايق ووصل وركبت حنين وقالت : سلام رعد شخبارك
رعد فك حزامه وقرب وباس خدها وقال : ارحبي يادهر قلبي ورجعانه ارحبي يالحنين كله والله اني بخير انتي سلامات عسى م شر ؟
حنين ضحكت : والله انك انت الخييير كله يروحي يالرعد بقولك السالفة
رعد : اسلمي
قالت له حنين السالفة كلها وكل رد سمعته من فارس تحت صدمة رعد وقال بحدة : ووينه اللي م يستححي ولاينتخيي ؟
حنين : طلع لدوامه عشانها
رعد اشتط وقال : معاد لتس رجعة الا اذا برر تصرفاته واعتذر
حنين : ابشر
توجهوا لبيت رعد ونزلوا اول م تقفلت البوابة وقال رعد : يارب هيامي صاحية
حنين ضحكت : هيامك ؟
رعد طلع مفتاحه وقال : ايييه هيااامي
حنين بحب : الله يخلييكم لبعض يبو ايهم
رعد مسك قلبه وقال : اااخ بس عساني اشوف اييهم بين يديني بسلامة هيام الرعد
حنين : ان شاءالله
دخلوا وقال رعد : هياامي
م وصله ردها ودق الرعب بقلبه وقال : لاا يااارب
حنين قطبت : ووش !
دخل رعد وشافها نايمه ع الكنب والفلم شغال ابتسم براحة وتقدم لها وباس راسها وقال بهدوء : هيامي
هيام فتحت نص عينها وحاوطت رقبته وقالت : عيونها جيت ؟
رعد حضنها وقال : ايه وحنين معي ترا
هيام فزت وبعدت رعد منها وهي اللي كانت تستحي عكس رعد اللي م كان يهمه احد وقالت : اوه هلا حنيني
حنين ضحكت وتقدمت وحضنت هيام وسلمت عليها وقالت : ماشاءالله البطن وضح ؟
هيام ضحكت : ايييييه الله يعيني ع ايهم و ع ابوه
حنين ضحكت بقوة وقالت : اميييين واضح مشغلك ذا الرعد
رعد تكتف وقال : هيام خليتس قدها يروحه
هيام ابتسمت بتعب وقالت : ابشر قدها وقدود بعد
رعد : المهم قبل انسى ترا مسوي عشاء لواحد من اخوياي الليلة
هيام توسعت عيونها وقالت : تسستههببل !!
رعد بحدة : خيير ؟
حنين : وهي صادقة تستهبل !
رعد : اقول لايكثر صرتوا ثنتين تساعدوا وسووا لنا افخم عشاء
هيام غطت وجهها بمخدة من الكنب وقالت : اااااااه الله يصببررنيي عليييك
رعد ابتسم وقال : بطلع اتروش وبنام صحيني الساعة ٥ العصر
هيام : طيب
طلع رعد وقالت حنين : اسمعي قومٍ تعاونو ماذلو
هيام : دقي ع سلمى بس
ضحكت حنين وراحت تدق ع سلمى ووصلها صوتها
سلمى : هااه
حنين : الناس تسلم وانتي تقولين هاه حتى عيوني م فيه
سلمى : تكلمي وش تبين ؟
حنين : تعالي بيت رعد بنطبخ عشاء ونتساعد من هيام
سلمى ابتسمت : جوووي يالله بكلم منصور واجي
حنين : تمام
سكرت حنين ورجعت لهيام اللي طلعت للمطبخ عشان تبدأ بأول اصنافهم
حنين : ترا سلمى بتجي تساعدنا
هيام ابتسمت : كفو عليها صقرة اخت الذيب
حنين جلست وطلع الخضروات وصارت تقطع السلطة وقالت : اخ يالذيب وش سويت في لين
هيام : افف للحين م تخطته
حنين : ولا اظن انها بتقدر
هيام بزعل : الله يقوي قلبها يارب
حنين : ياارب
وماهي الا ساعة وجات سلمى ومعها عفشها وبدأت تطبخ بعد م سلموا البنات وقالت : هيام اجلسي !
هيام : لا والله مرتاحة معليتس
سلمى ضمنت وكملت شغلها وهيام يدها بيدينهم وبعد ثلاث ساعات كان المجلس جاااهز وقالت هيام : ووااه بنات الله لايحرمني منكم
حنين : ولا منتس يهيام الرعد
سلمى : ولا منتس يعيوني
هيام : نردها لكم والله انتظروني
طلعت سلمى لمنصور اللي كان ينتظرها عشانها قالت له تبي تتكشخ ورجعت معه لبيتهم اما حنين وهيام جلسوا يتقهوون فالصالة وشويات ونزل رعد وهو يقول : كم الساعة ليه م صحيتوني ؟؟
هيام : نسييت بس معليك بدري
كان البيت مبخر بالعود وم كان واضح ريحة الاكل وقال رعد : وشكلتس نسيتي العزيمة بعد
حنين : اقول جعلك فداها م خلت صنف الا وسوته لكم
رعد ابتسم وطلع للمجلس وشاف كيف الشغل يبرد الخاطر وقال : الله لايحرمني صدق منهم
طلع جواله واتصل ع كاسر وقال : عندي عزيمة تعال بيتي
كاسر : ابشر بدق ع العيال كلهم ونجي
رعد بحدة : بدق ع فارس
سكر رعد واتصل ع فارس علطول
فارس : ارحبب
رعد : بتجي عندي عزيمة ؟
فارس : ابشر والله بسعدك يبو ايهم
رعد كان يشتقق من الفرحة اذا احد قاله ابو ايهم وقال : حسابك معي بس
فارس م كان يدري وش السالفة وقال : وش ؟
رعد : بعدييين يرجال
سكر رعد تحت فضول فارس يعرف وش السالفة وهو م يدري ان حنين في بيت رعد
...............
في بيت كاسر
كاسر دق باب غرفته : وععد
وعد : م بفتح انقلع
كاسر : يخي اسف افتتحي
وعد : تقللع
كاسر : ابلش عطيني ثوبي طيب
وعد فتحت علطول : وويين ؟
كاسر شالها بين يدينه وقال : بيين رمشتس وعينتس
وعد حاوطته وقالت : انشهد بالله
كاسر : رعد مسوي عزيمة لواحد من اخوياه وعازمنا
وعد : مرجلة بس ؟
كاسر : ييبب
نزلها وباس خدها واتجهة للدولاب وطلع ثوب وشماغ ولبس وتعطر وخلص وطلع متجهة لبيت رعد
................
في بيت ابو ضاري
ذيب كان منسدح فالمقلط بعد م رجع من دوامه ودايخ ونام علطول
بيان بهمس : ايه نايم
العنود : كويس امشي يالله سالم برا
طلعوا بهدوء الثنتين وهم يدعون م يصحى ذيب اللي بيشرشحهم
ذيب : ع وين ؟
فزوا بيان والعنود بصراخ وقالت العنود : زوجي برا
ذيب بحدة : وبيان ؟؟
بيان : بجي معها اساعدها عنده ضيوف
ذيب كان ميت تعب بس قال : وخير م تعزميننا !
بيان م قدرت تمسك الحقيقة وقالت : رعد مسوي عزيمة وهيام قالت بتسوي جمعة بسيطة
ذيب : عشاء الرعد فالليل صح ؟
العنود : اييه
ذيب عطاهم ظهره وطاح مستسلم للنوم ولأحلامه بلين
اما البنات طلعوا لسالم واتجهوا لبيت رعد بحكم ان الساعة صارت ٦
..............
في بيت كاسر
لين : يالله ؟
وعد : يالله
طلعوا لسالم اللي اتفقوا مع العنود تخليه يجيبهم لبيت رعد
لين ووعد : سلام
الكل : رد السلام
لين ضحكت : بشرى خير وين محمد
بشرى : اص مستحيل يودييني بيقول مرجلة ومدري وش
وعد : وشوق ؟
لين زفرت بقرف وقالت بيان : بتجي مع ذيب
وعد ابتسمت : قال لتس ؟
بيان : اتوقع
لين بحرقة : خلاص بنات ازعجنا الرجال
وعد ناظرت بلين وقالت بنفسها ( خير شفيها لين صايرة سفيهه وم تبي السعادة لغيرها !؟ )
اتجهوا لبيت رعد في سيارة وحدة ووصلوا بعد دقايق وقال سالم : يالله اذا خلصتي دقي علي يروحي
العنود : ابشر
دخلوا البنات بسررعة عشان الرجال
هيام : بننااات لا لا تدقوون رعد موجود تعالوا من هناا
بيان : يووه يالله
لين : هيام حنين عندتس ؟
هيام : ايه ادخلوا يالله
دخلوا البنات البيت وفسخوا العبايات وجلسوا بهدوء مع بعض وسوالف وضحك مع بعضهم وينتظرون سلمى تجي وتكمل جلستهم
:::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هااااي البارت قصييير وم فيه احداث مهمة بس الجاي اوووه بيحرقكم حرررق استمتعوا اشوفكم قرريييب 😢 )