أخي الغيور

﮼بارت،الرابع،عشرج٢

#اخي_الغيور
#للكاتبة_مهرة
#انستكرام mohra_9_30

مهرة
الصبح متحضره اطلع للدوام مثل كل يوم ب ٧:٤٠  هيچ وكت اطلع الگه زينب لو نتظرتني  لو ادگ الباب عليها

ويا ما فتحت الباب هي هم جانت تفتح لباب حتى تطلع السيارة من البيت
سيارة حكوميه أكيد احمد

طلع السيارة وانه بقيت واگفه بمكاني و زينب تسد بالباب نزل الجامه والضحكه ماليه وجهو

: صباح الخير مهرتي
: ابتسمت واكيد بين على عيوني
تقربت ع السيارة وگتلو
صباح الخير سيادة الظابط
: يمته اشوف ضحكتچ بدون هل حاجز لج مهرة اطلبچ النظرة الشرعية عود يمته هاي تصير
اجت زينب صعدت
: يله مهرة صعدي تره هذا مبين ناويها عليچ من الصبُح هههه
: صعدت وهو حرك السيارة
هو مشغل فيروز ويدندن وياها
: زينب لا تتاخرين تره عندي شغل هوايه اليوم

: لا ماعندي شي اسلم الاسئلة للمديرة واطلع اني گتلها انطيها المهرة تجيبها الكم ما قبلت شگد عكره

مهرة: شنو تردين تاخذين اجازة ؟!

: اي مهرة لعد ما تدرين راح نطلع لبغداد اني وخالچ علمود خطبة سيف نحدد الموعد و نتفاهم ونرجع ثاني يوم و الثلاثاء اهلي يجون عليكم

: وصلنا زينب نزلت ،و انه فاتحه لباب انزل هو لتفت عليه  صُدُگ مهرة اليوم محد بالبيت متجين حتى نسوي فقرت النظرة الشرعية ويغمز
: ما يحتاج تحملني جم شهر حتى لو ما عجبتك اكسب اجر
: منو گالج اريد اجر ، يجوز اشوفچ وابطل

: خزرته انت ما ترتاح إلا نتكاون ؟!!

نزلت وهو هم نزل صار گدامي بهل اثناء طبگت سيارة نزلت هالة وهي عيونها علينه تقربت

: صباح الخير
ردينه عليها
: صباح النور
وجهة كلامها لاحمد
البارحة اتصلت عليك و مجاوبت ؟!
اي والله جنت نايم
: حقك اني هم اتصالي چان بوقت متأخر

:مهرة شفت الحچي ما عجبني ، عفتهم ومشيت وانه احس الغيرة تنهش بيه ، شعدها تتصل بي وبالليل
هو مو رفضها بعد شكو تتصل ، والله لو ما العيبه انتفها تنتف هي ويا ، بس اصبرلي يا احمد بسيطة

خلصت محاضراتي ومنتظره عزام  يجيبي اتصلت عليه وانطاني رفض اكيد قريب عليه طلعت اتمشى للبوابة ، بعدني مواصلتها دگ عليه سرعت خطواتي بالمشي

طلعت ادور عليه بعيوني چان گاعد بالسيارة ينتضرني من شافني أبتسم، صعدت بالسيارة

: شلونه حبيبي
: حبيبچ من البارحه بخير هههه
:  شو داحسك تگولها بدون نفس !
: باوعلي و كسر حواجبه شلون يعني بدون نفس !! ؟
: مادري احسك ضايج ؟
: اي والله ضجت ونقهرت الشارد مريض هزار ...
: لااا عزام صُدُگ
: اي والله گوه يمشي ، صايره عندو حمى الحافر بس  اتغده ورح للمزرعه 
وصلنا البيت وليد قبلنه ركن سيارته ودخل احنه هم دخلنا ورا لگينا يكشف بگدورت الغده

ها الله يساعدكم
ويساعدك مبين توك راجع للبيت
: اي والله وميت من الجوع جنت بالمعارض يم عُمر صاحبك
صعدو الدرج و هما يسولفون
: اريد ابدل سيارتي وعمر لگالي خوش سيارة
: عليش مبدلها ما صارلها سنه عندك
: اريد اغير مليتها وعمر عرض عليه اشتغل ويا بالمعارض خل نتغده واسولفلك
: من هسع أگلك ابويه مايوافق
: من تسمع مني تقتنع انت و ابويه خل ابدل واجيك

بدلت ملابسي ونزلت حميت الاكل وصبيت ونقلته للصالة
نزل عزام و ورا وليد وگعدنه نتغده
وليد چان متربع وگاعد ياكل وبس چان باله مشغول ورجله تهتز و هو ياكل
:شبيك تاكل ورجلك تهتز لا تفكر چثير ابويه ما يوافق انسى الموضوع
: لا عزام بداعت امي عليك اريدك تقنعو انت تدري بيه ماحب شغلي بالمحلات مالتنا  و روحي مولعه بالسيارات وافتهم بيهن
: مادري وليد هسع ابويه طلع لبغداد من يرجع احجي ويا وشف شيگول
: بس انه اريدك وياي تقنعو
: خل اقتنع انه وبعدين اقنع ابويه
: انت هسع ما تريد تسمعني ارتاح و بالليل نحچي

خلصنه
خليت القوري ع النار
والمواعين غسلتهن وعزام صعد للغرفه شويه نزل لابس ترك سود ثخين هو بالبيت ميلبس ملابس ثخينه حتلو بارده ، يگول  ماتحمل الملابس ثگيله مارتاح بيهم
گعد ع الكرسي يشد بالقيطان مال حذائة وجگارته بين اصابعه
حطيتله كوب الچاي يمه ع الميز ، رفع راسه وباوعلي

تروحين وياي للمزرعة

كيفت اني

اي اروح

يله عجل اصعدي لبسي وتعاي بس لا تتاخرين بين ما اشرب چاي

صعدت بالعجل طلعت بنطرون و بلوز لبستهم عدلت حجابي ولبست كوت طويل لان الگاع مبلله وبارده بعد مطر البارحه

نزلت گام عزام اشرب اخر رشفه من كوبه وطلعنا للمزرعة
بالطريق وگف يم صيدلية
: خل اجيب بيتادين واجي ، جاب  المعقم وكملنه طريقنا

وصلنا للمزرعة دك هورن شويه و الحارس فتح الباب الخارجي دخل السيارة جوه
: هزار هذا مفتاح البيت افتحي و هاي المواد خليها بنجانه و خلي عليها التعقيم اريدها تصير مثل العجينه القويه
انه راح انضف حوافرو  بين ما تخلصين
ها تگدرين تسويها
: اي حبيبي ذيچ المره شفتك شلون سويتها
: يله عجل خلصيها ولحگيني
: تمام

سمى
منتظرين عمه زينب توصل خابرنها گالت مابقى شي نص ساعة وان شاء الله نوصل ماما كملت الغده بقى بس الدجاج بالفرن وراحت تصلي واني بالمطبخ اسوي بالزلاطه و اراقب الدجاج يتحمر كُلش متوتره بابا بعد مفتح الموضوع
هزار هي الي فهمت ريام على الموضوع ، بيومها من گعدت  ريام گالت افتحي تليفونچ سيف ديتصل عليه

ريام عافتني وطلعت فتحت تليفوني اشعار الرسائل ما وگف وترني
دخلت ع الرسائل

💬عليش متجاوبين شنو معقوله نايمه
💬اول ما تفتحين تليفونچ اتصلي عليه
💬صباح الخير حبيبتي
💬لا تخبليني وينچ من البارحه لليوم
💬يول شليتي حالي وينچ حتى ريام ماتجاوب

اتصلت عليه اول دگه جاوب بصياح
وينچ عليش متجاوبين من البارحه ميت الف شغله اجت ابالي 

: سيف لا تصيح رجاءاً ، ميحتاج تصيح وتسويلك عركه حتى تتركني اني اختصرها الك روح سيف اني اگُلك روح اخطب و تزوج وكمل حياتك وحقك انت تمل ، انت وفيت وعدك وياي بس ماكو نتيجة هاي هيه الله ما كتبلنا ننجمع

: يول انتي شگاعد تخربطين ؟!

: شنو سيف شنو ما فهمته تره هذا الكلام الي گلته اني چان على طرف لسانك البارحة من خابرتك بس ما چان عندك جرائه تحچي

: يول انتي شچاي تخرطين مهرة وافقت وشغلتنا انحلت واتصل عليج من البارحه وانتي ماتجاوبين

: يمته وافقت اني مو العصر خابرتك ؟!!

: اي هي بالليل اجت وحچت ويا ابويه وبس طلعت اتصلت عليج وانتي ماكو

هو گلي واني بس الدموع تصب

: هسع عليش البچي حبيبتي مو هاي نحلت الامور والجنه نتمنى راح يصير ؟!

: أبچي واشهگه بصدري وأگُله ما اريد بعد ماريد انت ردت تعوفني عبالك ما حسيتك بيك تريد تعوفني

: هسع غير تبطل بچي حتى افتهم منها ، بسچ حبيبتي خل افتهم عليش تبچين انه يمته گتلچ اعوفچ مو صار سنين ننتظر هذا اليوم شلون تگولين هيچ

هزار
كملت الخلطه واخذتها لعزام چان مخلي رجل الفرس بين رجليه وينظف الحافر  بفرجه خلص نتظيفهن وخله الخلطه ببطن الحافر ويلفها و بعدها يخلي قطعة فلين ويربطها بلاسق كمل الحوافر اربعتهم صاح ع الحارس واجه

اني رحت على صفحه واسمع يحچي ويا لان الفرس مريض هاي ثاني مره ينطو علف هوايه وكثرة البروتين تمرضه

تمشيت للحديقة الي بالجهة الثانية لان بعيده من بيت الحارس الجو صار بارد لان غربت الدنيا رجعت  لتفتت شفت عزام طلع البشت مالته من السيارة خلا على چنافه واجه متوجه

: ها حبيبي نروح
: شتگولين نروح لو نگضي الليلة هين ؟
: ابتسمت واني اقترب عليه لمني لحضنه ولفني بالبشت نبقى ماعندي مانع بس مشتاقة لريحة الحطب خل نعلگ نار

: امممم منين ماخذه هاي السالفه مدري ياهو مثلچ هم يحب ريحة الحطب

: گرصته بصدره محد يحبها بس اني

: جر خشمي لا جدچ مثلچ يحبها
: وخرت منه جدگ مو جدي

جرني من يدي امشي نصلي وبعدين نحچي وافهمچ تره احنه ما حچينه بالصار و ينتضرچ حساب و عقاب على كل الي سويتي

: رفعت حاجبي اله هو منو السوه اني لو انتو ، هه والله ياربي يريد النوب يعاقبني ؟

: ابتسم اووووف اليوم اشبعچ عقوبات ،

خل نشوف منو الي يتعاقب اني لو انت ؟

دخلنه جوه علگت الصوبه الكهربائية
صلينه و هو انطه سيارته للحارس راح جاب عشى تعشينا لميت الاكل البقى
: عزام هذا الاكل بقى هوايه تصيح الحارس تنطي اله
: حبيبي انه وصيتلهم ويانه وانطيتو هذا خلي بالثلاجة والصبح انه اگله عليّ
: تمام
عزام گاعد بالصالة ويتفرج تلفزيون عزلت المطبخ وسويت چاي وجبت كوب اليه وكوب اله

هزار حبيبي نطيني كوبچ وجيبلي فراش هين تره من الصبح لهسع ما متمدد

رحت للغرفه لبيها فراشات جريت مندر من البوفيه واخذته اله ومديته
رجعت طلعت بطانيات من الجنط مالتها واخذت مخده
قللت الاضويه وتركت بس ضوه خفيف هو تمدد على الفراش واني گعدت گبال الصوبه بلوزي تبلل حنفيت السنك تطشر مي بلكي الصوبه تجففه شويه وخليت البشت مال عزام على چتافي هنا بارده حيييل لان منطقه زراعيه اخذت كوبي وبديت اشرب

هزااار
:عيونها
: تدرين شگد احبچ
: لا مادري بس اني احبك اكثر
: شلون بالله انتي اكثر
: قيس وشوف
: ترك فراشه واجه اخذ البشت لبسه وگعد وراي اخذ الكوب من ايدي بعده ولفني ويا بالبشت باسني براسي
: شلون اقيس اولا منو متحمل الثاني اكثر
: ضحك وگال انتي
: رحم الله والدين
: منو خايف يخسر الثاني اكثر
: ثنينا
: اي صح يله هنا نتعادل هههه
منو متحمل حچي الناس اكثر
: هم ثنينا
: هم صحيح احنا لو الله يكفينا شر الناس و محد يتدخل بنا ومننطيهم مجال يتدخلون جان احنه بخير

:هزار اذا تقصدين على جدي تره الحچي الوصلچ مو مثل ما نحچه وانتي تعرفين هند هي الراسلتچ تتوقعين كلامها كلو صح ما خلت منها حچي چذب حتى بس تخرب و تسويلنه مشاكل

: صح اني وياك هند مو محل ثقه حتى اخذ بحچيها بس لتنكر جدو گالك تزوج

: صج جدي گال تزوج ومن گتلو جدي ماگدر اخذ عليه مره ، گال اذا ما صار عدها وايست من نفسها هي تزوجك وتذكر هاي حچاتي
هذا الحچي الگالو جدي مو الحچي الوصلچ

: سكتت واني متعجبه من كلام جدي صح اني فكرت بهذا الشي بيني وبين نفسي ما حاچيه بي ابد لاي شخص گلت اذا رحت لهناء و گالت مني السبب واني ميصيرلي طفل اخلي يتزوج مو من حقي احرمه من هاي النعمة الي الله ما قاسمها الي

زين انت شتتوقع اسويها وازوجك

: لا ماتسوينها ، لان انتي تحبيني واليحب ما يتحمل احد يشاركو بحبيبو
: وليش متگول لان احبك ما احرمك من شي
: ته يعني اذا طلع العيب مني تتوقعين اتركچ حتى تخلفين من غيري ؟!
: بس اذا مني تقبل تتزوج عليه
: انه جم مره اگلچ ما اخذ عليچ ، ليش ما عندچ ثقة بيه
: مادري عزام والله ما ادري التفكير تعبني واحس نفسي بدوامه خله راسه برگبتي ويشم بيه
: وحق ربچ لا تفكرين ولا تتعبين انه الچ وحدچ
تعالي نجرب يمكن هسع يصير عدنه
: عزام اگعد راحه ، يبوس ويگول

:شيگعدني وانتي بحضني دخل تيديه جوه لبلوز
حبيبي ملابسچ بملله سحبه وذبه وجرني للفراش غطاني بالبطانيه دفنت نفسي بحضنه

: خله اصابعه جوه حنچي ورفع راسي ، عود صدگ تفكرين تحله مره بعيني غيرچ ؟!

: يمكن
: غبيه اذا فكرت هيچ
: انه يمچ نار و ويه غيرچ رماد

مهرة
خلصت دوامي وطلعت ، الدوام بدون زينب گوه خصتو هاي ثاني يوم هي مجازه ، يله اهم شي انحلت سالفت سيف ،

البارحه خابرتها بالليل گالت اتفقو على كلشي و مشيت سيف يوم الجمعة يعني لازم اعقد انه يله هو هيچ شارطين عليهم

دخلت للبيت مريم مرت مثى بالمطبخ
السلام عليكم
: وعليكم السلام هلو مهرة ، بين ما تبدلين اصب الغدة

: حچيت وانه اصعد لغرفتي ،مريم بس اصلي فرضي عوفي انه اخلص وانزل اصبلنا الغدة

: بدلت و صليت فرضي و نزلت صبيت الغده ونجمعنا ع الاكل انه بس نزلت خليت تليفوني على الشحن

خلصنا وانه و مريم نلم بالسفره دگ تليفوني تركت البيدي راحت للتلفون
زينب ، فتحت خط
: الوو
هلا زينب شلونج
اهااا خير شكو ، خل اشرب چاي واچي
يله يله ماشي البس واجيچ

رحت لامي جانت تغسل
يمه انه رايحه لزينب تگلي خل نتفاهم على باجر

: اي يمه روحي انتي هم اشوفچ گاعده و ساكته وباجر المهر مالتچ حتى مرت اخوچ مخبوصه اكثر منج من الصبح تنضف و تغسل بالبيت وانتي ولا على بالج

: يمه انه شمعرفني حتى اخت ماعندي وهاي سوالف الصالونات مالي بيهن

: دروحي يمه روحي مدري شلون هل رجال راح يگضيها وياچ

: حتى انتي يمه ؟!!

: اي حتى انه يمه ، لتفتي لنفسج انتي حلوة و مرتبه بس عوزچ تعلوم حتى زلمتچ ما تروح عينو على غيرچ

: انه رايحه يمه صعدت لبست وانه افكر معقوله مراح اعجب احمد ؟!!
يخسه والله انه مهرة محد دحگتلي ما ضلت تمدح بجمالي

رحت لزينب الباب الخارجي مفتوح فتت ورحت لباب المطبخ صاير على جهة الحديقة الثانية دگيتو ودخلت زينب بالمطبخ

:هلا بمرت اخويه
: بعدني ما صرت

اجاني صوت أحمد
: باجر تصيرين عيوني ...مابقى شي

:خرزت زينب لان ما گالتي هو هين وهي باقيه بس توزع إبتسامات

: مهرة تره صُدُگ باجر تصيرين زوجته بعد شبيچ ترتبكين كل ما تلتقون

دخل للمطبخ

: اليسمعچ يصدگ ترتبك والله يا الله دگوالي تتعارك مدري تتكاون على گولتها يركبها جن كل ما تشوفني

: راح اكبر عگلي و ما اجاوبك اتحملك واحتسبها عد ربي يجعلها اجر و ثواب

: لا الله عليچ ؟!! اجر و ثواب الي يحسبها لان راح اخذلي شيخ جامع مو مره تحچي كله بالثوب و العقاب

زينب : احمد يزي عاد صُدُگ تحچون هاي بعدكم ممتزوجين

احمد : هههه أصلًا عسل على گلبي مو عرگ ، لعد لو اريد جان اخذتلي وحده تتنعوص بس اني حبيت المهرة

انه سمعتو گال هيچ اهجس گلبي يدك طبول من الفرحه جرني من ايدي وانه بعدني ما مستوعبه حركتو

زينب شويه ورجعلچ ياها

: يمعود احمد عيفها اريد اتفاهم وياها على الصالون

اسحب ايدي وهو گاضبها حيل حتى ما افلت منو

دخلني للمضيف و طبگ الباب انه حرت بلحضتها شسوي كل ضني يريد يشوف وجهي وصح بسرعة بدون مقدمات رفع النقاب وهو يتمعن بملامحي

عيوني بعيونو وهو نظراتو تتوزع على وجهي رفعت ايدي ارجع النقاب احس وجهي صخن ما متعوده على قربو گلبي اهجسو يريد يطلع من مكانو حسيت رتعد جسمي من خله اصابعو على خدي يتلمس بشرتي وعيونو تلمع ايدي عرگت وهي بيدو ما هدها

اعصار اجتاح كل جسمي ، مدري نار وجت بيه شلون اوصفلكم الحسيتو وين انه بالگاع بالسما وين ردت فعلي ع السوى شلون نربط لساني عليش ما ملختو بضافري وين مهرة الگويه ، ليش صرت هيچ صعيفه

أحمد
من يوم لوگعت عيوني على هل مهرة واني اتمنى اشوفها عن قرب كرهت نقابها الي ميخليني اتمتع بشوفتها هل مهرة الي ما گدرت انساها ، وبنفس الوقت احب نقابها لان مطمئن محد راح يشوفها يخطفها مني

صح اني شفتها بدون متدري قبل بس مثل الصايم مايروه من اول رشفه ، رفعت نقانبها اباوع لعيونها الحلوه لخشمها المثل السيف سمارها الصافي وبي لمعه
تلمسته بصابيعي تره يالله ترفه

بس ما چنت متخيل هاي لعيون الكبار وعدها شفايف صفار ، جنت متخيل شفه مليانه واكبر من هيچ عطرها يدغدغ هادى ما تشمه الا من تكون قريب منها

تربع الشيطان براسي ويگلي ضوگ باچر هي مرتك حلالك لا تحرم نفسك من هاي اللذه

طاوعته واني اخذ شفايفها بهدووووء ، بخفة ريشت الرسام من يرسم احلى لوحاته
اووووف وحق هو علي احلى واشهى واطيب من كل الملذات المرت بحياتي
من قربتها الي وحسيت مهرتي بين اديه تمنيت يتوقف الوقت ويستمر احساسي وهي بين اديه نبهت مهرتي ترجف ونفاسنا الحارة وعتني بتعدت منها وهي وجهه صار احمر دنگت رحمتها و رحمت حالي وطلعت وتركتها

مهرة
من طلع وتركني وعيت على حالي وعيت على الصار والسوا بيه بده الذنب ياكل بيه صبت دموعي لمت نفسي
عليش هسع يله وعيت شلون خليتو هيچ يسوي الخوف تملكني من شني خايفه مادري وعطرو الترس هدومي
يخليني ارجف بس ما انكر عيشي شي ما مار بحياتي مثلو گلبي فرحان وعقلي يلوم بيه على أستسلامي ردت على عگلي مدري على شيطاني باجر هو حلالي وانه حلالو

هزار
البارحه بابا و ماما رجعو الصبح من بغداد متفقين على كلشي ويا جدو
واليوم اني و ماما ضربنا الدوام نجهز لخطبة خالو الصبح جابني عزام لماما لان تنتظر بيت جدو يجون يتغدون يمها و العصر الخطبه حيييل مشتاقه لخالاتي و السمى و ريام وجدو صار فترة طويله مشايفته

صارت الساعة ١٠:٠٠ وندگ الجرس اتوقعت هما طلعت اركض للباب فتحته سيف !!!

خير شكو تارك شغلك وجاي ؟!

ملاحظة 🥀❤️
بنات رجاءاً لا تنسون التصويت لان كُلش قليل تصويتكم

#اخي_الغيور
#للكاتبة_مهرة
#انستكرام mohra_9_30