أخي الغيور

﮼بارت،الثاني،عشرج٢

#اخي_الغيور
#للكاتبة_مهرة
#انستكرام mohra_9_30

مساء الخير

ملاحظه
بنات الي حابه تتواصل وياي رسائل الوتباد ما اجاوب عليها لان مزعجة المراسله بي ، بس بالانستكرام اجاوب كل الرسائل

مهرة
خلينه نساعد سيف
بحيره جاوبتها شلون نساعده سكتت شويه وجعت رفعت راسها گالت نتزوج چم شهر وبعد ما سيف ياخذ بنت اخوك تطلگني
صدمتني بكلامها شبيها هاي تخبلت !!!
اي يعني شگد جم شهر
يعني بالهواي ٦ اشهر
باوعتلها وگلت خل اشوف وين تريد توصل
زين انتي ما فكرتي هذا الزواج راح يأثر على حياتچ يعني انتي تعرفين نظرة مجتمعنا للمطلقه

: انه مايهمني حچي الناس ،ولا اول و لا اخر وحده تتزوج وتطلگ

: زين مفكرتي يجوز يصير طفل بهاي الفترة لو ناويه تاخذين مانع حمل شو هاي خزرتني وحچت من بين سنونها
: تره فهمتني غلط انه گلت نساعدهم يعني اخذ چلمه منك ما تفكر تگربلي وهي فتره وكل واحد يروح لحال سبيلو صاح بيه
: شنو شنو تبقين على ذمتي ٦ اشهر و ماتقربلچ ليش يابه شنو گايليلچ اني مو رجال تره هاي عيبه بحقي

: انه گتلك نساعدهم يعني اعتبرو  موقف إنساني و اجمع  راسين بالحلال تره هاي عد ربك چبيره .

: لچ ابويه شغلي عقلچ شلون على ذمتي و ماتقربلچ بالله طلگتچ و عجبچ تزوجين ورا ما اطلگچ شيگولون عليه الچنتي ماخذته مو رجال درت وجهي منها صُدُگ مخبله

: عجل شلون شني الحل

: لتفتت عليها وحچيت بهدوء اني مستعد اشاركچ مسرحيتچ هاي بس اول ليلة أنتي الي وبعدها وعد ما اتقربلچ ابد لحد متخلص المدة الي بينا

: انت عليش تعقد الامور وانه ما مفكره  اتزوج لا گبلك و لا بعد ما تطلگني ،
: الشعور الي نتابني من كلامها خلاني احس بسعاده شخص تحبه وساكن گلبك و تفكيرك وهو جاي يگُلك اني ما يلمسني شخص غيرك بحظتها حسيت ملكت الدنيا بس خفيت هذا الشعور
: شوفي مهرة مال اتزوجج بدون ما اتملكچ هاي الشغله شيليها من بالچ هذا زواج وراح نحسب عليه وراح يكون نقطه تتوقف يمها كل وحده اتقدملها بعد ما اطلگچ
اني هذا العندي وانتي بقت بكيفچ

: وگفت واشوف بعيونها غصب ومن بين سنونها ماشي موافقه اول ليله بس ، والبقى عليك خبر ابوك و خالي مروان
: واخوچ شلون ؟!
: اخوي خالي يخبره واذا انه وافقت هو ما يرفض ، بس ها اهم شي سالفه سيف تفض .

: مشت ورجعت لتفتت عليه گالت بس خلي بالك عرس و هوسه و زفه انه ماريد  صاح بيه

: ليش يابه شنو شايب و ماسوي عرس تره هذا اول زواج أليه وجماعتي و معارفي شنو ما اعزمهم

: دحگ هذا شرطي ما اتنازل عنو وانت بكيفك بعد

: بقت حرب العيون بيناتنا والظاهر صُدُگ مراح تتنازل عن شرطها ، يله مو مهم على زواجي الثاني اسوي احلى عرس خزرتني ومشت وردائها يرفل وراها بقت اباوع الاثرها واني افكر ويه روحي الي دنسوي صيحيح لو ضرب من الجنون نتبهت لصوت زينب تحاچيني

: احمد شرادت مهرة ؟
: وافقت نتزوج ، بتسمت زينب
: وأخيرًا استسلمت واكيد گالتلك لخاطر سيف منو
: اي
: وانت شنو رائيك ؟!
: مهرة صعبه وراح اتعبني بس يله نجرب ماكو غير حل
: شنو اجرب احمد هذا زواج مو لعبة وتجربها ولا قميص تلبسه وتنزعه
: اعرف زينب قابل ممفكر بهذا الشي اني 
: والله مدافهم عليكم ثنينكم هي تحبك ونجبرت توافق وانت تحبها و رايدها وهسه تگول اجرب
: هسه عوفينه من هل حچي وخليها على الله ، بس خابري مروان گليله على موافقة مهرة
راحت لتليفونها و تصلت

هزار
خلصنا العشا و دالملم بالسفره ودك تليفون بابا
الوو
هلا
يمته هذا الحچي ؟!
خير ان شاء الله
ماشي تشوف شيگولون وردلچ خبر
نها الاتصال و باوع لسيف وهو مبتسم
: مهرة وافقت على احمد شغلتك اعتبرها صارت ان شاء الله
جنت منتظره ردت فعل سيف توقعته راح يطير من الفرح بس اشو عگد حواجبه ومبين مافرح بالخبر عكسنا الوجوه ستبشرت

: هاي شبيه!!
وافقت حتى تحل مشكلتي يعني اكيف وافرح بعرسي على وانه ادري بيها وافقت مجبوره

وليد
خاب انته والله بطران مصدگ مهرة تنجبر !

عزام
اي بالله سيد وليد انت شلون تحلل موافقتها هسع بعد ماچانت رافضه

: أگص ايدي منا وهو يأشر على چتفه اذا ما هاي ام راس اليابس الفكرة تتناطح براسها صار سنتين

صاحت بي خالتي
يول انت صدگ ما تستحي ولسانك فلت

:اي هو انه شگلت يا يمه بس انتو تحبون تجاملون بالحقيقه

سيف
وهو يبتسم يعني انت هيچ اتگول

وليد
اي خوب انت كيفت صدگ لو گالو الغرگان يتعلگ بگشه ، هسع تريد تصدگني عبن الحچي والمك هههه

سيف :يول انت شو ما ناخذ منك لا حگ و لا باطل بس انه صوچي اسمعك

ابو عزام

هسع انه شفتهمت منكم؟ !!
واحد يجر طول واحد عرض

هزار
:سيف لو تخابر مهرة وتفتهم منها مو احسن

ابو عزام: لا يابه هاي السالفه مو مال تليفون لو ترح تجيبها هين نفتهم منها لو انت حاچيها وشوف ليش وافقت هسع
اذا تشوفها مجبوره لا والله ما نخليها تمشي بشورها

گام سيف لبس قمصلته و طلع

مهرة
دخلت للبيت رحلت لامي لگيتها گاعده بغرفتها ذبيت ردائي وحت يمها هي ضيگت عيونها عليّ

: ها يمهرة عيونچ بيهن حچي
: يمه اريد أگلچ شي
: گولي يمه خير ان شاء الله
: يمه انه موافقه على أحمد اخو زينب وخبرتهم بردي

: ابتسمت برضى والله يمه ماتلگين احسن منو انه من زمان گتلچ يمه خوش قسمه لا ترفضين ، بس يمه انتي مو گلتي زينب حاچت مدرسه وياكم الو

: اي يمه بس هو ما قتنع بيها

: عجل يمه هذا الولد قسمتچ وانتي يا يمه ماعنچ صغيرة كبرتي يمهرة والمرة مالها بهل دنيا غير رجلها و خلفتها تره محد ينفعچ لو فات بيچ العمر يايمه

: بس يمه خايفه !

:منين خايفه بعد امج ؟!

: خايفه خاف ما اتراهم ويا وانتي تعرفين طبعي

: لا يمه سمي برحمانچ ولا تخلين الخوف على بالچ والولد مبين خوش ولد ثگيل و هيبه و خالچ مروان چثير يمدح بخلاقو

دخل علينه عُمر
: أگلچ عمه هذا عمي سيف باب يريدچ
خليت ججابي على راسي ولفيتو وطلعت للباب
هلا سيف تفضل
: هلا مهرة حدري وياي ابويه يريدچ خير ان شاء الله صاير شي ؟!
: أنتي صحيح وافقتي على أحمد
: اي صحيح شبساع وصلك الخبر !
: مهرة اذا وافقتي حتى تحلين مشكلتي تره انه مارضى
: سيف انه مهرة ما انجبر على شي وانت بقت بكيفك اذا تريد تخطب لو لا هاي بقت يمك

: عجل امشي وياي ابويه يحاچيچ

: انتظر البس واجي وياك

: حچيت وانه البس ردائي و نقابي وگلبي يخفگ خوف و قلق و فرحه بداخلي بس القلق غاطي عليها

يمه خالي مروان وده عليه سيف راح احچي ويا و ارد

: خالچ وصلو خبر ردچ مو

: اي يمه ويريد يحچي وياي

: روحي يمه والله هسع يله برد گلبي چنت شايله همچ

هزار
شويه ورجع سيف ويا مهرة احنه چنه ننتظرهم دخلت
: السلام عليكم
: وعليكم السلام حدري خالي هين يمي راحت گعدت يم ابويه ع القنفه ورفعت نقابها
اني چنت اصب چاي صبيتلها وانطيته ألها
اخذت الكوب وهي تخوط بي

ابو عزام: اي خالي احچيلي شعده على ما بده و وافقتي على أحمد هسع

: والله خالي العمر يمشي وانه ما لگيت احد يناسبني مثلو

عزام
وهسع يله شفتي بس هو يولمچ ؟!!

: اي هسع عليش مستغربين

سيف
يعني مو حتى تحلين مشكلتي ؟!

هزار
ما گدرت اسكت گتلهم تره خالو الف وحده تتمنى دتحسيوني واحد موزين و متعجبين مهرة موافقه عليه ، ضحك ابويه

: ول يابه يواشچ تره محد منتقص من ختلچ بس لان وافقت بهذا الوكت بالذات
عزام يباوعي صفح لان دافعت لخالو
: اعصابچ ام خالو محد گال عليه شي ، ما رديت عليه ولا كأن وجهلي كلام ، كمل كلامه ابويه

: اي خالي قنعيني تره لا انه ولا سيف نرضى تنجبرين على شي

مهرة
حرت شلون اقنعهم واذا ما قتنعو يعني كلشي راح يخرب
بصراحة خالي من دحگت للموضوع وشفت العمر يمشي بيه و أحمد مابي عيب الف وحده تتمنى مثل ما گالت هزار گلت اوافق واخليها وره رب العالمين وان شاء الله ما يخيب ضني بأحمد

رفعت عينها لسيف
واذا على سيف هو براحتو اذا تراجع و مايريد البت خلي يعوفها تشوف طريقها لو هو حاطني حجه

سيف
لا الله عليچ والله انتي مو وجه واحد يخاف عليچ وعلى مشاعرچ والله يعبن احمد عليچ

: مالك شغل بأحمد خليها بلمنعوصه مالتك

هزار
يا...يا...يا بابا دتشوف تره ديحچون على خوالي واني گاعده

النوب كلهم گامو يضحكون عليه
: ول يابه خوالچ معينيچ محاميه الهم
: اي لعد شسوي ما اگدر اسكُت

بقينه گاعدين وبابا قرر باچر يخابر جدو ويتفق ويا حتى يحددون مشيت مهرة وسمى  بعدها راح وليد يوصل مهرة
والبقيه كل واحد دخل لغرفته اني غسلت الستكانات و الكوابه و صعدت لگيت عزام بالفراش و يشتغل بحاسبته رحت للكنتور طلعت ملابس ودخلت للحمام غيرت ملابسي و طلعت هو عيونه تفتر ورايه فتحت قراصتي وبديت امشط بشعري وهو منزل نظاراته ويباوعلي عيني الي وعين للحاسبه اني اشوفه بالمرايه ، خليت المشط و فتحت الكنتور طلعت بطانيه ثانية
ورحت للفراش ودرت وجهي منه للجه الثانية

: هزااار
: همممم
: يعني ما تردين؟ نحچي نبقى هيچ !!!
: ماكو شي ينحچي ولا تعتقد رجعت واني راضيه تره رجعت بس حتى ما اكسر كلمة بابا
راد يجرني عليه دفعت ايده وكمت وگفت
: عزام دير بالك تتقرب مني لا والله اروح انام بالأستقبال خاف عبالك قفلت غرفتي حتى تجبرني ابقى   بالغرفه وتقشمرني مثل كل مره تره الي سويته مراح انسى الك بسهوله
جان يبارعلي بعصبيه وحيره
: خلص هزار ابقى واذا گربتلچ  بعد عاتبيني الظاهر انتي شفتي معزتچ بگلبي وترديني اذل نفسي الچ ... لا انتي غلطانة انه عزام يهزار ما اطخ راسي لبشر حتى لو أنتي الروحي بيچ و احبچ حدري لمكانچ  هزار نامي وطمئني ما اگربلچ

: رفعت حاجبي أله واني اتظاهر ما هتميت لكلامه بس والله چذب گلبي عصرني معقوله ميحاول ولا محاوله واني قريبه عليه ، عزام الي متغفه عينه إلا هزار بحضنه ويخلي خشمه برگبتها يبوي عليچ هزار بس لا زعلتي عودته على فراگي ، بس بيومها نمت لان اليوم كُله خلصته شغل  وتعبانه چنت فنمت

عزام
نامت الخاتون وانه اتگلب بفراشي وانه ميت من شوگي عليها عطشان لريحتها لحضنها وهي دارت وجهه ونامت اسحب خصلت شعرها اشمها اوووف معقوله يمي و ما تنام على ايدي معقوله تعودت بدوني وانه ليلي كلو اكضي اتگلب بفراشي تقربت منها بس خفت تفز

هزار
گعدت الصبح فتحت عيوني عزام مموجود بالفراش باوعت الساعة ٨:٠٠ غسلت ونزلت لگيت الكل گاعدين و هديل دتنقل بالريوگ صبحت عليهم
وهديل گالت هزار جيبي الچاي و طفي الطباخ

جبت الچاي و گعدت اصب  خلصو الولد بابا گللهم
يابه انه بعدين الحگم  للمحل اول شي اروح لجدكم احجيله تشوف شيگول
سبحان مغير الاحول اليوم سيف وجهه مورد و وزع ابتسامات

بعدها  صعدو يبدلون عزام صعد بس مرحت ورا نزل مبدل وبين مستعجل طلع لسيارته شويه ورجع  اني وهديل گاعدين نتريك لان هديل لتهت بابنها واني اصب چاي

صاح من باب المطبخ هديل خويه صعدي جيبلي تليفوني نسيتو ع الميز

اني بقيت مصدومه اني گدامه ليش مگلي اني اجيبه
هي هم گامت صعدت جابته وطلعت للطرمه انطته أله
ورجعت تكمل ريوگها بس اني گمت افور حيل انقهرت من حركته هاي

اگول هزار مبين بعدكم ما تراضيتو انتي و عزام صفنت بوجهه بالله هاي وين تريد توصل

لا ما قبلت ارضى ويا حتى بعد يفكر الف مره قبل يخطر باله يضوجني

: عجل ديري بالچ تره سمر هسع ما گدامها بس عزام حسام سوده عليه بعد راح

: والله لو تبقى على سمر ما اشوف بيها اذيه بس لازم اخاف من الي مثل الحيه ملمسها ناعم بس گرصتها تموت

: شني قصدچ منو الحيه ؟!

: ما اقصد شي بس والله خل بعد وحده تدوسلي على طرف إلا اشوفها شي عمرها مشايفته واحقر و ماخلي خاطر الاحد بعد عفتها وگمت

عبالها ما اعرف هي ألي انطت رقمي لهند

أحمد
طلعت للمقر اليوم عدنه أجتماع لإن تقريبًا راح اخلص مهمتي هنا بالسيارة وتصلت  ع الحجي فتحت السماعة وخليت التليفون ع الدشبول  واسوق ، ادري بي متعود يگعُد من الصبح

:صباح الخير حجي
:صباح النور هلا ابويه شلونك اختك شلونها
:بخير حجي الحمد لله
:لك لو تعرف البارحه منو اتصلت عليه
:هههه اي حجي اعرف مهرة تقصد
: اي هي ولازم عرفت شرادت
: اي يابه اعرف ، وهسه خابرتك حتى اگُلك مهرة وافقت
: ههههه أگول اليوم مصبح عليه اثاري عندك اخبار دسمه
: اي يابه هسه انت شتگول
: والله يابه بقت بكيفك بعد انت شتشوف هي ليش وافقت بهذا الوقت انت مستعد تتقبل موافقتها هاي وبهذا الوقت تحديدًا
: والله يابه بصراحه واني گتلك قبل هل بنيه دخلت گلبي و اخذت عقلي و مجاي تحلى بعيني غيرها

: لعد يابه هاي هيه توكل على الله و مروان اكيد راح يفتح موضوع ابنه خل ننطيها طالما صلحو موقفهم ويانه
أگول يابه انت حچيت ويا زوج اختك لو بعد

: لا والله يابه گلت اخذ رئيك يله احچي 

: اني هم راح اخابر اخوك وهم احچيله  حتى يصير عنده علم

ماشي يابه يله اني اروح لان وصلت للمقر
: الله وياك يابه

#اخي_الغيور
#للكاتبة_مهرة
#انستكرام mohra_9_30