أخي الغيور

﮼البارت،العاشر،ج٢

#اخي_الغيور
#للكاتبة_مهرة
#انستكرام mohra_9_30

هزار
رجعنا من الدوام اني و عزام تغدينه و صعدنه لغرفتنه
ناخذ قيلولة مثل ممتعودين
فزيت من نومتي على صوت اشعارات رسائل
وصوت المي بالحمام عزام گاعد قبلي چان

لميت شعري وبقيت گاعده بفراشي اخذت التليفون اشوف شبي

فتحت الرسائل
رقم غريب !!!
بس الاغرب الكلام البيها

دحگي انه راح احچيلچ كل شي سمعتو بين شيخ سعود و عزام
سمعت شيخ سعود يطلب من عزام يتزوج لان انتي ما تجيبلو ضنه
بالبداية عزام رفض بس شيخ سعود گلو انه ماقبل نسل ابني المرحوم برزان ينگطع وهو ما خلف غيرك وتريد انت هسع تگعد بدون خلفه تخاف من مرتك
وهسع اتفقو عزام يختار اي وحده من كرابتو و جدو تكفل بزواجو وراح يخلون زواجو بالسر
وهذا الحچي چان يوم السبت
بس انه هسع يله حصلت رقمچ

من قريت الكلام احس حلگي صار مر و جسمي كُله يرجف ربطة كلامه ويه الصار يوم السبت من رجع عزام معصب ، عقلي يحلل الكلام صحيح بس هم ما صدگت گلبي يگُلي لا ،
رحت للحمام دگت الباب على عزام

: عزام اطلع بسرعة احچي وياك
فتح الباب شويه
: شبيج هزار شصاير ؟!!!
يوم السبت من اجيت معصب چنت يم جدو مو صح
صاح بيه
: يول شتحچين انتي شبيچ شصاير ؟!

: جدي طلب منك تتزوج عليه مو وتفقت وياه تتزوج بالسر ؟!!!

: بين عليه الارتباك گال منو گالچ هذا الحچي

: عزام والقران اذا مگتلي هسه احرگ روحي گمت الطم على و جهي وابچي ، سد الباب لبس بسرعة و طلع ، واني افتر بالغرفة وابچي والف فكره تجي بالي
اجه راد يحضني دفعته

وخر عزام لا تلزمني الناس تحفر من جوايه واني ياغفلين الكم الله ، ليش شسويت حتى تتأمرون من ورايه تريد تتزوج عبالك ابقى وياك اذا تزوجت ؟!!

: انتي منين سمعتي
: ليش لازم مقهور لان بعدك ممختارلك وحده من كرايبك ، گول چذب يله مو هذا الصار من رحت الجدو
عگد حواجبه بحيره
: الگالج هذا الحچي گلو ماگالچ عزام ما قبل
صحت بي واني ابچي
: ما قبلت بالبداية بس بعدين قتنعت

: هزار كافي لخاطر الله كافي تره جزعت روحي انتي من صفحه و جدي من صفحه عافني وراح بدل و طلع واني گلبي مشتعل نااااار شسوي يا ربي ابلعها و سكت لحد ميجي يوم الگاه مسويها من صُدُگ ، بس لا مراح اسكت هذول يسكتلهم يدوسو برجليهم

لبست ردائي و حجابي و نزلت ما شفت احد بس هديل ومن سئلتني وين رايحه مجاوبتها طلعت امشي و الهو البارد يضرب بوجهي بس نار احس بگلبي من القهر

اباوع سيارة عزام بالباب مال بيت عمو رشيد ، يعني اجه الجدو ، لازم يريد يگُله خربت مخططاهتم دفعت الباب ودخلت وديان جانت بالطرمة بدون سلام سئلتها

منو يم جدي جاوبت وهي متفاجئة محد غريب شبيچ هزار تركتها وتجهت للمضيف

دخلت عليهم جان هو وبابا و عمو رشيد و عزام گاعدين
عزام بس شافني گام وگف وهو يخزرني بس ما خفت منه
وجهت كلام الجدي واني عيني بس عليه گُتله

ليش جدو ليش تدخل بحياتنا ليش تريد تزوج عزام بسر
عبالك مراح اعرف لو انت متعود على كسرت الگلوب انت ما شفت كل واحد تدخلت بحياته خربتها ، الصار بعمو برزان ماجن بسببك لو انت اهم شي عندك تمشي حچايتك

صاح بيه عزام هزار لتفتت عليه و گُتله

لا تسكتني مراح اسكت انت لو ماخذ اي وحده غيري من بنات عمي چان ما گلك تزوج عليها بس شلون اني بت زينب بت الغريبه
اذا على املاكه رجعها اله
ما حسيت ألا براشدي من عزام فر وجهي باوعت عليه وحچيت بهدوء

: طلگني عزام طلگني وروح تزوج و خلف ، عليمن تتزوج بالسر ، بس لا تعتقد ابقى على ذمتك

توجه عليه بابا و سحبني من ايدي وطلعني اخذني للسيارة گال اصعدي هذا كله واني دموعي ما وگفت ابد وصلنا نزلت ودخلت على ماما من شافت حالي گامت مخروعه

اخذتني لحضنها
شبيه مروان ؟!
شبيها هزار ؟!

عقلي بنتج زينب السوتو اليوم كسر وجهي ، واگفه بكل صلافه بمضيف ابوي وحسها يلعلع بوجه جدها انه هيچ ربيتها

: بابا يعني شتريد اسوي وهو يريد يزوج عزام بسر هاي فوگ ما توگف وياي
لو انتو عدكم عادي مثل ماسوتو انتو قبل اكيد تنطي الحق صح بيه
:هزااااار سكتت واني اضم وجهي بحضن ماما

:اخذيها صعديها لان الظاهر گامت ماتعرف تحچي

:امشي ماما امشي هذا الجنت خايفه منه مو نصحتچ وگتلج لا تاخذين منهم ، صاح بابا

: زينب هاي بدل ما تعقليها وتحاسبيها على قلت ادبها
: والله انتو تخبلون الميتخبل

اخذنتي ماما للغرفه وخلتني بحضنها لحد ما سكتت گالت

هسه حچيلي شصاير وياچ ؟!!!

گعدت وحچيتلها كل الصار

گالت والله ياماما هذا الچنت خايفه منه ، خفت تضوگين نفس الضگته ، بس قسم بالله اذا سواها اخليه يحلم يشوف اضفرچ لو مو مروان يوگف بوجهي لو هو و عشيرته هم ماخليچ تمرين نفس المريت بي

عزام
رجعت للبيت ركنت سيارتي وضلت گاعد بيها وانه احس حياتي جاي تتهدم ، مجاي اسيطر على الوضع ، جدي هاي اكثر من مره يگلي اتزوج مرتك مابيها خلفه بس انه جنت ما منطي للموضوع اهمية گلت هسع يمل مني ويسكت ، بس اخر مره صار عصبي و گام

يصيح نسل ابني ماينگطع ياعزام لو اخر يوم بعمري ازوجك عاد انه گلتو خل اخذها اعالجها واذا مصار عدنه اتزوج

هو قتنع بس انه فكرة زواج شايلها من راسي و أصلًا مافكر مجرد فكره اخذ عليها ، انه من تجيها ....واشوفها گاعده تبجبي ينكسر گلبي عليها شلون افكر احرگ گلبها بمره ثانية ؟!

ادري اذا اخذت عليها راح اخسرها لان ادري بيها ماتبقى وياي وانه ما أگدر اعيش بدونها

من رادت تبات يم اهلها ذاك اليوم وانه بفراشي و افكر اذا تزوجت عليها وعافتني وراحت ونحرمت منها شلون أگدر بدونها شلون اصبح بوجه ثاني غيرها شلون اسمح لغيرها تاخذ مكانها بحضني

بس اليوم هي شلون عرفت معقولة هديل سامعه يجوز واحد من بيت عمي سمع كلامي ويا جدي

دخلت للبيت امي بالصالة گاعده من شافتني طبيت للبيت گامت وهي تدحگ بوجهي

:شبيك يمه صاير شي ادگ عليك ماترد مرتك وين راحت هديل تگول طلعت ومن سئلتها ما ردت عليه

: ما بيها شي يمه راحت يم امها هسع خابرت ابويه

هديل وين يمه ؟!

بالترك تشر ملابس صحتلها
اجت
: ها عزام صحتني
: انتي اليوم هم گايله لهزار شي
: لا والله حتى ماشفتها اليوم بس من طلعت قبل شوي

ردت اصعد بس امي گالت
: يمه عزام شصاير وياكم لا تخلي عگي يجيب و يودي
دخل ابويه بنفس اللحظه گال

:وانه هم اريد اعرف شصاير حدر هين اگعد احچيلي
الحچتو هزار صحيح جدك يريد يزوجك ؟!

: يابه على كيفك عليش هل عصبيه قابل شفتني متزوج

: عزام جاوبي اي لو لا

: اي بس

: بس شنو يمته ناوي تگلي لو هم تضمها عليّ و تتزوج بسر حتى انه ما تگلي لو هسع صرت انه مو ابوك

: يابه والله مو هيچ بس ماردتك تعرف لان هو الموضوع من الاساس ميصير بعد عليش احچي واخشن الگلوب

: دحگ عزام اذا تزوجت على هزار وهي ماردت تبقى وياك تره انه اصير وياها واطلگها منك وانت روح تزوج لتعجبك انه ما امنعك هذا حقك ، و لا تعتقد اخليها هين تشوفك وتموت بقهرها ، لا والله هاي عزيزتي ارجعها منين ما جبتها فأنت اصبر شويه واذا ايست منها ما تخلف عود ذاك الوكت روح تزوج ليش مستعجل على خراب عيشتك و لو مادري بيك تحبها جان من هاي اللحضه خليتك تنهي كلشي بينكم

: دخيل ربك يابه انت شتحچي يا طلاگ هذا التحچي بي وانه أصلًا ما مفكر اتزوج عليها حتلو ما خلفت

انه على هذا حچيكم راح تخلوني اخذها وامشي و ماخلي احد بعد يتدخل بينه

نهيت كلامي وصعدت لغرفتي حچي ابويه خوفني مجرد الفكره تعصر گلبي و قسم بالله اسويها واخذها وامشي من الديره كلها

دخلت ذبت السويچ ع الميز دحگت تليفونها اخذته وفتحت الرمز شفت اخر إتصال مني چان من جبتها من الدوام فتت ع الرسائل رقم غريب مراسلها

دخلت الرقم لتلفوني ما طلع عندي عجل هذا منين
منو جاي يحفر ورايه ؟!!

اتصلت على الرقم يطلعلي مغلق

هسع شلون اعرف منو ؟!

بقيت بغرفتي گلت بالليل اروح اجيبها ،وراها طلعت حاسبتي اشتغل الهي نفسي بالشغل احسن ما اضل اكل بروحي
احرك بالماوس مال الحاسبه و اباوع على ايدي الضربتها بيها واگول لنفسي عسى ايدك بالكسر يعزام هي هزارتحمل ضرب ، وانه سطرتها على خذها

وتجي بالي صورتها وهي مخليه ايدها على خدها عضيت اصبعي بحرگه شلون ضربتها مو حقها عجل شويه الصار شمرت الحاسبة ما گدرت اكمل طلعت من الغرفه و نزلت جوه امي گاعده تقرأ قران دحگتلي وصدقت

: يمه عزام روح جيب مرتك لا تخليها
رحت گعدت يمها
: يمه بالليل اجيبها ، اكيد بعدها معصبه من الصار خل تهدء شويه
: يمه هي هزار شسوت يم جدك ابوك معصب و ما گدرت اسئلو
: حچيتلها الصار
: على بختك يمه عليش تضربها هي هم حگها گلبها محروگ و حچت

: صارت بعد يمه وهي هم السوتو مو شويه وگفت بوجه جدي گدام عمي تردين يگولون عزام ما يگدر يرد حرمتو وهي واگفه تلعلع بحسها

: يمه المره مالها غير صوتها تدافع بي عن حگها لا تلومها الواجب عليك تطمنها وتشيل الخوف من گلبها

: والله يمه  دائمًا أگلها لا تفكرين و لاتخافين انه مستحيل اشوف غيرچ مره بس هي ما عدها ثقة بيه

: يمه هي عدها ثقة بيك بس دحگ جدك مو هل گالك حدر اختار التعجبك وهل حچي وصلها بعد شلون تريدها ما تخاف ول يمه اليحب يخاف مثل ما انت خايف تخسرها هي هم خايفه يا بعد امك ، يله يمه گوم اصلي المغرب و وكل امرك لرب العباد هو يتكفل بي

هزار
من كثر ما بجيت راسي صدع ماما انطتني حبايه ونمت
گعدت على صوت حيدر
هزار شو گعدي عزام جوه يريدچ
: حيدر طفي الضوه اطلع گُله ما الي خلگ لا اشوفه ولا احچي ويا

: هزار گومي بابا معصب ضغط مرتفع لا تخلينه يعصب اكثر

: حيدر لا تلح نزل گللهم مثل ما سمعت

عافني ونزل واني گمت قفلت الباب بالمفتاح و ماناويه ارجع ويا بقيت افكر بالسويته ما متندمه على كلامي لجدي ابد بس ضجت من نفسي لان زعلت بابا وما تحكمت باعصابي

الصبح گعدت ساعة ٦:٠٠ لان نمت هوايه كمت صليت ونزلت خليت القوري ع النار ولبست قمصلت حيدر لگيتها ع القنفه وطلعت للحديقة اتمشى بيها واني افكر بالي راح اسوي مادري قراري صح لو خطأ ؟!
بس والله تعبت ... تعبت  من الحچي من المؤامرات الي يدسونها عليه و هسه جدو و عزام كملوها

سمعت صوت بالمطبخ اكيد ماما گعدت لتفتت على صوت بابا ورايه

: صباح الخير يحلوه
لتفتت واني خجلانه منه فتحلي ايديه حضنته واني ابچي
اششش لا تبچين انه ردتچ ترتاحين واحچي وياچ

حدري نگعد ونحچي مثل ما متعودين انه وياج گعدنه بالحديقة
يله احچيلي انتي منين سمعتي جدج يريد يزوج عزام ؟

اجتني رسالة ع التليفون من رقم غريب ، ومن واجهة عزام ضل يماطل وبس ماگدر ينكر لان جدي گايله نسل برزان ما اخلي ينگطع كايله اختار اي وحده من كرايبك واني متكفل بزواجك ، وناوين يخلون زواجه بالسر

: عليش ما اجيتي و حچيتيلي انه مو موصيچ كلشي يصير وياچ تجين تگليلي

: بابا بساعتها ما گدرت افكر احس نار مشتعله بصدري من عرفت الي ناوين يسونه
بس هسه من  هدئت احسن حل انفصل عن عزام خل يطلگني ويروج يزوج الي تجيبله خلفه

: هذا مو حچي بابا اولاً عزام يگول انه مستحيل اخذ عليها مره حتلو ما تخلف و ثانيًا عزام متمسك بيچ ويحبچ ولو يسمع هذا كلامچ يتخبل لا تستعجلين على خراب عيشتچ بابا واني ادري بيچ ما تگدرين بدون عزام بعد عليش تغشمين روحچ

: بس بابا مو افضل ما يتزوج بالسر و اكره خليني انفصل عنه ويروح يكمل حياته على الاقل ابقى احترمه لان ما غدر بيه

: هذا حچيچ مو مال وحده هدئت و فكرت وعيونج تگول غير هذا الحچي ، ابقى هين يم امچ چم يوم هذا اذا ما لگيتي كل شويه و جاي يريد ياخذچ

: لا بابا لا تخلي يجي ما اريد ارجع .

اليوم عندچ دوام ؟

: عندي بس مالي خلگ اداوم .

: عجل گومي تريگي انتي من البارحه بلا اكل ، گومي حبيبتي

عزام
گعدت الصبح گوه گمت من الفراش نمت نومه معلعله بدونها انام وافز وهي مكانها خالي ومادري بيها شلون گضت ليلها ، سبحت و بدلت و نزلت لگيت الولد و امي بالصالة صبحت عليهم و ردت اطلع امي صاحت وراي
: يمه غزام ماتفك ريگك
: لا يمه ما اشتهي
طلعت لدوامي وانه حتى ما اگدر اركز بشغلي ب ١١:٠٠ خابرني ابويه
هلا يابه صباح الخير

لا والله ما عرفت منو حتى انطيتو للولد و ما عرفو
: والله يابه ما اجه على بالي هسع اخابر حسام واشوف
يابه هي اليوم ما داومت مو ؛
العصر اجي اخذها
يابه لخاطر الله لا تكبرون السالفه انه احچي وياها بس خل اشوفها العصر

نهيت اتصالي ويا ابويه ونه دمي يغلي النوب ماتريد ترجع حضرت جنابها وانه ليلي كلو فراشي نار اتگلب بي .
خابرت  حسام
: هلا حسام شلونك
: الحمد لله
: اگول حسام صاحبك اليشتغل بشركة الاتصالات بعدو بيها
: اي والله شوفه الي راح ادزلك رقم واريد اعرف مسجل بسمن
لا مو اتصال بس رسائل ، دشوف الولد وانه افهمك

اخذت زمنيه وطلعت رايحلها

هزار
خلصت وقتي بالتنظيف الهي روحي حتى ما افكر ماما من الليل متبله دجاج خليته بالفرن و طلعت اغسل الطرم صوت سيارة بالباب بقيت اغسل گلت يجوز مو علينه
بس من ندگ الباب رحت لبست حجابي وصحت من وره الباب منو ماحچه
مافتحت
رجع دگ الباب هم حچيت منو
گال افتحي الباب انه عزام

گُتله شكو جاي ، لا تضيع وقتك روح دورلك مره خل جدك يزوجك

صوتچ هزااار افتحي الباب لا تخليني اكسره

صحت بعصبية روح عزام مالي كلام وياك بابا موجود وروح يفهمك الي بينه انتهى روح شوف حياتك

سمعت صوت السيارة حركت كملت الطرم  واني افرك بيها اطلع حرگتي بيها جاي يريد يقشمر هزار مثل كل مره كلمتين و حضن وفشت الثوله والله إلا اطلع قهرتي هاي من عيونك يا عزام اصبرلي  ...

عزام
عفتها و رجعت كملت دوامي وانه حاير شسوي مبينه صاعد عدها العناد و تريد تشلع گلبي يله ترد للبيت
هسع انه لو بس الزمها بيدي اعرف شلون اتصرف وياها مالي غير حيدر !!!

خلصت دوامي ورجعت للبيت لگيت امي گاعده تنتظرني
: ها يمه الله يساعدك
: هلا يمه شو اليوم گاعده ؟!
: ما اجاني نوم وگعدت هين على التلفزيون
: ما اجاچ نوم لو منتظره عزام ههه
: يله بين ما تبدل احميلك غذاك
: يمه ذكرتني بايام العزوبيه هههه

صدگ يمه يمته تجيب هزار ؟
رحتلها يمه و مارضت تحچي وياي
: والله زين تسوي بيك
: فتحت عيوني على جواب امي !! شلون يمه ما سمعت

: هيچ يمه ماكلت شي

#اخي_الغيور
#للكاتبة_مهرة
#انستكرام mohra_9_30