أخي الغيور

﮼البارت،التاسع،ج٢

#اخي_الغيور
#للكاتبة_مهرة
#انستكرام mohra_9_30

هزار
خل أكمللكم شون الصار بهاي الليله

بعد ما راح حُسام خاله گالت لبابا
:ابو عزام انه اشوف لا تدخل بهاي السالفه احسن بابا تعجب من كلام خاله بطبعتها ماتشارك افكارها ويا و تعجب من موقفها هذا سألها

:عليش ما اتدخل والولد اجاني و نخاني شلون ترديني اسكت گالته
: اختي وانه اعرفها ما تقبل هي و رجاء نارهن ما تتلاگه
هزار : همست لسيف بأذنه يعني شنو نارهن ما تتلاگه
: ههه يعني ما يتراهم
: اهااا
بابا كمل كلامة گال
والله ما ادري اختچ عليش رافضه هي ماتدحگ ابنها ذبح نفسو على بنت عمه
جاوبت هديل من يمهه بعصبيه
: عمي انتو عليش تعرفونها و تحرفوها، عجل عليش انت ما اخذتها لولدك ؟!! عبن تعرفونها عايبه و عرمه و ماتنجرع وهسع احنا وره فضيحتها ويه عزام تردون ناخذها
صاح بيها ليث
انتي شو صايره ماتستحين تسكتين لا اجي افلش وجهچ انتي الصايره عرمه و وعوزچ تربيه امشي اخذي ابنچ وصعدي
هديل : هو انه شگلت لو حچاية الحگ تزعل
راد يگوملها ليث بس بابا گاله
يواشك يابه خل افهم بت اخوي حتى الصار هسع ماينعاد

بابا چان يحچي بهدوء و حزم بنفس الوقت
دحگي يابه انه سمر حالها من حالچ والله شاهد علي گلچن حاسبچن مثل وحيدتي (يقصد عليه )

سمر انه من الاول انه ردتها لعزام بس انه ماجبر احد
شفت عزام ما هاويها مجبرتو لان انه ماخذ عهد على روحي ما اجبر ولدي اليهواها گلبو اخذها الو .

ليث من اجاني وگال رايد بت عمي رحت وخطبتچ حتى بعدين لو صار ما صار مايگولون  مشينه يشورك وخربت حياتنه

وهذول ولدي قسم بالله الي يگول انه اخذها من عين باچر اورح وگضيها الو

كمل كلامه وگام دخل غرفته ، ليث لتفت عليها گالها اصعدي ولا تخلني اشوف خلقتچ

هي اخذت ابنها و صعدت وليث لحگها للغرفة

وليد : اگول يمه هاي بت اختچ شجاها ؟!

ام عزام : والله يمه مدري شجاها صايره عرمه و ماتنجرع 
خلت خاله وگامت لغرفتها بهل أثناء نزل ليث والضيگه مبينه عليه اخذ  سويج سيارته من ميز التلفزيون
وطلع

سيف : أگول هزار خابرتي سما
: اي خابرها تنتظرك هي راح تفهمك ليش مجانت تجاوبك

اخذ تليفونه وطلع للحديقة ، بقيت بالصاله بس اني و وليد هو لازم تليفونه ويسوي حركات بوجهه مرات يرفع حاجبه و مرات مرات يفتح عيونه بخنزوره مرات يرص على اسنانه واني باقيه اتابع تقلبات وجهه ههههه

أگول لودي هاي ويامن جاي تتعارك ههه

: وانتي شلج غرض لو اله تحشرين نفسج حتى تفضحني .

: لا الله عليك والله صار عندي فضول ؛

: لا تدخلين بيه حتى ما تصعد خلاتي عليچ

: زين تحبها

: يول شحب منها شو هي مخلصتها وياي مكاون ههه

: يا ليش شبيها هاي مخبله ههه

: على گولتها اي مخبله السادس مخبلها

: كل ما تضوج من القراية تدخل تتكاون وياي وتروح هههههه بس والله سوالفها حلوه بس مرات تعصبني

: هي منين منا

:ماتقبل تگول !!

:لعد شلون تعرفت عليها ؟!!!

:  يول هي دخلتلي خاص وحسابها فارغ و مسميه روحها (مخبله وبكيفي ) ههههههه 

: وانت صاير محرقه لضوجتها هههههه
اگُلك وليد سامع المثل اليگول ( وافق شنٌ طبقة )

: شال الكوشه بيده شتقصدين يول انه مخبل مثلها

: هاااا لا لا حشاك

: اي انعدلي تره حتى عزام مو هين
يحچي  (ويحرك بحواجبه )

رجع سيف وجهه صاير احمر من العصبيه گال

هزار درتي بالسالفه انتي مو

:اي گالتلي

:عجل  امشي وياي نروح لأمج

وامي شبيدها يا سيف !

: مو امها عارفه بل بيناتنا وخر مره من وسطنا ناس وجدج هم ماقبل امها تگلها انتي شمنتظره اخذي ابن خالج احسن ، وهسع مخابره امج تگللها قنعي بت اخوج تايس من ابنكم

هزار : اوووف هسه شيفضها شغلتكم والله طولت

سيف : عجل انه شگول
يله هزار البسي وخل نروح

هزار : ماشي بس انت اتصل بعزام انطي خبر راح اطلع وياك
سيف : يله تمام

طلعنا اني و سيف نتمشى لبيت اهلي دگينه جرس الباب طلعنا حيدر گال
همزين اجيتو ماما ماتقبل اطلع لان وحدها
: لعد خالو وين
خالو رجع متأخر تعبان ونام
سيف : اي وانت وين طالع بهل ليل
حيدر : وين اطلع رايح لوليد
مشى وهو يگول من تردون تطلعون من امي خابروني ارجع يمها

دخلت لگيت ماما گاعده بالصاله تتفرج تلفزيون

:هلو ماما
:هلو حبيبتي منو اجه وياچ
: سيف ويريد يحچي وياچ
: دخلي ماما ليش مخليته واگف بره
: انتي تعرفيهم ميدخلون إلا ينطوچ خبر
صحته واجه دخل سلم على ماما وگعد
گعد سيف وماما گالت هزار ماما روحي جيبي ضيافه لاخوچ
سيف: شنو السالفه خاله قابل اني غريب
: لا عيوني انت ، بس حتى نتوس واحنه نسولف ومبينه سالفتك من عيونك
سويتلنه گهوة حلوه وخليت كرزات همين دخلت عليهم

لگيت ماما دتحچي السيف على الي صاير بيت خالو وتفهم بسيف هوچان گاعد ع القنفه محني جسمه ليگدام ومنتچي بمرفق ايده على ركبه خال اصابيعه على حلگه و مستنط لماما وعيونه ماليها القلق و الحيرة

زينب : شوف سيف امانة الله امها ماعدها اعتراض عليك وهي تعرف بتها رايتك وانت رايدها بس تگول
قسمه متريد تصير الناس اجوي اكثر من مره و عمي موقفه نفسه متغير بعد بنتي شمنتضره ؟!

والي متقدملها ابن خالها وامها من وجهة نظرها ابن أخوها الوحيد لاهله ، استاذ جامعي ، وتشوفه مناسب لبتها
خابرتني تريد اقنع سما بأبن خالها لان تعرف اني اقرب وحده لسما بعتيار هي تربت ويا هزار وعندي نفس المَعزه
واني هسه بصراحه حايره انت من جهه ما اگدر اكسر گلبك و من جهه ثانية كلام امها منطقي

انت برأيك شنو الحل ؟!
اكيد انت حتگول خلتصبر و ترفض ابن خالها حاله حال الي تقدمولها قبل
بس هذا مو حل سيف انتو مخلين مشكلتكم و مگابلها وگاعدين

:يعني شنو البيدي اسوي و مسويتو شوفت عينچ كل مده و نودي ناس لجدها وهو على نفس موقفه

: ابويه هم حقه اجاكم على مره و رفضتو ولو  بس هي البنيه رافضه چان گلنه ميخالف ما مجبوره توافق وقسمة ومتريد تصير بس انت تعرف كلش زين الكلام الي گاله اخوه چان ابد مو حلو بحق ابويه ، صارت مسئلة كرامة وشي طبيعي يكون الرفض رد عليكم

: وشنو الحل هسع

هزار : والله الحل بالكي يتزوج خالو ساعتها يمكن جدو اذا شاف خالو استقر بحياته بلگي نگدر نستعطف جدو عليكم

زينب : يمكن بس مو اكيد و باچر احمد حيشوف هاي البنية ونكول الله كريم

بهل أثناء نزل خالو احمد ومبين سمع كلام ماما لان باوعلها و رافع حاجبه

: ها زينب تردين تخلصين مني وتكربسينها براسي

:لا حبيبي شلون تگول هشكل اهم شي عندي راحتك بس والله هم مستخطيه سمى تعالي يا زينب اقنعيها وهي خابرتني بس تبچي

واذا مقتنعت بابنيه ارجع احچي ويه مهرة

أحمد : لاااا زينب شنو نبقى نتوسل بيها تره ماقبلها على نفسي باجر اشوف هاي البنيه واذا قتنعت بيها اتقدملها وبعدها اني احچي ويه ابويه

خالو چان يحچي وهو منفعل ورفض ماما تنطي اي خبر لمهرة عاد ماما سحبت غضبه گالتله

: هي هاي المخبله والله تحبك عبالها ما نتبهت عليها من گتلها راح احچي ويه هالة بس شسوي لراسها ليابس

سيف : صار سنتين احچي براسها وهي راكبه راسها

أحمد : اني بس باجر عندي دوام وبعدها انزل مجاز هم احچي ويه ابويه واشوف شيگول

هزار : خالو فدوه جيب سمى وياك والله خطيه خل تجي تغير جو

خالو رفعلي جاجبه وبتسم و گال يصير خير

زينب : جيبها احمد حتى اذا مالگه سيف حل والله اقنعها تاخذ ابن خالها .

سيف گال لماما بنبره يستعطفها

خااللللله
صاحت بي
: ها خاه ها ولد مروان كملو همي فوگ هم ابوكم

احنه خربنه ضحك على ماما النوب مروان اليوم يم اميره.
زين و ماما ما ذبت حرگتها بسيف 

بقينه يم ماما لساعة ١٢:٠٠

وبعدها رجعنا البيت وليد و حيدر گاعدين بالصالة حيدر من شافنه رجعنا هو هم رجع للبيت وحنا كل واحد منا صعد لغرفته

غيرت ملابسي وبقيت انتظر عزام هو ممتعود يطلع بالليل لان الصبح دوام و العصر مكتب بالليل يبقى بالبيت فنادرنا يطلع بالليل

عفيت مادري بروحي فزيت من دخل وفتح الضوه خليت ايدي على عيوني من الضوه گال

ها حبيبي فززتچ بس دقيقة اخذ ملابسي واطفي

براحتك حبيبي

اخذ تراكه وطفى الضوه بقى بس ضوه التيبل لام جنت اتبعه بنظراتي نزع ساعته وخلاها ع الميز
جاب تليفونه خللا ع الشحن بعدها
  نزع دشداشة وخلاها بتعلاكه دخلها للكنتور دخل للحمام يغسل ،  اجا رسالة اخذت التليفون فتحته رسالة من مهندسه ويا تگُله
استاذ عزام باجر ما اجي للدائرة الصبح من البيت اطلع للموقع
فتت ع المكالمات اخر اتصالين من قصي و جدو

غسل ورجع لبس تراكه اجه للفراش گُتله حبيبي اجتك رسالة و فتحتها

ضحك وگال
:أنتي ما توبين
: شمسويه حتى أتوب شلت التليفون وانطيته اله گتله اقراها مو تروح تغيب البنية
قرأ الرسالة وانطاني التليفون رجعته ع الشحن و رجعت دخلت بحضنه ونمنه

زينب : اليوم اتفقت وايه أحمد يجي بنهاية الدوام يشوف هالة مثل ما اتفقت وياها البارحة وهي البنيه اليوم كاشخه كشخت عروس
باخر درس خابرت أحمد و گتله ١٢:٣٠ تجيني
تاخرنه شويه بين ما الطلاب طلعت و المدرسات
مهرة رادت تروح وحدها للبيت بس اني تقصدت اخلي تبقى دگ عليه احمد

طلعنا اني و هاله و مهرة
لگيت أحمد ينتظر  بسيارته من شافنه نزل هي بقت واگفه بالباب مال المدرسة 

گتله روح احچي وياها واذا عندك سؤال هم اسئلها
گال خير ان شاء الله

توجه عليها واني و مهرة صعدنه بالسيارة

مهرة
طلعت دحگتو  كاشخ بالزي العسكري وانه احس گلبي نعصر جانت عيونو علينه بس ما عرفت جان نظراتو وين موجهه انه جنت امشي وره هاله ريحة عطرها تمشي وراها 
من وصلنا يمو دحگ عليه و رجع عيونه لزينب حچت ويا وبعدها صعدنه ننتظره

زينب البطرانه تگلي فدوه مهرة ادعي وياي أحمد يقتنع بيها وتصير من قسمتو

انه احس گلبي يخفگ بين ضلوعي جني طالب ينتضر
نتيجتو
بين هذا كلو انه متعجبه بنفسي اذا هيچ انه رايدتو عليش اصدو كل ما حاول وياي
حايفه يقنع بيها بس حتى ما يوگف بطريق بت اخو
لان زينب سولفتلي كلشي
عيوني عليهم جانت هي تحچي وياه و مبتسمه وهو مره يبتسم و مره ينزل راسو للگاع چان 
و زينب مدري شتحچي وانه بالي مو يمهه يم ذاك الواگف يدحگ على هاله
اجه الخط مال هاله راحت هي و وجهه تارستو الضحگه وانه گاعده اغلي
وهو توجه علينا صعد
اول ما گعد رفع عيونو للمرايه دحگ عليه خزرتو وتندمت ، لان المفرض ما انطي ردت فعل وخلي يتشمت بيه وبعدها لتفت لزينب من گالتلو

: ها احمد بشر عجبتك
گاللها
:حلوه ومبينه خوش بنيه
: يعني نگول مبروك
: الله كريم خل ادانش عقلي شويه هذا زواج زينب اسئل عليها على سمعتها
:لعد شو من شفت مهرة لا سئلت ولا گلت
مهرة : ندست زينب بزندها حتى تسكت ادري بيها تتقصد تحچي تريد تحرجني
أحمد حرك السيارة و جاوبها
مهرة ما سئلت عليها لان من اقارب مروان و لو اكو شي ينگال چان مروان گلي
جنت اسمع وانه عيوني ع الشارع خاف ادحگ عيونو
وصلنه وكف سيارتو بالبا مال بيت خالي مروان

من نزلت وانه جنت گاعده بالمقعد الورا هو نزل بنفس الوقت لتقت نضراتنا مادحگ بعيونو شي چانت نظراتو بارده و خاليه من اي تعبير تشكرت منهم
و دخلت لبيتنا

أحمد
راحت دخلت لبيتهم واني عيوني وراها اني تقصدت اخليها موجوه واني اشوف هاله گلت لزينب لازم مهرة موجوده اذا خليتها ترجع وحدها تره ما اجي اشوف هاله لان توقعها  ترفض تبقى وياج من اشوف هاله
وفعلًا دزتلي رسالة زينب گالت گوه خليتها تبقى وياي
من نزلت اشوف هاله هي جانت تمشي وراها جانت عيونها تجدح ؛
تقربن عليه هي و زينب باوعتلها بنظره وحده  عيونها جانت تتحرك برتباك
بتسمت بداخلي وعرفت هي متأثرة من الموقف

وگفت ويه هاله البنيه حلوه مابيها شي بس شو ماحركت شي بيه جان صوتها هادىء ومبتسمه وهي تحچي وياي ما طولنه هواي اجها الخط وصعدت بي واني توجهة لسيارتي من صعدت وخزرتني بعيونها
شايفين من تكون بظلمه وينفتحلك باب ويدخل عليك النور وترجع تشوف
هشكل حسيت بس هي تهز گلبي

زينب : شنو احمد حتبقى واگف مگابل بابهم هههه

: لا ابويه انتي امشي قابل شمحصل منها

: هسه شنو غير تفهمني عجبتك البنيه لا ؟؟

: باجر اني طالع لبغداد أگعد ويا ابويه واخذ رأيه واشوف شيگول ولو هو يكيف

:الله كريم
دخلنه لگينه مروان يصلي وحيدر بعده بملابس المدرسه
ليش بعدك بملابس يا ماما
: ماما والله تعبان خل ارتاح شويه.
گوم رتاح بغرفتك وشيل جنطتك مو تخليها هنا

غيرت ملابسي ونزلت حميت الاكل و صحتلهم گعدنه نتغده  واسولف لمروان على احمد بس حسته ممنتبهلي

واعرف مروان اذا ما نتبهلي واني احچي ويا اكيد وره مصيبه ، او باأحرى خبر راح يضوجني

#اخي_الغيور
#للكاتبة_مهرة
#انستكرام mohra_9_30 

🥀دمتم في امان الله و حفظه 🥀

بنات اعذروني اذا اكو أخطأ املائية