بعد صلاه الظهر كان سياف والباقي في البيت تحديدا في غرفتهم يستريحون من شغلهم في العزبه وبذات بعد نومتهم امس في الإسطبل اللي تكسرو منها والحريم كانو فالغرفه الصغيره اللي يجلسون فيها اما البنات كانو بغرفه هتان كالعاده والشيبان جالسين بالحوش يتقهون
( توه واصل الديره وهو يناظر في قدمها وناسها نزل من سيارته وناظر للبيت اللي قدامه ودق بابه
طلعت له بنت صغيره على شكلها تبان خمس سنوات
ابتسم بهدوء وقال : مرحبا ياحلوه اسمي عزيز وانتي
ترف ردت وهي مستغربه من الشخص اللي اول مره تشوفه : ترف
عزيز : عاشت الأسامي ، هنا بيت عائله الجد عبدالله ؟
ترف هزت راسها بمعنى ايه وبعدت عن الباب حتى يدخل
دخل عزيز وتقدم كم خطوه وهو يلحق ترف
قربت ترف من جدها وأبوها وهي تقول لهم ذا يبي جدي يسال عنه ابو سعود والجد عبدالله استغربو من الشخص
اللي اول مره يشوفونه قدامهم
ابو متعب تكلم وقال: ذا ولدي عزيز
الجد عبدالله : ياهلا ياوليدي وشخبارك؟
عزيز : لحمدلله بخير
ابو سعود : ماشاءالله ياعزيز كبرت وتغيرت
ابو متعب: ذا وانا ابوك جدك وذاك عمك ابوي سعود وذا عمك ابو تنوف تعرفه
عزيز : ايوه اعرفه
ابو تنوف :وش اخبارك ياعزيز؟
عزيز : بخير لحمدلله
ابو متعب: اجلس يبه استريح
عزيز : لا والله مشغول باخذ غرام وبرجع للرياض
ابو سعود: وشوله هالاستعجال ؟
عزيز : مشغول ياعمي لازم ارجع الرياض اليوم اعذروني
ابو متعب : ليه وش عندك غير الصياعه؟
عزيز : غرام وين؟
ابو متعب : تحصلها فوق
عزيز : تمام
دخل عزيز للبيت بدون لا يتكلم بشي ثاني
ابو متعب ناده عليه عشان الحريم الموجودين داخل بس هو دخل وماسمعه
ابو متعب : شفتم وش قايل لكم عنهم انا مافي غير متعب اللي رافع راسي فيه
ابو سعود: يبيلك تشد عليه يا مشعل
ابو متعب : وين ياحسن مايسمع الكلام لا هو ولا اخته
ابو تنوف : توهم صغار يكبرون ويتعلمون
الجد عبدالله : وين صغار ياولدي ؟ تراهم بالعشرين هاذا سياف وسعود والباقي بعمرهم واركز عنهم
ابو تنوف :يايبه ولد من ولد يختلف
ابو سعود: ياعبدالهادي وانا اخوك ذا الجيل يبيلهم تربيه اكثر ولازم نكون شديدين عليهم
(عزيز دخل للبيت وهو مب عارف وين يروح )
تنوف كانت ماشيه وشافت عزيز وتغطت عنه
عزيز: مرحبا؟
تنوف : اهلا؟
عزيز : وين غرام؟
تنوف عرفت انه عزيز ولد عمها مشعل وكشفت عن وجهها : غرام فوق
عزيز ببرود : تمام
تنوف استغربت من اسلوبه البارد ووقاحته بالكلام بس ما عطت اهتام
عزيز طلع فوق وشاف اكثر عن غرفه تنهد وبدا يفتحهم واحد واحد لين وصل لا اخر باب دق عليه
وردت غرام : نعم من
عزيز: غرام انا عزيز
غرام فتحت الباب بسرعه وارتمت لعزيز تصيح عنده
عزيز كان يحب غرام بالحيل وهو مستغرب وش صاير؟
غرام قالت له كلشي صار
عزيز : مب مشكله يلا نرجع للرياض
غرام راحت تجمع اغراضها ونزلت مع اخوها ودعت ابوها وطلعت من البيت وحرك عزيز سيارته متجهه للرياض
وديان وهي مستانسه وترقص : اخيرا فكه فكه افتكينا منها الحيه
الهنوف ضحكت وقالت : اركدي لحد يشوفش وانتي ترقصين
وديان : خلهم يشوفوني وين المشكله الحيه طلعت من بيتنا ( وراحت مسكت يد تنوف واعتام وهتان وصارو يرقصون سوا )
خالد جا وشافهم وضحك : والله انكم مب صاحين ليه كل هالرقص شصاير؟
وديان : خلوووووووود تخيل الحيه جا اخوها وراحت معه للرياض
خالد : احلفي ( وقام يرقص هو و وديان )
اعتام استحت وجلست تناظر وهي تضحك
وهتان وتنوف يشاركون خالد و وديان الرقص
الهنوف : بذي المناسبه وش ودكم تتحلون؟
خالد : تكفين يالهنوف خاطري بكيكه بشكولاه
هتان: صدق حتى انا خاطري فيه
الهنوف بضحكه: طيب وديان اعتام وتنوف وش ودكم تتحلون انتم؟
تنوف : ودي بفطيره الليمون احبها
الهنوف : فطيره الليمون؟
تنوف : ايه عادي ؟
الهنوف : ايه طبعا عادي بس استغربت ان في حد يحبها في عائلتنا غير سياف وسعود
تنوف بستغراب : سياف يحب فطيره الليمون؟
وديان : ايه سياف مايحب الحلا مره عشان كذا يفضل فطيره الليمون
خالد بضحكه: حصلنا شي مشترك بينش وبين زوجش
تنوف استحت وقالت : خالد كل تبن
خالد : الله بس يوم جت تقول عمي خالد ولحين كل تبن
صدق اللي استحو ماتو
اعتام ضحكت من جوهم
هتان : اعتام لا تستحين شاركينا خبالنا
اعتام : افا عليك ابشري بس
خالد : بروح اشوف الباقي للحين منخمدين من رجعو
البنات ردو : تمام
راح خالد يصحيهم
متعب: خويلد خلني انام اربع ساعات بعد
خالد : قم انت وهو شوي وبياذن المغرب
سعود قام وهو يتثاوب : طيب ياشيخ صحينا خلاص بس فكنا من ازعاجك
رائد : انت اساسا وش مصحيك بكل ذا النشاط لا تقول متفائل تكفى ماودنا ننطرد ليوم بعد بسبب تفائلك
خالد : ياليل انتم مسكتوها علي ؟
سياف وهو يقوم من فراشه : خالد معليش انت قلت متفائل خير وبنفس اليوم جتنا لمصايب ورا بعض
خالد : تطمنو ترا بس شبعت نوم
رائد وهو يرمي مخدته على خالد : انت تشبع نوم ونحن ننجبر نقوم عشان حضرتك شبعت؟
خالد : طبعا فديتني
رائد : مالي خلق احاشرك ليوم خلني بحالي
خالد : تصدق حتى انا والله
متعب : زيكم
سعود : ول طاح السقف علينا لا لا انتم مب رائد و خالد ومتعب حقينا
سياف بضحكه : ايبالله تحقق حلمي وشكلهم هجدو
رائد : تطمن مابنهجد حتى احفاد احفادك انت واللي جنبك
سعود : احترام الاخ الكبير وين؟
خالد : لا والله احلف انا عمكم ومحد فيكم محترمني تبينم يحترمونك علشانك اخوهم الكبير؟
سعود : ما اقصد سياف بكلامي اقصدك انت و رائد ومتعب
رائد : وش ذي العنصريه
خالد : قلت لك رائد لنا الله
متعب : ماعليكم بكون اخوكم الكبير وبدلعكم
خالد : لا تكفى دامك بتكون اخونا غسلنا يدنا مانبي اخوان
نحب لوحده اصلا
متعب : خالد انت حيوان احترم مشاعري طيب
سياف وسعود ضحكو وقام سياف يغسل وجهه
وبعده سعود والباقي يستعدون لصلاه المغرب
اذن المغرب والكل صلاه ورجعو للبيت يجلسون بالحوش
البنات كانو في المطبخ يحضرون الحلا
تنوف : خلصت فطيره الليمون
اعتام : وانا خلصت الحلا
الهنوف : باقي الكيكه لحينه
وديان : نجهز القهوة لحين ولا متى؟
هتان : لا خلونا نحط الكيك والحلا والفطيره في الثلاجه
وفليل لين ينامون اهلينا نتجمع ونصحي العيال
اعتام: بس انا وتنوف ماننام عندكم
وديان : بنكلم عمي ابو تنوف يخلي تنوف تنام عندنا وكذا نتجمع كلنا
تنوف : ايه صدق
الهنوف : انتبهون بنات للكيكه بروح ارتب غرفتنا انا ووديان دام غرام رجعت للرياض خلاص
وديان : تمام يلا بسبقش
الهنوف : تمام يلا بنات انتبهو للكيكه
هتان : لا توصين ترانا مب اخوانك نحرق الاكل
تنوف بضحكه : تكفون كل ما اتذكر الكبسه المحروقه حقتهم امس اموت ضحك
اعتام بضحكه : وهواشاتهم تضحك وربي
هتان : ايوه والله
طلعت الهنوف ووديان يرتبون غرفتهم وبقو الباقي في المطبخ
هتان : بنات
تنوف اعتام : هلا؟
هتان : مدري شقول بس احس بشعور غريب لرائد
اعتام : تحبينه؟
هتان : مدري
تنوف : وش تحسين لما تشوفينه؟
هتان : قلبي ينبض واحس بامان الدنيا كلها يوم يكون قربي واحزن اذا كان بعيد عني
تنوف : تصدقين مثل شعوري لسياف
اعتام بضحكه : طحتم ومحد سمى عليكم
هتان : لا مستحيل يكون شعور حب
تنوف : وليه مستحيل؟
هتان : ادري رائد يعتبرني زي اخته وانا بعد اعتبره كذا
اعتام : اجل وش تفسرين شعورك ؟
هتان : مدري
إعتام بضحكه: غريبين هالعائله كلهم طيبين ومزيونين ماشاءالله من عيالهم لبناتهم وينحبون
تنوف بضحكه: ترا انا وهتان من ضمن العائله بعد
اعتام بضحكه: يوو معليش نسيت
الهنوف ووديان رتبتو غرفتهم ونزلو للبنات للمطبخ
خالد والباقي جالسين بالحوش
سياف صب القهوة لجده واعمامه وجلس قدام جده وهو يسولف معه ، جاه مكالمه واستاذن وطلع يتكلم
سياف : هلا فيصل
فيصل: هلابك سياف وشلونك؟
سياف : لحمدلله بخير وانت؟ طمني عنك وعن الباقي
فيصل : لحمدلله نشكر الله كلنا بخير ومشتاقين لك
سياف بضحكه: تشتاق لكم العافيه
فيصل: الا سياف تدري ان بعد اسبوعين مسابقه الخيول ؟
سياف : صدق لا والله مادريت برتب اوضاعي وان شاءالله بكون عندكم قبل السباق باسبوع بس وين بتكون المسابقه؟
فيصل : في الرياض انا والباقي ليوم واصلين وقلت اتصلك اشوف احجز لك غرفه معنا في الفندق ولا بتتاخر علينا
سياف: لا بتاخر عليكم بس احجز لي بعد اسبوعين انا وسعود اخوي لانه حمدان مسافر وبكلم المتدربين حتى يستعدون
فيصل: خلاص اجل ننتظركم وسلم لي على الباقي
سياف بضحكه : يوصل لا توصي
فيصل : يلا مع السلامه
سياف: مع السلامه
قفل سياف جواله وارسل بالقروب بالواتس حق المتدربين عنده حتى يعلمهم وبعدها ورجع للحوش ،
الجد عبدالله : عسى خير وانا جدك؟
سياف وهو يجلس : ابد ابوي كله خير بس المسابقه حقت الخيل بعد اسبوعين واتصل فيصل يعلمني ، ويسلم عليكم
ابو سعود : الله يسلامه ياولدي
الجد عبدالله : المسابقه مابقى لها شي وانا ابوك عساكم مستعدين ؟
سياف : لحمدلله مستعدين بس الافضل اننا نتحرك من بعد اسبوع ونكون متواجدين في الرياض حتى نستعد اكثر
الجد عبدالله : الله يوفقكم وانا جدك
ابو سعود بستغراب: بتروح وحدك؟ اذكر ان حمدان مسافر
سياف وهو يناظر لسعود: لا بنروح انا وسعود أن شاءالله
سعود ناظر لسياف وقال: اجل لازم نرتب امورنا قبل نطلع
سياف : ايه بدق على حد يوصل برق وغيم للرياض قبلنا وباقي خيول المتدربين اللي بيشاركون
خالد تدخل وهو يقاطع سوالفهم : ملل والله
رائد : تحس ؟
خالد : انا اللي احس
متعب : شرايكم نطارد ورا الدجاجه؟
خالد : فكره نغير جو شويه
رائد : عجبتني الفكره
سياف وسعود انجلطو من الثلاثي الغبي اللي قدامهم
ابو سعود: وش له من دجاجه؟
سعود وهو متوتر ان ابوه يدري بسالفه هروب الحيوانات بسبب متعب : مامن حاجه يبه متعب له كم يوم يحلم بدجاجه تطارد وراه وانت خابر رائد وخالد وغباءهم
ابو سعود: اها سمي بالله ياولدي يامتعب
سياف: استاذنكم
الجد عبدالله : على وين ياولدي ؟
سياف : بتروش وبعدها نطلع للسطبل
سعود: ودك نتسابق ؟
سياف بضحكه : ايه
الجد عبدالله ببتسامة وهو يوقف من مكانه وبيده عصاه: زين ياولدي ونحن بنروح لبيت ابو سلطان عازمنا من صلاه الظهر
قام الجد عبدالله ومعاه ابو تنوف وابو سعود وابو متعب رايحين لبيت ابو سلطان والعيال ضلو بالحوش سياف دخل يتروش وبذاك الوقت كانو الحريم الكبار جالسين بالمطبخ يحضرون العشاء والبنات في الغرفه الصغيره
كانت الهنوف تكوي الملابس ووديان تضب الملابس
عكس هتان اللي كانت تنشر الملابس برا ومعاها اعتام تساعدها
وديان : تنوف عادي تدورين لي ترف ؟
تنوف : أن شاءالله
قامت تنوف وجلست تدور ترف في البيت ماحصلتها ودخلت للبيت الثاني اللي هو ( بيت عيال ابو سعود)
دخلت وهي تفتح غرفه غرفه من حظها انها دخلت غرفه فاضيه ومحد يستخدمها لانهم اساسا ينامون في غرفه خالد جلست تنوف تناظر للغرفه كانت فاضيه وواضح محد يستخدمها جت بتطلع لانها ماحصلت ترف بس ريحه العطر جذبتها اللي كان مالوف لها قربت وشافت ملابس مرميه على سرير خذتها وهي تشمها
بذاك الوقت كان سياف طالع من الحمام توه استغرب وهو يشوف بنت معطيته ظهرها وتشم ملابسه يوم ركز انتبه لشعرها القصير اللي كان يوصل لرقبتها ابتسم بهدوء وقال عطري عاجبش لهالدرجه ، تنوف شهقت وهي تناظر ورا وشافت سياف اللي كان توه متروش وشعره مبلل مويه بملامحه الحاده المملوحه اللي تجذب ناظرت تنوف لسياف وهي تتامله ، سياف استغرب توقعها تهرب من تشوفه تنحنح حتى تنتبه ، تنوف ركزت ان الغرفه اللي هي فيها غرفه سياف وركزت انه مو لابس حاجه وصدره عاري ورابط الفوطه على خصره وعضلات بطنه باينه وحاط فوطه صغيره على رقبته وانه شافها وهي تشم ملابسه حست بخجل من موقفها ونزلت عيونها للارض وجت بتطلع بسرعه من الغرفه وكانت بتطيح سياف انتبه ومسكها بسرعه ، تنوف من خجلها نزلت عيونها للأرض وما انتبهت للطريق جت بتطيح وحست بيد سياف اللي تمسكها ناظرت له وكان قريب منها مره ناظرت لعيونه السوداء اللي كانها سارقه جمال الدنيا كلها كان سياف يناظر بعيون تنوف ، وتنوف تناظر بعيونه ، سياف حس بنفسه وبعد يديه عن تنوف بسرعه وهو يتنحنح،
سياف: ذي ثاني مره من شفتش فيها تطيحين وامسكش
تنوف نزلت عيونها للارض وهي متفشله : اسفه
سياف ناظر فيها وهو ماكان ينتظر اسفها : على وش ؟ ترا ماسويتي حاجه تلزم الاسف فيها
تنوف رجعت ناظرت بعيون سياف
سياف ناظر فيها وهو مستغرب منها ومن جراتها لو بنت ثانيه بمكانها كانت هربت بسرعه ماجلست تناظر عيونه بكل تدقيق
تنوف : عادي تلبس ملابسك ولا عاجبك تضل كذا؟
سياف بستغراب : مب كانش داخله غرفتي وشلون تبغيني البس؟ وانتي موجوده
تنوف وهي تستوعب : هاه طيب بطلع
طلعت تنوف من غرفه سياف والخجل ماكلها ماتدري ليه بكل مره تحط نفسها في موقف محرج
سياف ضحك ضحكه خفيفه ولبس ثوبه وطلع من غرفته ( سياف ماكان له بالعاده يستخدم غرفته بس تروش بحمامه عشان متعب لا يزعجه كلشوي )
سعود: سياف تاخر
خالد : فعلا ما اذكر انه ياخذ وقت لما يتروش
متعب بتأفف: قلت لكم خلوني ازعجه كلشوي مارضيتو
سياف بتنهيده : حتى وانا اتروش مب مخليني بحالي
رائد : احمد ربك مسكنا متعب بالغصب لا يزعجك
خالد : الا تعال شعندك ماتروشت معنا صباح ؟
سعود : يتروش بالوقت اللي يبيه شعندك انت
خالد :سعود انت ماعندك شغله ثانيه غير محامي دفاع ماغير تنط لنا بكل كلمه
متعب : صدق
سياف : خلم كلامكم لوقت ثاني خلونا نلحق الاسطبل
سعود : فعلا بجيب مفتاح سيارتي (راح سعود يجيب مفتاح سيارته)
خالد. توقعت سياف اللي بيسوق
متعب : حتى انا
رائد : متعب وش وضعك اليوم تتفق باي حاجه نقولها
متعب: قلت اهجد شوي يمكن تحبوني وتوافقون اصير اخوكم الكبير
رائد بضحكه: يووو انت للحين تفكر فالموضوع
متعب: خلوني اخوكم مابتندمون صدقوني
خالد : الا بنندم وبنعض اصابعنا العشره ندم بعد
جت لهم وديان وهي تضحك هييي لحظه وين ذالفين؟
رائد : ذالفين؟
سياف مسك اذن وديان : ماقلت لش تقصري لسانش الطويل؟
وديان بتافف : ياخي سياف انت ليه قاتل المتعه مايكفيني سعود والهنوف؟
سعود جا من وراها وهو يقول : وش قلتي توش
وديان : قلت احبك ياشيخ علني فدوه لك وانا اختك
سعود بعدم تصديق: اها انجزي وش ودش؟
وديان : احبك وانت فاهمني
خالد ضرب وديان بخفه وهو يقول : انا قايل وديان ماتبي تتمصلح لا لا مب من عادتها
وديان : خلك ساكت انت لمهم سيافي سعودي
متعب: لا انتبهو سعودي وسيافي لياء التملك واضح الشغله فيها مصلحه
وديان : ذا المقصد من الياء احب عقلك ياشيخ
متعب : لا شكرا خلي عقلي بحاله ابغيه
وديان: من زينه عاد لمهم لو سمحتو ودنا نتعشى بيتزا وانتم راجعين جيبو بيتزا وعلى حسابكم وقد ماتقدرو كثرو ولا تنسو البيبسي وابيه دايت عشان رشاقتي
رائد : ياوجهه الله دايت وبيتزا وشلون بتضبط معش ذي؟
وديان : مالك دخل يلا مع السلامهه لا تنسون البيتزا اكرهم قصدي احبكم (ركضت للبيت بسرعه قبل تعطيهم فرصه يوافقون او يرفضون)
خالد : امحق وش هالبنت
متعب: لحين سؤال البيتزا يصنعونه من لحم دجاج صح؟
رائد : ياليل ذا مب راضي ينسى الدجاجه خلها بحالها خذت حسنات على قد ماتكلمت عنها
خالد وهو يلبس نعوله: اخر واحد يوصل للسياره هو حمار وركض بسرعه
رائد : شف الحيوان؟
متعب : اركض بسرعه
رائد ومتعب بلشو يركضون حتى لا يبقون اخر ناس
سياف بتنهيده: وش بلانا فيهم؟
سعود بنفس التنهيده: الله اذا احب عبد ابتلاءه
سياف : ونعم بالله بس ذولا ثلاث بلاوات مب بلاوه وحده
متعب وهو يصارخ : سياف سعود تراكم اخر اثنين اركضو قبل تصيرون حمير
سعود بضحكه : نتسابق؟
سياف ناظر سعود وضحك وقال: واحد
سعود : اثنين
سياف : ثلاث وبلشو ركض بسرعه
وخالد ومتعب ورائد يشجعونهم
خالد بضحكه: يلا بسرعه اركضو
متعب: سيافف اسرعع كفو
رائد : سعوود شد حيلك
كانو البنات يناظرون من الشباك ويضحكون
اعتام بضحكه: من بيسبق من
وديان : احس سعود
تنوف : احس سياف
هتان : سرعتهم قريبه من بعضها
الهنوف : اتوقع تعادل
، سياف وسعود كانو يركضون ووصلو بوقت واحد
متعب باسف: كان عندي فضول اعرف من الحمار فيهم
خالد : وش عندك انت وهو تتعادلون؟ ضيعتم حماسنا
سياف : اسكت بس نتسابق كلنا بالخيل ونشوف الحمار عاد
سعود فتح باب السياره وهو يركب : والله اخرتكم كلكم حمير وانا الفايز
سياف فتح باب السياره وركب قدام جنب سعود وهو يقول : لا تحب اذكرك اني الفايز عليكم كلكم دوم
سعود: بنشوف اليوم ياحلو
سياف بضحكه ثقه وبكسر خشمك بعد
متعب وهو يصفق: علقت علقت بين الاخوان
خالد بضحكه: متعب ياغبي وش فيك ناسي
متعب بستغراب: ناسي وش؟
خالد بضحكه: ترا سياف وسعود اخبل عني وعنك وعن رائد بس اخر اسبوعين مدري شفيهم عقلو
سعود بضحكه: لا ابشرك ماعقلنا بس فصلاتنا تجي بوقت عكس فصلاتكم
رائد : ايه اذكر قبل كم يوم خالد محارشني وسعود كمل معه يحرشوني
خالد وهو يناظر لسعود: ومن وراه جلس رائد يركض نص السوق ورانا وهو متوعد فينا لولا اتصال اخوي حسن كليناها
متعب وهو يستوعب : ايه والله لانهم عاقلين هاليومين نسيت للحظه انهم خبلين بعد
سعود وضحك وقال بتغير الموضوع: يلا بحرك السياره ،،،،،،،، حرك سعود سيارته والكل يسولفون
وحاطين اغنيه لنانسي عجرم
صح صح وقف كل القاعدين
وارقص ارقص واختار ترقص
مع مين دلع دلع دلع كل
الحلوين دلع كل الحلوين
شكلها سهره صباحي والكل
هيفضل صاحي
وكان خالد ورائد يرقصون ويستهبلون ومتعب معهم
وسياف وسعود اللي كانو يضحكون يشاركونهم من فتره لفتره
ضحك سعود وقال: اخر مره بخلي متعب يمسك الاغاني
سياف بضحكه: اقول ترانا رقصنا معهم لا نسوي طالعين منها
خالد بضحكه: اشكرك على صراحتك ياسياف
متعب بضحكه: بس رقصتكم كلكم اعترفو
رائد بضحكه: انشهد
سعود: يلا وصلنا تفضلو انزلو
خالد :طرده محترمه ونزل من سياره
سعود ضحك وقال يلا الباقي وراه بلا مطرود
نزل رائد ومتعب وهم يضحكون ونزل من بعدهم سياف
سعود صف ونزل وحصلهم مبدلين ملابسهم دخل
وبدل ملابسه والكل لبس ملابس الفروسيه واركبو خيولهم
سياف : سعود عد انت عشان محد منهم يغش
سعود : تمام واحد اثنين ثلاث اربع خمس
وابتدو يركضون بخيولهم سياف كالعاده سبقهم وصار فالمقدهه
رائد : لا حول ذا دايم سابقتا
رد متعب اللي كان يركض ورا رائد : ونحن كعادتنا نفس الترتيب بالركض
خالد : احمد ربك انت وهو مدري ليه انا دايم اخر واحد فيكم
رائد : شف سعود هو الوحيد اللي قادر يلحق مستوى ركض سياف
خالد : اقولكم البلا شكله من خيولنا
متعب : جربنا غير خيولنا ونفس نتيجه بس غيم وبرق خيول سياف وسعود سريعه
رائد : الافضل نخليهم يتسابقون لمره جاي بغير خيولهم
خالد : خليناهم يجربو قبل كذا نفس النتيجه
متعب : وين اختفو؟
خالد : ياوجهه الله شكلهم سبقونا
رائد ضرب خيله حتى يسرع اكثر والباقي المثل
سياف كان اول الواصلين كعادته وبالمركز الثاني سعود والثالث رائد والرابع متعب والخامس خالد
ضحك سعود وهو يقول : اتوقع عرفنا من الحمار
خالد : اسكت انت وياه
( نروح للديره عند الشياب )
كانو جالسين في مجلس ابو سلطان ومعاهم سلطان ابن ابو سلطان اللي هو ابو ريفان و الجد عبدالله وعياله ومعهم شيخ الديره ابو عمر
ابو عمر: أن شاءالله بنفرح بعمر قريب
الجد عبدالله : أن شاءالله يا ابو عمر عمر ولدنا كلنا
ابو عمر ببتسامة: والله يالجد عبدالله ويا ابو سعود عمر ولدي مايبطل مدح بعيالكم يحب سياف وسعود ورائد وخالد ومتعب بالحيل كليوم يسولف لي عنهم
ابو متعب ببتسامة : ومن بنته بتخطب له؟
ابو عمر: افكر في بنت خالته عنود مناسبه له وشكله يحبها الا متى بنفرح بعيالكم؟
سلطان ابو ريفان ببتسامة: الريم تو يا ابو عمر عشرين سنه اتمنى يجيها النصيب بس احس ما ودي ازوجها لحين
ابو سعود بستغراب : وشدعوه يا ابو ريفان زوجت ريفان وعمرها عشرين
سلطان ابو ريفان بضحكه: ريفان راكزه وقد مسؤوليه والريم حساسه وطايشه وتحب المزح والرجال يبي له زوجه تكون راكزه وتتحمل طبعه
ابو سعود: ايبالله ولهالسبب بعدني مازوجت عيالي
الجد عبدالله بضحكه : من يتزوجون يعقلون وانا لو علي زوجتهم كلهم واولهم خالد
ابو متعب بضحكه: عاد خالد صار ثلاثين سنه وللحن طايش
ابو تنوف: خلوهم بحالتهم هم بقد مسؤوليه ماشاءالله عليهم وتوهم لاحقين على الهموم
الجد عبدالله بضحكه : يستقبلون همومهم بضحك ومزح افضل من انكسارهم
ابو سلطان : ايبالله ياابو مشعل صدقت
وديان بمللل : بنات تكفون خلونا نرقص ونستهبل ونستانس
اعتام : ايوه صدق بنات
هتان : لحظه ادور اغنيه
شغلت هتان اغنيه وابتدو يرقصون عليها
البنات عكس تنوف اللي كانت تناظر من الشباك تنتظر رجوع سياف مشتاقه له وهو ماله كثير بعيد عنها
تتذكر شكله وشعره مبلل وملامحه ووجهه ابتسمت بحب
الهنوف لاحظت خروج تنوف عن جوهم وراحت لها : تنوف فيش شي
تنوف قالت لا شعوريا: احس اني بديت احب سياف صدق
الهنوف بستغراب وصدمه: احلفي
تنوف انتبهت من اللي اعترفت لها وتمنت الارض تبلعها
الهنوف ضحكت وقالت : لا تخافي مابعلم حد
تنوف تنهدت براحه وقالت بحراج : انسى اللي قلته
الهنوف ببتسامة : ابشري بس لا تفقدين الامل( قالت الهنوف كذا لانها تدري ان تنوف بقلب سياف بس ماقالت لها عشان لا يعصب سياف منها)
هتان : وش تسوين انتي وهي تعالو ارقصو معنا
تنوف ببتسامة وهي تركض لهم جيتكم
الهنوف شاركتهم هبالهم بضحك
ام سعود وام هتان وام تنوف جالسين بالغرفه الصغيره ومعهم ام ريفان جايه عندهم
ام ريفان : عاد يقولون انها اخيرا حملت بعد ست سنوات
ام سعود : الله لا يحرم حد الذريه الصالحه يا ام ريفان
ام ريفان والباقي ردو امين :
(نرجع للرجاجيل)
اذن العشاء والعيال طلعو من الاسطبل
ودخلو اقرب مسجد صلو وبعدها راحو يجيبون البيتزا اقترح متعب يمرون محل عصائر يشربون عصير ويرجعون البيت سياف خذ هو ورائد عصير برتقال
عكس خالد وسعود اللي اخذو موز وحليب متعب خذ عصير بطيخ وحركو سياره متجهين للديره
البنات ما اتعشو منتظرين البيتزا
والحريم كانو يغسلون المواعين من العشى
الشيبان بالحوش يسولفون ويتقهون
دخلو الرجال وسلمو على الشيبان
سياف : سلام عليكم
الجد عبدالله : وعليكم السلام ياولدي
جلس سياف صوب جده وهو يسولف له
والجد عبدالله يضحك وهو مستانس (سياف وسعود هم احب احفاده له وبذات سياف)
ومتعب ورائد وخالد جالطين الكل وابو سعود منجلط منهم وماسك نفسه عنهم
البنات خذو العشى وتعشو وخلو لا اخوانهم عشانهم ماتعشو ووديان ماسكه البيتزا وهي تتراقص بفرحه واستعباط والكل يضحك عليها
،، تاخر الوقت وصارت الساعه عشر ابو سعود قام وهو يضرب بعصاته على الارض معلن وقت النوم
والكل راح ينام وابو تنوف وافق ان تنوف تنام في بيت عمها الليله ، والبنات طايرين فرح خذو تنوف واعتام وعطوهم من بيجاماتهم وفرشو بغرفه هتان
سياف كان له فتره مب مرتاح ترف ماتلعب زي اول ولا تزعجهم وهاديه ونادر مايطلع لها صوت راح عند غرفه امه وابوه ودق الباب
ابو سعود وهو مستغرب من بقى صاحي من عياله بهالوقت: مين؟
سياف : انا سياف يبه امي صاحيه؟
ابو سعود بستغراب: ايه بس وش تبغى بهالوقت وانا ابوك
ام سعود وهي تقوم من سريرها: خله يا ابو سعود بشوفه
فتحت الباب ام سعود ببتسامه وهي تقول : هلابك ياولدي
سياف: يمه ترف عندكم؟ دورتها ومالقيتها وخواني يقولون تنام عندكم من فتره
ام سعود بستغراب : ايه يمه ترف هنا وش بغيت؟
سياف : لي فتره ما اشوف ترف تطلب منا نوديها البقاله ولا لها وجود فالبيت ونادر ما اشوفها حتى وقت نتجمع
ام سعود بتنهيده : يايمه ترف تعبانه بس
سياف بستغراب وخوف : ليه وش فيها؟
ام سعود : لها فتره تجيها حراره تطلع وتنزل شوي بالصباح تكون بخير وشوي لا
سياف : وليه ماعلمتينا نوديها المستشفى؟
ام سعود: شفتكم مشغولين وانا امك اخر فتره
سياف : ناديها لي
ام سعود بقله حيله: ترف يمه تعالي
ترف جت وهي تترنح وماسكه الدميه الارنب حقها
سياف انحنى لها وشاف فيها حراره حملها وقال يمه باخذها تنام عندي
ام سعود بقلق : يايمه خليها اهتم فيها
سياف : يمه انا بهتم فيها انتي بتصحين وبتشوفين شغل البيت وانا من اصحى باخذها المستشفى اتطمن عليها
ونحن خمس كل شوي حد فينا يصحى ويتطمن عليها
ام سعود بقله حيله: طيب ياولدي انتبهو لها بجيب لك ادويتها
سياف : تمام ،،،،،،،،،، اخذ سياف الادوياء حقت ترف وهو حاملها واتجهه لغرفتهم
سعود وهو يناظر ترف اللي شايلها سياف بيدينه : عسى ماشر وش فيها؟
سياف : تعبانه وفيها حراره
سعود بقلق : وانا اقول شفيها مختفيه وما اشوفها ليه ماعلمونا من بدري
متعب : الافضل نوديها المستشفى
خالد : صدق خطر نخليها كذا
سياف وهو خايف اكثر منهم : يمه تقول ان حرارتها تطلع وتنزل ننتظر كم ساعه لو ماتحسنت نوديها المستشفى بسرعه لمهم بتنام الليله عندنا وكل ساعه حد فينا يتطمن عليها
رائد قام من مكانه بقلق وقرب فرشته من فراش سياف والكل سؤو نفس الشي عشان كلهم يكونون قريبين من ترف ، سياف نزل ترف على فراشه وغطاها ترف كانت تعبانه ونامت بحضن سياف ، سعود والباقي كلهم خايفين على ترف كلهم كانو ملاحظين هدوء ترف اخر فتره بس حسبو انه طبيعي لانها طفله تجيها فتره تكون هاديه وفتره تصير قرده ، وديان فتحت باب غرفه اخوانها بدون تدق الباب بدرعمه وخوفتهم كلهم من طريقه فتحها للباب ودرعمتها
رائد : وجع وديان وش تبغين؟
سعود: ماتعرفين تفتحين الباب زي العالم والناس ؟
سياف : ليه مادقيتي الباب وشوله هالدرعمه ترا كلنا عيال كيف تدرعمين كذا
وديان بحراج : اسفه اسفه بس جيت اقولكم لو ودكم تطلعون معنا تسهرون بالحوش سوينا لكم كيكه وفطيره الليمون لسياف وسعود وحلا
خالد وهو يتذكر توه : اها صح سويتونه الصباح
متعب وهو يقوم بحماس: السالفه دام فيها كيك جاي اول واحد
رائد وهو يقوم من مكانه : انت اصلا مايمديك ماتكون اول واحد
ضحك خالد والباقي وقامو يروحون للحوش الخلفي
سياف قبل يطلع ناظر لترف وقاس حراراتها شاف مافي حراره وترف نايمه بامان تطمن وراح يجلس معهم
كلهم جالسين بالحوش والجو برد شوي
قام رائد ومتعب يشبون النار والكل كان جالس
الهنوف كانت تقطع الحلا والكيكه والفطيره وتوزعها على الكل وخالد يصلح الشاهي جلسو كلهم صوب النار
رائد : قربي من نار لا تمرضين ونبتلش فيك
هتان ناظرت برائد وقالت : مالك دخل واذا مرضت بمرض انا انت وش بيكون لك دخل؟
رائد : بيكون لي دخل اننا كلنا بنبتلش فيش
هتان بغيض : كيفي ابتلش تستاهل
رائد : بكيفش انتي اللي بتمرضين
وديان : بس اعقل انت وهي
خالد : شف من يتكلم متى صرتي عاقله ؟
وديان : من اليوم ابشرك
متعب : عز الله قامت القيامه
الكل ضحكو
وديان بمكر : الا سياف وش رايك في الفطيره؟
سياف ببتسامة: تسلم يديش يالهنوف تجنن
وديان بضحكه : لا مب الهنوف اللي سوتها
سياف بستغراب : اجل مين؟
وديان بمكر: حرمتك تقول ماودها رجلها ياكل من يد غيرها
تنوف نزلت عيونها للارض بخجل وغيض من وديان
والباقي مسكو ضحكتهم
وسياف ناظر لوديان بشر وقال: عاشت يديش تنوف
تنوف بخجل: تعيش ايامك
وديان ضحكت وقالت: الا صدق
الكل بستغراب وش ؟
وديان بشر اكثر : تنوف اجلسي جنب رجلش شوفي هتان و رائد كل مره يجالسين جنب بعض مع انهم توم وجيري
سياف طير عيونه في وديان
وخالد قال بشر : ايه صدق اجلسي جنبه
سعود فهم قصدهم وقام من مكانه
تنوف حست بقلبها ينبض بسرعه من فكره انها تجلس جنب سياف
رائد: هاه تنوف لا تقولي انش تستحين
اعتام بضحكه: لا لا ماعليك لحين تقوم
قامت وديان ومسكت يد تنوف وسحبتها
تنوف انشدت من مكانها بسبب وديان اللي ماسكه يدها
وجلستها جنب سياف ،،، سياف يناظر وديان ويتوعد فيها
تنوف كانت شوي وتموت من خجلها
سياف ناظر فيهم وحصلهم ماسكين ضحكتهم ،، سعود كان ماسك ضحكته وشاف نظرات سياف لهم اشر له انه ماله دخل ،،،،وسياف فهم وابتدو الكل يسولفون وتنوف واعتام صارو يمونون عليهم والكل يضحك
الهنوف بضحكه: اليوم وديان فيها طاقه رقص غريبه
وديان بضحكه: اييههه ليوم كله اتراقص
خالد : شسالفه اليوم يوم الرقص العالمي ولا شسالفه؟
اعتام : ليه رقصتو انتو بعد؟
هتان : اما عاد
رائد بضحكه: ماغير نتراقص في السياره حتى سياف وسعود رقصو
البنات ناظرو بصدمه وسياف وسعود انحرجو
خالد بضحكه: تبون تشوفو صورتهم عشان اذلهم
رائد فجر عيونه بصدمه هو ومتعب وسياف وسعود
سعود: ياويلك
خالد مسك جواله وفتح الفيد وارسله للبنات
رائد ومتعب وسعود وسياف صارو يطاردون ورا خالد يحذف الفيد قبل يوصلهم ، بس مالحقو ووصل الفيد لتنوف وهتان اللي كانو الوحيدتين اللي يملكون جوالات من البنات
وديان بضحك: ماشاءالله نانسي عجرم بعد
رائد والباقي ركضو بسرعه يحذفون الفيد من جوال تنوف وهتان ،،،،
تكلمت سعود وهو يتنحنح : احم احس تاخر الوقت
سياف : خلونا ننام تاخر الوقت ماباقي للفجر شي
الكل وافقو وراحو ينامون والعيال خذو جوال خالد وحذفو الفيد ،،،
سياف قرب من ترف وشاف لو عليها حراره وكانت بخير تطمن وغمض عيونه وبنسبا للباقي نامو بعد بسرعه
تنوف كانت منسدحه وهي تدور الفيد العيال صدق حذفوه من جوالها بس هي قبل ياخذون جوالها ارسلته لرقمها القديم ، ابتسمت وهي تشوف الفيد وتشوف رقص سياف اللي كان حلو وضحكت من رقصهم
اعتام ببتسامة وهمس : الواضح انه ماخذ عقلك
تنوف بصدمه: هاه
اعتام ضحكت وتكلمت بهمس عشان لا تصحي البنات : لك فتره تعيدين المقطع وكلشوي تقربينه من صوره سياف وهو يرقص
ضحكت تنوف وقالت بهمس: احس اني طحت خلاص
اعتام : واضح من نظراتك له حتى نظراته لك حب ترا
تنوف : صدق ؟؟
اعتام : اي والله واضح في عيونه الحب يوم كنتي جالسه بعيد كان يناظر فيك كلشوي ويوم جيتي جنبه توتر وحاول يضبط نفسه لا ينفضح
تنوف ببتسامة : تحسين انه ممكن يحبني؟
اعتام بضحكه: ايه وليه لا ؟ تراك تنحبين وش زينك وبعد ناسيه اني ادرس علم نفس
تنوف ضحكت وقالت: اعتام احبك
اعتام ببتسامة كلها حب: وانا احبك
تنوف غمضت عيونها وهي مبتسمه
واعتام سحبت اللحاف وغطت نفسها
كان الجو هادي وهدوء بالديره كلهم
نايمين ومحد صاحي بالديره
ننهى البارت لهنا