ماطلبت عذرك أنا نفسي عزيزة

Part : 1

في الديره| تحديدأ في الاسطبل |
نزل سياف من خيله  بضحكة خفيفه ونطق بثقه  : قلت لك ماتغلبني
سعود : محد يدري لو ماجرب صدقني بيجي يوم وبتدري إن الله حق وبهزمك بعد ،
رفع سياف حاجبة وقال : وأنا أخوك لو تتحداني من هنا لباكر منت بقدي
سعود جا بيرد بس قاطعه صوت رائد اخوهم  اللي كان يركض وينادي عليهم بصوت عالي ، ويوم وصل عندهم كان جالس يلهث ويحاول يتكلم بس لهاثه مخليه يتاتا:  ي..يبه..يق..ول
نزل سعود بسرعه من فوق خيله ومسح على ظهر رائد بحنيه :خذ نفس وتكلم بعدها
جمع رائد أنفاسه وقال  :يبه يقولكم جدي رافض يفطر بدونكم يحتاريكم وانتم تاخرتم وأرسلني لكم حتى أقولكم ارجعو لحينه علشان تفطرون معنا وبعدها نروح للعزبه
ألتفت سعود لسياف :سياف اسبقني انت ورائد برجع الخيول وبلحقكم
سياف : زين لا تبطي علينا ، برجع مع رائد مشى أمسك مفاتيح سيارتي
رمى سياف مفتايح سيارته لسعود اللي خذاها وقال: أن شاءالله ما ببطي

في بيت عائلة الجد عبدالله | عند الحريم | بالمطبخ
الهنوف بستغراب  : مامن عاده سياف وسعود يمه يتاخرون عن الفطور يدرون بي جدي بيزعل عليهم ،
أم سعود : يابنيتي تحصلينهم ماحسو فالوقت ولا تدربي سياف وسعود مايهون عليهم جدهم
الهنوف ببتسامة : صدقتي يمه ، وديان لو جهز البيض حطيه فالسفرة مابتلقينهم الحينه  الا جو ميتين جوع
وديان: يعني ماحصلتم غير البيض اقليه ماحب ريحه البيض أنا
الهنوف :ومن طلب منش تحبينه ؟
قلبت وديان عيونها بتافف وناظرت الهنوف :هنوف انتي ودش من يهبدش ؟
الهنوف : الله يهديش بس
وديان: امين ويهدي جميع
أم سعود :يابنيتي أنتي وهي خلاص ترا كبرتم ماعدتم بزارين تتهاوشون  كل شويه
ناظرو وديان والهنوف بعضهم وكملو شغلهم ، دخلت ترف أختهم الصغيره للمطبخ وهي تركض : بابا يقول حطو الاكل الكل جاء
أم سعود ببتسامة: زين يمه . تروفه حبيبتي لا عاد تركضين فالمطبخ لا يطيح عليش الزيت ولا حاجه  
هزت راسها ترف بالإيجاب وأبتسمت وديان ومسحت  على شعر ترف بحنيه : يلا حبيبتي الحينه بجيب البيض
ابتسمت ترف ورجعت للباقي وبعدها حطو الحريم الأكل على السفرة وجلسو كلهم يفطرون ،وكانو من المتواجدين  ترف وسياف وسعود ورائد والهنوف ووديان وأم سعود وأبو سعود وخالد والجد عبدالله
بعد ماشبعو كلهم  لمو الحريم السفرة ، وراحو العيال يبدلون ملابسهم وبعدها راحو للعزبه يشوفون شغلهم (شغلهم هو عبارة عن بيع الخواريف وزراعه الخضروات وبيعه وبيع حليب البقر وبيض الدجاج والنياق والى أخره ، الجد عبدالله طبعا على حكم سنه يجلس فالعزبه ويناظرهم بس ، علشانه ما يحب جلسه البيت )
أبو سعود :ياعيال أبو سلطان يبي ذبيحه حد يوصلها له لباب بيته
وقف سياف وهو ينفض ثوبه  :أبشر يبه بروح الحينه بختار الذبيحه وبوصلها له أن شاءالله ،
سعود  : زين اجل انا بحلب البقر ورائد بيقطف الخضروات وبنروح للسوق بعدها نبيعه " بحلق رائد عيونه بـ سعود بصدمه وقهر لانه ترك عليه قطف الخضروات
ونطق أبو سعود : زين أجل على بركه  الله يلا شوفو شغلكم  وانا بشوف البيض وبجمعهم وبحطهم في حوض السياره ومن تخلصون خذوهم وامشو للسوق
ردو العيال : أن شاءالله
وبتدأ كل واحد فيهم  يشوف شغله ، سياف كان يدور ذبيحة مناسبة وحصلها وراح بعدها ذبحها و خذها يوصلها لبيت أبو سلطان ، اما رائد كان جالس يقطف الخضروات وحاس بتعب وجالس يتوعد بـ سعود ويتحسب عليه ، بنسبا لـ سعود كان يحلب الأبقار ومن خلص حلبهم خذ الحليب وحطه في الحوض وحصل أبوه حاط البيض في حوض السيارة من قبل ذ وبعدها بشوي جا رائد وهو ماسك اول صندوق فيه طماطم ،
سعود غمز لرائد وضحك : يالله رائد وشلون الخضروات معاك بشرني ؟
رائد :والله لا اردها لك يالوصخ
قاطع عليهم صوت سياف وهو يقول توم وجيري مايعقلو هالإثنين والله
سعود :حسافه والله ان توم وجيري اثنين بس نسو يحطونك معنا لو أنهم حطونك بتكون تحفه ياولد صدقني ،
رائد :لا لو بنكون ثلاثتنا سوا بنكون ثلاث فيران انا وانت وخالد وتوم  بيكون سياف ( وضحك ) انفجر سعود من الضحك هو ورائد ،
وعطاهم سياف نظره هجدتهم الإثنين : يلا يا توم وجيري أنت وهو بجي معاكم السوق وصلت الذبيحة وما عندي حاجة
رائد :خير توك تقول توم وجيري ولحين ناشب لنا وش هالنشبه ؟
سعود :حدك على أخوي يالورع أنت
رائد :ترا حتى أنا أخوكم ومعاكم في كرت العائله وش ذا التمييز ياشيخ !
سياف ضحك وقال : اركب أنت وياه خلونا نشوف حلالنا بعدها ندور الورع خالد من أفطر معنا هج بعدها مدري وينه به ،
هزوا رائد وسعود راسهم في الإيجاب وركبوا السيارة وحركوا ثلاثتهم للسوق يبيعون الخضروات والفواكه والحليب والبيض للتجار إللي بالسوق