ماطلبت عذرك أنا نفسي عزيزة

Part : 19

_______________
    < تقديم في الاحداث >
باقي على سباق الخيل يوم واحد
_______________

رائد وخالد خذو هتان و تنوف  و وديان
يوصلونهم لمدارسهم 
نزلو هتان لجامعتها بذات ان اليوم اول يوم لها في جامعه
وديان و تنوف اللي كانو بنفس الاعمار كانت ذي اخر سنه لهم ثانوي  ومن حظهم كانو بنفس الصف  وكراسيهم قريبه
هتان نزلت تتعرف على جامعتها وكانو اكثر من جامعه جنب بعض تنهدت انها بتكون وحدها شافت وحده من بعيد جايه لها ابتسمت من عرفتها
هتان : الريم وشلونك
الريم ببتسامة:  لحمدلله بخير وانتي وشلونش هتان
هتان : بخير لحمدلله تدرسين هنا؟
الريم بضحكه: ايه ياقلبي شفتش  من بعيد وعرفتش
هتان : توه بدري على محاضرتي وانتي ؟
الريم: حتنا
هتان: اجل ودك نطلع كوفي نسولف ؟
الريم بحماس: اعرف واحد هنا يجنننن
هتان : اجل يلا نروح له بعتمد على ذوقك
الريم بثقه: افا عليش بس لو ماعجبش بشرد عنش
هتان : حيوانه انتي
الريم بضحكه: اطلق حيوانه صح؟
هتان بضحكه  : طبعا
الريم: لا داعي لا داعي للمدح ادري ادري
هتان ضربت الريم بخفه: اذلفي من وجهي
الريم بغباء: وشلون اذلف عن وجهش وانا بجي معش؟
هتان : اهخخ ياربي ناقصه غباء على صباح
الريم: لا تكلميني زعلت
هتان : افا ومن بيدلني على الكوفي؟
الريم: انا
هتان: اجل شلون لا اكلمك ياحماره
الريم : هاه مدري  راضيني
هتان : اقول شوي بعد وبصدق انك تزعلين من صدق
الريم ضحكت ومسكت يد هتان وهي تركض فيها  للكوفي القريب
وديان و تنوف جالسين في الصف والملل فيهم عالي
يسمعون الشرح بتملل
وديان خذت ورقه وكتبت فيها الستاذه شكل شعرها كانه مكنسه ورمتها لا تنوف اللي قرتها ومسكت ضحكتها
الستاذه شافتهم وقالت بعصبيه وديان تنوف وش تسوون؟
وديان قمطت ام العافيه:  هاه هاه لا  ولا شي
الستاذه سحبت الورقه من تنوف وقرت المكتوب وتنرفزت: انتي وهي اطلعو برا الحصه وبكلم ولي امركم
تنوف و وديان طلعو برا الحصه ووقفو على جدار
تكلمت تنوف بخوف: الله ينكبك يا وديان وش الدبره الحين
وديان بخوف: نحط رقم سياف؟
تنوف : سياف  بالرياض وش بيسوي لنا؟ واساسا او درا بيجلدنا
وديان : اجل خالد
تنوف : خلاص تم
( نروح للسطبل في الرياض)
سياف جالس يتدرب قبل سباق اللي ماباقي له الا يوم  راكب خيله الاسود وهو يركض فيه ويتجاوز الحواجز
سعود واقف ورا السور وهو يناظر في سياف ومبتسم
حس بشخص وراه وناظر لورا وشاف ندى وماسكه بيدها كوبين شاهي
ندى ببتسامة :صباح الخير
سعود : صباح النور ندى
ندى مدت الكوب اللي بيدها لسعود
سعود خذاه منها ، قربت ندى من السور وهي تناظر سياف وهو يتدرب : بكرا السباق مدري وشلون عدى الوقت
سعود شرب شوييه من الشاهي اللي بيده وقال وهو مركز نظره على سياف: المركز الاول ان شاءالله
ندى: ما اشك بذي الحاجه
سعود اكتفى في ابتسامه
ندى بتردد : كيفك سعود
سعود : لحمدلله بخير وانتي اخبارش؟
ندى:   دوم لحمدلله بخير
سعود : عسى دوم
ندى: بترجعون الديره بعد سباق بيوم صح؟
سعود : ايه
ندى  بستغراب: شفيك
سعود : وش
ندى: مدري ردودك مختصره ومركز نظرك على سياف وانا اكلمك
سعود ناظر فيها وقال : ابد بس ....
استغرب من سمع صراخ سياف ولف بسرعه
شاف سياف اللي كان طايح على الارض وفيصل وناصر يركضون له ، رمى الشاهي اللي بيده وطاح على ملابسه واحترق بس ما اهتم لحراره الشاهي اللي غطى ملابسه وراح يركض بسرعه لا اخوه
سعود بصراخ وهو يركض لسياف : سياف سياف وش فيك
سياف : انا بخير تطمن
سعود : وش صار؟
ناصر: طاح من الخيل
سعود بستغراب: وشلون سياف ماعمره طاح
فيصل ناظر للمكان وهو يتفحصه : الحاجز ماكان مركب عدل والواضح انه  سياف شرد وماتمسك عدل بالخيل ورجول الخيل صدمت في الحاجز
سياف بالم: ساعدوني اقوم
سعود مد يده لسياف  حتى يقوم بس سياف صارخ  بالم 
من حاول سعود يقومه
سعود بخوف : سياف وش فيك ؟
سياف بالم: يدييي يديي ياسعود
فيصل انحنى للارض بستغراب وهو يمسك يد سياف اليسار  ويتفحصها وسياف يصارخ بكل مره يمسك فيصل يده
سعود بعصبيه: فيصل ابعد يدينك ماتشوفه يتالم؟
ندى : فيصل وش طلع؟
فيصل: الواضح كسر
سعود بصدمه: وش تقول  انت  ؟؟؟؟
ناصر : سعود هدي  اعصابك فيصل دكتور لو ناسي
سعود بخوف: خلونا نوديه المستشفى
فيصل: سعود حاول تشيله بحذر لا تقرب من يده
سياف : ترا يمديني اقوم من نفسي ماله داعي تشيلوني
فيصل : طيب بنحاول نقومك بشويش طيب ؟
سياف : طيب
حاولو يقومون سياف اللي كان متالم بالحيل
        وخذوه للمستشفى
     جالسين وهم ينتظرون الدكتور
طلع الدكتور وقال : لحمدلله ماكان ضرر كبير بس بنجبر له يده
سعود بخوف وقلق : طيب كم بتضل يديه مجبره؟
الدكتور: مايقارب ثلاث اسابيع
ناصر: السابق بكرا وش بنسوي ؟
الدكتور بستغراب: اي سباق؟
فيصل: سباق خيل نحن مدربين
الدكتور: لا ما يصير يده متضرره اقل شي يقعد ثلاث اسابيع مايحركها ولا يجهد نفسه
سعود: أن شاءالله
ابتسم الدكتور وراح يشوف باقي المرضى
سياف طلع من غرفه الفحص وهو متالم من يده
اليسار
قرب سعود من سياف وقال بحنيه: سلامتك ياضلع اخوك عساه فيني ولا فيك
سياف : بعيد شر عنك وش ترطم به انت ( انتبه سياف لملابس سعود وقال بستغراب: وش فيها ملابسك؟
سعود وهو يتذكر : ابد مافيها حاجه ياقلبي
ندى: طاح الشاهي عليه
سياف بقلق وهو يبعد الملابس عن سعود وشاف الحرق اللي كان بيده قال بخوف : تعورككك؟؟؟؟
سعود ماكان منتبه للحرق اللي بيده من خوفه على اخوه ولا حاس فيه : لا ماتعور  تطمن ياضلعي
فيصل قرب من سعود ومسك يده وهو يتفحص الحرق : لحمدلله الحرق ماله بكبير لحين نشتري له مرهم حروق وفتره ومابيضل له اثر ان شاءالله
سياف تنهد براحه : اجل يلا نشتري له المرهم
فيصل: تمام يلا
نزلو يشترون مرهم لسعود وادوياء مسكنه لسياف
ركبو السياره وجا سياف بيسوق
سعود بخوف: يدك يالغبي
سياف انتبه وهو يقول : حتى يدك فيها حرق
سعود : بس مب بكسر
ندى : خلاص انا بسوق
فيصل : وش مافي رجال ؟ انا وناصر موجودين ترا
ناصر : فيصل سوق انت وندى اركبي قدام انا وسياف وسعود بنجلس ورا
فيصل: تمام
ركبو كلهم في السياره ووصلو ندى للسطبل رجعت خذت سيارتها
وتحرك ناصر يسوق سياره فيصل
وفيصل يسوق سياره سياف ،،،، وسعود وسياف جالسين ورا  تحركو للفندق وخذ سعود مفتاح السياره وطلع لغرفته هو وسياف ،، سعود حط المخده ورا ظهر سياف وضبط له جلسته حتى ماتوجعه يده
جلس جنب اخوه وهو قلقان: مرتاح كذا؟
سياف ببتسامة: ايه ياعين اخوك تطمن
سعود : تعورك يدك
سياف : مب بكثير
سعود حس بضيق وهو يقول: جعل الالم لقلبي ولا فيك
سياف بضحكه: هدي ترا الالم خفيف وبعيد شر عنك
دق باب الغرفه وراح سعود يفتحه
حصل ندى واقفه عند الباب قال بذهول هلا ندى بغيتي حاجه؟
ندى : ممكن اكلمك شوي ؟
سعود وافق ووقفو برا الغرفه يتكلمون
ندى : وشلون صار سياف
سعود : لحمدلله احسن
ندى : لحمدلله سعود
سعود: هلابش؟
ندى: وش فيك متغير؟
سعود : مافيني حاجه
ندى: متضايق للحين ترا اس.. ماخلاها سعود تكمل جملتها وقال : ندى ؟ بسالش سؤال تحسين  انه وقت هالكلام؟ ومن قال من الاساس اني زعلان علشانش ؟  ايه اعترف احبش بس مب وقت هالكلام لو الموضوع تعلق بسياف أتناسى الدنيا كلها ولايفرق معي حد حتى لو احبش دام لسالفه فيها اخوي ولو انجرح طرف اصبعه بس ماعاد بهتم لشي ثاني ولو بنتكلم عن الموضوع اللي ببالي وبالش احب اخبرش اني اتمنى لش السعاده والخير وبنسبا لا اسلوبي طبيعي وعادي واعاملش زي ما اعامل اي حد من خواتي او الحريم ولو كان لش اسلوب غير عنهم ذا من حبي لش لا اكثر ولحين لموضوع يختلف بحاول اشوفش صديقه واخت وياليت لا تفتحين هالموضوع ثاني مره ولو جا فبالش تفكينه فكيه يوم يكون سياف بخير لانه بالي بذا الوقت مع سياف  وماهو بمعش ولو خلصتي كلامش الله ييسر لش مع السلامه
قفل سعود الباب وترك ندى وحدها وراح يتطمن على سياف
ندى جلست مصدومه من كلام سعود ماكان سعود اللي تعرفه تجمعت الدموع بعينها وهي تدري ان الخايفه منه صار خسرت اللي اعتبرته اكثر من اخ وقت تتضايق تفضفض له ووقت تحتاجه تطلب منه المساعده
مسحت دموعها وراحت لغرفتها
سياف ناظر في سعود وقال بهدوء: ليه قسيت على ندى؟
سعود عرف ان سياف سمع كلشي ابتسم وقال : ماقسيت بس الموضوع مب بوقته وانت بذي الحاله
سياف : سعود انا بخير
سعود : بس اخوك مب بمتطمن عليك حتى تنفك اللي بيدك ولوقتها ما ابي يكون عندي شي يشغلني غيرك
ابتسم سياف وقال: تبيني هم  زياده على همك  ؟
سعود عقد حواجبه بنزعاج: ومن قال انك هم على قلبي؟ انت زي العسل على قلبي  مايهمني بالدنيا شي كثرك وانا اخوك ولو بنتكلم عن الحب مايسوى  الحب شي قدام ظفر اخوي ولا  حد من اخواني
سياف  اكتفى في ابتسامه وحاول يعدل جلسته
سعود بخوف : وقف انا بعدل لك جلستك لا تسوي حاجه خلك مرتاح
سياف بتنهيده: لا تخاف لهالدرجه
سعود: بطلب من الريسبشن  وش ودك تشرب ؟
سياف : قهوة
سعود ناظر ليد سياف وقال: تحتاج تغذيه وانت تبي قهوه؟
سياف : سعود تكفى وش هالوضع شويه بعد بحس اني بزر
سعود بضحكه: اسمع كلام اخوك الكبير
سياف بتنهيده: خلاص يابابا تفضل جيب لي اللي تبغيه
سعود ابتسم ورفع السماعه وهو يطلب اربعه قهوه وواحد عصير جزر
سياف فتح عيونه بصدمه: لمن اربع؟ وليه عصير جزر ماحصلت غيره؟ ما احبه
سعود بضحكه: بس يالبزر حتى ترف ماتشتكي من الاكل زيك انت ورائد لقهوة لي ولناصر وفيصل ومتعب
سياف بتنهيده: طارت هيبتي والله لو بتضل تعاملني كاني بزر
سعود : عاد ذا اللي اشوفه لو تبي صدق
سياف : ياليل اذلف افتح الباب من ساعه يدق وانت مب بسامعه
سعود: صدق قله حيه مافي احترام للاخ الكبير
سياف : كلها سنتين يالمريض
متعب وهو يصارخ من ورا الباب: لمتى بندق الباب ترا اصواتكم واصلتنا تهاوشو وقت ثاني
سعود: وصلو المزعجين
سياف : اذلف افتح لهم الباب
سعود : زين
راح سعود يفتح الباب ومتعب يتحلطم
ناصر بخوف :سفسف وشلون صرت
سياف رفع حاجبه بنزعاج : سفسف بعينك كم مره قلت لك لا تدلع اسمي
ناصر : حيوان انت فوق مو اني خايف عليك
سياف : ماشاءالله خايف علي وجاي تجلطني ؟
متعب : سيافي ماعليك منه
سياف : كملت معي جا الثاني
متعب: افا ياولد العم
فيصل تنهد وراح جلس على الكنب
ولحقه سعود وخلا سياف ومتعب وناصر يحارشون بعض
( نروح للديره عند تنوف و وديان )
جا خالد يشوف وش المشكلة بعد ماجاه له اتصال
من مدرسه تنوف و وديان
دخل لمكتب المديره  وجلس وهو يناظر في وديان و تنوف اللي كانو واقفين بخوف
المديره: انت ولي امرهم؟
خالد : ايه انا
المديره : وش تكون لهم؟
خالد : عمهم
المديره: اها تمام اسمعني يا استاذ
خالد  رد وقال : خالد
المديره: تمام يا استاذ خالد انت تدري بان ذي سنه اخر سنه لهم ثانوي ؟ صح
خالد : اينعم ادري
المديره: يمديك تقرا ذي الورقه
مدت المديره الورقه لخالد حتى يقراءها
خالد قراءها ومسك ضحكته وقال بجديه: تنوف وديان وش هالكلام؟
المديره : هالمره بنعديها لهم ثاني مره بنفصلهم اسبوع وياليت مايتكرر اللي صار اليوم
خالد : خلاص تمام أن شاءالله مابيكررونها صح وديان وتنوف ؟
تنوف و  وديان ردو: ما بنكررها
خالد :وديان تنوف اطلعو برا شويه
تنوف و وديان ناظرو في بعض في استغراب وطلعو برا ينتظرون خالد
خالد تكلم مع المديره بجديه: اتمنى اللي صار اليوم ما ياثر على درجاتهم
المديره : لا مابياثر بس المره الثانيه بفصلهم اسبوع
خالد : خلاص تمام مشكوره
المديره:  العفو سجلنا رقمك عندنا يا استاذ خالد بحاله اصدر منهم اي شغب
خالد : أن شاءالله
المديره: بس ياليت لو تترك لنا رقم شخص ثاني نتواصل معه بحالت لو انشغلت
خالد : تمام سجلي عندش
المديره بدت تسجل عندها الرقم الاحتياطي
وطلع خالد من مكتب المديره
وجو البنات عنده بقلق
تنوف : وش صار
خالد بضحكه: وش وضعكم انتي وهي من اول يوم مصيبه؟
وديان بخوف: خلووود تكفى لا تقول لرائد وسياف وسعود وربي بيذبحوني
خالد : مابقول لحد لموضوع بيضل بينا ثلاثتنا بس لا تكررونها عشان لا تتوهقون وتوهقوني معكم
وديان و تنوف تنهدو براحه
وخذهم خالد معه  يرجعهم البيت
رائد كان مستغرب من خالد اللي طلع فجاء بدون لا يقول له شي تنهد وكمل شغله ماكان باقي له شي بالعزبه
عبدالمحسن وحمد وعمر ساعدوه وخلصو شغل بدري وراحو يشوفون اشغالهم تنهد رائد وراح يشوف جده وابوه
الجد عبدالله وابو سعود وابو تنوف جالسين في العزبه
وهم يسولفون تقدم منهم رائد وهو يقول انه خلص شغله 
الجد عبدالله بستغراب: وين خالد وانا جدك؟
رائد : عنده شغله ضروريه قال بيسويها ويرجع
ابو سعود: دام كذا يلا نلحق نتوضى قبل ياذن الظهر
راح الجد عبدالله وابو سعود وابو تنوف و رائد
يتوضؤن ويتجهزون لصلاه الظهر
خالد وصل تنوف لبيتها ووصل وديان للبيت وهو متفق معهم لو حد سالهم وش رجعهم بدري يقولون ماكان عندهم ضغط مره اليوم
من بعدها راح يلحق الصلاه
( نروح في بيت عائله الجد عبدالله)
ام سعود وام هتان جالسين بالحوش
يقرون قران بعد ما صلو الظهر
الهنوف جالسه تسوي الغداء و وديان تساعدها
الهنوف : وش جابش بدري ؟
وديان : تدرين اول يوم وكذا مافي ضغط كثير
الهنوف ناظرت وديان بطرف عين: احلفي ؟ احلفي بس
تبغيني اصدقش ؟ اعرفش لا كذبتي
وديان بضحكه: تصدقين مالي قادره امسك لساني وما اقولش تعالي تعالي اعلمش وش صار
الهنوف بستغراب : وش  صاير
وديان بدت تشرح اللي صار للهنوف
الهنوف شهقت بصدمه: ياويلي  من اول يوم لكم مسوين مصيبه يويلكم من يبه و الجد عبدالله  بس
وديان : اهجدي اهجدي معلمتش علشان تسترين علي مب تروحين وتصيرين جريده اخبار الديره
الهنوف : بستر عليش بس ماتتوبين انتي ؟
وديان : لا تاكليني بقشوري الا وين ترف
الهنوف : ايه صدق حصلت حمامه الصباح مجروحه وجالسه تلعب معها
وديان بحماس : احلفي
الهنوف : والله
وديان تركت الهنوف تحضر الغداء لوحدها وراحت
تركض لترف تشوف الحمامه
الهنوف بتنهيده: ذي ماتعقل الله يهديها بس
وكملت الهنوف تحضير الغداء لوحدها