ماطلبت عذرك أنا نفسي عزيزة

Part 61

"تسريع بالاحداث يوم زواج سعود "

الصباح | بالحلاق عند سعود والعيال |
دخل سعود للحلاق ومعاه سياف واقف بجنبه اليمين ورائد بجنبه اليسار ،
خالد : حييي عيين المعرس
ضحك سعود وناظر الحلاق : ضبطني يامديرر ( التفت سعود لـ سياف وابتسم له وهو يهمس : اول ولد بيكون سميك،
ابتسم سياف ونطق : ياحظ حرمتك بك يالضلع يوم انها كسبت رجال قلبه يسوا الدنيا ومن عليها (ابتسم سعود وحب راس ونطق : والله يا سياف ما اقدر اقول حاجه عنك غير ياحظ تنوف فيك وبحبك لها ( رد له سياف بسرعه وحب راسه ،،
متعب بلقافه وهو يتدخل بينهم   : علموني شتقولون سيافي اكيد اشتقت لي لا داعي للاحراجات ادري ،
تنهد سياف بنفاذ صبر: كنت مرتاح يوم انك كنت بتركيا
ضحك عمر واشر لسعود يجلس بكرسي الحلاق : تعال يامعرسنا تعالل هنيا خلهم يضبطونك ،
ضحك سعود وقال وهو يجلس على الكرسي  : سم
مسك متعب يد سياف وسحبه يجلسه على الكنبه: سيافي اقعد جنبي سولف لي اعترف بمشاعرك لي وانك تحبني ( وحط يده على خده وتربع وهو يناظر سياف بتامل وهو عارف انه راح ينهبد من سياف،،
ناظر سياف متعب وفكر بفكره حط يده على كتف متعب : اقعد عدل وبعلمك ، (ناظرو العيال لهم بصدمه وجا عبدالمحسن يتفحص جبهه سياف : انت طيب؟
خالد بستغراب وهو يطالع فيهم: علامك سياف ؟
تكلم متعب اللي كان مستغرب اكثر منهم: سيافي تكفى اهبدني لا تصير حنون كذا
سعود بضحكه : القط يحب خناقه
لف حمد على سعود وهو يضحك : سبقتني
ناظرهم سياف بطرف عين ونطق : علامكم ؟ عادي ولد العم وطلب مني طلب ومابرده ،
جلس متعب نفسه وتربع : ارجع سيافي الاول تكفى
رائد بضحكه  : يادلخ استغل الفرصه
كشر متعب وقال  : لا ابي سيافي الاولي
ضحك سياف بخفه وهبد متعب : وانت مصدق قم افلح عني بس .
ضحك متعب بوناسه : الله سيافي رجع
عمر وهو يطالع بمتعب بصدمه: صدق من قال القط يحب خناقه
رفع سياف يده وهو يقول بصوت عالي: ياصديق  ضبط اخوي اليوم عرسه نبيه يغطي على المعازيم
الحلاق : طيب طيب  بابا  ،( طلع حمد برا الحلاق يجيب شي من موتره ونطق عبدالمحسن : وين راح حمد؟
عمر ناظره وضحك : الظاهرر ياعيال الجووع واصل حده حمد جاب الغداء  لهنيا
ضحك خالد وناظر عمر : حمد جايب غدا ؟
هز راسه عمر  بالايجاب وهو يضحك ونطق خالد : والله انه يفهم  ياشيخ كلنا على لحم بطننا من صبح ( ضحكو العيال كلهم وضحك معهم سعود اللي انتبه  فجاءه لنظرات سياف له وقدر يفهمها وابتسم بخفه( كانت نظرات سياف فيها الفرحه واضحه بعيونه  وكان بعيونه كلام كثير قدر يفهمه سعود بسهوله ،
متعب كان يناظرهم وفاهم نظراتهم لبعض وقال بتغير للجو بينهم : سيافي عاملني بطيبه واحساس ودلعني قدام الناس ،
ضحك عبدالمحسن وناظر متعب بصدمه : من شويه عاملك بطيب واحساس قلت له يرجع سياف الاول
جا حمد وبيده اكياس اكل : ياعيال من وده يتغدا تراني  ميت جوع ،
رائد: ميت جوع اكثر عنك كلنا مب متغدين ،
ناظر حمد حواليهم ونطق  : بس ياعيال ماتحسون غلط ناكل وحنا بالحلاق ؟
عبدالمحسن: لا تحس حبيبي تاكد كله شعر وين بناكل
خالد :اصلا من الي قال بخليكم تاكلون هنا ناوييت تقرفوني انتم نطلع برا اكيد وناكل
رائد: بس برا قوايل
متعب : لا شف بيت الشعر ذا ندخل فيه ياصديق ذا حق من ؟
الحلاق:حق انا اقعدو فيه مافي مشكل
سياف وهو يكلم الحلاق   : ضبط الدقن وحدده ولا تقرب صوب الشنب وحدد الشعر ،
متعب وهو يضحك : وسوي  لصقه خشم
ناظره سياف بطرف عين ونطق  : اركد ياولد ،
ابتسم سعود وطالع بسياف الي ناظره  وابتسم وقربو اثنينهم  روسهم من بعض وهمس له سياف : معرسنا اليوم يومك سو الي تبيه وابشر بي انا بدفع عنك
دخل متعب راسه هو ورائد وخالد بينهم وقال : شتقولون علمونا؟
خالد : ياخي بدون غموض شتتكلمون فيه؟
رائد:سعود اذا جاك عيال سمهم خالد ورائد ومتعب
طالعهم سعود بطرف عين ونطق : فرحان فيكم انا ؟ اسمي عيالي عليكم تخسون والله  اول ولد لي بسمه سياف الحاضر يعلم الغايب فيكم
رائد : عنصريه حتنا اخوك
خالد : ما عليك منهم بكرا متعب يجيب سميك وانا بجيب سمي متعب ونسحب عليهم ذولا الاثنين ( ضحك رائد وناظر خالد بـ متعب اللي توتر من نظرات خالد : اكيد معجب فيني اكيد ( سكت خالد ثواني وهو يناظره وبعدها لف لللعيال : ياعيال
عمر : سم ؟
وجع خالد يوجه نظره لمتعب وقال : ماتحسونه يشبه شمشون؟ ( ضحكو العيال كلهم ونطق عبدالمحسن وهو يضحك :الظااهر ياعيال  انها بدات فصله خالد
سياف بتنهيده  : اهجد من ولا من فيكم انا ؟ اركد يا خالد ،
تكلم متعب بتمثيل الزعل: لعد تكلموني زعلت ،
سياف ببرود : الي يزعل من كيفه خله لين الدنيا تراضيه
متعب : شدعوه سيافي تراني احبك
سياف بنفاذ صبر : لا تحبني
ضحك سعود وناظر متعب : هي خير ابعد عن اخوي
الحلاق :صديق مافي تحرك عشان اخلص انته ،
حمد: اللعبب يالغيره ابعد عن اخوي اجل ؟ ( ضحكو العيال ونطق سياف بحده: حدكم على اخوي انت وياه وياه
خالد : هيا خذلك تكلم  محامي الدفاع الثاني ( سكت خالد وبعدها نطق بتفكير : ياعيال
عبدالمحسن: ياعيون العيال ؟
سعود : اسحب عيوني وعيون سياف منكم ،
ضحك سياف بخفه وطلع له سيقاره وهو يولعها ويسحب نفس منها ونطق بهدوء  : سعود بعد ماتخلص سيدا للبيت تروش واجهز واخلص وانا  لاحقك ، وانتم ياعيال تروحون للخيمه تشوفون الناقص وتعطوني خبر ،
متعب باعتراض : لا سيافي بجي معك انا اكيد اشتقت لي
طالع سياف فيه وهو يرجع باكيت الدخان لمخباه والسيقاره لازالت بفمه : وشرايك تفكني شرك؟
سعود بستغراب  : حمد وراه صوتك مختفي
حمد ضحك وقال : ابد بس اشوفلكم وانتظركم تخلصون حتى نطلع نتغدا ميت جوع والله ،
عمر : سياف سعود  ماودكم تتغدون معنا انتم؟
سياف ببرود: لا ماودي ،
سعود: وانا ما ودي ، ماتاكل انت ما اكل انا ،
خالد بتنهيده: ناشبين لبعضكم حتى وانتم تاكلون ،
ناظره سياف بطرف عين ونطق : وانت وشعليك
حمد ضحك وتلفت حوله بستغراب : الا متعب وعبدالمحسن وين اختفو؟
عمر تلفت يدورهم بعيونه ونطق بستغراب  : وينهم ذول قبل شوي كانو هنا(ماكمل عمر كلامه الا بـمتعب وعبدالمحسن يراكضون ورا بعضهم ويكبون على بعضهم مويه ورغوه الحلاقه ،،
سياف بتنهيده  : صبرك يارب ( وصارخ عليهم صرخه هجدتهم :ماتهججددوون انتممم ؟؟؟
متعب : سيافي
سياف بحده : ولا اسمع لك حس ،
تنحنح سعود وهو يتدخل بالموضوع وقال  :روق يالضلع ماعليك منهم ،
عبدالمحسن: بس سياف هوا بدا
سياف بعصبيه  : قلت ولا حرف (ووجه نظره لرائد وخالد وحمد وعمر : وانتم اطلعم تغدم دامكم جيعانين ( ناظرو العيال ببعضهم وطلعو بسرعه كلهم بدون لا يقولون شي خوف من ان سياف يحط حرته فيهم هم بعد وسحبو معهم عبدالمحسن ومتعب )
سعود : مب كانك شديت عليهم شويه ؟
ضحك سياف بخفه وهو يناظر سعود : وذا المطلوب ابي اعلمك بشي ولا قدرت قدامهم ، 
ابتسم سعود بستغراب ونطق : تفضل ياضلعي
تنهد سياف تنهيده طويله ونطق : انا داري باني مانيب الشخص اللي المفروض يقول لك هالكلام وادري بانك انت اخوي الكبير ماهوب بـ انا ، بس خذها نصيحه وانا اخوك وانا داري بانك ما تحتاج توصيات ، بس انت هالحينه ياسعود بتبدا مرحله جديده بحياتك وبتدخل بحياه جديده مع حرمتك بتتغير عليك اشياء واجد واولها بانك مابتصحى على وجه  خالد  ولا بتصحى تحصل اثنين يراكضون فوقك وباذن المولى ربي يرزقك بعيال وحط اعتام بعيونك ، اولا لانها اخت خوينا وثانيه لانها طيبه تستاهل كل خير ، انتبه لها  وحطها بعيونك تراها امانه برقبتك قبل انها تصير حرمتك تذكر بانك ملجئها ورجلها احتويها مهما كانت ظروفك واشغالك ليا منها طلبتك ، تموت الاعذار وانا اخوك وتنقضي الاشغال وتقصر المسافات ، تراها يالضلع بتكون شريكتك بحياتك لا تسمع لـ حد عليها اسمع منها ومن غيرها بنفس الوقت  اسمع لـ اكثر  من طرف وافهم السالفه عدل و اياك ثم اياك ترفع يدك عليها مهما كان غلطها الضرب بعمره ماكان وسيله من وسائل الفهم التفاهم والموده بينكم هي الي تمكن علاقتكم واخر شي اقوله يابختها فيك ،
ابتسم سعود من كلام اخوه ووصاته ونطق  : افا ياضلعي توصيني؟مايحتاج وصاه اعتام بقلبي قبل عيوني ياجعلني ماعدمك ولا افقدك باضلعي ،
الحلاق : خلصنا صديق نعيما ،
سعود : الله ينعم عليك ، سياف شرايك نروح للبيت ونخلي باقي العيال يحلقون ،
سياف: ذا الي كنت بقوله ( حلق سياف بسرعه وراحو هو وسعود للبيت وجو خالد ومتعب ورائد وحمد وعمر وعبدالمحسن يحلقون وخلصو هم بعد وتوجهو للخيمه اللي بيسؤون فيها عرس الرجال يشوفون النواقص،