الرواية حصري ممنوع نسخ الرواية بتاتا أو نشرها في أي بيدچ أو جورب أو مدونة هعمل ريبورت.
اللهم أرحم أبي وأغفر له وأسكنه فسيح جناتك.
اللهم أجعل قبر أبي روضة من رياض الجنة.
الفصل الخامس
رحمة بصدمة:أتجوز مين ؟
شريف بتكرار:يحيي أبني.
رحمة برفض:لا طبعا أنا مصدقت أني اخلص من الجوازة العناية أنا مش حابة أتجوز عايزة أكمل تعليمي وأبدأ من جديد.
شريف بأسي: أسمعيني يا بنتي الأعمار بيد الله وأنا خايف اموت ويحصلي حاجة هسيبك تقعدي تاني لكن لما تتجوزي يحيي هطمئن إنك في ضل راجل هيصونك.
رحمة بحزن:ربنا يطول في عمرك وإبنك ابن عمي أكيد هيخلي باله مني وأحنا ولاد عم .
شريف بتهكم:تفتكري ؟ الدنيا تلاهي يا بنتي وأنتي كده كده هتتجوزي ليكمل بمكر شوفي أنتي لما تتجوزي دكتور وإين عمك وكمان هتعيشي في مستوي تاني خالص وأكيد مش هيمانع تعليمك.
رحمة بحيرة:بس أنا مش حابة أتجوز تاني خلاص.
شريف بهدوء:تفتكري ينفع ؟ هتأجلي الجواز سنة وأتنين ومسيرك تتجوزي فكري براحتك يا بنتي.
نحمدو بتأكيد: بصراحة الباشا عنده حق يا بنتي وهتبقي في ضل راجل يحميكي من مرعي والي زيه.
سيد بغيظ:متوافقي يا أختي أنت لاقية.
شريف بتحذير:سيبها علي راحتها يا سيد.
رحمة بتردد:طيب هو أبن حضرتك عارف ظروفي.
شريف بتردد:أيوة وموافق ليكمل بتوتر بس أنا هخليني صريح معاكي هو خاطب وبيحب خطيبته بس هيكتب كتابه عليكي ويتكفل بكل حاجة تخصك لكن الجواز هيبقي في السر.
لتنتفض رحمة بعدم تصديق:أنت بتقول ايه لا طبعاً مش موافقة علي الكلام الفارغ ده ؟
شريف بهدوء:فكري براحتك يا بنتي معاكي لغاية ما عدتك تخلص وجوازك من يحيي ده أفضل حل شوفي أنتي عايزة أيه وأنا معاكي بعد إذنكم.
سيد بلهفة وهو يقوم بتوصيله:خطوة عزيزة يا باشا نورتنا ليغلق الباب خلفه ويعود لرحمة بغيظ: تفكري في أيه يا روح امك أنتي تطولي ؟
نحمدو بغيظ:أسكت أنت سيبها علي راحتها لتمسد علي ظهر رحمة بحنان:فكري يا بنتي والي شايفاه صح أعمليه.
لتهز رحمة رأسها بشرود وتنهض بوهن تتجه لغرفتها.
لينظر سيد لزوجته شزرا:أيه يا ولية بدل ما تقنعيها.
نحمدو بغيظ:أقنعها بأيه أنها هتبقي زوجة في السر.
سيد بنفاذ صبر:أيه يعني تبقي في السر يا أختي مش أحسن من ما تتجوز بلطجي ؟
نحمدو بحيرة:عندك حق بس نسيبها علي راحتها بردوا.
سيد بغيظ:طيب يا أختي خليها قاعدة جنبك…
…………
تتناول إفطارها مع شقيقها بشهية وتلذذ لتردد بنهم: بصراحة أكلك تحفة يا سيف تسلم إيدك إلي يشوفك ميقولش إنك راجل أعمال ؟
سيف بحنان: عشانك أنتي يا حبيبتي عندي إستعداد أعمل كل حاجة بس تبقي مبسوطة .
نهلة بحب:ربنا يخليك ليا يا سيف لتصمت بتفكير سيف أيه رأيك أختارلك أنا العروسة عشان نبقي متفقين أنا وهي؟
سيف بضحك:يا راجل معنديش مشكلة بس أنا مش حابب أرتبط في الوقت الحالي.
نهلة بحماس :طيب ما تجرب كده يمكن تعجبك ؟
سيف بحيرة :غيرتي رأيك ليه ؟
نهلة بحماس:أصلي نويت أجوزك واحدة من صحابي.
سيف بتفهم:أه طيب مش وقته نأجلها شوية.
نهلة بترجي:عشان خاطري يا سيف هيبقي أنا وصحبتي سوا ونعمل كل حاجة سوا.
سيف بنفاذ صبر:حاضر يا حبيبتي.
نهلة بحماس:اوريك صورهم ؟
سيف برفض:لا طبعاً هيبقي أجيلك وأشوفهم علي الطبيعة مينفعش توريني صورهم .
نهلة بحماس: خلاص تعالي النهاردة.
سيف بهدوء :مش وقته يا نهلة.
نهلة بترجي:عشان خاطري.
ليتنهد سيف بنفاذ صبر:حاضر.
لتنهض نهلة بحماس وتضمه بحب وهي تصيح بفرح.
…………
في الحارة القديمة يجلس مرعي يحتسي قهوته ويشرب الأرجيلة وعيونه مسلطة علي منزل رحمة فهو يجلس منذ الصباح ولم تخرج حتي الأن وأيضاً سيد لم يظهر بالحارة لينظر حوله ليجد فتحي صديق سيد يلعب الطاولة مع أحد الرجال لينهض من مكانه ويتجه له.
لينظر فتحي له بهلع :نعم يا سيد المعلمين أؤمرني؟
مرعي بإقتضاب:سيد صاحبك فين ؟
فتح بحيرة:مشفتوش النهاردة يا معلم .
ليضيق مرعي عينه بتساؤل:يعني مخرجش قدامك ؟
مرعي بنفي: لأ يا باشا مشفتوش.
ليبدل مرعي نظره بين فتحي والمنزل ليتجه سريعاً للمنزل ليتنهد فتحي براحة:أه يا أنا قلبي كان هيقف .
صديقه بضحك:شكله هيطلع يجيب سيد من قفاه.
فتحي بشماتة: يستاهل خلينا نكمل لعب.
في الأعلي.
يطرق علي الباب بعنف دون فائدة وهي ينادي سيد دون فائدة ليتراجع للخلف ويقوم يركل الباب بقدمه ليفتح الباب ويدخل يبحث عنهم في المنزل ليجد ملابسهم غير موجودة ليتحدث بتوعد:بقي كده يا موزة ماشي صبرك عليا أنتي والزفت سيد ليترجل للأسفل سريعا وينادي رجاله ويتحدث بأمر وهو يشير علي فتحي:هتولي الكلب ده بسرعة.
ليقف فتحي ويتحدث بفزع:والله ما عملت حاجه.
ليأخذوا إحدى الرجال جرا من ملابسه كالفأر المبلول وهو يسب ويلعن بسيد ومعرفته……
بعد ساعة.
يسقط فتحي أرضاً وهو يحاول التقاط أنفاسه والدماء تنزف بغزارة من كافة أنحاء جسده.
لينحني مرعي ويلتقطه ويضع يده علي عنقه ويتحدث بشر:سيد فين ياله ؟
فتحي بوهن:والله ما اعرف آخر مرة كان معايا لما شوفتنا سوا وبعدها مشفتوش تاني.
مرعي بغل:صاحبك ساب البيت وراح فين أتكلم وبلاش الكلام الفارغ ده لهنقرأ عليك الفاتحة النهاردة .
فتحي بنحيب:ورحمة أمي ما اعرف الله يخرب*
يتك يا سيد الكلب يا بيه كل الي اعرفه أنه جه بيه كبارة راكب عربية راح ركب معاها غير كده معرفش.
مرعي بتشكك:ومرجعشي بعدها ؟
سيد بحيرة:مشفتوش يا معلم والله تاني.
مرعي بتهكم:ويطلع مين الراجل الأبهة ده.
فتحي بزعر:والله ما اعرف يا معلم يمكن واحد عايز يتجوز البت رحمة ماهي زي القشطة.
ليكمل مرعي في وجهه بعنف ويتحدث بصريخ:يتجوز مين يا روح أمك ده أنا أروح فيكم فداهية ليركله في بطنه بعنف أنطق ياله هما فين ؟
فتحي بنحيب: والله ما اعرف.
أيه يا مرعي إلي بتعمله ده ؟
ليتوقف مرعي وينظر برجاله بأمر:أرموه في المخزن وشوفوا شغلكم.
ليقترب من والدته ويتحدث بهدوء:نعم يا أما عايزة أيه ؟
والدته بعصبية:أية إلي بيحصل هنا إن شاء الله مش كنا خلصنا من البنت النحس دي يا واد دي اتجوزت اخوك شهر وأتسجن هتتجوزها أنت راخر دي شوؤم.
مرعي ببرود:هتجوزها يا أما يعني هتجوزها.
والدته بغل: مش هتتجوزها فاهم ولا لا .
مرعي بتهكم:نفسي أفهم أنتي بتكرهيها ليه ومتقوليش عشان اخوك ومش اخوك البت من آول يوم دخلت بيتنا وأنتي مستلماها هو في أيه بالظبط ؟
والدته بتهرب:هيكون أيه أن شاء الله يا أخويا هي كلمة البت دي مش هتتجوزها عايز تتسلي بيها شوية من غير جواز ماشي ؟
مرعي بمكر:ماشي يا أماه هي فعلا آخرها كده بس أوصلها بس.
…………..
يقف في المدرج يقوم بالشرح لطلابه علي شاشة العرض ليطرق الباب وبعدها تدخل سلمي وتتجه له ليتوقف عن الشرح ليضم حاجبيه بضيق.
لتقترب سلمي برقة:صباح الخير يا حبيبي.
لينظر لها ثم إلي طلابه الذين يتابعون الحوار بتركيز ليتحدث بهمس:سلمي ممكن تروحي مكتبي وشوية وهحصلك ؟
سلمي بدلع:لا عجبتني فكرتك وعايزة أشوفك وأنت بتشرح زي زمان ممكن ؟
ليتنهد بضيق:أتفضلي أقعدي
لتبتسم بحماس :تمام لتجلس علي مقعده ليحرك رأسه بيأس ويكمل شرح لكن هيهات فلا تركيز لديه حتي طلابه تشتتوا وينظروا لسلمي التي تجلس علي المكتب وتضع قدم فوق قدم وتهزها بأريحية ليكمل شرح المسألة سريعاً وينهي المحاضرة ويبدأ الطلاب بالخروج.
ليتجه لمكتبه يضب أغراضه لتتحدث سلمي بتساؤل:أنت لحقت تخلص مش لسه بدري ؟
يحيي بتهكم: هو أنتي شايفة أنهم مركزين معايا أصلا ؟
سلمي بدلع وهي تعبث بأزرار چاكيته:أمال مع مين؟
لينزل يدها ويتحدث بحزم:سلمي قولتلك مش بحب كده.
لتنزل يدها وتتحدث بضيق:يوه يعني أنا جاية أصالحك وأنت تعاملني كده؟
ليتنهد يحيي بوهن:معلشي يا سلمي أنا أعصابي تعبانة الفترة دي.
سلمي بفضول:مالك في أيه ؟ قولي يمكن أقدر أساعدك.
ليبتسم يحيي بتهكم:أنتي بالتحديد يا قلبي متقدريش تحليها.
سلمي بحيرة:ليه مش فاهمة ؟
يحيي بحب:مش مهم يا سلمي متشغليش بالك وأنا مش زعلان منك يا ستي .
سلمي بفرحة:بجد؟
يحيي بحب:بجد يا قلب يحيي.
سلمي بحماس:طيب تيجي نخرج سوا النهاردة ؟
يحيي بأسف:أسف يا حبيبتي عندي شغل كتير وبعدين خارج مع يمني.
سلمي بتذمر:يعني هتخرج مع أختك وتسبني ؟
يحيي بهدوء:معلشي يا حبيبتي بس عيد ميلادها بكره وعايز أفجأها لو حابة تيجي معانا تعالي ؟
سلمي برفض:لا أنت عارف أني أنا وبمني مش متفقين .
يحيي بعتاب:الوضع ده مش عاجبني بس أن شاء الله هتتفقوا وتقربوا من بعض أكتر بعد الجواز.
سلمي بتهكم :أكيد……
……….
تجلس رحمة علي الرصيف بضعف فهي منذ الصباح تبحث عن العمل دون فائدة لتشرد في حديث عمها في الصباح وتحرك رأسها برفض فهي لن تكون زوجة بالخفاء مهما كلفها الأمر لتنهض من مكانها وتبدأ البحث من جديد.
.......
تبتسم نجوي بمكر وهي تنظر لإبنتها وضيقها لتردد بتهكم:متعصبة ليه يا سلمي هانم مش قولتلك؟
سلمي بضيق:مامي من فضلك أنا علي آخري بقي يسبني أنا عشان يخرج أخته ؟
نجوي بخبث:شوفتي بقي هتلاقكي إمبارح ودتيه مطعم غالي ولا حاجة وفلس لكن خروجة أخته هتلاقيها في مطعم كشري ولا حاجة ؟
سلمي بضحك:تصدقي عندك حق كويس إني مروحتش.
نجوي بتعالي:تروحي فين وتخرجي مع الاشكال دي ليه يا سلمي احنا لسه علي البر نفشكل الخطوبة وخلاص أنا لغاية دلوقتى مش مقتنعة إنك هتعيشي في شقة صغيرة كده وكمان من غير خدامة ولا شبكتك إلي كانت حتة خاتم سوليتير وطقم دهب بس.
سلمي بتذمر:يا مامي قولتلك بحبه.
نجوي بنفاذ صبر:يا حبيبتي الحب مش كل حاجة أفهمي بقي ؟
سلمي بدلع:يا مامي هدي نفسك وانا واثقه في يحيي وفي حبه ليا وأنه مش هيخليني أحتاج حاجة.
نجوي بتهكم:نفسي أعرف يحيي ده عملك أنتي وأبوكي أيه ساحر ليكم ؟
سلمي بضحك:بالظبط كده يا مامي…..
………..
يجلس يتابع عمله بتركيز شديد ليجد صديقه يقف جواره بضيق.
ليرفع رأسه ويردد بتساؤل:مالك يا سامح ؟
سامح بضيق:هيعملوا تنقلات جديدة في فرع البنك يا ياسين .
ياسين بتهدئة:وآية يعني ؟
سامح بغيظ:أنت بارد كده ليه عشان أنت ضامن أنك مش هتتنقل..
ياسين بهدوء:لا عادي ولا هتفرق هنا هشتغل وفي مكان تاني هشتغل أيه إلي مضايقك بقي ؟
سامح بغيظ:أنت عارف أني لسه مش معايا عربية والبنك هنا جنب البيت يعني يوفر مواصلات لما اتنقل أكيد هركب مواصلات وهتأثر معايا ومصاريف البيت والعيال مش بتخلص.
ياسين بتهدئة :إن شاء الله خير أهدي أنت بس.
سامح بضيق:إلي يضايق أن إلي هتيجي بنت لسه متخرجة بس يا سيدي أبوها يقرب لمدير الفرع.
ياسين بضحك:ده أنت عرفت الاخبار كلها يا أبني أهو.
سامح بغيظ:اضحك أضحك بكره تتجوز وتبقي زي كده.
ياسين بدعابة:بعد الشر عني يا أخويا…..
…………..
تجلس نهلة مع أصدقائها وكالعادة تقوم بمضايقة يمني لتجد هاتفها يرن لترد بلهفة:ألو أيوة يا سيف فينك طيب تعالي.
مريم بفضول:سيف أخوكي جاي؟
نهلة بحماس:أيوة.
ندي بهمس ليمني:تيجي نقوم نمشي.
يمني بهمس:ماشي.
لتنظر لهم نهلة بتهكم:بتتوشوشوا في أيه؟
يمني بهدوء:مافيش حاجة هنقوم نمشي مش اكتر.
نهلة ببرود: لا خليكم أحنا هنقوم لما يجي.
ندي بهدوء:زي ما تحبي.
بعد قليل يدخل شاب أنيق يرتدي بدلة أنيقة ويضع نظارة شمسية علي عيونه يتجه نحو شقيقته ويتحدث بهدوء: السلام عليكم.
ليرد الجميع :وعليكم السلام.
لتنهض نهلة تضمه بحب:نورت يا سيفو تعالي أعرفك علي صحابي لتشير علي اصدقائها دي مريم ودي سهي ودي فريدة لتنظر لندي ويمني بضيق ودي ندي ودي يمني.
لتبتسم بحماس تيجي نقعد في مكان تاني.
سيف برفض :لا خليكي مع صحابك أنا شوية وماشي.
لتنهض يمني وندي باستئذان :طيب نستأذن أحنا.
نهلة ببرود:مع السلامة.
لينظر قليلاً ليكي التي تنظر أرضاً بصمت تام منذ وصوله حتي لم ترد السلام.
ليتحدث بإحترام:لو وجودي مضايقكم خليكم يا بنات وأنا أمشي ؟
ندي بهدوء:لا ولا يهمك أحنا كنا هنروح يلا يا يمني.
يمني بإيجاب :يلا بينا.
ليجلس سيف لدقائق مع نهلة وأصدقائها لدقائق وبعدها ينهض فجأة:هعمل تليفون وراجع يا حبيبتي.
نهلة بحماس:تمام.
لينهض سريعاً ويتجه لخارج الجامعة وهو يبحث عن يمني وندي ليجدهم يقفوا بجوار شاب وتقف يمني في أحضانه ليتنهد بضيق ويعود لشقيقته مرة آخري …….
يتبع………
بقلم زينب سعيد القاضي.