وكان على وجهها الصدمة مما رأت فكان هناك دبابات ضخمة محطمة.... و اقفاص معدن تحتبس بها وحوش تقترب اشكالها كثيرا من البشر لكن بصورة ابشع فكانت نحيلة للغاية وطويلة القامة تخرج انيابها عند النظر لها.. تصدر اصواتا كالصريخ يصم الاذان لكن كالأستغاثة فعند النظر لهم تجدهم مرعبين ولكن الامر الاصعب انهم يتألمون.
اقتربت حلا من احد الاقفاص لتجد جسدهم ينكمش رعبا ويزداد صراخهم لتوجه نظرها نحو نوار : هو.. هو اي اللي حصلهم
نوار بجمود : ده نتيجة لأبحاث عملوها الارضيين علينا لما لاقوا مجموعات مننا بيقدروا يعيشوا تحت المياه عادي
استغربت حلا من سماعها لهذه الخطط : و المخلوقات دي بشر
لتومأ لها نوار : كانوا بشر واتحولوا زي ما انتي شايفه كده... حاولنا كتير نسترجع باقي قبائلنا لكن دول الوحيدين الناجيين من بطش الارضيين.. اتعاملوا معانا وكأننا عبيد.. لتنظر لها بأعين دامعه.. عشان كده خلقنا وحش يقدر يواجهكم وكمان بدأ يتطور لكن للأسف خرج عن سيطرتنا وعشان نقدر نخليه تحت طوعنا بشكل مؤقت سرقنا منه جوهرة الب المحيط والجوهرة دي اجتمع عليها سبع ملوك و وحدوا ممالكهم بس.. ظهرت اردوخان ومن بعدها سودا وبعد ما كنا قفلنا بوابة الغيباب من زمان رجعت واتفتحت للأرضيين من تاني
وحادثة اثينا خلتنا في حالة هلع... احنا خوضنا معارك كتيير عشان نفضل بس صامدين لتهبط بجسدها على الارض وتصرخ بوجع.. خسرنا غاليين كتير
اغمضت حلا عينيها من شدة التأثر لتمسك نوار بذراعها :
حلا انا عاوزاكي ترجعي بلدي... مش عاوزاها تنهار انا عارفه انك قد المهمة انا عارفه اننا غلطنا لما خلقنا الوحش ده لكن مكنش عندنا خيار تاني... ارجوكي ساعدينا لو وصل للجوهرة هيدمر العالم... بوابة الغيباب قربت تتفتح وساعتها هيتجه لعالمكم ومش هيحصل غير الدمار..
حلا بتركيز وهي تومأ لها : انا هحاول اوقفوا... بس انا ممكن اوصل للأرض وبأسلحتنا ممكن وقبل ان تكمل كلماتها قاطعتها نوار
نوار بيأس وهي تتذكر ما حدث : حاولنا نستنجد بالأسلحة الأرضية لكن... كان بيختفي اي حد بيروح للأرض ومش بيرجع.. مفيش غير قلة قليلة جدا رجعوا ومعاهم بعض الاسلحة المتطورة بس اتالانتا اتطور لدرجة انه قابل للنيران وبيستمد قوته منها... ومش بس كده اردوخان ضمته لوحوشها واصبح اقوى مع سحرها
تشتت من تخبط افكارها معا : اختي لسه بتكتشف قواها
نوار : متقلقيش... هتتحد مع الجوهرة في الوقت المناسب.
خرجت حلا بسرعه من الممر لتجد فهد منتظرها بقلق نظرت له بجمود : هنتحرك دلوقتي
فهد وهو يحاول ان يراضيها عما صدر منه ليلة البارحة : حلا.. انتي لسه مضايقة من كلامي.
حلا وهي تنظر في عينيه بجمود زائف : وهضايق ليه.. ممكن نخف كلام لأني معنديش طاقة ابص حتى في وشك.
فهد بصدمة لكن اطمئن قليلا فلطالما تخرج غضبها عليه يبقى لديه فرصة لإرضائها : ماشي يا حلا هصبر لغاية اما تهدي.
تجهز الجميع للخروج من القبيلة لكن اوقفهم سيف وهو يمتطي حصانه
سيف وهو يتحدث لفهد بخوف : فهد... خلي بالك من حلا
فهد بضيق منه : مش هتوصيني عليها اكيد.. انت بس خلي بالك من القبيلة كويس.. وحاول تراضي ضيوفنا لغاية اما نوصل... ليدخل العربة وبعدها يرحل.
ــــــــــــــــــــــــــــــــــــــــــــــــــــــــــــــــــــــــــــــــــــــ
وقفت نورا بداخل مدارها وهي تلهث بشدة... فلأول مرة تخرج قواها.
كان خالد ينظر لها بخوف بادي عليه : نورا انتي مش مضطرة ابدا تعملي كده
لتنظر له وكانت تنزل دموع كالدماء : انا هبقى كويسة ثم نظرت للجميع وتحدثت.. متطلعوش بره الدايرة دي و وجهت انظارها لآرابيلا... خلي بالك منهم لتومأ لها
خرجت نورا من المدار لتجد ان الأرض تنشق من حولها ترددت كثيرا بخروجها من الغرفة لكن عليها ذلك
اتالانتا قد وصل للداخل ليشتم رائحة الدماء البشرية فتندفع حواسه للهجوم الضاري... تجول بأنظاره نحو الغرف ليتوقف نحو طيفها الوواقف امامه بكل شموخ وقوة.
نورا بعيون تلتمع كثيرا كالنيران المتأججه القت بكلماتها عليه : يا من تمتلك قوة الطبيعه الاربعة اخضع لملكة الجوهرة وبعدها ارتفعت بها الارض لتقف مقابلة لوجهه وابتسمت بسخرية له بوم
حدث انفجار مدوي اهتزت له الارض.
كانت حلا اقتربت من قصر سودا فهي لديها شعور بأن اختها قد تكون هناك.... لتجد اهتزازة قوية..
صرخت حلا بالجميع اقفوووا... لترضخ لامرها الجيوش وبالفعل توقفت
نزلت حلا باندفاع من العربة لتجد نيران تندفع بقصر سودا وصوت صرخات قوية تهتز لها الاجساد من هول سماعها
اوقفها فهد بخوف : مش هينفع تقربي.
صرخت حلا به بغضب وحاولت دفعه : ابعد عنيي... اختي جوه انا متأكده.
نظر فهد للخلف وبصوت متحشرج : حاولي تستجمعي نفسك... اختك في امان هي ملكة لنصف الجوهرة واكيد هتحميها.
حلا بضياع : انا هروح اشوفها لازم اشوفها.
لتقاطع حديثهم وقوف منى امامهم بإبتسامة مشرقة
منى : شو كل هالرعب... مو كنتي عامله ما حدا بيقدر يقف ضدك... شو اللي صار.. اختك ضاعت.. وكله من ورا راسك..
اندفعت الدماء بعروقها.. وهبت صارخه : انتي ازاي هناا... لتصرخ بألم فكانت تعاني من صداع يكاد يفتك برأسها... ابعدييي عني اختي... نورا لتقع مغشى عليها
حملها فهد قبل ان تقع على الارض ثم نظر لمنى بغضب : غوري من وشي والا مش هيكفيني رقبتك
لتزدرد ريقها برعب من هيئته واختفت من امامه هاربة.
اتجه بحلا تحت شجرة ليحاول افاقتها تفاجأ بأن لديها حرارة مرتفعه.
فهد بقلق وهو يضرب بخفه وجهها : حلا فوقي.. حلا.. حاولي ترجعي.
ــــــــــــــــــــــــــــــــــــــــــــــــــــــــــــــــــــــــــــــــــــــ
وقفت بمنتصف بحيرة التفت حولها.. استغربت من كونها بهذا المكان. حاولت النهوض لكن شيء ما يعيقها.
استمتعت لذلك الصوت المألوف عليها لترتفع بأنظارها نحوه فتجد هيئتها الملائكية تطمئنها لتبتسم لها
اثينا بهدوء : حلا... قربتي توصلي لنهاية الرحلة..
حلا بإنهاك : انا تعبت خلاص.
اثينا : لسه قدامك كتير.. هتتعلميه.. كوني قد اللي هتشوفيه يا.. يا بنتي لتختفي بعدها.
نظرت حولها بهلع : ماما... ماما انتي فين... ادمعت عينيها.. ماما متسبنيش تاني انا محتاجاكي.
حاولت النهوض لكن وكأن الأرض كانت تبتلعها.. صرخت بألم فضاق تنفسها.. لتجد يد تمسك بها فتحت عينيها وجدته امامها.
ارتمت بحضنه بخوف وبكت بكاء يمزق القلوب : كلهم سبوني كلهم... حتى نورا... انا عاوزه نورا... مش... مش هقدر اعيش بعدها.
كان فهد حزين عليها ليربت على رأسها بحنو دافئ : انا معاكي... معاكي في كل وقت وفي اي مكان يا حلا... ليتفاجأ بنفورها وابتعادها عنه فجأة
نهضت حلا لتمسح دموعها : انا هروح لوحدي اتأكد انها مش هناك.
فهد : مش هيحصل..
نظرت له بتحدي : انا قولت هيحصل محدش يقدر يمنعني لتدفعه وابعد عن وشي شوف ست الحسن عاوزه ايه.
ابتسم فهد لغيرتها ليجري نحوها : طب استني يا قمر لحظة يا بنتي
كانت لا تنظر له وقفت فجأة امامه : انا عاوزه افهم حاجه واحده بس مدام شايفني مصلحش اكون زي البنات اللي بتشوفهم ليه كنت بتعاملني كده.. انا حسيت اني اتكسرت اوي.. حسيت اني كنت عايشه في عالم حلو اوي.. وفجأة كل ده اتبخر.. انت حسستني احساس حلو اوي وفجأة... احست بغصة قوية بحلقها لتقاوم بشدة ان تبكي او تظهر امامه بضعفها... انا مبقتش عاوزه اي حاجه غير اني اخلص من كل ده ممكن بقا تسيبني.
فهد وهو يحاول ان يشرح لها : حلا انا كنت متعصب
اوقفته بإشارة من اصبعها : انا فاهمه احساسك اوي لتمتطي حصانها... جهز الصخور النارية وتعالى ورايا... عارف هكون فين.
لتختفي من امامه بعد ان القت كلماتها.
ـــــــــــــــــــــــــــــــــــــــــــــــــــــــــــــــــــــــــــــــــــــــــ
كان خالد محتجز مع البقية لكن قلبه يكاد يعتصر من خوفه وقلقه عليها لذا خرج من المدار بسرعه ليتجه نحو الخارج
صرخ به تيم لكن آرابيلا اوقفته بصعوبة : مش هينفع تخرج انت كمان لتشير بنظرها نحو كيارا لازم يكون معانا دعم... تيم ارجوك حاول تفهمني... هيرجع متقلقش.
اندفع خالد كالثور الهائج نحو الخارج ليتفاجأ من ما وجده.
#يتبع
#اتمنى يكون البارت عجبكم... انتظروا القادم