اذن اذان الفجر وصحو اهل الديره يصلون الفجر
ومن خلص الصلاه رجعو بيوتهم ينامون وكان من ضمنهم ابو سعود وعياله ، بعد وقت صارت الساعه ست و صحت ام سعود وراحت تصحي بناتها
ام سعود : الهنوف الهنوف اصحي يمه
الهنوف حست بامها وقامت تمسح عيونها بتعب : حاضر يمه
ام سعود : وديان وديان وديان اصحي يابنت
وديان وهي نايمه : يمه تكفين انفداش خليني انام شويه
ام سعود بعصبيه : وديان قومي
وديان فتحت عيونها بتعب: زين زين يمه خلاص قمت
ام سعود زين بروح وبرجع لو حصلتش نايمه يويلش
وديان : زين
راحت ام سعود و وديان سحبت لحافها وكملت نوم
الهنوف طلعت من لحمام بعد ماغسلت وجها وحصلت وديان نايمه للحين
الهنوف : وديان اصحي قبل تجيش امي
وديان وهي نايمه : زين خمس دقائق بس
الهنوف عرفت انه مافي فايده من الكلام معها وراحت تبدل ملابسها وتنزل المطبخ تساعد بالفطور
ام سعود رجعت وحصلت وديان بعدها نايمه زادت عصبيتها وسحبت الحاف منها
وديان وهي نايمه : الهنوف وش فيش قلت لش خمس دقايق بس
ام سعود بعصبيه :وديان قومي احسن لش
وديان انخرشت من سمعت صوت امها وفزت من مكانها حاضر حاضر يمه
ام سعود تنهدت وطلعت من غرفت بناتها تشوف لو ام هتان صحت ولا بعدها نايمه
وديان درعمت على غرفه هتان تصحيها
هتان فزت من نومها من طريقه تصحيه وديان لها
كانت وديان تنقز فوق الفراش وهي تصحي هتان
هتان : ياحيوانه مب بكذا يصحون الواحد
وديان ضحكت وقالت: قومي يلا ورانا نسوي فطور
اصحي وانا بروح اصحي الباقي
هتان مسكت جوالها وهي تشوف الساعه كم شافتها ست واربع دقايق قالت هتان طيب بس اظن سياف عنده تدريب ع ساعه سبع وماظنتي سياف بيلحق يفطر
وديان : لو ماضلينا نتكلم بيلحق
هتان: طيب
طلعت وديان من غرفه هتان وراحت تصحي اخوانها
حصلتهم نايمين جت ببالها فكره جهنميه ركضت وديان لغرفتهم وخذت لعبه ديك لو ضغطت عليها تطلع صوت من عندها وركضت لغرفتهم ابتسمت بشر وضغطت عليها فزو رائد و خالد وسياف وسعود من الصوت وديان انفجرت ضحك ناظر رائد بشر لوديان ورمها بمخدته خالد ماكان مستوعب شي لانه تو صاحي
وسعود وسياف كانو زي خالد مفهين
رائد : ماتعرفين تصحين الواحد زي الناس ولا ودش تنهبدين؟
وديان : خير ماعندك حس الفكاهه يارائد
رائد : الا قولي ثقاله دم ياثقل دمش بس
وديان وهي تمد لسانها وتركض : تطمن محد ينافسك في ثقاله الدم
رائد بصراخ : حيوااانههه
خالد : خبله اختكم
سعود : ماعليه تعقل من تتزوج أن شاءالله
خالد : ومن الغبي اللي بيتزوج خبله؟بتحصل امه داعيه عليه
رائد : انت عم ولا عدو ؟
خالد : احلف بس احلف بس انتم ماتتذكرون اني عمكم الا وقت مصلحتكم؟
سعود : بالله اسكت ذا شكل عم ذا
سياف ضحك على هواشهم وقال :والله ان بمحد فيكم صاحي (وقام من فراشه وراح يغسل وجهه )
رائد صارخ حتى يسمعه سياف : تراك معنا لا تسوي طالع منها
عند البنات كانو يصلحون الفطور ام سعود جالسه تسوي البيض وام هتان تصلح الصحون وتحط فيهم من جبن وعسل ومربى وإلى أخره والبنات كانو يساعدونهم
صحت تنوف وهي تمسح عيونها بتعب وماكان لها خلق لشي جلست تلف عيونها بالمكان تناظره تستوعب هي وين استوعبت وسمت بالله وقامت من مكانها وفكت الشباك والستاره كأن الهوى يطير شعرها القصير
بعدت تنوف خصلات شعرها عن عيونها وابتسمت وهي تتأمل الجو قاطعت عليها دق امها لباب الغرفه
تنوف : تفضل
دخلت ام تنوف الغرفه ببتسامة : صباح الخير يابنيتي
تنوف ببتسامه : صباح النور يمه
ام تنوف : تنوف يمه البسي واستعدي
تنوف بستغراب : ليه بنروح مكان؟
ام تنوف : جدك امس شاف ابوك عند المسجد وقال له نجي عالفطور
تنوف بضيق: عادي تروحون انتم ماودي اروح
ام تنوف بستغراب: لازم تجين تتعرفين على عمك حسن وعمك خالد وجدك وعيال عمك
تنوف تكلمت بدون لا تحس : ماودي اشوفهه
ام تنوف بعصبيه شويه :ليه ماتبين تشوفين اهل ابوك تراهم اهلك بعد يلا انا بنزل عشر دقايق وتكوني خالصه فاهمه؟ وامسكي ذولا نسيت اقولك عن عوايد اهل الديره ذي العبايه تلبسينها وذي الشيله تحطينها على راسك من نوصل والبسي جلابيه تمام؟ وطلعت ام تنوف من الغرفه
وتركت تنوف بحزنها تنوف جت ببالها فكره انها تتعرف على خواته وتقول لهم انها ماتبيه وهم يوصلون له الشي وهو لو يقدر رجولته يرفض الزواج من نفسه ابتسمت تنوف على فكرتها ناظرت لدولابها وصارت تدور جلابيه حصلت وحده بلون وردي حطته فوق السرير وراحت تفرش اسنانها وتسوي روتين العناية حقها كالعاده بعدها راحت تنوف وجلست على مرايتها طلعت ميكب خفيف حطت روج ومسكرا بشره تنوف كانت ماتحتاج ميكب بعدها سوت ستريت ولبست الجلابيه الورديه وراحت لبست العبايه اللي جابتها لها هتان مو حقت امها وحطت الشال ولبست اكسسواراتها ونزلت وحصلت امها وابوها ينتظرونها
ابو تنوف ابتسم من شاف بنته : صباح الخير يابنيتي
تنوف ردت الابتسامه لا ابوها وقالت : صباح النور يبه
ابو تنوف وهو يطلع من الباب : يلا حطو على وجيهكم
حطت ام تنوف و تنوف على وجهم وطلعو من البيت
كان الجد عبدالله وابو سعود جالسين بالحوش الامامي ومعاهم خالد ورائد دق باب البيت وقام رائد يفتح شاف عمه ابو تنوف ومعاه حرمتين عرف انهم زوجته وبنته تقدم رائد وباس يد عمه
رائد : هلا ياعم منورنا
ابو تنوف : النور نورك يارائد
رائد : تفضل ادخل
ابو تنوف دخل البيت ودخلت معاه زوجته وبنته
ام تنوف بهمس لتنوف : تنوف يمه عادي اكشفي عن وجهك بس لا تبينين شعرك
تتوف تذكرت انه عادي عندهم يكشفون عن وجهم لقرايبهم بس لمهم لا تبين شعرها بعدت النقاب عن وجها
الجد عبدالله : ماشاءالله تبارك الرحمن الله يحفظها لكم
ابتسمت تنوف وباست يد جدها وعمها ابو سعود
وتقدمت من عمها خالد تبوس يده بحكم انه عمها
بعد خالد بسرعه وقال بمزح : توني بعز شبابي ترا
ضحكت تنوف : وقالت اسفه عمي
خالد : ناديلي خالد مافي فرق كيير مره بينا
تنوف : حاضر خالد
ابتسم خالد لتنوف
وتنوف ردت الابتسامه
واستاذن رائد واخذ معاه مرت عمه ام تنوف وبنت عمه تنوف يوديهم للحريم
رائد وقف عند باب المطبخ وصار ينادي : يمه يمه
ام سعود فتحت باب المطبخ : هلابك يمه بغيت حاجه؟
رائد : لا يمه بس هذي زوجه عمي عبدالهادي وذي بنيته
ام سعود ناظرت وشافت وصال ام تنوف فرحت ام سعود وقربت من وصال وهي تحضنها
ام سعود : حبيبتي يا ام تنوف توها تنور الديره والله
ام تنوف كانت تبادل ام سعود الحضن وقالت: بنورك ياخيتي
قربت ام هتان وسلمت على وصال ام تنوف
ناظرت ام سعود لتنوف وهي تسمي بالله عليها
ماشاءالله تبارك الرحمن وش هالجمال الله يحفظها لش ويرسل لها ايام تسرها
تنوف قربت من ام سعود وباست يدها
تنوف : ويحفظك لنا ويطول بعمرك
هتان ركضت على تنوف وحضنتها
هتان : ياحيوانه اشتقت لك
تنوف : توك شيفتني امس
هتان: برضو اشتقت
وديان والهنوف كانو يناظرون من عند باب المطبخ وهم منصدمين من جمال تنوف الطفولي وملامحها البريئه
وديان وهي تهمس للهنوف : ماشاءالله ياحظ سياف بس
الهنوف : ماشاءالله جميله مره بس ياحظها بسياف هو بعد جميل
هتان ناظرت لورا ونادت : وديان الهنوف تعالو
الهنوف قربت من تنوف ببتسامة وسلمت عليها وهي تتحمد لها بسلامه على وصولها بخير
وديان بعد ماسلمت الهنوف قربت من تنوف وحضنتها بسرعه
وديان :اخيراا بنصير اربع بنات وبنستانس ونفلها
تنوف بادبتها الحضن وهي مبسوطه من حب اهل ابوها وطيبتهم
ام سعود : اجلسو استريحو بالغرفه الصغيره
ام تنوف : والله ما اجلس وبساعدكم
ام سعود وهي تحلف وام تنوف تحلف اخر شي قبلو بالواقع وساعدتهم ام تنوف وتنوف راحت تجلس بالغرفه الصغيره
رائد ناده الهنوف
الهنوف : هلا؟
رائد : تعالي شويه ابغيش
الهنوف : طيب
الهنوف لحقت رائد للحوش الخلفي
رائد ببتسامة كلها حب: امس تضايقتي من سعود وسياف ؟
الهنوف ابتسمت من قلق اخوها عليها : لا ادري انهم يبون مصلحتي
ابتسم رائد : امس ماحبيت اتكلم بس ابغى اقولش لا تنزل دموعش ابيش قويه ولا حد يكسرش وان كان حنا
الهنوف : ان شاء الله تطمن مايكسرني حاجه وانا لي اخوان ينشد بهم الظهر
رائد ابتسم لا اخته مع انه قريب من الكل بس كانت الهنوف غير لانها توامه ودايما حنون معها استاذن رائد وراح للحوش الامامي يجلس مع ابوه وجده وعمه ابو تنوف وخالد
تنوف كانت جالسه بالغرفه وتتاملها
كانت صغيره وفيها كنبه وحده وقدامها تلفزيون وعلى اليسار كان موجود الكوايه حقت الملابس
تاملت الغرفه وهي مذهوله من بساطه البيت وقدمه
بس مع ذالك اللي عايشين فيه طيبين وحتى انها كنسلت فكرت انها تقول لا خوات سياف انها ماتبيه عشان لا تكسر بخاطرهم بذات بعد ماشافت طيبتهم وترحيبهم فيها قررت انها من نفسها تقول هالكلام لسياف بدون لا ترسل له حد
( بيت الجد عبدالله وابو سعود منفصلين عن بعض )
الجد عبدالله لما عياله تزوجو وتركو ديره كان باقي له خالد و ابنه حسن وعياله وقرر الجد عبدالله مايغيبون عن نظره لا كبرو وتزوجو وبنه بيت ثاني جنب بيته بضبط وخله الحوش مشترك الحوش الامامي والخلفي كان بيت الجد عبدالله مكون من طابقين الطابق الثاني كان عباره عن اربع غرف غرفه لا ولده ابو سعود وزوجته وغرفه لوديان والهنوف وترف وغرفتين اضافين وخذوهم ام هتان وبنتها هتان والطابق لارضي كان مكون من مطبخ وغرفه للجد عبدالله وغرفه بسيطه صغيره يجلسون فيها البنات ويكوون ملابس او يجون عندهم خوياتهم من بنات الديره ومجلس صغير لو جا عندهم ضيف ومايستخدمونه وكان ببيت الجد عبدالله باب يوصل للحوش الخلفي وباب للحوش الامامي واما بيت ابو سعود كان لعياله فيه اربع غرف غرفه لسياف وغرفه لرائد وغرفه لسعود وغرفه لخالد اللي كانو مستحلينها وينامون فيها ومايستخدمون غرفهم ونفس شي عندهم باب يوصل للحوش الخلفي وباب للحوش الامامي))
سياف كان مستعجل بحكم انه تاخر سياف كان لابس ثوب بس شماغه ماكان مكوي طلع من الغرفه وهو مستعجل شاف باب غرفه المجلس الصغير مفتوح نصه حسب خواته وهتان داخل دق الباب وهو واقف وراه ماحب يدخل لانه ممكن هتان مو حاطه على راسها
تنوف استغربت من يدق الباب ووقفت ورا الباب بدون لا تناظر من عالباب ونفس الشي بنسبا لسياف
سياف ماحصل رد بس حس بحركه ورا الباب وحسب هتان داخل
سياف: هتان الله لا يهينش ممكن تقولين للهنوف تكوي شماغي مستعجل وماعندي وقت بحطه عند الباب ومن تخلصون ياليت تحطونه بنفس المكان وبرجع اخذه حط سياف شماغه على الارض وراح لغرفته يجيب جواله ومحفظته ومفتاح سيارته
تنوف استغربت من صوت الشخص لانها ماسمعته لما سلمت على اهلها حسبت انه ممكن يكون واحد من عيال عمها ماجا ببالها انه سياف حسبته سعود الابن الاكبر لعمها حسن بسبب ان صوته كان هادي وفيه هيبه اي حد يسمع صوته الرجولي يحس بالهيبه حقته بدون لا يشوفه
فتحت الباب وخذت الشماغ اللي على الارض تذكرت ان الحريم مشغولين بالفطور قررت انها تكويه من نفسها لانه قال مستعجل ناظرت بإرجاء الغرفه تتذكر وين شافت الكوايه وحصلتها راحت تكوي شماغ خلصت كوي وكانت بتحطه عند الباب بس ريحته عجبتها قربت الشماغ من انفها وهي تشم ريحه العطر اللي كانت رجوليه وهاديه وتخليك ماتنساها لما تشمها ماحست على نفسها غير لما سمعت صوت دق الباب
سياف: هتان الهنوف خلصت كوي ؟
تنوف مدت يدها بدون لا تبين وجهها وبيدها الشماغ سياف خذ الشماغ منها وهو مستغرب حركه هتان لانه هتان تمون عليهم ودائما تمزح معهم ماتخيل انها ممكن تكون خجوله مافكر كثير بالموضوع ولا حب يشغل راسه بالتفكير طلع من الحوش الخلفي وركب سيارته وحركها
تنوف ماكانت تفهم سبب نبضات قلبها من سمعت صوته وشمت عطره جلست ومسكت جوالها ترسل لا اعتام تسولف معها
سعود كان في البقاله يشتري حلويات لترف ورجع البيت دخل وحصل جده وابوه ورائد وخالد جالسين ومعاهم عمهم ابو تنوف قرب سعود وباس يد عمه ابو تنوف وهو يرحب فيه
الجد عبدالله : سعود ياوليدي شف لي وين سياف يجي يسلم على عمه
سعود : حاضر جدي
راح سعود يدور سياف وهو متخيل وش بتكون رده فعله بس ماحصله استغرب وراح يشوف سيارته وعرف انه راح لدوامه ورجع لهم وهو يقول سياف مب بموجود ولا سيارته الواضح انه بدوامه
ابو تنوف بأسف :ماهي بمشكله بشوفه المره الجايه ان شاءالله
ابو سعود ضحك وقال: لا تقلق ياعبدالهادي سياف اولتها او اخرتها بتشوفه مابيطير
الجد عبدالله بقلق : سياف مافطر كيف يروح دوامه
سعود ادرك توه ان سياف مافطر بعده
سعود : يبه جدي تسمحون لي ما ادوام ليوم؟
ابو سعود : ليه وش سبب؟
سعود وهو قلقان: بروح لسياف احس بقلق عليه وبنفطر سوا أن شاءالله
الجد عبدالله : ماهي بمشكله خذ راحتك رائد و خالد يقومون بالواجب ويا حسن ترا يوم واحد مابيضر
ابو سعود : زين روح للحريم وخلهم يصبون لكم فطور تاخذه بطريقك
سعود : أن شاءالله
راح سعود ودق باب المطبخ : يمه
ام سعود : هلابك يمه وش بغيت
سعود : سياف راح التدريب وهو مب مباكل حاجه حطو لنا اكل باخذه بطريقي
ام سعود : ياويلي وشلون يدرب وهو مب بماكل لحظه يمه بصب لكم خذه وافطرو سوا
سعود : زين يمه بس لا تبطين علي الله يخليش
ام سعود : زين يايمه
دخلت ام سعود المطبخ هنوف يمه
الهنوف : وش يمه
ام سعود : حطي اكل لا اخوش سعود وسياف
الهنوف : ليه يمه مابيفطرون معنا؟
ام سعود : لا يمه سياف راح دوامه وما اكل حاجه وسعود بيروح له الدوام يفطرون سوا
الهنوف : ياويلي كان لازم نسوي له فطور ونصحيه بدري
ام سعود : اي والله يابنيتي صدقتي
ام هتان : ماهي بمشكله يا ام سعود لحين سعود يوصل له الاكل ويفطرون سوا
ام تنوف : ايوالله ياخيتي لا تشيلين هم لحين يفطرون
الهنوف : يمه اكثر اكل ؟ اذكر سياف يدرب مع صديقه
ام سعود : اي يمه كثري لهم خليهم يلمون عظمهم
الهنوف : أن شاءالله
وديان : يمه بروح احط السفرة
ام سعود : زين يمه
هتان : لحظه وديان بساعدك
وديان : زين يلا
عطت الهنوف السفرة لسعود وسعود حرك سيارته وراح السطبل الحريم خلصو الفطور وحطونه وابتدا الكل ياكل بعدها راح ابو سعود والجد عبدالله والباقي لدوامهم وبقو الحريم بالبيت
الجد عبدالله جالس يسولف مع ابو سلطان ويشرب شاهي وابو تنوف كان جالس معهم هو وابو سعود
خالد و رائد كانو يشتغلون بالعزبه
خالد خلص قطف الخضروات وحطهم بحوض السياره
و رائد كان يحلب الابقار وياخذ البيض من الدجاج وحطهم بالحوض وكان باقي عليهم الذبيحه
رائد : خالد امسك ذي
خالد : مدري ياخي عاجبتني ذيك اكثر
رائد : اقول لا تستهبل امسكها بسرعه
خالد : وربي عاجبتني ذي مابي حقتك
رائد : عاجبتك او لا اخرتها بتدخل بطنك ترا
خالد : ترا ماباكل غير ذي ابيها يعني ابيها
رائد : ترا جدي قال نذبح اكثر من ذبيحه
خالد : وهو توه يتذكر اها اجل يلا نمسكهم
رائد : غبي وربي
خالد : وين احترام العم؟
رائد : بالله سد حلقك
خالد : حاضر
ابتدا خالد ورائد يمسكون الذبايح وربطوهم حتى يذبحونهم عالظهر ويرسلونهم للبيت يسؤونهم عالعشى
عشان جمعه اهل الديره بمجلس الديره يحتفلون برجعه ابو تنوف بعد ماربطونهم راح رائد و خالد سوق الديره يبيعون الرزق كالعاده
كانو البنات جالسين يسولفون
وديان : تنوف تدرين توقعتش تخبلين بس مب لهالدرجه
تنوف كانت مبسوطه من عفويه وديان وجمعتها مع بنات عمها
تنوف : ترا والله حتى انتو تخبلون وتاخذون العقل
ابتسمت الهنوف : تصدقون ماتوقعت تنوف طيبه وتجنن لهالدرجه
وديان : اي والله صدق بس ناقص غرام بنت عمي مشعل عندي فضول اعرفها
هتان : تكفين لا تجيبين اسمها ولا طاريها
تنوف بستغراب هي ووديان والهنوف : ليه؟
هتان : بنات والله يا انها غثيثه دلوعه ونرجسيه وشايفه نفسها وماغير تنقد على اصغر الاشياء
وديان : يمه لهالدرجه؟ لحمدلله اجل ما اعرفها ولا شفتها ولا ابغي اشوفها
الهنوف : مايصير بنات لا تظلمونها ممكن يعني انها ماتعرف تعبر بس اكيد انها طيبه
هتان : الهنوف تكفيننن اتركي طيبتك شويه ترا تعرف تعبر كلامها سم ولسانها جارح وانفها للسماء وكريهااا
تنوف : من طريقه كلامك عنها ذكرتني بوحده بصفي نفس صفاتها
وديان : الا تنوف ماعندش خويات بالدمام؟
تنوف : الا بس اعتام اقرب وحده لي ياحليلها
هتان : فعلا اعتام بنت طيوبه وتاخذ العقل
وديان : من كلامش تحمست اعرفها
الهنوف : وانا بعد
تنوف : بتعرفونها ترا قالت انها بتجي الديره تشوفني وكذا
هتان : صدق يعني بنستانس كلنا
الهنوف : متى بتجي ؟
تنوف : اليوم كلمتها وقالت انه احتمال بعد اسبوع
وديان: الله حماسسس
نروح للسطبل
وصل سعود للسطبل ونزل من سيارته وبيده الاكل
دخل وحصل سياف وحمدان يدربون
سعود : سلام عليكم
حمدان وسياف : وعليكم السلام
سياف ببتسامة: انا اقول ليه المكان منور اثاريه نورك
سعود ضحك ضحكه خفيفه : جبت لكم الفطور لو ودكم تفطرون
سياف : لحمدلله تصدق كنت جوعان
سعود : افطر قبل تطلع مره ثانيه ولا تشغل بالي عليك
سياف : أن شا الله بس ماكان عندي وقت
سعود : حمدان مب بجوعان؟
حمدان: الا والله بموت من جوع
ضحك سعود : لحمدلله اجل مب بس اخوي اللي مب صاحي يطلع وهو ناسي يفطر
حمدان وهو يضحك بخجل : اتركها لا لله بس
سياف: سعود دامك جيت وجيت ساعدنا بالتدريب
سعود : ابشر
افطرو وبعدها ابتدو سياف وحمدان وسعود يدربون وتدريبهم خلص بسرعه اليوم وبدلو ملابسهم
سياف لبس ثوبه والشماغ وحمدان و سعود
خالد و رائد باعو الرزق وخذو فلوسهم ورجعو للعزبه
اذن الظهر وكل واحد رجع بيته ورائد وخالد ذبحو الذبايح ووصلوها للبيت الجد عبدالله كان جالس بالحوش يتقهوى هو وابو سعود ومعاهم سعود وسياف اللي رجعو بدري ومعاهم رائد و خالد يسولفون ويتقهون
هتان جت وجابت الحلا وبيد ترف الصغيره الصحون
هتان قطعت الحلا وصبت لكل واحد من الموجودين ماعده سياف صبت له قطعه صغيره بسبب انه مايحب الحلويات كثير كان الجو ضحك وسوالف والكل مبسوط
ترف ركضت لسياف وقالت له
ترف : سياف عادي تجيب لي شكولاته؟
ابو سعود: ليوم سعود مشتري لش مسرع كليتيهم؟
سياف بضحكه: عادي يبه بروح اشتري لها وبرجع توها بزر عادي
ابو سعود : اي بس مايصير تاكل هالكثر بكرا يعورونها سنانها
سياف : ماعليه ذي اخر مره تاكل كثير صح ترف؟
ترف هزت براسها بمعنى اي
وسياف طلع البقاله وسعود راح معاه
سياف شاف حد يحاول يطلع المويه من البير ومب بقادر
سياف : سعود اسبقني للبقاله جايلك
سعود بستغراب : زين لا تبطي
سياف : أن شاءالله
راح سياف وشال سطل المويه عن الرجال
سياف : خله ياعم انا بجيب لك المويه
ابتسم الشخص وقال : الله يسعدك ياولدي
سياف طلع المويه وساعد لرجال بشيلها وقبل يوصلون لبيت الرجال تكلم وقال خلها لهنا ياولدي انا بشيلها
ابتسم سياف وقال تمام ياعم لو احتجت حاجه وشفتني اطلبها مني ابتسم الرجال وقال أن شاءالله
عمر شاف سياف من بعيد ونادهه بصوت عالي سييياافففف
الرجال انصدم وقال عفوا اسمك سياف؟
سياف ببتسامة: ايه ياعم اسمي سياف استاذنك لحين
مشى سياف من عند الرجال
والرجال ابتسم والله وكبرت ياسياف وصرت رجال
دخل الرجال للبيت واستقبلته زوجته
ام تنوف : وين كنت يا ابو تنوف انشغل بالي وش فيك طولت؟
ابو تنوف : والله يا انه المويه كان صعب اطلعها بس جا واحد وساعدني
ام تنوف : لحمدلله والله انه رجال شهم الله يسعده بس من هو؟
ابو تنوف ببتسامه : سياف
ام تنوف بصدمه: سياف؟ وشلونه وكيف صار
ابو تنوف : والله يا انه كبر وصار رجال شهم وملامحه حاده وحلوه ماشاءالله عليه جميل واخلاقه حلوه بس ماعرفني وراح قبل اقوله من انا
ام تنوف : والله يا انك فرحتني يا ابو تنوف
تنوف كانت واقفه تسمع كلامهم حست بشعور غريب
ابتسمت تنوف لانه ساعد ابوها وحست انه كرهها له غلط بدون لا تعرفه بس ذا شي مايعني انها بتوافق عليه
طلعت تنوف لغرفتها وفتحت الشباك تتامل لسماء
سياف : هلا عمر وشلونك
عمر : لحمدلله وانت وشلونك؟
سياف : لحمدلله بخير نشكر الله
عمر ببتسامة: عسى دوم يلا بالاذن بس شفتك وحبيت اتطمن عليك
سياف ببتسامة : اذنك معك ابد حبيبي عمر ماتقصر
راح عمر وسياف لحق سعود للبقاله
سعود كان ينتظر بالبقاله وجا سياف
سعود : وين كنت و ليه تاخرت تدري بانك قلقتني
سياف : لا تقلق وانا اخوك شفت لي رجال والواضح انه جاي جديد للديره لانه اول مره اشوفه ساعدته ووصلت سطل المويه وبعدها شفت عمر وتكلمنا شوي
سعود وهو عرف من يقصد سياف : اها سياف تذكرت شي
سياف : وش عسى خير؟
سعود بتمثيل الحزن : مدري وش اقول لك وانا اخوك
سياف بقلق : سعود وش فيه تكلم؟
سعود ضحك وسياف استغرب من ضحكه سعود
سعود: امزح معك
سياف ضرب سعود ضربه خفيفه وقال: طيحت قلبي ياشيخ
سعود : الا صدق سياف بقولك تدري بانه عمي عبدالهادي جا للديره؟ وقرر انه يسكن هنا هو وزوجته وبنته
سياف : سعود بلا مقالبك لحين
سعود : وربي اتكلم صدق واليوم عالفطور كانو عندنا
سياف ما استوعب الكلام اللي يقوله وهو يحاول يستوعب تذكر صدمه الرجال يوم ساله عن اسمه
سياف وهو يستوعب : الرجال اللي ساعدته هو عمي عبدالهادي صح؟
سعود : ايه
سياف حس بشعور غريب وعرف سبب نبضات قلبه وتوتره اللي كان يحس فيهم هاليومين كان حاس بفرحه محد يقدر يوصفها
سعود بضحكه : اقول يلا نشتري حلويات لترف ونرجع للبيت اليوم أن شاءالله بمجلس الديره بتشوف عمي مره ثانيه
سياف كانت فرحته مو سايعته ومن الفرحه شرا نص البقاله
وسعود فرحان من فرح اخوه
خلصو واشترو ورجعو البيت عطو الاغراض لترف وسياف راح يغسل وجهه حتى يستوعب اللي سمعه وشاف الهنوف بطريقه
ابتسم سياف : هنوف شكرا لنش كويتي شماغي بسرعه اليوم كنت بتوهق من استعجالي
الهنوف بستغراب : اي شماغ؟ ماكويت حاجه انا
سياف كان محسب اللي بالغرفه هتان يوم طلب منها تقول لهنوف تكويه وحسب ان هتان هي اللي كوته
سياف : لا خلاص ولا شي معليش مضيع من تعب
الهنوف بقلق: تبي اسوي لك حاجه تشربها؟
سياف : ياليت وانا اخوش
راحت الهنوف بسرعه للمطبخ تسوي عصير ليمون لسياف ،، دخل سياف الغرفه وانسدح على فراشه بتفكير
دخل سعود الغرفه وحصل سياف منسدح يفكر
ابتسم سعود وقال :ماودك تشاركني لي تفكر به؟
سياف ابتسم وهو ياشر لسعود يجي بجنبه : وش اقولك وانت داري
سعود انسدح جنب سياف ببتسامة : تدري اتمنى اشوفك دوم بهالفرحه ياضلع اخوك
سياف ابتسم وغمض عيونه وهو يقول : صدقني لو بفرح بحاجه مابرضى حد غيرك يشاركني فرحتي
ضحك سعود وقال : الله يخليك لي ياذخري
سياف : امين ويخليك لي طول العمر ياقلب اخوك
خالد : هالله هالله وانا ورائد وين رحنا من عمركم؟
سعود : ياليل حتى بعمرنا بتنشبون انتم؟
رائد وهو يدخل ومعاه عصير الليمون : طبعا ماتحلى حياتكم بدوننا نحن سكر حياتكم
سياف : قول الا ملح يرفع الضغط ويجيب الامراض
خالد : سياف اشرب عصيرك وانت ساكت
سياف عطه خالد نظره وقال : اشرب وش وانا وش ؟
خالد بخوف: اقصد رائد صح رائد ؟
رائد وهو عارف لو قال لا بينهبد هو وخالد: ايه ايه يقصدني تعرفه الحيوان يحب يحاشرني
سياف بضحكه: كنت احسب بس
سعود اخذ العصير من يد رائد ومده لسياف
سياف ابتسم وخذ العصير من يد سعود وابتدا يشربه
حريم الديره كانو مشغولين بالذبيحه والطبخ لين اذن اذان العشاء والكل صلى سياف لبس ثوبه وعدل شماغه وحط عطره وسعود لبس ثوب وعدل شماغه هو بعد ونفس الموضوع لرائد وخالد بعدها طلعو من البيت وراحو مجلس الديره كان الجد عبدالله وابو سعود ينتظرونهم هناك ابتسم سياف من شاف عمه عبدالهادي
وقرب منه وباس يده وراسه ابو تنوف حضن سياف وهو يقول الله يرضى عليك ياحبيب عمك وصلو رجال الديره وشيابها وهم يسولفون ومبسوطين برجعه ابو تنوف للديره قام سعود وسياف ورائد وخالد يصبون القهوة للناس وابو سعود والجد عبدالله كانو مبسوطيين ورافعين راسهم في تربيتهم تقدم سياف من عمه عبدالهادي وصب له وابو تنوف خذ الفنجان وهو يقول الله يزيد فضلك يالصقر الجارح ابتسم سياف وكمل صب للباقي
كانت تنوف تتجهز ولبست وراحو بيت عمها يجتمعون لبنات وصلت وكانو البنات ينتظرونها طلعو كلهم لغرفه هتان مع اغلب بنات الديره واغلبهم كانو جالسين مع الحريم جالسين بالحوش يسولفون ويتقهون وكان اليوم جميل والكل مستانس
عدى اليوم على خير والكل رجعو بيوتهم ونامو وسياف كان عقله مع تنوف يفكر فيها وكيف صارت وهل تتذكره نام سياف وهو مبسوط والفرحه مب سايعته
تنوف كانت بذاك الوقت منسدحه وتحاول تنام وهي تفكر وشلون بتشوف سياف وكيف بتقول له ما ابيك ونامت وهي تفكر
ننهى البارت لهنا