رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
أدم ضحك : انتِ روحي
جهان حطت يدها ع عيونها وهي مبتسمه بفرح وحشمه
وأدم اللي راقد وحاط النقال قدامه وناعس كان مستغرب ف روحه لانه ولا مره غازل بنت بلكلام ومستغرب الشعور اللي حاس بيه والدغدغه الحلوه اللي اتصير لقلبه مع كل كلمه يقولها ♥
جهان : أدم رقدت ؟!......هيا قريب ننعس انا
أدم ضحك بقلة حيله : انتِ اميرتي ....وقلبي....وعيوني ....وحياتي
جهان : بشويييييييش .....وحده وحده
أدم وهو شبه راقد : جهان والله نعسان ....خلاص
جهان ابتسمت ع شكله كيف راقد : به وحده اخيره ونرقد
أدم ابتسم بهيام : انتِ حبيبتي ....انتِ البيبي امتاعي
جهان ابتسمت وهي حاسه روحها طايره ف السماء وغارقه ف الحب وقعدت تراقب ف أدم اللي رقد قبل يسكر الخط 🔥♥
ــــــــــــــــــــــــــــــــ
الساعه 12:30ص🎈
كانت ليال ف دارها تلم ف دبشها كيف ماقاللها مهاب وفرحانه انها بتبدأ حياة جديدة بعيد ع الوسخ اللي كانت عايشه فيه
رن نقالها 📞.....وكان مهاب
ابتسمت وردت
مهاب ضحك : رنيت ف وقت غلط ؟!
ليال ابتسمت : لالا ابداً
مهاب : اها به كويس ....شن الجو
ليال وهي تنضم ف دبشها : حايسه انلم ف الدبش
مهاب : اممم
وسكتوا شويه وليال انشغلت بترتيب الحاجات من جديد
مهاب : ليال
ليال بأنتباه : نعم
مهاب : نرن عليك فيديو !
ليال سكتت واستغربت
مهاب قال بسرعه وتبرير : عشان يعني اتلمي الدبش براحتك وف نفس الوقت نحكوا مع بعض
ليال مسكت ضحكتها وقالت : اوكي
سكروا الخط ...و رن عليها مهاب مكالمه فيديو
عدلت ليال شكلها بسرعه وردت عليه
مهاب ضحك : هضا وين تريحت
ليال ضحكت وحطت نقالها مقابلها وقعمزت ع السرير تحط ف دبشها ف الشنطه
مهاب غمزلها وقال : حلوه البيجامه
ليال شافت للبيجامه اللي لابستها وضحكت : اسمع ريحنه راه انسكر الخط
مهاب حط يده ع فمه وقال : سكتت
ليال رفعت حاجبها : ايوه ....اخخخ انحبها شخصيتي القويه
مهاب عدل جلسته بنفعال : شخصية قهرتك وتحبي عينك
ليال ضحكت بصوت عالي
ومهاب شافلها وهو مضيق عيونه
فجأه دق الباب امتاع غرفة ليال وانفتح بسرعه
ليال خذت النقال بسرعه وغيرت اتجاه بدون ماتسكر المكالمه
ليال برتباك: نعم شن تبي ؟!
مروه (وحده من البنات اللي يسكنن مع ليال ) : صبي نظفي الحمام
ليال تشوفلها برتباك وتبي تسكر الخط لانها ماتبيش مهاب يسمع
مروه كملت كلامها وهي تعدل ف شعرها واتشوف لروحها ف المرايه : ايمان معبيه الحمام كله مكياج والحوض قاعد حاله هيا نوضي
ليال قالت بصوت واطي وبخوف : ليش انا ؟
مروه فنصت فيها وقالت بصوت عالي : شن ليش انا ناسيه انتي انك مادفعتيش ايجار الشهر هضا ....مش قتلك انه حتقعدي اتضمي ف الحوش لعند تدفعي الايجار امعانه
ليال سكتت
مروه شافت للدبش امتاع ليال : شنو هضا كنك امطلعه دبشك بتسافري؟!
وضحكت بهزوه
ليال هزت راسها : شي بس انضم فيه
مروه : به بسرعه هيا بيش تطلعي للحمام وطلعت وسكرت الباب
ليال ماحركتش النقال لانها عارفه انه مهاب ع الخط وسمع كل شي نزلوا دموعها لما سمعت مهاب ينادي عليها
مهاب : ليال ارفعي النقال
ليال مسحت دموعها بسرعه وخذت نفس وابتسمت ورفعت النقال : نعم
مهاب وهو عاقد حواجبه : ديما تحكي امعاكي هكي
ليال هزت كتوفها وحكت راسها وهي تهرب بعيونها من مهاب وقالت : ماهو انا مادفعتش امعاهن ايجار الشهر هضا وهكي
مهاب تنهد : حصلتلك شقه بكرا الصبح انجيك ونمشولها ....واتفكي من هضا كله
ليال ابتسمت بمتنان وسكتت لانها مش عارفه كيف تشكر مهاب ولا توافيه حقه ♥🔥
ــــــــــــــــــــــــــــــــ
ثاني يوم 🌼
الساعه 11:02 ص
كانت مها راقده ف سريرها وتحكي مع رضا مكالمة فيديو
رضا ضحك : مها رقدتي ؟!
مها وهي مغمضه عيونها : اممم
رضا : نوضي خوذي دواك وافطري بعدها ارقدي
مها فتحت عيونها وقعمزت : رضا
رضا ضحك : ها
مها رفعت حاجبها وهي تفكر : مش كأنه رويدا وأدم علاقتهم مش زي قبل
رضا انتبه امعاها وقال : اها صاح
مها : زعمك ليش ؟
رضا هز كتوفه : مش عارف....هو من يقدر يفهم أدم اصلاً
مها هزت راسها و سمعت رويدا جايه شيرت لرضا انه يغير الموضوع
رويدا خشت للدار وجايبه فطور مها حطاته قريب من مها وقالت: هيا ياست مها افطري
مها شافت للفطور وكشرت وجهه : بس مـ.....
قاطعتها رويدا : لا بس و لا غيره افطري .....تعبت وانا اندير فيه وانحول ف الحاجات الممنوعه عليك
قعدت مها تاكل و رضا يهدرز هو ورويدا
لعند ماسمعوا صوت حاجه طاحت ف شقة رضا
رضا تأفأف وقال : القطوسه .....لازم انصكر وانشوفها قبل تكسر حاجه اخره.... وصكر الخط بسرعه ومها ورويدا يضحكن عليه
ــــــــــــــــــــــــــــــــ
الساعه 11:30ص 🎈
ناض أدم من النوم لقا نقاله معزوق ف جنبه ....خذاه وشافله لقا المكالمه اللي بينه وبين جهان فاصله (لانه مش معقول بتقعد الليل كله 💁🏻)
وخر شعره بيديه وهو يثاوب ....ورن ع جهان مكالمة فيديو
ــــــــــــــــــــــــــــــــ
ف غرفة جهان 🌈
كانت جهان طالعه من الحمام لما سمعت نقالها يرن قعمزت ع السرير وخذاته شافت المتصل وضحكت
جهان ردت وشيرت لأدم بيدها وهي مبتسمه : صباح الخير
أدم يشوفلها وساكت
جهان تشوفله بستغراب وهي مبتسمه
وأدم مازال يشوفلها وهو ساكت وشبه راقد
جهان ضحكت : What ؟!
أدم حط يده ف شعره المشفشف وقال بصوت حاد من النوم : ليش صكرتي الخط ؟!
جهان ابتسمت : بروحه مش مني ....نضت لقيت المكالمه فاصله
أدم هز راسه : امممم
جهان ضحكت : كيف نضت شكلك ؟!
أدم هز راسه وهو يحك ف عيونه
جهان تشوف لشكله وهو كيف نايض من النوم ومبهدل ومبتسمه بهيام
أدم وهو يحاول يفتح عيونه ويصحصح : وانتي امتى نضتي ؟!
جهان : قبل ساعتين تقريباً
أدم رفع حواجبه وقال : الساعه تسعه ؟!
جهان هزت راسها : اها ...كان عندي شوية قرايه و هكي
أدم نفخ : اففف لازم تحشي ام القرايه ف كلامك
جهان فنصت وهي تضحك : انت سألتني
أدم رفع حاجبه وابتسم ع جنب وقال : انا سألتك امتى نضتي ماسألتش شن درتي !
جهان ضيقت عيونها : ننننننانننن .....هيا صبي نوض انت باهي
أدم ضحك : مازال بنرقد ....بعد قلتي انك نايضه الساعه تسعه زدت نعست
جهان ضحكت : مبردك
أدم ضحك :باهي وانا من بيقريني ؟ !
جهان هزت راسها بمعني لا : اقرا بروحك
أدم : تمام ف العشيه انراجيك...نقروا ف الحوش لانه ماعنديش نيه نطلع
جهان ضحكت بقلة حيله : قلت لا انا
أدم ابتسم : انتلاقوا بعدين ....وصكر الخط
ــــــــــــــــــــــــــــــــ
الساعه 11:45ص💞
كانت ليال مقعمزه ف دارها متوتره لانها بتشوف مهاب وبتمشي امعاه للشقه الجديده ....كانت كل شويه توقف ع المرايه وتشوف ف شكلها كانت لابسه احلى ماعندها ومهتمه بنفسها
رن عليها مهاب عرفت انه وصل خذت دبشها وطلعت
مهاب ابتسم: اهلا
ليال ابتسمت : اهلين ...كيف حالك؟
مهاب هز راسه وتحرك بالسيارة : تمام ....وانتي وشافلها وابتسم انحس فيك مش ع بعضك
ليال ضحكت بحراج : اها ...متوتره شويه عشان موضوع الشقه وهكي
مهاب هز راسه وهو مركز ع الطريق وقال : اها نحسابك بتقولي فرحانه وشافلها وضحك
ليال ابتسمت : لا اكيد فرحانه
مهاب سكت وهو مبتسم ويشوف قدامه
وليال ابتسمت وهي تشوفله وسارحه فيه ♥🔥
مهاب شافلها وهو يطلع ف باكو الدخان من جيبه وابتسم وهو عاقد حواجبه بستغراب من تصرفات ليال
ليال اول ماشافلها مهاب برمت وجهها وقعدت تشوف قدامها
مهاب حط السبسي ف فمه وولعه وهو مركز ع الطريق
ليال شافتله وقالت : اتحب ادخن وانت اتسوق واجد
مهاب شافلها بتركيز : اممم ...وحول السبسي من فمه اها انحس ف روحي انركز اكثر بيه
وضحك وهو يحك ف خشمه وليال ضحكت امعاه
بعد نص ساعه🕕
وصلوا للشقه كانت ف الدور الثالث ....خشوا ليال ومهاب
قعدت ليال اتمشى ف الشقه وهي تشوفلها بأعجاب
مهاب : ها عجباتك ؟!
ليال ابتسمت : حلوه ....بس مش كبيره واجد عليه ! نقصد ثلاث غرف وصاله كبيره و حمامين شن بندير بيه هضا كله
وسكتت شويه وقالت : كم ايجارها ؟!
مهاب عطاها بظهره وهو يتمشى ف الشقه وقال: مش للايجار
ليال بستغراب : كيف ؟!
مهاب برم عليها وقال : الشقه هذي امتاعي
ليال شافت حواليها وبعدها قالت : امتاعك!....لالا انا مانقدرش نقعد فيها
مهاب قرب منها ووقف امقابلها : ليش ...الشقه فاضيه ومانستعملش فيها وماحد يعرفها ....وانا نضمنلك انه ماحد يزعجك هنا
ليال سكتت وهي تفكر وقالت : بس واجد هكي يا مهاب
مهاب ضحك وحط يده ف جيبه طلع مفتاح : هضا مفتاح الشقه والنسخه الوحيده ...وعطاه لي ليال
ليال خذاته وابتسمت
مهاب مشى جهة باب الشقه وفتحه ....لحقاته ليال
مهاب : بكرا راجيني نوصلك للشغل انا عشان اول يوم
ليال ابتسمت وهزت راسها
مهاب شافلها بنظره سريعه وقال : واللبس هضا فوتيه خليك ع السراويل يطلعن عليك احلى
كانت ليال لابسه قفطان تحت الركبه لونه بيج عليه جاكه جلد باللون الاسود وكاويش اسود ...كانت لابسه اللبسه هذي لانها احلى لبسه عندها وتبي مهاب يشوفها بيها ....هي اصلاً ماتحبش القفاطين بس اليوم لبساته ع خاطر مهاب ♥
طلع مهاب وليال صكرت الباب وراه وقلبها انكسر بعد الكلام اللي قاله لها مهاب لانها حست انه مش معدل عليها ويدير ف الشي هضا كله شفقه عليها وبس
ماكانتش فاهمه انه مهاب قال كلامه هضا من غيرته عليها🔥
ــــــــــــــــــــــــــــــــ
الساعه 4:53م✨
جهـان تنهـدت وتأملت الـدولاب: ااخ الجو مصقع مش جو طلـوع
طلعت لبستهـا وقفت ع المرايـا اتديـر في شوية مكياج
وهيـا تغنِـي
بعـد 45 دقيقـه🕕
كانت واقفـه قدام شقـة أدم
وترن ع الجـرس
آدم فتـح البـاب وشكلـه مبهـدل ومزال فيـه النوم
جهـان شافتلـه برفعـة حاجب: مازلت ماتحركت انتَ
آدم : ماعنديش نيه انصبي والله
وخشوا للشقه
جهـان :مش مطوله انـا راه .....ولحقت أدم اللي خش لغرفته
آدم ياخذ في دبشه: باه اصبري دقايق ندوش وانجيك
جهـان تتأمل فالـدار المتبعثـر فيها الدبـش
لمـت اللي تقـدر عليـه
آدم طلع من الحمـام : اووف صقـع
جهان رفعت حواجبها وهي تشوف لشعره المبلول :جفف شعـرك
آدم بعثره بسرعـه :لالا هيـا قريني
جهان ضحكت:العلـم اللي نازل عليك اليوم 😂
آدم ابتسم ع جنب : ماه هذي استراتجيـه ماتعرفيهـش
جهـان تنهدت : ياخوفي منـك
آدم خش للمطبخ
وجهـان وراه
آدم :قهـوه ولا كبتشينُـو؟
جهـان حطت يدها ع راسهـا: لالا قهـوه
آدم :رايحـه اتحبيهـا أكثـر منِـي😏؟
جهـان قربت بسرعه باساته ع خـده :مافش شي ينحب اكثـر منـك
أدم ضحك وهو متفاجأ : اووووووو
جهان ضحكت بحشمه وخبطاته ع يده
طلعت جهان للصاله وحطت الكتابات ع الطاوله وفتحتهن وبدت تقرا وتشوف ف شيتات أدم
طلع أدم من المطبخ قعمز ف جنبها ومدلها كوب القهوه امتاعها وحط امتاعه ع الطاوله
وقعدوا يقروا 📚📖
جهان تأفأفت : افففف كنه الشيت مخربش هكي ياأدم
أدم حك حاجبه وقال : عشان نعرف نقرا بيه
جهان شافت للحوش الحايس وقالت : اتحب الحووسه انت
أدم اتكا ع الكنبه وقال: انتي منظمه واجد بس
وقعدت جهان تشرح لأدم وتقرا ، وأدم كالعاده ايتهرب من القرايه ويسفتر ع جهان ويتغزل بيها عشان اتبطل قرايه وتهدرز امعاه😂
جهان عزقت القلم من يدها وقالت : الغلط مش فيك فيه انا اللي لما اتقولي بنقرا انصدق فيك
أدم وقف من مكانه ومشى بتجاه التلفزون
جهان عقدة حواجبها : شن ادير ؟
أدم ابتسم : انتفرجوا ع فيلم
جهان اتكت ع الكنبه وابتسمت وهي رافعه حاجبها : بشرط
أدم عقد حواجبه : شنو !
جهان : انا نختار الفيلم
أدم ضحك : تمام
جهان طلعت نقالها : امس نزلت الفيلم هضا بس مازال ماحضرته خلي انتفرجوا عليه
أدم ابتسم ودزلها بوسه ف الهواء : حاضر ياستي ♥
ولعوا الفيلم ع التلفزون وقعمز أدم ف جنب جهان ع الكنبه وطفوا ضي الصاله وقعدوا يتفرجوا ،كانت جهان متغطيه باللحاف اللي ع الكنبه وأدم حاط كرعيه ع الطاوله ويلعب بالسلسله اللي ف رقبته وهو يتفرج
ف نص الفيلم 📺
قرب البطل من البطله 💏
صبت جهان ع ركابها وقربت من أدم بسرعه وحطت يديها ع عيونه
أدم بستغراب : تي كنك !
جهان وهي ماسكه ضحكتها : اسكت شويه
أدم ضحك بعدما فهم وبعد يديها وقال بخبث : خايفه عليه نتعلم العيب
جهان ضحكت بتضييقت عيون : لا مش خايفه عليك تتعلم ....اصلاً اكيد انت مخرجه الفيلم هضا اللي كله صياعه
أدم ضحك وهز راسه وبعدها غمزلها وقال: باهي انتي شن تبي توا قاعده قدامي
جهان رفعت حاجبها : قاعده قدامك لانك ماسك يديه ...وحاولت تفك يديها من يدين أدم
أدم : اممم ...وقرب يديها وباسهن وهو يشوف لعيونها
جهان ابتسمت وحطت يدها ف شعر أدم
أدم ضحك ومشى يده ع شعره: شفشوفه
جهان ابتسمت وهي تلمس ف شعره وهايمه فيه : طول وقعد حلو
أدم عقد حواجبه ببتسامه : حلو !
جهان توسعت ابتسامتها وهزت راسها وهي تلعب بشعر أدم
كانت جهان واقفه ع ركابها ع الكنبه وأدم مقعمز ف جنبها ووجهه امقابلها ، حط يديه ع خصر جهان اللي كانت تلعب بشعره وهايمه من قربه وريحته ومبتسمه وقلبها بيطير من قوة دقاته ♥🔥
وأدم كان يتأمل ف وجه جهان ويشوف لجمالها وضحكتها البريئه وكان عقله وقلبه اللي طايرات مش قلبه بس💞
وهما يشوفوا لبعض ...رن نقال أدم 📱
جهان وخرت من ع أدم وهي تعدل ف شعرها
وأدم رد وهو يتنحنح ويحاول يركز وقال : ها
وكان المتصل بيه زيد
أدم نفخ : به به خلاص وجك
وصكر الخط
جهان اتكت ع الكنبه وقالت : أدم اسلوبك ....
قاطعها أدم وهو عاقد حواجبه وقال : خرا عارف
جهان ضحكت : تحشم !
أدم حط نقاله ع الطاوله وقال وهو يضحك : خلي انكملوا الفيلم
جهان هزت كتوفها : لا خلاص فوته
أدم شافلها : تي شن فوته ....خلاص قريب النهايه
جهان : به توعدني لو اتجي لقطه تغمض عيونك
أدم قرب من جهان وقال بهمس : ليش ماانتي تغمضي عيونك
جهان ضحكت وقربت من أدم وهمستله : لانه ماعنديش ثقه فيك
أدم رفع حاجبه وهو مصطنع التفكير : مشكله هذي ..!
جهان ضحكت : تمام نحنه الاثنين نغمضوا عيونه
أدم هز راسه بالموافقه وقعدوا يتفرجوا
وجت لقطه ثانيه...👫
جهان شافت لأدم وغمضت عيونها بسرعه
وقعدت مغمضه عيونها ثواني لعندما سمعت أدم
أدم ضحك : احححح
جهان فتحت عيونها وفنصت فيه : ماغمضتش عيونك ؟!
أدم ابتسم بصياعه : خلاص كملوا
جهان : وكيف عرفتهم كملوا ؟!
أدم ضحك ومرر لسانه ع شفايفه وهو يقول : شفتهم
جهان خذت المخده من جنبها وخبطت بيها أدم : بارد ...صايع ...سخيف
أدم ضحك : عارفه ف الاخير حيموت البطل
جهان بتركيز : كيف عرفته ؟!
أدم ضحك : حاضره من قبل
جهان عيطت بغيض وعاودت ضرباته بالمخده : ليه ساعه انتفرج امعاك وتقولي خلي انشوفوا النهايه وبعدها تطلع متفرج عليه
أدم ضحك وهو يستفز ف جهان
ناضت جهان من ع الكنبه وخذت نقالها ، شافت ف المكتبه اللي جنب التلفزون ولقت عليها كارطه🃏
شيرت لأدم عليها وقالت : أدم تعرف تلعبها؟!
أدم شافلها وهز راسه وبعدها قال : وانتي ؟
جهان ضحكت : لا اصلاً ماعنديش مع من نلعبها
أدم شيرلها بيده : جيبيها وتعالي انعلمك
جهان ضحكت بحماس وخذت الكارطه وقعمزت هي وأدم ع الوطا وقعد أدم يعلم ف جهان كيف تلعب ولعبوا مع بعضهم وقعد أدم يغش ف جهان وهي تعيط وقريب تبكي من الغيض وأدم يضحك عليها ،وكملوا الوقت كله ضحك وهدرزه وخشوا للمطبخ مع بعضهم وجهزوا وجبه وقعمزوا مع بعض ياكلوا ويهدرزوا لعند جهان نست الوقت و قعدت مع أدم العشيه كلها♥
ــــــــــــــــــــــــــــــــ
الساعه 8:30 م 💠
خشت جهان للحوش حطت كبوطها وشنطتها ع المدخل ...وخشت للصالون واول شي قابلها باتها ومريم اللي قاعدين ف الصالون ووجوههم ادل ع انه ف كارثه حتصير
باتها : .......
#يتبع ♥
° حلـقة طويلـة نبـي تفاعـل قوي ارجـوكم 🥺💔
° شـن تتـوقعوا يصـير ف بـاقي الحلـقات ، وكيـف حتكون علاقـة (أدم وجهان ) ، ( رضا ومها ) ؟؟!