رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
أدم برمها وخلاها تقعد مقابلته : كنك ؟!
جهان تحاول ماتبحتش ف ادم وقالت : مممممم وغمضت عيونها وسكتت شويه ....صصصصصقع بس
ادم حط يده ع خدها ويبعد ف شعرها المبلول من عليه وقاللها بصوت هادي : غمضي عيونك وارخي روحك بس
جهان هزت راسها ودارت زي مادار أدم غمضت عيونها ورخت روحها ....فجأه حست بيدين أدم ع خصرها فتحت عيونها بسرعه ...لقت أدم قاعد ع نفس الوضعيه مغمض عيونه وراخي روحه ف الميه
ردت جهان غمضت عيونها وهيا ترجف من الميه المصقعه ويدين ادم حوليها
قعدوا ثواني علي هالحال لعندما جهان قالت : أدم
ادم وهو مغمض عيونه : امممم
جهان خذت نفس وقالت بحشمه : نبي الحمام
أدم فتح عيونه ورفع حواجبه وهو يحاول يمسك ضحكته وقال:اااه
جهان وهي ترعش : نبي الحمام ....تي صصقع ياأدم
أدم ابتسم ولف يديه ع خصرها رفعها وطلع بيها من الحوض حطها ع الوطا
جهان طول تكمشت ف بعضها وضمت يديها لصدرها من الصقع
أدم خذا تيشرته وجاكيته : هيا بسرعه خشي
خشت جهان بسرعه للحوش وأدم وراها
جهان صبت ف الصاله وهي قريب تبكي وتنفخ : ددبشي مبلول كيف اندير ؟!
ادم خش لداره وقاللها : تعالي
لحقاته جهان وهي مستغربه .....فتح ادم دولابه وطلع هودي باللون الاسود
ومده لها .....جهان بحتت فيه بعدم فهم
ادم وهو يمرر ف لسانه ع شفايفه قال :البسيه لعندما يجف دبشك
جهان بحتت ف أدم وكيف بتدوي قاطعها وقال : بسرعه حتي انا بنبدل خوذيه وخشي للحمام
جهان هزت راسها وهي مسبوهه ومشت للحمام
وهي ف طريقها لحمام الدار ناداها أدم ...تلفتتله
أدم غمزلها وقال : ياعوينه وعزقلها منشف وهو يضحك
وجهان خشت للحمام وهي مصدومه وبتموت من الاحراج
سلحت السروال الجينز اللي كانت لابسته والبلوزه الصوف ولبست الهودي امتاع ادم اللي جاها لعند اركابها وكمامه اطول وواااااااسع عليها
نشفت شعرها المبلول ولفااته كعكه فوق
وقعدت قريب النص ساعه ف الحمام تفكر كيف تطلع قدام أدم
طلعت وهيا ماسكه سروالها ف يدها ......تباوعت ف الدار مالقتش أدم غمضت عيونها وخذت نفس براحه
سمعت صوت أدم :اوووووووووو طالع عليك والله
جهان حطت يدها ورا رقبتها بتوتر وخدودها انحمرن مع خشمها اللي كان منحمر من الصقع
أدم قرب منها وحط يده يمسحلها ع خدها
جهان نزلت عيونها وقالت : ععععطيني اااا نبي حداد او استشوار نجفف بيه سروالي
أدم وخر : تمام تمام وطلع من الدار
شويه وخش وهو جايبلها حداد وقال : هضا يمشي الموضوع ولا لا
جهان خذاته منه وهزت راسها وبدت تحدد ف سروالها وأدم يشوفلها ومركز مع كل حركه اديرها .....ومركز ع شكلها اللي كان يجنن ♥
كملت جهان تجفيف سروالها برمت ولقت ادم يشوفلها .....ابتسمت لاإرادياً ع منظر ادم وهزت راسها بمعني" كنك؟؟ "
عدل أدم وقفته بعدما كان متكي ع الدولاب وقدم من جهان وحضنها
جهان قعدت جامده ف مكانها وماتحركتش
أدم زاد حضنها وقال : اااااااااااه منك يافينوس اااه
جهان ابتسمت بخجل وهي تحس ف قلبها بيطير من مكانه وحطت يديها ع ظهر أدم
ثواني ....وبعدها وخر ادم وهو مبتسم وقال: البسي وتعاالي للصاله اكيده المسلسل بدء
جهان هزت راسها وسكتت
ــــــــــــــــــــــــــــــــ
الساعه 4:23 م💮
