رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
رضا اللي كان ماشي جاي ف السقيفه بتوتر ....اول ماسمع عياط رويدا خشلها يجري وعرف انه مها صارتلها حاجه
وصل للدار وخش بسرعه ....شاف مها كيف راقده ع السرير وملامحها الباهته قرب بسرعه وخذاها ف حضنه وهو يخبط ع وجهها ويحاول يوعيها
رويدا سمعت صوت عياط جدة مها اللي تسأل شن فيه لانها ماتقدرش اتحرك من سريرها بروحها ....مشتلها تجري وحاولت اطمنها وقالتلها انه مها مريضه شويه وحنشيلها للمستشفى
وردت بسرعه للدار لقت رضا طالع بمها لحقاته وطاروا للمستشفى
اول ماوصلوا خذوها الاسعاف من رضا
وقعدوا رويدا ورضا واقفين ف الممر
رويدا تبكي وتخبط ع وجهها : ياربي مايصيرلها شي ياربي ماعنديش غيرها وقربت من رضا وهي تبكي ....رضا مها ماتت ؟
رضا هز راسه بمعني لا ودموعه نزلوا : لالا ....مستحيل لا
دقائق 🕑
وطلع الدكتور وعلامات الأسى والحزن ع وجهه
رضا ورويدا قربوا منه بسرعه
الدكتور : المريضه خششوها للعمليات
رويدا شهقت : كيف!
رضا حط يديه ع راسه وهو يقول :ليش ...شن فيها ؟
الدكتور : المريضه عندها القرحه ف المعده ...للاسف مع الاهمال انفجرت فيها القرحه والماده اللي ف الامعاء تفرغت ف غشاء المعده ....في العمليه حنضفولها ونقصوا القرحه
رضا وخر ع الساس بعدما حس انه توازنه اختل .....نزل مع الساس وقعمز ع الوطا وخلا رويدا تحكي مع الدكتور "ضربتين ع الراس يوجعوا او ثلاث ضربات ....امه والمصيبه اللي دارتها له ....مها اللي بين الحياه والموت ....وزياده انه متعارك امعاها ومزعلها "
رويدا قعمزت ف جنب رضا ع الوطا وقعدوا يستنوا
مشت ساعه ...ساعتين ...ثلاثه 🕑
وطلع الدكتور
رضا ومها ناضوا
رضا بخوف : شن صار ...طمني !
الدكتور ابتسم : الحمدلله العمليه نجحت ....حتقعد ف العنايه لو مشن ال24 ساعه الجايات ع خير فتقعد طلعت من مرحله الخطر ...ومشى
رضا رد قعمز ف مكانه وحط يديه ع راسه وكان ف حالة سكون عجيب من الصدمه ....ورويدا قعدت تبرم ف الممر
رويدا شهقت وخبطت بيديها ع وجهها : حي
رضا باستغراب ممزوج بالخوف : كنك!
رويدا عضت ع شاربها : نسيت جدة مها
رضا خبط جبهته : روحي بسرعه يارويدا ....عدي
رويدا هزت راسها : به ...نروح وبعدها نجي
رضا هز راسه بمعني لا : وين اتجي خليك امعاها من بيعانيها وبعدين كيف بتطلعي خلاص ليل
رويدا : بس مـ ...
رضا قاطعها وهو ف قمة غضبه : رويدا ماتخلينيش ننفجر فيك روحي وبكرا الصبح تعالي ....وكانك ع مها مش حتنوض توا ولا نقدروا نشوفوها
رويدا هزت راسها بخوف ومشت
وقعد رضا مقعمز ف الممر بروحه
خطمت من قدامه ممرضه صبا بسرعه وقاللها : معليش
الممرضه : تفضل
رضا : بنسألك ع مها ناضت !
الممرضه هزت راسها : لا مازالت تحت تأثير البنج
رضا بترجي : باهي عادي نشوفها ؟
الممرضه : لا مستحيل عمليتها كبيره وخايفين تتعرض للبكتيريا اقل حاجه 5 ايام مايخش عليها حد
رضا تنهد وقال : تمام ومشت الممرضه
ومشن الساعات لحد
الساعه 1:33ص🌠
ورضا مقعمز ف مكانه ع الارض ....والكل يتحرك وهرجه ف الممر وهو ثابت و مسبوه يشوف للفراااااغ
خطمت الممرضه اللي حكت امعاه قبل ساعات ماسكه ف يدها كوب قهوه
طبست ع رضا مداته له وهي تقول : انت رضا !
رضا خذا منها كوب القهوه وهز راسه كجواب لسؤالها
الممرضه ابتسمت : مها ناضت ...ومن بدري وهي تنادي بأسمك
رضا هز راسه وابتسم بكسره
الممرضه شافت قدامها وقالت :تبي تشوفها؟
رضا رفع راسه فيها وقال بصدمه : ااه
الممرضه ضحكت : تبي اتعدي امعايه اتشوف مها ؟
رضا هز راسه وصبا بفرح : اكيد اكيد
الممرضه ضحكت ومشت قدامه
رضا لحقها وهو طاير من الفرحه وفي نفس الوقت متوتر ويفكر كيف حتكون حالة مها
الممرضه وقفت قدام العنايه وقالت : شوف خمس دقائق مش اكثر
رضا هز راسه بسرعه بالموافقه :تمام تمام
الممرضه : انا نبي نخششك عشان تطمن عليها وف نفس الوقت عشان هي ممكن اتحسن لما اتشوفك ويخف عليها الالم
رضا غمض عيونه وبعدها فتحهن وهو يقول : شكراً
الممرضه فتحت الباب وهي مبتسمه : ربي يخليكم لبعض ♥
رضا من كثر ماكان مستعجل بيشوف مها هز راسه بس من دون مايرد وخش للعنايه
كانت مها راقده وتأن بصوت خفيف من الالم وكيف باديه تنوض من تأثير البنج
قرب رضا من سريرها ودموعه يقطرن ويمسح ع وجهه ويحاول يستجمع قوته .....كان مش متحمل يشوفها بالحاله هذي وهي اتألم
قعمز ف جنب سريرها ع ركابه وقعد يمشي ف صبعه ع خدها وهو يهمس بصوت خافت مبحوح : مها
مها تأن من الالم وبس : ااه .....بس لانها كانت باديه تنوض حست بحركة حد ف جنبها
رضا يراقب فيها ويراجي فيها تنوض وتفتح عيونها ....اما مها فكانن جفونها مصكرات بس عيونها من جوا يتحركن وتأن بصوت خافت
رضا مسك يدها وباسها وهو يقول : مها عمري !.....افتحي عيونك
مها : ر...ضا
رضا يمسح علي شعرها وهو يقول : نعم نعم ياعيونه ....قاعد ف جنبك انا
مها فتحت عيونها شويه ورمشت عدة مرات وبعدها ماتحملتش الضي وردت غمضتهن .....ورضا يرقب فيها بلهفه ويراجي فيها تنوض
فتحت مها عيونها مره ثانيه ورمشت وبعدها شافت لرضا ونزلن الدموع من عيونها .....رضا قدم بسرعه ومسحلها دمعتها : لالا ياحبيبي ماتبكيش
مها حولت عيونها من ع رضا وقعدت تشوف للدار تحاول تفهم هي وين !
وبعدها شافت لرضا
رضا ابتسم بفرح : حبيبي ♥
مها حاولت تحكي بس ماقدرتش من الالم وتأثير البنج كل اللي قالته: اممم
رضا ابتسم وباس يدها :الحمدلله ع سلامتك ياقلبي
ــــــــــــــــــــــــــــــــ
الساعه 1:45 ص💐
جهان كانت اتقلب ف سريرها ومش جايها نوم ....قررت انها تتصل بـ أدم
كالعاده لما حد فيهم مايجيشي نوم يتصل بالاخر
حولت الغطاء من عليها كانت لابسه الهودي امتاع ادم الاسود واصل لعند فوق الركبه بشويه .... وقفت قدام المرايه لفت شعرها كعكه وخذت نقالها من ع الزيانه ورنت ع أدم مكالمة فيديو
أدم كان ماشي من جنب الدار امتاعه سمع نقاله خش للدار لما شاف الاسم ابتسم ورد علي طول
جهان ابتسمت : اهلا
أدم : هلا شن الامور
جهان مسحت ع خدودها بحشمه وقالت :تمام فاضي نحكوا
أدم ضحك : ياسلام اكيده ع عيونك نفضي روحي
جهان ابتسمت وغمضت عيونها بخجل
أدم وهو يوزع ف نظره ع الدار امتاعه قال : عطيني 5 دقايق بس اندير حاجه ونرد عليك
جهان هزت راسه بالموافقه وسكرت الخط
و ادم طلع للصاله وين ماكانت مقعمزه وحده من صحباته
البنت : شن فيه ؟
أدم مسح ع شعره وهو يقول : ااا خلاص تقدري تروحي
البنت بستغراب : ليش ؟! كيف جيت انا شن صاير امعاك ياأدم
أدم قرب منها ومسكها من يدها وقفها وخذا شنطتها مدها لها وهو يقول : خلاص غيرت رأيي معش نبيك ...هيا روحي
البنت قربت من أدم وهي تبتسم بمياعه ورفعت يدها بتحطها ع وجهه
بس أدم مسك يدها ونزلها قبل توصل ف وجهه و مشى بتجاه باب الشقه وهو يقول : هيا
طلعت البنت بعدما خذت حاجاتها وادم يشوفلها بغضب
سكر الباب ومشى لداره خذا النقال ورن ع جهان مكالمه فيديو
جهان ردت وهي تعدل ف جلستها
أدم ضحك وقال : مش كأنه الهودي هضا امتاعي
جهان هزت راسها وهي تضحك ومغطيه وجهها بيدها
أدم رفع حاجبه : نبيه راه
جهان شيرت بصبعها بمعني لا وقالت : مانعطيش فيه
أدم ضحك وجهان كذلك
بعدها سكتوا شويه
أدم خذا باكو الدخان من جنبه وطلع منه طرف وقال : غريبه مش راقده توا جهان مسحت ع طرف خشمها بطريقه عفويه وبللت شفايفها وقالت : مش عارفه ..وهزت كتوفها ..نحس ف روحي بنمرض ولا مش عارفه كيف
ادم حول طرف الدخان من فمه وهو يقول : سلامة قلبي انا
جهان ابتسمت وهي بتبخر من الخجل والدم اللي ف جسمها كله رقى لخدودها الحمر
واستمروا يحكوا لساعات متأخره من الليل ♥
ــــــــــــــــــــــــــــــــ
عند مها ورضا ...🌈
مها تحاول تنوض من مكانها وهي اتألم و تقول : ااا..انا ووين؟ ....ااااه
رضا قرب منها بسرعه ويحاول يمنعها عن الحركه : خليك ف مكانك خليك ....انتي ف المستشفى
مها قعدت ف مكانها وسكتت شويه وبعدها دموعها قعدوا ينزلوا وحده ورا الاخره
رضا يمسحلها ف دموعها بخوف : حبيبي كنك شن يوجع فيكي ؟
مها لفت وجهها للجهه الثانيه واستمرت ف البكا
رضا قعمز ف جنبها وحط يده ع وجهها ولفه جهته : مها عمري ...كنك ؟
مها غمضت عيونها وقعدت تبكي بالشهقه : رضا ...ااان ا....انا انحبك
رضا ابتسم وهو يمسح ف دموعها : حتي انا حتي انا انحبك يابارده
مها سكتت وهي تشوفله وخلاص كانت مش قادره تحكي مزبوط ولا تستوعب كل الكلام من البنج اللي مازال مأثر فيها
رضا ضحك : بنقولك حاجه مهمه
مها تشوفله وساكته
رضا : .......
#يتبع ♥
