رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
الساعه 1:00ص💚
روح أدم من المستشفى بعدما خلا مهاب مع رضا وليال
خش للمطبخ وطلع شيشة السكير ومشى للصاله حطها ع الطاوله وعزق روحه ع الكنبه وقعد يشرب ويفكر ف موت مها حالة رضا شن صاير ف رويدا والاهم من هضا كله عركته هو وجهان 🔥
كان يفكر فيها ومرايفلها بس ف نفس الوقت كبريائه مانعه من انه يرن عليها ويصالحها ، حط نقاله ف الشحن وولعه وشافه اذا كان فيه شي من جهان او لا ، بعدما لقا مافي شي عزق النقال وقعمز ع الكنبه بتعب وهو حاط الشيشه بين كرعيه وسارح ويشوف للفراغ
سمع صوت الباب يدق
عقد حواجبه بستغراب وشاف للساعه من ممكن ايكون جاي ف هالوقت
ناض بيفتح الباب وهو يدعي انه ماتكونش ف مصيبه جديده
فتح الباب 🚪
وتفاجأ لما شاف رويدا
أدم : رويدا !
رويدا ببكاء : أدم ماقدرتش نقعد ف الحوش بدونها...كيف بنعيش بعدها انا
أدم خذاها من يدها وخششها للشقه : اششش اهدي
رويدا زادت ف البكاء : نبي نموت حتي انا مش قادره انتحمل والله ياأدم
وحضنت أدم واستمرت ف البكاء
بعد نص ساعه
كانت رويدا مقعمزه ع الكنبه وسارحه ، طلع ادم من المطبخ وف يده كوب ميه مده لرويدا خذاته منه وهي تمسح ف دموعها وتشوف لشيشة السكير اللي حولها أدم
رويدا شربت من الميه وبعدها حطتها ع الطاوله وقالت : عادي نقعد عندك اليوم ...ماقدرتش نقعد ف الحوش وماقدرتش نخش لداري انا ومها
أدم هز راسه : تمام مافيش مشكله
ووقف وهو ماشي لداره وقال : انا بنخش ندوش
خش أدم للحمام ودوش ،طلع للصاله وهو ينشف ف شعره لقا رويدا راقده وهي متكيه ع الكنبه جاب غطاء وغطاها وطفى الضي وخش لداره رقد
ــــــــــــــــــــــــــــــــ
ثاني يوم....🌾
الساعه 10:00ص
كان مهاب مقعمز ع الكرسي ويشوف لليال الراقده بتعب ....كانت طول الليل واعيه من الوجع والحراره
ناض مهاب ومشى للروشن صبا قدامه وهو يتفرج ع الشارع وحديقة المستشفى
فتحت ليال عيونها وشافت مهاب وهو مصبي وسارح ف الروشن ...ابتسمت واذكرت كيف كان طول الليل مهتم بيها ومارقدش بكل وهو يشوف ف حرارتها وكل ماتتحرك يفز من مكانه بسرعه يشوف فيها شن اتحس وشن يوجع فيها
ليال مدت يدها وقالت بصوت مبحوح : مهاب
مهاب تلفت بسرعه وجاها مسك يدها : نعم ياعمري شن اتحسي ؟
ليال هزت راسها وابتسمت : انا كويسه
مهاب طبس وباسها ع راسها : الحمدلله
ليال هزت راسها وتنهدت
مهاب قعمز ع الكرسي وابتسم وهو يشوفلها وحرك شفايفه بلا صوت : ا ن ح ب ك ♥🔥
ليال رفعت يدها اللي فيها جهاز التغذيه وحطتها ع قلبها وميلت راسها ع اساس انها داخت
مهاب ضحك ع حركتها وهي ضحكت لضحكته 💘
ــــــــــــــــــــــــــــــــ
الساعه 10:30 ص🌌
ناض أدم من النوم وشاف جنبه لرويدا اللي منطرحه ف السرير وواعيه
اذكر لما سمعها تبكي ف الصاله بروحها ف الليل وقعد يحاول يهديها وماقدرش يخليها ف الصاله من جديد
أدم شافلها وقال : من امتى نايضه ؟
رويدا وهي تشوف للسقف : ماقدرتش نرقد اصلاً
أدم قعمز وهو يشوف لنقاله
رويدا : أدم تروح بيه ؟!
أدم حط نقاله : تمام ندوش بس
رويدا ناضت وهي تلم ف شعرها وخشت لحمام الصاله
وأدم خش لحمام داره دوش وطلع
لبس أدم وطلع هو ورويدا وصلها لحوشهم ، ومشى هو للمستشفى لرضا ومهاب عشان يكملوا اجراءات الدفن
ــــــــــــــــــــــــــــــــ
الساعه 12:30م🌼
