رواية/فيـنـوس ♥♒
للكاتبه/sαℓeмα🔏
ــــــــــــــــــــــــــــــ
مهاب : هييييه
ليال انفجعت : وووه فجعتني يادعوه شن تبي؟!
مهاب ضحك : ديما منفجعه انتي
ليال فنصت بضحكه وقالت : شن تبي
مهاب ابتسامته توسعت : رقمك ومدلها نقاله
ليال رفعت حاجبها وقالت : شن تبي فيه !
مهاب ابتسم بعبط : بنديرله برواز ونعلقه ف داري
ليال ضمت يديها لصدرها وقالت بغرور : لكي الشرف من زيك يقعد رقمي امعلق ف دارك
مهاب ضحك بتفاجأ وفنص : حي علي البنت ....مغروره والله
ليال ضحكت
مهاب خبطها بنقال ع يدها وقال : اكتبي
ليال خذت منه النقال بنفتره وبدأت تكتب ف رقمها
ــــــــــــــــــــــــــــــــ
ثاني يوم ⭐
الساعه 1:30 م ✨🌼
خش رضا ورويدا للمستشفى ....وصلوا لغرفة مها
رضا قال لرويدا خشي انتي وانا عندي مكالمه انديرها ونجي
وبعدما كمل رضا مكالمته دق ع الباب وخش
لقا رويدا مقعمزه ع الكرسي ومها مش قاعده
عقد حواجبه وبحت ف رويدا
رويدا شيرتله ع باب الحمام اللي ف الغرفه بتزامن مع فتحت مها للباب وطلعت كانت لابسه هودي رصاصي ع استرتش اسود ودايره شعرها ذيل حصان
رضا ضحك لانه مها قعدت اتحرك بروحها واتحسن وقال :اوووو لالا خلاص كويسه كويسه
رويدا ضحكت وغمزت لرضا : كيف الجن ....تدلع علينه بس
مها رفعت حواجبها وهي ماسكه ضحكتها وقعمزت ع السرير
خذت نقالها وقعدت عليه وطنشت رضا ورويدا
رويدا : يافرخه لمن جايين نحنه
مها ضحكت ومابتش تبحت فيهم
رويدا قربت من مها عزقت ف جنبها الشنطه امتاعها : هاكي دبشك وانا مروحه
مها ضحكت : بلا براده تعالي
رويدا تحاول تخفي ضحكتها : لا خلاص ماشيه وطلعت
مها شافت لرضا : عدت جديات ؟
رضا ابتسم وقرب منها : من بدري اتقولي انه عندها شغل بتديره
مها هزت راسها وسكتت
سكتوا شويه وهما يشوفوا لبعض
رضا وقف وجا ف جنب مها ع السرير ورقد
مها عقدت حواجبها : والله من سمحلك يااستاذ .....صبي نوض
رضا ماعدلش عليها وطلع نقاله وقعد عليه
مها خبطت بيدها ع السرير : رضااا .....تحشم
رضا ضحك ع كلامها
مها ضرباته بغيظ ع بطنه ورقدت ف جنبه وخلاته يتلوا من قوة الضربه
رضا وهو حاط يديه ع وجهه : يلعن شكل وجهك باهي
مها ضحكت
رضا عدل رقدته وقال : عارفه حصلت شقه ....خلاص مازال حاجه بسيطه ونشريها
مها شافتله بفرح وقالت: والله
رضا : والله وبعدما تصحي علي طول نجوزوا فيها
مها سكتت شويه وهي تشوف لرضا
رضا توقعها انها تقول لاا او اتقوله وامك ولا تفتح اي موضوع من المواضيع القدم اللي كانن معطلاتهم ع الجواز
بس مها قالت : معناته انا نبي نصح بسرعه
رضا ضحك وغمزلها : ايوه
ــــــــــــــــــــــــــــــــ
الساعه 3:30 م☀
كان ادم ف الكوجينه امتاع شقته ....فاتح الثلاجه ويطلع ف شيشة العصير لما سمع صوت الباب
طلع جهة الباب وفتحه
خشت رويدا
أدم : هلا وصكر الباب وهو يقول : كيف حال مها؟
رويدا خشت للصالون هي وياه وقالت : كويسه توا كنت عندها
ادم قعمز ع الكنبه وخذا الريموت وهو يشوف للتلفزون ويشرب من شيشة العصير اللي ف يده
رويدا شافتله شويه وبعدها قالت : كالعاده كان ماحكيتش امعاك ماتدورنيش
أدم من دون مايشوفلها قال : مش انا اللي ندور ...لما تبيني انتي تعرفي كيف تلقيني
رويدا : يعني انا عندك زايد ناقص .....ماتدورش فيه ماترايفش عليه
ادم سكت ومابش يرد
رويدا مسحت ع وجهها وبعدها قالت : مش ملاحظ انه لنه فتره طويله ماحكينش
أدم شافلها ومابش يرد مره ثانيه
رويدا وقفت من مكانها وجت جنب ادم قعمزت ف جنبه وحطت يدها علي وجهه
تشوف لعيونه ولونهن المميز لحيته وشعره المجعد المتناثر لون بشرته الجذاب وهايمه فيه
بس أدم كان مش رايق لانه ماحكش مع جهان طول اليوم وكان يبيها اتجي بس هي ماردتش عليه
حول أدم يد رويدا من علي وجهه وقال : رويدا مش رايقلك راه
رويدا شافتله شويه وبعدها ابتسمت ع جنب
أدم انتبهلها وغصباً عنه ابتسم وضربها كف خفيف ع خدها
رويدا مسكت ف يده وضحكت وعيونها دموع
أدم رفع حاجبه وقال : عدي للدار وتو انا نلحقك 🔞
رويدا ناضت
وأدم طفا التلفزون ولحقها
ــــــــــــــــــــــــــــــــ
الساعه 10:44 م💠
