كادت حلا أن تفقد الامل الا انها فجأة سمعت صوت ارتطام شديد لتفتح عينيها بصعوبة لتقع عينيها على الواقع امامها فتنظر بجانبها تجده يقف لحظة كانت من أهم اللحظات التى مرت على حلا فكان ولأول مرة تشعر بأن هناك درع يحميها يسندها.
نظر لها الاخر كان يتنفس بصعوبة فظن انه سيخسرها ليتراجع عن افكاره وينظر للقابع أمامه ليمسكه ويهم عليه بلكمات قوية والأخر كأنه لا يشعر بشيء مستسلم ينظر لحلا فقط ليردد عدة كلمات مبهمة (مش هسيبك... انتوا السبب... خسرتها خلاص... خسرتها...)
فهد كان يخرج به غضبه من كل شيء حوله يتذكر كلمات منى له ليعطيه لكمة اقوى كانت حلا تصرخ به ان يتركه وهو لا يسمعها حاولت ان تقف لتبعده فكاد ان يقتله وبالفعل نجحت في ان تقف بينه لتمنعه
حلا : اهدى محصلش حاجه لتنظر للوقا هو خلص اصلا ايه عاوز تموته
فهد بغضب : انتي تسكتي خاالص مش فاهم انتي هنا ليه اصلا عملتي معروف خلاص متشكرين ليكي لكن وجودك غير مرغوب في
حلا بصدمة من ردة فعله : مش عايشه في نعيم يعني انا بس اخلص من اللي انا في واوعدك مش هتشوف خلقتي بلا قرف لتخرج من الخيمة وتتركه يقف كالثور
💢💢💢💢💢💢💢💢💢💢💢💢💢💢
بحبك
كانت آرابيلا تتخيل قولها وفجأة تراجعت
لتقول: ممكن تدخلوا مش هينفع تقفوا هنا خطر
تيم : مش هدخل غير لما افهم احنا هنا ليه
آرابيلا: هتعرف في الوقت المناسب لاني معنديش اجابة حاليا ويا ريت تقدر اللي بعمله
نورة : خالد لولاها كان هيموت
لينظر لها ويهدأ ليدخلوا
بعد منتصف الليل
دخلت نورة لغرفة خالد لتجده يغط في نوم عميق وقطرات العرق تغرق وجهه لتنظر حولها وتجد قطعه قماش قطنيه لتمسكها وتمسح وجهه... لتجده يفتح عينيه بصعوبة
خالد بتعب : انا فيين وحاول النهوض
نورة : لا متتحركش كده هتتعب ليبعد يديها عنه بعنف
خالد بغضب : يبقى اللي حصلي مش حلم انتوا بتعملوا فيا كده ليييه ها مش فاهم ابعدوا بقااا اييه وانتي السبب اني اكون هنا انا بكرهكم كلكم مش قااادر خلاص
ليدخل تيم وآرابيلا عند سماعهم لصراخه حاول تيم ان يهدئه
خالد : ابعد انت بالذات مش طايق اشوفك مش قادر اشوف الصورة دي انت كنت ميت اصلا
تيم بوجع : مش بأيدي والله العظيم مكنش بايدي انت متعرفش ايه اللي حصلي
خالد : ولا عاوز اعرف انت مشوفتش اللي شوفته ابوووك خلاص مات وكله بسببك كله بسببك انت ابعدد مش عاوز اشوفك ايييه مش بتفهم ... كان يتحدث وهو يبكى بوجع يبكي بصرااخ
حاولت نورة ان تلمس يديه بهدف ان تهدئه ليدفعها بقوة فتقع على منضدة فتنجرح يديها
خالد : اخرجوا كلكم مش عاوز حد هنااا
لتمسك نورة نفسكها من البكاء والانهيار وحاولت التماسك لتخرج من الغرفة كان تيم مصدوم من اخيه فكان لا يغضب هكذا الا انه ادرك بانه مر بالكثير ليخرج وتتبقى آرابيلا
آرابيلا بهدوء مصطنع : انا مش هقولك اهدى لان من حقك انك تثور وتغضب من حقك تكسر الدنيا بس قبل ما تعمل كده حاول تشوف الحاجه الحلوة في كل ده لينظر لها ويتنفس بغضب.. لتكمل هي انت دلوقتي مع اخوك ايوة اتلاقيته في ظروف صعبه لكن الاهم انكم مع بعض انت مش لوحدك اللي مريت بظروف صعبه اخوك شاف الموت كذا مرة بلاش تيجي عليه خليكوا دعم وسند لبعض متاخدش جنب وتهرب
خالد : وابويا لتقاطعه... ابوه هو كمان وهو كمان مجروح زيه زيك ويمكن اكتر على الاقل انت كنت معاه هو كان لوحده في عالم لاول مرة يشوفه متحاولش تبقى اناني
تجاهلها خالد بنظراته لكنه يعلم انها على حق وللأسف كان يهرب من الحقيقة
خرجت آرابيلا وهي تعلم بأن كلماتها ذات اثر عليه
كانت نورة واقفة امام البحيرة تنزل دموعها بصمت تام فكان للصمت صوت اخر لتنظر بانعكاس صورتها في المياه وجدتها مرة اخرى
اثينا : كنت عارفه انك هتحبي تكوني هنا من وانتي صغيرة لما تزعلي تهربي وتفضلي تعيطي
استغربت نورة من حديثها : وانتي كنتي تعرفيني وانا صغيرة لتومأ لها وتبتسم
اثينا : كوني سند للي حواليكي خليكي قوية زي ما حلا كانت سند ليكي جه الدور انك تبقي كده
لتبكي نورة : مش قادره.. حلا اقوى مني بكتير
اثينا : لكل واحده فيكم ليها قوى اوعي تشوفي نفسك كده لسه الرحلة طويلة ولقاكم هيكون صعب على الكل
نورة : يعني انا مش هشوف حلا دلوقتي
اثينا : مش هينفع دلوقتي لازم حلا تكتشف هي مين وانتي كذلك اول لما الجوهرة تتحد معاكم هي هتدلكم على بعض لتختفي صورتها فجأة لتسمع صوته... مش هتبطلي كلام مع نفسك لتنظر ورائها
وقفت مسرعه تسنده : انت ايه اللي قومك من سريرك بس
خالد : مقدرتش وقلبي مطاوعنيش
نظرت له ثم سرحت بكلماته لتجده هو ايضا ينظر لها لتبعد نظرها بسرعه
... طب اقعد هنا.. لا استنى امسك ايدى ليمسك يديها لتشعر بكهربا سارت بجسدها فجأة لتسمع صوته يقول : هو انا حلو اوي للدرجادي
نورة : ها.. كنت بتقول ايه
ليضحك خالد من قلبه : لا مش معقول ايوة انا مز لكن مش كده
نورة باستغراب : انت بتقول ايه
خالد : اللي انتي بتقوليه
نورة : هو انا قولت عليك مز
ليرد عليها اه عينك قالت كل حاجه
نورة بتوتر : اا.. ان.. انا
خالد : بهزر معاكي المهم انا مكنتش اقصد الكلام اللي قولته والاسلوب اللي اتعاملت بي معاكي
نورة بحزن : لا عادي وبكت بوجع
مسك يديها فتوجعت من الالم لينظر ليديها فيجد كدمة قوية
خالد : انا اسف كل ده بسببي
نورة وهي تمسح دموعها : محصلش حاجه دى مجرد كدمة وهتروح
خالد : طب تعالي ندخل نعالجهالك
نورة : ملوش لزوم
خالد بإصرار : انا قولت يلا لتقف هي
نورة : طب الاول مش هتكلم اخوك
خالد : هكلمه بس نشوف دراعك ده.
💢💢💢💢💢💢💢💢💢💢💢💢💢💢💢
اخذ فهد لوقا للسجن وشدد عليه الحراسة ليخرج ويبحث بيعينيه عن حلا ظنا منه انها ذهبت للملكة
كانت حلا تلعب مع طفلة صغيرة
حلا : ايه كونتلسيوس ده
الطفلة : ده وقبل ان تكمل
فهد : ده الطائر الملازم ليها بعد اما تبلغ عمرها ال ١٤ هتقدر تمطتيه
حلا باستغراب : وانتوا عندكم بتركبوا طيور
فهد : ده للحرب وقبل ما نتكلم كتير هتفهمي كل حاجه بس نخلص من الاجتماع الملكى الاول
حلا : طيب طيب استني اظبط الفستان
فهد : قبل كل حاجه اسلوبك ده يتغير احنا هنا في اجتماع لممالك مش عاوز اسلوبك ده يقلل نظرة الناس للمملكة
حلا بغيظ: متقلقش بس وسع انت كده وانا هتعامل
فهد : انتي مش بتفهمي
حلا : انا مش هسمح بكده وخلي في علمك ان انا اهم حد هنا فمتستهونش بيا انا ابقى ملكة الجوهرة يعني افعصك كده
فهد بغيظ : تفعصي مين انتي فاكره نفسك مين
وقبل ان تهم عليه بالضرب وجدوا الملكة تقف
الملكة : مش هتخلصوا لعب عيال بقا
وقفت حلا بخضوع : انا كنت جايه وهو وقف وقعد يديني محاضرة واني مش متربية
فهد : انا قولت كده دي بتكدب
الملكة : بس بس يلا يا حلا وحاولي تظبكي نفسك شوية انت ليه تتعامل معاها كده يا فهد
فهد كاد ان يتحدث الا ان حلا قاطعته : همجي نقول ايه يلا يا مولاتي متشغليش بالك انتي بس وانا هظبط نفسي وجايه
ـــــــــــــــــــــــــــــــــــــــــــــــــــــــــــــــ
اولا اسفه على التأخير
ثانيا : كل عام وانتم بخير وصحة وسعادة دائمة وعيد سعيد عليكم
ثالثا : اتمنى تكونوا بخير واتمنى ان البارت يعجبكم و وعد مني مش هتأخر عليكم في
رابعا : عارفه البارت صغير لكن هعوضكم متقلقوش ❤❤❤😘