قصص رعب 🔞🚫

طلسم الموت

الطلسم ده لو قرأته هتعرف ترجع حبيبك من تاني"

ده كان بوست على صفحة روحانيات على الفيس بوك، دخلت أدور على الطلسم لقيته في التعليقات، كتبته على ورقة بتسلسل الحروف بتاعته وبدأت اقرأ، أنا كنت فاكرة إن انا لوحدي، لأني في الأوضة ومقفول عليا الباب، مكنتش أعرف إن فيه كارثة بتشوف من خلال عنيا إسمها القرين..

...............
الشيطان بيجري في ابن آدم مجرى الدم، معلومة احنا كمسلمين عارفينها من أحاديث الرسول اللي طلب مننا نتحصن بالأذكار صباحا ومساء، لدرجة انك بتستعيذ من الشيطان صراحة في كام ذكر، مطلوب منك تنفض فراشك قبل نومك وتنام على جمبك اليمين..

كل ده عشان رسولنا الكريم عارف إن الشيطان لو اتملك منك هيعمل فيك ايه، بس احنا بنحب نتجاهل كلام الرسول الكريم أو نعمل اننا مش واخدين بالنا وخلاص بقينا في عصر العلم، وقدر الشيطان يلاقي ألف ثغرة عشان يدخل بيها حياتك ويسود عيشتك، لدرجة انك بتظن أوقات انك نحس، محسود، رزقك قليل، بس في الحقيقة الشيطان هو اللي اتملك منك..

أنا بقا الشيطان تملكني بطريقة مختلفة خالص، أنا كنت ساذجة، وقررت أدخل في سكة أنا معرفش عنها حاجة، بس القانون لا يحمي المغفلين، وانا تابعت جروبات الرعب من بدري أوي وكنت مدمنة لأي كاتب بيكتب قصص رعب،

بصراحة كنت بعاني من الكوابيس كل فترة، بس مجرد أحلام مجرد ما بصحا بنساها تماما، لحد ما صادفت وشوفت كومنت بيعلن عن جروب روحانيات، وبلمسة على الموبايل دخلت الجروب..

وفوجئت بكوارث، طلسم لرد المطلقة، طلسم لجلب الحبيب، طلسم لزيادة الرزق، وكل بوست كاتب كمية تفاصيل تثبت ان دي علوم ربنا نزلها على حضارات قديمة وإذا هي مش حرام، وإن الطلاسم دي ما هي إلا طاقات بتبعد عنك الطاقة السلبية عشان تزود رزقك وهكذا..

كلامه كان فيه حتة إقناع بصراحة، ، بعتله ع الخاص وخدت رأيه، وكل اللي رد بيه جملة واحدة "أمور شركية تجلب الهلاك فابتعدي عنها"

بصراحة كنت بتمنى يكتب كلام محايد عشان فضولي كان سايقني، بس هو قطع عليا الطريق، وفضلت في الجروب فترة طويلة لحد ما خدت أول صدمة عاطفية في حياتي، حب أربع سنين ضاع في شات واحد، وشوفت وش قاسي من شهاب اللي كنت بعشقه عشق، إهانة وتجريح وصلت لدرجة إنه قال صراحة إنه شايفني مجرد جسم مثير وبس..

ماهو الحرام هيجيب حرام وذل، بس انا مكنتش قوية عشان استوعب رسالة ربنا، وانهرت على فراق شهاب، ووسط صدمتي لمحت البوست ده، طلسم جلب الحبيب أو رد حبيب قديم، والعجيب إني في الوقت ده بس كنت ببكي على مواقف كتير افتكرتها..

وبدون وعي دخلت على البوست، أول كومنت كان الطلسم، وكان مكتوب بحروف متفرقة، والمطلوب منك تنقله على ورقة وتمشي على تسلسل  ٥٦٢٧٤٦٧

يعني تاخد أول ٥ حروف كدا كلمة، بعد كدا تاني ٦ حروف كدا كلمة، وهكذا تجمع كل الحروف ككلمات بالعدد الرقمي اللي فوق ده، وتبدأ تردد الجملة وفي النهاية تقول إسم اللي عايز تجلبه واسم امه..

طبعا انا استحالة كنت اقرأ الطلسم، انا جمعته وبصيت عليه بعنيا بس، "الطلسم" شهاب ابن نجلاء..

بعدها على طول قولت في نفسي ايه التخلف اللي انا بعمله ده وروحت قافلة النت خالص، وفضلت زي مانا بكمل بكاء على كل موقف وكل ذكرى، والغريب إني زدت في البكاء بطريقة عجيبة، كأن فيه فيضان جوة عنيا من الدموع مش عايز يقف، وبدون إرادة مني بدأ صوت بكائي يزيد ويعلى اكتر واكتر، ووسط بكائي ده فوجئت بحاجة بتحسس على جسمي، وبالأخص فوق كتفي..

كانت عاملة زي كف الإيد الخشن، جسمي كله اتكهرب ووقفت مكاني وانا خايفة، في اللحظة دي حسيت بحرارة في ضهري، كأن فيه حد واقف ورايا، وبدأت توصلني ذبذبات غريبة، كأن فيه موجات غريبة في المكان..

جسمي قشعر وحسيت بتنميل مسكني من ضهري ورجلي، كأن جسمك عايز ينهار في الأرض، مقدرتش استحمل الرعب ده كله، وجريت لبرة الاوضة، قعدت شوية في الصالة بحاول اتمالك أعصابي وبعد شوية رجعت اوضتي عشان انام من تاني، وبالفعل نمت عادي جدا..

وفي نومي شوفت نفسي متسلسلة بألف سلسلة من حديد، وكأن شياطين الجاثوم كلها واقفة على جسمي، ايديا ورجليا متخشبين على وضعية مخيفة، شفايفي مقفولة زي المشلولة بالظبط، وجسمي ثقيل بدرجة رهيبة..

ورغم إني نايمة شوفت إيد سودة عاملة زي الهيكل العظمي بتحسس على جسمي كله من أوله لأخره، كنت بتنفض في صمت، عايزة اصرخ مش قادرة، عايزة اتحرك مفيش، حتى اني انطق اسم ربنا كان استحالة..

وبدأت الإيد تخربش في جسمي، وتتحسس جبهتي بالقوة، كانت إيد باردة زي لوح الثلج، كنت بتنفض وجسمي كله بيتكهرب بهيستريا، بس مكنتش حتى بهمس، وفضلت على الوضع ده دقايق طويلة، لدرجة إن دموعي نزلت مني..
دموع الخوف والرعب، كنت بصرخ جوايا وانادي ربنا، وفي لحظة لمحته، شخص ضخم وشه أزرق وعنده قرنين صغيرين، وعنيه كانت زرقا بلون وشه، مناخيره مكنتش موجودة، وسنانه كانت خارجة منه بطريقة مرعبة..

قرب خطوة ورا خطوة ناحية سريري وحسيت بيه بيلمس في جسمي كله، كانت ريحته بشعة وايده عاملة زي السكين، فضلت اتحشرج واطلب من ربنا أموت، كنت في حالة فزع مُطلق، وفجأة اتفتح باب الأوضة ودخلت أمي، واتنفضت من سريري وصحيت..

وبدون وعي اترميت في حضنها وفضلت اترعش وابكي بشدة، حضنتني جامد وحاولت تفهم انا فيا ايه بس مكنتش قادرة أنطق حتى، وبعد ساعة كاملة يادوب قدرت أبرر واقول إني شوفت كابوس..

بس لما دخلت الحمام وشوفت جسمي المليان علامات سودة كأنها حروق عرفت إنها مش كوابيس خالص، وبالأخص لما، لما

لما قطع نور الحمام، وانا واقفة قدام المرايا متخشبة، ونفس اللي حصل من شوية حصل تاني، بس وانا صاحية، وواقفة قدام مراية الحمام، جسمي كله اتشل مرة واحدة، بقيت بشهق بصوت عالي كأني في سكرات الموت، وحسيت بنفس الإيد الباردة، الخشنة بتخربش في جسمي كله، وبدأ صوت أنفاس حد تيجي من ورايا وحسيت بسخونة جسمه، وقتها مقدرتش أتحرك أكتر من كدا ووقعت من طولي في الحمام، وكل اللي حسيت بيه ضربة عنيفة في راسي..

فقت من نومي عشان أحس بصداع رهيب، ولقيت راسي مربوطة بشاش وقطن، وكانت أمي جمبي بتبكي، وعرفت منها إني وقعت في الحمام ودماغي خبطت في البانيو واتعورت، ولولا ستر ربنا وانها جت بسرعة كان جرالي حاجة..

شوية ولقيت ابويا جاي ومعاه راجل وقور كدا، ابتسم في وشي وقالي:

- أخبارك ايه يا ست البنات
ابتسمت في وشه وقولت بخجل:

- الحمد لله
- - أنا عمك عبدالله صاحب بابا
- أهلا وسهلا
- - ممكن تحكيلي بقا اللي حصل

بصيت لأمي بتعجب وفهمت، فهمت إني لما وقعت في الحمام عريانة وامي دخلت شافت جسمي المتخربش خرابيش سودة، مع صراخي وبكائي قبلها وترجمت كل ده، واتصلت بوالدي اللي جاب شيخ وجه..

وحاولت أحكي بس كنت متوترة أوي في حتة شهاب، حتى إني قولت اني قرأت الطلسم بعنيا وخلاص كتجربة مش أكتر..

ابتسم الشيخ وقرب مني وبدأ يتلو قرآن بصوت عذب جدا، حسيت وقتها بصداع بسيط وجسمي كان بيسخن شوية ويهدى شوية، في النهاية ابتسم وقال:

- الحمد لله محاولة مس مش تلبس
- - مش فاهمة حاجة يا شيخ

- بصي يا بنتي، ربنا من رحمته بيكي رغم وقوعك في الحمام خلى الشيطان ميعرفش يتلبسك وده نادرا ما بيحصل، والشيطان ده دخلك من خلال ثغرة عملها قرينك
- -يعني ايه

- يعني الجروبات دي كلها بتاعت ناس نصابين ودجالين وسحرة، وبيحطوا طلاسم سحر حقيقية عشان يضروا الناس، وانتي افتكرتي ان قراءتك بعنيكي مش هتضرك، بس القرين كان بيردد من جواكي بلسانه هو، وبالتالي القرين بيحضر اخوانه من الجن لما يقرأ الطلسم ودي بتبقا الثغرة اللي بتحصل في جسمك
بصتله بخوف وقولت:

- يعني...
- ايوة يا بنتي أي طلسم بيبقا مضر، حتى لو كان مش كامل، والقرين بيردد الطلسم حتى لو صاحبه مقلش ومن هنا بيفتح سكة للشيطان عشان يدخل حياة الشخص ده ويحولها لجحيم
- - انا خايفة اوي

- متخافيش يا بنتي الحمد لله محصلش تلبس لسة، وانا رقيتك وهديكي ورد قرآني تمشي عليه والأذكار وبكدا مفيش حاجة هتقرب منك
وقتها حسيت بالقهر، بالخوف من ربنا، ربنا اللي عصيته بشهاب وفي نفس الوقت كان رحيم بيا ومخلاش تحصلي حالة تلبس، وندمت اكتر لأني بصيت على الطلسم، ويمكن انا شوفت وقت صعب جدا بس اتعلمت، اتعلمت إن الطلاسم دي كلها أمور شرك ومينفعش حتى أشوفها بعنيا، وإني طول مانا قريبة من ربنا هيحميني من كل حاجة، وبعت كل التفاصيل للكاتب واعتذرت إني مسمعتش كلامه من البداية..

في البداية احب اعرفكم بنفسي انا دكتور طاهر سليم دكتور نفسي بشتغل في مستشفى امراض نفسيه يمكن متعرفوش عن الدكاتره النفسيه انهم شايفين الدنيا بنظره تاني..... بمعني ان شايفها من شباك عملي كدكتور نفسي..... انا من اسكندريه لكن عايش في القاهرة لظروف شغلي.. متجوز من سنتين ومخلف ولد وبنت.. عاصم ودينا....... الحياة مستقره الي حد كبير...... كل يوم بنزل شغلي في مستشفى معروفه جدا للناس كلها..... معظم الحالات الي بتعامل معاها ناس عندها مشاكل نفسيه من وهيا صغير.... قسوه او تفكك اسري او مرضي فصام وده يمكن اخطر مرض قبلته........ قصتي بتبدأ من يوم نزلت فيه المستشفى عادي زي اي يوم لكن اليوم ده كان مختلف المستشفى مقلوبه والكل بيجري وانا بمجرد ما دخلت لقيت عمي وحيد بتاع البوفيه بيقولي با دكتور طاهر.... مدير المستشفى عايز حضرتك ضروري.... دخلت لمدير المستشفى دكتور علاء وقولتله خير يا دكتور..... قلي اتفضل اقعد قعدت وقلي اكيد ملاحظ ان الدنيا في المستشفى مقلوبه... قولتله فعلاً يا دكتور بس مش عارف السبب.... قلي السبب مريض جاي عندنا جديد متحول من النيابه علي هنا علي انه بيدعي الجنون... قولتله واي الجديد ما ده عادي ميستدعيش ان الدنيا تتقلب..... قلي لا تستدعي لان الشخص ده جاي في جريمة قتل... قتل مراته وابنه..... يا ساتر يارب.... قلي دكتور طاهر انا عاوز منك تقرير عن الحاله دي وهل هو فعلا مجنون ولا بيدعي الجنون.. قولتله تمام يا دكتور... بس خليك حظر وانت بتتعامل معاه في النهاية ده قاتل فهمني اكيد..... قولتله تمام يا دكتور..... خرجت من مكتب الدكتور علاء علي قسم اسمه استقبال ملفات المرضي.. اخدت منه ملف المريض قبل حني ما افكر اشوفه..... اسم المريض سعيد عبدالغفار.. سنه 32سنه... التهمه الموجهه اليه قتل
مسكت تقرير النيابه في ايدي وقريت المتهم سعيد عبدالغفار قام بقتل زوجته البالغه من العمر 25 سنه.. وابنه البالغ من العمر خمس سنوات بطريقة وحشيه حيث قام المتهم بذبحهم ثم قام بحرق الجثث.... وبسؤاله انكر المتهم وقال انه كان تحت تأثير السحر........ قفلت الملف وخرجت بره مكتبي متجه لاوضه بنسميها عندنا اوضه العزل.... دخلت لقيت شاب قاعد وشه شاحب جدا... تحت عينيه اسود كأنه مش بينام من فتره..... مسكت كرسي وقعدت قدامه وقولتله صباح الخير يا سعيد... مردش عليا.... قولتله ماشي متردش الصباح... انا الدكتور بتاعك اسمي طاهر وجاي عشان اسمعك...... ساكت مش بيجاوب قولتله انت لازم تحكي عشان اعرف اساعدك.... بصلي وهو بيدمع محدش هيصدقني الكل بيقول عليا مجنون... وانت هتقول عليا مجنون.... قولتله لا مش هقول عليك مجنون بس اتكلم احكي الي حصل.. انت قتلت مراتك وابنك..... قلي انا مكنتش في وعيي انا كنت تحت تأثير سحر يمكن انا غلطت لكن....... لكن اي اتكلم بلاش تسمع هتتأذي... بصراحه ضحكت وقولتله هتأذي قلي اه هتتأذي متضحكش انت مش عارف الي انا فيه....... قولتله احكي ومتخفش مفيش حاجه هتأذيني...... بدأ يبكي..... قولتله سعيد ارجوك اهدي واتكلم انا... قلي كل ده كان ممكن ميحصلش من الاول بس عدم الرضا بحاجه بايد ربنا هي السبب..... انا هحكيلك يا دكتور عشان بجد انا عايز احكي يمكن ارتاح..... انا إسمي سعيد عبدالغفار عندي 32 سنه من القاهره كنت بشتغل في شركه دعايا واعلان ومتجوز مراتي كان اسمها نورهان كانت عازفه بيانو ممتازة اتعرفت عليها في فرح واحد صحبي اعجبت بيها وبصراحه اخدت قرار اني هتقدملها رسمي وافقت عليا واتجوزنا بعد 6 شهور خطوبه كانوا اجمل 6 شهور في حياتي..... الحياة كانت مستقره وهاديه وسعيده مفيش غير حاجه واحده الي كانت منكده علينا حياتنا اننا مخلفناش...... روحنا لدكاتره كتير وللاسف نورهان كان عندها مشكله في الرحم تمنعها من الانجاب..... انا كنت راضي ومتقبل ده بس هي لا وكانت دايما تقولي انا عارفه انه هياجي يوم وهتتجوز عليا... او هتطلقني، طمنتها كتير ان ده مش هيحصل لكن مفيش فايده.... قلتلي احنا ليه متنبناش طفل.... رفضت الموضوع وقولتلها التبني حرام...... وبعد مرور شهرين علي جوازنا بدأت الاحظ عليها حاجات غريبه بدأت توقف قدام المرايا كتير... تدخل الحمام وتقعد جوه بالساعات ولما اسألها تقولي مفيش حاجه انا كويسه..... لحد ما في يوم كنا نايمين.... صحيت في نص الليل علي صوت مراتي بتقول كلام غريب هو بصراحه مكنش كلام كان اشبه بالوشوشه.... بصيت عليها نايمه لكن شايفها بتتحرك وكأنها بتقول حاجه وهي نايمه...... وفجأه قامت وصرخت... قولتلها مالك يا حبيبتي في اي.... قلتلي كابوس.... خير يا حبيبتي شوفتي اي... قلتلي شوفت شخص طويل جدا ومتفحم بيقرب مني شكله كان يخوف... يخوف اوي.... اطمني يا قلبي مفيش حاجه انا اهو معاكي ده كابوس....... تاني يوم لقيتها قاعده علي الاكل بس مش بتاكل.... مالك مش بتاكلي ليه.. ها لا يحبيبي ابدا باكل اهو.... نزلت روحت شغلي حاولت وانا في الشغل اتصل بيها محدش بيرد...... قلقت استأذنت من الشغل ورجعت البيت ملقتهاش هتكون راحت فين.... اتصلت بوالداتها ردت عليا وقالتلي لا يبني مجتش عندي والله..... ساعه واتنين ولسه مجتش وعلي المغرب لقيت باب الشقة بيتفتح ودخلت نورهان هدومها عليها تراب كتير..... سألتها كنتي فين.... قلتلي كنت بزور بابا الله يرحمه.... جيت اقرب منها ريحتها كانت لا تطاق ريحه مقابر.. ريحه موت..... قولتلها اي الريحه دي انتي كنتي بتعملي ايه هناك... قلتلي هكون بعمل اي يعني كنت بقري الفاتحه لبابا..... قولتلها وهدومك الي كلها تراب دي اي..... لقيتها بتزعق ويمكن دي اول مره كانت تعلي فيها صوتها عليا..... هو تحقيق ولا اي منا قولتلك اني كنت بزور بابا الله يرحمه..... وسبتني ودخلت الحمام اخدت دش وخرجت ولقيتها قعدت قدام المرايا بتسرح شعرها رحت وقفت وراها وقولتلها حقك عليا يا حببيتي ووطيت عشان ابوس علي راسها لكن بصيت علي المرايا..... صرخت واتقلبت علي ضهري لاني الي في المرايا دي مكنتش مراتي... كانت شيطانه... اعوذ بالله من الشيطان الرجيم.. انت اي يا ست انتي.. انتي مين....... بصتلي وقلتلي انا مين ازاي.....وانت واقع علي الارض كده ليه بصيت كانت مراتي عادي مفيش حاجه...... قومت وانا مش مصدق الي شوفته وقولتلها انا رايح انام.... قلتلي ماشي ونمت وحلمت اني واقف في مكان كله ضلمه مش شايف ايدي ومن الضلمة سمعت.... بحق من رفض السجود بحق من ادعي الخلود بحق الالف والنون اتونا مسرعين اجلين ونفذوا ما امركم به الاسياد.. مارق مارق طام طام ظام ظام...... صرخات ضربت المكان كله وفوقت لقيت مراتي واقفه فوق راسي.... اتجوزتني ليه اتجوزتني لييييه.. انت مش جوزي انت مش جوزي...... اعوذ بالله من الشيطان الرجيم
بسم الله الرحمن الرحيم
اللَّـهُ لَا إِلَـٰهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
صرخت ولقيت مراتي بتصحيني وبتقولي مالك في اي فوق.... قومت وانا باخد نفسي بالعافيه......... سكت سعيد وهو بيحكي واتحولت نظره الانكسار لنظره خبيثه وابتسم وقال ابعد احسنلك يا طاهر عن الموضوع ده انا مش عايز اذيك..... قولتله مالك يا سعيد... ضحك وقلي انا مش سعيد.... وبقولك ابعد عن الموضوع ده انت مش قدي..... قولتله ولو مبعدتش هتعمل ايه.... قلي هعمل كتير احسنلك ابعد.... ورجعت ملامح الانكسار تاني على وش سعيد وحط ايده علي ودانه وهو بيقول مش راضي يسكت مش راضي يسكت...وفجأه.......

قام وبدأ يكسر في الاوضه كلها... دخلوا عليه الممرضين وادوه حقنه مهدئه..... خرجت من عنده بصيت في الساعه بقت خمسه المغرب استأذنت من الدكتور علاء لاني تعبان وعايز انام.... ركبت عربيتي ورجعت البيت.... اتغديت انا ومراتي وقولتلها اني هدخل ارتاح شويه... نمت مش عارف نمت قد اي لكني لما فوقت... فوقت علي صوت حاجه بتنقر في الصاله صوت سخيف... قومت لاحظت ان مراتي مش موجوده جمبي طلعت الصاله... لقيت مراتي بتخبط راسها في الحيط وبيطلع منها صوت يخوف... قربت منها بحذر وقولتلها انتي بتعملي اي.. اتلفتتلي ملامحها عجوزه وقلتلي انا حظرتك وقولتلك ابعد بس واضح انك مش هتقدر.... اعوذ بالله من الشيطان الرجيم... اعوذ بالله..... قلي اخرس لكن انا مسكتش وفضلت اقول بسم الله الذي لا يضر مع اسمه شئ في الارض ولا في السماء وهو السميع العليم... صرخ ومراتي وقعت علي الارض قومتها وفوقتها وقلتلي انا عاوزه ادخل الحمام وفعلا دخلت... رجعت الاوضه عشان اجيب تليفوني لقيت مراتي نايمه علي السرير... مراتي نايمه علي السرير وفي واحده المفروض انها مراتي في الحمام.... رجعت بسرعه بصيت علي الحمام فاضي.... مبقتش فاهم اي حاجه خالص روحت المستشفى تاني يوم.... دخلت علي طول لسعيد وكان باين عليا اني عايز اتكلم واقوله حاجه...... لقيته هو اتكلم وقال انا قولتلك يا دكتور بلاش احكيلك هتتأذي...... قولتله انا شفت ليله امبارح من اسوء الليالي الي مرت عليا في حياتي...... قلي يعني انت مصدقني انا مش مجنون صح...... قولتله لا انت مش مجنون يا سعيد بس انا عايز اعرف باقي الحكاية..... لقيته بصلي باستغراب بعد الي حصل معاك لسه مصمم تعرف الحكاية..... انا لو مكانك معملش كده واخاف اسمع اكتر.... قولتله بالعكس انا دلوقتي عندي فضول اكتر من الاول اني اسمع......... سكت سعيد شويه وبصلي وقال احنا وقفنا فين في الحكاية..... رديت عليه وقولتله لما فوقت من الكابوس وكنت بتاخد نفسك بالعافيه..... اه افتكرت مكنتش عارف اي بيحصل مراتي قلتلي روح لدكتور يا حبيبي ده ضغط نفسي بسبب الشغل.... قولتله اه اكيد.. وقومت بصيت في الساعه كانت الساعه 8الصبح.... دخلت الحمام عشان اغسل وشي لاحظت حاجه غريبه علي الحوض فيه خصله شعر مقصوصه... خرجت وسألت مراتي قلتلي انها متعرفش عنها حاجه.... استغربت ياتري الي جاب دي هنا...... اخدتها معايا ومتسألنيش عن السبب ونزلت روحت شغلي..... طول اليوم في الشغل مش مركز قررت اني هرجع البيت استأذنت من الشغل ورجعت فعلا.... لقيت مراتي قاعده علي الباينو كان لحن حزين جدا وكئيب.... قولتلها ليه الحزن ده يا حببيتي.... قلتلي ده لحن الموت عجبني...... قولتلها طيب انا عايز لحن رومانسي كده... اختارت لحن وبدأت اسمعه وبعد عشر دقايق رجعت تاني لنفس اللحن لحن الموت..... اتغدينا ودخلت انام شويه.... سعيييد.. سعييد.. صوت مبحوح بطريقة بشعه.. مين ها مين........ لقيت مراتي واقفه في وشي ومبرقه شكلها كان يخوف شعرها منكوش...... اي في اي لو قربتلها تاني هموتك سامع هموتك نورهان دي مراتي انا ملكي انا لو قربتلها تاني هموتك.......... اعوذ بالله مالك فيكي اي بتككلمي كده ليه........ صرخت ووقعت على الارض..... شلتها وحطيتها على السرير وبدأت افوق فيها واتصلت بدكتور اعرفه كويس قولتله تجيلي بسرعه..... بعد نص ساعة جيه وكشف عليها وقلي الف مبروك المدام حامل..... حامل حامل ازاي..... قلي اي الي ازاي... مراتك حامل انت مش فرحان ولا ايه..... لا فرحان بس..... بس اي... لا مفيش يا دكتور الف شكر... مشي الدكتور وانا فيه مليون سرال في دماغي حامل ازاي وانا مراتي اصلا مش بتخلف.... دخلت وقولتلها الف مليون مبروك يا حبيبتي انتي حامل..... قلتلي اه يا حبيبي عرفت... الله يبارك فيك........ رغم الفرحه الي انا فيها نزلت وروحت للدكتور الي قلي مراتك مش بتخلف وقولتله مراتي حامل...... رد عليا بمنتهي الثقه وقلي علميا مراتك مستحيل تحمل لكن كل شئ عند ربنا جايز... ان الله علي كل شيء قدير......... مشيت من عنده ورجعت البيت لقيت حماتي الي كنت منتظره او الي كان المفروض يحصل انها تكون فرحانه..... لكن الي حصل العكس حماتي كانت مدايقه جدا وكانت بس لبنتها نظرات حسره...... مكنتش فاهم في وقتها... قولتلها ازيك يا حماتي خلاص اهو هتبقي جده.... الست مش قادره تضحك بصت لبنتها وقلتلها خلي بالك من نفسك ومن جوزك...... ومشيت وهي ماشيه بصتلي وقلتلي ربنا يعينك يا ابني..... مفهمتش حاجه وسألتها هي ماما مالها.... مجوبتش ساكته برضو...... بعد يومين جيه يزورنا واحد يعتبر مربيني اسمه عم ايوب هو امام الجامع الي جنب بيت العيله... فتحت للراجل الباب... الراجل اول ما دخل خد نفس عميق كده واتكلم شقتك مش مريحه يبني فيه حاجه غلط.... قولتله حاجه غلط ازاي بس يا شيخنا.... قلي مش عارف انا مش مرتاح.... خرجت مراتي واول ما خرجت برقت كده وبصت للراجل وقلتله انت جاي هنا ليه اطلع بره..... الشيخ ابتسم وقال عايز منهم اي قالوا اطلع بره هموتكم كلكم..... الشيخ اتكلم وقاله ولا تقدر تعمل حاجه انت ضعيف.. اخرج اخرج بامر الله وبحق اسم الله.. صرخت مراتي وقالت هموتها هموتها..... الشيخ اتكلم وقال
بسم الله الرحمن الرحيم
اللَّـهُ لَا إِلَـٰهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ
صدق الله العظيم
اعوذ بكلمات الله التامات من شر ما خلق اعوذ بكلمات الله من شر ما خلق.. أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان..... يا من الجمت كل متمرد سلم يارب سلم.... بسم الله نبدأ بسم الله نحتجب بقوه الله وبعظمه الله وبقول لا اله الا الله..... فضلت تصرخ تصرخ وتتلوي قدامي..... انا كنت مسهم مش عارف اتكلم ولا انطق..... ولا اعمل اي حاجه.... مراتي فقدت الوعي ونزل من بوقها رغوه بيضه..... بصيت للشيخ وقولتله هو فيه اي يا شيخ ايوب.. قلي مراتك كان عليها جن عاشق والحمدلله قدرنا نخرجه منها بس لازم مراتك تواظب علي الاذكار والصلاه وتقرب من ربنا....... فاقت مراتي بعد ساعه ومكنتش فاكره اي حاجه.... الشيخ اتكلم وقالها حمدالله على السلامة يبنتي انتي دلوقتي بخير.... قالت الحمدلله......... بدأت حياتنا ترجع تستقر من تانى والدنيا رجعت طبيعية كنت بنزل اروح شغلي وارجع اشوفها عاوزه اي اجبهالها احساس جميل انك هتكون اب....... وفات 8 شهور وخلاص كان فاضل علي الولاده شهر... صحيت من النوم علي صوت رنه موبايلي كانت رساله واتساب... كانت من مين من حماتي فتحتها وبدأت اقرا انا اترددت كتير يبني قبل ما اكلمك لكن خلاص فاضل علي الولاده شهر ولازم تعرف الحقيقه الي في بطن نورهان ده مش ابنك ده ابن جن والعياذ بالله.... بنتي راحت لدجال عشان تخلف وعملها عمل..... انت عارف ان مراتك مش بتخلف لكن الي حصل انها حكتلي ودلوقتي انت قدام مصير مجهول الحق مراتك قبل تضيع منك...... قريت الرساله ومش عارف اتصرف ازاي ولا اعمل اي..... افتكرت الشيخ ايوب مش عارف ليه حاولت اتصل بيه مره واتنين مش بيرد.... نزلت من البيت بسرعه ورحتله وصلت البيت مقفول ومتشمع بالشمع الاحمر ولما سألت رد عليا واحد وقلي انت معرفتش الشيخ ايوب مات من 7 شهور كده... دخلنا عليه لقيناه مقتول...... مقتول.. اه يا استاذ مقتول كان مدبوح من رقبته الله يرحمه بقا وينتقم من الي عملها..... طلعت علي بيت حماتي الدنيا ضلمه مش شايف اي حاجه الباب كان موارب دخلت لقيت حماتي واقعه علي الارض بتاخد نفسها بالعافيه عاوزه تتكلم مش قادره وفجأه.......

ياريت شويه تفاعل عشان اكمل يا جماعه وبشكر الناس الداعمه ليا

وفجأه ماتت ماتت...انا كنت زي التايه مش عارف اعمل ايه معقول تكون مراتي هيا الي عملت كده تكون قتلت امها..لا لا ..... مكنتش مصدق خرجت من عندها واتصلت بالاسعاف  وجيه الاسعاف والشرطه واتعمل معايا تحقيق في موقع الحادث طبعا مردتش اوريهم المحادثه خوفت طبعا من العواقب الي ممكن تحصل وخوفت علي مراتي الي لحد دلوقتي مش عارف هيا عملت اي في امها... الظابط سألني بشكل ودي كده كنت بتعمل اي هنا... قولتله عادي كنت جاي ازورها..... قلي بس مش غريبه  جاي تزور حماتك ومش جايب مراتك  معاك.. اتلجلجت ومعرفتش ارد وده شكك فيا الظابط اكتر وطلبني لتحقيق رسمي....اما حماتي نقلوها المشرحه وانا روحت معاها.... ..... لقيت مراتي جايه المستشفى وبتبكي امي ماتت.. امي ماتت.......... كنت عايز انفجر فيها واقولها ما انتي السبب لكني سكت اخدتها في حضني وطبطبت عليها...الظابط قلي ياريت تتفضل معاياشويه عشان نكمل التحقيق....مراتي اتكلمت وقالت تحقيق اي...قولتلها مفيش حاجه كلمتين وهرجع..ورحت مع الظابط وقالي من الاحسن ليك ولينا انك تتكلم اي الي وداك هناك...قولتله منا قولتلك يا فندم كنت بزورها عشان تعبانه وماخدتش مراتك معاك ليه.....قولتله انا كنت بره وبالمره قولت اعدي عليها...عمال اجيب كلمه من هنا علي كلمه من هنا فألفت الحوار ده الصراحه...مكنش في دليل يكدبني فسبوني امشي والجثه تم تشريحها وسبب الوفاة ازمه قلبيه .... وعدوا ايام العزا حزن كبير علي واحده كنت بعتبرها بجد امي التانيه...... ايام صعبه عدت علي مراتي حابسه نفسها في اوضتها وبتعيط.... وانا خايف بس مش عليها خايف من يوم الولاده...... وجيه فعلاً يوم الولاده اخدتها المستشفى وكان اهلي كلهم موجودين الكل لاحظ اني متوتر او خايف...... افتكروني خايف عشان اول مره مراتي تخلف ما هما ميعرفوش حاجه...... وخلفت ولد زي القمر مش ابن جني يعني ولا حاجه....... حمدت ربنا وسط فرحه الاهل باول مولود ليه وسميته عمر وعدت ايام لحد ما خرجت مراتي من المستشفى ورجعنا البيت بفكر خايف وقلقان كنت تعبان عايز انام ونمت وحلمت اني في مكان اشبه بقصر وقدامي كرسي عامل زي كرسي الملوك وقاعد عليه شخص اسود حالك بس عادي يعني شكله بني ادم... وقال بحق العهد واللحم والعضم والدم بحق الملك الرابع والعهد الرابع نبارك بملك جديد بارث جديد بعهد جديد...... بصراحه مكنتش فاهم حاجه.... قومت لقيت مراتي واقفه بابني شيلاه قدام المرايا وبتكلم حد ومبتسمه....... اتحركت بحذر ومن غير ما تاخد بالها وولعت النور..... صرخت..... لقيت حاجه كانت ظاهره فعلاً في المرايا واختفت............ و سعيد بيتكلم تليفوني رن الحقنا يا بابا ماما بتموت صوت بنتي خرجت جاي من عند سعيد علي بيتي عاوز اعرف حصل ايه وازاي مراتي بتموت وصلت البيت طلعت بسرعه وانا قلبي عمال يدق دخلت الشقه لقيت مراتي مقطعه شريناها اخدتها وجربت بيها على المستشفى..... الحمدلله قلولي في امل كبير تعيش...... رجعت المستشفى مسكت سعيد وقولتله كمل الحكايه عايز اعرف حصل اي....... الي حصل بعدها اني دخلت الحمام وقفت قدام الحوض وبغسل وشي النور بتاع الحمام بدأ يترعش بعنف.... وحسيت بحاجه بتضربني علي دماغي وفقدت الوعي.... لما فوقت لقيت نفسي واقع في الحمام... سندت نفسي وقومت حسيت اني مهزوز........ خرجت من البيت كله وانا مقرر اني هروح واجيب معالج يحل المشكله دي...... رحت لواحد اسمه الشيخ مصطفي وحكتله كان بيسمعني ويهز دماغه وشويه يبرق وقلي ده ممكن يكون مش ابنك لو علي حسب كلامك...... عموما انا هاجي بكره وهنشوف حل..... وانا في الطريق راجع للبيت بدأ صوت يخترق عقلي ويقولي اقتل مراتك وابنك الصوت كان عالي جدا وقلب صريخ اقتلهم اقتلهم..... وصلت البيت ومعرفش اي الي حصل بعدها وبدأ يعيط وقال حتي الان انا معرفش ده حصل ازاي انا كنت مسحور انا فوقت على الشرطه وهي مسكاني وانا بقولهم طيب انا عملت ايه... حد يفهمني والي اتقالي كان صادم بجد.... انا متهم بقتل مراتي وابني  حكتلهم كل حاجه لكن اتقال عليا مجنون.... هو انا قتلتهم بجد؟..... قولتله والحل اي دلوقتي..... قلي انا معنديش حل قولتله بس انا عندي.... وخرجت وروحت لمدير المستشفى وقولتله بعد اذنك سعيد مش مريض نفسي سعيد ملبوس...... قلي اي التخريف ده يا دكتور هو انا جايب شيخ ولا دكتور يشوف الحاله اقول اي للنيابه.... قولتله ارجوك يا دكتور انا مراتي بين الحياة والموت دلوقتي بسبب اللعنه دي.... قلي يعني انت عايز اي قولتله عايز اجيب شيخ هنا... قلي انت مجنون لا طبعا... قولتله ابوس ايدك يا دكتور بعد الحاح وضغط مني وافق ونزلت بسرعه جبت واحد من احسن الشيوخ من منطقه الحسين وحكتله كل حاجه باختصار وجيه فعلاً معايا ودخل لسعيد وبدأ يقري عليه ايأت كتير من سوره البقره  وايه الكرسي وادعيه كتير وبعدها بصلي الشيخ وقلي مفيش فايده هيموت... بصيت علي سعيد الي بدأ يرجع مش اكل لا حاجات سوده لزجه وبقي جثه هامده علي الارض قدامي مات سعيد مات وهو ضحيه سحر وملهوش ذنب في حاجه عشان يعيش في العذاب ده وفي الاخر يموت بالطريقة دي ..... رجعت المستشفى قلولي المدام فاقت الحمدلله... وكانت دي اصعب حاله واجهتها في حياتي.... نصيحه مهما كان الي بتتعرضله ده مقدر ومكتوب ارضي بقضاء الله لان كل حاجه ربنا كتبهالنا خير
.......
ياريت الناس تتفاعل عشان انزل قصه تاني النهارده
وياريت كمان رأيكم الجميل