كان في عائلة مكونه من ام و اب و ابنهم الصغير اللي مكملش ال5سنين و عنده حاله نفسيه...الولد ده كان في مصحه نفسيه بس امه اصرت انها تاخده و هتعتني بيه هي...العائله دي سكنوا بيت جديد في منطقه مش قد كده.... على قد فلوسهم...و كان جنب البيت في منطقه فاضيه كبيييرة اوي و فيها بيت صغير كده و قديم كاد ان يكون مسكون من شكله... فالعائله راحوا عشان يشوفوا البيت اللي هيسكنوه... و فعلا عجبهم و مدوش اهتمام للبيت التاني اللي جنبهم ده...
بعد ما شافوا البيت و عجبهم... طلعوا بره عشان يتكلموا مع الراجل و يتفقوا معاه خلاص انهم هياخدوا البيت و انه عجبهم... ووهما وقفين بيتكلموا في السعر و التمن و الاجراءات و كده... كانوا ركزوا مع الراجل و نسوا الولد الصغير...
فالولد ده سابهم و قعد يتمشى و يلعب و يمشي لحد ما وصل للبيت الصغير اللي في الحته الفاضيه...و لسوء الحظ ...الباب كان مفتوح... طبعا و كتفكير اي طفل... الولد دخل البيت و فضل واقف على عتبة الباب شويه... اهله اخدوا بالهم منه و جروا عليه عشان ياخدوه...قبل ما يوصلوله بكام متر... فجأه الولد اتشد لجوه و الباب اتقفل ... قعدوا يخبطوا و يحاولوا يكسروا الباب...بس مفيش فايده...
كلموا الشرطه...و الشرطه جت... و حاولوا يفتحوا الباب بس مبيتفتحش ... و بعد محاولات كتير...الباب اتفتح لوحده... ظابط شرطه دخل و قعد يدور....و بمجرد ما دخل ...الباب اتقفل عليه و سمعنا صريخه من جوه...
الشرطه اخدت الاب و الام و طبعا الام كانت رافضه انها تمشي عشان ابنها... الشرطه اخدتهم و روحوهم...و طبعا الام منهاره من العياط...و مرضيتش تنام طبعا...بس هي كانت تعبانه و كانت بتقاوم النوم...فنامت غصب عنها...
و وهي نايمه... حلمت بإبنها بيدبح نفسه بسكينه...قامت علطول من النوم مخضوضه ... كانت الساعه 2 الصبح...قامت لبست هدومها و راحت لوحدها عند البيت منغير جوزها ... لاقت الباب مفتوح و ابنها قاعد قدام الباب...و اول ما شافها جرى عليها...هي اخدتوا و روحت بيه ...طبعا كانوا مبسوطين... بس الفرحه مكملتش...
في اليوم اللي بعده...سمعوا صوت الدولاب و هو بيقع في اوضة الولد...راحوا جري عليه...لاقوه واقف في ركن من اركان الاوضه و الدولاب واقع... امه زعقتله جامد...بس الولد قالها ان مش هو اللي عمل كده...بس الاب و الام كانوا مشتتين...مابين ان ممكن يكون عشان عنده حاله نفسيه و عمل كده و مابين ان طفل في السن ده مش بقدرته انه يزق دولاب زي ده...
قعدوا معاه و سألوه على اللي حصل ده...قالهم انه مش هو ... دي الست العجوزه اللي في البيت اللي في الحته الفاضيه دي...
الام و الاب اتمسمروا مكانهم منغير اي حركه...و راحوا يشوفوا الموضوع ده...و سالوا ...و طلع فعلا ان كان في ست عجوزه عايشه في البيت ده...و مكانتش بتطلع من البيت خالص...و محدش يعرف كانت عايشه ازاي ولا بتعمل ايه...
YOU ARE READING
قصص رعب 🔞🚫
Randomإذا كنت من عشاق الرعب وعالم الجن وما وراء الطبيعة فهنا المكان الأمثل ... جمد قلبك وتعمق ف القصص وتفاعل وصوت ليوصل لغيرك ولينضمو معنا إلى هذا العالم .
