قصص رعب 🔞🚫

الواصية الملعونة

يعني إيه يا استاذ الوصية بتقول ان إحنا ملناش حاجه ! امال مين اللي ليه !؟ ، رد المحامي وقال :
- يا استاذ حاتم انا مليش دعوة .. الوصية اللي كتبها ابو حضرتك هيا اللي بتقول كده ، رد حاتم وهو مش مصدق
- يعني ايه ابويا مسبلناش حاجه خالص من كله ده
، المحامي رد وقال :
- يا استاذ حاتم من فضلك سيبني اكمل كلامي لان حضرتك مسمعتش كلامي للأخر ، حاتم قال :
- اتفضل كمل ، رد المحامي و في ايده الورقة اللي مكتوب فيها الوصية:
- أبوك قبل ما يتوفي بيوم واحد بعتلي ولما رحت
حسيته ان كان عارف ان هيتوفي وقالي : دلوقتي طلع ورقة وقلم واكتب كل هقولك عليه واثبته عندك بالحرف الواحد ، المهم انا طلعت الورقة والقلم واستنيت يقول علي اللي هيكتبه ، وفجأة لقيته قالي :
بص في الورقة .. ولما بصيت لقيت الورقة مكتوب فيها .. طب ازاى وانا ماسك الورقة وكانت فاضيه
، واستغربت أكتر لما لقيت اللي مكتوب فيها .. وفجأة ابوك قال : المكتوب عندك ده لازم يتنفذ منهم قبل الورث ما يتقسم عليهم وان متنفذتش الوصية يبقي مفيش ورث ..
حاتم الإبن الكبير: طيب وايه اللي مكتوب في الوصية دى يا استاذ ؟!
المحامي : والله يا استاذ حاتم اللي مكتوب في الوصية حاجة تصدم ومش مفهومة وانتوا مش هتفهموها غير في الاخر ابوك اللي كاتب كده ..

حاتم : طيب يا استاذ اتفضل قول علي اللي في الوصية ..
المحامي : الوصية الاولى بتقول ان حاتم وأخواته منعم وخالد يروحوا الارض القديمة ويفحطوا فيها مكان البيت اللي وقع
هيلاقوا جثة هيطلعوها ويدفنوها في المقابر بتاعتنا
..
حاتم وأخواته بصوا لبعض .. وخالد قال : الارض القديمة .. وحاتم قال : وجثة .. ومنعم قال : ونطلعها
حاتم قال : ليه ابويا بيطلب كده مننا !!؟ والجثة دى بتاعت مين !؟
المحامي قال : ابوك كاتب انكم لازم تنفذوا اللي مكتوب من غير ما تسألوا وكل حاجة هتعرفوها في الآخر ..

حاتم وأخواته جهزوا نفسهم عشان يروحوا علي الفجر الارض القديمة .. لما راحو الأرض ودخلوا مكان البيت المهدوم .. لقيه في علامة على الارض وكأنها بتشير انهم يفحطوا في المكان ده ..

وبدأو يفحطوا لحد ما وصلوا للجثة .. بعد ما وصلوا للجثة كلهم وقفوا الحفر وبصوا لبعض ..

طلعوا الجثة وهيا ملفوفة وحطوها علي جنب علي ما يردموا الحفره .. وبعد ما خلصوا ردم ولما بصوا علي الجثة لقيوها اختفت .. كلهم بصوا وهما في صدمة كبيرا ..

حاتم قال لإخواته: هي الجثة راحت فين !؟

رجعوا للمحامي وهما في ذهول .. المحامي قالهم ايه عملتوا إيه ؟
حاتم حكالوا علي اللي حصل وان الجثة اختفت
المحامي قال اختفت ازاى !؟
حاتم قال: منعرفش بعد ما طلعناها و ردمنا الحفره وفجأة لقيناها اختفت ..

المحامي رد وقال : انا كده مش هينفع اعمل اى حاجة الا لما تنفذوا الواصية كاملة ..

المحامي سابهم ومشي وحاتم وأخواته قعدوا وبيفكروا .. واحد من وأخواته قال : انا عرفت الحل
حاتم قال : إيه هو ؟
اخوه قال : احنا نروح المقابر ونجيب اى جثة ونخلس المحامي يشوفها  وبكده يبقي نفذنا الواصية

حاتم وأخواته وافقوا وراحو المقابر وخرجوا جثة ولما راحو للمحامي بيها وقالوا انهم لقيوا الجثة .. بص في الجثة وبصلهم وضحك
وقال : تفتكروا انكم ممكن تضحكوا عليا باللي عملتوه ده انا عارف الجثة كويس والجثة انتوا لسه ملقيتوهاش ..

حاتم قال : احنا فعلاً ملقيناش الجثة بس إيه الحل !؟
انا معرفش إيه اللي بيحصل ده!! ليه ابويا يطلب مننا كده وازاى الجثة تختفي

المحامي قال : انا قولت ان ابوك قال متسألوش في حاجة .. بس انا هقولكم علي حاجة مهمة ان الجثة دى ورأها لعنة ان مدفنتهاش والجثة ارتاحت الروح بتاعتها مش هتسيبكم في حالكم ..

حاتم ساب اخواته وروح البيت ولما دخل البيت وراح علي الغرفة بتاعت النوم ولما بص علي السرير لقي جثة موجودة علي السرير  .. اول ما شاف الجثة حاول يجري لكن باب الغرفة قفل لوحدوا ولما بص علي الجثة لقي انها واقفة وبتحاول تخرج من الكفن .. ولقيها بتقول بصوت مخيف : لو عايز الواصية تتنفذ وتلاقيني اقتل أخواتك ..

فجأة الباب فتح ورا حاتم وبص وراه وبعدين بص علي الجثة كانت اختفت ..

حاتم قعد يفكر ان معقولة اقتل اخواتي !؟ لكن مفيش حل غير كده بس لازم افكر ازاى هعمل كده ..

ولما حاتم جمع أخواته على العشا عشان يحطلهم السم
ولما قعدوا علي العشا كانت كل الأطباق الاكل فيها سم الا الطبق بتاع حاتم .. واحد من اخواته طلب منه حاجة يجيبها من جوا .. ولما قام حاتم من علي الأكل
اخواته حطوا السم في الطبق بتاع حاتم ..

وكلهم أكلوا وقبل ما يقوموا كانوا كلهم ميتين علي السفرة ..

ليه الجثة عملت كده ؟
عملت كده عشان تنتقم من أولاد الراجل اللي قتلها ..
وليه أبوهم طلب منهم انها تختفي ؟
ابوهم مكانش طلب منهم ولا كتب واصية من الاساس
لكن المحامي كان ابو البنت اللي اتقتلت .. وهو اللي رتب لكل اللي حصل .. ابو القتيلة اشتغل مع ابو حاتم بعد ما عرف ان هو اللي قتل بنته وقرر ينتقم ..
ابو القتيلة هو اللي حط سم لابو حاتم وقبل ما يموت خلاه مضأ علي كل املاكه .. والجثة مكانتش جثة
كان كله تمثيل .

القصة مفيهاش رعب لكن في أحداث حقيقية

لو القصة عجبتكم متنسوش تدعموني بالنجمه .. وشير .. وكومينت فيه رأيك .. لان ده بيفرق معايا جدا♥

#اسلام_احمد