"""""""""""""""""„"""""""""""""""""""
كعدت ع الم قوي براسي وعيوني يوجعني
احس كوه افتحهم بس قاومت واني اسمع اصوات يمي
احس صوت بچي يم راسي
اصوات تتردد لمسامعي وكللام رجف اعصابي
احاول احرك لساني اريد انطق واحجي ماكدرت
حاولت حاولت بس فشلت مع الاسف
فتحت عيوني وادور بالغرفه منو يمي وشجاي يحجون
معقوله الي اسمعه صح؟
شوي شوي توضحت الرؤيه عندي وصرت اشوف
بوضوح عقجت وجهي بألم بس قاومت وحاربت نفسي
حاولت الفت راسي لمصدر الصوت رغم الالم
راكان وليان كاعدين يم راسي دموعهم ع خدهم
جانوا مبدلين يعني مو ملابس عاديه
ليان عبالك جايه من عرس
وراكان مبين كاشخ
حاولت الفظ حروف عتاب
حاولت احجي واسالهم اذا صح الي يكولوا
بس ماكدرت مجاي اكدر احجي
احس بلعومي مجرح واوتاري الصوتيه متقطعه
رفعت ايدي ثكيله احسهه نزلت وطلعت صوت قوي
بسرعه انتبهوا عليه اجوا يركضون
اغمض والاح وراكان يبوس بيه
ليان فرحانه وتكمز بمكانهه
رجعت راسي قوي ع المخده وحاولت تكوم نفسي
ساعدني واكان وهو يكول
راكان.الف حمدلله وشكر ياربي رجعلنه اخوي
ليان.الف الحمدلله اروح اصيح خاله ابشرهه
راكان.امي راحت
ليان.مو عساس كالت ماروح؟
راكان.لا اجه ابوي اخذهه
حاولت اسالهم شصاير وشنو جنتوا تحجون قبل شوي
بس ماكو ميطلع مني بس انين قوي
اريد احجي ماكدرت
همه يسالون واني ماكدر اجاوبهم استغربوا وضعي
راكان.شبيج ااركان كوم احجي وينك وين صوتك؟
اهز براسي هو عگد حاجبه مستغرب ؟
اني بنفسي مستغرب من نفسي شجاي يصير؟
شصارلي؟
هو بسرعه طلع يركض ويخابر بموبايله
من كلامه افتهمت هذا دكتور الي يحجي ويا
مرت نص ساعه دخل عليه دكتور لابس الصدريه البيضه
وورا راكان
تقدم الدكتور
تحمدلي بالسلامه ماكدرت ارد عليه
ااشر عليه واساله بالاشاره شكو شبيه اني ؟
ليش ماكدر احجي ؟
بده يفحص بيه لمده نوعاً ما طويله
ابتعد يهز براسه متأسف ويباوعلي نضرات شفقه
ويباوع ل راكان
د..اول شي الحمدلله ع سلامته المريض سليم وتعده مرحله الخطر وطلع من مرحله الغيبوبه !
راكان.الحمدلله بس دكتور ليش ميكدر يتكلم؟
د..المريض مع شديد الاسف عنده خلل بالاوتار الصوتيه الحادث ماثر ع حباله الصوتيه وهذا ادى لعدم استيجاب والقدره ع النطق ...
وبذيچ اللحضه عرفت خلص هنا توقفت حياتي
عرفت اني خسرت كلشي من خسرت نطقي
خسرت وسن !
خسرت صوتي؟
خسرت صحتي!
خسرت ناسي؟
خسرت كلشي .. كلشي صار بحححح
بعد ما سمعت ليان وراكان يحجون وليان تبچي
ليان.زين هو سمع الدكتور من كال هيج؟
راكان.اي وحسيته كلش انقهر والدمعه بعينه
ليان.حقه ونبي الصدمات صارت وحده ورا اللاخ توكع ع راسه
راكان.بعده ماداري بالسالفه الاكبر الي من الممكن تدخله انهيار
ليان.الله عليك لتكوله راكان ونبي خطيه انقهر عليه
راكان.اول تالي يعرف خلص هو خسر حبيبه الطفوله واليوم صارت ببيت رجال وعلى ذمته
ليان.والله لو تشوفهن لوسن كطعت روحهه من البجي تكول صديق طفولتي نايم بغيبوبه واني هنا ادك واركص ؟
راكان.صحيح هي متحبه ك حبيب بس تموت عليه ك صديق وتعتبره اخوهه بس هو مشاعره الغبيه خربطته وخانته وخلته يحب ..
ليان.اوووف شلون من رح يعرف شرح يصير بحاله
راكان.اهم شي تحذرين بييتكم احد يكول كدامه وهنا اني رح احجي وي اهلي
ابتسمت بألم .. وبأنكسار.. وبقهر.. وخذلان
غمضت عيني واني احس بالخيب
فتحت عيني ونزلت دمعتي رفعت ايدي مسحتهه بكف ايدي
خلص راكان مظل شي تعيش علموده
صوتك وخسرته..!
حبيبتك خسرتهه..!
ماعندك اهل يهتمون
ماعندك صديق يحس بيك
ماعندك احد يفهمك
""""""""""""""""
اي نعم هذا اني هسه امشي بشوارع تركيا
افتر خال ايدي بجيوبي
اشتم الهوى النقي
البخار الي يطلع من حلكي لان الجو بارد
استرجع ذكرياتي الي عشتهه بالعراق
وبالانبار تحديداً
هذا اني الشاب الي لهسه اعاني من عدم نطقي
هذا الشاب اني الي نمت بغيبوبه لمده اشهر
ومن صحيت ... صحيت ع خبر زواج حب طفولتي
لا اعلم ماذا افعل
كل الذي بوسعي فعله التهرب من الواقع
كل الذي بوسعي فعله هو النظر السمع فقط
دگ موبايلي يعلن ع اتصال احد الاشخاص
رفعته اخوي راكان مواسي احزاني
رفضت الاتصال هو يتصل علمود ارد ع رسائله
فتحتهن مراسلني هواي يسال ع احوالي
تنهدت ورديت عليه شوي سولفنه
راكان.شوكت ترجع للعراق؟
اركان.ماعتقد ارجع هنا مرتاح بعيد وسعيد
راكان.شبيك اركان ليش ذابح روحك راحت البنيه بحال سبيلهه وهسه عايشه وتعال شوفهه مرتاحه
اركان.عجب اني شرايد غير راحتهه الله يديم الراحه ويسعدهه عبن سعادتي مربوطه بسعادتهه
راكان.عجل متجي هنا والله مشتاقيلك
اركان.هه ياهو يشتاقلي؟
راكان.شبيك غير اني اخوك ..المهم اريد اعزمك
اركان.خطبت ليان؟
راكان.ههههه شمدريك ولك
اركان.خايب مفضوحين انتم
راكان.المهم تعال تره هذا الخميس خطبتنه
اركان.ان شاء الله ... زين وعثمان شصار ع سالفته؟
راكان.هذا الولد دوم مشلوع گلبه تعال ونكعد كعده زينه ونسولف ونفضفض
اركان.ان شاء الله يلا مع السلامه
شديت الموبايل رجعت للشقه الي ساكن بيهه
وفعلاً يومين واني رجعت للعراق (للانبار)
وصلت البيت صار تقريباً ٦ اشهر ما داخل هنا
اتصلت ع راكان بسرعه انفتح الباب ابتسمت
راكان حضني حيل ويبوس بيه ويتحمدلي بالسلامه
دخلت محد جان بالبيت
راكان.عمي علي مسويلة عزيمه بييته واني بقيت انتضرك لان ادري رح تجي هنا كبل
هزيت راسي مبتسم صعدت للغرغه سبحت
ارتاح من تعب السفر وبدلت
لبست دشداشه بيجي وغتره ماروني (طلب راكان)
وتعطرت اخذت السبحه ونزلت
جان كاعد راكان ع التخم شافني وكف ابتسم
راكان.كبران بعد اخوك وزلمه معدل صاير وطالع تشگگ بالشماغ
ضحكت وطلعنه سوه وصلنه لبيت عمي
جانت بس سيارات العائله طابكه يعني ماكو غريب
دخلنه سوه الباب جان مفتوح
صارت ذيج الهوسه عليه الحلوه قشعر جسمي
تلكوني احضان وبوس وعمي علي ماعافني
سحبني عمي عبدلله حضني حيل طبطب ع اجتافي
عبدلله.الحمدلله ع سلامتك زلمتنه الكفووو
هزيت راسي وراحت عيني ع محمد
ابتسمت بوجهه ردلي الابتسامه ونضراته بيهه حجي
غضيت النظر عنه وكعدت يم عمي علي
علي.كوم سلم ع امك طاك كلبهه عليك
هزيتله راسي كمت وكفت ويمي عثمان
الي لحيته طولانه ومبين عليه التعب كبران ١٠ سنوات كدام
حطيت ايدي ع اجتافه وابتسمت باوعلي مبتسم
عثمان.ولك جنت ترفع رجلك يلا تلزم جافي هسه واكف بصفي وايدك ع اجتافي هنهههههه
ضحكت وطلعنه سويه دخلنه يم باب المطبخ
صاح عثمان بصوت عالي
عثمان.يالله يالله احممم احمممم
مدت راسهه ليان من المطبخ وعاطت من شافتني
ضحكت واجتي تركض
ليان.عزاا انت اركان لو ياهو؟ههههه
هزيت راسي وبستهه من راسهه اضحك عليهه
كالت ادخلوا محد جوا غريب
دخلنه اني وعثمان كلهن كامن يسلمن امي حضنتني تبجي
بست راسهه وايدهه وابتعدت
كلهه تتحمدللي بالسلامه عثمان يرد بمكاني
ماسمعلك اله عيطه اجت من ورانه
التفتنه واله الكه ذيج الخبله المخبلتني
ابتسمت وتوسعت ابتسامتي اجتي تركض وكفت كدامي
رافعتلي راسهه اللقزمه
وسن.اركاااان عزااا شوكت اجيت
هزيتلهه راسي اضحك وهي تضحك نزلن دموعهه
وسن.ونبي كبران وصاير حلو معرفتك ههههه فدوه صار هواي مشايفتك يالكاطع
كلش جان بنفسي اكللهه مشتاگلچ
اكللهه بعدچ خبله ماتغيرتي
اكللهه صايره تخبلين اكثر من قبل
هزيت راسي واختفت ابتسامتي من شفت بطنهه عاليه
نصيت راسي واشرت لعثمان نطلع
هاهيه احترگت روحي وانزرف گلب كافي خل اطلع
شوي وعرفت عمي عبدلله شايل ببيت وحد
اخذ مرته وابنه وراحوا ابوي كال رح يروح قبلنه
وتقريبا فرغ البيت من راحت عمتي وولدهه بس
عثمان بقه
كاعد وحدي بالديوانيه وادخن جكاير دخل عليه محمد
درت وجهي هو كعد كبالي
محمد.داير وجهك عني يبن عمي؟
باوعتله وابتسمت وهزيت راسي بمعنى لا
محمد.ادري عندك حجي هواي بكلبك وشايل عليه بكلبك وتريد تحجي وتنفجر بوجهي بس طبعك كتوم
طلعت موبايلي ودزيتله رساله (شمنتضر احجي مثلا؟نسيت اني اخرس؟ )
محمد.ابدد مو هيج قصدي بس كلت بما انو وحدنه خل نتصافه ونستغل الفرصه
اركان..(شرايد من الاخير يبن عمي)؟
محمد.رايد اعرف شبيك داير وجهك عني
اركان..(عجل اني سمعت خبر وطلع جذب)
محمد..شنو الخبر؟
اركان.(قبل فد ٦ اشهر هيج قبل الحادث سمعت اننت فسخت الخطوبه ؟ اشو اصبح مرتك هسه لا وحامل )؟
محمد..اني قررت افسخ بس مافسخت لان عمي عبدلله مارضه وكال ازوجهه من الصبح لصاحبي واني ماردت اكسر بخاطرهه!.
اركان.(عجل مو تدريني اني اخطبهه من عين باجر؟)
محمد.ماكدر اجرحك بالكلام ولا قصدي بس انت تريد تعرف واني ماريد اجذب عليك كلت لعمي عبدلله اركان ياخذهه هو رايدهه بس هو مارضه كال بتي مانطيهه لواحد اخرس بتي ماناقصهه شي ؟
ضحكت اني بس بدون صوت طبعاً ماعندي صوت!
كتبت رساله بس اصابعي ترجف واحس اعصابي توترت
اركان.(ووسن شكالت بخصوص الموضوع؟)
محمد.اني كتلهه اركان يخطبج بس ماكتلهه يريدج كالت ادري اركان يعتبرني صديقته ومايخطبني واني امشي ورا راي ابوي مدام ابوي مراضي ب اركان اني هم ماريده
اركان..(حقهه هي تا تكمل دراستهه واني اخرس وتركت جامعتي )
محمد.مو هيج والله انت تعر....
ماخليته يكمل كلامه لان احس شراره ع بركان گلبي
كمت وطلعت من الديوانيه اتنفس سريع واحس
الدم صعد لراسي
اريد شكو شي كدامي اكله واخلص حيل اختنكت
طلعت اتمشى لبيتنه حتى بدون سياره
وصلت فتحت الباب بسرعه جان بس راجع مامطبوك
صعدت لغرفتي كبل وقفلت الباب افتر بيهه
صرت اتنفس سريع واووون ماعندي صوت اطلع حركتي بي
حيل اختنكت من عيشتي وكرهت حياتي
عمي هيج يكول عليه ومايريد ينطيني بنته
عجل الغريب شيكول عليه اذا اتقدم لبنته ؟....
انه حالي مثل عانس ابد ماجايتهه قسمه
وتشتغل بقاعه اعراس
انه حالي مثل زلمه جبير وماعنده خلفه
يوصل اطفال المدارس
وحالي جن وحده فقيره تقبل تعيش بحصيره
وتنتضر ع الحصن فارس
وصار حالي جن يتيمه مات اخوهه
ومابقه بالبيت حارس...
""""""""""""""""""„""""""""""""""""""