أسيرَ عيناكيِ

بارت 48

أحببتهُ بكل ما وهَبني الله من عاطِفة..

"""""""""""""""""""""&""""""""""""""""""""""
امي.شبيچ انتي تردين تدفنين نفسچ وهو رح يشوف حياته ويتزوج؟.
حور.هسه انتي التردي شنو؟.
امي.توافقين ع هذا الولد الي اجاج اشو مشاء الله جمال واخلاق
حور.وفلوس نسيتي تكولين!.
امي.حورر احترمي اني امچ
حور.ليش ضجتي مو هاي الحقيقه انتي موافقه عليه لان عنده فلوس وبيت بالمنصور ومولات وشركات ومشاء الله يعني...

امي.انچبي هسه واتركي هاي السالفه ع جهة وفكري!.
حور.خلص اني گتلچ ومستحيل ارجع بقراري
امي.رح اخليچ تفكرين المره تريد الجواب باسرع وقت ابنهة وحيدهة وتريد تزوجه
حور.مانصحچ تنتضرين مني شي لان اني قراري مبين وتعرفي كلش زين!.

عافتني وطلعت من الغرفه شمرت المخده من ايدي
وضربت راسي بتاج الجربايه
يربي خلصني
اخذني يربي اريد اخلص

مالحگت افكر واخذ قرار اله وصعدتلي امي ثاني يوم
راحت لكنتوري تگلب بالملابس وتدردم عليه

حور.شكوو وين رايحين؟.
امي.مارايحين العالم اجوا دايردون يشوفوچ!.

كمت من مكاني واني متفاجئه
حور.ليش منو كال اني موافقه؟.
امي.اذا اظل عليچ أأيس منچ حاچيت ابوچ البارحه واتفقت وي المره اليوم تجيب ابنهة ورجلهة ويجون يشوفوچ
حور.صدُك داتحجين انتي من كل عقلچ؟.
امي.ادبسزز كلش زايحه المستحى وكتلج يجون يعني يجون يلا كومي شوفيلچ شي مرتب

حور.مانزل يعني مانزل والله مانزل
امي.لا تحلفين انچبي وتنزلين مثل الورد
حور.لو يجي مدري منو مانزل
امي.ديلا يلا بدون حچي زايد لا تفشلينه كدام العالم

شمرت عليه الملابس الي طلعتهن وطلعت من الغرفه
مستحيل اصدك هاي امي؟.
هيج الفلوس تلعب بالنفوس؟.
اني بنتهة !.
هيج بهل سهوله تريد تبيعني تحت مسمى (اريدلچ عيشه زينه)؟.

وصدك لليل اندگ الباب ومانزلت اني صعدتلي امي
تكرص بيه وتحچي بصوت ناصي متريد تصيح
لان همه جوا؟.

جبرتني اكوم البس الفستان الطويل لونه بنفسجي
ردانه كيبور وعلى طول ايدي
ومستور وشعري فتحته حتى بدون تسريح
ماخليت مكياج عاندت
وهي سكتت مني لان شافتني اله شوي واكوم اصيح

نزلتني وهي لازمه ايدي لان كلشوي اريد اصعد
جانت مره متوسطه بالعمر بس ضخمه وبيضه
حلوه وعيونهة ملونه ...

كاعده بس تباوع بالعين الصغيره ونص نظره
عبالك بس هي الله خلقهة وبس
سلمت عليهة ورحت للمطبخ ادك برجلي
يربي شسوي بس لا هاي امه؟.

وينهة وين ام مهيمن ؟.
هاي وين
ام مهيمن وين
ذيچ تضحك الهوى
هاي تبيع الضحكه بفلوس؟.

يربي بس اريد الصبر ياللهي لان رح ادخل اقتلهة
تحچي كله بالعالي وسوت ابنهة سلطان زمانه