تكتب اللهم اكفني شر خلقك،
وهي الشر نفسه ومامخلية احد بحالة🐍😭💙
""""""""""""""&"""""""""""""""""
نزلت من الدوام اخذت سيارتي وبوجهي ذلعت للكاضم
صفيت السياره ونزلت دخلت واني اشوف الگبه
دخلت بسهوله بالتفتيش لان اصلاً بعدني بزي العسكري
وشوفتهم البطاقه ودخلت
اول شي رحت للحمام توضيت ورجعت
زرت الامام ودعيت ربي يوفقني بحياتي وويديم علينه الرزق والعافيه
ويحفضلي امي ووحيدتي واخواني حزام ظهري...
صليت وكعدت اقرأ شوي قرأن خلصت
وكمت طلعت هم يلا ارجع قبل الغده لان اكيد امي منتضرتني هسه
طلعت دك موبايلي رفعته ابتسمت هاي امي
رواد.هلا يمه
امي.يمه رواد وين صرت بالي يمك؟
رواد.اتطمني حبيبه جاي بس رحت زرت الكاظم
امي.ها خوش لعد شوكت ترجع ؟
رواد .يايمه مو كتلج هسه جاي اني حبيبه ليظل بالج
سديته ولكيت عثمان متصل عليه رفعته وتصلت عليه
عثمان.هلا عضيدي وينك
رواد.هلا خياي جاي بس اجيت ازور موسى ابن جعفر(ع) وهسه راجع
عثمان.خوش ممن ترجع اتصل وطمني لان اني مو هنا بالبصره
رواد.خوش خياي يلا اودعناكم
عثمان.الله وياك عضيدي
سديته وخليته بجيبي وكفت يم محل يبيع اكسسوارات
اريد اشتري لجلنار حبيبتي
بقيت اباوع اكسسوارات رغم بسيطه بس جداً حلوه
وتحسهة بيهة شي مميز واشوف هواي بنات هنا يوكفون
خليت عيني على كلاده نازكه على شكل طير جداً حلوه
لونهة زنجيل اسود والطير ازرك تلوك لجلنار هي بيضه
خليت ايدي عليهة صارت ايد فوك ايدي ايد ناعمه وبيضه يم ايدي السوده
رفعت عيني الايد تسحبت بسرعه باوعت بنيه مشاء الله سبحان الله
المبدع الي خلقهة بأحسن صوره
بنيه واكفه كدامي لابسه عباة سوده ووجهة ابيض
طالعه تشع شع ووجهة دوراني والعيون ساعه
لونهن مدري رصاصي مدري اخضر مدري شنو لون غريب
الخشم ارنبه مو خشم والحلگ جن مصقوله بنص وجهة
والرموش طاخات بحاجبهة المطبور
صفنت والبنيه سحبت اديهة ونزلت راسهة وتدور بعيونهة
حمحمت وصحيت على روحي استغفرلله شلون اباوع هل شكل
رواد.اعتذر خيتي اذا تردين اخذيهة
...لا شكراً اخذهة انت اخي
عافتني وراحت يم نسوان مبوشات استغفرت ربي
اخذت الكلاده الناعمه واخذت وحده نفسهة
بس على شكل سيف الزنجيل فضي والسيف اسود
سيف ناعم مكتوب عليه كتابه صغيره متبين بس حييل عجبتني
اخذتهن ودفعت الحساب وطلعت
مريت اخذتلهم حلويات ورجعت للبيت دخلت للفرع الفرع هادئ
هاي منطقتنه هادئه ومابيهة حس جانت ساعه ٣ الظهر
وكفت كدام لباب دكيت هورن طلع رائد فتح الباب
دخلت السياره للكراج جانت سياره ابوي موجوده
صفيت السياره ونزلت اجه رائد حضني
رائد.هلا يحزام ظهري الحمدلله على سلامتك
رواد.اللهي يسلمك ضلعي حبيبي
وخرت من حضنه دخلت افر بالسويج فتحت بال المطبخ
دخلت امي واكفه يم لميس (بنيه تشتغل عدنه من البنغلاديش)
رحت حضنت امي من وره هي فزت ضحكت مبتعد عنهة
JE LEEST
أسيرَ عيناكيِ
Overigلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
