"""""""""""""""""&""""""""""""""""""
(شوي نتقدم ل احداث راكان)
الكل يحضر لان رمضان ع الابواب والكل فرحان
اله اني غصه بنص گلبي هذا رمضان مو وياي
اني الي جنت انتضر رمضان يوم يوم
بس حتى من ننجمع سوه ونسهر هي تكون كدامي
حتى من نبقى نتابع فلم للسحور هي كدامي
هسه هي مو وياي لا وي زوجهه هذا رمضان تكضي
اول يوم رمضان عزمنه عمي الجبير حتى نفطر عدهم
اخذت اخر نظره ع نفسي وتنهدت
نزعت القميص الابيض وطلعت الاسود لبسته
مالي طعم ولا واهس البسلي لون واني محبوبي وي الغير
حداد ع گلبي التعبان
رشيت عطر ونزلت جوه اهلي سبقوني
طلعت شغلت السياره ورحت لبيت عمي
وصلت نزلت دكيت الباب وفتحه الي محمد
سلم عليه رفعت ايدي ارد السلام لان ماكدر انطق
دخلت جوه وهو وراي
جانوا كاعدين بالحديقه ومادين السفره من الطول للطول
وعليهه تمر ولبن والحبشكلات الخفيفه
بعدهم ما صابين الاكل
منتضرين الاذان
رفعت ايدي اسلم بس محد حس بوجودي
هنا فعلاً حسيت نفسي بموقف كلش موحلو احساسي
جنت بس احمحم الكل يلتفت ويكوم ويسلم
هسه رافع ايدي مثل اشاره المرور ومحد دايرلي بال
حسيت ع صوتهه وراي اي هاي هي تكول
وسن.هلا راكان شلونگ
الكل التفت وبدوا يسلمون واني بس اهز براسي
مثل الزيبگ وماكدر انطق بصوتي واسلم
كعدت والبنات ينقلن بالخفايف والاهل يسلمون
ما اشاركهم كل عاده ماكدر
اذن كمنه توضينه واكلنه تمر ولبن وكمنه نصلي
خلصنه صلاة
بدوا يصبون التمن والمرگ وهل سوالف
كعدنه نفطر واصوات ضحكاتهم وسوالفهم
واصله لذاك الصوب
بس اني محروم وماكدر اشاركهم غير الابتسامه
رفعت راسي اجت عيني بعينهه
هزت براسهه وهمست
وسن.محتاج شي؟
هزيت راسي بالرفض ودرت وجهي
تجبرني احن واشتاگ لذيج ااايام
اشوفهه كاعده يم محمد وسوالف وضحك
جانت هاي كعدتهه يمي وضحكتهه بس اني اسمعهه
وسوالفهه بس اني اتمعن ببيهه
هسه اني حرام عليه انضرللههه
ومو مثل ذاك رمضان حتى ما اكعد يمهه واتنوعلهه.
""""""""""""""""""""&""""""""""""""""""""""
رواد.ووجع علاوي شبيك تخبلت
علي.اي تسودنت بعشكهه وعلي
رواد.استتهدي بالرحمن عللاوي وصلي ع محمد
علي.عليه افضل الصلاه والسلام بس يا رواد احس نار موچره بگلبي
يحچي ويدگ ع صدره حيل فركت شعري
وحجيت
رواد.والله انتوا الشيعه سواديين بالعشگ وبنفس الوقت تعذبون الواحد يلا تنطوا مره
علي.عاد انت مجرب تاخذ بس ماتعرف من يردون الشيعه ياخذوههه من حلگ السبع
आप पढ़ रहे हैं
أسيرَ عيناكيِ
बेतरतीबلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
