أسيرَ عيناكيِ

بارت 34

لا تُراهن على لين قلبي، بهِ قسوة تفزعني أحيانًا 🔥

"""""""""""""""""""&""""""""""""""""""""
جنه كاعدين اني والولد جماعتي مهيب ورواد وغيرهم
نسولف ونضحك بالكوفي مجموعين جمعه من العمر

دخل ولد شاب طويل حلو حنطاوي شكله يجذب
ماعرف شلون يجذب بس الاعرفه هذا الولد

شكله حلو وخله كل الي كاعدين بالكوفي يلتفتون عليه
جان لابس ملابس راقيه ومبين عليه من الطاگين

صح عدنه مهيب طاگ ورواد كذلك ويعني اغلب الي كاعدين
عدنه طاگين وكله يلبسون ع الموديل وكذا

بس هذا الولد حسيته من الخارج ومثل الغريب
يباوع ونضراته بمكسوره وحزينه
حسيت بي محني الظهر. وماكو الي يسنده....

رواد.ول يابه هو اني خيلت ع الولد لعد البنات شلون حالهن؟
مهيب.هههههه ضحكتني والله
مهيمن.اي والله صراحه حسيته واح من الخارج.

الولد كعد ع الطاوله الي تصير معزوله ومنطويه
اجه صاحب الكوفي عمر النركيله يمنه سألنا..

مهيمن.خويه هذا منو؟
رفعت راسي اشرت بيه ع الولد الكاعد
ابو الكوفي التفت ع الولد وهز راسه بيأس

..خطيه هذا سالفته سالفه وقديم اقدم منكم جان يجي هنا دائماً قبلكم كلكم ويكعد يتفرج عليكم واحد واحد ويكوم ويطلع اخر الناس ...

مهيمن.خير شبيه
..مادري والله مامختلط بيه بس سالت كم واحد من الكاعدين وكالوا معاني هواي بحياته..
مهيمن.الله يشرح صدره..

راح ابو الكوفي واني التفت ع الولد
الجماعه رجعوا يلعبون طاولي واني عيني
ع الولد ...

كاعد ويتلفت منا ومنا واحسه غريب ومايعرف شكو؟
اجت عينه عليه ابتسمتله هو ابتسم بانكسار ودنك راسه

كمت من الطاوله وتقربت منه همست
مهيمن.عادي اكعد؟
هز راسه اني سحبت الكرسي وكعدت كدامه
ركزت نضراتي عليه هو رفع راسه باوعلي!..

..تفضل خويه محتاج شي؟
مهيمن.سلامتك..بس احسك مو ع بعضك وحزين ..صاير شي؟
..لا شيصير قابل بعد؟

فتح ايده بيأس ولمحت خيط دمعه بعينه
خليت ايدي وطبطبت ع ايده

مهيمن.اعتبرني اخوك واحجيلي..

حجيت هيج هو مثل الفز باوعلي ومن صدك هلمره
شفت دمعه تلالي بعيونه حيل قهرني وحسيت گلبي نمرد

مهيمن.احجيلي خويه ...؟
..اذا احجي تسمعني وماتمل؟
مهيمن.اسمعلك يخوي لو كل الدنيا دارت عنك.

..اول شي اسمي فهد هه عمري ٢٧ شغلي خير من الله اعمال حره
ابديلك قصتي .بالمختصر المفيد..

الحصيره الي جنه نكعد عليهة جانت بيها الوان...هي نايلون...وبيهة اشكال هواي..دوائر ومربعات ومثلثات...من جنه نتربع عليهة اني واخوتي جانت تطبع ع وجلينه باماكن حمره...جنه من نكمل اكل نضحك ع اللاشكال المطبوعه ع رجلينه...جنه ع كلشي نضحك...حتى جنه مرات نخلي بالصينيه دعبله ونفرها...بالحافه مال الصينيه تفتر وتطلع صوت..ع هذا الصوت هم جنه نضحك...