•حتى تفاصيلها الصغيرة زاهية بشكل مُذهل 🖤
"""""""""""""""""""&""""""""""""""""""""""
..اي بغرفتهة متطلع ولا تقبل تكوم تتعرف ع هذا العار!.
..يعني شلون ؟ اذا متكوم هي شلون رح تتعرفون عليه؟.
..مادري بس حالتهة مو طبيعيه!.
..شلون يعني؟.
..بعدين احچيلگ هسه فهمني شلون اقنعهة تكوم وياي تشوفه؟.
..مادري والله خليهة بعد هي يمته متجيك اخذهة!.
..واظل انتضر المدام شوكت تطخ براسهة؟
..لعد شنسويلهه اذا هي راسهة يابس
..باوع مو شغله عناد بس هي حالتهة مو طبيعيه اعتقد خايفه تروح تشوفه؟.
..ليش هي شعليهة.؟
..مادري رواد يلا اخذ راحتك انت هم عريس ودوختك بعدين احاجيك خل اشوفهة؟.
..خوش واذا اضطر الامر خلي راكان يدخل بحاجيهة
..ان شاء الله يلا مع السلام
رواد.الله وياك حبيبي
سديت الموبايل وتنهدت حولت نضري ع باب الغرفه
شلون اقنعهة تكوم وياي نروح تشوفه وتتعرف عليه ؟.
دكيت الباب ماكو صوت دكيته اكثر من مره ماترد
فتحت الباب لكيتهة مكرفصه بالزاويه وتهز براسهة
تقربت تكرفصت كدامهة واني صافن ع حالتهة
وين جانت ووين صارت؟.
معقوله هاي لارا؟.
عثمان.لارا بروح اهلچ فهميني شبيچ؟ليش هذا الخوف؟. اني وياچ ماكو شي ليش تخافين؟.
لارا..قتلته؟.
عثمان.لا ماقتلتي احد انتِ اني قتلته بس مامات موجود ويريد يشوفچ!
لارا.لا لا ماروح ماروح ماشوفه ماريد ..!
عثمان.احنه منعرفه بس احتمال انتي تعرفين؟.
لارا.لا لا
عثمان.لارا بروح اختچ كومي وياي خل نشوفه يجوز يوصلنه لخيط امل الي دزه؟.
رفعت راسهة عيونهة حمر مخنزره بيهن يخوفن
رجعت دارت وجهة وهي تهمس بكلمات مامفهومه؟.
معقوله خيط خبال عدهة؟.
تنهدت وهزيت راسي بنفاذ صبر كمت من يمهة
ردت اطلع بس اجاني صوتهة وهي تكول...!
لارا.رايحه وياك بس ماريده يقتلني
عثمان.لا محد يدوسلچ طرف كومي وياي
كامت وهي ترجع شعرهة لورا اذنهة وتتلفت منا ومنا
اخذتهة ونزلنه جوه محد جان كاعد بالصاله
بسرعه اخذتهة وطلعنه من البيت صعدتهة بالسياره
شغلتهة وطلعت للمحزن الي مخلين بيه هذا العار
وصلنه نزلت وقفلت السياره وهي تمشي وراي وتتعثر
دخلنه جان مربوط وشادين حلكه وعيونه والدم مغطي وجهة
هي شافته ورجعت لورا خطوتين...!
لزمتهة من ايدهة وسحبتهة عليه
عثمان.انتي وياي بأمان امشي ومعليچ.!
تقدمنه وثنيت كدامه اني طبطبت ع وجهة مرتين
كعد وهو يون بألم....!
سحبت الوصله من عيونه وحلگه رفع راسه دايخ
لارا شهكت ورجعت لورا نضربت بالحايط
عثمان.الله الله شبيچ لارا
لارا.مصطفى؟
الولد كح دم وضحك وهو يباوعلهة...!
YOU ARE READING
أسيرَ عيناكيِ
Randomلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
