أسيرَ عيناكيِ

بارت 43

- لا تنتظر من احد ان يرفعك ، اصنع جناحيك بنفسك وحلق .

"""""""""""""""""""""""&""""""""""""""""""""""""
..انت تحچي صدك؟
.اي شبيك والله
..يعني اني كدامك واكلك اريدهة تكلي اني اريدهة؟
..شنو بكيفك تريدهه اني صارلي ٣سنوات من اريدهة بس منتضرهة تخلص السادس

.يعني بيناتكم علاقه ؟!.
..لا ماكو هيج شي!.
..لا فدوه جمال لتكول هيج والله اني اريدهة.
..حچي يفيدك ان يقبلك رايدهة انت مصارلك سنه تكلي شفتهة وجاي مكيف تريدهة اني صارلي ٣سنين احبهة..

دفعني حيل من ياختي وعيونه مخنزه عليه
ضرغام.تحجيهة بوجهي اكلك اني اريدهة وناوي افاتح الموضوع وي رائد
جمال.مو ع كيفك ولا تفتح الموضوع ولا تتعب نفسك اخذهة اخذهة والي هي متصير لغيري

ضرغام.جمال لتخليي افقد اعصابي عليك
جمال.ضرغام رحمه لوالديك تنساهة لان ماريد تخرب صحبتنه علمود بنيه
ضرغام.احجي هل شي لنفسك رضيت لو مارضيت اني بليل اروح اخطبهة
جمال.علمود رجليك تنحش حش .
ضرغام.چرب وشوف .ماوصيك تعال واغدرني .

جمال.. الغدر طبع النذل انـჂ̤ اضربك بصدرك وكدام عيونك واكلك ردها اذا كفوو

ضرغام.خوش سوي الي انت تكولهة صير زلمه رجال كفو من صدك ومو بس تهوبز صير رجال گول وفعل !.

دفعته حيل من صدره واني ساحبه مت ياخته
جمال.لتخليني اتجاوز عليك وزحمه
ضرغام.لا اشو بله شوفني قدراتك؟

باوعت منا ومنا مالكيت شي بس خشبه
حيل استفزني وهوو يضحك باستفزاز ويكول

ضرغام.يلا اذا انت صدگ رجال سويهة وتعال اضربني وباوع بعيوني ادري بيك صاحبي متكدر

جمال.دنعل ابو صحبتك لا ابوك يا كلب ابن كلب كوا... ماعليك عتب
ضرغام.هذا كل الي تكدر تكوله وتسوي؟؟ههههه صدك ضحكتني!.

رحت جبت الخشبه وركضت عليه هو صفن عليه
تلازمنه اني ويا واضربه بايدي ويرجعلي بوكس

الاعصاب عمت ع عيوني بسرعه
شلت الخشبه وركعته
براسه ....

رجعت لورا خطوتين اثر صدمه الي سويته
باوعت بايدي الخشبه واباوع لازم راسه وينزف

شمرت الخشبه من ايدي حيل وهو وكع بالكاع
ركضت ماخليته يوكف بالكاع وكع بحضني

ضربته ع وجهة ماريده يغمض شلون اني سويت هيج؟
يغمض ويفتح ومبتسم ضحك وكح من كح
طلع دم من حلكه..

..لا لتغمض فدوه هسه اخذك مستشفى !
حجه وككلماته متقاطعه واحسه يجر النفس كوه
:::بالعا...بالعافيه حبي..حبيبي .. بس ..بس لو ...لو كايلي...جان عفتلك ال...العراق...وطلعت بدو..بدون تردد
..لا لا لتغمض فدوه كلشي ماريد والله .

وجهة انسحب منه اللدم صار ازرك واصفر
رغم هذا بس ابتسامته ماختفت ويجر النفس كوه

حسيت الهوى ضاگ عليك والدنيا سودت بوجهي
ماعرف شسوي بس شلته ع اجتافي وركضت بيه