يزيد حبي للشخص
عندما أراه يميزني عن غيري بكلامه بتصرفاته وبأبسط الأشياء ❤️🩹
"""""""""""""""""""&""""""""""""""""""""
مهيب..غزل ..غزل ..كاعده؟
غزل.هممم
مهيب.كومي جبتلج عشى كومي تعشي واخذي علاجج.
غزل.ماريد عوفني نايمه..
مهيب.دكومي ولج وين تفلسفج ؟
غزل.مهيب ربي يخليك اتركني وحدي
مهيب.خوش رح اخلي الاكل ع الكاونتر من تكعدين سويلنه.
غزل.لا تعشه انت اني ماكعد هسه
مهيب.لا ماريد وحدي .
كامت وهي تتافاف لمت شعرهة وغمضت عينهه
رجعت فتحت وكامت من الفراش واني واكف يم الباب اباوعلهه
حركاتهة هادئه ساكنه عكس قبل جانت بسرعه بسرعه
خلصت ومرت من يمي وطلعت اني طلعت وراهة
راحت للمطبخ تمشي بهدوء وانكسار
واني امشي وراهة كعدت ع الكرسي بالمطبخ
وهي كامت تحضر بالعشه الي جبته جاهز من بره
هاي هي رغم مرت سنه ع الي صار بيهة
بس لهسه تكعد بليل اسمعهة ونينهه وبجيهة
تقهرني حيل وينكسر خاطري عليهة
بس مابيدي شي كل الي سويته ومابرد كلبي
لهسه كلماتهة تدگ بگلبي ممن تحجيلي شسووا بيهة
الانذال ..
مهيمن دائماً اروح ازوره واخذله ملابس وغراض
وكل زياره ميوصيني ع احد بس حبيبته
عباراته تركزت ببالي وحفضتهن كلما اروح
(مهيب بالك عليهة تره فاهيه وثوله ماتفتهم)
(مهيب ماوصيك بحوريتي بالك ع مرت صاحبك)
(مهيب اذا صار شي واني هنا لو احد راد ياخذهه مني تزوجهة انت واني من اطلع اخذهه)
(مهيب اذا صار عليه شي هنا كللهه تره يحبچ وجانت امنيته يشوف عيونج)
حاله يقهرني وهو ولحيته الطويله وشعره بي شيب متفرع
دائماً يأنبني ضميري صاحبي خسر شبابه وهستوه دخل بعمر الورد
وراح للسجن بسببي رح يكضيهه ٦سنوات ..
واني عايش حياتي ...
غزل حالتهة النفسيه زفت تروح للجامعه
وترجع جسد بلا روح تاكل وتنام
اني مسوي مؤقت لموبايلي ع وقت علاجهة
كلما يدك المنبه اخابرهة لو اراسلهة ع علاجهة
اروى من ترجع من الجامعه تكعد تحجي لامي
تكللهة رضى دائماً يجي يحاجي بغزل
وهي تصير عصبيه مدري شبيهة صايره فدمره وضعفانه..
انطحن طحن بكلامهة هذا رضى ماناوي يفك عنهة ياخه
واني ماكدر احجي واتدخل بصفتي منو؟
حبيبه مهيمن اروحلهة للجامعه يكولون تركت الجامعه
حرت شلون اوصللهة ومنين اوصللهة
بس اني مايصعب عليه شي ...
ذاك اليوم اجت اروى وكالت صديقتي حبيبهة وياك
وحجتلي اسمهة حور وحبيبهة مهيمن
خوش والله...
هذا الحجي قبل لا ينسجن مهيمن
ف اخذت موبايل اروى وطلعت رقم مكتوب حور
هي خربانه خربانه لو هي لو مو هي
دكيت الرقم اتصلت عليهة اكثر من مره ماردت
رسلتلهه(اني صديق مهيمن اسمي مهيب ازور مهيم بالسجن وحملني اوصلج سلامه)
أنت تقرأ
أسيرَ عيناكيِ
Randomلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
