ကျွန်တော့်ကိုမွေးတုန်းက ချက်ကြိုးကို မေမေတို့ မီးဖိုချောင်ထဲမှာ မြှုပ်ခဲ့သလားလို့ထင်မှတ်ရလောက်အောင် ဟင်းချက်ခြင်းအမှုက ကျွန်တော်နဲ့ကံပါလွန်းသည်။သုံးဆယ်သားဝယ်လာတဲ့ထဲက အနည်းငယ်ကိုကြော်ကာ ဟိုကောင်လေးနေ့လည်စာစားဖို့ပြင်ပေးထားရသည်။ဈေးသွားလိုက်တာကြောင့် ခုနေ့အိမ်ကိုမပြန်ဖြစ်။ကောင်းကောင်းတို့ မနက်စာဘာစားကြမလဲဆိုပြီးတွေးမိပေမယ့်စိတ်တော့မပူဖြစ်ပါ။ဒီကောင်လေးနဲ့ယှဉ်ရင် ကောင်းကောင်းတို့က အရွယ်ရောက်ပြီးကြက်ဥလောက်တော့ ဖြောင့်အောင်ကြော်တတ်တဲ့သူတွေပင်။
ခပ်ကြီးကြီးတုန်းထားတဲ့အသားတွေကို အနေတော်အရွယ်ပြန်တုံးလိုက်ရင်း ရေဆေးလိုက်ကာ ရေခဲသေတ္တာထဲထည့်လိုက်သည်။တိုင်ကပ်နာရီက ရှစ်နာရီခွဲဖို့ညွှန်ပြနေတာကြောင့် ခပ်သွက်သွက်ကြက်သားကြော်ရပေအုံးမည်။မီးမပျက်တာတစ်ခုကိုပဲ ကျေးဇူးတင်ရမည်။ဝယ်လာသမျှအသီးအရွက်တွေကိုလဲ မထွင်နိုင်သေးဘဲရေခဲသေတ္တာထဲမှာသာ စုထည့်ထားလိုက်သည်။ဟိုကောင်လေး စားချင်တဲ့ကြက်ခပတ်ကိုလဲ ခုညနေတော့ ချက်ကျွေးနိုင်မှာပါ။အိမ်မပြန်ဖြစ်တဲ့အကြောင်း ကောင်းကောင်းကို စာပို့လိုက်ကာ အိမ်ပေါ်တက်သွားတဲ့ကောင်လေးကို လှမ်းခေါ်ရသည်။သူ့ဒဏ်ရာတွေသက်သာသွားတာကိုလဲ ကျေးဇူးတင်ရအုံးမည်။မဟုတ်ရင် ကျွန်တော်ဒီထက်ပိုပြီးပင်ပန်းရမှာ။
"ကြယ်တာရာဆွေး..မနက်စာစားတော့လေ။ဆင်းခဲ့တော့.."
လာပြီဆိုတဲ့အသံကိုကြားလိုက်ရပြီး ခနလောက်နေတော့ ရှော့ပင်အတိုနဲ့တီရှပ်တစ်ထည်ဝတ်ထားတဲ့ကောင်လေးက ဆင်းလာသည်။
"ညနေပြန်လာမှ မင်းစားချင်တာကို သေချာချက်ပေးတော့မယ်။ငါ့မှာအချိန်မရတော့လို့ မနက်စာကိုတော့ ကော်ဖီပဲသောက်လိုက်တော့နော်။ပေါင်မုန့်လဲ မီးမကင်လိုက်ရဘူး။ရေခဲသေတ္တာထဲမှာ ကိတ်မုန့်တော့တွေ့တယ် ငါလှီးပေးရမလား.."
"အာ..အဲ့ကိတ်မုန့်က ကျွန်တော့်ဟာမှမဟုတ်တာ။ပိုင်ရှင်ရှိတယ်။သူ့ကိုပေးရမှာ.."
"ဟင်..ဟုတ်လား။ဒါဆို ကော်ဖီတစ်ခွက်နဲ့မင်းဝပါ့မလား။ကြက်သားကြော်တော့ရှိတယ်။ထမင်းစားချင်လား.."
"ရတယ် ဆရာအကိုကြီး။ကျွန်တော် ကော်ဖီပဲသောက်လိုက်ပါ့မယ်.."
ခရားထဲက ကော်ဖီကို ပန်းကန်ထဲထည့်ရင်း မနေ့က ဟိုကောင်တွေနဲ့အလောင်းအစားအကြောင်းစိတ်ရောက်နေသည်။ကျွန်တော် ဘယ့်ကိုမှမရှုံးချင်ပါ။
"ဆရာအကိုကြီးရော..ဘာစားပြီးပြီလဲ။ကော်ဖီသောက်လိုက်ပါလား တစ်ခါတည်း.."
"ငါက မနက်စာမစားတတ်ဘူးကောင်လေးရဲ့။ကိုးတန်းနှစ် ကန့်ဝင်ကတည်းက မနက်စာနဲ့ငါကပေါင်းဖက်လို့မရတဲ့အရာတွေဖြစ်သွားတာ.."
"မနက်စာကို ဘုရင်လိုစားရမယ်တဲ့ဆရာအကိုကြီး။ခန္ဓာကိုယ်လေး မထွားလာတာကလဲ မနက်စာမစားတဲ့အကြောင်းတွေပါလိမ့်မယ်။ဒါနဲ့ ကျွန်တော့်ကို ကိတ်မုန့်မကျွေးတော့ဘူးလားဗျ.."
အိုးထဲက ကြက်သားတုံးတွေကို ဆီစစ်ကာ ပန်းကန်ပြားထဲထည့်နေတဲ့ကျွန်တော့်ကိုကြည့်ရင်းကောင်လေးကဆို၏။
"မင်းပဲ ပိုင်ရှင်ရှိတယ်ဆို။အစားဝယ်ပေးပြီးစားမလို့လား။ကောင်းပါတယ် အဲ့လိုလုပ်တာလဲ။ငါခွဲလိုက်မယ်.."
ရေခဲသေတ္တာထဲက ကိတ်မုန့်ကိုထုတ်လိုက်သည်။ပလတ်စတစ်အထူသားနဲ့ပါကင်ထုပ်ထားတဲ့မုန့်က အရသာကောင်းသလို၊ဈေးလဲကြီးတယ်ဆိုတာ ကျွန်တော်သိသည်။ကျွန်တော်စားနေကျ တစ်ရာတန်ကိတ်မုန့်လေးနဲ့တော့မတူပေ။
"ပိုင်ရှင်က ဆရာအကိုကြီးလေဗျာ။ဘယ်သူကများ သူတို့ပစ္စည်းကို ကျွန်တော့်အိမ်လာထားကြမှာလဲ."
"ငါ.ဒီလိုကိတ်မျိုး တစ်ခါမှမစားဖူးသလို၊တစ်ခါမှလဲ မဝယ်ဖူးဘူးကောင်လေး.."
"ကျွန်တော် ဝယ်ထားတာ ဆရာအကိုကြီးအတွက်."
"ဘာအတွက်လဲ.."
သူ့အတွက်ဝယ်ထားတာလို့ပြောတော့ နားမလည်သလိုကျွန်တော့်ကိုကြည့်ရင်းမေးခွန်းတွေထုတ်နေ၏။အလကားမလိုချင်ဘူးဆိုတဲ့ပုံစံမျိူးဖြစ်သလို ဖြေရှင်းချက်ကိုလဲ စောင့်နေ၏။
"ကျွန်တော့်အတွက်နဲ့ပင်ပန်းရလို့ပါ။ကျွန်တော်အားနာလို့။ပြီးတော့ အပြင်ဆိုင်ခေါ်ရင်လဲ ဆရာအကိုကြီးကမလိုက်တာသိတယ်လေ။အဲ့ဒါကြောင့်ဝယ်လိုက်တာပါ။တစ်ခါတည်းခွဲလိုက်လေ ဆရာအကိုကြီး။ကျွန်တော့်ကိုလဲ နည်းနည်းကျွေး..."
"ငါ့အတွက်ဒီလိုစီစဉ်ပေးစရာမလိုဘူး ကောင်လေး။မင်းက ငါစာသင်ပေးရတဲ့တပည့် ပြီးတော့အန်တီက မင်းကိုစိတ်ချမယ်ဆိုတဲ့အကြောင်းခနခနမှာခဲ့တာ။ငါ့မှာမင်းကို ဂရုစိုက်ရမယ့်ဝတ္တရားရှိတယ်။အဲ့ဒါကြောင့် ငါ့ကိုဘာမှအားနာနေစရာမလိုဘူး။မင်းနေရာမှာတခြားတစ်ယောက်ဆိုရင်လဲ ငါခုလိုလုပ်ပေးရမှာပဲ..."
"သြော်..ဒါဆို ကျွန်တော့်ကို ဂရုစိုက်ပေးနေတာတွေက မေမေ့ကြောင့်၊မေမေက စိတ်ချမယ်ပြောခဲ့လို့ အပေါ်ယံလုပ်ပေးတယ်ဆိုတဲ့ သဘောပေါ့ဟုတ်လား..."
အစစ်တွေလို့ထင်ခဲ့မိတဲ့ပုံရိပ်တွေအပေါ်မှာတော့ ကျွန်တော်သံသယမဝင်ချင်ခဲ့။
"မင်းတောင် ငါ့စေတနာတွေကို ဒီမုန့်တစ်လုံးနဲ့ တန်ဖိုးဖြတ်သေးတာပဲလေ။စေတနာမထားတော့ဘဲ ဝတ္တရားရှိလို့လုပ်ပေးတယ်ဆိုပြီးတွေးရင် ပြီးတာပဲပေါ့။ငါစိတ်ရှုပ်မခံနိုင်ဘူးကောင်လေး။နေ့လည်စာကိုလဲ ငါနဲ့စားဖို့မစောင့်နဲ့။မင်းအတွက် အကုန်စီစဉ်ခဲ့ပြီးသား။ငါခုနေ့လည် ထမင်းပြန်မစားဘူး။ညနေလေးနာရီတော့ အရောက်ပြန်လာခဲ့မယ်။ဆေးသောက်ဖို့လဲ မမေ့နဲ့.."
ဈေးကပြန်လာကတည်းက ဆရာအကိုကြီးပုံစံတစ်မျိုးဖြစ်နေတာ ကျွန်တော်သတိထားမိတယ်။အဲ့ဒါကြောင့် အိမ်ပြန်ရောက်တည်းက အိမ်ပေါ်တက်အဝတ်အစားလဲပြီး ဇီဝပုံဆွဲတွေလေ့ကျင့်နေခဲ့တာ။ဆရာအကိုကြီးမျက်နှာမကောင်းတာကို သတိထားမိတော့ စာလုပ်ပင်မဖြောင့်။အာရုံတွေက လွင့်မေသလိုအထပ်အခါခါကြည့်ထားတဲ့ ပုံတွေရဲ့လေဘယ်ကိုပင် မေ့ကုန်ရလောက်တဲ့အထိ စိုးမိုးလွန်းနေသည်။
"ကျွန်တော်ဆိုလိုတာ အဲ့သဘောမဟုတ်ဘူး။."
"ငါသိပါတယ်..မင်းငွေသုံးနိုင်မှန်း။ငါကမင်းလောက်မပြည့်စုံတော့ပိုက်ဆံအကြောင်းကိုကောင်းကောင်းကြီးနားလည်လို့ မသုံးရက်မစားရက်နဲ့စုတယ်။မင်းလုပ်နေတဲ့အချိုးတွေက ငါကပဲ ငွေမက်လွန်းနေတဲ့ပုံစံတွေဖြစ်နေတယ်ဆိုတာကရော သတိထားမိလား။ငါ့မှာမင်းလို မွေးလာကတည်းက နောက်ခံမရှိဘူး။ငါ့ကိုငွေကြေးအားနဲ့ supportingပေးမယ့်သူ မရှိခဲ့ဘူး။
အေး..ဒါပေမယ့် ငါရတာ မေတ္တာတွေရှိတယ်။နွေးထွေးမှုတွေရောပဲ။မင်းကိုစမြင်တော့ ငါတခြားကလေးတွေနဲ့မတူပဲ အစပိုင်းမှာ အ့မင်မကြည်ခဲ့ဘူး။အချိန်တစ်ခုလောက်ထိ မင်းအနားမှာနေခဲ့ရတော့ မင်းလိုအပ်ချက်တွေကို ငါသိခဲ့တယ်။ဒါကြောင့်ပဲငါ မင်းအပေါ်လိုက်လျောနေခဲ့တာ။ဒါပေမယ့် မင်းကငါ့စေတနာတွေကို စော်ကားလွန်းတယ်လို့ ငါထင်တယ်.."
"မဟုတ်ဘူး ဆရာအကိုကြီး။ကျွန်တော်က ကျွန်တော်က ဒီအတိုင်း..ဝယ်ကျွေးချင်လို့ပါဗျာ။အဲ့လိုသဘောမျိုးနဲ့မဟုတ်ပါဘူး..."
ကိုယ့်ကိုကိုယ်သတိမထားမိနိုင်လောက်အောင်အထိ ဆရာအကိုကြီးကို ကျွန်တော်တောင်းပန်နေမိသည်။ရေးကြီးခွင်ကျယ်လဲ မဟုတ်ပါဘဲ ရိုးရိုးလေးမတွေးဘဲ၊သူမစားနိုင်လို့ကျွန်တော်က ဝယ်ကျွေးပါတယ်ဆိုတဲ့ပုံစံမျိုးအထိရောက်အောင်အတွေးလွန်နေတဲ့ ဆရာအကိုကြီးကို စိတ်တိုချင်သလို အသဲလဲယားလှသည်။
"ရပါတယ်..ငါသွားတော့မယ် ဒါဆို။မင်းကိတ်မုန့်ကို မင်းဘာသားစားလိုက်။ငါကတစ်ရာတန်စားရင်လဲ ဗိုက်ဝတယ်.."
ဆရာအကိုကြီးက အတွေးမလွန်သင့်တာကို လွန်နေတဲ့ပုံစံဖြစ်တာကြောင့် ကျွန်တော်ဘာပြောလို့ပြောရမှန်းတောင်မသိတော့။ဒီအခြေအနေမှာ ကျွန်တော်က စိတ်ဆိုးသင့်တာလေ။စားစေချင်လွန်းလို့ ကျွန်တော်ဝယ်ထားတာပါဆိုပြီးပြောတော့လဲ လက်မခံဘဲ ဘာတွေစိတ်ဆက်နေလဲမသိ။မျက်နှာကတည်တင်းနေသလို၊နှုတ်ခမ်းနှစ်လွှာကိုလဲ တင်းတင်းစေ့ထားသေး၏။
"အတုအယောင်တွေပေါ့ဟုတ်လား။ကျွန်တော့်အပေါ်ပေးနေတဲ့ နွေးထွေးမှုတွေက ဝတ္တရားကြောင့်ပါဆိုတဲ့စကားက ဘယ်လောက်ထိ အထိနာသွားစေလဲ ဆရာအကိုကြီးသိလား။ကျွန်တော်လူတိုင်းအပေါ်မှာလဲ မပျော့ညံ့ပြတတ်ဘူး။သေချာတာက ကျွန်တော်ဆရာအကိုကြီးကိုယုံခဲ့တာ။ကျွန်တော့်ကို အစစ်အမှန်တွေပေးနေတယ်ဆိုပြီး ထင်ခဲ့မိလို့လေ.."
ကျွန်တော့်စကားတွေကို သေချာနားထောင်ပြီးမှ ခေါင်းတစ်ချက်ညှိတ်ပြရင်း.
"ထင်ချင်သလိုထင်။ငါသွားတော့မယ်.."
ထိုင်ခုံပေါ်က အိတ်အဖြူလေးကို ဆွဲရင်းထမင်းစားခန်းထဲက ထွက်သွားတဲ့ရောအကိုကြီးရဲ့ကျောပြင်ကို ကြည့်ရင်းကျွန်တော်မွန်းကြပ်လာသည်။ကော်ဖီရဲ့ပင်ကိုအရသာပျေက်သွားသလိုစိတ်ထဲမှာလဲလေးလံလာသည်။
"ခွမ်း...အ."
ကြမ်းပြင်ပေါ်ကို ခပ်ကြမ်းကြမ်းကျလိုက်တဲ့အရာတစ်ခုရဲ့အသံနဲ့ကောင်လေးဆီက အသံကိုပါ တစ်ဆက်တည်းကြားလိုက်တာကြောင့် ကျွန်တော်လှည့်ကြည့်လိုက်မိသည်။ကောင်လေးက မျက်နှာရှုံ့မဲ့သွားသလို ခုံပေါ်ကနေ ခါးကိုကိုင်းရင်း ခြေခုံကို ဖျစ်ထား၏။
"ဘာဖြစ်တာလဲကောင်လေး။ပန်းကန်ကျကွဲတာလား..."
ကျွန်တော်အတွေးတွေများသွားတယ်ထင်ပါတယ်။ကော်ဖီပန်းကန်ကို စားပွဲပေါ်မတင်မိဘဲ လွှတ်ချလိုက်မိတော့ ခြေဖမိုးပေါ်တည့်တည့်ကျပြီးသွေးစိမ်းရှင်ရှင်တွေထွက်ကအသားပေါ်ပေါက်ချသလို ခံစားလိုက်ရသည်။ဆရာအကိုကြီးက ထမင်းစားခန်းထဲပြန်ဝင်လာပြီး ကျွန်တော့်အခြေနေကိုကြည့်ကာ သက်ပြင်းအကြိမ်ကြိမ်ချနေသည်။
"မလှုပ်နဲ့။အရက်ပြန်ထည့်ပြီး ပတ်တီးစီးမှရမယ်။မင်းဒဏ်ရာတွေ တစ်ခုပြီးတစ်ခုရအောင်ပဲ လုပ်နေတော့မှာလား ကောင်လေး.."
"တမင်လုပ်တာမဟုတ်ဘူး။အသားနာခံပြီး ဘယ်သူကမှ ဒီလိုမလုပ်ဘူး..."
ဒေါသအသံပါသွားတာကို ကျွန်သတိထားမိသည်။အသံကတင်းနေသလို မျက်ခေါင့်တွေလဲ နီနေသေး၏။
"မင်းက အပြောသာကောင်းတာပါ။ငါကပဲစေတနာမရှိတာလား မင်းဘက်ကပဲ စေတနာပျက်အောင်လုပ်နေတာလားကိုယ်တိုင်တောင် မဝေခွဲတတ်တော့ဘူးမလား"
ဆရာအကိုကြီးက ဖန်ကွဲစတွေကို ဂရုတစိုက်ကောက်ရင်း အမှိုက်အိတ်ထဲထည့်လိုက်၏။ပြီးတော့ ခွေးခြေအပုလေးကိုယူရင်း ကျွန်တော့်ခြေထောက်ကို အဲ့အပေါ်တင်စေသည်။ကော်ဖီကုန်နေတဲ့ပန်းကန်လွတ်ဖြစ်တာကြောင့် ကော်ဖီတွေစင်မသွား။ခြေခုံဖြူဖြူပေါ်မှာတော့ သွေးတွေရဲနေသေးသည်။
"ရေနွေးအေးအေးနဲ့ အရင်သွေးသုတ်ပေးမယ်။ခနတော့သည်းခံ။"
"အ..စပ်တယ်.."
"အရပ်ပျံထည့်တာပဲ စပ်မှာပေါ့."
"ဖြည်းဖြည်းလုပ်လေဗျာ။စပ်ရတဲ့ကြားထဲအဆူကခံရသေးတယ် ကောင်းသေးလား.."
"မင်းတစ်ကိုယ်လုံးက ဆူချင်စရာတွေပဲ ဖြစ်နေတာလဲ ထည့်ပြောလေ."
အရက်ပျံထည့်၊အနာကျက်ဆေးထပ်ထည့်ကာပတ်တီးစည်းပေးလိုက်သည်။ကျွန်တော်လဲ သူနဲ့ကျမှ အနန္တဂိုဏ်းတွေလဲ မရှိတော့သလိုပင်။တစ်ယောက်တစ်ခွန်းစကားများနေတဲ့ပုံက သူငယ်ချင်းတွေလို၊ညီကိုတွေလိုပင်။
"ငါ့ကို ဦးချ.."
ဘေဇင်မှာ လက်ဆေးရင်း မျက်နှာတည်နဲ့ပြောလာသည်။ဘုရားကိုတောင် ဦးမချဖြစ်တာ ဘယ်လောက်ကြာနေပြီလဲ။ကျွန်တော်က နားမလည်သလိုတစ်ချက်ကြည့်ရင်း မေးဆက်ပြလိုက်ပြီးတော့မှမေးခွန်းထုတ်ရ၏။
"ဗျာ..ဘာလို့လဲ.."
"မင်းခြေထောက်ကို ကိုင်ပြီးဆေးထည့်ပေးထားတယ်လေ။ပြီးတော့ မင့်ငါ့ကိုပြောနေတာတွေက အကုန်လုံးအကန်တွေ။ကိုယ့်ထက်တစ်နာရီတစ်မိနစ်တစ်စက္ကန့်ကြီးတဲ့သူကို လုလိုတစ်ခွန်းမခံပြန်ပြောတာတွေက အပြစ်မရှိဘူးထင်နေလား။ပြိးတော့ ငါကမင်းရဲ့ဆရာ။ငါကခွင့်လွှတ်ပေမယ့် အပြစ်က ခွင့်မလွှတ်ဘူး။အာစရိယဂိုဏ်းသင့်မှာဆိုးလို့ ဦးချခိုင်းတာ.."
"ညမှမရဘူးလား။ခုက ခြေထောက်နာနေလို့.."
"မလိုချင်ဘူး.ခုလုပ်."
ကျွန်တော်မျက်နှာတည်နဲ့ပြောလိုက်တော့မှ လက်အုပ်ချီကာထိုင်ရက်နဲ့ပင်ဦးချ၏။ကျွန်တော့်ရင်ထဲ ဝမ်းနည်းလာသလိုပင် တစ်ဆို့ဆို့ကြီးဖြစ်လာသည်။မေတ္တာငတ်နေတဲ့ကောင်လေးအပေါ် ကျွန်တော်အနိုင်ယူသလိုတွေဖြစ်နေပြီလား။ကြည်ကြည်ဖြူဖြူနဲ့ရိုရိုသေသေဦးချတယ်လို့ထင်ရင်တော့ မှားသွားလိမ့်မည်။ကျွန်တော့်မျက်နှာကိုတောင်မကြည့်ဘဲ အဖြစ်သဘောသာ လက်အုပ်မိုးလိုက်ခြင်း။
"ဘယ်လိုအမှားပဲလုပ်လုပ် ခုလိုဦးချလိုက်ရင် အပြစ်ကျေတယ်ပေါ့ အဲ့လိုလား.."
"ဟုတ်တယ်.."
"ဘုရားဟောခဲ့တာလား ဆရာအကိုကြီး။ကျွန်တော့်ကို သေချာရှင်းပြလို့ရမလား.."
မကျေနပ်တဲ့လေသံနဲ့ ကျွန်တော့်ကိုကြည့်ကာ အထွန့်တက်နေသေး၏။ဘုရားဟောတရားမှာ ခုလိုမိန့်ခဲ့ဖူးလားကျွန်တော်မသိ။ကျွန်တော်သိတာက စာရေးခုံပေါ်က ထွက်ကျသွားတဲ့ဘောပင်ကို ပြန်ကောက်ယူရင်း ဦးချခဲ့ရတဲ့အယူတွေ၊ထွက်ကျသွားတဲ့ပုံနှိပ်စာအုပ်တွေကို ခေါင်းနဲ့တိုက်ကာ နှုတ်မှပွစိပွစိရွတ်ခဲ့ရပုံတွေက ပြန်ဝင်ရောက်လာတာကလွဲရင် ဒီကောင်လေးကို ချေပဖို့ စကားမရှိ။
"ကိုးနာရီးထိုးတော့မှာ ငါစာသင်သွားတော့မယ်."
စာသင်ဖို့ကို အကြောင်းပြရင်းထထွက်တော့မယ်လုပ်တော့ ကျွန်တော့်လက်ဖုဝါးကို မလျော့မတင်းဆုပ်ကိုင်ခါးရင်းမှ
"နေမကောင်းတဲ့သူ တစ်ယောက်လုံးကို ထားပြီးစာသင်သွားရလောက်တဲ့အထိ အကြင်နာတရားမရှိတာလား ဆရာအကိုကြီး..."
"မင်းဘာဖြစ်နေတာလဲ။မင်းအကောင်းကြီးလေ။ဘယ်နားက နာနေသေးလို့လဲ.."
"ခုမနာပေမယ့် ခနနေနာချင်နာလာမှာပေါ့။မေမေပြောသွားတယ် တစ်ခုခုဆိုရင်ဆရာအကိုကြီးကိုပြောဖို့။ကျွန်တော့်အနာကိုက်ပြီးနာလာရင် ဘယ်လိုလုပ်ရမှာလဲ။ဆရာအကိုကြီး အနားမရှိဘဲ ကျွန်တော်ဘာလုပ်တတ်မှာလဲ။.ဝတ္တရားရှိတယ်လေဗျာ။မေမေပြန်မလာခင်အထိတော့ ကျွန်တော့်ကို ဂရုစိုက်ပေးမှပေါ့.."
"ငါ့ကို စကားနာမထိုးနဲ့။ငါစာသင်လာတဲ့တစ်လျှောက်လုံး ငါ့အလုပ်ကို လေးလေးစားစားနဲ့လုပ်ခဲ့တယ်။အေး..ရတယ်လေ မင်းကနေစေချင်မှတော့ ခုနေ့စာသင်ချိန်တွေအကုန်နားပြီးငါ့နားရက်မှ ပြန်သင်ပေးလိုက်တော့မယ်။."
"အဲ့ဒါ ဆရာအကိုကြီးအပိုင်း။သူတို့စာသက်ချိန်တွေပျက်ကွက်ရလို့ အဲ့အချိန်တွေအတွက်ကျွန်တော်ပိုက်ဆံပေးပါ့မယ်.."
"မင်း ထပ်ပြောပြန်ပြီလား အဲ့ဒီငွေစကား။ငါ့ကို ပိုက်ဆံမမြင်ဖူးတဲ့သူလို့ထင်နေတာလား။."
"အား..နာတယ်ဗျ။လွှတ်."
စိတ်တိုလာတာကြောင့် ကောင်လေးရဲ့ဗိုက်ကြောကို လိမ်ဆွဲလိုက်မိသည်။ဒါကိုတောင် အပြောင်မပျက်ဘဲ ကျွန်တော့်လက်ကိုဆွဲထားသေး၏။နောက်ဆုံးမနေနိုင်တဲ့ ကျွန်တော်ကပဲ လက်ကိုအတင်းရုတ်ကာ သူအနားကခွာလိုက်၏။
"မင်းစာကျက်စရာရှိတာ အိမ်ပေါ်တက်ကျက်။ငါချက်ဖို့ရှိတာတွေချက်ထားတော့မယ်။ထမင်းစားချိန်ရောက်ရင် ငါခေါ်လိုက်မယ်။ရော့..အကိုက်ခဲပျောက်ဆေးသောက်ထား.."
ဆရာအကိုကြီးက သု့အင်္ကျီအိတ်ထဲက အကိုက်ခဲပျောက်ဆေးတစ်လုံးဖောက်ရင်း ကျွန်တော့်ကိုပေးသည်။ကျွန်တော်လဲ မမူတော့ပဲ ဆေးကိုယူကာ ရေနဲ့မျှောချလိုက်သည်။အကြောထိသွားတာကြောင့်ထင်သည်။ထော့နေတဲ့ခြေထောက်ကို ခပ်ဖွဖွဖိရင်း အိပ်ခန်းဆီတက်ခဲ့ရသည်။ဆရာအကိုကြီးက ကျွန်တော့်ကိုလှည့်ပင်ကြည့်။သူလုပ်စရာရှိတာတွေကို လုပ်ရင်းကျောခိုင်းထား၏။ဘာပဲ ဖြစ်ဖြစ်သူ့သမိုင်းမှာ ကျွန်တော့်ကြောင့်စာသင်ချိန်ပျက်ခဲ့ဖူးပြီ။စာသင်ချိန်တွေဖျက်ပြီး ခုနေ့တစ်နေ့လုံးကျွန်တော်နဲ့ရှိနေအုံးမည်။ဒါဆို..ကျွန်တော်ဟိုကောင်တွေကို အနိုင်ရပြီပေါ့။အနာခံလိုက်ရတဲ့ ခြေထောက်လေးကို သနားမိပေမယ့် ကျေနပ်သလိုခံစားရသည်။
ဆရာအကိုကြီး ကျွန်တော့်ကိုစိတ်ပူနေတဲ့ပုံလေးက ချစ်စရာကောင်းလွန်းနေခဲ့တာ ခင်ဗျားတို့သိရဲ့လား။
19.3.2022(Sat)
11:54pm