ကျွန်တော်အိပ်ရာနိူးတော့ ဘေးမှာဆရာအကိုကြီးမရှိနေတော့။ခြောက်နာရီလောက်မှာ သူ့ဖုန်းalarmမြည်လာတာကိုကျွန်တော်ကြားလိုက်မိပေမယ့် အိပ်ချင်နေတဲ့စိတ်ကြောင့်မျက်လုံးဖွင့်မရခဲ့။ခုမှပဲ ဒဏ်ရာတွေက၊နာလာသလို ဘယ်ဘက်လက်ကောက်ဝတ်ကလဲ လှုပ်မရချင်လောက်အောင်နာလာ၏။လှုပ်ရှားသွားလာနေတဲ့အသံနဲ့၊ရေချိုးခန်းတံခါးဖွင့်သံတွေကိုပါ ကြားမိပေမယ့် ကျွန်တော်အသံတောင်မထွက်နိုင်ပဲ နှစ်နှစ်ခြိုက်ခြိုက်အိပ်ပျော်သွားခဲ့ခြင်း။
"တူ..တူ..တူ."
အိပ်ရာပေါ်ကချက်ချင်းမထနိုင်သေးဘဲ အရှိန်ယူလိုက်ရသေးသည်။ကျွန်တော့်ဆီဖုန်းဆက်တဲ့သူက များများစားစားမရှိတာကြောင့် ဘယ်သူဆက်တာလဲဆိုတာ ခန့်မှန်းလို့ရပါတယ်။
"ဟယ်လို..."
"ဘယ်လိုနေလဲသား။သက်သာရဲ့လား။မေမေလဲ အရေးတကြီးထွက်ရတာဆိုတော့ သားကိုတောင်သေချာမနှုတ်ဆက်လိုက်ရဘူး.."
"ရပါတယ်။ကျွန်တော်သက်သာတယ်။မေမေဘယ်နှစ်ရက်လောက်ကြာမှာလဲ..."
"လေးငါးရက်လောက်တော့ ကြာမယ်သား။ခုက ပွဲရုံရောက်မှာ ခနနားနေတာ။စာရင်းစစ်စရာတွေပြီးတာနဲ့ တခြားတစ်နေရာကိုဆက်သွားရအုံးမယ်။သားအကောင့်ထဲ မေမေပိုက်ဆံလွှဲထားတယ်နော်။ဆရာလေးနဲ့လဲ အဆင်ပြေအောင်နေအုံး။စိတ်ဆက်တဲ့သူချင်းဆိုတော့ ပြသနာဖြစ်မှာဆိုးလို့။အန်တီမိုးကလဲ မပြန်လာနိုင်သေးဘူးတဲ့။မေနေအလုပ်တွေ မြန်မြန်လက်စသက်ပြီးပြန်ခဲ့မယ်နော်..."
မေမေ့နွေးထွေးမှုတွေဆိုတာက ဂဏန်းတွေရဲ့အရေအတွက်ပဲ ဖြစ်လောက်ပါတယ်။ဒီအခြေနေတွေနဲ့ကျွန်တော်နေသားကျနေပေမယ့် သူ့အချိန်တွေထဲက ခနလေးတောင်ဖဲ့မပေးဘဲ ကျွန်တော့်ကိုနှုတ်ဆက်မသွားတာကတော့မေမေတော်တော်လွန်ပါတယ်။
"ကျွန်တော်အဆင်ပြေတယ်။မေမေ့ကိစ္စတွေကိုသာ ပြီးအောင်လုပ်ပါ။ကျွန်တော့်ကို စိတ်မပူပါနဲ့..."
"ကောင်းပြီသား။ဒါဆိုမေမေစိတ်ချမယ်နော်။မေမေပြန်လာမှ လက်ဆောင်ဝယ်လာခဲ့မယ်.."
မိခင်တစ်ယောက်ဆီကမေတ္တာတွေဆိုတာ ကျွန်တော်တောင့်တောင့်တတလိုချင်ခဲ့တဲ့အရာတွေဖြစ်သည်။မေမေက မနွေးထွေးတတ်တဲ့ အမျိုးသမီးတစ်ယောက်မဟုတ်ပေမယ့် အိမ်မှာရှိတဲ့အချိန်တွေနည်းတာကြောင့် ကျွန်တော်နဲ့စိမ်းသည်။မေမေ့ကို စိတ်ဆိုးချင်ပေမယ့်၊စိတ်ဆိုးလို့မနိုင်တဲ့အခြေအနေတွေ။ကျွန်တော်ကိုယ်တိုင်က ဘာကိုမှဦးစီးလို့မရသေးတဲ့အချိန်ဖြစ်သလို၊ငွေမရှာနိုင်သေးတဲ့အရွယ်ဖြစ်တာကြောင့်မေမေ့ကို နားနားနေနေ နေဖို့လဲ မတိုက်တွန်းဖြစ်။မေမေ့ဆီက ဆူတဲ့အသံစိတ်ပူတဲ့အသံတွေကို ရလိုရငြား ငွေကိုဓားစာခံအနေနဲ့ ကျွန်တော်သုံးတယ်။မေမေက မဆူမယ့်အပြင်လိုသမျှငွေကိုပါ ရေလိုပေးနေတာကြောင့် အတားအဆီးမရှိပဲ သုံးတာမဟုတ်၊ဖြုန်းဖြစ်သည်။လိုအပ်တာတွေရော၊မလိုအပ်တဲ့အရာတွေကိုပါ မတန်မဆသုံးတတ်သလို၊စိတ်လွတ်ကိုယ်လွတ်သာနေမိသည်။မေတ္တာတောင်းလို့မရတဲ့အတူတူတော့၊ကိုယ့်စိတ်ကြိုက် လွတ်လွတ်လပ်လပ်နေရတဲ့ အရသာကမှ ပိုကောင်းသေးသည်။
"အား...ကျွတ်ကျွတ်.."
အညောင်းဆန့်တောလဲ ရဲရဲမလုပ်ရဲပေ။ဟိုနားကနာလာသလို၊ဒီနားကနာလာသလိုခံစားချက်ကြီးကြောင့် လူကနေရတာနုန်းချိနေသည်။ဏေချိုးလို့လဲ အဆင်မပြေလောက်တာကြောင့် တစ်ရက်နှစ်ရက်လောက်တော့ သည်းခံပြီးနေရပေအုံးမည်။နာရီကို ကြည့်လိုက်တော့လဲ မနက်ရှစ်နာရီပင်ကျော်နေပြီ။မျက်နှာသစ်ဖို့အတွက် ရေချိုးခန်းဆီခပ်ဖြည်းဖြည်းသာ လျှောက်လာခဲ့မိသည်။
ဖုန်းဘက်ထရီလဲ နည်းနေတာကြောင့် အားသွင်းဖို့လုပ်ရသည်။
ရေချိုးခန်းတံခါးကိုရောက်တော့ တိတ်စာရွက်နဲ့ကပ်ထားတဲ့ လက်ရေးဝိုင်းစက်စက်လေးတွေကို မြင်လိုက်ရသည်။မြင်ဖူးနေတဲ့ ဆရာအကိုကြီးရဲ့လက်ရေးဖြစ်တာကြောင့် နည်းနည်းတော့စိတ်ဝင်စားသွား၏။
"မင်းအိပ်ပျော်နေလို့ ငါမနှိုးသွားတာ။မနက်စာကို ထမင်းကြော်ထားတယ်။."
"အိမ်အောက်ဆင်းဖို့အဆင်မပြေရင်၊ မင်းသူငယ်ချင်းတွေကို ဖုန်းဆက်ပြီးခေါ်လိုက်ကောင်လေး။.."
"ပေါင်မုန့်မီးကင်ပြီးသားတွေလဲထားခဲ့တယ်။ရေခဲသေတ္တာထဲမှာ စတော်ဘယ်ရီယိုတွေလဲတွေ့တော့ မင်းစားရတာအဆင်ပြေမှာပါ။နေ့လည်စာကိုတော့ ဆယ့်နှစ်မထိုးခင်ငါလာပို့ပေးမယ်.."
"ဒါက လိုရမယ်ရငါ့ဖုန်းနံပါတ်။တစ်ခုခုဆိုဖုန်းခေါ်လိုက်။မင်းနံပါတ်မသိလို့ ဖုန်းဆက်ပြောဖို့အဆင်မပြေတာ။ဆေးတွေကို မင်းစားပွဲပေါ်မှာတင်ထားတယ် သောက်ဖြစ်အောင်သောက်လိုက်။ညနေလေးနာရီငါလာကာမှ ဆေးထပ်ထည့်ပေးမယ်.."
လေးငါးခုလောက်ရှိနေတဲ့ စာရွက်လေးတွေက ကျွန်တော့်ကို ပြုံးသွားလောက်တဲ့အထိ၊စိတ်ညစ်စရာတွေမေ့သွားလောက်တဲ့အထိစွမ်းဆောင်နိုင်မယ်လို့ ကျွန်တော်မထင်ခဲ့။ဆရာအကိုကြီးက စကားအပြောဆိုမချိုသာပေမယ့် စိတ်ကောင်းလေးတော့ရှိသားပဲဆိုပြီး အမှတ်တွေစွတ်ပေးလိုက်ပါတယ်။ဟိုကောင်တွေဆီကို ဖုန်းဆက်ခေါ်ရင်း အိမ်ကိုလာခဲ့ဖို့ပြောလိုက်ရသည်။ကျွန်တော်လဲ မျက်နှာမြန်မြန်သစ်ကာ ကုတင်ပေါ်မှာပဲလှဲရင်းစောင့်နေလိုက်ပါတယ်။ခြံတံခါးကိုတော့ ဆရာအကိုကြီးစေ့ရုံတင်ပိတ်ခဲ့မှာဆိုတော့ ဟိုကောင်တွေဝင်လာဖို့လဲ အဆင်ပြေလောက်ပါတယ်။
"ဘယ်လိုဖြစ်ရတာလဲ ငါ့ကောင်ရာ မသေကောင်းမပျောက်ကောင်း.."
ခနကြာတော့ ကျွန်တော့်အခန်းထဲထိရောက်လာကြသူတွေက မင်းခန့်နဲ့ဂျိုးလေး ဖြစ်သည်။ကျန်တဲ့ကောင်တွေကိုတော့ အရိပ်ရောင်ပင်မမြင်ရ။မပါလားဘူးထင်ပါတယ်။
"ဟိုကောင်တွေရော..ပါမလာဘူးလား."
"မပါဘူး။သူတို့ဝိုင်းက စာသင်ချိန်နဲ့ကိုက်နေလို့တဲ့ ညလောက်ရောက်မှ မင်းဆီလာကြလိမ့်မယ်။မင်းဘာစားလဲ တာရာ."
"မစားရသေးဘူးလေ။ဆရာအကိုကြီးက အကုန်စီစဉ်ပေးခဲ့တယ်။လှေကားကနေ သိပ်မဆင်းရဲသေးလို့မင်းတို့ကိုစောင့်နေတာ ငါ့ကို တွဲကြအုံး။အောက်ဆင်းကြမယ်။အခန်းထဲနေနေရတာ ထောင်ကျနေသလိုပဲ။"
ဟိုကောင်နှစ်ယောက်ကိုတွဲရင်း ထမင်းစားခန်းထဲအရောက်သွားလိုက်ကြတယ်။ကြွေပြားတွေဟာလဲ ဖုန်တစ်စက်မှမရှိအောင်သန့်ရှင်းနေသလို၊ဘေစင်ပေါ်မှာထပ်ထားတဲ့မဆေးရသေးတဲ့ပန်းကန်တွေဟာလဲ သူ့နေရာနဲ့သူရှိနေသည်။စားပွဲဝိုင်းပေါ်မှာ အုပ်စောင်းအစိမ်းရောင်လေးနဲ့အုပ်ပေးထားသေး၏။
"မင်းတို့ဘာစားပြီးပြီလဲ။ငါ့အတွက် ထမင်းကြော်ပေးသွားတယ်။မင်းတို့စားချင်ရင် ယူသာစားကြ။ငါ့အတွက်ပါ နည်းနည်းထည့်ပေး.."
အစားအသောက်ဆို နှစ်ခါမခေါ်ရတဲ့ကောင်တွေက ပန်းကန်စင်က ပန်းကန်တွေကိုဆွဲရင်း ဒယ်အိုးထဲကနေခပ်ထည့်နေတော့၏။
"ဟာ..ပသျှူးထမင်းကြော်လိုပဲကွ။အသားတွေရော.အသီးအရွက်တွေရောနဲ့ စားလို့ကောင်းမယ့်ပုံပဲ.."
ကျွန်တော့်မျက်စိရှေ့က ပန်းကန်ထဲမှာတော့ မုန်လာဥနီတွေနဲ့ကြက်သားတွေနန်းချင်းပါနေတဲ့ ထမင်းကြော်ဟာ ခပ်နွေးနွေးလေးပဲပူနေတော့သည်။ပဲငံပုရာရည်ခပ်နည်းနည်းသာထည့်ထားတာကြောင့် အဝါရောင်သန်းနေတဲ့ ထမင်းကြော်က တကယ်စားချင်စရာကောင်းနေသည်။ဆရာအကိုကြီးက အဘက်ဘက်မှာပြည့်စုံနေတဲ့သူတစ်ယောက်လို Perfectဖြစ်လွန်းနေသည်။
"အုပ်စောင်းဖွင့်အုံးလေကွာ။ဘာတွေလုပ်သွားတာ ရှိသေးလဲလို့.."
ဂျိုးလေးက ပြောလဲပြော၊အုပ်စောင်းကိုလဲဖွင့်လိုက်တော့ ရေချိုးခန်းတံခါးမှာ ကပ်ထားသလိုစာရွက်လေးတစ်ခုရှိနေပြန်၏။
"ကော်ဖီက အရမ်းမပူလောက်တော့ဘူး။အချဉ်သုပ်လဲ တစ်ခါတည်းလုပ်ပေးထားခဲ့တယ်။ဆေးသောက်ဖို့မမေ့နဲ့နော်တဲ့။ဟေ့ကောင် မင်းဆရာလေးက နွေးထွေးလှချည်လားကွ။မိန်းကလေးတွေတောင် အဲ့လောက်ဂရုမစိုက်တတ်ဘူး.."
"မေမေ့ကို အားနာလို့လုပ်ပေးတာနေမှာပါကွာ။"
ကျွန်တော့်အတွေးကလဲ မမှားနိုင်ပေ။ကျွန်တော့်အပေါ် စိတ်ကွက်ပေမယ့်မေမေ့မျက်နှာရှိတာကြောင့် လုပ်ပေးတာလဲ ဖြစ်ကောင်းဖြစ်နိုင်တယ်လေ။ဒီလို Negative ဘက်ကတွေးတာမကောင်းပေမယ့် ကျွန်တော်အများကြီးမမျှော်လင့်ရဲပါ။လူတွေက ပြောင်းလဲတတ်လွန်းလို့။
"မင်းအမေကို အားနာတာနဲ့ပဲ ဒီလိုလုပ်ပေးနေမှာလား။မနေ့က ဆိုင်ကယ်မှောက်တာ ခေါင်းများထိသွားလား။ဓာတ်မှန်ပါ တစ်ခါတည်းရိုက်ခဲ့ရမှာ."
"တော်စမ်းပါကွာ။မင်းတို့ စာတွေရော ရပြီလား။စာမေးပွဲရက်က တအားကပ်နေပြီနော်.."
"ရတာက ရနေပါပြီကွာ။ဒါနဲ့ မင်းရည်းစားဟောင်း ငါတို့နဲ့ shopping mallမှာတွေ့ခဲ့တယ်။မင်းကိုပါ မေးနေတယ်ဟေ့ကောင်။ဘာဇယားရှုပ်ချင်လို့လဲတော့ မသိဘူး..."
မင်းခန့်က အချဉ်သုပ်ကို ဇွန်းနဲ့ခပ်ယူရင်း သူ့ပန်းကန်ထဲထည့်နေရင်းမှ ပြောလာတာကြောင့် ကျွန်နော်စိတ့ရှုပ်သွားရသည်။အသက်နဲ့အမျှ ရှားရှားပါပါး ရည်းစားတစ်ယောက်ထားခဲ့ဖူးပေမယ့်
ကျွန်တော်လို အသက်ငယ်ငယ်နဲ့ကောင်လေးကို ကစားသွားခဲ့တဲ့သူမကို ကျွန်တော်ဘယ်လိုမှမေ့မရခဲ့။နာကျည်းတယ်၊မုန်းတယ်။ကျွန်တော်အချစ်တွေကို စော်ကားပြီး၊သူလိုချင်တဲ့အရာတွေရသွားတဲ့အခါမှာ ကျွန်တော့်ကို အမှိုက်လေးတစ်စလို နင်းချေသွားခဲ့တဲ့သူမ။မေမေနဲ့တောင်ပြသနာဖြစ်လောက်တဲ့အထိ ထိုနေ့က ဖြစ်သွားခဲ့ကြရသည်။
"မင်း ဘာပြန်ပြောလိုက်လဲ။ငါ့အကြောင်းကို မေးတော့."
"စာမေးပွဲ ဖြေခါနီးနေလို့ ဒီကောင်အိမ်ကပ်နေတယ်လို့ပဲ ပြောလိုက်ပါတယ်ကွာ။ငါလဲ သူနဲ့သိပ်မပတ်သတ်ချင်ဘူး။ဘေးမှာလဲ အသက်ကြီးကြီးအမျိုးသားတစ်ယောက်နဲ့ကွ။သူ့စပွန်ဆာဖြစ်နိုင်တယ်.."
"ဟေ့ကောင် Jamက ဘယ်အံထဲမှာလဲ။."
"ဒုတိယထဲမှာ..."
ကျွန်တော့်အခြေနေကို ရိပ်မိလို့ထင်ပါသည်။ဂျိုးလေးက စကားလမ်းကြောင်းလွှဲရင်း ပေါင်မုန့်ဘက်ကိုလှည့်သွား၏။
"ထမင်းကြော်ကတော့ ငါစားဖူးသမျှထဲမှာ အကောင်းဆုံးပဲ တာရာ။မင်းဆရာလေး ဆိုင်ကပဲသွားဝယ်လိုက်တာလားကွာ။သူလုပ်တာမှ ဟုတ်ရဲ့လား.."
"ဝယ်လောက်သားပဲကွာ။သူ့ဆရာက ဒီလောက်ကပ်စေးနှဲတာ။ငါ့အစ်ကို စာသင်ပေးတုန်းကဆိုသူ့သူငယ်ချင်းနဲ့ ပိုက်ဆံတစ်ထောင်လောက်ကွာတဲ့ကိစ္စကိုကွာ ပြောလို့မဆုံးတော့ဘူး။ဟိုတစ်ယောက်ကလဲ တော်တော်သည်းခံတာကွ။ဘာမှကိုပြန်မပြောတာ။မင်းမှတ်မိတယ်မလား ဂျိုးလေး။ငါတို့ကို အသီးတွေယူပေးတဲ့တစ်ယောက်..."
"အေး..မှတ်မိတယ်လေ"
"ပြီးတော့ သူ့အိမ်မှာရွာက သူငယ်ချင်းတွေကို အိမ်ငှားတင်ထားတာတဲ့ကွ။စာသင်ရသမျှ ပိုက်ဆံတွေကိုဆိုလဲ မသုံးဂက်မစားရက်နဲ့ စုတာဆိုလားပဲကွာ။စာသင်အိမ်တွေကို စက်ဘီးနဲ့သွားနေတာပဲ ကြည့်။ဘယ်လောက်ကပ်စီးကုပ်လဲ သိသာတယ်။ပြီးတော့ သူ့စာသင်ချိန်ဆိုရင် တစ်မိနစ်တောင်နောက်မကျဖူးဘူးတဲ့ အဲ့လောက်ထိစည်းကမ်းလဲရှိတယ်ကွ။တော်ရုံလူတွေစကားမပြောရဲဘူး အနေတည်လွန်းလို့...."
"ဟ..မင်းကသိလှချည်လား မင်းခန့်ရ"
"သိတာပေါ့ကွာ။ငါ့အကိုအကုန်ပြန်ပြောပြတာလေ။ပြီးတော့ ငါ့အကိုက Biကွာ။ဒီကောင့်ဆရာလးကို သဘောကျလို့ဖွင့်ပြောလိုက်တာ။နောက်နေ့ကစ စာလာသင်မပေးတောဘူးတဲ့။ချေချက်ကတော့ တကယ်လက်လန်တယ်.."
"ဟေ့ကောင်တွေ။မင်းတို့စားနေတာ ငါ့ဆရာလေးလုပ်ထားပေးတဲ့ဟာတွေနော်။ဗိုက်ထဲတောင်အကုန်ကျအုံးမှာမဟုတ်ဘူး။သူ့အတင်းကို ပြောနေတာ ရစရာကို မရှိတော့ဘူး။ငါအကုန်သံဖမ်းထားပြီး သူလာရင်ဖွင့်ပြလိုက်ရမလား.."
ကျွန်တော်ပြောလိုက်မိတော့ ကဲလိုက်တာဆိုတဲ့ပုံစံနဲ့ကြည့်လာပြန်၏။
"မလုပ်ပါနဲ့ကွာ။ဟိုနေ့တည်းက မင်းဆရာလေးက ငါတို့ကို သိပ်ကြည်နေတာမဟုတ်ဘူး။တစ်မှုကနေ၊နှစ်မှုဖြစ်အောင်မလုပ်ချင်စမ်းပါနဲ့.."
ဆရာအကိုကြီးအကြောင်းကို သူတို့တွေဘယ်လိုပဲ ဒသနတွေနဲ့ဖွင့်ဆိုနေပါစေ၊ချေတယ်၊အနေတည်တယ်၊ကပ်စီးကုပ်တယ်ဆိုတဲ့အပြောတွေကိုလက်ခံပါတယ်။ကျွန်တော်ခန့်မှန်းသိသလောက်လဲ တကယ်ဖြစ်နေတာကြောင့်အထူးငြင်းဖွယ်ရာမရှိ။ဒါပေမယ့် ဆရာအကိုကြီးမှာ နွေးထွေးတတ်တဲ့နှလုံးသားရှိတာကိုတော့ လူသိနည်းနေသလိုပင်။
"ပန်းကန်တွေတော့ ဆေးခဲ့ပေးမင်းခန့်။ငါကြာကြာရပ်ပြီးမဆေးနိုင်လောက်ဘူး။ဆရာအကိုကြီးကိုလဲ အားနာလို့။ငါ့ကိုအပြင်က ကိတ်မုန့်ပဲဖြစ်ဖြစ်ဝယ်ပေးစမ်းပါကွာ။ဆရာအကိုကြီးကိုကျွေးချင်လို့။မနေ့တည်းက သူငါ့အတွက်နဲ့ပင်ပန်းထားတာ။ပြီးတော့ ငါနဲ့သုံးလေးရက်လောက် အတူနေရမှာဆိုတော့ ကျေးဇူးတင်စကားလဲ သေချာပြောချင်လို့.."
"အေး..ဝယ်ပေးမယ်လေ။ဒါနဲ့ ငါတို့နောက်နေ့တွေမလာနိုင်လောက်ဘူးနော်။စာသင်ချိန်တွေထပ်တိုးတော့မှာ မနက်ဖြန်ကစပြီးတော့။."
"အိုခေဘာ။ရတယ် အေးဆေး။ငါတစ်ယောက်တည်းနေနေကျ။ငါ့ဆရာလေးက မင်းတို့ပြောသလောက်လဲ လက်ပေါက်ကပ်တဲ့သူမဟုတ်ပါဘူးကွာ။သူအပြောမတတ်တာကိုတော့ ငါဟိုနေ့တည်းက ရိပ်မိတယ်။စာသင်ဖို့လဲ ဘယ်လိုမှ အဆင်မပြေလောက်ဘူးဆိုပြီးထင်ခဲ့မိတာ။ဒါပေမယ့် အထင်နဲ့လွဲနေတယ်ကွ။မနေ့က စာသင်ပြီးတုန်းကတောင် ငါနဲ့ဆိုင်ကယ်ပတ်စီးဖြစ်သေးတယ်..."
"ဘာ..အဟွတ်..အဟွတ်.."
ကော်ဖီသောက်ရင်း ကျွန်တော့်စကားကို နားထောင်နေတဲ့မင်းခန့်ပင် ကော်ဖီသီးရလောက်တဲ့အထိ ဆိုင်ကယ်ပတ်စီးကြနဲ့ ကိစ္စက လန့်စရာကောင်းနေလို့လား။
"ဘာလဲကွာ။အလန့်တကြား.."
"တကယ်..တကယ်ကြီး မင်းဆိုင်ကယ်နောက်က လိုက်စီးတယ်။ဟုတ်လား။ငါ့အကိုကြားရင်တော့မင်းကို သတ်ချင်လောက်တယ်.."
"ဘဖြစ်လို့လဲ။ဆိုင်ကယ်စီးတာ အထူးအဆန်းမှမဟုတ်တာ.."
"မင်းခန့်ပြောတာဟုတ်တယ် တာရာရ။မင်းဆရာလေးက ဆယ်တန်းကျောင်းသားတော်တော်များများကို ဝိုင်းသင်ပေးတော့ သူ့မှာတပည့်တွေပေါတယ်ကွာ။သူ့ပုံသေနည်းက စက်ဘီးနဲ့လာရင်လာ၊မဟုတ်ရင် ကုန်းကြောင်းလျှောက်တာ။အကြိုအပို့လုပ်ပေးမယ်ဆိုတာကိုတောင် လက်မခံဘူးနော် မင်းဆရာလေးက။ဘာတဲ့..သူများမောင်းတဲ့ဆိုင်ကယ်ဆို သူ့အဖေမောင်းတဲ့ဆိုင်ကယ်ပဲ စီးရဲတယ်ဆိုပြီးချေချပစ်တာဟေ့။.."
"ဟင်..အဲ့လောက်တောင်ဆိုးလို့လား ငါ့ဆရာလေးက."
"ပြောရင် ကုန်မှာမဟုတ်ဘူးဟေ့ကောင်။မင်းဆရာလေးက ချေတဲ့နေရာမှာနာမည်ကြီး."
"မယုံပါဘူးကွာငါတော့။ဆူတာကတော့ ဆူတယ်။လက်ခံတယ်။ဒါပေမယ့်မင်းတို့ပြောသလောက်ကြီးဆိုးမယ်တော့ ငါမထင်ပါဘူး။."
"လောင်းမလားဟေ့ကောင်.."
"ဘာကိုလဲ။..."
မင်းခန့်က ကျွန်တော့်ကို စိန်ခေါ်တယ်ဆိုတဲ့ပုံစံမျိုးနဲ့ပြီတီတီကြည့်နေ၏။ကျွန်တော်ကလဲ အရှုံးမပေးဘဲ ဒီchallangeလုပ်ဖို့ကို သဘောတူလိုက်သည်။ဂျိုးလေးကတော့ ပဲကည့်ပရိတ်သတ်သာသာပင်။အနိုင်အရှုံးကလဲ ဟော့ပေါ့ဘူဖေးတစ်ဝိုင်းနဲ့ Gameထဲမှာ Epic Skinတစ်ခုကြေးဆိုတော့ တန်တယ်လို့ပဲ ပြောရမည်။လောင်းကြေးက သိပ်မကြီးပေမယ့် ကျွန်တော်နျုင်ချင်သည်။အထူးသဖြင့် ကျွန်တော့်ဆရာလေးကို ကျွန်တော်တစ်ယောက်တည်းအပေါ်မှာတော့ နွေးထွေးစေချင်သည်။ဒါက သူစိမ်းတစ်ယောက်ပေါ်မှာ ပထမဆုံးဖြစ်လာမိတဲ့ လောဘတစ်ခုပင်။
18.3.2022(Sat)
6:33pm